ᱵᱷᱚᱜᱚᱵᱚᱛᱤ ᱢᱩᱸᱫᱽᱨᱤ
ᱵᱷᱚᱜᱚᱵᱚᱛᱤ ᱢᱩᱸᱫᱽᱨᱤ ᱫᱚ ᱳᱰᱤᱥᱟ ᱨᱮᱭᱟᱜ ᱠᱷᱩᱨᱫᱷᱟ ᱡᱮᱞᱟ ᱨᱮ ᱵᱟᱬᱚᱯᱩᱨ ᱵᱟᱡᱟᱨ ᱠᱷᱚᱱ ᱯᱩᱪᱷᱤᱢ ᱱᱟᱠᱷᱟ ᱵᱷᱟᱱᱴᱚᱥᱤᱲᱟ ᱵᱩᱨᱩ ᱥᱩᱨ ᱥᱟᱲᱳᱭᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜᱻᱟ ᱾ ᱢᱩᱸᱫᱽᱨᱤ ᱥᱟᱝ ᱡᱚᱜᱽᱢᱳᱦᱚᱱ ᱟᱨ ᱢᱚᱱᱰᱚᱯ ᱢᱮᱱᱟᱜᱻᱟ ᱾ ᱫᱤᱵᱤ ᱵᱷᱚᱜᱚᱵᱚᱛᱤ ᱫᱚ ᱯᱩᱪᱷᱤᱢ ᱥᱮᱱ ᱥᱟᱢᱟᱝ ᱟᱠᱟᱫᱟ ᱟᱨ ᱢᱩᱸᱫᱽᱨᱤ ᱫᱩᱣᱟ.ᱨ ᱫᱚ ᱩᱛᱛᱚᱨ ᱥᱮᱱ ᱾ ᱱᱚᱶᱟ ᱫᱚ ᱔᱐ ᱯᱷᱩᱴ ᱩᱥᱩᱞ ᱟᱨ ᱢᱩᱸᱫᱽᱨᱤ ᱨᱮᱭᱟᱜ ᱠᱷᱟ.ᱞ ᱚᱥᱟᱨ ᱯᱟ.ᱪᱨᱤ ᱫᱚ ᱑᱐᱐ ᱵᱚᱨᱜᱚ ᱯᱷᱩᱴ ᱦᱩᱭᱩᱜᱻᱟ ᱾ ᱢᱩᱸᱫᱨᱤ ᱨᱮᱭᱟᱜ ᱫᱩᱠᱷᱤᱱ,ᱩᱛᱛᱚᱨ ᱠᱚᱬ ᱨᱮ ᱯᱟᱠᱚᱥᱟᱲᱟ,ᱯᱚᱨᱚᱵᱽ ᱚᱲᱟᱜ, ᱟᱨ ᱢᱩᱣᱟᱸ ᱚᱲᱟᱜ ᱠᱚ ᱢᱮᱱᱟᱜᱻᱟ ᱾ ᱵᱟᱬᱚᱯᱩᱨ ᱨᱮ ᱵᱚᱣᱩᱫᱷᱚ ᱫᱷᱚᱨᱚᱢ ᱠᱚᱣᱟᱜ ᱟᱭᱢᱟ ᱞᱮᱠᱟᱱ ᱢᱩᱨᱛᱤ ᱯᱷᱚᱴᱚ ᱠᱚ ᱯᱟᱝᱡᱟ ᱧᱟᱢ ᱞᱮᱱᱟ ᱾ [᱑] [᱒]
ᱢᱩᱨᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱸᱫᱽᱨᱤ ᱨᱮ ᱢᱮᱱᱟᱭ ᱵᱷᱚᱜᱚᱵᱚᱛᱤ ᱫᱤᱵᱤ ᱫᱚ ᱢᱚᱬᱮ ᱯᱷᱩᱴ ᱩᱥᱩᱞ ᱤᱨᱟ.ᱞ ᱜᱚᱴᱟᱝ ᱛᱤ ᱢᱮᱱᱟᱜ ᱢᱤᱫ ᱫᱷᱤᱨᱤ ᱨᱩᱱᱤᱡ ᱢᱩᱨᱛᱤ ᱠᱟᱱᱟ ᱾ ᱫᱤᱵᱤ ᱫᱚ ᱵᱟᱨ ᱛᱤ ᱛᱮ ᱥᱟᱵ ᱟᱠᱟᱫ ᱛᱤᱨᱥᱩᱲ ᱛᱮ ᱢᱚᱦᱤᱥᱟᱥᱩᱨ ᱠᱚᱲᱟᱢ ᱨᱮ ᱵᱷᱤᱥᱟ. ᱠᱟᱫᱮᱭᱟ ᱾ ᱟᱨ ᱦᱚᱸ ᱫᱤᱵᱤ ᱫᱚ ᱠᱩᱞ ᱪᱮᱛᱟᱱ ᱨᱮ ᱛᱤᱸᱜᱩ ᱨᱮ ᱢᱮᱱᱟᱭᱟ ᱾ ᱱᱩᱭ ᱤᱨᱟ.ᱞ ᱜᱚᱴᱟᱝ ᱛᱤ ᱢᱮᱱᱟᱜ ᱛᱟᱭ ᱫᱤᱵᱤ ᱫᱚ ᱵᱟᱨ ᱛᱤ ᱨᱮ ᱛᱤᱨᱥᱩᱲ, ᱟᱨ ᱮᱴᱟᱜ ᱛᱤ ᱠᱚᱨᱮ ᱢᱟᱨᱟᱝ ᱡᱷᱟ.ᱞ ᱪᱷᱩᱨᱤ, ᱵᱤᱧ, ᱟᱜ, ᱚᱝᱠᱩᱥ, ᱥᱚᱝᱠᱷᱚ ᱟᱨ ᱪᱚᱠᱨᱚ ᱠᱚᱭ ᱥᱟᱵ ᱟᱠᱟᱫᱟ ᱾ ᱠᱟᱰᱟ ᱵᱚᱦᱚᱜ ᱚᱛ ᱨᱮ ᱧᱩᱨ ᱮᱱ ᱛᱟᱭᱚᱢ, ᱚᱱᱟ ᱠᱷᱚᱱ ᱚᱥᱩᱨ ᱩᱰᱩᱠ ᱞᱮᱱᱟ ᱟᱨ ᱫᱤᱵᱤ ᱫᱚ ᱩᱱᱤ ᱩᱥᱩᱨ ᱜᱮ ᱥᱚᱵᱚᱜ ᱞᱮᱫᱮᱭᱟ, ᱫᱤᱵᱤ ᱥᱟᱜ ᱠᱟᱫᱮᱭ ᱵᱤᱧ ᱦᱚᱸ ᱚᱥᱩᱨ ᱥᱚᱜᱟᱜ ᱞᱟ.ᱜᱤᱱ ᱛᱤᱨᱭᱟ.ᱣ ᱡᱷᱟ.ᱞ ᱠᱟᱱᱟᱭ ᱾ ᱚᱱᱟ ᱞᱮᱠᱟᱛᱮ ᱜᱮ ᱢᱩᱨᱛᱤ ᱫᱚ ᱜᱚᱲᱦᱚᱱ ᱠᱟᱱᱟ ᱾ ᱞᱩᱜᱽᱲᱤ ᱞᱟᱯᱚ ᱛᱮ ᱥᱟᱯᱲᱟᱣ ᱠᱟᱱ ᱫᱤᱵᱤ ᱫᱚ ᱵᱟᱱᱟᱨ ᱢᱮᱫ ᱨᱩᱯᱟ. ᱨᱮᱭᱟᱜ ᱟᱨ ᱟᱞᱟᱝ ᱫᱚ ᱥᱚᱱᱟ ᱨᱮᱭᱟᱜ ᱠᱟᱱᱟ ᱾ ᱢᱩᱸᱫᱽᱨᱩ ᱨᱮ ᱟᱨᱦᱚᱸ ᱵᱤᱨᱚᱡᱟᱭᱤ ᱫᱤᱵᱤ ᱠᱚ ᱵᱚᱝᱜᱟ ᱦᱟᱭ ᱠᱟᱱᱟ ᱾ ᱵᱤᱨᱚᱡᱟᱭᱤ ᱢᱩᱸᱫᱽᱨᱤ ᱫᱚ ᱵᱷᱚᱜᱚᱵᱚᱛᱤ ᱢᱩᱸᱫᱽᱨᱤ ᱠᱷᱚᱱ ᱑᱒ ᱠᱤᱞᱳ ᱢᱤᱴᱚᱨ ᱥᱟ.ᱜᱤᱧᱻᱟ ᱾ ᱢᱩᱸᱫᱽᱨᱤ ᱨᱮᱭᱟᱜ ᱯᱩᱪᱷᱤᱢ ᱯᱟᱦᱴᱟ ᱨᱮ ᱡᱩᱸᱛᱩ ᱠᱩᱴᱟ.ᱢ ᱵᱚᱝᱜᱟ ᱞᱟ.ᱜᱤᱱ ᱴᱷᱟᱶ ᱢᱮᱱᱟᱜᱻᱟ ᱾ [᱓] ᱫᱤᱵᱤ ᱞᱟ.ᱜᱤᱱ ᱡᱩᱸᱛᱩ ᱠᱚ ᱢᱟᱜ ᱠᱚ ᱛᱟᱭᱚᱢ ᱜᱩᱸᱰ ᱫᱚ ᱯᱚᱲᱟᱥᱚᱠᱩᱬᱤ ᱫᱤᱵᱤ ᱠᱚ ᱪᱟᱞᱻᱟᱭᱟ ᱾ [᱔]
ᱥᱟᱠᱮᱛ(ᱵᱷᱳᱜᱽ) ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱫ ᱥᱤᱧ ᱨᱮ ᱫᱤᱵᱤ ᱴᱷᱮᱱ ᱛᱩᱨᱩᱭ ᱡᱮᱠᱷᱟ ᱠᱚ ᱵᱷᱳᱜᱽ ᱭᱟ ᱾ ᱟᱸᱭᱥᱟ, ᱢᱮᱱ ᱫᱚ ᱦᱟ.ᱠᱩ ᱫᱚ ᱜᱚᱴᱟ ᱵᱚᱪᱷᱚᱨ ᱠᱚ ᱵᱷᱳᱜᱽ ᱭᱟ ᱾
- ᱡᱷᱚᱛᱚ ᱫᱤᱱ ᱜᱮ ᱫᱤᱵᱤ ᱫᱚ ᱥᱮᱛᱟᱜ ᱨᱮ ᱠᱚ ᱛᱩᱯᱩᱭᱮᱻᱟ ᱾ ᱟᱨ ᱢᱟᱦᱟᱨᱫᱫᱚ(ᱡᱚᱜᱚᱱᱱᱟᱛᱷ ᱴᱷᱮᱱ ᱞᱟᱜᱟᱣ ᱠᱟᱱ ᱢᱤᱱ ᱵᱷᱳᱜᱽ) ᱠᱚ ᱵᱷᱳᱜᱽᱻᱟ ᱾
- ᱥᱮᱛᱟᱜ ᱘ᱺ᱓᱐ ᱨᱮ ᱵᱚᱞᱞᱚᱵᱷᱚ ᱵᱷᱳᱜᱽ ᱟᱠᱚ ᱾ ᱱᱚᱶᱟ ᱨᱮ ᱫᱚ ᱫᱟᱠᱟ, ᱫᱟ.ᱞ, ᱮᱸᱰᱩᱨᱤ, ᱠᱷᱤᱨᱤ, ᱦᱟ.ᱠᱩ, ᱟᱨ ᱯᱮᱭᱟ ᱢᱩᱶᱟ ᱠᱚ ᱵᱟᱝᱜᱟ ᱭᱟ ᱾ ᱚᱱᱟ ᱢᱤᱫ ᱜᱷᱚᱱᱴᱟ ᱛᱟᱭᱚᱢ ᱫᱤᱵᱤᱻᱟᱜ ᱯᱚᱦᱩᱰᱚ ᱱᱤᱛᱤ ᱦᱩᱭᱩᱜᱻᱟ ᱾
- ᱛᱟᱨᱟᱥᱤᱧ ᱓ ᱴᱟ ᱚᱠᱛᱚ ᱨᱮ ᱯᱚᱦᱩᱰᱚ ᱨᱟᱲᱟ ᱟᱛᱮ ᱢᱟᱴᱷᱤᱯᱩᱲᱤ ᱠᱚ ᱮᱢᱻᱟ ᱾
- ᱟ.ᱭᱩᱰ ᱟᱲᱚᱛᱤ ᱞᱟᱦᱟ ᱨᱮ ᱠᱷᱚᱡᱟ, ᱥᱚᱨᱚᱯᱩᱲᱤ ᱟᱨ ᱡᱷᱚᱰᱮᱭᱤᱱᱚᱫᱟ ᱠᱚ ᱪᱟᱞᱻᱟ ᱾
- ᱧᱤᱫᱟ. ᱑᱑ ᱴᱟ ᱨᱮ ᱵᱟᱥᱠᱮ ᱫᱟᱠᱟ, ᱥᱩᱱᱤᱢ ᱨᱮ ᱟᱛᱟ ᱦᱟ.ᱠᱩ, ᱟᱨ ᱠᱟᱠᱚᱨᱟ ᱵᱷᱳᱜᱽ ᱠᱚ ᱪᱟᱞᱻᱟ ᱾
- ᱧᱤᱫᱟ. ᱯᱚᱦᱩᱰᱚ ᱢᱟᱬᱟᱝ ᱨᱮ ᱵᱚᱰᱚ ᱥᱤᱝᱦᱟᱨᱚ(ବଡ଼ସିଂହାର) ᱵᱷᱳᱜᱽ ᱨᱮ ᱠᱟᱱᱛᱤ ᱟᱨ ᱯᱚᱬᱟ ᱠᱚ ᱪᱟᱞᱻᱟ ᱾
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Orissa Tourism - Bhagabati Temple, Orissa Temple, Shaktipithas of Orissa | tourism.oriyaonline.com". tourism.oriyaonline.com. 2012. Archived from the original on 2 June 2012. Retrieved 22 June 2012.
Based in Bampur, in Khordha District of Orissa the Bhagabati Temple is one of the famous Shaktipithas of Orissa
- ↑ "The Telegraph - Calcutta (Kolkata) | Orissa | <B>Devotees back at Bhagabati temple</B>". telegraphindia.com. 2012. Retrieved 22 June 2012.
The 700-year-old Bhagabati temple at Banpur in Khurda district
- ↑ "Animal sacrifice row: rituals at Bhagabati temple stopped". The Hindu. 18 October 2010. Retrieved 2010-11-01.
- ↑ "Devotees back at Bhagabati temple". The Telegraph. 23 October 2010. Archived from the original on 16 July 2011. Retrieved 2010-11-01.