ᱯᱟᱠᱭᱚᱝ

ᱯᱟᱠᱭᱚᱝ
ᱯᱟᱠᱭᱚᱝ
ᱥᱚᱦᱚᱨ
	ᱯᱟᱠᱭᱚᱝ (ᱥᱤᱠᱠᱤᱢ) ᱨᱮ ᱯᱟᱠᱭᱚᱝ ᱩᱰᱟᱹᱱ ᱰᱟᱹᱦᱤ ᱧᱮᱞ
	ᱯᱟᱠᱭᱚᱝᱥᱤᱧᱚᱛ ᱨᱮᱱᱟᱜ ᱥᱤᱠᱠᱤᱢ ᱨᱮ ᱴᱷᱟᱶ
	Coordinates: 27°14′22″N 88°35′46″E / 27.2394°N 88.5961°ECoordinates: 27°14′22″N 88°35′46″E / 27.2394°N 88.5961°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱥᱤᱠᱠᱤᱢ
ᱦᱚᱱᱚᱛ	ᱯᱟᱠᱭᱚᱝ
ᱥᱚᱨᱠᱟᱨ
• ᱞᱮᱠᱟᱱ	ᱱᱚᱜᱚᱨ ᱯᱚᱨᱤᱥᱚᱫᱽ
• ᱪᱟᱪᱞᱟᱣ	ᱯᱟᱠᱭᱚᱝ ᱱᱚᱜᱚᱨ ᱯᱚᱨᱤᱥᱚᱫᱽ
ᱩᱥᱩᱞ	1120 ᱢᱤᱴᱚᱨ (3670 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱥᱤᱠᱠᱤᱢᱤ, ᱱᱮᱯᱟᱞᱤ (ᱜᱚᱨᱠᱷᱟ), ᱞᱮᱯᱪᱟ, ᱞᱤᱢᱵᱩ, ᱱᱮᱣᱟᱨᱤ, ᱨᱟᱭ, ᱜᱩᱨᱩᱝ, ᱢᱟᱱᱜᱟᱨ, ᱥᱮᱨᱯᱟ, ᱛᱟᱢᱟᱝ ᱟᱨ ᱥᱩᱱᱣᱟᱨ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱓᱗ ᱑᱐᱖
ᱴᱮᱞᱤᱯᱷᱚᱱ ᱠᱳᱰ	᱐᱓᱕᱙᱒
ᱜᱟᱹᱰᱤ ᱨᱤᱡᱤᱥᱴᱨᱤ	SK 07
ᱞᱳᱠᱥᱚᱵᱷᱟ	ᱥᱤᱠᱠᱤᱢ ᱞᱳᱠᱥᱚᱵᱷᱟ
ᱵᱤᱫᱷᱟᱱᱥᱚᱵᱷᱟ	ᱜᱱᱚᱛᱷᱟᱝ-ᱢᱟᱪᱚᱝ, ᱨᱮᱱᱚᱠ, ᱱᱟᱢᱪᱮᱭᱵᱩᱝ
ᱣᱮᱵᱽᱥᱟᱭᱤᱴ	pakyongdistrict.nic.in

ᱯᱟᱠᱭᱚᱝ ᱫᱚ ᱥᱤᱧᱚᱛ ᱨᱮᱱᱟᱜ ᱥᱤᱠᱠᱤᱢ ᱯᱚᱱᱚᱛ ᱨᱮᱱᱟᱜ ᱯᱟᱠᱭᱚᱝ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱟᱨ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱦᱤᱢᱟᱞ ᱵᱩᱨᱩ ᱨᱮᱱᱟᱜ ᱞᱟᱛᱟᱨ ᱨᱮ ᱢᱮᱱᱟᱜᱼᱟ ᱾ ᱯᱟᱠᱭᱚᱝ ᱩᱰᱟᱹᱱ ᱰᱟᱹᱦᱤ ᱫᱚ ᱥᱤᱠᱠᱤᱢ ᱨᱮᱱᱟᱜ ᱢᱤᱫᱴᱟᱹᱝ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾ "ᱱᱮᱥᱱᱟᱞ ᱨᱤᱥᱟᱨᱪ ᱥᱮᱱᱴᱟᱨ ᱯᱷᱚᱨ ᱚᱨᱠᱤᱰᱥ" (ICAR ᱤᱱᱥᱴᱤᱴᱭᱩᱴ) ᱦᱚᱸ ᱱᱚᱸᱰᱮ ᱢᱮᱱᱟᱜᱼᱟ ᱾^[᱑]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱱᱴ ᱡᱮᱵᱤᱭᱚᱨᱥ ᱧᱩᱛᱩᱢᱟᱱ ᱢᱤᱫ ᱢᱤᱥᱚᱱᱚᱨᱤ ᱪᱟᱪᱞᱟᱣ ᱟᱥᱲᱟ ᱢᱮᱱᱟᱜᱼᱟ,^[᱒] ᱡᱟᱦᱟᱸ ᱫᱚ ᱑᱙᱙᱐ ᱨᱮᱱᱟᱜ ᱥᱮᱨᱢᱟ ᱨᱮ ᱥᱤᱠᱠᱤᱢ ᱨᱮᱱᱟᱜ ᱢᱩᱬ ᱵᱟᱨᱭᱟ ᱟᱥᱲᱟ ᱠᱷᱚᱱ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱟᱞᱩᱢᱮᱱ ᱠᱚ ᱢᱩᱫᱽ ᱨᱮ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱵᱟᱭᱪᱩᱝ ᱵᱷᱩᱴᱤᱭᱟᱭ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱤᱧᱚᱛ ᱨᱤᱱᱤᱡ ᱠᱟᱯᱴᱮᱱ ᱠᱟᱱᱟᱭ, ᱩᱱᱤ ᱫᱚ ᱧᱩᱛᱩᱢᱟᱱ ᱠᱟᱱᱟᱭ ᱾

ᱯᱟᱠᱭᱚᱝ ᱧᱩᱛᱩᱢ ᱫᱚ ᱞᱮᱯᱪᱟ ᱟᱹᱲᱟᱹ ᱯᱟ ᱭᱚᱝ ᱧᱩᱛᱩᱢ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱢᱟᱫ ᱨᱮᱱᱟᱜ ᱟᱜ", ᱪᱮᱫᱟᱜ ᱥᱮ ᱢᱤᱫ ᱴᱚᱴᱷᱟ ᱨᱮ ᱧᱟᱢᱚᱜ ᱠᱟᱱ ᱞᱟᱹᱠᱛᱤᱭᱟᱱ ᱡᱤᱱᱤᱥ ᱠᱚ ᱧᱩᱛᱩᱢ ᱛᱮ ᱢᱤᱫ ᱴᱚᱴᱷᱟ ᱨᱮᱱᱟᱜ ᱧᱩᱛᱩᱢ ᱫᱚᱦᱚ ᱫᱚ ᱞᱮᱯᱪᱟ ᱠᱚᱣᱟᱜ ᱢᱤᱫ ᱞᱮᱠᱟᱱ ᱦᱚᱨᱟ ᱠᱟᱱᱟ ᱾

᱒᱔ ᱥᱮᱯᱴᱮᱢᱵᱚᱨ ᱒᱐᱑᱘ ᱦᱤᱞᱚᱜ, ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱚᱫᱤ ᱯᱟᱠᱭᱚᱝ ᱩᱰᱟᱹᱱ ᱰᱟᱹᱦᱤ ᱫᱚ ᱩᱰᱟᱹᱣ ᱥᱟᱹᱜᱩᱱ ᱠᱮᱫᱼᱟ ᱾ ᱔ ᱚᱠᱴᱚᱵᱚᱨ ᱒᱐᱑᱘ ᱨᱮ ᱨᱮᱜᱩᱞᱟᱨ ᱮᱭᱟᱨ ᱥᱚᱨᱵᱤᱥ ᱮᱦᱚᱵ ᱞᱮᱱᱟ ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱟᱝ ᱥᱤᱠᱠᱤᱢ ᱨᱮ ᱑᱗᱐᱐ ᱢᱤᱴᱚᱨ (᱕᱖᱐ ᱯᱷᱤᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱵᱷᱩᱴᱟᱱ ᱟᱨ ᱛᱤᱵᱵᱚᱛ ᱥᱟᱶ ᱟᱡᱟᱜ ᱥᱤᱢᱟᱹᱱᱟᱭ ᱮᱢ ᱟᱠᱟᱫᱼᱟ ᱾ ᱴᱚᱯᱚᱞᱚᱡᱤ ᱫᱚ ᱵᱩᱨᱩ ᱟᱨ ᱢᱤᱫ ᱱᱟᱯᱟᱭ ᱪᱟᱥ ᱡᱟᱭᱜᱟ ᱠᱟᱱᱟ ᱾

ᱯᱟᱠᱭᱚᱝ ᱨᱮᱱᱟᱜ ᱥᱩᱨ ᱥᱩᱯᱩᱨ ᱨᱮ ᱢᱮᱱᱟᱜ ᱟᱹᱛᱩ ᱠᱚᱫᱚ ᱦᱩᱭᱩᱜ ᱠᱟᱱᱟ ᱱᱟᱢᱪᱮᱵᱳᱝ, ᱜᱟᱱᱪᱩᱝ, ᱠᱟᱯᱩᱛᱷᱟᱝ, ᱨᱟᱭᱜᱟᱶ, ᱯᱟᱪᱮ, ᱥᱮᱢᱥᱤᱝ, ᱰᱤᱠᱞᱤᱝ, ᱛᱟᱨᱮᱛᱷᱟᱝ, ᱯᱟᱪᱮᱠᱷᱟᱱᱤ, ᱯᱟᱪᱚᱠ, ᱵᱮᱨᱤᱝ, ᱫᱩᱜᱚᱞᱠᱷᱟ, ᱞᱤᱸᱠᱮ, ᱯᱟᱨᱠᱷᱟ, ᱢᱟᱪᱳᱝ, ᱫᱟᱢᱚᱞᱠᱷᱟ, ᱪᱟᱞᱚᱢᱛᱷᱟᱝ, ᱵᱟᱨᱟᱯᱚᱛᱷᱤᱝ, ᱪᱟᱝᱜᱮᱥᱮᱱᱴᱤ, ᱚᱢᱵᱟ, ᱢᱟᱢᱨᱤᱝ, ᱵᱟᱥᱤᱞᱠᱷᱟ ᱟᱨ ᱠᱟᱨᱛᱷᱳᱠ ᱾

ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱲᱚᱠ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱠᱭᱚᱝ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱗᱑᱗ ᱮ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱵᱟᱜᱽᱨᱟᱠᱳᱴ ᱠᱷᱚᱱ ᱞᱟᱵᱷᱟ, ᱟᱞᱜᱟᱫᱽᱨᱟ ᱞᱮᱠᱟᱛᱮ ᱜᱟᱝᱴᱚᱠ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾^[᱓]

ᱱᱚᱣᱟ ᱥᱚᱦᱚᱨ ᱫᱚ ᱥᱤᱠᱠᱤᱢ ᱟᱨ ᱚᱱᱟ ᱥᱩᱨ ᱥᱩᱯᱩᱨ ᱯᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱢᱩᱬ ᱴᱚᱴᱷᱟ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱥᱚᱡᱷᱮ ᱴᱮᱠᱥᱤ ᱟᱨ ᱡᱤᱯ ᱥᱮᱵᱟ ᱥᱤᱠᱠᱤᱢ ᱨᱮᱱᱟᱜ ᱡᱚᱛᱚ ᱥᱚᱦᱚᱨ ᱟᱨ ᱵᱟᱡᱟᱨ ᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱥᱚᱦᱚᱨ/ᱵᱟᱡᱟᱨ ᱡᱮᱞᱮᱠᱟ ᱥᱤᱞᱤᱜᱩᱲᱤ, ᱠᱟᱞᱤᱢᱯᱚᱝ, ᱡᱚᱭᱜᱟᱶ, ᱵᱤᱨᱯᱟᱨᱟ, ᱯᱟᱱᱤᱴᱚᱸᱠᱤ, ᱢᱟᱞᱵᱟᱡᱟᱨ, ᱵᱟᱜᱽᱰᱳᱜᱽᱨᱟ ᱮᱢᱟᱱ ᱠᱚᱨᱮ ᱥᱮᱱᱚᱜᱼᱟ ᱾

ᱯᱟᱠᱭᱚᱝ ᱨᱮ, NH-717A ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱢᱩᱬ ᱥᱚᱲᱚᱠ ᱥᱟᱶ ᱡᱩᱲᱟᱹᱣ ᱟᱠᱟᱱᱟ:

ᱨᱚᱨᱟᱛᱷᱟᱝ-ᱛᱟᱨᱮᱭᱛᱷᱟᱝ-ᱢᱟᱢᱨᱤᱝ-ᱯᱟᱠᱤᱭᱳᱝ ᱥᱚᱲᱚᱠ
ᱨᱚᱝᱞᱤ-ᱨᱳᱞᱮᱯ-ᱢᱟᱪᱳᱝ, ᱞᱤᱸᱠᱤ-ᱯᱟᱠᱭᱚᱝ ᱨᱳᱰ
ᱨᱚᱝᱯᱳ- ᱫᱩᱜᱟ- ᱯᱚᱫᱚᱢᱪᱮ- ᱯᱟᱠᱭᱚᱝ ᱨᱳᱰ
ᱨᱟᱱᱤᱯᱩᱞ-ᱟᱥᱟᱢᱞᱤᱝᱡᱮ-ᱥᱮᱱᱴᱤ-ᱯᱟᱠᱭᱚᱝ ᱨᱳᱰ
ᱯᱟᱪᱚᱠ- ᱢᱟᱢᱡᱮ- ᱰᱤᱠᱞᱤᱝ- ᱯᱟᱠᱭᱚᱝ ᱨᱳᱰ
ᱨᱳᱝᱞᱤ-ᱜᱟᱛᱤ, ᱵᱮᱨᱤᱝ-ᱢᱟᱢᱟᱨᱤᱝ-ᱯᱟᱠᱭᱚᱝ ᱨᱳᱰ
ᱫᱟᱢᱟᱞᱠᱷᱟ-ᱠᱟᱨᱛᱳᱠ-ᱱᱟᱢᱪᱮᱭᱵᱳᱝ-ᱯᱟᱠᱭᱚᱝ ᱨᱳᱰ

ᱵᱟᱥ:

ᱯᱟᱠᱭᱚᱝ ᱫᱚ ᱨᱚᱝᱯᱳ, ᱢᱮᱞᱤ, ᱥᱮᱵᱳᱠᱮ ᱮᱢᱟᱱ ᱠᱷᱚᱱ ᱡᱚᱲᱟᱣ ᱟᱠᱟᱱ ᱥᱤᱠᱠᱤᱢ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱵᱮᱵᱚᱥᱛᱟ ᱵᱟᱥ ᱴᱟᱨᱢᱤᱱᱟᱥ (ᱥᱤᱞᱤᱜᱩᱲᱤ) ᱠᱷᱚᱱ ᱡᱚᱲᱟᱣ ᱟᱠᱟᱱ ᱮᱥ.ᱱ.ᱴᱤ. ᱵᱟᱥ ᱫᱤᱱᱟᱹᱢ ᱦᱤᱞᱚᱜ ᱯᱟᱠᱭᱚᱝ ᱠᱷᱚᱱ ᱮᱛᱚᱦᱚᱵᱚᱜᱼᱟ ᱾

ᱨᱟᱱᱤᱯᱩᱞ ᱠᱷᱚᱱ ᱜᱟᱝᱴᱚᱠ ᱥᱮᱱᱚᱜ ᱞᱟᱹᱜᱤᱫ ᱥᱟᱱᱴᱤ ᱵᱟᱥ ᱓᱐ ᱴᱤᱯᱤᱡ ᱨᱮ ᱢᱤᱫ ᱫᱷᱟᱣ ᱥᱮᱱᱚᱜᱼᱟ ᱾ ᱨᱳᱝᱞᱤ, ᱨᱮᱱᱚᱠ, ᱨᱳᱨᱟᱛᱷᱟᱝ ᱠᱷᱚᱱ ᱜᱟᱝᱴᱚᱠ ᱥᱮᱵᱟ ᱞᱟᱹᱜᱤᱫ ᱮᱥ.ᱱ.ᱴᱤ. ᱵᱟᱥ ᱦᱚᱸ ᱯᱟᱠᱭᱚᱝ ᱞᱮᱠᱟᱛᱮ ᱪᱟᱞᱟᱜᱼᱟ ᱾

ᱨᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱩᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱤᱞᱤᱜᱩᱲᱤ ᱡᱚᱸᱠᱥᱚᱱ ᱠᱷᱚᱱ ᱑᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱟᱨ ᱱᱤᱭᱩ ᱡᱚᱞᱯᱟᱭᱜᱩᱲᱤ ᱡᱚᱸᱠᱥᱚᱱ ᱫᱚ ᱑᱒᱖ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ, ᱟᱨ ᱨᱚᱝᱯᱳ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱚᱦᱚᱨ ᱠᱷᱚᱱ ᱒᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱢᱮᱱᱟᱜᱼᱟ ᱾

ᱩᱰᱟᱹᱱ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱠᱭᱚᱝ ᱜᱨᱤᱱᱯᱷᱤᱞᱰ ᱩᱰᱟᱹᱱ ᱰᱟᱹᱦᱤ ᱨᱮ ᱵᱟᱨᱭᱟ ᱯᱟᱨᱠᱤᱝ ᱵᱮ ᱟᱨ ᱢᱤᱫᱴᱟᱹᱝ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱤᱫ ᱚᱠᱛᱚ ᱨᱮ ᱑᱐᱐ ᱜᱚᱴᱟᱝ ᱦᱮᱡ ᱥᱮᱱ ᱟᱠᱟᱱ ᱦᱚᱲ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱩᱰᱟᱹᱱ ᱰᱟᱹᱦᱤ ᱫᱚ ᱯᱟᱠᱭᱚᱝ ᱠᱷᱚᱱ ᱔,᱕᱐᱐ ᱯᱷᱩᱴ (᱑,᱔᱐᱐ ᱢᱤᱴᱚᱨ) ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱒᱐᱑ ᱮᱠᱚᱲ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱥᱟᱶᱛᱮ ᱡᱚᱛᱚ ᱩᱰᱟᱹᱱ ᱰᱟᱹᱦᱤ ᱚᱱᱟ ᱡᱟᱭᱜᱟ ᱨᱮ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸ ᱫᱚ ᱜᱟᱹᱦᱤᱨ ᱜᱷᱟᱹᱴᱤ ᱨᱮ ᱒᱖᱓ ᱯᱷᱩᱴ ᱩᱥᱩᱞ ᱵᱩᱨᱩ ᱛᱮ ᱵᱮᱱᱟᱣ ᱟᱠᱟᱱᱟ ᱾^[᱔]

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱱᱚᱣᱟ ᱴᱚᱴᱷᱟ ᱨᱮ ᱛᱟᱦᱮᱱ ᱠᱟᱱ ᱱᱮᱯᱟᱞᱤ ᱦᱚᱲ ᱠᱚᱣᱟᱜ ᱦᱚᱲ ᱮᱞ ᱫᱚ ᱟᱹᱰᱤ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱤᱥᱚᱢ ᱨᱤᱱ ᱟᱹᱫᱤᱵᱟᱹᱥᱤ ᱞᱮᱯᱪᱟ ᱟᱨ ᱵᱷᱩᱴᱤᱭᱟ ᱦᱚᱸ ᱱᱚᱸᱰᱮ ᱨᱤᱲ ᱟᱹᱰᱤ ᱢᱟᱨᱟᱝ ᱦᱚᱲ ᱮᱞ ᱠᱟᱱᱟ ᱠᱚ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

↑ http://www.sikkim.nic.in/nrco.htm ^{[permanent dead link]}
↑ "St. Xaviers School - Pakyong - East Sikkim - www.zaverian.com". Archived from the original on 2008-03-06. Retrieved 2008-02-18. St Xavier's School
↑ "Doklam effect: Sikkim to get new all-weather highway- The New Indian Express".
↑ "Is this one of the most beautiful airports?". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2018-09-24. Retrieved 2018-09-24.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

[1] ttp://www.sikkim.nic.in/nrco.htm ^{[permanent dead link]}

[2] "St. Xaviers School - Pakyong - East Sikkim - www.zaverian.com". Archived from the original on 2008-03-06. Retrieved 2008-02-18. St Xavier's School

[3] "Doklam effect: Sikkim to get new all-weather highway- The New Indian Express".

[4] "Is this one of the most beautiful airports?". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2018-09-24. Retrieved 2018-09-24.

[᱑]

[᱒]

[᱓]

[᱔]