ᱴᱤ. ᱡᱤ. ᱠᱚᱢᱞᱟ ᱫᱮᱵᱤ
| ᱴᱤ. ᱡᱤ. ᱠᱚᱢᱞᱟ ᱫᱮᱵᱤ | |
|---|---|
| ᱨᱮᱫ:T.g.kamaladevi.jpg | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱛᱷᱳᱴᱟ ᱜᱚᱵᱤᱱᱫᱚᱢᱢᱟ ᱒᱙ ᱰᱤᱥᱮᱢᱵᱚᱨ ᱑᱙᱓᱐[᱑] ᱠᱟᱨᱵᱮᱴᱤᱱᱚᱜᱚᱨᱟᱢ, ᱪᱤᱛᱛᱩᱨ ᱦᱚᱱᱚᱛ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱖ ᱚᱜᱚᱥᱴ ᱒᱐᱑᱒ (᱘᱑ ᱵᱚᱭᱚᱥ) ᱢᱟᱫᱽᱨᱟᱥ, ᱛᱟᱢᱤᱞᱱᱟᱰᱩ, ᱥᱤᱧᱚᱛ |
| ᱮᱴᱟᱜ ᱧᱩᱛᱩᱢ | ᱠᱚᱢᱞᱟ ᱫᱮᱵᱤ, ᱠᱚᱢᱞᱟ ᱪᱚᱸᱫᱽᱨᱚ ᱵᱟᱹᱵᱩ, ᱮ. ᱠᱚᱢᱞᱟ ᱪᱚᱸᱫᱽᱨᱚ ᱵᱟᱹᱵᱩ |
| ᱦᱚᱯᱚᱱ | ᱑ |
ᱴᱤ.ᱡᱤ. ᱠᱚᱢᱞᱟ ᱫᱮᱵᱤ (ᱡᱟᱱᱟᱢ ᱛᱷᱳᱴᱟ ᱜᱳᱵᱤᱱᱫᱚᱢᱢᱟ; ᱒᱙ ᱰᱤᱥᱮᱢᱵᱚᱨ ᱑᱙᱓᱐ - ᱑᱖ ᱚᱜᱚᱥᱴ ᱒᱐᱑᱒), ᱡᱟᱦᱟᱸ ᱫᱚ ᱠᱚᱢᱞᱟ ᱪᱚᱸᱫᱽᱨᱚ ᱵᱟᱹᱵᱩ ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟᱭ, ᱢᱤᱫ ᱥᱤᱧᱚᱛᱤᱭᱟᱹ ᱰᱟᱵᱤᱝ ᱟᱨᱴᱥ, ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱟᱨ ᱟᱠᱴᱚᱨ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱛᱮᱞᱩᱜᱩ ᱥᱤᱱᱮᱢᱟ ᱥᱟᱶᱛᱮ ᱛᱟᱢᱤᱞ ᱯᱷᱤᱞᱢ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾[᱒] ᱩᱱᱤ ᱫᱚ ᱢᱤᱫ ᱯᱨᱚᱯᱷᱮᱥᱚᱱᱟᱞ ᱛᱷᱟᱨ ᱨᱤᱱᱤᱡ ᱵᱤᱞᱤᱭᱚᱨᱰᱥ ᱠᱷᱮᱞᱚᱸᱰᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱵᱟᱨ ᱫᱷᱟᱣ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱵᱤᱞᱤᱭᱚᱨᱰᱥ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱾[᱓] ᱑᱖ ᱟᱜᱚᱥᱴ ᱒᱐᱑᱒ ᱨᱮ ᱪᱮᱱᱱᱟᱭ ᱨᱮ ᱢᱤᱫ ᱵᱤᱢᱟᱨ ᱠᱷᱟᱹᱛᱤᱨ ᱟᱡ ᱮ ᱜᱚᱡ ᱮᱱᱟᱭ ᱾[᱔]
ᱡᱤᱭᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱡᱟᱜ ᱡᱟᱱᱟᱢ ᱫᱚ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱪᱤᱛᱛᱩᱨ ᱦᱚᱱᱚᱛ ᱨᱮᱱᱟᱜ ᱠᱟᱨᱵᱮᱴᱤᱱᱚᱜᱚᱨᱚᱢ ᱨᱮ ᱦᱩᱭ ᱞᱮᱱᱟᱭ ᱾ ᱩᱱᱤᱭᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱛᱷᱳᱴᱟ ᱜᱳᱵᱤᱱᱫᱚᱢᱢᱟ ᱛᱟᱦᱮᱸ ᱠᱟᱱᱟ ᱟᱨ ᱛᱟᱭᱚᱢ ᱛᱮ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱥᱮᱞᱮᱫ ᱮᱱ ᱛᱟᱭᱚᱢ ᱩᱱᱤ ᱫᱚ ᱟᱡᱟᱜ ᱧᱩᱛᱩᱢ ᱫᱚ ᱴᱤ. ᱡᱤ. ᱠᱚᱢᱚᱞᱟ ᱫᱮᱵᱤ ᱫᱚᱭ ᱫᱚᱦᱚ ᱞᱮᱫᱟ ᱾ ᱮᱛᱚᱦᱚᱵ ᱫᱚ "ᱴᱤ. ᱡᱤ." ᱩᱱᱤᱭᱟᱜ ᱧᱩᱛᱩᱢ ᱨᱮ ᱩᱱᱤᱭᱟᱜ ᱡᱟᱱᱟᱢ ᱧᱩᱛᱩᱢ ᱢᱮᱱᱟᱜᱼᱟ ᱾[᱒] ᱩᱱᱤ ᱫᱚ ᱑᱙᱔᱖ ᱥᱟᱞᱮ ᱨᱮ ᱟᱵᱩᱞᱟ ᱪᱚᱸᱫᱽᱨᱚ ᱵᱟᱵᱩ ᱥᱟᱶ ᱵᱟᱯᱞᱟ ᱞᱮᱱᱟᱭ ᱟᱨ ᱩᱱᱤ ᱠᱷᱚᱱ ᱟᱵᱩᱞᱟ ᱡᱚᱭᱪᱚᱱᱫᱚᱨ ᱧᱩᱛᱩᱢᱟᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱦᱩᱭ ᱮᱱᱟᱭ ᱾[᱕]
ᱯᱷᱤᱞᱢ ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱢᱤᱫ ᱜᱟᱭᱟᱱ ᱠᱚᱢᱯᱟᱱᱤ ᱨᱮ ᱛᱟᱦᱮᱸ ᱠᱟᱱᱟᱭ ᱟᱨ ᱟᱡᱟᱜ ᱮᱛᱚᱦᱚᱵ ᱫᱤᱱ ᱨᱮ ᱩᱱᱤ ᱫᱚ ᱠᱚᱲᱟ ᱟᱨ ᱠᱩᱲᱤ ᱮᱱᱮᱡ ᱠᱚᱨᱮ ᱯᱟᱴ ᱮᱫ ᱛᱟᱦᱮᱸᱫ ᱾ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱟᱭᱢᱟ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱫᱼᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱥᱤᱱᱮᱢᱟ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱓᱐ ᱜᱚᱴᱟᱝ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟ, ᱚᱱᱟ ᱠᱚ ᱢᱩᱫᱽ ᱨᱮ ᱡᱟᱹᱥᱛᱤ ᱜᱟᱱ ᱫᱚ ᱥᱚᱦᱚᱫ ᱯᱟᱴ ᱨᱮ ᱾
ᱥᱮᱨᱮᱧᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱛᱮᱞᱩᱜᱩ ᱟᱨ ᱛᱟᱢᱤᱞ ᱯᱷᱤᱞᱢ ᱠᱚᱨᱮ ᱟᱭᱢᱟ ᱥᱮᱨᱮᱧ ᱠᱚᱭ ᱥᱮᱨᱮᱧ ᱟᱠᱟᱫᱟ, ᱡᱮᱞᱮᱠᱟ ᱛᱮᱞᱩᱜᱩ-ᱛᱟᱢᱤᱞ ᱯᱷᱤᱞᱢ ᱯᱟᱛᱷᱞᱟ ᱵᱷᱮᱨᱵᱤ, ᱡᱟᱦᱟᱸ ᱨᱮ ᱛᱮᱞᱩᱜᱩ ᱨᱮ ᱩᱱᱤ ᱫᱚ 'ᱤᱛᱷᱤᱦᱟᱥᱚᱢ ᱵᱤᱱᱟᱨᱟ' ᱟᱨ ᱛᱟᱢᱤᱞ ᱨᱮ 'ᱤᱛᱷᱤᱠᱟᱥᱚᱢ ᱠᱮᱴᱨᱟ' ᱮ ᱥᱮᱨᱮᱧ ᱟᱠᱟᱫᱟ ᱾
ᱰᱟᱵᱤᱝ ᱮᱱᱮᱡᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱢᱤᱫ ᱧᱩᱛᱩᱢᱟᱱ ᱰᱟᱵᱤᱝ ᱮᱱᱮᱡᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱟᱨ ᱯᱚᱫᱽᱢᱤᱱᱤ, ᱵᱤ. ᱥᱚᱨᱳᱡᱟ ᱫᱮᱵᱤ, ᱞᱚᱞᱤᱛᱟ ᱟᱨ ᱟᱭᱢᱟ ᱮᱴᱟᱜ ᱮᱠᱴᱚᱨ ᱠᱚ ᱞᱟᱹᱜᱤᱫ ᱟᱡᱟᱜ ᱨᱚᱲ ᱮ ᱮᱢ ᱟᱠᱟᱫᱟ ᱾[᱒]
ᱠᱭᱩ ᱠᱷᱮᱞᱚᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱚᱢᱞᱟ ᱫᱚ ᱥᱤᱧᱚᱛ ᱨᱤᱱᱤᱡ ᱮᱛᱚᱦᱚᱵ ᱛᱤᱨᱞᱟᱹ ᱠᱭᱩ ᱠᱷᱮᱞᱚᱱᱰᱤᱭᱟᱹ ᱠᱷᱚᱱ ᱫᱚ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟᱭ ᱾[᱑] ᱡᱚᱠᱷᱚᱱ ᱥᱱᱩᱠᱟᱨ ᱡᱮᱜᱮᱛ ᱪᱟᱢᱯᱤᱭᱟᱱ ᱦᱳᱨᱮᱥ ᱞᱤᱱᱰᱨᱟᱢ ᱑᱙᱕᱔ ᱥᱟᱞᱮ ᱨᱮ ᱟᱱᱫᱷᱨᱚ ᱢᱚᱦᱟᱥᱚᱵᱷᱟ ᱟᱜ ᱤᱫᱤ ᱛᱮ ᱪᱮᱱᱱᱟᱭ ᱮ ᱥᱮᱴᱮᱨ ᱞᱮᱱᱟᱭ, ᱩᱱ ᱚᱠᱛᱚ ᱠᱚᱢᱚᱞᱟ ᱫᱚ ᱥᱤᱱᱫᱷᱱᱟᱭ ᱦᱟᱛᱟᱣ ᱞᱮᱫᱟ ᱟᱨ ᱥᱨᱤᱥᱴᱤ ᱞᱤᱱᱰᱨᱟᱢ ᱟᱜ ᱛᱟᱞᱟ ᱨᱮ ᱢᱤᱫ ᱠᱩᱲᱤ ᱦᱚᱯᱚᱱ ᱮ ᱠᱷᱮᱞ ᱞᱟᱹᱜᱤᱫ ᱮ ᱮᱢ ᱞᱮᱫᱟ ᱾[᱖] ᱞᱚᱜᱚᱱ ᱜᱮ, ᱩᱱᱤ ᱫᱚ ᱯᱚᱱᱚᱛ ᱟᱨ ᱡᱟᱹᱛᱤᱭᱟᱹᱨᱤ ᱛᱷᱟᱨ ᱨᱮᱱᱟᱜ ᱴᱩᱨᱱᱟᱢᱮᱱᱴ ᱨᱮ ᱟᱡᱟᱜ ᱴᱷᱟᱶ ᱮ ᱵᱮᱱᱟᱣ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱩᱱ ᱚᱠᱛᱚ ᱨᱮ ᱢᱤᱫᱴᱟᱹᱝ ᱜᱮ ᱛᱤᱨᱞᱟᱹ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮ ᱪᱮᱱᱱᱟᱭ, ᱵᱤᱡᱚᱭᱣᱟᱰᱟ ᱟᱨ ᱵᱮᱝᱜᱟᱞᱩᱨᱩ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱥᱱᱩᱠᱟᱨ ᱴᱩᱨᱱᱟᱢᱮᱱᱴ ᱨᱮ ᱠᱚᱲᱟ ᱠᱚ ᱥᱟᱶᱮᱭ ᱦᱮᱯᱨᱟᱣ ᱞᱮᱱᱟ ᱾ ᱩᱱᱤ ᱫᱚ ᱑᱙᱙᱑ ᱟᱨ ᱑᱙᱙᱕ ᱨᱮ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱵᱤᱞᱤᱭᱚᱨᱰᱥ ᱛᱤᱨᱞᱟᱹ ᱪᱮᱛᱟᱱ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱾[᱗] ᱩᱱᱤ ᱫᱚ ᱩᱱ ᱚᱠᱛᱚ ᱨᱮ ᱡᱮᱜᱮᱛ ᱵᱤᱞᱤᱭᱟᱨᱰᱥ ᱪᱟᱢᱯᱤᱭᱟᱱ ᱵᱚᱵᱽ ᱢᱟᱨᱥᱟᱞ ᱥᱟᱶ ᱵᱮᱝᱜᱟᱞᱩᱨᱩ ᱟᱨ ᱢᱟᱭᱥᱩᱨ ᱨᱮ ᱮᱠᱥᱯᱳᱨᱴᱤᱵᱷ ᱢᱮᱪ ᱠᱚ ᱠᱷᱮᱞ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱚᱠᱛᱚᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮ ᱖᱒ ᱟᱨ ᱖᱖ ᱵᱚᱪᱷᱚᱨ ᱩᱢᱮᱨ ᱨᱮ ᱟᱡᱟᱜ ᱵᱟᱨᱭᱟ ᱵᱤᱞᱤᱭᱟᱨᱰᱥ ᱡᱟᱹᱛᱤᱭᱟᱹᱨᱤ ᱥᱤᱨᱯᱟᱹᱭ ᱡᱤᱛᱠᱟᱹᱨ ᱞᱮᱱᱟ ᱾[᱗]
ᱥᱤᱨᱯᱷᱟᱹ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱟᱱᱫᱷᱨᱚ ᱯᱨᱚᱫᱮᱥ ᱜᱟᱭᱟᱱ ᱮᱠᱟᱰᱮᱢᱤ ᱦᱚᱛᱮᱛᱮ ᱟᱡᱟᱜ ᱜᱟᱭᱟᱱ ᱠᱟᱞᱟ ᱯᱨᱚᱯᱩᱨᱱᱟ ᱥᱤᱨᱯᱷᱟᱹ ᱛᱮ ᱢᱟᱹᱱ ᱦᱟᱞᱟᱝ ᱞᱮᱱᱟᱭ ᱾
ᱧᱩᱛᱩᱢ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱡᱟᱹᱛᱤᱭᱟᱹᱨᱤ ᱵᱤᱞᱤᱭᱟᱨᱰᱥ ᱪᱟᱢᱯᱤᱭᱟᱱ: ᱑᱙᱙᱑,[᱘] ᱑᱙᱙᱕
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ "Cue artist Kamala Chandra Babu dies at age 82 | GantDaily.com". Archived from the original on 14 July 2014. Retrieved 29 August 2012.
- ↑ ᱒.᱐ ᱒.᱑ ᱒.᱒ "T G Kamala Devi". Gurthukostunayyi. Maa TV. Archived from the original on 2016-03-12. Retrieved 13 June 2013.
- ↑ "A. Kamala Chandra Babu passed away". Cue Sports India. Retrieved 29 August 2012.
- ↑ "Actor, singer Kamala Devi passes away". Deccan Chronicle. 17 ᱚᱜᱚᱥᱴ 2012. Archived from the original on 19 ᱚᱜᱚᱥᱴ 2012. Retrieved 17 ᱚᱜᱚᱥᱴ 2012.
- ↑ "Actress cum playback singer T G Kamala Devi dies at 83".
- ↑ Ninan, Susan (12 November 2011). "A champion lost in her own world". The Times of India. Archived from the original on 3 January 2013. Retrieved 29 August 2012.
- ↑ ᱗.᱐ ᱗.᱑ "Former cue sport player Kamala Chandra Babu passes away". The Times of India. 17 August 2012. Archived from the original on 3 January 2013. Retrieved 29 August 2012.
- ↑ M. L. Narasimham (18 August 2012). "A woman of many talents". The Hindu. Archived from the original on 21 January 2020. Retrieved 21 January 2020.
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱴᱤ. ᱡᱤ. ᱠᱚᱢᱞᱟ ᱫᱮᱵᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- ᱤᱛᱷᱤᱦᱟᱥᱚᱢ ᱠᱮᱴᱤᱨᱟ on YouTube - ᱴᱤ. ᱡᱤ. ᱠᱚᱢᱚᱞᱟ ᱫᱮᱵᱤ ᱫᱚ ᱯᱟᱛᱷᱟᱞ ᱵᱷᱚᱭᱨᱚᱵᱤ ᱨᱮ ᱥᱮᱨᱮᱧ ᱟᱨ ᱮᱱᱮᱡ ᱮᱫᱟᱭ ᱾