ᱯᱟᱞ ᱜᱷᱟᱨ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱯᱟᱞ ᱜᱷᱟᱨ ᱦᱚᱱᱚᱛ
ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱦᱚᱱᱚᱛ
ᱢᱚᱦᱟᱨᱟᱥᱴᱨᱚ ᱨᱮ ᱯᱟᱞ ᱜᱷᱟᱨ ᱦᱚᱱᱚᱛ ᱨᱮᱭᱟᱜ ᱞᱳᱠᱮᱥᱚᱱ
ᱢᱚᱦᱟᱨᱟᱥᱴᱨᱚ ᱨᱮ ᱯᱟᱞ ᱜᱷᱟᱨ ᱦᱚᱱᱚᱛ ᱨᱮᱭᱟᱜ ᱞᱳᱠᱮᱥᱚᱱ
ᱫᱤᱥᱚᱢ ᱥᱤᱧᱚᱛ
ᱠᱷᱚᱸᱰ ᱠᱚᱠᱟᱱ
ᱢᱟᱹᱪᱤ ᱯᱟᱞ ᱜᱷᱟᱨ
ᱮᱨᱤᱭᱟ
 • ᱡᱚᱛᱚ ᱛᱮ 5344 ᱠᱤᱢᱤ (2063 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱡᱚᱛᱚ ᱛᱮ ᱒,᱙᱙᱐,᱑᱑᱖
 • ᱰᱮᱱᱥᱤᱴᱤ 560/ᱠᱤᱢᱤ2 (1400/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞᱮᱞ
 • ᱥᱤᱠᱷᱱᱟᱹᱛ per cent
IST (UTC+05:30)

ᱯᱟᱞ ᱜᱷᱟᱨ ᱦᱚᱱᱚᱛ (ᱤᱝᱨᱟᱹᱡᱤᱺ Palghar district) ᱫᱚ ᱯᱟᱪᱷᱮ ᱥᱤᱧᱚᱛ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱯᱮ ᱜᱮᱞ ᱛᱩᱨᱩᱭ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫ ᱴᱟᱝ ᱦᱚᱱᱚᱛ ᱠᱟᱱᱟ᱾ ᱯᱟᱞ ᱜᱷᱟᱨ ᱱᱟᱝᱜᱽᱨᱟᱦᱟ ᱜᱮ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚ ᱵᱷᱟᱹᱴᱤᱭᱟᱹ ᱴᱷᱟᱺᱭ ᱫᱚ ᱠᱟᱱᱟ᱾ ᱱᱤᱭᱟᱹ ᱯᱟᱞ ᱷᱜᱟᱨ ᱦᱚᱱᱚᱛ ᱫᱚ ᱠᱚᱱᱠᱟᱱ ᱠᱷᱚᱱᱰ ᱨᱮᱭᱟᱜ ᱢᱤᱫ ᱴᱟᱝ ᱦᱤᱸᱥ ᱠᱟᱱᱟ᱾ ᱚᱛ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱦᱤᱥᱟᱹᱵᱽ ᱛᱮ ᱱᱤᱭᱟᱹ ᱦᱚᱱᱚᱛ ᱫᱚ ᱕,᱓᱔᱔ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱤᱭᱟᱹ ᱭᱟᱣᱟᱛ ᱢᱟᱞ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴᱺ ᱒,᱙᱙᱐,᱑᱑᱖ ᱦᱚᱲ ᱠᱚ ᱛᱟᱸᱦᱮᱸ ᱠᱟᱱᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱔ ᱥᱮᱨᱢᱟ ᱨᱮᱭᱟᱜ ᱑ ᱟᱜᱚᱥᱴᱚ ᱛᱟᱨᱤᱠᱷ ᱦᱤᱞᱚᱜ, ᱛᱤᱱ ᱨᱮ ᱢᱚᱦᱟᱨᱚᱥᱴᱨᱚ ᱥᱟᱨᱠᱟᱨᱮ ᱞᱟᱹᱭ ᱡᱟᱹᱦᱤᱨ ᱠᱮᱫᱟ ᱵᱟᱝᱢᱟ ᱢᱟᱦᱟᱨᱟᱥᱴᱨᱚ ᱦᱚᱱᱚᱛ ᱠᱚ ᱨᱮᱱᱟᱜ ᱥᱤᱢᱟᱹᱱᱟ ᱠᱚᱭ ᱵᱮᱱᱟᱣ ᱟᱹᱨᱩᱭᱟ, Oᱚᱚᱵᱮ ᱩᱱ ᱨᱮ ᱜᱮ ᱢᱟᱨᱮ ᱛᱷᱟᱱᱮ ᱦᱚᱱᱚᱛ ᱠᱷᱚᱱ ᱜᱮᱫ ᱵᱮᱜᱟᱨ ᱠᱟᱛᱮ ᱯᱟᱞ ᱜᱷᱟᱨ ᱦᱚᱱᱚᱛ ᱫᱚ ᱵᱮᱱᱟᱣ ᱟᱹᱨᱩ ᱠᱮᱫᱟ᱾ ᱯᱟᱞ ᱜᱷᱟᱨ ᱦᱚᱱᱚᱛ ᱫᱚ ᱠᱚᱸᱭᱮᱸ ᱱᱟᱠᱷᱟ ᱫᱟᱦᱟᱱᱩ ᱠᱷᱚᱱ ᱮᱦᱚᱵ ᱠᱟᱛᱮ ᱟᱨ ᱱᱟᱭᱜᱟᱶ ᱨᱮ ᱢᱩᱪᱟᱹᱫ ᱟᱠᱟᱱᱟ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱᱟ ᱦᱚᱱᱚᱛ ᱠᱚ ᱛᱮ ᱡᱚᱲᱟᱣ ᱟᱠᱟᱱᱟ᱾ ᱱᱚᱣᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟᱼ

᱑.ᱯᱟᱞ ᱜᱷᱟᱨ ᱛᱟᱞᱩᱠ

᱒. ᱣᱟᱲᱟ ᱛᱟᱞᱩᱠ

᱓.ᱵᱤᱠᱨᱟᱢ ᱜᱟᱲ ᱛᱟᱞᱩᱠ

᱔.ᱡᱟᱣᱦᱟᱨ ᱛᱟᱞᱩᱠ

᱕.ᱢᱚᱠᱷᱟᱲᱟ ᱛᱟᱞᱩᱠ

᱖.ᱫᱟᱦᱟᱱᱩ ᱛᱟᱞᱩᱠ

᱗.ᱛᱟᱞᱟᱥᱟᱨᱤ ᱛᱟᱞᱩᱠ

᱘. ᱣᱟᱥᱟᱭᱼᱣᱤᱨᱟᱨ ᱛᱟᱞᱩᱠ᱾

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱞ ᱜᱷᱟᱨ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱯᱟᱹᱦᱤᱞ ᱮᱴᱩ ᱚᱢᱤᱠ ᱯᱟᱣᱟᱨ ᱯᱞᱟᱱᱴ ᱠᱟᱱᱟ, ᱚᱠᱟ ᱫᱚ ᱛᱟᱨᱟ ᱯᱩᱨ ᱛᱷᱟᱢ ᱜᱟᱹᱫᱤ ᱟᱠᱟᱱ᱾ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱤᱨᱤᱛᱤᱭᱟᱹ ᱱᱟᱝᱜᱽᱨᱟᱦᱟ ᱫᱚ ᱦᱩᱭᱩᱜ ᱠᱟᱱᱟ ᱵᱚᱭᱥᱟᱨ ᱛᱟᱨᱟ ᱯᱩᱨ (Tarapur, MIDC)᱾ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱢᱟᱨᱟᱝ ᱢᱟᱨᱟᱝ ᱦᱟᱠᱩ ᱥᱟᱥᱟᱵ ᱜᱷᱟᱴ ᱥᱟᱛᱯᱟᱛᱤ, ᱫᱟᱦᱟᱱᱩ, ᱟᱨᱱᱟᱞᱟ, ᱣᱟᱥᱟᱭ ᱟᱨ ᱫᱟᱛᱤᱣᱟᱰᱮ ᱮᱢᱟᱱ ᱦᱚᱸ ᱱᱤᱭᱟᱹ ᱦᱚᱱᱚᱛ ᱨᱮ ᱜᱮ ᱢᱮᱱᱟᱜ ᱟᱠᱟᱫᱟ᱾. ᱫᱟᱦᱟᱱᱩ ᱫᱚ ᱪᱤᱠᱚ (chickoo) ᱯᱨᱚᱰᱟᱠᱥᱚᱱ ᱵᱟᱠᱷᱨᱟ ᱜᱚᱴᱟ ᱵᱷᱟᱨᱚᱛ ᱡᱟᱠᱟᱛ ᱨᱮ ᱱᱟᱢᱰᱟᱠ ᱜᱮᱭᱟ᱾ ᱡᱟᱣ ᱥᱮᱨᱢᱟ ᱜᱮ ᱠᱷᱟᱥ ᱪᱤᱠᱩ ᱯᱚᱨᱚᱵᱽ (special Chickoo festival) ᱵᱚᱨᱫᱤ ᱵᱮᱰᱟ ᱫᱟᱦᱟᱱᱩ ᱨᱮ ᱚᱨᱟᱢ ᱦᱩᱭᱩᱜ ᱠᱟᱱᱟ᱾

ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱪᱷᱮ ᱨᱮᱞ ᱣᱮ ᱱᱮᱴᱣᱟᱨᱠ ᱨᱮᱭᱟᱜ ᱞᱟᱭᱤᱱ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱣᱮᱥᱟᱭ, ᱯᱟᱞ ᱜᱷᱟᱨ ᱟᱨ ᱫᱟᱦᱟᱱᱩ ᱛᱟᱞᱩᱠ ᱛᱟᱞᱟ ᱛᱮ ᱥᱮᱱ ᱟᱠᱟᱱᱟ᱾ ᱣᱟᱮᱥᱴᱟᱨᱱ ᱮᱠᱥᱯᱨᱮᱥ ᱢᱟᱨᱟᱝ ᱰᱟᱦᱟᱨ (NH48) ᱫᱚ ᱱᱤᱭᱟ.ᱢᱟᱱᱦᱚᱨ ᱟᱨ ᱪᱤᱞᱦᱟᱨ ᱥᱮᱡ ᱞᱮᱠᱟ ᱛᱮ ᱯᱟᱞ ᱜᱷᱟᱨ ᱦᱚᱱᱚᱛ ᱵᱚᱞᱚᱱ ᱫᱩᱣᱟᱹᱨ ᱠᱟᱱᱟ᱾