ᱚᱢᱚᱨ ᱠᱩᱢᱟᱨ ᱵᱟᱣᱨᱤ

ᱚᱢᱚᱨ ᱠᱩᱢᱟᱨ ᱵᱟᱣᱨᱤ
ᱚᱢᱚᱨ ᱠᱩᱢᱟᱨ ᱵᱟᱣᱨᱤ
	ᱛᱟᱢᱟ ᱢᱚᱱᱛᱨᱤ ᱢᱚᱦᱮᱥ ᱥᱚᱨᱢᱟ ᱥᱟᱞᱟᱜ ᱧᱟᱯᱟᱢ ᱚᱠᱛᱚ ᱨᱮ ᱚᱢᱚᱨ ᱠᱩᱢᱟᱨ ᱵᱟᱣᱨᱤ (ᱡᱚᱡᱚᱢ ᱯᱟᱥᱴᱟ)
ᱵᱤᱨᱩᱫᱷ ᱨᱤᱱᱤᱡ ᱟᱹᱭᱩᱨᱤᱭᱟᱹ; ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ
	ᱵᱟᱭᱴᱷᱮᱨ ᱟᱠᱟᱱᱤᱡ
	Assumed office ; ᱑᱖ ᱚᱠᱴᱚᱵᱚᱨ ᱒᱐᱒᱓
ᱥᱤᱨᱟᱹ ᱢᱚᱱᱛᱨᱤ	ᱦᱮᱢᱚᱱᱛ ᱥᱚᱨᱮᱱ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱦᱮᱢᱚᱱᱛ ᱥᱚᱨᱮᱱ
ᱨᱟᱡᱽᱥᱣᱟ ᱢᱚᱱᱛᱨᱤ; ᱡᱷᱟᱨᱠᱷᱚᱸᱰ ᱥᱚᱨᱠᱟᱨ
	ᱟᱹᱢᱟᱹᱞᱤ ᱨᱮ; ᱑᱙ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ – ᱒᱙ ᱰᱤᱥᱮᱢᱵᱚᱨ ᱒᱐᱑᱙
ᱥᱤᱨᱟᱹ ᱢᱚᱱᱛᱨᱤ	ᱨᱟᱹᱜᱷᱩᱵᱚᱨ ᱫᱟᱥ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱦᱮᱢᱚᱱᱛ ᱥᱚᱨᱮᱱ
ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ
	ᱵᱟᱭᱴᱷᱮᱨ ᱟᱠᱟᱱᱤᱡ
	Assumed office ; ᱒᱐᱑᱔
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱩᱢᱟᱠᱟᱱᱛ ᱨᱚᱡᱚᱠ
ᱵᱟᱪᱱᱟᱣ ᱮᱞᱮᱠᱟ	ᱪᱚᱱᱫᱚᱱᱠᱤᱭᱟᱨᱤ (ᱮᱥ.ᱥᱤ.)
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱑᱙᱗᱘; ᱪᱚᱱᱫᱚᱱᱠᱤᱭᱟᱨᱤ, ᱵᱚᱠᱟᱨᱚ, ᱵᱤᱦᱟᱨ, ᱥᱤᱧᱚᱛ (ᱱᱤᱛ ᱫᱚ ᱡᱷᱟᱨᱠᱷᱚᱸᱰ)
ᱨᱟᱡᱽᱟᱹᱨᱤ ᱫᱚᱞ	ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ

ᱚᱢᱚᱨ ᱠᱩᱢᱟᱨ ᱵᱟᱣᱨᱤ (ᱡᱟᱱᱟᱢ ᱑᱙᱗᱘) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ ᱟᱨ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱮ ᱵᱤᱨᱩᱫᱷ ᱨᱤᱱᱤᱡ ᱱᱤᱛᱚᱜᱤᱜ ᱟᱹᱭᱩᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱫᱚ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱢᱚᱱᱛᱨᱤ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱠᱷᱚᱱ ᱯᱩᱭᱞᱩ ᱩᱱᱤ ᱫᱚ ᱒᱐᱑᱔ ᱨᱮ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱫᱷᱟᱹᱨᱤᱡ ᱵᱟᱹᱵᱩᱞᱟᱞ ᱢᱟᱨᱟᱱᱰᱤ ᱭᱤᱡ ᱟᱹᱭᱩᱨᱤᱡ ᱡᱷᱟᱨᱠᱷᱚᱸᱰ ᱵᱤᱠᱟᱥ ᱢᱚᱨᱪᱟ (ᱯᱨᱚᱡᱟᱛᱟᱱᱛᱨᱤᱠ)^[᱑] ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱪᱚᱱᱫᱚᱱᱠᱤᱭᱟᱨᱤ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ, ᱡᱟᱦᱟᱸ ᱫᱚ ᱵᱚᱠᱟᱨᱚ ᱦᱚᱱᱚᱛ ᱨᱮ ᱥᱮᱰᱭᱩᱞ ᱡᱟᱹᱛᱤ ᱠᱚ ᱞᱟᱹᱜᱤᱫ ᱨᱤᱡᱟᱨᱵᱽ ᱟᱠᱟᱱᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱩᱱᱤ ᱫᱚ ᱑᱙᱗᱘ ᱥᱮᱨᱢᱟ ᱨᱮ ᱨᱟᱢᱱᱟᱛᱷ ᱵᱟᱣᱨᱤ ᱭᱟᱜ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱑᱙᱙᱔ ᱥᱟᱞ ᱨᱮ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱟᱨ.ᱰᱤ ᱴᱟᱴᱟ ᱦᱟᱭ ᱥᱠᱩᱞ ᱠᱷᱚᱱ ᱢᱮᱴᱨᱤᱠ, ᱑᱙᱙᱗ ᱥᱟᱞ ᱨᱮ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱠᱳᱯᱨᱮᱴᱤᱵᱽ ᱠᱚᱞᱮᱡᱽ ᱠᱷᱚᱱ ᱤᱱᱴᱟᱨ, ᱑᱙᱙᱗ ᱥᱟᱞ ᱨᱮ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱠᱳᱯᱨᱮᱴᱤᱵᱽ ᱠᱚᱞᱮᱡᱽ ᱠᱷᱚᱱ ᱜᱨᱮᱡᱩᱥᱚᱱ ᱟᱨ ᱒᱐᱐᱕ ᱥᱟᱞ ᱨᱮ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱜᱟᱢ ᱨᱮ ᱯᱚᱥᱴ ᱜᱨᱮᱡᱩᱮᱴ ᱰᱤᱜᱽᱨᱤ ᱟᱢᱮᱴ ᱞᱮᱫᱟᱭ ᱾ ᱩᱱᱤ ᱫᱚ ᱒᱐᱐᱘ ᱥᱟᱞ ᱨᱮ ᱵᱤᱱᱳᱵᱟ ᱵᱷᱟᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱟᱡᱟᱨᱤᱵᱟᱜᱽ ᱠᱷᱚᱱ ᱥᱮᱪᱮᱫ ᱨᱮ ᱵᱮᱪᱞᱳᱨ ᱰᱤᱜᱽᱨᱤ ᱦᱚᱸᱭ ᱯᱩᱨᱟᱹᱣ ᱞᱮᱫᱼᱟ ᱾

ᱨᱟᱡᱽᱟᱹᱨᱤ ᱠᱟᱹᱢᱤ

ᱵᱟᱣᱨᱤ ᱫᱚ ᱒᱐᱐᱔ ᱥᱟᱞ ᱨᱮ ᱯᱷᱩᱨᱜᱟᱹᱞ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱟᱪᱷᱱᱟᱣ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱤ ᱫᱚ ᱦᱟᱨᱟᱣ ᱨᱮ ᱦᱮᱡ ᱟᱫᱮᱭᱟ ᱾ ᱒᱐᱐᱙ ᱥᱟᱞ ᱨᱮᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱩᱱᱤ ᱫᱚ ᱪᱚᱱᱫᱚᱱᱠᱤᱭᱟᱨᱤ ᱠᱷᱚᱱ ᱡᱮ.ᱵᱤ.ᱮᱢ. (ᱯᱤ) ᱴᱤᱠᱮᱴ ᱨᱮ ᱵᱟᱪᱷᱱᱟᱣ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱟᱡᱽᱥᱩ ᱨᱤᱱᱤᱡ ᱩᱢᱚᱠᱟᱱᱛ ᱨᱚᱡᱚᱠ ᱠᱷᱚᱱ ᱓᱕᱑᱗ ᱵᱷᱳᱴ ᱛᱮᱭ ᱦᱟᱨᱟᱣ ᱮᱱᱟ ᱾ ᱒᱐᱑᱔ ᱥᱟᱞ ᱨᱮ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱵᱟᱣᱨᱤ ᱫᱚ ᱪᱚᱱᱫᱚᱱᱠᱤᱭᱟᱨᱤ ᱠᱷᱚᱱ ᱡᱮ.ᱵᱤ.ᱮᱢ. (ᱯᱤ) ᱴᱤᱠᱮᱴ ᱨᱮ ᱵᱤᱫᱷᱟᱭᱚᱠ ᱥᱚᱦᱮᱛ ᱮ ᱵᱟᱪᱷᱚᱱ ᱞᱮᱱᱟᱭ, ᱢᱮᱱᱠᱷᱟᱱ ᱩᱱᱤ ᱫᱚ ᱮᱴᱟᱜ ᱢᱚᱬᱮ ᱜᱚᱴᱟᱝ ᱵᱤᱫᱷᱟᱭᱚᱠ ᱠᱚ ᱥᱟᱶ ᱵᱤᱡᱮᱯᱤ ᱥᱚᱨᱠᱟᱨ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱡᱮ.ᱵᱤ.ᱮᱢ. (ᱯᱤ.) ᱵᱤᱫᱷᱟᱭᱚᱠ ᱫᱚ ᱵᱤᱡᱮᱯᱤ ᱨᱮᱭ ᱥᱮᱞᱮᱫ ᱟᱠᱟᱫᱟᱜᱼᱟ ᱾

ᱵᱟᱣᱨᱤ ᱫᱚ ᱑᱙ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ ᱨᱮ ᱨᱟᱹᱜᱷᱩᱵᱚᱨ ᱫᱟᱥ ᱢᱚᱱᱛᱨᱤ ᱞᱮᱠᱟᱛᱮ ᱨᱟᱡᱽᱥᱣᱟ ᱟᱨ ᱧᱮᱞᱡᱚᱝ ᱢᱚᱱᱛᱨᱤ ᱞᱮᱠᱟᱛᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱯᱟᱛᱨᱟᱛᱩ ᱜᱷᱟᱹᱴᱤ ᱰᱟᱦᱟᱨ ᱵᱮᱱᱟᱣ ᱟᱨ ᱟᱭᱢᱟ ᱫᱷᱚᱨᱚᱢ ᱧᱮᱞᱡᱚᱝ ᱯᱚᱨᱚᱵ ᱮᱦᱚᱵ ᱞᱮᱠᱟᱱ ᱟᱹᱰᱤ ᱢᱩᱬ ᱜᱷᱚᱴᱚᱱ ᱠᱚᱭ ᱪᱟᱞ ᱟᱫᱮᱭᱟ ᱾ ᱩᱱᱤ ᱫᱚ ᱚᱛ ᱨᱤᱠᱚᱨᱰ ᱨᱮᱱᱟᱜ ᱢᱤᱫ ᱴᱷᱟᱶ ᱰᱤᱡᱤᱴᱟᱞ ᱞᱮᱫ ᱛᱟᱦᱮᱸᱫ ᱟᱨ ᱒᱐᱑᱗ ᱥᱟᱞ ᱨᱮ ᱨᱮ ᱛᱤᱨᱞᱟᱹ ᱠᱚᱣᱟᱜ ᱚᱲᱟᱜ ᱨᱮ ᱱᱩᱠᱩᱣᱟᱜ ᱧᱩᱛᱩᱢ ᱨᱮ ᱨᱮᱡᱤᱥᱴᱟᱨ ᱟᱠᱟᱱ ᱯᱨᱚᱯᱟᱨᱴᱤ ᱠᱚ ᱨᱮ ᱑ ᱴᱟᱠᱟ ᱨᱮᱱᱟᱜ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱥᱤᱨᱯᱟᱹ ᱦᱚᱸ ᱮᱦᱚᱵ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱱᱤᱛᱚᱜᱤᱜ ᱡᱮᱹᱮᱢᱹᱮᱢᱹ-ᱟᱜ ᱥᱚᱨᱠᱟᱨ ᱒᱐᱒᱐ ᱨᱮ ᱦᱮᱢᱚᱱᱛ ᱥᱚᱨᱮᱱ ᱟᱜ ᱥᱚᱨᱠᱟᱨ ᱤᱫᱤ ᱛᱮ ᱪᱟᱵᱟ ᱞᱮᱫ ᱛᱟᱦᱮᱸᱫ ᱾^[᱒]

᱑᱖ ᱚᱠᱴᱚᱵᱚᱨ ᱒᱐᱒᱓ ᱦᱤᱞᱚᱜ ᱩᱱᱤ ᱫᱚ ᱵᱟᱹᱵᱩᱞᱟᱞ ᱢᱟᱨᱟᱱᱰᱤ ᱟᱜ ᱴᱷᱟᱶ ᱨᱮ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱮ ᱵᱤᱨᱩᱫᱷ ᱨᱤᱱᱤᱡ ᱟᱹᱭᱩᱨᱤᱭᱟᱹ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ, ᱡᱟᱦᱟᱸᱭ ᱫᱚ ᱵᱤᱡᱮᱯᱤ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱾^[᱓]^[᱔]

ᱥᱟᱹᱠᱷᱭᱟᱹᱛ

↑ "Amar Kumar Bauri(JVM(P)): Constituency- Chandankiyari (SC) (Bokaro) – Affidavit Information of Candidate".
↑ "Marandi protege to Jharkhand BJP's new LoP face after four years: Who is Amar Bauri?". The Indian Express. 2023-10-23.
↑ "Amar Kumar Bauri appointed leader of BJP Legislative Party in Jharkhand". www.telegraphindia.com (in ᱟᱝᱜᱽᱨᱮᱡᱤ).
↑ Outlook India (16 October 2023). "Amar Kumar Bauri Appointed As Leader Of BJP Legislative Party In Jharkhand" (in ᱟᱝᱜᱽᱨᱮᱡᱤ). Archived from the original on 19 May 2024. Retrieved 19 May 2024.

ᱵᱟᱦᱨᱮ ᱡᱚᱱᱚᱲ

[1] "Amar Kumar Bauri(JVM(P)): Constituency- Chandankiyari (SC) (Bokaro) – Affidavit Information of Candidate".

[2] "Marandi protege to Jharkhand BJP's new LoP face after four years: Who is Amar Bauri?". The Indian Express. 2023-10-23.

[3] "Amar Kumar Bauri appointed leader of BJP Legislative Party in Jharkhand". www.telegraphindia.com (in ᱟᱝᱜᱽᱨᱮᱡᱤ).

[Amar_Kumar_Bauri_Appointed_As_Leader_Of_BJP_Legislative_Party_In_Jharkhand-4] Outlook India (16 October 2023). "Amar Kumar Bauri Appointed As Leader Of BJP Legislative Party In Jharkhand" (in ᱟᱝᱜᱽᱨᱮᱡᱤ). Archived from the original on 19 May 2024. Retrieved 19 May 2024.

[᱑]

[᱒]

[᱓]

[᱔]