ᱵᱷᱚᱫᱽᱨᱚᱠ ᱡᱤᱞᱞᱟᱹ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱷᱚᱫᱽᱨᱚᱠ
ଭଦ୍ରକ
ᱦᱚᱱᱚᱛ
Location in Odisha, India
Location in Odisha, India
Coordinates: 21°04′00″N 86°30′00″E / 21.0667°N 86.5000°E / 21.0667; 86.5000Coordinates: 21°04′00″N 86°30′00″E / 21.0667°N 86.5000°E / 21.0667; 86.5000
ᱫᱤᱥᱚᱢ  ᱥᱤᱧᱚᱛ
State ᱳᱰᱤᱥᱟ
ᱦᱮᱰᱠᱣᱟᱴᱚᱨ ᱵᱷᱚᱫᱽᱨᱚᱠ
ᱥᱚᱨᱠᱟᱨ
 • ᱠᱚᱞᱮᱠᱴᱚᱨ ᱢᱟᱱᱚᱛᱟᱱ ᱜᱭᱟᱱᱚ ᱨᱚᱸᱡᱚᱱ ᱫᱟᱥ
 • ᱯᱟᱨᱞᱤᱭᱟᱢᱮᱴ ᱥᱚᱦᱮᱛ BJD
ᱮᱨᱤᱭᱟ
 • ᱞᱮᱠᱷᱟᱜᱩᱴ 2505 ᱠᱤᱢᱤ (967 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)
 • ᱞᱮᱠᱷᱟᱜᱩᱴ ᱑,᱕᱐᱖,᱕᱒᱒
 • ᱫᱷᱟᱹᱲ ᱮᱞ 12
 • ᱰᱮᱱᱥᱤᱴᱤ 601/ᱠᱤᱢᱤ2 (1560/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
 • ᱟᱹᱢᱟᱹᱞᱮᱛ ᱳᱰᱤᱭᱟᱹ, ᱤᱝᱞᱤᱥ ᱩᱨᱫᱩ
 • ᱮᱴᱟᱜ ᱯᱟᱹᱨᱥᱤ ᱦᱳ ᱯᱟᱹᱨᱥᱤ
IST (UTC+5:30)
Telephone code 06784
ᱜᱟᱹᱰᱤ ᱨᱤᱡᱤᱥᱴᱨᱤ OD-22
ᱡᱟᱱᱟᱝ ᱡᱟᱹᱱᱤ 981 /
ᱠᱚᱲᱟ ᱦᱚᱯᱚᱱ 760,591
ᱠᱩᱲᱤ ᱦᱚᱯᱚᱱ 745,931
ᱥᱮᱪᱮᱫ 83.25%
ᱯᱨᱮᱥᱤᱯᱤᱴᱟᱥᱚᱱ 1,427.9 millimetres (56.22 in)
ᱥᱤᱛᱤᱝ ᱚᱠᱛᱚ ᱨᱮᱭᱟᱜ ᱮᱵᱷᱚᱨᱮᱡᱽ ᱞᱚᱞᱚᱥᱚᱝ 48 °C (118 °F)
ᱨᱟᱵᱟᱝ ᱚᱠᱛᱚ ᱨᱮᱭᱟᱜ ᱮᱵᱷᱚᱨᱮᱡᱽ ᱞᱚᱞᱚᱥᱚᱝ 17 °C (63 °F)
ᱣᱮᱵᱽᱥᱟᱭᱤᱴ bhadrak.nic.in

ᱵᱷᱚᱫᱽᱨᱚᱠ ᱦᱚᱱᱚᱛ ᱫᱚ ᱳᱰᱤᱥᱟ ᱨᱮᱭᱟᱜ ᱢᱤᱫ ᱯᱨᱚᱥᱟᱥᱚᱱᱤᱠ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱵᱷᱚᱫᱽᱨᱚᱠ ᱵᱟᱡᱟᱨ ᱤᱫᱤ ᱠᱟᱛᱮ ᱧᱩᱛᱩᱢ ᱟᱠᱟᱱᱟ ᱾ ᱑ ᱮᱯᱨᱤᱞ ᱑᱙᱙᱓ ᱨᱮ ᱱᱚᱣᱟ ᱫᱚ ᱵᱟᱞᱮᱥᱚᱨ ᱦᱚᱱᱚᱛ ᱠᱷᱚᱱ ᱵᱷᱮᱜᱟᱨ ᱠᱟᱛᱮ ᱢᱤᱫ ᱱᱟᱣᱟ ᱦᱚᱱᱚᱛ ᱨᱮ ᱪᱷᱟᱹᱴᱭᱟᱹᱨ ᱮᱱᱟ ᱾ ᱱᱚᱣᱟ ᱨᱮᱭᱟᱜ ᱡᱚᱛᱚ ᱛᱮ ᱮᱨᱤᱭᱟ ᱫᱚ ᱒᱖᱗᱗ ᱥᱠᱚᱭᱟᱨ ᱠᱤᱹᱢᱤ ᱾ ᱱᱚᱣᱟ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱫᱚ ᱑᱒᱕ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱠᱷᱤᱭᱟᱹᱱᱟᱹᱭ ᱟᱨ ᱪᱟᱸᱜᱟᱱᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱵᱤᱭᱛᱚᱨᱚᱬᱤ, ᱥᱟᱞᱚᱱᱫᱤ, ᱢᱚᱱᱛᱮᱭᱤ, ᱠᱷᱚᱨᱚᱥᱨᱚᱛᱟ, (ᱠᱷᱚᱨᱥᱩᱣᱟ)

ᱦᱚᱲ ᱮᱞᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱦᱚᱲ ᱞᱮᱠᱷᱟ[᱑]ᱞᱮᱠᱟᱛᱮ, ᱵᱷᱚᱫᱽᱨᱚᱠ ᱦᱚᱱᱚᱛ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱑᱕,᱐᱖,᱕᱒᱒ ᱾ ᱱᱩᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱟᱹᱛᱩ ᱴᱚᱞᱟᱨᱮ ᱑᱓,᱒᱐,᱗᱖᱖ ᱟᱨ ᱵᱟᱡᱟᱨ ᱨᱮ ᱑,᱘᱕,᱗᱕᱖ ᱦᱚᱲ ᱵᱟᱥᱟ ᱵᱚᱥᱠᱚᱫ ᱠᱟᱛᱮ ᱢᱮᱱᱟᱜ ᱠᱚᱣᱟ ᱾ [᱒]

  • ᱠᱚᱲᱟ ᱦᱚᱯᱚᱱ ᱺ ᱗,᱖᱐,᱕᱙᱑
  • ᱠᱩᱲᱤ ᱦᱚᱯᱚᱱ ᱺ ᱗,᱔᱕,᱙᱓᱑
    • ᱛᱩᱨᱩᱭ ᱥᱮᱨᱢᱟ ᱠᱷᱚᱱ ᱠᱟᱹᱡ ᱜᱤᱫᱽᱨᱟᱹ ᱺ ᱑,᱗᱖,᱗᱙᱓
  • ᱥᱮᱪᱮᱫ ᱫᱚᱨ ᱺ ᱘᱓ᱹ᱒᱕%
    • ᱠᱚᱲᱟ ᱦᱚᱯᱚᱱ ᱺ ᱘᱙ᱹ᱙᱒%
    • ᱠᱩᱲᱤ ᱦᱚᱯᱚᱱ ᱺ ᱗᱖ᱹ᱔᱙%

ᱞᱟᱠᱪᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱮᱭᱱ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱚᱫᱽᱨᱚᱠ ᱨᱮᱭᱟᱜ ᱞᱟᱠᱪᱟᱨ ᱨᱟᱭᱨᱤᱛ ᱨᱮᱭᱟᱜ ᱩᱯᱨᱩᱢ ᱫᱚ ᱯᱟᱨᱥᱚᱱᱟᱛᱷ ᱟᱜ ᱚᱠᱛᱚ ᱠᱷᱚᱱ ᱧᱟᱢᱚᱜ-ᱟ ᱾ ᱯᱟᱨᱥᱚᱱᱟᱛᱷ ᱫᱚ ᱫᱷᱚᱨᱚᱢ ᱪᱷᱟᱨᱟᱣ ᱞᱟᱹᱜᱤᱫ ᱠᱳᱯᱠᱚᱴᱚᱠ ᱟᱨᱵᱟᱝ ᱱᱤᱛᱚᱜᱟᱜ ᱠᱩᱯᱟᱨᱤ ᱛᱮᱭ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱪᱚᱨᱚᱢᱚᱯᱟ ᱨᱚᱦᱚᱬᱤ ᱨᱮᱭᱟᱜ ᱢᱟᱨᱟᱝ ᱯᱩᱠᱷᱨᱤ ᱵᱮᱲᱦᱟᱭ ᱛᱮ ᱯᱮᱜᱮᱛᱩᱨ ᱛᱤᱨᱛᱷᱚ ᱠᱚᱣᱟᱜ ᱢᱩᱨᱛᱤ ᱛᱷᱟᱯᱚᱱ ᱞᱮᱱᱟ ᱾ ᱩᱱᱠᱩ ᱢᱩᱨᱛᱤ ᱵᱷᱤᱛᱨᱤ ᱠᱷᱚᱱ ᱚᱡᱤᱛᱱᱟᱛᱷ, ᱥᱟᱱᱛᱤᱱᱟᱛᱷ, ᱨᱤᱥᱚᱵᱷᱱᱟᱛᱷ, ᱟᱨ ᱵᱚᱨᱫᱷᱚᱢᱟᱱ ᱢᱚᱦᱟᱵᱤᱨ ᱟᱜ ᱠᱚᱫᱚ ᱱᱤᱛᱚᱜ ᱦᱚᱸ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱤᱣᱡᱤᱭᱚᱢ ᱨᱮ ᱡᱚᱛᱚᱱ ᱠᱟᱛᱮ ᱫᱚᱦᱚ ᱟᱠᱟᱱᱟ ᱾ ᱱᱤᱛᱚᱜ ᱫᱷᱟᱹᱵᱤᱡ ᱦᱚᱸ ᱯᱩᱠᱷᱨᱤ ᱟᱲᱮᱨᱮ ᱯᱟᱨᱥᱚᱱᱟᱛᱷ ᱟᱜ ᱢᱩᱨᱛᱤ ᱫᱚ ᱧᱮᱞᱚᱜ ᱜᱮᱭᱟ ᱾

ᱵᱚᱣᱫᱷᱚ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱚᱫᱽᱨᱚᱠ ᱨᱮ ᱢᱮᱱᱟᱜ ᱫᱷᱟᱢᱚᱱᱚᱱᱚᱜᱚᱨ ᱨᱮᱭᱟᱜ ᱢᱩᱲ ᱧᱩᱛᱩᱢ ᱫᱚ ᱫᱷᱚᱢᱢᱱᱚᱜᱚᱨ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ ᱨᱮ ᱛᱟᱦᱮᱸ ᱠᱟᱱ ᱵᱚᱣᱫᱷᱚᱯᱤᱴᱷ ᱨᱮᱭᱟᱜ ᱠᱷᱚᱰᱤᱭᱟᱲᱚ ᱴᱚᱴᱷᱟᱨᱮ ᱥᱟᱹᱶᱛᱤ ᱟᱠᱟᱱ ᱦᱟᱯᱲᱟᱜ ᱵᱩᱫᱫᱷᱚ ᱢᱩᱨᱛᱤ ᱱᱤᱛᱚᱜ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱤᱣᱡᱤᱭᱚᱢ ᱨᱮ ᱢᱮᱱᱟᱜ-ᱟ ᱾ ᱵᱷᱚᱫᱽᱨᱚᱠ ᱨᱮᱭᱟᱜ ᱵᱟᱣᱫᱚᱯᱩᱨ ᱧᱩᱛᱩᱢ ᱫᱚ ᱵᱚᱣᱫᱷᱚ ᱠᱷᱚᱱ ᱜᱮ ᱦᱮᱡ ᱟᱠᱟᱱᱟ ᱾

ᱢᱳᱜᱚᱞ ᱟᱨ ᱢᱚᱨᱦᱚᱴᱟ ᱚᱨᱥᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱱᱠᱟ ᱜᱮ ᱡᱟᱱᱩᱜᱚᱸᱡᱽ ᱢᱚᱨᱦᱚᱴᱟ ᱥᱟᱥᱚᱱᱤᱭᱟᱹ ᱡᱟᱱᱳᱡᱤᱭᱟᱜ ᱧᱩᱛᱩᱢ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱛᱤᱱᱟᱹᱝ ᱜᱟᱱ ᱯᱚᱸᱰᱤᱛ ᱠᱚ ᱢᱚᱱᱚᱛ ᱠᱚ ᱮᱢᱟ ᱾ ᱢᱳᱜᱚᱞ ᱟᱨ ᱢᱚᱨᱚᱦᱚᱴᱟ ᱥᱟᱥᱚᱱᱤᱭᱟᱹ ᱠᱚᱫᱚ ᱟᱠᱚᱣᱟᱜ ᱥᱟᱥᱚᱱ ᱚᱠᱛᱚ ᱨᱮ ᱵᱷᱚᱫᱽᱨᱚᱠ ᱨᱮ ᱟᱹᱰᱤᱜᱟᱱ ᱦᱚᱲᱦᱤᱛ ᱞᱮᱠᱟᱱ ᱠᱟᱹᱢᱤ ᱠᱚ ᱠᱟᱹᱢᱤ ᱞᱮᱫ-ᱟ ᱾ ᱤᱸᱫᱚᱨ ᱨᱤᱱᱤᱡ ᱨᱟᱹᱱᱤ ᱚᱦᱚᱞᱭᱟᱵᱟᱭᱤ ᱯᱩᱨᱤᱭ ᱥᱮᱱᱚᱜ ᱠᱟᱱ ᱚᱠᱛᱚ ᱨᱮ ᱢᱤᱫ ᱢᱟᱨᱟᱝ ᱯᱩᱠᱷᱨᱤᱭ ᱞᱟ ᱦᱚᱪᱚ ᱞᱮᱫ ᱠᱚᱣᱟ ᱾ ᱚᱱᱟ ᱫᱚ ᱨᱟᱹᱱᱤ ᱛᱚᱞᱟᱣ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱵᱷᱚᱫᱽᱨᱚᱠ ᱥᱩᱨ ᱨᱮᱭᱟᱜ ᱱᱤᱛᱚᱜᱟᱜ ᱨᱟᱹᱱᱤᱛᱟᱞ ᱫᱚ ᱚᱱᱟ ᱨᱟᱹᱱᱤᱛᱚᱞᱟᱣ ᱠᱷᱚᱱ ᱜᱮ ᱦᱮᱡ ᱟᱠᱟᱱᱟ ᱾ ᱫᱷᱟᱢᱚᱱᱚᱜᱚᱨ ᱨᱮ ᱢᱚᱨᱚᱦᱚᱴᱟ ᱥᱟᱥᱚᱱᱤᱭᱟᱹ ᱡᱚᱜᱩ ᱯᱚᱸᱰᱤᱛ ᱟᱜ ᱧᱩᱛᱩᱢ ᱞᱮᱠᱟᱛᱮ ᱡᱚᱜᱩ ᱥᱟᱜᱚᱨ ᱯᱩᱠᱷᱨᱤ ᱢᱮᱱᱟᱜ-ᱟ ᱾

ᱦᱤᱱᱫᱩ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱨᱡᱟᱯᱩᱨ ᱟᱨ ᱪᱷᱚᱰᱟᱠ ᱢᱚᱦᱚᱞ ᱨᱮ ᱨᱟᱡᱟ ᱯᱩᱨᱩᱥᱚᱛᱚᱢ ᱫᱮᱵᱽ ᱤᱡ ᱢᱚᱱᱛᱨᱤ ᱵᱤᱫᱷᱭᱟᱫᱷᱚᱨ ᱮ ᱞᱟ~ ᱚᱴᱚ ᱞᱮᱫ ᱯᱩᱠᱷᱨᱤ ᱟᱡᱟᱜ ᱧᱩᱛᱩᱢ ᱞᱮᱠᱟᱛᱮ ᱵᱤᱫᱽᱭᱟᱫᱷᱚᱨ ᱯᱩᱠᱷᱨᱤ ᱢᱮᱱᱛᱮ ᱩᱯᱨᱩᱢ ᱢᱮᱱᱟᱜ-ᱟ ᱾ ᱑᱕᱑᱔ ᱥᱟᱞᱮᱨᱮ ᱥᱨᱤᱪᱚᱭᱛᱚᱱᱭᱚ ᱯᱩᱨᱤ ᱠᱷᱚᱱ ᱨᱩᱣᱟᱹᱲ ᱠᱟᱛᱮ ᱵᱤᱫᱽᱭᱟᱵᱟᱪᱚᱥᱯᱚᱛᱤ ᱧᱩᱛᱩᱢ ᱟᱹᱱᱤᱡ ᱫᱷᱚᱨᱚᱢ ᱪᱷᱟᱨᱟᱣᱤᱭᱟᱹ ᱚᱲᱟᱜ ᱨᱮ ᱢᱚᱬᱮ ᱢᱟᱦᱟᱸᱭ ᱵᱟᱥᱟ ᱞᱮᱱ ᱛᱟᱦᱮᱸᱫ ᱾ ᱱᱩᱭ ᱥᱚᱸᱛᱷ ᱩᱭᱦᱟᱹᱨ ᱫᱚᱦᱚ ᱮ ᱞᱟᱹᱜᱤᱫ ᱛᱮᱜᱮ ᱚᱱᱟ ᱟᱹᱛᱩ ᱨᱮᱭᱟᱜ ᱧᱩᱛᱩᱢ ᱫᱚ ᱥᱚᱸᱛᱷᱤᱭᱟ ᱫᱚᱦᱚ ᱟᱠᱟᱱᱟ ᱾ ᱩᱱᱤᱭ ᱵᱟᱹᱜᱤ ᱚᱴᱚᱣᱟᱫ ᱠᱷᱟᱱᱛᱟ ᱫᱚ ᱜᱚᱨᱚᱡᱤᱭᱟᱹ ᱠᱚ ᱱᱤᱛᱚᱜ ᱦᱚᱸ ᱚᱱᱟ ᱟᱹᱛᱩᱨᱮ ᱫᱚᱦᱚ ᱠᱟᱛᱮ ᱠᱚ ᱵᱚᱸᱜᱟ ᱵᱳᱨᱳᱣᱟᱜ ᱠᱟᱱᱟ ᱾ ᱥᱨᱤᱪᱚᱭᱛᱚᱱᱭᱚ ᱟᱜ ᱯᱟᱹᱱᱟᱹᱦᱤ (ᱯᱟᱫᱩᱠᱟ) ᱫᱚ ᱚᱱᱟ ᱥᱩᱨ ᱨᱮᱭᱟᱜ ᱠᱩᱶᱟᱥ ᱟᱹᱛᱩᱨᱮ ᱱᱤᱛᱚᱜ ᱫᱷᱟᱹᱵᱤᱡ ᱦᱚᱸ ᱠᱚ ᱵᱚᱸᱜᱟ ᱵᱳᱨᱳᱣᱟᱜ ᱠᱟᱱᱟ ᱾

᱑᱘᱖᱔ ᱥᱟᱞᱮᱨᱮ ᱯᱩᱨᱤ ᱨᱟᱢᱟᱱᱩᱡᱽ ᱢᱚᱴᱷᱚ ᱨᱤᱱᱤᱡ ᱢᱚᱦᱚᱱᱛᱚᱭᱤᱡ ᱥᱮᱪᱮᱫᱜᱩᱨᱩ ᱨᱟᱢᱟᱭᱚᱬ ᱫᱟᱥ ᱵᱨᱩᱱᱫᱟᱵᱚᱱ ᱮ ᱥᱮᱱᱚᱜ ᱠᱟᱱ ᱦᱚᱨ ᱨᱮ ᱥᱟᱞᱚᱱᱫᱤ ᱱᱟᱹᱭ ᱫᱷᱟᱨᱮᱨᱮ ᱵᱷᱚᱠᱛᱚ ᱠᱚᱣᱟᱜ ᱜᱚᱨᱚᱡᱽ ᱫᱩᱞᱟᱹᱲ ᱧᱮᱞ ᱠᱟᱛᱮ ᱟᱹᱰᱤ ᱡᱩᱨ ᱮ ᱠᱩᱥᱤ ᱞᱮᱱᱟ ᱾ ᱚᱱᱟᱛᱮ ᱩᱱᱠᱩ ᱞᱟᱹᱜᱤᱫ ᱚᱸᱰᱮ ᱢᱤᱫ ᱢᱚᱴᱷᱳᱭ ᱛᱷᱟᱯᱚᱱ ᱞᱮᱫ-ᱟ ᱾

᱑᱘᱘᱘ ᱥᱟᱞᱮᱨᱮ ᱱᱚᱵᱷᱮᱢᱵᱚᱨ ᱒᱐ ᱢᱟᱺᱦᱤᱛ ᱦᱤᱞᱚᱜ ᱟᱭᱳ ᱥᱟᱨᱚᱫᱟ ᱫᱮᱵᱤ ᱫᱟᱜ ᱦᱚᱨ ᱛᱮ ᱪᱟᱸᱫᱽᱵᱟᱹᱞᱤᱭ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱟᱨ ᱢᱤᱫ ᱫᱷᱟᱣ ᱑᱙᱑᱐ ᱥᱟᱞᱮᱨᱮ ᱩᱱᱤ ᱨᱟᱢᱮᱥᱣᱚᱨ ᱮ ᱥᱮᱱᱚᱜ ᱠᱟᱱ ᱦᱚᱨ ᱨᱮ ᱵᱷᱚᱫᱽᱨᱚᱠ ᱨᱮᱭᱟᱜ ᱠᱚᱴᱷᱟᱨ ᱴᱷᱮᱱ ᱵᱟᱨ ᱪᱟᱸᱫᱚᱭ ᱵᱟᱥᱟ ᱞᱮᱱ ᱛᱟᱦᱮᱸᱫ ᱾

ᱥᱤᱠᱷ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱖᱐᱐ ᱥᱟᱞᱮᱨᱮ ᱜᱩᱨᱩ ᱱᱟᱱᱚᱠ ᱯᱩᱨᱤᱭ ᱪᱟᱞᱟᱜ ᱠᱟᱱ ᱦᱚᱨ ᱨᱮ ᱵᱷᱚᱫᱽᱨᱚᱠ ᱨᱮ ᱵᱟᱥᱟ ᱠᱟᱛᱮ ᱥᱚᱸᱜᱷᱚᱛ ᱨᱮ ᱫᱟᱣ ᱮ ᱦᱟᱛᱟᱣ ᱞᱮᱫ-ᱟ ᱾ ᱚᱱᱟ ᱞᱮᱠᱟᱛᱮ ᱚᱱᱟ ᱴᱚᱴᱷᱟ ᱫᱚ ᱥᱚᱸᱜᱚᱛ ᱢᱮᱱᱛᱮ ᱠᱚ ᱢᱮᱱ ᱥᱟᱶᱛᱮ ᱱᱟᱱᱚᱠ ᱰᱤᱦᱤ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱜ-ᱟ ᱾ ᱱᱚᱰᱮ ᱫᱚ ᱢᱤᱫ ᱜᱩᱨᱩᱫᱣᱟᱨᱟ ᱦᱚᱸ ᱛᱷᱟᱯᱚᱱ ᱦᱩᱭ ᱟᱠᱟᱱᱟ ᱾

ᱢᱩᱥᱞᱤᱢ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱕᱗᱕ ᱥᱟᱞᱮᱨᱮ ᱮᱯᱨᱤᱞ ᱑᱒ ᱢᱟᱺᱦᱤᱛ ᱨᱮ ᱟᱠᱵᱚᱨ ᱵᱷᱚᱫᱽᱨᱚᱠ ᱫᱚ ᱢᱤᱫ ᱟᱹᱯᱱᱟᱹᱛ ᱰᱤᱵᱷᱤᱡᱚᱱ ᱞᱮᱠᱟ ᱛᱮᱭ ᱵᱤᱠᱱᱟᱹᱣ ᱞᱮᱫ-ᱟ ᱾ ᱠᱚᱴᱚᱠ ᱰᱤᱵᱷᱤᱡᱚᱱ ᱫᱚ ᱫᱟᱣᱫᱽ ᱟᱜ ᱛᱤᱨᱮ ᱛᱟᱦᱮᱸ ᱠᱟᱱ ᱵᱮᱲᱟᱨᱮ ᱵᱷᱚᱫᱽᱨᱚᱠ ᱟᱨ ᱵᱟᱞᱮᱥᱚᱨ ᱰᱤᱵᱷᱤᱡᱚᱱ ᱫᱚ ᱢᱳᱜᱚᱞ ᱠᱚᱣᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱚᱣᱨᱚᱝᱜᱚᱡᱮᱵᱽ ᱟᱜ ᱚᱠᱛᱚ ᱨᱮᱫᱚ ᱠᱚᱫᱚᱢᱵᱚ ᱵᱮᱰᱟ ᱴᱷᱮᱱ ᱤᱫᱽᱜᱟᱦ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱦᱚᱱᱚᱛ ᱨᱮᱫᱚ ᱥᱮᱪᱮᱫ ᱑᱘᱘᱒ ᱥᱟᱞᱮ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱾ ᱠᱳᱴᱷᱟ ᱨᱤᱱᱤᱡ ᱡᱚᱢᱤᱫᱟᱨ ᱱᱤᱢᱟᱭ ᱪᱚᱨᱚᱬ ᱵᱳᱥ ᱵᱟᱜᱩᱨᱟᱭᱤ ᱴᱷᱮᱱ ᱵᱟᱨᱭᱟ ᱯᱷᱚᱨᱱᱚᱠᱩᱞᱟᱨ ᱟᱨ ᱛᱤᱱᱟᱹᱜ ᱜᱟᱱ ᱥᱮᱪᱮᱫ ᱞᱟᱹᱜᱤᱫ ᱜᱩᱡᱤᱫᱚᱨᱜᱟ ᱴᱷᱮᱱ ᱢᱤᱫᱴᱟᱹᱝ ᱯᱨᱟᱭᱢᱮᱨᱤ ᱟᱥᱲᱟᱭ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾ ᱢᱩᱥᱞᱤᱢ ᱡᱚᱢᱤᱫᱟᱨ ᱢᱤᱭᱟᱸ ᱢᱩᱱᱥᱤ ᱥᱮᱠᱷ ᱚᱵᱽᱫᱩᱞ ᱜᱚᱱᱤ ᱳᱨᱯᱷ ᱵᱷᱚᱫᱽᱨᱚᱠ ᱢᱟᱨᱮ ᱵᱟᱡᱟᱨ ᱴᱷᱮᱱᱟᱜ ᱟᱡᱟᱜ ᱢᱤᱫ ᱡᱟᱭᱜᱟ ᱨᱮ ᱢᱤᱫ ᱢᱟᱭᱱᱚᱨ ᱟᱥᱲᱟᱭ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾ ᱛᱟᱭᱚᱢ ᱵᱤᱫᱟᱹᱞ ᱛᱮᱫᱚ ᱚᱱᱟ ᱫᱚ ᱵᱷᱚᱫᱽᱨᱚᱠ ᱦᱚᱱᱚᱛ ᱟᱥᱲᱟ ᱨᱮ ᱟᱹᱨᱩᱯᱷᱮᱨᱟᱣ ᱮᱱᱟ ᱾ ᱑᱙᱓᱔ ᱥᱟᱞᱮᱨᱮ ᱦᱚᱨᱮᱠᱨᱩᱥᱱᱚ ᱢᱚᱦᱚᱛᱟᱵᱽ ᱟᱜ ᱟᱺᱜᱤᱵᱷᱟᱨ ᱨᱮ ᱟᱜᱚᱨᱯᱚᱰᱟ ᱨᱮ ᱠᱨᱩᱥᱱᱚᱪᱚᱨᱚᱬ ᱵᱤᱫᱭᱟᱢᱚᱱᱫᱤᱨ ᱛᱷᱟᱯᱚᱱ ᱞᱮᱱᱟ ᱾ ᱑᱙᱔᱒ ᱥᱟᱞᱮᱨᱮ ᱱᱟᱨᱟᱭᱚᱬ ᱦᱟᱭᱤᱥᱠᱩᱞ, ᱵᱤᱱᱫᱩᱢᱟᱫᱷᱚᱵᱽ ᱵᱟᱜᱩᱨᱟᱭᱤ ᱦᱟᱭᱤᱥᱠᱩᱞ, ᱑᱙᱔᱓ ᱨᱮ ᱯᱳᱯᱥᱤᱝ ᱢᱟᱭᱱᱚᱨ ᱦᱟᱭᱤᱥᱠᱩᱞ, ᱡᱟᱦᱟᱸ ᱫᱚ ᱑᱙᱕᱙ ᱥᱟᱞᱮᱨᱮ ᱥᱚᱨᱠᱟᱨᱤ ᱠᱩᱲᱤᱜᱤᱫᱽᱨᱟᱹ ᱩᱱᱩᱥᱩᱞ ᱟᱥᱲᱟ ᱨᱮᱭᱟᱜ ᱢᱟᱹᱱ ᱮ ᱟᱢᱮᱴ ᱠᱮᱫ-ᱟ ᱾ ᱑᱙᱔᱘ ᱥᱟᱞᱮ ᱡᱩᱞᱟᱭ ᱖ ᱢᱟᱹᱦᱤᱛ ᱨᱮ ᱵᱷᱚᱫᱽᱨᱚᱠ ᱨᱮ ᱯᱩᱭᱞᱩ ᱟᱨ ᱳᱰᱤᱥᱟᱨᱮ ᱫᱚᱥᱟᱨ ᱞᱟᱹᱴᱩ ᱵᱷᱚᱫᱽᱨᱚᱠ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱱᱤᱛᱚᱜ ᱫᱷᱟᱹᱵᱤᱡ ᱛᱮ ᱵᱷᱚᱫᱽᱨᱚᱠ ᱨᱮ ᱙᱑᱖ ᱜᱚᱴᱟᱝ ᱯᱨᱟᱭᱢᱮᱨᱤ ᱟᱥᱲᱟ, ᱕᱐᱕ ᱜᱚᱴᱟᱝ ᱤᱝᱞᱤᱥ ᱟᱥᱲᱟ, ᱓᱐᱕ ᱜᱚᱴᱟᱝ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ, ᱗ ᱜᱚᱴᱟᱝ ᱛᱤᱨᱞᱟᱹ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱥᱚᱨᱠᱟᱨᱤ ᱢᱟᱱᱟᱣ ᱵᱟᱛᱟᱣ ᱮ ᱧᱟᱢ ᱟᱠᱟᱫ-ᱟ ᱾ ᱱᱚᱣᱟ ᱠᱚ ᱵᱟᱹᱜᱤ ᱠᱟᱛᱮ ᱟᱨ ᱦᱚᱸ ᱟᱹᱰᱤᱜᱟᱱ ᱟᱥᱲᱟ ᱟᱨ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱱᱤᱛᱚᱜ ᱫᱷᱟᱹᱵᱤᱡ ᱦᱚᱸ ᱟᱯᱱᱟᱨ ᱟᱹᱣᱨᱤᱭ ᱧᱟᱢᱟ ᱾

ᱧᱮᱢᱮᱞ ᱴᱚᱴᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱢᱟᱭᱟᱢ ᱛᱤᱨᱛᱷᱚ ᱛᱷᱟᱱ ᱤᱨᱚᱢ, ᱵᱟᱥᱩᱫᱮᱵᱽᱯᱩᱨ, ᱱᱚᱣᱟ ᱫᱚ ᱳᱰᱤᱥᱟ ᱨᱮᱭᱟᱜ ᱡᱟᱞᱤᱭᱟᱱᱟᱣᱟᱞᱟᱵᱟᱜᱽ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱜ-ᱟ ᱾
  • ᱱᱚᱰᱮ ᱫᱚ ᱥᱩᱨ ᱥᱩᱯᱩᱨ ᱓᱐ ᱦᱚᱲ ᱜᱟᱱ ᱯᱷᱩᱨᱜᱟᱹᱞ ᱦᱩᱞᱥᱟᱹᱭᱤᱭᱟᱹ ᱵᱨᱤᱴᱤᱥ ᱥᱚᱨᱠᱟᱨ ᱵᱤᱨᱩᱫᱷ ᱨᱮ ᱞᱟᱹᱰᱷᱟᱹᱭ ᱠᱟᱛᱮ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱡᱤᱣᱤ ᱠᱚ ᱟᱞᱟᱭ ᱞᱮᱫ-ᱟ ᱾
  • ᱟᱠᱷᱚᱱᱰᱚᱲᱚᱢᱚᱲᱤ ᱢᱩᱫᱽᱨᱤ, ᱟᱨᱰᱤ
  • ᱥᱤᱱᱫᱷᱩᱠᱮᱥᱣᱚᱨᱚ ᱢᱩᱫᱽᱨᱤ, ᱚᱬᱤᱡᱳ
  • ᱪᱟᱸᱫᱽᱵᱟᱹᱞᱤ
  • ᱫᱷᱟᱢᱨᱮᱭᱤ ᱢᱩᱫᱽᱨᱤ, ᱫᱷᱟᱢᱨᱟ
  • ᱯᱨᱚᱥᱚᱱᱱᱚ ᱠᱷᱮᱢᱮᱥᱣᱚᱨ ᱢᱩᱫᱽᱨᱤ, ᱵᱟᱥᱩᱫᱮᱵᱽᱯᱩᱨ
  • ᱢᱚᱠᱚᱨ ᱢᱮᱲᱟ, ᱵᱟᱦᱟᱫᱩᱞ ᱱᱚᱜᱚᱨ,
  • ᱢᱟ ᱠᱟᱲᱤᱛᱨᱟ ᱯᱤᱴᱷᱚ ᱵᱟᱨᱤᱠᱯᱩᱨ

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]