ᱯᱟᱠᱯᱟᱴᱟᱱ
| ᱯᱟᱠᱯᱟᱴᱟᱱ ᱥᱟᱨᱤᱯᱷ پاکپتّن شریف | |
|---|---|
| ᱥᱚᱦᱚᱨ | |
 ᱯᱟᱠᱯᱟᱴᱟᱱ ᱨᱮ ᱵᱟᱵᱟ ᱯᱷᱚᱨᱤᱫᱽ ᱟᱜ ᱟᱹᱰᱤ ᱥᱚᱨᱮᱥ ᱢᱩᱸᱫᱽᱨᱤ ᱢᱮᱱᱟᱜᱼᱟ | |
  ᱯᱟᱠᱯᱟᱴᱟᱱ ᱥᱟᱨᱤᱯᱷ | |
| Coordinates: 30°20′39″N 73°23′2″E / 30.34417°N 73.38389°ECoordinates: 30°20′39″N 73°23′2″E / 30.34417°N 73.38389°E | |
| ᱫᱤᱥᱚᱢ |  ᱯᱟᱠᱤᱥᱛᱟᱱ |
| ᱯᱨᱚᱫᱮᱥ | ᱯᱟᱧᱡᱟᱵᱽ |
| ᱦᱚᱱᱚᱛ | ᱯᱟᱠᱯᱟᱴᱟᱱ |
| ᱢᱟᱨᱮ ᱧᱩᱛᱩᱢ | ᱟᱡᱳᱫᱷᱟᱱ |
| ᱩᱥᱩᱞ | 156 ᱢᱤᱴᱚᱨ (512 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱗)[᱑] |
| • City | ᱑᱗᱖,᱖᱙᱓ |
| • ᱫᱷᱟᱹᱲ ᱮᱞ | ᱔᱘ ᱟᱱᱟᱜ, ᱯᱟᱠᱤᱥᱛᱟᱱ ᱨᱮ |
| Demonym(s) | ᱯᱟᱠᱯᱟᱴᱟᱱᱤ |
| PST (ᱭᱩᱴᱤᱥᱤ+᱐᱕:᱐᱐) | |
| ᱯᱤᱱ ᱠᱳᱰ | ᱕᱗᱔᱐᱐ |
| ᱰᱟᱭᱟᱞᱤᱝ ᱠᱳᱰ | ᱐᱔᱕᱗[᱒] |
ᱯᱟᱠᱯᱟᱴᱟᱱ (ᱯᱟᱧᱡᱟᱵᱤ ᱟᱨ ᱩᱨᱫᱩ:پاکپتّن), ᱡᱟᱦᱟᱸ ᱫᱚ ᱟᱥᱚᱠᱟᱭ ᱛᱮ ᱯᱟᱠᱯᱟᱴᱱ ᱥᱚᱨᱤᱯᱷ (پاکپتّن شریف; "ᱱᱳᱵᱚᱞ ᱯᱟᱠᱯᱟᱴᱟᱱ") ᱠᱚ ᱢᱮᱛᱟᱜ ᱠᱟᱱᱟ, ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮᱱᱟᱜ ᱢᱤᱫ ᱱᱟᱜᱟᱢᱤᱭᱟᱹ ᱥᱚᱦᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱱᱚᱣᱟ ᱧᱩᱛᱩᱢ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟ ᱾ ᱯᱟᱠᱯᱟᱴᱟᱱ ᱦᱚᱱᱚᱛ ᱫᱚ ᱒᱐᱑᱗ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱣᱟ ᱫᱚ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱥᱚᱦᱚᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱟᱨ ᱦᱚᱲ ᱮᱞ ᱞᱮᱠᱟᱛᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱔᱘ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱯᱟᱠᱯᱟᱴᱟᱱ ᱫᱚ ᱯᱟᱠᱤᱥᱛᱟᱱ ᱨᱮ ᱥᱩᱯᱷᱤ ᱪᱤᱥᱴᱤ ᱥᱚᱸᱜᱽᱨᱟᱦᱟ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾[᱓] ᱟᱨ ᱧᱩᱛᱩᱢᱟᱱ ᱯᱟᱧᱡᱟᱵᱤ ᱚᱱᱚᱬᱦᱤᱭᱟᱹ ᱟᱨ ᱥᱩᱯᱷᱤ ᱥᱟᱸᱛ ᱵᱟᱵᱟ ᱯᱷᱚᱨᱤᱫᱽ ᱟᱜ ᱫᱟᱨᱜᱟ ᱠᱷᱟᱹᱛᱤᱨ ᱢᱤᱫ ᱢᱩᱬᱩᱛ ᱫᱷᱚᱨᱚᱢ ᱴᱷᱟᱶ ᱠᱟᱱᱟ ᱾ ᱩᱱᱤᱭᱟᱜ ᱥᱟᱨᱦᱟᱣ ᱛᱮ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱩᱨᱥ ᱢᱟᱹᱱ ᱥᱚᱦᱚᱨ ᱨᱮ ᱒ ᱢᱤᱞᱤᱭᱚᱱ ᱜᱟᱱ ᱧᱮᱧᱮᱞᱤᱭᱟᱹ ᱠᱚ ᱦᱤᱡᱩᱜᱼᱟ ᱾[᱔] ᱟᱡᱟᱜ ᱟᱹᱰᱤ ᱥᱮᱬᱟ ᱱᱟᱜᱟᱢ ᱨᱮ, ᱯᱟᱠᱯᱟᱴᱟᱱ ᱫᱚ ᱟᱭᱢᱟ ᱜᱟᱱ ᱦᱩᱞᱥᱟᱹᱭ ᱠᱚ ᱮᱢᱟᱫᱮ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱵᱟᱱᱫᱷᱟᱣ ᱟᱨ ᱨᱩᱣᱟᱹᱲ ᱵᱮᱱᱟᱣ ᱨᱮᱱᱟᱜ ᱛᱷᱚᱠ ᱠᱚ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱱᱚᱣᱟ ᱨᱮᱱᱟᱜ ᱞᱟᱹᱲᱦᱟᱹᱭ ᱟᱨ ᱱᱟᱜᱟᱢᱤᱭᱟᱹ ᱢᱩᱬᱩᱛ ᱤᱫᱤ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱠᱯᱟᱴᱟᱱ ᱫᱚ ᱢᱩᱞᱛᱟᱱ ᱠᱷᱚᱱ ᱒᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾[᱕] ᱯᱟᱠᱯᱟᱴᱟᱱ ᱫᱚ ᱥᱤᱧᱚᱛ ᱨᱮᱱᱟᱜ ᱥᱤᱢᱟᱹ ᱠᱷᱚᱱ ᱔᱐ ᱠᱤᱞᱚᱢᱤᱴᱚᱨ (᱒᱕ ᱢᱤᱞ) ᱟᱨ ᱞᱟᱦᱚᱨ ᱠᱷᱚᱱ ᱮᱛᱚᱢ-ᱯᱟᱪᱮ ᱨᱮ ᱑᱘᱔ ᱠᱤᱞᱚᱢᱤᱴᱚᱨ (᱑᱑᱔ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾[᱖] ᱱᱚᱣᱟ ᱦᱚᱱᱚᱛ ᱫᱚ ᱠᱚᱧᱮ-ᱯᱟᱪᱮ ᱨᱮ ᱥᱟᱦᱤᱣᱟᱞ ᱦᱚᱱᱚᱛ, ᱠᱚᱧᱮ ᱨᱮ ᱳᱠᱟᱨᱟ ᱦᱚᱱᱚᱛ, ᱮᱛᱚᱢ-ᱥᱟᱢᱟᱝ ᱨᱮ ᱥᱚᱛᱞᱩᱡᱽ ᱜᱟᱰᱟ ᱟᱨ ᱵᱟᱦᱟᱣᱟᱞᱱᱚᱜᱚᱨ ᱦᱚᱱᱚᱛ ᱟᱨ ᱮᱛᱚᱢ-ᱯᱟᱪᱮ ᱨᱮ ᱵᱷᱮᱦᱟᱨᱤ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾
ᱰᱮᱢᱚᱜᱨᱟᱯᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱙᱘ ᱥᱮᱨᱢᱟ ᱨᱮᱱᱟᱜ ᱯᱟᱠᱤᱥᱛᱟᱱ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱯᱟᱠᱯᱟᱴᱟᱱ ᱥᱚᱦᱚᱨ ᱨᱮ ᱑᱐᱙,᱐᱓᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱯᱟᱠᱤᱥᱛᱟᱱ ᱨᱮᱱᱟᱜ ᱒᱐᱑᱗ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱫᱚ ᱑᱗᱖,᱖᱙᱓ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱑᱙ ᱥᱮᱨᱢᱟ ᱨᱮ ᱖᱒.᱐᱕% ᱦᱟᱛᱟᱣ ᱟᱠᱟᱱᱟ ᱾[᱗]
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱧᱡᱟᱵᱤ ᱫᱚ ᱱᱚᱰᱮᱱᱟᱜ ᱢᱩᱬ ᱯᱟᱹᱨᱥᱤ ᱠᱟᱱᱟ, ᱢᱮᱱᱠᱷᱟᱱ ᱩᱨᱫᱩ ᱦᱚᱸ ᱟᱹᱰᱤᱜᱟᱱ ᱦᱚᱲ ᱠᱚ ᱨᱚᱲᱟ ᱾ ᱦᱚᱨᱤᱭᱟᱱᱵᱤ ᱫᱚ ᱡᱟᱦᱟᱸ ᱫᱚ ᱨᱚᱝᱜᱟᱨᱤ ᱦᱚᱸ ᱠᱚ ᱢᱮᱱᱟᱜᱼᱟ, ᱨᱚᱝᱜᱟᱨ ᱠᱚ ᱛᱟᱞᱟ ᱨᱮᱠᱚ ᱨᱚᱲᱼᱟ ᱾ ᱢᱮᱣ ᱨᱮᱱᱟᱜ ᱟᱯᱱᱟᱨ ᱯᱟᱹᱨᱥᱤ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱮᱣᱟᱛᱤ ᱠᱚ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "PAKISTAN: Provinces and Major Cities". PAKISTAN: Provinces and Major Cities. citypopulation.de. Retrieved 4 May 2020.
- ↑ "National Dialing Codes". Pakistan Telecommunication Company Limited. Retrieved 28 August 2014.
- ↑ "Between pirs and politicians | TNS - The News on Sunday". tns.thenews.com.pk (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2019-05-27. Retrieved 2018-01-22.
- ↑ "Spiritual ecstasy: Devotees throng Baba Farid's urs in Pakpattan - The Express Tribune". The Express Tribune (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2014-10-23. Retrieved 2018-01-22.
- ↑ "Pakpattan". Archived from the original on 2017-10-29. Retrieved 2017-11-28.
- ↑ Maps (Map). Google Maps.
- ↑ "Pakistan: Provinces and Major Cities - Population Statistics, Maps, Charts, Weather and Web Information". www.citypopulation.de.