ᱵᱷᱟᱥᱠᱚ ᱰᱟ ᱜᱟᱢᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱷᱟᱥᱠᱚ ᱰᱟ ᱜᱟᱢᱟ

ᱵᱷᱟᱥᱠᱚ ᱰᱟ ᱜᱟᱢᱟ ᱦᱟᱜ ᱡᱚᱱᱚᱢ ᱫᱚ ᱯᱚᱨᱛᱩᱜᱟᱞ ᱨᱮᱭᱟᱜ ᱥᱟᱭᱱᱮᱥ ᱟ.ᱛᱩ ᱨᱮ ᱑᱔᱖᱙ ᱨᱮ ᱦᱩᱭ ᱞᱮᱱᱟ ᱾ ᱵᱷᱟᱨᱚᱛ ᱦᱟ.ᱡᱩᱜ ᱨᱮᱭᱟᱜ ᱟᱺᱜᱤᱵᱷᱟᱨ ᱛᱤᱱ ᱡᱚᱦᱚᱜ ᱵᱷᱟᱥᱠᱚ ᱰᱟ ᱜᱟᱢᱟ ᱥᱮᱫ ᱪᱟᱞ ᱦᱩᱭ ᱮᱱᱟ, ᱩᱱ ᱡᱚᱦᱚᱜ ᱵᱷᱟᱥᱠᱚ ᱥᱟᱶᱛᱮ ᱥᱟᱣ ᱜᱟᱵᱨᱤᱭᱮᱞ, ᱥᱟᱣ ᱨᱟᱯᱷᱟᱭᱮᱞ, ᱟᱨ ᱵᱮᱨᱤᱭᱳ ᱱᱚᱶᱟ ᱯᱮᱭᱟ ᱡᱟᱦᱟᱡᱽ ᱟᱨ ᱯᱮ ᱥᱮᱨᱢᱟ ᱫᱷᱟ.ᱵᱤᱡ ᱪᱟᱞᱟᱣ ᱟᱠᱟ ᱛᱟᱦᱮᱸᱱᱟ, ᱩᱱᱟ.ᱜ ᱢᱟᱨᱟᱝ ᱟᱺᱜᱤᱵᱷᱟᱨ ᱛᱮ ᱯᱮᱨᱮᱡ ᱢᱤᱫ ᱡᱟᱦᱟᱡᱽ ᱠᱚ ᱮᱢᱟ ᱫᱮᱭᱟ ᱾ ᱱᱚᱶᱟ ᱯᱩᱱᱤᱭᱟ. ᱡᱟᱦᱟᱡᱽ ᱨᱮ ᱡᱚᱛᱚ ᱢᱮᱥᱟ ᱠᱟᱛᱮ ᱑᱗᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱩᱠᱩ ᱡᱚᱛᱚ ᱦᱚᱲ ᱥᱟᱶᱛᱮ ᱵᱷᱟᱥᱠᱚ ᱰᱟ ᱜᱟᱢᱟ ᱘ ᱡᱩᱞᱟᱭ ᱑᱕᱙᱗ ᱧᱩᱦᱩᱢ ᱢᱟᱦᱟᱸ ᱥᱮᱛᱟᱜ ᱞᱤᱥᱵᱳᱱ ᱠᱷᱚᱱ ᱯᱩᱱ ᱢᱟᱭᱤᱞ ᱥᱟᱺᱜᱤᱧ ᱨᱮᱭᱟᱜ ᱨᱮᱥᱴᱳᱞᱳ ᱠᱟᱛᱟ ᱠᱷᱚᱱ ᱵᱷᱟᱨᱚᱛ ᱥᱟᱺᱜᱷᱟᱨ ᱞᱟ.ᱜᱤᱫ ᱠᱚ ᱩᱰᱩᱠ ᱞᱮᱱᱟ ᱾ ᱟᱯᱨᱤᱠᱟ ᱨᱮᱭᱟᱜ ᱯᱟᱪᱷᱮ ᱠᱟᱛᱟ ᱨᱮᱭᱟᱜ ᱢᱳᱨᱳᱜᱚᱰᱳ ᱠᱷᱚᱱ ᱢᱟᱬᱟᱝ ᱪᱟᱞᱟᱣ ᱠᱟᱛᱮ ᱠᱚᱱᱨᱤ ᱵᱮᱸᱴ ᱯᱟᱨᱚᱢ ᱠᱟᱛᱮ ᱢᱟᱬᱟᱝ ᱵᱷᱟᱥᱠᱚ ᱰᱟ ᱜᱟᱢᱟ ᱫᱚ ᱫᱩᱠᱷᱤᱱᱼᱯᱩᱪᱷᱤᱢ/ᱠᱚᱧᱮᱼᱯᱟᱪᱷᱮ ᱨᱮᱭᱟᱜ ᱦᱚᱨ ᱮ ᱥᱟᱵ ᱠᱮᱜᱼᱟ ᱾ ᱟᱨ ᱯᱮ ᱵᱚᱸᱜᱟ ᱥᱮᱱ ᱟᱠᱟᱭ ᱛᱟᱦᱮᱸ ᱮᱱ ᱛᱟᱭᱚᱢ ᱩᱱᱤ ᱱᱚᱵᱷᱮᱢᱵᱚᱨ ᱔ ᱨᱮ ᱥᱟᱣᱩᱛᱷ ᱟᱯᱷᱨᱤᱠᱟ ᱨᱮᱭᱟᱜ ᱠᱟᱛᱟᱭ ᱧᱮᱞ ᱧᱟᱢ ᱠᱮᱜᱼᱟ ᱾ ᱟᱨ ᱯᱩᱱ ᱫᱤᱱ ᱛᱟᱭᱚᱢ ᱩᱱᱤ ᱥᱮᱴ ᱦᱮᱞᱮᱱᱟ ᱥᱩᱨ ᱨᱮᱭᱟᱜ ᱠᱟᱛᱟ ᱨᱮᱠᱚ ᱟᱬᱜᱚ ᱮᱱᱟ ᱾ ᱱᱚᱸᱰᱮ ᱩᱱᱤ ᱫᱩᱠᱷᱤᱱᱼ ᱟᱯᱷᱨᱤᱠᱟ ᱨᱤᱱ ᱟ.ᱫᱤᱵᱟ.ᱥᱤ ᱥᱟᱶ ᱧᱟᱯᱟᱢᱚᱜ ᱨᱮᱭᱟᱜ ᱛᱟᱠ ᱮ ᱧᱟᱢ ᱠᱮᱜᱼᱟ ᱾ ᱤᱨᱟ.ᱞ ᱢᱟᱦᱟᱸ ᱫᱷᱟ.ᱵᱤᱡ ᱚᱸᱰᱮ ᱛᱟᱦᱮᱸ ᱠᱟᱛᱮ ᱡᱟᱦᱟᱡᱽ ᱠᱚ ᱡᱩᱛᱨᱟ.ᱣ ᱵᱟᱲᱟ ᱠᱟᱛᱮ, ᱧᱩᱼᱫᱟᱜ ᱠᱚ ᱯᱮᱨᱮᱡ ᱵᱟᱲᱟ ᱠᱟᱛᱮ ᱩᱱᱠᱩ ᱠᱟᱛᱟ ᱠᱚ ᱵᱟ.ᱜᱤᱭᱟᱫᱼᱟ ᱾ ᱢᱟᱬᱟᱝ ᱨᱮ ᱩᱱᱠᱩ ᱠᱮᱯ ᱚᱯ ᱜᱩᱰ ᱦᱳᱯ ᱥᱩᱨ ᱨᱮ ᱦᱚᱭᱼᱵᱟᱺᱨᱰᱩ ᱥᱟᱢᱟᱝ ᱦᱩᱭ ᱟᱫ ᱠᱚᱣᱟ ᱾ ᱚᱱᱟᱨᱮ ᱩᱱᱠᱩᱣᱟᱜ ᱯᱩᱱ ᱫᱤᱱ ᱪᱟᱞᱟᱣ ᱮᱱᱟ ᱾ ᱚᱱᱟ ᱠᱷᱟ.ᱛᱤᱨ ᱠᱮᱯ ᱚᱯ ᱜᱩᱰ ᱦᱳᱯ ᱠᱟᱛᱟᱨᱮ ᱵᱟᱝ ᱟᱬᱜᱚ ᱠᱟᱛᱮ ᱒᱕ ᱱᱚᱵᱷᱮᱢᱵᱚᱨ ᱓᱐᱐ ᱢᱟᱭᱤᱞ ᱢᱟᱬᱟᱝ ᱨᱮ ᱢᱳᱥᱮᱞ ᱵᱮ ᱠᱟᱛᱟ ᱨᱮᱠᱚ ᱟᱬᱜᱚ ᱮᱱᱟ ᱾

ᱯᱩᱭᱞᱩ ᱫᱚᱨᱮᱭᱟ ᱥᱟᱸᱜᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱘ ᱡᱩᱞᱟᱭ ᱑᱔᱙᱗ ᱨᱮ ᱵᱷᱟᱥᱠᱚ ᱰᱟ ᱜᱟᱢᱟ ᱫᱚ ᱯᱩᱱᱭᱟ.ᱡᱟᱦᱟᱡᱽ ᱥᱟᱶᱛᱮ ᱞᱤᱥᱵᱳᱱ ᱠᱷᱚᱱ ᱮ ᱩᱰᱩᱠ ᱮᱱᱟ ᱾ ᱡᱚᱛᱚ ᱡᱟᱦᱟᱡᱽ ᱨᱮᱭᱟᱜ ᱦᱟᱢᱟᱞ ᱜᱮ ᱥᱩᱨ ᱥᱩᱯᱩᱨ ᱑᱒᱐ ᱴᱳᱱ ᱟᱨ ᱧᱩᱛᱩᱢ ᱫᱚ ᱥᱟᱶ ᱜᱮᱭᱵᱨᱤᱭᱮᱞ, ᱟᱨ ᱥᱟᱶ ᱨᱮᱭᱯᱷᱮᱞ ᱛᱟᱦᱮᱸ ᱠᱟᱱᱟ ᱾ ᱑᱕ ᱡᱩᱞᱟᱭ ᱫᱚ ᱠᱮᱱᱮᱨᱤ ᱰᱷᱤᱯ ᱥᱮᱫ ᱛᱮ ᱯᱟᱨᱚᱢᱚᱜ ᱠᱟᱱ ᱛᱩᱞᱩᱡ ᱒᱖ ᱡᱩᱞᱟᱭ ᱫᱚ ᱠᱮᱯ ᱵᱚᱨᱰᱮ ᱰᱷᱤᱯ ᱨᱮᱭᱟᱜ ᱥᱟᱶ ᱴᱤᱭᱟᱜᱳ ᱴᱷᱮᱱ ᱥᱮᱴᱮᱨ ᱮᱱᱟ ᱟᱨ ᱓ ᱚᱜᱚᱥᱴ ᱫᱷᱟ.ᱵᱤᱡ ᱚᱸᱰᱮ ᱜᱮ ᱛᱟᱦᱮᱸ ᱫᱚᱦᱚᱭᱮᱱᱟ ᱾ ᱤᱱᱟ.ᱛᱟᱭᱚᱢ ᱜᱩᱭᱟᱱᱟ ᱨᱮᱭᱟᱜ ᱨᱤᱦᱤᱴ ᱰᱷᱟ.ᱣ ᱫᱟᱜ ᱠᱷᱚᱱ ᱯᱩᱪᱩᱡᱚᱜ ᱞᱟ.ᱜᱤᱫ ᱵᱷᱟᱥᱠᱚ ᱰᱟ ᱜᱟᱢᱟ ᱫᱚ ᱠᱮᱯ ᱚᱯ ᱜᱩᱰ ᱦᱳᱯ ᱨᱮᱭᱟᱜ ᱫᱩᱠᱷᱤᱱ ᱟᱸᱴᱞᱟᱸᱴᱤᱠ ᱥᱮᱫ ᱛᱮ ᱢᱤᱫ ᱟ.ᱪᱩᱨ ᱦᱚᱨ ᱮ ᱯᱟᱸᱡᱟ ᱠᱮᱜᱼᱟ ᱾ ᱟᱨ ᱑᱗ ᱱᱚᱵᱷᱮᱢᱵᱚᱨ ᱨᱮ ᱥᱟᱸᱛᱟ ᱦᱮᱞᱮᱱᱟ ᱨᱮᱭᱟᱜ ᱫᱚᱨᱮᱭᱟ ᱠᱚ ᱥᱮᱴᱮᱨ ᱠᱮᱜᱼᱟ ᱾

ᱠᱟᱛᱷᱟᱨᱮ ᱱᱚᱝᱠᱟ ᱦᱚᱸᱠᱚ ᱢᱮᱱᱟ, ᱵᱷᱟᱥᱠᱚ ᱰᱟ ᱜᱟᱢᱟ ᱯᱩᱭᱞᱩ ᱫᱚ ᱥᱤᱫᱷᱟ. ᱫᱩᱠᱷᱤᱱ ᱟᱯᱨᱤᱠᱟ ᱜᱮᱭ ᱥᱮᱴᱮᱨ ᱢᱟᱬᱟᱝ ᱞᱮᱱᱟ ᱾ ᱚᱸᱯᱮ ᱩᱱᱤ ᱟ.ᱰᱤ ᱜᱟᱱ ᱥᱤᱧᱚᱛᱤᱭᱟ.ᱭ ᱧᱮᱞ ᱠᱮᱫ ᱠᱚᱣᱟ ᱾ ᱩᱱᱠᱩ ᱫᱟᱨᱟᱭ ᱛᱮ ᱵᱷᱟᱥᱠᱚ ᱰᱟ ᱜᱟᱢᱟᱭ ᱚᱱᱢᱟᱱ ᱧᱟᱢ ᱠᱮᱜᱼᱟ ᱡᱮ ᱵᱷᱟᱨᱚᱛ ᱱᱤᱛᱚᱜ ᱟ.ᱰᱤ ᱢᱟᱬᱟᱝ ᱨᱮᱜᱮ ᱢᱮᱱᱟᱜᱼᱟ ᱾ ᱢᱟᱬᱟᱝ ᱪᱟᱞᱟᱣ ᱠᱟᱛᱮ ᱩᱱᱤ ᱦᱤᱸᱫᱽ ᱢᱟᱨᱟᱝ ᱥᱟᱜᱚᱨ ᱨᱮᱭ ᱥᱮᱴᱮᱨ ᱮᱱᱟ ᱾ ᱡᱚᱢ ᱨᱮᱭᱟᱜ ᱟᱱᱟᱴ ᱠᱷᱟ.ᱛᱤᱨ ᱟᱡ ᱨᱤᱱ ᱟ.ᱰᱤ ᱜᱟᱱ ᱥᱟᱶᱛᱮᱱ ᱠᱩᱜ ᱟᱡᱟᱨ ᱨᱮᱠᱚ ᱯᱟᱲᱟᱣ ᱮᱱᱟ ᱾ ᱟᱡ ᱨᱤᱱ ᱥᱟᱶᱛᱮᱱ ᱠᱚᱣᱟᱜ ᱡᱤᱣᱤ ᱵᱟᱧᱪᱟᱣ ᱞᱟ.ᱜᱤᱫ ᱩᱱᱤ ᱢᱳᱡᱟᱢᱵᱤᱠ ᱨᱮᱭ ᱡᱤᱨᱟ.ᱣ ᱮᱱᱟ ᱾ ᱵᱷᱟᱥᱠᱚ ᱰᱟ ᱜᱟᱢᱟ ᱫᱚ ᱢᱳᱡᱟᱢᱵᱤᱠ ᱨᱤᱱᱤᱡ ᱥᱩᱞᱛᱟᱱ ᱛᱤᱱᱟ.ᱝ ᱜᱟᱱ ᱥᱤᱨᱯᱷᱟ.ᱭ ᱮᱢᱟ ᱦᱟᱫᱮᱭᱟ ᱾ ᱥᱤᱨᱯᱷᱟ.ᱭ ᱧᱟᱢ ᱠᱮᱫ ᱛᱟᱭᱚᱢ ᱥᱩᱞᱛᱟᱱ ᱟ.ᱰᱤ ᱡᱩᱨ ᱮ ᱠᱩᱥᱤᱭᱮᱱᱟ ᱟᱨ ᱩᱱᱤ ᱵᱷᱟᱨᱚᱛ ᱨᱮᱭᱟᱜ ᱦᱚᱨ ᱯᱟᱸᱡᱟ ᱧᱟᱢᱨᱮ ᱩᱱᱤᱭ ᱜᱚᱲᱚ ᱟᱫᱮᱭᱟ ᱾ ᱒᱐ ᱢᱮᱸ ᱑᱔᱙᱘ ᱥᱟᱞᱮᱨᱮ ᱵᱷᱟᱥᱠᱚ ᱰᱟ ᱜᱟᱢᱟ ᱫᱚ ᱠᱟᱞᱤᱠᱚᱴ ᱫᱷᱟ.ᱵᱤᱡ ᱮ ᱥᱮᱴᱮᱨ ᱮᱱᱟ ᱟᱨ ᱚᱸᱰᱮᱱᱤᱡ ᱨᱟᱡᱟ ᱠᱟᱨᱵᱟᱨ ᱞᱟ.ᱜᱤᱫ ᱮ ᱨᱮᱵᱮᱱ ᱦᱚᱪᱚ ᱠᱮᱫᱮᱭᱟ ᱾ ᱠᱟᱞᱤᱠᱚᱴᱨᱮ ᱯᱮ ᱵᱚᱸᱜᱟᱭ ᱛᱟᱦᱮᱸ ᱭᱮᱱ ᱛᱟᱭᱚᱢ ᱵᱷᱟᱥᱠᱚ ᱯᱚᱨᱛᱩᱜᱟᱞ ᱮ ᱨᱩᱣᱟ.ᱲ ᱮᱱᱟ ᱾ ᱑᱔᱙᱙ ᱥᱟᱞᱮᱨᱮ ᱵᱷᱟᱨᱚᱛᱟᱜ ᱱᱚᱝᱠᱟᱱ ᱠᱷᱚᱡᱽ ᱛᱚᱞᱟᱥ ᱨᱮᱭᱟᱜ ᱵᱮᱣᱨᱟ ᱜᱚᱴᱟ ᱯᱟᱥᱱᱟᱣ ᱮᱱᱟ ᱾ ᱤᱱᱟ. ᱛᱟᱭᱚᱢ ᱟ.ᱰᱤ ᱜᱟᱱ ᱨᱟᱡᱟ ᱵᱷᱟᱨᱚᱛ ᱟᱠᱚᱣᱟᱜ ᱜᱚᱵᱚᱞ ᱨᱮ ᱫᱚᱦᱚᱭ ᱞᱟ.ᱜᱤᱫ ᱠᱚ ᱨᱤᱠᱟ.ᱠᱮᱜᱼᱟ ᱾

᱑᱕᱐᱓ ᱨᱮ ᱵᱷᱟᱥᱠᱚ ᱯᱚᱨᱛᱩᱜᱟᱞ ᱮ ᱨᱩᱣᱟ.ᱲ ᱮᱱᱟ ᱟᱨ ᱵᱟᱜᱮ ᱵᱚᱪᱷᱚᱨ ᱚᱸᱰᱮ ᱛᱟᱦᱮᱸ ᱠᱟᱛᱮ ᱩᱱᱤ ᱵᱷᱟᱨᱚᱛ ᱮ ᱨᱩᱣᱟ.ᱲ ᱦᱮᱡ ᱮᱱᱟ ᱾ ᱒᱔ ᱢᱮᱸ ᱑᱕᱒᱔ ᱨᱮ ᱵᱷᱟᱥᱠᱚ ᱰᱟ ᱜᱟᱢᱟ ᱦᱟᱜ ᱜᱩᱨ ᱦᱩᱭ ᱮᱱᱟ ᱟᱨ ᱩᱱᱤᱭᱟᱜ ᱢᱟᱬᱟ ᱫᱚ ᱯᱚᱨᱛᱩᱜᱟᱞ ᱠᱚ ᱤᱫᱤ ᱨᱩᱣᱟ.ᱲ ᱠᱮᱜᱼᱟ ᱾

ᱵᱷᱟᱥᱠᱚ ᱰᱟ ᱜᱟᱢᱟ ᱵᱷᱟᱨᱚᱛ ᱨᱮ ᱵᱮᱯᱟᱨ ᱞᱟ.ᱜᱤᱫ ᱡᱟᱢᱳᱨᱤᱱ ᱮ ᱱᱮᱦᱚᱨ ᱠᱮᱫᱮ ᱠᱷᱟᱱ ᱡᱟᱢᱳᱨᱤᱱ ᱫᱚ ᱩᱱᱤ ᱯᱮᱲᱟ ᱩᱭᱦᱟ.ᱨ ᱠᱟᱛᱮ ᱵᱮᱯᱟᱨ ᱞᱟ.ᱜᱤᱫ ᱦᱚᱨ ᱮ ᱟᱲᱟᱜ ᱟᱫᱮᱭᱟ ᱾ ᱱᱤᱛᱚᱜ ᱵᱮᱯᱟᱨ ᱞᱟ.ᱜᱤᱫ ᱡᱟᱢᱳᱨᱤᱱ ᱫᱚ ᱵᱷᱟᱥᱠᱚ ᱰᱟ ᱜᱟᱢᱟ ᱠᱚᱥᱴᱚᱢ ᱰᱤᱣᱩᱴᱤ ᱞᱟ.ᱜᱤᱫ ᱥᱚᱱᱟ ᱪᱟᱺᱫᱤ ᱠᱚᱭ ᱠᱮᱫᱮᱭᱟᱭ ᱤᱠᱷᱟ.ᱱ ᱵᱷᱟᱥᱠᱚ ᱰᱟ ᱜᱟᱢᱟ ᱴᱷᱮᱱ ᱩᱱ ᱚᱠᱛᱚ ᱪᱮᱫ ᱦᱚᱸ ᱵᱟᱝ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱵᱷᱟᱨᱚᱛ ᱨᱮ ᱵᱮᱯᱟᱨ ᱥᱟᱱᱟᱭᱮ ᱠᱟᱱ ᱛᱟᱦᱮᱸᱱ ᱾ ᱩᱱᱤ ᱚᱠᱟ ᱨᱮᱪᱚᱭ ᱟᱸᱡᱚᱢ ᱞᱮᱫ ᱛᱟᱦᱮᱸᱫ ᱡᱮ, ᱵᱷᱟᱨᱚᱛ ᱫᱚ ᱥᱚᱱᱟ ᱨᱤᱱᱤᱡ ᱪᱮᱬᱮ ᱢᱮᱱᱛᱮ ᱠᱚ ᱢᱮᱱᱟ ᱟᱨ ᱱᱚᱸᱰᱮ ᱥᱚᱱᱟ ᱦᱟᱜ ᱠᱷᱟᱫᱟᱱ ᱢᱮᱱᱟᱜᱼᱟ ᱾ ᱩᱱᱤ ᱱᱚᱶᱟ ᱛᱟᱠ ᱵᱟᱝ ᱯᱩᱪᱩᱡ ᱥᱟᱱᱟᱭᱮ ᱠᱟᱱ ᱛᱟᱦᱮᱸᱱ ᱾ ᱚᱱᱟ ᱠᱷᱟ.ᱛᱤᱨ ᱩᱱᱤ ᱡᱟᱢᱳᱨᱤᱱ ᱫᱚᱭ ᱜᱚᱡ ᱦᱚᱪᱚ ᱠᱮᱫ ᱠᱚᱣᱟ ᱾ ᱡᱟᱢᱳᱨᱤᱱ ᱟᱜ ᱜᱚᱡ ᱛᱟᱭᱚᱢ ᱩᱱᱤ ᱟᱡ ᱜᱮ ᱠᱟᱞᱤᱠᱚᱴ ᱨᱤᱱᱤᱡ ᱢᱟ.ᱞᱤᱠ ᱮ ᱵᱮᱱᱟᱣ ᱮᱱᱟ ᱾ ᱱᱤᱛᱚᱜ ᱠᱟᱞᱤᱠᱚᱴ ᱨᱮ ᱩᱱᱤ ᱟᱨᱚᱵᱽ ᱫᱤᱥᱚᱢ ᱨᱮᱠᱚ ᱵᱮᱯᱟᱨ ᱮᱫ ᱡᱟᱦᱟᱡᱽ ᱨᱮ ᱠᱷᱟᱡᱽᱱᱟ ᱞᱟᱜᱟᱣ ᱮ ᱮᱛᱚᱦᱚᱵ ᱠᱮᱜᱼᱟ ᱾ ᱡᱩᱫᱤ ᱚᱠᱚᱭ ᱤᱱᱟ. ᱚᱠᱛᱚ ᱨᱮ ᱵᱷᱟᱥᱠᱚ ᱰᱟ ᱜᱟᱢᱟ ᱠᱷᱟᱡᱽᱱᱟ ᱵᱟᱠᱚ ᱮᱢᱟᱭ ᱠᱷᱟᱱ ᱩᱱᱤ ᱩᱱᱠᱩᱣᱟᱜ ᱡᱟᱦᱟᱡᱽ ᱫᱚ ᱫᱚᱨᱮᱨᱟ ᱠᱩᱸᱵᱽᱲᱩ ᱴᱷᱮᱱ ᱢᱮᱱ ᱠᱟᱛᱮ ᱩᱱᱠᱩᱭ ᱵᱚᱨᱵᱟᱫᱽ ᱪᱟᱵᱟ ᱠᱚ ᱛᱟᱦᱮᱸᱱ ᱾ ᱩᱱᱤᱭᱟᱜ ᱱᱟᱦᱟᱪᱟᱨ ᱩᱱᱟ.ᱜ ᱵᱟ.ᱲᱛᱤ ᱟᱠᱟᱱ ᱛᱟᱦᱮᱸᱫ ᱩᱱᱤ ᱵᱟᱝ ᱠᱩᱞᱤ ᱠᱟᱛᱮ ᱚᱠᱚᱭ ᱦᱚᱸ ᱚᱸᱰᱮ ᱠᱷᱚᱱ ᱡᱟᱦᱟᱡᱽ ᱦᱤᱞᱟ.ᱣ ᱦᱚᱸ ᱵᱟᱠᱚ ᱦᱤᱞᱟ.ᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱ ᱾ ᱯᱮ ᱪᱟᱸᱫᱚ ᱛᱟᱭᱚᱢ ᱛᱤᱱ ᱡᱚᱦᱚᱜ ᱩᱱᱤ ᱟᱡᱟᱜ ᱫᱤᱥᱚᱢ ᱮ ᱨᱩᱣᱟ.ᱲ ᱮᱱᱟ ᱮᱭᱟᱭ ᱡᱟᱦᱟᱡᱽ ᱨᱮ ᱥᱚᱱᱟ ᱛᱮ ᱯᱮᱨᱮᱡ ᱠᱟᱛᱮᱭ ᱪᱟᱞᱟᱣ ᱨᱩᱣᱟ.ᱲ ᱮᱱᱟ ᱾ ᱩᱱᱤ ᱱᱤᱛᱚᱜ ᱵᱷᱟᱨᱚᱛ ᱦᱟ.ᱡᱩᱜ ᱞᱟ.ᱜᱤᱫ ᱛᱮ ᱫᱚᱨᱮᱭᱟ ᱦᱚᱨ ᱮ ᱛᱚᱞᱟᱥ ᱴᱷᱤᱠ ᱟᱠᱟᱫ ᱛᱟᱦᱮᱸᱱ ᱾ ᱟᱨ ᱦᱚᱸ ᱢᱤᱫ ᱥᱮᱨᱢᱟ ᱛᱟᱭᱚᱢ ᱵᱷᱟᱨᱚᱛ ᱠᱩᱸᱵᱽᱲᱩᱭ ᱞᱟ.ᱜᱤᱫ ᱩᱱᱤ ᱵᱷᱟᱨᱚᱛ ᱮ ᱦᱮᱡ ᱨᱩᱣᱟ.ᱲ ᱮᱱᱟ ᱾