ᱮᱭᱥᱚᱨᱭᱟ ᱨᱟᱭ ᱵᱚᱪᱪᱚᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱮᱭᱥᱚᱨᱭᱟ ᱨᱟᱭ ᱵᱚᱪᱪᱚᱱ
Aishwarya Rai Cannes 2017.jpg
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱱᱚᱵᱷᱮᱢᱵᱚᱨ ᱑, ᱑᱙᱗᱓ (1973-11-01) (᱔᱖ ᱥᱮᱨᱢᱟ)
ᱢᱮᱝᱜᱽᱞᱩᱨ, ᱠᱚᱨᱱᱟᱴᱚᱠ, ᱥᱤᱧᱚᱛ
ᱚᱲᱟᱜ ᱢᱩᱢᱵᱟᱭ, ᱢᱟᱦᱟᱨᱟᱥᱴᱨᱚ, ᱥᱤᱧᱚᱛ
ᱠᱟᱹᱢᱤ ᱮᱠᱴᱨᱮᱥ
ᱠᱟᱹᱢᱤ ᱚᱠᱛᱚ ᱑᱙᱙᱔–ᱱᱤᱛ
ᱩᱥᱩᱞ 5 ft 7 in (1.70 m)
ᱡᱤᱭᱚᱱ ᱥᱚᱦᱮᱫ ᱚᱵᱷᱤᱥᱮᱠ ᱵᱚᱪᱪᱚᱱ (᱒᱐᱐᱗–ᱱᱤᱛ)
ᱦᱚᱯᱚᱱ ᱑ (ᱵᱤᱴᱤ)
ᱥᱩᱦᱤ
Signature of Aishwarya Rai Bachchan.svg

ᱚᱭᱥᱚᱨᱭᱟ ᱨᱟᱭ ᱵᱚᱪᱪᱚᱱ (ᱤᱝᱞᱤᱥᱺ Aishwarya Rai Bachchan) ᱫᱚ ᱥᱤᱧᱚᱛ ᱨᱤᱨᱱᱤᱡ ᱢᱤᱫ ᱯᱷᱤᱞᱢ ᱮᱠᱴᱨᱮᱥ ᱢᱮᱱ ᱫᱚ ᱛᱤᱨᱞᱟᱹ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾[᱑] ᱑᱙᱙᱔ ᱥᱟᱞᱮ ᱨᱮ ᱢᱤᱥ ᱤᱱᱰᱤᱭᱟ ᱨᱤᱱᱤᱡ ᱡᱚᱜᱚ ᱡᱤᱛᱠᱹᱨᱤᱭᱟᱹ ᱦᱩᱭ ᱠᱟᱛᱮ ᱤᱱᱟᱹ ᱥᱮᱨᱢᱟ ᱜᱮ "ᱡᱮᱜᱮᱛ ᱥᱩᱱᱫᱽᱨᱤ" (ᱵᱤᱥᱥᱚ ᱥᱩᱱᱫᱚᱨᱤ) ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾ ᱚᱭᱥᱚᱨᱭᱟ ᱫᱚ ᱦᱤᱱᱫᱤ ᱥᱟᱶᱛᱮ ᱛᱮᱞᱩᱜᱩ, ᱛᱟᱢᱤᱞ, ᱵᱟᱝᱞᱟ ᱟᱨ ᱤᱝᱞᱤᱥ ᱯᱟᱹᱨᱥᱤ ᱨᱮᱱᱟᱜ ᱯᱷᱤᱞᱢ ᱨᱮ ᱷᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱭᱥᱚᱨᱭᱟ ᱨᱟᱭ ᱫᱚ ᱑ ᱱᱚᱵᱷᱮᱢᱵᱚᱨ ᱑᱙᱗᱓ ᱥᱟᱞᱮ ᱨᱮ ᱠᱚᱨᱱᱟᱴᱚᱠ ᱨᱮᱱᱟᱜ ᱢᱮᱝᱜᱟᱞᱩᱨ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱟᱯᱛ ᱫᱚ ᱠᱨᱩᱥᱱᱚᱨᱟᱡᱽ ᱧᱩᱛᱩᱢᱟ ᱛᱟᱦᱮᱸᱫ ᱟᱨ ᱢᱤᱫ ᱢᱮᱨᱤᱱ ᱤᱧᱡᱤᱱᱤᱭᱟᱹᱨ ᱠᱟᱱᱟᱭ ᱟᱨ ᱮᱸᱜᱟᱛ ᱫᱚ ᱵᱨᱩᱱᱫᱟ ᱨᱟᱭ ᱧᱩᱛᱩᱢ ᱟᱭ ᱛᱟᱦᱮᱸᱫ , ᱡᱟᱦᱟᱸᱭ ᱫᱚ ᱢᱤᱫ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ᱟᱡᱤᱡ ᱢᱤᱫ ᱢᱟᱨᱟᱝ ᱫᱟᱫᱟ ᱢᱮᱱᱟᱭ ᱩᱱᱤ ᱫᱚ ᱟᱫᱤᱛᱭᱚ ᱨᱟᱭ ᱧᱩᱛᱩᱢ ᱟᱭᱟ ᱾


ᱮᱭᱥᱚᱨᱭᱟ ᱦᱟᱜ ᱡᱟᱱᱟᱢ ᱟᱲᱟᱝ ᱫᱚ ᱛᱩᱞᱩ ᱯᱟᱹᱨᱥᱤ ᱠᱟᱱᱟ, ᱚᱱᱟ ᱥᱟᱶᱛᱮ ᱩᱱᱤ ᱫᱚ ᱠᱚᱱᱱᱚᱰ, ᱦᱤᱱᱫᱤ, ᱢᱚᱨᱟᱴᱷᱤ ᱟᱨ ᱤᱝᱞᱤᱥ ᱯᱟᱹᱨᱥ ᱤ ᱨᱮᱱᱟᱜ ᱜᱮᱭᱟᱱ ᱦᱚᱸ ᱢᱮᱱᱟᱜ ᱛᱟᱭᱟ ᱾ ᱮᱭᱥᱚᱨᱭᱟ ᱨᱟᱭ ᱫᱚ ᱪᱟᱱᱚᱡ ᱗ ᱦᱟᱹᱵᱤᱡᱟᱱᱫᱨᱚ ᱯᱨᱚᱫᱮᱥ ᱨᱮᱱᱟᱜ ᱦᱟᱭᱫᱨᱟᱵᱟᱫᱽ ᱨᱮ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱠᱚᱣᱟᱜ ᱜᱷᱟᱨᱚᱡ ᱢᱩᱢᱵᱟᱭ ᱨᱮ ᱦᱮᱡ ᱠᱟᱛᱮ ᱠᱚ ᱛᱟᱦᱮᱸ ᱭᱮᱱᱟ ᱾ ᱢᱩᱢᱵᱟᱭ ᱝᱨᱮ ᱩᱱᱤ ᱯᱩᱭᱞᱩ ᱫᱚ ᱥᱟᱱᱛᱟᱠᱨᱩᱡᱽ ᱨᱮᱱᱟᱜ ᱟᱨᱭᱚ ᱵᱤᱫᱽᱭᱟ ᱢᱚᱱᱫᱤᱨ ᱟᱨ ᱚᱱᱟ ᱛᱟᱭᱚᱢ ᱰᱤᱹ ᱡᱤᱹ ᱨᱩᱯᱟᱨᱮᱞ ᱠᱚᱞᱮᱡᱽ ᱢᱟᱴᱩᱝᱜᱟ ᱨᱮ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ ᱯᱟᱲᱦᱟᱣ ᱥᱟᱶᱛᱮ ᱢᱚᱰᱮᱞᱤᱝ ᱨᱮᱱᱟᱜ ᱱᱮᱣᱛᱟ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱟᱨ ᱚᱱᱟ ᱦᱚᱸᱭ ᱠᱚᱨᱟᱣ ᱞᱮᱫ ᱛᱟᱦᱮᱸᱫ ᱾

ᱩᱱᱤᱭᱟᱜ ᱮᱦᱚᱵᱽ ᱢᱚᱰᱮᱞᱤᱝ ᱟᱨᱫᱟᱥ ᱠᱮᱢᱮᱞᱤᱱ ᱠᱚᱢᱯᱟᱹᱱᱤ ᱠᱷᱚᱱ ᱦᱮᱡ ᱞᱮᱱ ᱛᱟᱦᱮᱸᱫ ᱩᱱ ᱡᱚᱠᱷᱟᱜ ᱫᱚ ᱮᱭᱥᱚᱨᱭᱟ ᱙ ᱪᱟᱱᱚᱪ ᱝᱨᱮ ᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱩᱱᱤᱫᱚ ᱠᱚᱠᱚ, ᱯᱷᱩᱡᱤ ᱟᱨ ᱯᱮᱯᱥᱤ ᱮᱢᱟᱱ ᱟᱰᱵᱷᱮᱴᱮᱡᱽ ᱧᱮᱞ ᱧᱟᱢ ᱞᱮᱱ ᱛᱟᱦᱮᱸᱫ ᱾ ᱑᱙᱙᱔ ᱥᱟᱞᱮ ᱨᱮ ᱢᱤᱥ ᱣᱟᱞᱰ ᱡᱤᱛᱠᱟᱹᱨ ᱮᱱ ᱛᱟᱭᱚᱢ ᱟᱡᱟᱜ ᱫᱚᱨ ᱟᱹᱰᱤ ᱰᱮᱦᱮᱨ ᱞᱮᱱᱟ ᱟᱨ ᱟᱭᱢᱟ ᱯᱷᱮᱞᱢ ᱨᱮᱱᱟᱜ ᱫᱟᱣ ᱦᱮᱡ ᱞᱮᱱ ᱛᱟᱦᱮᱸᱫ ᱾

ᱯᱷᱤᱞᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡᱟᱜ ᱯᱩᱞᱩ ᱯᱷᱤᱞᱢ ᱤᱨᱣᱟᱨ ᱛᱟᱢᱤᱞ ᱯᱟᱹᱨᱥᱤ ᱛᱮ ᱦᱩᱭ ᱞᱮᱱ ᱛᱟᱦᱮᱸᱫ ᱡᱟᱦᱟᱸ ᱫᱚ ᱢᱚᱬᱤᱨᱚᱛᱱᱚᱢ ᱮ ᱫᱤᱥᱟᱹᱫᱩᱜ ᱞᱮᱫ ᱛᱟᱦᱮᱸᱫ ᱾ ᱒᱐᱐᱐ ᱥᱟᱞᱮ ᱨᱮ ᱨᱟᱡᱤᱵᱽ ᱢᱮᱱᱚᱱ ᱫᱟᱨᱟᱭ ᱛᱮ ᱵᱮᱱᱟᱣ ᱞᱮᱱ ᱯᱷᱤᱞᱢ "ᱠᱚᱸᱰᱩᱠᱟᱨᱰᱤᱱ ᱠᱚᱸᱰᱩᱠᱟᱨᱰᱤᱱ" ᱯᱷᱤᱞᱢ ᱨᱮ ᱯᱟᱴ ᱞᱮᱫ ᱛᱟᱦᱮᱸᱫ ᱟᱨ ᱚᱱᱟ ᱫᱚ ᱟᱹᱰᱤ ᱜᱮ ᱪᱚᱦᱚᱲ ᱞᱮᱱ ᱛᱟᱦᱮᱸᱫ ᱾ ᱦᱤᱱᱫᱤ ᱯᱟᱹᱨᱥᱤ ᱛᱮ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱫᱚ "ᱚᱣᱨ ᱯᱭᱟᱨ ᱦᱚ ᱜᱟᱭᱟ" ( और प्यार हो गया) ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱥᱚᱧᱡᱚᱭ ᱞᱤᱞᱟ ᱵᱚᱝᱥᱚᱞᱤ ᱭᱟᱜ ᱯᱷᱤᱞᱢ "ᱦᱟᱢ ᱫᱤᱞ ᱫᱮ ᱪᱩᱠᱮ ᱥᱟᱱᱟᱢ" ( हम दिल दे चुके सनम ) ᱫᱚ ᱟᱹᱰᱤ ᱛᱮ ᱥᱩᱯᱚᱨᱦᱤᱴ ᱞᱮᱱ ᱛᱟᱦᱮᱸᱫ ᱟᱨ ᱚᱱᱟ ᱛᱟᱭᱚᱢ ᱞᱮᱛᱟᱲ ᱦᱤᱸᱫᱤ ᱛᱮ ᱯᱷᱤᱞᱢ ᱦᱮᱡ ᱮᱱ ᱛᱟᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]