ᱵᱷᱤᱹ ᱢᱚᱦᱤᱱᱤ ᱜᱤᱨᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱷᱤᱹ ᱢᱚᱦᱤᱱᱤ ᱜᱤᱨᱤ
The President, Dr. A.P.J. Abdul Kalam presenting Padma Bhushan to Dr. (Smt.) V. Mohini Giri (Social Activist), at an Investiture Ceremony at Rashtrapati Bhavan in New Delhi on March 23, 2007.jpg
᱒᱓ ᱢᱟᱨᱪ ᱒᱐᱑᱗ ᱨᱮ ᱫᱤᱥᱚᱢ ᱜᱚᱢᱠᱮ ᱚᱵᱽᱫᱩᱞ ᱠᱚᱞᱟᱢ ᱴᱷᱮᱱ ᱠᱷᱚᱱ ᱯᱚᱫᱽᱢᱚ ᱵᱷᱩᱥᱚᱬ ᱥᱤᱨᱯᱷᱟᱹᱭ ᱟᱛᱟᱝ ᱮᱫᱟ ᱾
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ 1938 (age 80–81) [᱑]
ᱞᱚᱠᱷᱱᱚᱣ, ᱩᱛᱚᱨᱯᱨᱚᱫᱮᱥ
ᱫᱤᱥᱚᱢᱤᱭᱟᱹ ᱥᱤᱧᱚᱛᱤᱭᱟᱹ
ᱠᱟᱹᱢᱤ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ, ᱠᱟᱹᱢᱤᱭᱟᱹ
ᱜᱤᱞᱰ ᱚᱯᱷ ᱥᱚᱨᱵᱷᱤᱥᱮᱥ ᱨᱤᱱᱤᱡ ᱛᱷᱟᱯᱚᱱᱤᱭᱟᱹ (᱑᱙᱗᱙)

ᱰᱨᱹ ᱵᱷᱤ ᱢᱚᱦᱤᱱᱤ ᱜᱤᱴᱤ (ᱤᱝᱞᱤᱥ:V. Mohini Giri) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱥᱟᱹᱣᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱠᱟᱹᱢᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱱᱟᱶᱟ ᱫᱤᱞᱞᱤ ᱨᱮ ᱢᱮᱱᱟᱜ ᱢᱤᱫ ᱥᱮᱵᱟ ᱜᱟᱶᱛᱟ "ᱜᱤᱞᱰ ᱚᱯᱷ ᱥᱚᱨᱵᱷᱤᱥ" ᱨᱮᱱ ᱢᱩᱬᱩᱛ ᱠᱟᱹᱢᱤᱭᱟᱹ ᱵᱟᱝᱢᱟ ᱪᱮᱭᱟᱨᱢᱮᱱ ᱠᱟᱱᱟᱭ ᱾ ᱑᱙᱗᱙ ᱥᱟᱞᱮ ᱨᱮ ᱵᱮᱨᱮᱫ ᱟᱠᱟᱱ ᱱᱚᱶᱟ ᱜᱟᱶᱛᱟ ᱫᱚ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱥᱮᱪᱮᱫ ᱟᱹᱭᱫᱟᱹᱨ, ᱪᱟᱹᱠᱨᱤ, ᱠᱟᱹᱣᱰᱤ ᱟᱹᱨᱤ ᱨᱟᱱᱟᱠᱷᱟ ᱮᱢᱟᱱ ᱞᱮᱠᱟᱱᱟᱜ ᱠᱚᱭ ᱠᱟᱢᱤ ᱠᱟᱱᱟ ᱾[᱒][᱓] ᱞᱟᱹᱲᱦᱟᱹᱭ ᱨᱮ ᱜᱩᱨ ᱟᱠᱟᱱ ᱯᱷᱟᱹᱫᱽ ᱠᱚᱨᱤᱱ ᱨᱟᱺᱰᱤ ᱵᱟᱹᱦᱩ ᱠᱚ ᱤᱫᱤ ᱠᱟᱛᱮ ᱑᱙᱗᱒ ᱥᱟᱞᱮ ᱨᱮ ᱱᱟᱶᱟ ᱫᱤᱞᱞᱤ ᱨᱮ ᱢᱤᱫ ᱜᱟᱶᱛᱟᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱛᱮ ᱑᱙᱙᱕ ᱥᱟᱞᱮ ᱠᱷᱚᱱ ᱑᱙᱙᱘ ᱥᱟᱞᱮ ᱦᱟᱹᱵᱤᱡ ᱛᱤᱨᱞᱟᱹ ᱟᱭᱚᱜᱽ ᱨᱤᱱ ᱢᱩᱠᱷᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾[᱔]

᱒᱐᱐᱗ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱫᱟᱨᱟᱭ ᱛᱮ ᱢᱚᱦᱤᱱ ᱫᱚ ᱥᱤᱧᱚᱛ ᱨᱮᱱᱟᱜ ᱛᱮᱥᱟᱨ ᱢᱟᱨᱟᱝ ᱥᱚᱱᱢᱟᱱ ᱯᱫᱽᱢᱚᱵᱷᱩᱥᱚᱬ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾[᱕]


ᱡᱤᱭᱚᱱ ᱟᱨ ᱜᱷᱟᱨᱚᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱤᱱᱤ ᱫᱚ ᱑᱙᱓᱘ ᱥᱟᱞᱮ ᱨᱮ ᱩᱛᱚᱨᱯᱨᱚᱫᱮᱥ ᱨᱮᱱᱟᱜ ᱨᱟᱡᱽᱜᱟᱲ ᱞᱚᱠᱷᱱᱚᱣ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱫᱚ ᱰᱨ ᱵᱷᱤᱹ ᱮᱥᱹ ᱨᱟᱢ ᱧᱩᱛᱩᱢ ᱟᱭ ᱛᱟᱦᱮᱸᱫ ᱾ ᱩᱱᱤ ᱫᱚ ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱚᱱᱮᱨ ᱮᱶ ᱥᱤᱫ ᱞᱮᱫ ᱛᱟᱦᱮᱸᱫ ᱾[᱖] ᱢᱚᱦᱤᱱ ᱟᱡᱟᱜ ᱥᱚᱱᱮᱨ ᱥᱤᱫ ᱠᱮᱫ ᱛᱟᱭᱚᱢ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱟᱨᱮ ᱥᱤᱧᱚᱛᱤᱭᱟᱹ ᱱᱟᱜᱟᱢ ᱪᱮᱛᱟᱱ ᱨᱮ ᱠᱷᱚᱸᱫᱨᱚᱸᱫᱽ ᱮ ᱮᱦᱚᱵ ᱞᱮᱫ ᱞᱮᱫ ᱛᱟᱦᱮᱸᱫ ᱟᱨ ᱛᱟᱭᱚᱢ ᱛᱮ ᱩᱱᱤ ᱫᱚ ᱡᱤᱹ ᱵᱤᱹ ᱯᱟᱱᱛᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱦᱟᱥᱤᱞ ᱞᱮᱫ ᱛᱟᱦᱮᱸᱫ ᱾[᱗]

ᱢᱚᱦᱤᱱᱤ ᱜᱤᱨᱤ ᱟᱡ ᱦᱚᱧᱦᱟᱨ ᱵᱟᱵᱟ ᱵᱚᱨᱟᱦᱜᱤᱨᱤ ᱵᱷᱮᱝᱠᱚᱴᱜᱤᱨᱤ ᱫᱚ ᱥᱤᱧᱚᱛ ᱨᱤᱱ ᱢᱟᱨᱮ ᱫᱤᱥᱚᱢ ᱜᱚᱢᱠᱮ (ᱨᱟᱥᱴᱨᱚᱯᱚᱛᱤ) ᱛᱟᱦᱮᱸ ᱠᱟᱱᱟᱭ ᱾ [᱑]

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱤᱱ ᱫᱚ ᱯᱩᱭᱞᱩ ᱥᱮᱪᱮᱫ ᱛᱷᱚᱱᱚᱛ ᱨᱮ ᱥᱮᱞᱮᱫ ᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱮᱦᱚᱵ ᱫᱚ ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱹᱜᱟᱲ ᱨᱮ ᱛᱤᱨᱞᱟᱹ ᱛᱷᱚᱱᱚᱛ ᱨᱮ ᱥᱮᱞᱮᱫ ᱠᱟᱛᱮ ᱥᱮᱪᱮᱫ ᱮ ᱮᱢᱮᱠᱚ ᱠᱟᱱ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱑᱙᱗᱑ ᱥᱟᱞᱮ ᱨᱮ ᱥᱤᱧᱚᱛ-ᱯᱟᱠᱤᱥᱛᱟᱱ ᱞᱟᱹᱲᱦᱟᱹᱭ ᱨᱮ ᱡᱤᱣᱤ ᱵᱟᱹᱛᱤ ᱤᱬᱤᱡ ᱟᱠᱟᱱ ᱵᱤᱨ ᱠᱚᱨᱤᱱ ᱵᱟᱹᱦᱩ ᱠᱚ ᱥᱟᱢᱴᱟᱣ ᱠᱟᱛᱮ ᱑᱙᱗᱒ ᱥᱟᱞᱮ ᱨᱮ ᱢᱚᱦᱚᱱ ᱫᱚ ᱢᱤᱫ ᱜᱟᱶᱛᱟᱭ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾ [᱘] ᱚᱱᱟ ᱛᱟᱭᱚᱢ ᱒᱐᱐᱐ ᱥᱟᱹᱦᱤᱛ ᱨᱮ ᱱᱩᱠᱩ ᱛᱤᱨᱞᱟᱹ ᱠᱚᱣᱟᱜ ᱥᱚᱥᱚᱫ ᱴᱮ ᱛᱮᱭᱟᱨ ᱟᱠᱟᱱ ᱠᱚᱧᱮ ᱮᱥᱤᱭᱟᱹ ᱜᱟᱶᱛᱟ ᱨᱤᱱᱤᱡ ᱛᱷᱟᱯᱚᱱᱚᱤᱭᱟᱹ ᱟᱨ ᱴᱨᱚᱥᱴ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱛᱟᱦᱮᱸ ᱞᱮᱱᱟᱭ ᱾[᱗]

ᱥᱤᱧᱚᱛ ᱨᱮ ᱨᱮᱸᱜᱮᱡ ᱛᱮ ᱟᱭᱢᱟ ᱦᱚᱲ ᱠᱚ ᱜᱩᱡᱩᱜ ᱠᱟᱱ ᱛᱟᱦᱮᱸᱫ, ᱚᱱᱟᱛᱮ ᱱᱤᱣ ᱭᱚᱨᱠ ᱨᱮᱱᱟᱜ ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱜᱟᱶᱛᱟ ᱥᱤᱧᱚᱛ ᱨᱮ ᱢᱤᱫ ᱯᱨᱚᱡᱮᱠᱴ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ "ᱫᱚ ᱦᱚᱱᱜᱚᱨ ᱯᱨᱚᱡᱮᱠᱴ" ᱾ ᱱᱚᱶᱟ ᱫᱟᱨᱟᱭ ᱛᱮ ᱥᱤᱧᱚᱛ ᱨᱮᱱᱟᱜ ᱨᱮᱸᱜᱮᱡ ᱛᱮ ᱜᱩᱡᱩᱜ ᱞᱮᱠᱟᱱ ᱦᱟᱱᱟᱥ ᱥᱟᱦᱟᱭ ᱞᱟᱹᱜᱤᱫ ᱾ ᱱᱚᱶᱟ ᱜᱟᱶᱛᱟ ᱨᱤᱱᱤᱡ ᱵᱚᱨᱰ ᱢᱮᱢᱵᱚᱨ ᱞᱮᱠᱟᱴᱮ ᱢᱚᱦᱤᱱᱤ ᱫᱚᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱟᱨ ᱛᱟᱭᱚᱢ ᱱᱚᱶᱟ ᱨᱤᱱᱤᱡ ᱪᱮᱭᱟᱨᱢᱮᱱ ᱦᱚᱸᱭ ᱦᱩᱭ ᱞᱮᱱ ᱛᱟᱦᱮᱸᱫ ᱾ [᱙]


ᱢᱟᱹᱱ ᱟᱨ ᱥᱤᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱤᱱᱤ ᱜᱤᱨᱤ ᱟᱡᱟᱜ ᱥᱟᱶᱛᱟ ᱥᱩᱥᱟᱹᱨ ᱟᱨ ᱱᱟᱱ ᱦᱩᱱᱟᱹᱨ ᱩᱛᱱᱟᱹᱣ ᱠᱟᱹᱢᱤᱦᱚᱨ ᱞᱟᱹᱤᱫ ᱛᱮ ᱒᱐᱐᱗ ᱥᱟᱞᱮ ᱨᱮ ᱩᱱᱤ ᱫᱚ ᱯᱚᱫᱽᱢᱚᱵᱷᱩᱥᱚᱬ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱯᱚᱫᱽᱢᱚᱵᱷᱩᱥᱚᱬ ᱫᱚ ᱦᱩᱭᱩᱜ ᱠᱟᱱᱟ ᱥᱤᱧᱚᱛ ᱨᱮᱱᱟᱜ ᱛᱮᱥᱟᱨ ᱢᱟᱨᱟᱝ ᱥᱚᱱᱢᱟᱱ ᱾ ᱩᱱ ᱚᱠᱛᱚ ᱥᱤᱧᱚᱛ ᱨᱤᱱᱤᱡ ᱨᱟᱥᱴᱨᱚᱯᱚᱛᱤ ᱵᱟᱝᱢᱟ ᱫᱤᱥᱚᱢ ᱜᱚᱢᱠᱮ ᱫᱚ ᱰᱨᱹ ᱮᱹ ᱯᱤᱹ ᱡᱮᱹ ᱚᱵᱽᱫᱩᱞ ᱠᱚᱞᱟᱢ ᱯᱚᱫᱽᱢᱚᱵᱷᱩᱥᱚᱬ ᱥᱤᱨᱯᱷᱟᱹᱭ ᱪᱟᱞ ᱟᱫᱮ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ "V. Mohini Giri Profile". Guild for Service. Retrieved 2014-02-11. 
  2. Pisharoty, Sangeeta Barooah (27 ᱟᱜᱚᱥᱴ 2013). "Silver years defined". The Hindu. Retrieved 2014-02-11. 
  3. "Interview with Dr. Mohini Giri". aarpinternational.org. 1 ᱥᱮᱯᱴᱮᱢᱵᱚᱨ 2010. Retrieved 2014-02-12. 
  4. "Chairpersons of the Commission". NCW Official website. Retrieved 2014-02-11. 
  5. "Padma Awards Directory (1954–2009)" (PDF). Ministry of Home Affairs. Archived from the original (PDF) on 10 ᱢᱮ 2013. Retrieved 23 ᱢᱟᱨᱪ 2013. 
  6. "Illustrious alumni recall glorious days at Lucknow University". The Times of India. 26 ᱱᱚᱵᱷᱮᱢᱵᱚᱨ 2013. Retrieved 2014-02-12. 
  7. ᱗.᱐ ᱗.᱑ "Dr. V. Mohini Giri profile". The Hunger Project. Retrieved 2014-02-11. 
  8. "History". War Widows Association, New Delhi, India. Retrieved 2014-02-11. 
  9. "Global Board of Directors and Officers". The Hunger Project. Archived from the original on 22 ᱯᱷᱮᱵᱽᱨᱩᱣᱟᱨᱤ 2014. Retrieved 11 ᱯᱷᱮᱵᱽᱨᱩᱣᱟᱨᱤ 2014. 

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]