ᱱᱟᱞᱚᱱᱫᱟ ᱦᱚᱱᱚᱛ
| ᱱᱟᱞᱚᱱᱫᱟ ᱦᱚᱱᱚᱛ | |
|---|---|
| ᱵᱤᱦᱟᱨ ᱨᱮᱭᱟᱜ ᱦᱚᱱᱚᱛ | |
 ᱵᱤᱦᱟᱨ ᱨᱮ ᱱᱟᱞᱚᱱᱫᱟ ᱦᱚᱱᱚᱛ ᱨᱮᱭᱟᱜ ᱞᱳᱠᱮᱥᱚᱱ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱵᱤᱦᱟᱨ |
| Division | ᱯᱟᱴᱱᱟ |
| ᱢᱩᱠᱷᱤᱭᱟᱹᱥᱟᱲᱟ | ᱵᱤᱦᱟᱨ ᱥᱟᱨᱤᱯᱷ |
| ᱥᱚᱨᱠᱟᱨ | |
| • ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱱᱟᱞᱚᱱᱫᱟ |
| ᱮᱨᱤᱭᱟ | |
| • Total | 2367 ᱠᱤᱢᱤ২ (914 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • Total | ᱒,᱘᱗᱒,᱕᱒᱓ |
| • ᱰᱮᱱᱥᱤᱴᱤ | 1200/ᱠᱤᱢᱤ2 (3100/ᱜᱟᱺᱴ ᱢᱟᱹᱭᱤᱞ) |
| ᱦᱚᱲ ᱮᱞᱮᱞ | |
| • ᱥᱤᱠᱷᱱᱟᱹᱛ | 66.41 (M=77.11; F=54.76) |
| • ᱡᱟᱱᱟᱝ ᱡᱟᱹᱱᱤ | 921 (2011) |
| IST (UTC+05:30) | |
| ᱢᱩᱬᱩᱛ ᱢᱟᱨᱟᱝ ᱦᱚᱨ | NH 20, NH 30A, NH 33, NH 120 |
| ᱣᱮᱵᱽᱥᱟᱭᱤᱴ | http://nalanda.bih.nic.in/ |
ᱱᱟᱞᱚᱱᱫᱟ ᱦᱚᱱᱚᱛ ᱫᱚ ᱥᱤᱧᱚᱛ ᱨᱮ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱵᱤᱦᱟᱨ ᱥᱚᱨᱤᱯᱷ ᱠᱟᱱᱟ ᱾ ᱱᱟᱞᱚᱱᱫᱟ ᱦᱚᱱᱚᱛ ᱨᱮᱫᱚ ᱠᱩᱨᱢᱤ ᱟᱨᱵᱟᱝ ᱠᱩᱬᱵᱤ ᱡᱟᱹᱛᱤ ᱠᱚ ᱵᱟᱹᱲᱛᱤ ᱠᱚ ᱵᱟᱥᱟ ᱵᱚᱥᱠᱚᱫ ᱟᱠᱟᱱ ᱠᱷᱟᱹᱛᱤᱨ ᱚᱱᱟ ᱴᱚᱴᱷᱟ ᱫᱚ ᱠᱩᱨᱢᱤᱥᱛᱷᱟᱱ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ-ᱟ ᱾[᱑][᱒]ᱱᱟᱞᱚᱱᱫᱟ ᱫᱚ ᱟᱡᱟᱜ ᱢᱟᱨᱮ ᱱᱟᱜᱟᱢ ᱞᱟᱹᱜᱤᱫ ᱟᱹᱰᱤ ᱜᱮ ᱡᱮᱜᱮᱛ ᱨᱮ ᱱᱟᱯᱟᱭ ᱩᱯᱨᱩᱢ ᱮ ᱟᱢᱮᱴ ᱟᱠᱟᱫ-ᱟ ᱾ ᱱᱚᱰᱮ ᱫᱚ ᱡᱮᱜᱮᱛ ᱨᱮᱭᱟᱜ ᱡᱚᱛᱚ ᱠᱷᱚᱢ ᱢᱟᱨᱮ ᱱᱟᱞᱚᱱᱫᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱥᱟᱨᱮᱡ ᱛᱮᱦᱮᱧ ᱫᱷᱟᱹᱵᱤᱡ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱡᱟᱦᱟᱸᱨᱮ ᱥᱩᱨ ᱥᱟᱺᱜᱤᱧ ᱫᱤᱥᱚᱢ ᱠᱷᱚᱱ ᱯᱟᱹᱴᱷᱩᱣᱟᱹ ᱯᱟᱲᱦᱟᱣᱜ ᱞᱟᱹᱜᱤᱫ ᱥᱤᱧᱚᱛ ᱛᱮᱠᱚ ᱦᱤᱡᱩᱜ-ᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱩᱫᱽᱫᱷᱚ ᱟᱨ ᱢᱚᱦᱟᱵᱤᱨ ᱟᱹᱰᱤ ᱫᱷᱟᱣ ᱱᱟᱞᱚᱱᱫᱟ ᱨᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱫᱚ ᱢᱚᱦᱟᱵᱤᱨ ᱫᱚ ᱢᱩᱠᱛᱤ ᱫᱚ ᱯᱟᱵᱟᱯᱩᱨᱤ ᱨᱮᱭ ᱧᱟᱢ ᱞᱮᱫ ᱛᱟᱦᱮᱸᱫ ᱡᱟᱦᱟᱸ ᱫᱚ ᱱᱟᱞᱚᱱᱫᱟ ᱨᱮ ᱢᱮᱱᱟᱜ-ᱟ ᱾ ᱵᱩᱫᱽᱫᱷᱚ ᱭᱤᱡ ᱢᱩᱬᱩᱛ ᱯᱟᱹᱴᱷᱩᱣᱟᱹ ᱠᱷᱚᱱ ᱢᱤᱫ, ᱥᱟᱨᱤᱯᱩᱛᱨᱚ ᱟᱜ ᱡᱟᱱᱟᱢ ᱫᱚ ᱱᱟᱞᱚᱱᱫᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱱᱟᱞᱚᱱᱫᱟ ᱯᱩᱨᱩᱵᱽ ᱨᱮ ᱚᱥᱛᱷᱟᱢᱟ ᱦᱟᱹᱵᱤᱡ, ᱯᱩᱪᱷᱤᱢ ᱨᱮ ᱛᱮᱞᱦᱟᱨᱟ ᱦᱟᱹᱵᱤᱡ, ᱫᱩᱠᱷᱤᱱ ᱨᱮ ᱜᱤᱨᱤᱭᱚᱠ ᱦᱟᱹᱵᱤᱡ, ᱟᱨ ᱩᱛᱚᱨ ᱨᱮ ᱦᱚᱨᱱᱚᱣᱛ ᱦᱟᱹᱵᱤᱡ ᱯᱟᱥᱱᱟᱣ ᱠᱟᱛᱮ ᱢᱮᱱᱟᱜ-ᱟ ᱾
ᱡᱮᱜᱮᱛ ᱨᱮᱭᱟᱜ ᱢᱟᱨᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱥᱟᱨᱮᱡ ᱫᱚ ᱱᱤᱛᱚᱜ ᱟᱡᱟᱜ ᱟᱧᱪᱟᱨ ᱛᱮ ᱥᱟᱢᱴᱟᱣ ᱛᱩᱞᱩᱡ ᱱᱟᱞᱚᱱᱫᱟ ᱵᱤᱦᱟᱨ ᱨᱮᱭᱟᱜ ᱢᱤᱫ ᱧᱮᱢᱮᱞ ᱴᱚᱴᱷᱟ ᱠᱟᱱᱟ ᱾ ᱱᱚᱰᱮ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱥᱟᱨᱮᱡ, ᱢᱤᱣᱡᱤᱭᱚᱢ, ᱱᱟᱣᱟ ᱱᱟᱞᱚᱱᱫᱟ ᱢᱚᱦᱟᱵᱤᱦᱟᱨ ᱟᱨ ᱦᱣᱮᱱᱥᱟᱝ ᱢᱮᱢᱚᱨᱤᱭᱟᱞ ᱦᱚᱞ ᱧᱮᱧᱮᱞ ᱠᱚ ᱦᱤᱡᱩᱜ-ᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ ᱱᱚᱣᱟ ᱨᱮᱭᱟᱜ ᱥᱩᱨ ᱥᱩᱯᱩᱨ ᱨᱮᱦᱚᱸ ᱫᱟᱬᱟᱱ ᱞᱟᱹᱜᱤᱫ ᱫᱚ ᱟᱹᱰᱤᱜᱟᱱ ᱧᱮᱞ ᱡᱚᱝ ᱡᱟᱭᱜᱟ ᱢᱮᱱᱟᱜ-ᱟ ᱾ ᱨᱟᱡᱽᱜᱤᱨ, ᱯᱟᱵᱟᱯᱩᱨᱤ, ᱜᱚᱭᱟ ᱟᱨ ᱵᱳᱫᱷ ᱜᱚᱭᱟ ᱱᱚᱰᱮᱣᱟᱜ ᱥᱩᱨ ᱨᱮ ᱢᱮᱱᱟᱜ ᱧᱮᱞ ᱡᱚᱝ ᱡᱟᱭᱜᱟ ᱫᱚ ᱾ ᱧᱩᱛᱩᱢᱟᱱ ᱪᱤᱱ ᱫᱤᱥᱚᱢ ᱨᱤᱱᱤᱡ ᱥᱟᱸᱜᱷᱟᱨᱤᱭᱟᱹ ᱦᱣᱮᱱᱥᱟᱝ ᱫᱚ ᱗ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱱᱚᱰᱮ ᱡᱤᱭᱚᱱ ᱨᱮᱭᱟᱜ ᱫᱟᱢᱟᱱ ᱢᱤᱫ ᱥᱮᱨᱢᱟ ᱢᱤᱫ ᱯᱟᱹᱴᱷᱩᱣᱟᱹ ᱟᱨ ᱢᱤᱫ ᱢᱟᱪᱮᱛ ᱞᱮᱠᱟᱛᱮᱭ ᱠᱷᱮᱢᱟᱣ ᱞᱮᱫ ᱛᱟᱦᱮᱸᱫ ᱾ ᱵᱷᱚᱜᱚᱵᱟᱱ ᱵᱩᱫᱽᱫᱷ ᱫᱚ ᱱᱚᱰᱮ ᱜᱮ ᱚᱥᱚᱠ ᱫᱚ ᱱᱟᱯᱟᱭ ᱦᱚᱨ ᱮ ᱩᱫᱩᱜ ᱟᱫᱮ ᱛᱟᱦᱮᱸᱫ ᱾ ᱢᱚᱦᱟᱵᱤᱨ ᱦᱚᱸ ᱱᱚᱰᱮ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱧᱩᱛᱢᱟᱱ ᱵᱚᱣᱫᱷ ᱥᱟᱨᱤᱯᱩᱛᱨᱚ ᱟᱜ ᱡᱟᱱᱟᱢ ᱫᱚ ᱱᱚᱰᱮ ᱜᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱦᱮᱡᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱚᱭ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱰᱮ ᱠᱷᱚᱱ ᱥᱩᱨ ᱩᱰᱟᱹᱱ ᱟᱰᱟ ᱫᱚ ᱡᱚᱭ ᱯᱨᱚᱠᱟᱥ ᱱᱟᱨᱟᱭᱚᱬ ᱩᱹᱰᱟᱹᱱ ᱟᱰᱟ ᱯᱟᱴᱱᱟ ᱨᱮ ᱢᱮᱱᱟᱜ-ᱟ ᱾ ᱡᱟᱦᱟᱸ ᱫᱚ ᱘᱙ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱠᱚᱞᱠᱟᱛᱟ, ᱨᱟᱧᱪᱤ, ᱵᱚᱢᱵᱮ, ᱫᱤᱞᱞᱤ ᱟᱨ ᱞᱚᱠᱷᱱᱚᱣ ᱠᱷᱚᱱ ᱯᱟᱴᱱᱟ ᱞᱟᱹᱜᱤᱫ ᱥᱤᱫᱷᱟᱹ ᱩᱰᱟᱹᱱ ᱨᱮᱭᱟᱜ ᱥᱩᱵᱤᱫᱷᱟ ᱢᱮᱱᱟᱜ-ᱟ ᱾
ᱨᱮᱞ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱟᱞᱚᱱᱫᱟ ᱨᱮ ᱨᱚᱞ ᱥᱴᱮᱥᱚᱱ ᱢᱮᱱᱟᱜ-ᱟ ᱾ ᱤᱠᱷᱟᱹᱱ ᱱᱚᱰᱮᱱᱟᱜ ᱢᱟᱨᱟᱝ ᱨᱮᱞ ᱥᱴᱮᱥᱚᱱ ᱫᱚ ᱨᱟᱡᱽᱜᱤᱨ ᱨᱮ ᱢᱮᱱᱟᱜ-ᱟ ᱾ ᱨᱟᱡᱽᱜᱤᱨ ᱪᱟᱞᱟᱜ ᱡᱚᱛᱚ ᱨᱮᱞ ᱜᱟᱹᱰᱤ ᱜᱮ ᱱᱟᱞᱚᱱᱫᱟ ᱥᱮᱫ ᱛᱮ ᱪᱟᱞᱟᱜ-ᱟ ᱾
ᱥᱚᱲᱚᱠ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱟᱞᱚᱱᱫᱟ ᱫᱚ ᱥᱚᱲᱚᱠ ᱦᱚᱨ ᱦᱚᱛᱮᱛᱮ ᱨᱟᱡᱽᱜᱤᱨ ᱑᱒ ᱠᱤᱞᱚ ᱢᱤᱴᱚᱨ, ᱵᱳᱫᱷ-ᱜᱚᱭᱟ ᱑᱑᱐ ᱠᱤᱞᱚ ᱢᱤᱴᱚᱨ, ᱜᱚᱭᱟ ᱙᱕ ᱠᱤᱞᱚ ᱢᱤᱴᱚᱨ, ᱯᱟᱣᱟᱯᱩᱨᱤ ᱒᱖ ᱠᱤᱞᱚ ᱢᱤᱴᱚᱨ, ᱟᱨ ᱵᱤᱦᱟᱨ ᱥᱚᱨᱤᱯᱷ ᱑᱓ ᱠᱤᱞᱚ ᱢᱤᱴᱚᱨ ᱠᱷᱚᱱ ᱟᱹᱰᱤ ᱱᱟᱯᱟᱭ ᱥᱟᱺᱦᱤᱡ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾