ᱮᱹ ᱟᱨᱹ ᱨᱮᱦᱢᱟᱱ

ᱟᱞᱞᱟ ᱨᱟᱠᱷᱟ ᱨᱮᱦᱢᱟᱱ ᱫᱚ ᱵᱟᱹᱲᱛᱤ ᱠᱟᱛᱮ ᱮᱹ ᱟᱨᱹ ᱨᱮᱦᱢᱟᱱ ᱞᱮᱠᱟᱛᱮ ᱠᱚ ᱵᱟᱰᱟᱭᱮᱭᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱤᱱᱤᱡ ᱧᱩᱛᱩᱢᱟᱱ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱛᱟᱢᱤᱞ ᱟᱨ ᱦᱤᱱᱫᱤ ᱥᱟᱶᱛᱮ ᱟᱭᱢᱟ ᱯᱟᱹᱨᱥᱤ ᱨᱮᱱᱟᱜ ᱯᱷᱤᱞᱢ ᱨᱮ ᱥᱮᱨᱮᱧ ᱟᱠᱟᱫᱼᱟᱭ ᱾ ᱩᱱᱤᱭᱟᱜ ᱡᱟᱱᱟᱢ ᱫᱚ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮ ᱖ ᱡᱟᱱᱩᱣᱟᱨᱤ ᱑᱙᱖᱗ ᱥᱟᱞᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱡᱟᱱᱟᱢ ᱛᱟᱭᱚᱢ ᱩᱱᱤ ᱫᱚ ᱚᱨᱩᱬᱟᱪᱚᱞᱚᱢ ᱥᱤᱠᱷᱚᱨ ᱫᱤᱞᱤᱯ ᱠᱩᱢᱟᱨ ᱢᱩᱫᱚᱞᱤᱭᱟᱨ ᱠᱚ ᱧᱩᱛᱩᱢ ᱞᱮᱫᱮ ᱛᱟᱦᱮᱸᱫ, ᱢᱮᱱᱠᱷᱟᱱ ᱡᱚᱠᱷᱚᱱ ᱫᱦᱚᱨᱚᱢ ᱮ ᱵᱚᱫᱚᱞ ᱠᱮᱫᱼᱟ ᱩᱱᱡᱚᱠᱷᱟᱜ ᱧᱩᱛᱩᱢ ᱦᱚᱸ ᱵᱚᱫᱚᱞ ᱠᱟᱛᱮ ᱟᱞᱞᱟ ᱨᱟᱠᱷᱟ ᱨᱮᱦᱢᱟᱱ ᱮ ᱫᱚᱦᱚ ᱠᱮᱫᱼᱟ, ᱡᱟᱦᱟᱸ ᱫᱚ ᱠᱷᱟᱴᱚ ᱛᱮ ᱮᱹ ᱟᱨᱹ ᱨᱮᱦᱢᱟᱱ ᱠᱚ ᱢᱮᱛᱟᱭ ᱠᱟᱱᱟ ᱾ ᱴᱟᱭᱤᱢᱥ ᱯᱟᱛᱷᱟᱢ ᱱᱩᱭ ᱫᱚ ᱢᱚᱡᱟᱨᱴ ᱚᱯᱷ ᱢᱟᱫᱽᱨᱟᱥ ᱢᱮᱱᱛᱮ ᱢᱟᱹᱱ ᱥᱟᱨᱦᱟᱣ ᱮ ᱮᱢ ᱟᱠᱟᱫ ᱫᱮᱭᱟ ᱾ ᱨᱮᱦᱢᱟᱱ ᱫᱚ ᱜᱚᱞᱰᱮᱱ ᱜᱞᱚᱵᱽ ᱥᱚᱢᱢᱟᱱ ᱧᱟᱢ ᱟᱱᱤᱡ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱦᱚᱲ ᱠᱟᱱᱟ ᱾^[᱑] ᱱᱚᱶᱟ ᱞᱟᱦᱟ ᱛᱮ ᱦᱚᱞᱤᱣᱩᱰ ᱯᱷᱤᱞᱢ ᱥᱞᱚᱢ ᱰᱚᱜᱽ ᱢᱤᱞᱤᱱᱤᱭᱚᱨ ᱨᱮᱱᱟᱜ ᱥᱮᱨᱮᱧ ᱞᱟᱹᱜᱤᱫ ᱵᱟᱨᱭᱟ ᱚᱥᱠᱟᱨ ᱥᱤᱨᱯᱷᱟᱹ ᱠᱚ ᱮᱢ ᱟᱠᱟᱫ ᱫᱮᱭᱟ ᱾^[᱒] ᱱᱚᱶᱟ ᱯᱷᱤᱞᱢ ᱨᱮᱱᱟᱜ 'ᱡᱚᱭ ᱦᱚ' ᱥᱮᱨᱮᱧ ᱞᱟᱹᱜᱤᱫ ᱥᱚᱨᱮᱥ ᱥᱟᱶᱰᱴᱨᱟᱠ ᱠᱚᱢᱯᱟᱭᱞᱮᱥᱚᱱ ᱟᱨ ᱥᱚᱨᱮᱥ ᱯᱷᱤᱞᱢ ᱥᱮᱨᱮᱧ ᱞᱮᱠᱟᱛᱮ ᱵᱟᱨᱭᱟ ᱥᱤᱨᱯᱦᱟᱹ ᱪᱟᱞ ᱟᱠᱟᱫ ᱫᱮᱭᱟ ᱾^[᱓]

ᱯᱩᱭᱞᱩ ᱡᱤᱭᱚᱱ

ᱨᱮᱦᱢᱟᱱ ᱫᱚ ᱥᱮᱨᱮᱧ ᱟᱡ ᱵᱟᱵᱟ ᱴᱷᱮᱱ ᱠᱷᱚᱱᱮ ᱪᱮᱫ ᱞᱮᱱ ᱛᱟᱦᱮᱸᱫ ᱾ ᱟᱡ ᱟᱯᱟᱛ ᱨᱟᱡᱽᱜᱚᱯᱟᱞ ᱠᱩᱞᱥᱮᱠᱷᱚᱨ ᱫᱚ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱨᱮ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱨᱮᱦᱢᱟᱱ ᱫᱚ ᱥᱮᱨᱮᱧ ᱨᱮᱱᱟᱜ ᱥᱮᱪᱮᱫ ᱢᱟᱪᱮᱫ ᱫᱷᱚᱱᱨᱟᱡᱽ ᱴᱷᱮᱱ ᱠᱷᱚᱱ ᱥᱮᱬᱟ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱒᱒ ᱥᱮᱨᱢᱟ ᱵᱚᱭᱚᱥ ᱠᱷᱚᱱ ᱜᱮ ᱟᱡᱤᱡ ᱜᱟᱛᱮ ᱥᱤᱵᱽᱢᱚᱬᱤ ᱥᱟᱶ ᱵᱮᱸᱰ ᱨᱩᱴᱥ (Band Roots) ᱞᱟᱹᱜᱤᱫ ᱠᱤ-ᱵᱳᱰ (ᱥᱤᱱᱛᱷᱮᱥᱟᱭᱡᱚᱨ) ᱢᱟᱹᱫᱟᱹᱲᱤᱭᱟᱹ ᱞᱮᱠᱟᱛᱮ ᱠᱟᱹᱢᱤᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱪᱮᱱᱱᱟᱭ ᱨᱮ "ᱱᱮᱢᱮᱥᱤᱥ ᱮᱵᱷᱮᱱᱤᱣ" ᱵᱮᱸᱰ ᱫᱚᱞ ᱮ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱠᱤ-ᱵᱳᱰ, ᱯᱤᱭᱟᱱᱚ, ᱦᱟᱨᱢᱩᱱᱤ ᱟᱨ ᱜᱤᱴᱟᱨ ᱦᱚᱸᱭ ᱨᱩᱭᱮᱫ ᱛᱟᱦᱮᱸᱫ ᱾ ᱩᱱᱤ ᱥᱤᱱᱛᱷᱮᱥᱟᱭᱡᱚᱨ ᱦᱩᱱᱟᱹᱨ ᱟᱨ ᱴᱮᱠᱱᱚᱞᱚᱡᱤ ᱨᱮᱱᱟᱜ ᱦᱟᱦᱟᱲᱟ ᱛᱚᱯᱚᱞ ᱢᱮᱱᱛᱮ ᱢᱟᱱᱟᱣᱮᱫ ᱛᱟᱦᱮᱸᱫ ᱾ ᱡᱚᱠᱷᱚᱱ ᱨᱮᱦᱢᱟᱱᱟᱜ ᱟᱨᱮ ᱥᱟᱞ ᱵᱚᱭᱚᱥ ᱦᱩᱭ ᱟᱠᱟᱱ ᱛᱟᱦᱮᱸᱫ ᱩᱱᱡᱚᱠᱷᱟᱜ ᱟᱡ ᱟᱯᱟᱛ ᱮ ᱵᱚᱝᱜᱟ ᱛᱟᱞᱟᱭᱮᱱ ᱠᱷᱟᱱ ᱚᱲᱟᱜ ᱨᱮ ᱠᱟᱹᱣᱰᱤ ᱠᱚ ᱟᱹᱰᱤ ᱡᱩᱨ ᱠᱚ ᱟᱱᱟᱴ ᱮᱱᱟ, ᱚᱱᱟᱛᱮ ᱟᱡ ᱵᱟᱵᱟ ᱦᱟᱜ ᱵᱟᱡᱽᱵᱟᱡᱽᱱᱟ ᱥᱟᱱᱟᱢ ᱠᱚ ᱟᱹᱠᱷᱨᱤᱧ ᱦᱩᱭᱟᱫ ᱠᱚᱣᱟ ᱾ ᱚᱱ ᱛᱟᱭᱚᱢ ᱩᱱᱠᱩ ᱤᱥᱞᱟᱢ ᱫᱷᱚᱨᱚᱢ ᱠᱚ ᱦᱟᱛᱟᱣ ᱠᱮᱫᱼᱟ ᱾^[᱔] ᱵᱮᱸᱰ ᱜᱨᱩᱯ ᱨᱮ ᱠᱟᱹᱢᱤ ᱥᱟᱶᱛᱮ ᱞᱚᱱᱰᱚᱱ ᱨᱮᱱᱟᱜ ᱴᱨᱤᱱᱤᱴ ᱥᱮᱱᱮᱨᱮᱧ ᱵᱤᱨᱫᱟᱹᱜᱟᱲ ᱠᱷᱚᱱ ᱣᱮᱥᱴᱮᱨᱱ ᱥᱟᱥᱛᱨᱤᱭᱚ ᱥᱮᱨᱮᱧ ᱨᱮ ᱥᱚᱱᱮᱨᱮ ᱥᱤᱫ ᱞᱮᱫ ᱛᱟᱦᱮᱸᱫ ᱾^[᱕]

ᱜᱷᱟᱨᱚᱡ ᱡᱤᱭᱚᱱ

ᱨᱮᱦᱢᱟᱱ ᱫᱚ ᱑᱒ ᱢᱟᱨᱪ ᱑᱙᱙᱕ ᱥᱟᱞᱮ ᱨᱮ ᱪᱮᱱᱱᱟᱭ ᱨᱮ ᱥᱟᱭᱨᱟ ᱵᱟᱱᱚ ᱥᱟᱶ ᱵᱟᱯᱞᱟ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱠᱤᱱ ᱨᱤᱱ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱠᱚᱛᱤᱡᱟ', ᱨᱚᱦᱤᱢᱟ ᱟᱨ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱚᱢᱤᱱ ᱢᱮᱱᱟᱭᱟ ᱾ ᱨᱮᱦᱟᱢᱱ ᱤᱡ ᱤᱨᱤᱞ ᱠᱩᱲᱤ ᱟᱡ ᱡᱟᱶᱟᱭ ᱦᱚᱸ ᱨᱮᱦᱢᱟᱱ ᱜᱮ ᱧᱩᱛᱩᱢ ᱟᱭᱟ, ᱡᱟᱦᱟᱸᱭ ᱫᱚ ᱠᱚᱧᱮ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱨᱮᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾ ᱨᱮᱦᱢᱟᱱᱤᱡ ᱵᱷᱚᱬᱡᱟ ᱠᱚᱲᱟ ᱡᱤᱹᱵᱤᱹ ᱯᱨᱚᱠᱟᱥ ᱦᱚᱸ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱨᱮᱦᱢᱟᱱᱤᱡ ᱢᱟᱨᱟᱝ ᱫᱟᱹᱭ ᱨᱮᱦᱟᱱᱟ ᱭᱤᱡ ᱦᱚᱯᱚᱱ ᱠᱟᱱᱟᱭ ᱾

ᱥᱟᱹᱠᱷᱭᱟᱹᱛ

↑ "ᱨᱮᱦᱢᱟᱱ ᱡᱤᱛᱟᱹᱣ ᱮᱱᱟᱭ ᱜᱚᱞᱰᱮᱱ ᱜᱞᱚᱵᱽ" (ᱮᱪᱴᱤᱮᱢᱮᱞ). ᱫᱤᱱᱟᱹᱢ ᱵᱷᱟᱥᱠᱚᱨ. Retrieved ᱒᱔ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)^{[permanent dead link]}
↑ "ᱨᱮᱦᱢᱟᱱ ᱚᱥᱠᱟᱨ ᱨᱮ ᱯᱮᱭᱟ ᱧᱩᱛᱩᱢ" (ᱮᱪᱴᱤᱮᱢᱮᱞ). ᱥᱚᱱᱢᱟᱨᱜᱽ. Retrieved ᱒᱓ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)^{[permanent dead link]}
↑ ᱨᱮᱦᱢᱟᱱ ᱮ ᱧᱟᱢ ᱠᱮᱫᱟ ᱜᱨᱚᱣᱢᱤ ᱥᱤᱨᱯᱷᱟᱹ। ᱯᱟᱛᱷᱟᱢ ᱒ ᱯᱷᱮᱵᱽᱨᱩᱣᱟᱨᱤ ᱒᱐᱑᱐
↑ "Why I converted: The transformation of Dilip Kumar into AR Rahman".
↑ "ᱮᱹ ᱟᱨᱹ ᱨᱮᱦᱢᱟᱱ ᱺ ᱫᱤᱞ ᱥᱮ..." (ᱮᱪᱴᱤᱮᱢᱮᱞ). ᱣᱮᱵᱽ ᱫᱩᱱᱤᱭᱟᱹ. Retrieved ᱒᱔ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)

ᱵᱟᱨᱦᱮ ᱡᱚᱱᱚᱲ

ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ
ᱮᱹ ᱟᱨᱹ ᱨᱮᱦᱢᱟᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
A.R. Rahman Interview NAMM Oral History Program (2013)

[1] "ᱨᱮᱦᱢᱟᱱ ᱡᱤᱛᱟᱹᱣ ᱮᱱᱟᱭ ᱜᱚᱞᱰᱮᱱ ᱜᱞᱚᱵᱽ" (ᱮᱪᱴᱤᱮᱢᱮᱞ). ᱫᱤᱱᱟᱹᱢ ᱵᱷᱟᱥᱠᱚᱨ. Retrieved ᱒᱔ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)^{[permanent dead link]}

[2] "ᱨᱮᱦᱢᱟᱱ ᱚᱥᱠᱟᱨ ᱨᱮ ᱯᱮᱭᱟ ᱧᱩᱛᱩᱢ" (ᱮᱪᱴᱤᱮᱢᱮᱞ). ᱥᱚᱱᱢᱟᱨᱜᱽ. Retrieved ᱒᱓ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)^{[permanent dead link]}

[3] ᱨᱮᱦᱢᱟᱱ ᱮ ᱧᱟᱢ ᱠᱮᱫᱟ ᱜᱨᱚᱣᱢᱤ ᱥᱤᱨᱯᱷᱟᱹ। ᱯᱟᱛᱷᱟᱢ ᱒ ᱯᱷᱮᱵᱽᱨᱩᱣᱟᱨᱤ ᱒᱐᱑᱐

[4] "Why I converted: The transformation of Dilip Kumar into AR Rahman".

[5] "ᱮᱹ ᱟᱨᱹ ᱨᱮᱦᱢᱟᱱ ᱺ ᱫᱤᱞ ᱥᱮ..." (ᱮᱪᱴᱤᱮᱢᱮᱞ). ᱣᱮᱵᱽ ᱫᱩᱱᱤᱭᱟᱹ. Retrieved ᱒᱔ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)

[᱑]

[᱒]

[᱓]

[᱔]

[᱕]