ᱵᱟᱥᱳ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Portrait of Matsuo Basho

ᱢᱟᱛᱥᱩᱣᱚ ᱵᱚᱥᱳ (Matsuo Basho) (1644-1694) ᱫᱚ ᱢᱤᱫ ᱢᱟᱦᱟᱱ ᱡᱟᱯᱟᱱᱤᱭᱟ. ᱚᱱᱚᱬᱦᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱦᱟᱭᱠᱩ ᱚᱱᱚᱬᱦᱮ ᱨᱤᱱᱤᱡ ᱡᱟᱱᱟᱢᱫᱟᱛᱟ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ ᱛᱟᱠᱚᱣᱟ ᱾ ᱦᱟᱭᱠᱩ ᱚᱱᱚᱬᱦᱮ ᱨᱮᱭᱟᱜ ᱦᱚᱲ ᱠᱩᱥᱤᱭᱟᱜ ᱟᱨ ᱚᱱᱟ ᱨᱮᱭᱟᱜ ᱥᱚᱢᱨᱩᱫᱷᱤ ᱞᱟ.ᱜᱤᱫ ᱟᱡᱟᱜ ᱟ.ᱰᱤ ᱜᱟᱺᱦᱤᱨ ᱮᱱᱮᱢ ᱢᱮᱱᱟᱜᱼᱟ ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  ᱢᱟᱛᱥᱩᱳ ᱵᱟᱥᱳᱣᱟᱜ ᱡᱟᱱᱟᱢ ᱫᱚ ᱢᱤᱫ ᱥᱚᱢᱩᱨᱟᱭᱤ ᱜᱷᱟᱨᱚᱸᱡᱤᱭᱟ. ᱨᱮ ᱑᱒ ᱚᱠᱴᱳᱵᱚᱨ ᱑᱖᱔᱔ ᱥᱟᱞᱮᱨᱮ ᱤᱜᱟ ᱯᱚᱱᱚᱛ ᱟᱥᱟᱢ ᱨᱮ ᱦᱩᱭ ᱞᱮᱱᱟ ᱾ ᱩᱱᱤ ᱦᱚᱛᱮᱛᱮ ᱚᱞᱼᱛᱚᱞ ᱟᱠᱟᱱ ᱥᱟᱶᱦᱮᱫ ᱫᱚ ᱱᱚᱶᱟᱭ ᱩᱫᱩᱜᱟ ᱡᱮ ᱩᱱᱤ ᱟᱡᱟᱜ ᱵᱟ.ᱲᱛᱤ ᱠᱷᱚᱱ ᱵᱟ.ᱲᱛᱤ ᱵᱚᱭᱚᱥ ᱫᱚ ᱯᱩᱨᱠᱩᱛᱤᱭᱟ. ᱠᱚᱞᱮᱨᱮᱭ ᱠᱷᱮᱢᱟᱣ ᱟᱠᱟᱜᱼᱟ ᱾ ᱯᱩᱱᱜᱮᱞ ᱥᱮᱨᱢᱟ ᱵᱚᱭᱚᱥ ᱨᱮ ᱩᱱᱤ ᱫᱚ ᱢᱤᱫᱴᱟ.ᱝ ᱠᱚᱠᱚᱭ ᱡᱩᱜᱤ ᱞᱮᱠᱟ ᱴᱷᱟ:ᱭᱼᱴᱷᱟ:ᱭ ᱫᱟᱬᱟᱱ ᱮ ᱮᱛᱚᱦᱚᱵ ᱠᱮᱜᱼᱟ ᱾ ᱵᱚᱣᱫᱷ ᱢᱚᱱᱚᱛ ᱢᱟᱱᱟᱣᱮᱫ ᱠᱚ (ᱡᱟᱦᱟᱸᱭ ᱫᱚ ᱡᱮᱱ ᱠᱚ ᱢᱮᱛᱟ ᱠᱚᱣᱟ) ᱟᱨ ᱯᱩᱨᱠᱩᱛᱤᱭᱟ. ᱠᱚ ᱠᱩᱥᱤᱭᱟᱜ ᱜᱮᱥᱟᱭ ᱦᱚᱲ ᱟᱡ ᱨᱤᱱ ᱪᱮᱛᱮᱫᱤᱭᱟ. ᱠᱚ ᱵᱮᱱᱟᱣ ᱮᱱᱟ ᱾ ᱩᱱᱠᱩ ᱛᱟᱞᱟ ᱠᱷᱚᱱ ᱢᱤᱫ ᱪᱮᱛᱮᱫᱤᱭᱟ. ᱫᱚ ᱟᱡ ᱞᱟ.ᱜᱤᱫ ᱢᱤᱫ ᱠᱩᱸᱵᱟ.ᱭ ᱵᱮᱱᱟᱣ ᱠᱮᱜᱼᱟ ᱟᱨ ᱚᱱᱟ ᱥᱟᱢᱟᱝ ᱨᱮ ᱢᱤᱫ ᱠᱟᱭᱨᱟ ᱫᱟᱨᱮ ᱦᱚᱸᱭ ᱨᱚᱦᱚᱭ ᱠᱟᱫᱼᱟ ᱾ ᱠᱟᱭᱨᱟ ᱫᱚ ᱡᱟᱯᱟᱱᱤ ᱯᱟ.ᱨᱥᱤ ᱛᱮ "ᱵᱟᱥᱳ" ᱠᱚ ᱢᱮᱛᱟᱦᱟᱜᱼᱟ ᱾ ᱟᱨ ᱟᱡᱟᱜ ᱠᱩᱸᱵᱟ. ᱫᱚ "ᱵᱟᱥᱳᱼᱮᱱ" ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱱ ᱾ ᱤᱱᱟ. ᱛᱟᱭᱚᱢ ᱛᱮᱜᱮ ᱱᱩᱭ ᱫᱚ ᱢᱟᱛᱥᱩᱳ ᱵᱟᱥᱳ ᱢᱮᱱᱛᱮᱭ ᱵᱤᱠᱱᱟ.ᱣ ᱮᱱᱟ ᱾ ᱩᱱᱤ ᱫᱚ ᱟ.ᱰᱤ ᱠᱟ.ᱡ ᱟ.ᱲᱟ. ᱛᱮ ᱟ.ᱰᱤ ᱜᱟᱱ ᱠᱟᱛᱷᱟᱭ ᱢᱮᱱ ᱜᱚᱫ ᱠᱟᱜ ᱠᱟᱱ ᱛᱟᱦᱮᱸᱫ ᱾ ᱡᱟᱯᱟᱱ ᱨᱮ ᱟ.ᱰᱤᱜᱟᱱ ᱥᱢᱟᱨᱚᱠ ᱨᱮ ᱵᱟᱥᱳᱣᱟᱜ ᱦᱟᱭᱠᱩ ᱚᱞ ᱟᱠᱟᱱᱟ ᱾ 


ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  ᱵᱟᱥᱳ ᱫᱚ ᱢᱤᱫ ᱡᱮᱱ ᱥᱟ.ᱫᱷᱩᱭ ᱛᱟᱦᱮᱸ ᱠᱟᱱᱟ ᱾ ᱵᱟᱥᱳ ᱜᱮ ᱦᱟᱭᱠᱩ ᱫᱚ ᱚᱱᱚᱬᱦᱮ ᱢᱳᱰ ᱨᱩᱯ ᱨᱮᱭ ᱛᱷᱟᱯᱚᱱ ᱟᱠᱟᱜᱼᱟ ᱾ ᱵᱟᱥᱳᱣᱟᱜ ᱜᱤᱫᱽᱨᱟ. ᱚᱠᱛᱚ ᱨᱮᱭᱟᱜ ᱧᱩᱛᱩᱢ ᱫᱚ "ᱡᱤᱱ ᱥᱤᱪᱨᱳ" ᱛᱟᱦᱮᱸ ᱠᱟᱱᱟ ᱾ ᱟᱡᱤᱡ ᱢᱤᱫ ᱪᱮᱛᱮᱫᱤᱭᱟ. ᱢᱤᱫ ᱠᱟᱭᱨᱟ ᱫᱟᱨᱮ ᱵᱮᱵᱷᱟᱨ ᱞᱮᱠᱟᱛᱮᱭ ᱮᱢᱟ ᱟᱫᱮ ᱠᱷᱟᱱ ᱚᱱᱟ ᱫᱚᱭ ᱨᱚᱦᱚᱭ ᱠᱟᱫᱼᱟ ᱾ ᱚᱸᱰᱮ ᱜᱮ ᱟᱡ ᱞᱟ.ᱜᱤᱫ ᱠᱩᱸᱵᱟ. ᱦᱚᱸᱭ ᱵᱮᱱᱟᱣ ᱠᱮᱜᱼᱟ ᱾ ᱵᱟᱥᱳᱼᱟᱱ (ᱠᱟᱭᱨᱟ) ᱟᱜ ᱧᱩᱛᱩᱢ ᱞᱮᱠᱟᱛᱮ ᱟᱡᱟᱜ ᱧᱩᱛᱩᱢ ᱦᱚᱸ ᱵᱟᱥᱳ ᱢᱮᱱᱛᱮᱭ ᱫᱚᱦᱚ ᱠᱮᱜᱼᱟ ᱾ ᱵᱟᱥᱳ ᱦᱟᱭᱠᱩ ᱫᱚ ᱫᱚᱨᱵᱟᱨᱤ ᱥᱮ ᱮᱴᱟᱜ ᱟ.ᱲᱟ. ᱠᱷᱮᱞᱚᱸᱰ ᱠᱷᱚᱱ ᱵᱟᱦᱨᱮᱭ ᱟ.ᱜᱩ ᱠᱮᱜᱼᱟ ᱟᱨ ᱚᱱᱚᱬᱦᱮ ᱨᱮᱭᱟᱜ ᱚᱱᱚ ᱜᱚᱨᱚᱵᱽ ᱴᱷᱟᱶ ᱮ ᱪᱟᱞ ᱟᱫᱼᱟ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮᱭᱟᱜ ᱯᱟ.ᱨᱥᱤ ᱛᱮ ᱱᱚᱶᱟ ᱪᱷᱟᱸᱫᱟ ᱫᱚ ᱯᱩᱭᱞᱩ ᱴᱷᱟᱶ ᱠᱚ ᱪᱟᱞ ᱟᱫᱼᱟ ᱾ ᱱᱩᱭ ᱫᱚ ᱥᱟᱸᱜᱷᱟᱨᱤᱭᱟ. ᱟᱨ ᱯᱨᱩᱠᱩᱛᱤᱭᱟ. ᱫᱩᱞᱟ.ᱲᱤᱭᱟ. ᱥᱟ.ᱫᱷᱩ ᱢᱮᱱᱛᱮᱭ ᱵᱤᱠᱱᱟ.ᱣ ᱮᱱᱟ ᱾ ᱱᱩᱭ ᱫᱚ ᱯᱨᱩᱠᱩᱛᱤᱭᱟ. ᱟᱨ ᱢᱟ.ᱱᱢᱤᱭᱟᱜ ᱢᱤᱫ ᱨᱩᱯᱨᱮ ᱯᱟ.ᱛᱭᱟ.ᱣ ᱮ ᱫᱚᱦᱚᱭ ᱛᱟᱦᱮᱸᱱ ᱾ ᱡᱮᱱ ᱥᱟᱱᱟᱥ ᱨᱮ ᱡᱟᱦᱟᱸ ᱰᱚᱸᱰᱮᱠ ᱨᱮᱭᱟᱜ ᱢᱚᱦᱚᱛ ᱢᱮᱱᱟᱜᱼᱟ, ᱚᱱᱟᱜᱮ ᱱᱩᱭᱟᱜ ᱚᱱᱚᱬᱦᱮ ᱨᱮᱭᱟᱜ ᱫᱚ ᱡᱤᱣᱤ ᱵᱮᱱᱟᱣ ᱮᱱᱟ ᱾ ᱥᱟᱸᱜᱷᱟᱨ ᱚᱠᱛᱚᱨᱮ ᱩᱱᱤᱨᱤᱱ ᱥᱩᱨ ᱥᱩᱯᱩᱨ ᱵᱟᱨ ᱜᱮᱥᱟᱭ ᱜᱟᱱ ᱪᱮᱛᱮᱫᱤᱭᱟ. ᱠᱚ ᱵᱮᱱᱟᱣ ᱮᱱᱟ ᱾ ᱡᱟᱦᱟᱸ ᱠᱷᱚᱱ ᱓᱐᱐ ᱜᱟᱱ ᱫᱚ ᱦᱚᱲ ᱠᱩᱥᱤᱭᱟᱱ ᱠᱚ ᱦᱩᱭ ᱞᱮᱱᱟ  ᱾ ᱩᱱᱤᱭᱟᱜ ᱢᱟᱱᱟᱣ ᱵᱟᱛᱟᱣ ᱛᱟᱦᱮᱸ ᱠᱟᱱᱟ ᱫᱚ ᱢᱮᱱᱮᱛᱟᱱ ᱢᱚᱬᱮ ᱜᱚᱴᱟᱝ ᱦᱟᱭᱠᱩ ᱚᱼᱚᱞᱤᱡ ᱫᱚ ᱥᱟ.ᱨᱤ ᱚᱱᱚᱬᱦᱤᱭᱟ. ᱟᱨ ᱜᱮᱞ ᱜᱚᱴᱟᱝ ᱚᱼᱚᱞᱤᱡ ᱫᱚ ᱢᱟᱦᱟᱱ ᱚᱱᱚᱬᱦᱤᱭᱟ. ᱵᱤᱠᱱᱟ.ᱣ ᱮ ᱨᱮᱭᱟᱜ ᱦᱚᱠᱫᱟᱨ ᱢᱮᱱᱟᱜᱼᱟ ᱾ ᱩᱱᱤᱭᱟᱜ ᱢᱟᱱᱟᱣ ᱵᱟᱛᱟᱣ ᱛᱟᱦᱮᱸ ᱠᱟᱱᱟ ᱫᱚ ᱥᱚᱝᱥᱟᱨ ᱨᱮᱭᱟᱜ ᱡᱚᱛᱚ ᱞᱮᱠᱟᱱ ᱥᱟᱛᱟᱢ ᱦᱟᱭᱠᱩ ᱞᱟ.ᱜᱤᱫ ᱫᱚ ᱜᱟᱱᱚᱜ ᱜᱮᱭᱟ ᱾ 

ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  ᱢᱤᱫ ᱟᱡᱟᱨ ᱠᱷᱟ.ᱛᱤᱨ ᱵᱟᱥᱳᱣᱟᱜ ᱜᱩᱨ ᱫᱚ ᱒᱘ ᱱᱚᱵᱷᱮᱢᱵᱚᱨ ᱑᱖᱙᱔ ᱨᱮ ᱦᱩᱭ ᱮᱱᱟ ᱾ ᱵᱟᱥᱳ ᱦᱟᱭᱠᱩ ᱨᱤᱱ ᱧᱩᱛᱩᱢᱟᱱ ᱯᱩᱱ ᱚᱱᱚᱬᱦᱤᱭᱟ. (ᱵᱟᱥᱳ, ᱵᱩᱥᱳᱱ, ᱤᱥᱥᱟ, ᱥᱤᱠᱤ) ᱵᱷᱤᱛᱨᱤ ᱠᱷᱚᱱ ᱢᱤᱫ ᱦᱚᱲ ᱾ ᱦᱟᱭᱠᱩᱣᱟᱜ ᱱᱟᱜᱟᱢ ᱨᱮ ᱜᱮᱭᱟᱭ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱛᱟᱞᱟ ᱠᱷᱚᱱ ᱜᱮᱨᱟ.ᱞ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱛᱟᱞᱟ ᱫᱷᱟ.ᱵᱤᱡᱟᱜ ᱢᱤᱫ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱡᱩᱜᱽ ᱫᱚ ᱵᱟᱥᱳ ᱡᱩᱜᱽ ᱢᱮᱱᱛᱮ ᱧᱩᱢ ᱪᱷᱟ.ᱴᱭᱟ.ᱨ ᱟᱠᱟᱜᱼᱟ ᱾ 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]