ᱯᱟᱴᱱᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ

ᱯᱟᱴᱱᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱥᱯᱟᱛᱟᱞ
ᱯᱟᱴᱱᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱥᱯᱟᱛᱟᱞ
ᱩᱱᱩᱭᱦᱟᱹᱨ	ᱥᱚᱨᱵᱷᱮ ᱥᱚᱱᱛᱩ ᱱᱤᱨᱟᱢᱟᱭᱟ (ᱥᱚᱸᱥᱠᱨᱤᱛ)
ᱩᱱᱩᱭᱦᱟᱹᱨ (ᱥᱟᱱᱛᱟᱲᱤ ᱛᱮ)	ᱡᱚᱛᱚ ᱜᱮ ᱱᱟᱯᱟᱭ ᱛᱟᱦᱮᱸ ᱢᱟ
ᱛᱷᱟᱯᱚᱱ	25 ᱯᱷᱮᱵᱽᱨᱩᱣᱟᱨᱤ 1925 (99 years ago)
ᱞᱮᱠᱟᱱ	ᱫᱤᱥᱩᱣᱟᱹ ᱢᱮᱰᱤᱠᱟᱞ ᱠᱚᱞᱮᱡᱽ
ᱯᱨᱤᱱᱥᱤᱯᱟᱞ	ᱰᱨ. ᱵᱤᱫᱽᱭᱟ ᱯᱚᱛᱤ ᱪᱚᱣᱫᱷᱨᱤ
ᱴᱷᱟᱶ	ᱯᱟᱴᱱᱟ, ᱵᱤᱦᱟᱨ, ᱥᱤᱧᱚᱛ
ᱢᱟᱱᱚᱛᱮᱢ	ᱟᱨᱭᱟᱵᱷᱟᱴᱴᱟ ᱜᱮᱭᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱣᱮᱵᱽᱥᱟᱭᱤᱴ	patnamedicalcollege.edu.in

ᱯᱟᱴᱱᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ (ᱯᱤ.ᱮᱢ.ᱥᱤ.ᱮᱪ. ᱞᱮᱠᱟᱛᱮ ᱠᱷᱟᱴᱚ) ᱫᱚ ᱑᱙᱒᱕ ᱥᱮᱨᱢᱟ ᱨᱮ ᱛᱷᱟᱯᱚᱱ ᱞᱮᱱᱟ ᱛᱟᱦᱮᱸᱫ ᱟᱨ ᱯᱨᱤᱱᱥ ᱚᱯᱷ ᱣᱮᱞᱥ ᱢᱮᱰᱤᱠᱟᱞ ᱠᱚᱞᱮᱡᱽ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱯᱟᱴᱱᱟ ᱨᱮ ᱢᱮᱱᱟᱜ ᱢᱤᱫ ᱢᱮᱰᱤᱠᱟᱞ ᱠᱚᱞᱮᱡᱽ ᱠᱟᱱᱟ ᱾^[᱑]^[᱒]^[᱓]

ᱱᱚᱣᱟ ᱫᱚ ᱜᱟᱝᱱᱟᱹᱭ ᱫᱷᱟᱨᱮ ᱨᱮᱱᱟᱜ ᱮᱛᱚᱢ ᱯᱟᱦᱴᱟ ᱨᱮ ᱢᱮᱱᱟᱜᱼᱟ ᱟᱨ ᱱᱤᱛᱚᱜ ᱫᱚ ᱵᱤᱦᱟᱨ ᱦᱮᱞᱛᱷ ᱥᱟᱬᱮᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱯᱩᱭᱞᱩ ᱫᱚ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱟᱨᱭᱚᱵᱷᱟᱴ ᱜᱮᱭᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ) ᱥᱟᱶ ᱡᱚᱯᱲᱟᱣ ᱢᱮᱱᱟᱜᱼᱟ ᱾ ᱚᱠᱟ ᱴᱷᱟᱶ ᱫᱚ ᱚᱥᱳᱠ ᱨᱟᱡᱽᱯᱚᱛᱷ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱮᱴᱟᱜ ᱠᱚᱞᱮᱡᱽ ᱨᱮᱱᱟᱜ ᱦᱚᱸ ᱚᱲᱟᱜ ᱢᱮᱱᱟᱜᱼᱟ ᱾ ᱱᱚᱸᱰᱮ ᱑᱗᱔᱘ ᱠᱷᱚᱱ ᱰᱮᱦᱮᱨ ᱵᱮᱰ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱮᱢᱥ ᱨᱮᱱᱟᱜ ᱥᱚᱢᱟᱱ ᱠᱟᱱᱟ ᱾ ᱤᱸᱫᱽᱨᱟ ᱜᱟᱱᱫᱷᱤ ᱥᱮᱸᱴᱨᱟᱞ ᱤᱢᱟᱨᱡᱮᱱᱥᱤ (IGCE) ᱧᱩᱛᱩᱢᱟᱱ ᱚᱛᱱᱚᱜ ᱠᱟᱹᱢᱤᱦᱚᱨᱟ ᱨᱮ ᱒᱒᱐ ᱜᱚᱴᱟᱝ ᱵᱮᱰ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱹᱢᱤ ᱟᱠᱟᱱ ᱟᱥᱯᱟᱛᱟᱞ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱥᱤᱧᱚᱛ ᱨᱮ ᱫᱤᱱᱟᱹᱢ ᱦᱤᱞᱚᱜ ᱚᱢᱵᱽᱨᱮᱥᱚᱱ ᱞᱚᱰ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱢᱮᱱᱟᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱠᱮᱢᱯᱟᱥ

ᱯᱟᱴᱱᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱫᱚ ᱚᱥᱳᱠ ᱨᱟᱡᱽᱯᱚᱛᱷ ᱨᱮ ᱢᱮᱱᱟᱜᱼᱟ ᱾ ᱯᱟᱴᱱᱟ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱑᱐-᱑᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱯᱟᱴᱱᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱜᱟᱱᱫᱷᱤ ᱢᱟᱭᱫᱟᱱ ᱵᱟᱥ ᱥᱴᱮᱸᱰ ᱠᱮᱢᱯᱟᱥ ᱠᱷᱚᱱ ᱵᱟᱨ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱩᱛᱷᱱᱟᱹᱣ ᱠᱚ

ᱯᱤ.ᱮᱢ.ᱥᱤ.ᱮᱪ. ᱫᱚ ᱱᱤᱛᱚᱜ ᱕᱔᱖᱒ ᱜᱚᱴᱟᱝ ᱵᱮᱰ ᱟᱥᱯᱟᱛᱟᱞ ᱞᱮᱠᱟᱛᱮ ᱩᱛᱷᱱᱟᱹᱣᱚᱜ ᱠᱟᱱᱟ ᱾^[᱔] ᱱᱚᱣᱟ ᱫᱚ ᱱᱚᱵᱷᱮᱢᱵᱚᱨ ᱒᱐᱑᱘ ᱨᱮ ᱵᱤᱦᱟᱨ ᱥᱚᱨᱠᱟᱨ ᱨᱤᱱᱤᱡ ᱠᱮᱵᱤᱱᱮᱴ ᱦᱚᱛᱮᱛᱮ ᱢᱟᱱᱚᱛ ᱟᱠᱟᱱ ᱓᱗ ᱜᱚᱴᱟᱝ ᱩᱛᱷᱱᱟᱹᱣ ᱟᱠᱟᱱ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱱᱟᱣᱟ ᱯᱤ.ᱮᱢ.ᱥᱤ.ᱮᱪ. ᱠᱮᱢᱯᱞᱮᱠᱥ ᱫᱚ ᱗᱒.᱔᱔ ᱞᱟᱠᱷ ᱥᱠᱚᱭᱟᱨ ᱯᱷᱩᱴ ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱟᱣᱟ ᱯᱤ.ᱮᱢ.ᱥᱤ.ᱮᱪ. ᱨᱮ ᱒᱕᱐ ᱮᱢ.ᱵᱤ.ᱵᱤ.ᱮᱥ. ᱢᱟᱹᱪᱤ (ᱱᱤᱛᱚᱜᱟᱜ ᱑᱕᱐ ᱮᱢ.ᱵᱤ.ᱵᱤ.ᱮᱥ. ᱢᱟᱹᱪᱤ ᱨᱮᱱᱟᱜ ᱥᱚᱢᱟᱱ) ᱟᱨ ᱒᱐᱐ ᱯᱤ.ᱡᱤ. ᱢᱟᱹᱪᱤ (ᱱᱤᱛᱚᱜᱟᱜ ᱑᱔᱖ ᱯᱤ.ᱡᱤ. ᱢᱟᱹᱪᱤ ᱨᱮᱱᱟᱜ ᱥᱚᱢᱟᱱ) ᱢᱮᱱᱟᱜᱼᱟ ᱾ ᱕,᱕᱔᱐ ᱠᱚᱨᱳᱲ ᱴᱟᱠᱟ ᱨᱮᱱᱟᱜ ᱱᱚᱣᱟ ᱯᱨᱚᱡᱮᱠᱴ ᱫᱚ ᱵᱤᱦᱟᱨ ᱢᱮᱰᱤᱠᱟᱞ ᱤᱱᱯᱷᱨᱟᱥᱴᱨᱚᱠᱪᱟᱨ ᱥᱴᱨᱚᱠᱪᱟᱨ ᱠᱚᱨᱯᱚᱨᱮᱥᱚᱱ ᱞᱤᱢᱤᱴᱮᱰ ᱦᱚᱛᱮ ᱛᱮ ᱦᱩᱭᱩᱜᱼᱟ ᱾ ᱱᱟᱣᱟ ᱟᱥᱯᱟᱛᱟᱞ ᱫᱚ ᱚᱥᱳᱠ ᱨᱟᱡᱽᱯᱩᱛ ᱟᱨ ᱞᱳᱠᱱᱚᱭᱚᱠ ᱜᱟᱝ ᱯᱟᱛᱷ (ᱜᱚᱝᱜᱟ ᱮᱠᱥᱯᱨᱮᱥᱣᱮ) ᱥᱟᱶ ᱛᱮᱭᱟᱨᱚᱜ ᱠᱟᱱ ᱰᱚᱵᱚᱞ ᱰᱮᱠᱚᱨ ᱯᱷᱞᱟᱭ ᱳᱵᱷᱟᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱱᱟᱶᱟ ᱵᱤᱞᱰᱤᱝ ᱫᱚ ᱥᱤᱞᱯᱤᱠᱟᱞ ᱮᱞᱟᱠᱟ ᱵᱮᱜᱟᱨ ᱛᱮ ᱵᱮᱱᱟᱣ ᱦᱩᱭᱩᱜᱼᱟ ᱾ ᱡᱟᱦᱟᱸ ᱫᱚ ᱥᱤᱞᱯᱤᱠᱟᱞ ᱮᱞᱟᱠᱟ ᱠᱷᱚᱱ ᱜᱚᱲᱚᱭ ᱮᱢᱚᱜᱼᱟ ᱾ ᱱᱚᱶᱟ ᱪᱮᱛᱟᱱ ᱨᱮ ᱢᱤᱫᱴᱟᱹᱝ ᱦᱮᱞᱤᱯᱮᱰ ᱢᱮᱱᱟᱜᱼᱟ ᱾^[᱕]

ᱯᱤ.ᱮᱢ.ᱥᱤ.ᱮᱪ. ᱢᱮᱴᱨᱚ ᱥᱴᱮᱥᱚᱱ

ᱯᱤ.ᱮᱢ.ᱥᱤ.ᱮᱪ. ᱫᱚ ᱞᱚᱜᱚᱱ ᱜᱮ ᱢᱮᱴᱨᱚ ᱡᱚᱲᱟᱣᱮ ᱧᱟᱢᱟ ᱪᱮᱫᱟᱜ ᱪᱮ ᱯᱟᱴᱱᱟ ᱢᱮᱴᱨᱚ ᱨᱮᱞ ᱯᱨᱚᱡᱮᱠᱴ (ᱯᱤ.ᱮᱢ.ᱟᱨ.ᱯᱤ.) ᱫᱟᱨᱟᱭ ᱛᱮ ᱯᱤ.ᱮᱢ.ᱥᱤ.ᱮᱪ. ᱢᱮᱴᱨᱚ ᱥᱴᱮᱥᱚᱱ ᱫᱚ ᱟᱥᱯᱟᱛᱟᱞ ᱚᱲᱟᱜ ᱞᱟᱛᱟᱨ ᱛᱮ ᱪᱟᱞᱟᱜᱼᱟ ᱾^[᱖] ᱯᱤ.ᱮᱢ.ᱥᱤ.ᱮᱪ. ᱥᱴᱮᱥᱚᱱ ᱫᱚ ᱯᱟᱴᱱᱟ ᱢᱮᱴᱨᱚ ᱨᱮᱱᱟᱜ ᱑᱔.᱔᱕ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱯᱟᱴᱱᱟ ᱨᱮᱞᱣᱮ ᱥᱴᱮᱥᱚᱱ-ᱯᱟᱴᱞᱤᱯᱩᱛᱨᱚ ᱟᱭᱤ.ᱮᱥ.ᱵᱤ.ᱴᱤ. ᱠᱚᱨᱤᱰᱚᱨ (ᱠᱚᱨᱤᱰᱚᱨ -᱒) ᱨᱮᱱᱟᱜ ᱢᱤᱫ ᱴᱷᱟᱶ ᱦᱩᱭᱩᱜᱼᱟ ᱾ ᱯᱤ.ᱮᱢ.ᱥᱤ.ᱮᱪ. ᱢᱮᱴᱨᱚ ᱥᱴᱮᱥᱚᱱ ᱨᱮᱫᱚ ᱯᱩᱱᱭᱟᱹ ᱵᱚᱞᱚᱱ ᱟᱨ ᱚᱸᱰᱚᱠ ᱫᱩᱣᱟᱹᱨ ᱢᱮᱱᱟᱜᱼᱟ ᱾ ᱵᱟᱨᱭᱟ ᱫᱚ ᱯᱤ.ᱮᱢ.ᱥᱤ.ᱮᱪ. ᱠᱮᱢᱯᱞᱮᱠᱥ ᱨᱮ ᱟᱨ ᱵᱟᱨᱭᱟ ᱫᱚ ᱚᱥᱳᱠ ᱨᱟᱡᱽᱯᱚᱛᱷ ᱨᱮ ᱥᱚᱲᱚᱠ ᱨᱮᱱᱟᱜ ᱮᱴᱟᱜ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱵᱟᱱᱟᱨ ᱯᱟᱦᱴᱟ ᱨᱮ ᱵᱚᱞᱚᱱ ᱟᱨ ᱚᱸᱰᱚᱠ ᱫᱩᱣᱟᱹᱨ ᱞᱟᱹᱜᱤᱫ ᱓᱐ ᱢᱤᱴᱚᱨ ᱡᱤᱞᱤᱧ ᱢᱤᱫᱴᱟᱹᱝ ᱚᱛ ᱵᱷᱤᱛᱤᱨ ᱰᱟᱦᱟᱨ ᱵᱮᱱᱟᱣ ᱦᱩᱭᱩᱜᱼᱟ ᱾ ᱒᱒᱕ ᱢᱤᱴᱚᱨ ᱡᱤᱞᱤᱧ ᱯᱤ.ᱮᱢ.ᱥᱤ.ᱮᱪ. ᱢᱮᱴᱨᱚ ᱥᱴᱮᱥᱚᱱ ᱫᱚ ᱯᱤ.ᱮᱢ.ᱥᱤ.ᱮᱪ. ᱨᱮᱱᱟᱜ ᱠᱮᱢᱯᱟᱥ ᱨᱮ ᱟᱨ ᱚᱱᱡᱩᱢᱟᱱ ᱤᱥᱞᱟᱢᱤᱭᱟ ᱦᱚᱞ ᱨᱮᱱᱟᱜ ᱠᱮᱢᱯᱟᱥ ᱨᱮ ᱢᱮᱱᱟᱜᱼᱟ ᱾^[᱗]

ᱡᱩᱞᱟᱭ ᱒᱐᱒᱒ ᱨᱮ, ᱢᱮᱴᱨᱚ ᱠᱚᱨᱤᱰᱚᱨ-᱒ ᱨᱮᱱᱟᱜ ᱵᱮᱱᱟᱣ ᱠᱟᱹᱢᱤ ᱞᱟᱹᱜᱤᱫ ᱚᱥᱳᱠ ᱨᱟᱡᱽᱯᱚᱛᱷ ᱨᱮ ᱯᱟᱴᱱᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ (ᱯᱤ.ᱮᱢ.ᱥᱤ.ᱮᱪ.) ᱨᱮᱱᱟᱜ ᱢᱩᱬ ᱫᱩᱣᱟᱹᱨ ᱫᱚ ᱵᱚᱸᱫᱽ ᱞᱮᱱ ᱛᱟᱦᱮᱸᱫ ᱾^[᱘] ᱢᱤᱫᱴᱟᱹᱝ ᱢᱟᱨᱮ ᱫᱩᱣᱟᱹᱨ ᱡᱟᱦᱟᱸ ᱫᱚ ᱯᱟᱪᱮ ᱥᱮᱦᱮᱫ ᱨᱮ ᱮᱢᱡᱟᱨᱡᱮᱱᱥᱤ ᱵᱤᱵᱷᱟᱜᱟᱜ ᱵᱤᱞᱰᱤᱝ ᱥᱮᱫ ᱥᱮᱱᱚᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱟᱹᱰᱤ ᱥᱮᱨᱢᱟ ᱢᱟᱬᱟᱝ ᱨᱮ ᱵᱚᱸᱫᱽ ᱟᱠᱟᱱᱟ, ᱰᱟᱠᱴᱚᱨ ᱟᱨ ᱮᱴᱟᱜ ᱠᱟᱹᱢᱤᱭᱟᱹ, ᱨᱩᱜᱤ ᱠᱚ, ᱠᱟᱹᱢᱤᱭᱟᱹ ᱠᱚ, ᱮᱢᱵᱩᱞᱮᱱᱥ ᱟᱨ ᱥᱟᱱᱟᱢ ᱦᱚᱲ ᱦᱤᱡᱩᱜ ᱥᱮᱱᱚᱜ ᱨᱮᱱᱟᱜ ᱥᱩᱵᱤᱫᱷᱟ ᱞᱟᱹᱜᱤᱫ ᱛᱮ ᱟᱨᱦᱚᱸ ᱮᱦᱚᱵ ᱮᱱᱟ ᱾^[᱙]

ᱟᱨᱦᱚᱸ ᱧᱮᱞ ᱢᱮ

ᱥᱟᱹᱠᱷᱭᱟᱹᱛ

↑ Sinha, Nishant (16 October 2012). "Medical Council of India team inspects Patna Medical College and Hospital". The Times of India. Archived from the original on 17 May 2017. Retrieved 24 December 2016.
↑ "PMCH juniors doctors on strike". Hindustan Times. 14 June 2012. Archived from the original on 24 December 2016. Retrieved 24 December 2016.
↑ Bhatia, Banjot Kaur (13 April 2014). "No incubator in Patna Medical College and Hospital paediatrics department". The Times of India. Archived from the original on 24 February 2018. Retrieved 24 December 2016.
↑ "CM lays stones for Patna's first double-decker flyover".
↑ "Patna Medical College Hospital to be made world class: Nitish".
↑ "Patna Metro's PMCH station to be underground; two gates will be in campus".
↑ "Patna metro alignment slightly changed".
↑ "Patna: Main gate of PMCH closed to pave way for metro rail work".
↑ "PMCH campus main gate shut for Patna Metro work".

ᱵᱟᱦᱨᱮ ᱡᱚᱱᱚᱲ

ᱯᱤ.ᱮᱢ.ᱥᱤ.ᱮᱪ. ᱥᱚᱨᱠᱟᱨᱤ ᱣᱮᱵᱽᱥᱟᱭᱤᱴ

[1] Sinha, Nishant (16 October 2012). "Medical Council of India team inspects Patna Medical College and Hospital". The Times of India. Archived from the original on 17 May 2017. Retrieved 24 December 2016.

[2] "PMCH juniors doctors on strike". Hindustan Times. 14 June 2012. Archived from the original on 24 December 2016. Retrieved 24 December 2016.

[3] Bhatia, Banjot Kaur (13 April 2014). "No incubator in Patna Medical College and Hospital paediatrics department". The Times of India. Archived from the original on 24 February 2018. Retrieved 24 December 2016.

[4] "CM lays stones for Patna's first double-decker flyover".

[5] "Patna Medical College Hospital to be made world class: Nitish".

[6] "Patna Metro's PMCH station to be underground; two gates will be in campus".

[7] "Patna metro alignment slightly changed".

[8] "Patna: Main gate of PMCH closed to pave way for metro rail work".

[9] "PMCH campus main gate shut for Patna Metro work".

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]