ᱚᱯᱚᱨᱱᱟ ᱯᱳᱯᱟᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱚᱯᱚᱨᱱᱟ ᱯᱳᱯᱟᱛ
ᱩᱯᱨᱩᱢ
ᱫᱤᱥᱚᱢ ᱵᱷᱟᱨᱚᱛ
ᱩᱥᱩᱞ ᱑.᱖᱓ ᱢᱤᱴᱚᱨ
ᱪᱚᱞᱚᱛ ᱥᱮᱨᱢᱟ ᱑᱙᱘᱙-᱒᱐᱐᱖
Handedness ᱡᱚᱡᱚᱢ ᱛᱤ ᱛᱮ
ᱮᱠᱞᱟ ᱛᱤᱨᱞᱟ.
Highest ranking ᱑᱖ [᱑]

ᱚᱯᱚᱨᱱᱟ ᱯᱳᱯᱟᱛ (ᱡᱟᱱᱟᱢ ᱑᱘ ᱡᱟᱱᱩᱣᱟᱨᱤ ᱑᱙᱗᱘) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱾ ᱑᱙᱙᱗ ᱠᱷᱚᱱ ᱒᱐᱐᱖ ᱛᱟᱞᱟᱨᱮ ᱱᱩᱭ ᱫᱚ ᱙ ᱡᱮᱠᱷᱟ ᱥᱤᱱᱤᱭᱚᱨ ᱱᱮᱥᱱᱟᱞ ᱪᱟᱢᱯᱤᱭᱟᱱᱥᱤᱯ ᱫᱟᱲᱮ ᱠᱟᱛᱮ ᱨᱮᱠᱚᱰ ᱵᱮᱱᱟᱣ ᱞᱮᱫ ᱟᱭ ᱾ [᱒]

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱯᱚᱨᱱᱟ ᱯᱳᱯᱟᱛ ᱫᱚ ᱑᱘ ᱡᱟᱱᱩᱣᱟᱨᱤ ᱑᱙᱗᱘ ᱨᱮ ᱢᱤᱫ ᱜᱩᱡᱽᱨᱟᱛᱤ ᱚᱲᱟᱜ ᱨᱮ ᱢᱩᱢᱵᱟᱭ,ᱢᱚᱦᱟᱨᱟᱥᱴᱨᱚ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱫᱚ ᱞᱟᱞᱡᱤ ᱯᱳᱯᱟᱛ ᱟᱨ ᱟᱡ ᱟᱭᱳ ᱫᱚ ᱦᱤᱱᱟ ᱯᱳᱯᱟᱛ ᱠᱟᱱᱟ ᱠᱤᱱ ᱾ ᱚᱯᱚᱨᱱᱟ ᱫᱚ ᱢᱩᱢᱵᱟᱭ ᱨᱮᱭᱟᱜ ᱡ.ᱵ. ᱯᱮᱛᱤᱛ ᱦᱟᱭᱥᱠᱩᱞ ᱨᱮᱭ ᱚᱞ ᱞᱮᱫ ᱛᱟᱦᱮᱸᱱ ᱾ ᱢᱟᱸᱣᱩᱴ ᱠᱟᱨᱢᱮᱞ ᱠᱚᱞᱮᱡᱽ, ᱵᱟᱝᱜᱟᱞᱳᱨ ᱨᱮ ᱠᱚᱞᱮᱡᱽ ᱫᱚᱭ ᱚᱞ ᱞᱮᱫ ᱛᱟᱦᱮᱸᱫ ᱾ ᱢᱩᱢᱵᱟᱭᱤ ᱭᱩᱱᱤᱵᱷᱚᱨᱥᱤᱴᱤ ᱠᱷᱚᱱ ᱟᱡᱟᱜ ᱵᱮᱪᱞᱚᱨ ᱰᱤᱜᱽᱨᱤᱭ ᱦᱟᱛᱟᱣ ᱞᱮᱫ-ᱟ ᱾

ᱴᱨᱮᱱᱤᱝ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱯᱚᱨᱱᱟ ᱫᱚ ᱑᱙᱘᱖ ᱨᱮ ᱢᱩᱢᱵᱟᱭ ᱠᱷᱚᱱ ᱵᱮᱰᱢᱤᱱᱴᱚᱱ ᱠᱷᱮᱞ ᱮ ᱮᱛᱦᱚᱵ ᱠᱮᱫ-ᱟ ᱾ ᱱᱩᱭ ᱫᱚ ᱡᱚᱠᱷᱚᱱ ᱘ ᱥᱟᱞ-ᱮ ᱛᱟᱦᱮᱸ ᱠᱟᱱᱟ ᱚᱱᱤᱞ ᱯᱨᱚᱫᱷᱟᱱ ᱴᱷᱮᱱ ᱠᱚ ᱠᱳᱪᱤᱝ ᱦᱚᱪᱚ ᱠᱮᱫᱮᱭᱟ ᱾ ᱛᱚᱵᱮ ᱚᱱᱤᱞ ᱯᱨᱚᱫᱷᱟᱱ ᱫᱚ ᱟᱡ ᱵᱟᱵᱟ ᱛᱤᱠᱤᱱ ᱮ ᱢᱮᱛᱟᱫ ᱠᱤᱱᱟ ᱱᱩᱭ ᱠᱩᱲᱤ ᱜᱤᱫᱽᱨᱟ. ᱫᱚ ᱤᱧ ᱮᱢᱟᱧ ᱯᱮ ᱟᱨ ᱱᱩᱭ ᱫᱚ ᱤᱱᱰᱤᱭᱟᱱ ᱵᱮᱰᱢᱤᱱᱴᱚᱱ ᱞᱟ.ᱜᱤᱱ ᱤᱧ ᱛᱮᱭᱟᱨ ᱠᱟᱭᱟ ᱾ ᱚᱱᱤᱞ ᱯᱨᱚᱫᱷᱟᱱ ᱫᱚ ᱱᱮᱥᱱᱟᱞ ᱪᱟᱢᱯᱤᱭᱟᱱ ᱮ ᱛᱟᱦᱮᱸ ᱠᱟᱱᱟ ᱾ ᱛᱚᱵᱮ ᱚᱱᱟ ᱠᱷᱟ.ᱛᱤᱨ ᱚᱯᱚᱨᱱᱟ ᱦᱚᱸ ᱱᱚᱝᱠᱟᱭ ᱵᱮᱱᱟᱣ ᱫᱟᱲᱮᱟᱭᱟ ᱢᱮᱱᱛᱮ ᱢᱚᱱᱚᱛ ᱮ ᱮᱢ ᱠᱮᱫ-ᱟ ᱾ [᱓]

᱑᱙᱙᱔ ᱨᱮ ᱵᱮᱝᱜᱽᱞᱳᱨ ᱨᱮᱭᱟᱜ ᱯᱨᱚᱠᱟᱥ ᱯᱟᱫᱳᱠᱳᱱ ᱵᱮᱰᱢᱤᱱᱴᱚᱱ ᱟᱠᱟᱰᱮᱢᱤ ᱨᱮ ᱴᱨᱮᱱᱤᱝ ᱮᱦᱚᱵ ᱠᱮᱫ ᱟᱭ ᱾ ᱯᱨᱚᱠᱟᱥ ᱯᱟᱫᱳᱠᱳᱱ, ᱫᱚ ᱥᱮᱫᱟᱭ ᱤᱸᱜᱽᱞᱚᱸᱰ ᱪᱚᱢᱯᱤᱭᱟᱱ ᱛᱟᱦᱮᱸ ᱞᱮᱱᱟᱭ ᱾ ᱛᱚᱵᱮ ᱚᱸᱰᱮ ᱡᱚᱭᱮᱱ ᱛᱟᱭᱚᱢ ᱚᱯᱚᱨᱱᱟ ᱫᱚ ᱟᱡᱟᱜ ᱯᱷᱤᱴᱱᱮᱥ ᱵᱟᱠᱷᱨᱟ ᱴᱨᱮᱱᱤᱝ ᱦᱟᱛᱟᱣ ᱥᱟᱶ ᱤᱱᱴᱚᱨᱱᱮᱥᱱᱟᱞ ᱞᱮᱵᱚᱞ ᱨᱮ ᱪᱤᱠᱟᱛᱮ ᱱᱟᱯᱟᱭ ᱨᱮᱠᱚᱰ ᱠᱚ ᱵᱮᱱᱟᱣ ᱦᱩᱭᱩᱜ-ᱟ ᱚᱱᱟ ᱠᱚᱭ ᱥᱮᱬᱟ ᱟᱫᱮᱭᱟ ᱾

ᱱᱚᱝᱠᱟ ᱜᱮ ᱫᱤᱱ ᱵᱚᱫᱚᱞᱮᱱ ᱵᱤᱫᱟ.ᱞ ᱚᱯᱚᱨᱱᱟ ᱫᱚ ᱒᱐᱐᱒ ᱨᱮ ᱥᱯᱳᱴᱥ ᱚᱛᱷᱟᱨᱤᱴᱤ ᱚᱯᱷ ᱤᱱᱰᱤᱭᱟ ᱴᱨᱮᱱᱤᱝ ᱥᱮᱱᱴᱚᱨ(Sports Authority of India training centre),ᱠᱮᱱᱜᱮᱨᱤ,ᱵᱟᱝᱜᱟᱞᱳᱨ ᱨᱮᱭ ᱡᱚᱭᱮᱱ ᱠᱮᱫᱼᱟ ᱾ ᱱᱚᱰᱮ ᱫᱚ ᱜᱟᱱᱜᱩᱞᱟ ᱯᱨᱚᱥᱟᱫᱽ ᱴᱷᱮᱱ ᱠᱷᱚᱱ ᱟᱭᱢᱟ ᱞᱮᱠᱟᱱ ᱴᱮᱠᱴᱤᱥ ᱠᱚ ᱥᱮᱪᱮᱫ ᱞᱮᱱᱟᱭ ᱾ [᱔]

ᱠᱟ.ᱢᱤ ᱠᱟᱨᱱᱟᱢᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱙᱗ ᱨᱮ ᱚᱯᱚᱨᱱᱟ ᱫᱚ ᱯᱩᱭᱞᱩ ᱫᱷᱟᱣ ᱟᱡᱟᱜ ᱥᱤᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ ᱦᱟᱭᱫᱽᱨᱟᱵᱟᱫᱽ ᱨᱮ ᱦᱟᱛᱟᱣ ᱞᱮᱫ ᱟᱭ ᱾ ᱒᱐᱐᱖ ᱫᱷᱟ.ᱵᱤᱡ ᱟᱡ ᱜᱮ ᱱᱚᱣᱟ ᱫᱚᱭ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱚᱸᱰᱮ ᱠᱷᱚᱱ ᱯᱨᱚᱠᱟᱥ ᱯᱟᱫᱳᱠᱳᱱ ᱟᱜ ᱱᱮᱥᱱᱟᱞ ᱮᱴᱨᱮᱠᱟᱰ ᱡᱤᱛᱠᱟ.ᱨ ᱠᱟᱛᱮ ᱙ ᱜᱚᱴᱟᱝ ᱞᱟᱜᱟᱛᱟᱨ ᱱᱮᱥᱱᱟᱞ ᱮᱠᱞᱟ ᱴᱟᱭᱴᱚᱞ ᱚ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱡᱟᱱᱩᱣᱟᱨᱤ ᱒᱐᱐᱖ ᱨᱮ ᱱᱩᱭ ᱫᱚ ᱑᱕ ᱥᱟᱞ ᱨᱤᱱᱤᱡ ᱥᱟᱭᱱᱟ ᱱᱮᱦᱣᱟᱞ ᱥᱟᱶ ᱡᱤᱛᱠᱟ.ᱨ ᱠᱟᱛᱮ ᱒᱗ ᱩᱢᱮᱨ ᱨᱮ ᱙ ᱡᱮᱠᱷᱟ ᱱᱮᱥᱱᱟᱞ ᱥᱤᱱᱤᱭᱚᱨ ᱴᱟᱭᱴᱚᱞ ᱮ ᱟᱢᱮᱴ ᱟᱱ ᱛᱟᱦᱮᱸᱫ ᱾ [᱕]

ᱚᱯᱚᱨᱱᱟ ᱫᱚ ᱤᱱᱴᱚᱨᱱᱮᱥᱱᱟᱞ ᱞᱮᱵᱚᱞ ᱨᱮ ᱵᱟᱨᱭᱟ ᱚᱞᱤᱢᱯᱤᱠ ᱠᱷᱮᱞ, ᱢᱤᱫᱴᱟᱝ ᱮᱥᱤᱭᱟᱱ ᱜᱮᱢᱥ, ᱑᱙᱙᱖ ᱨᱮ ᱣᱟᱨᱞᱰ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱨᱩᱯᱟ. ᱟᱨ ᱠᱚᱢᱚᱱ ᱣᱮᱞᱛᱷ ᱜᱮᱢᱥ ᱨᱮ ᱯᱩᱱᱭᱟᱹ ᱢᱮᱰᱟᱞ ᱠᱚ ᱧᱟᱢ ᱟᱠᱟᱫ ᱟᱭ ᱾ ᱱᱚᱝᱠᱟ ᱠᱷᱮᱞ ᱠᱟᱛᱮ ᱟᱨ ᱨᱮᱠᱚᱰ ᱠᱚ ᱥᱟᱯᱲᱟᱣ ᱠᱟᱛᱮ ᱚᱯᱚᱨᱱᱟ ᱫᱚ ᱣᱟᱨᱞᱰ ᱨᱮ ᱑᱖ ᱱᱚᱢᱵᱟᱨ ᱯᱳᱡᱤᱥᱚᱱ ᱨᱮ ᱛᱟᱦᱮᱸ ᱠᱟᱱᱟᱭ ᱾

ᱨᱤᱴᱟᱭᱟᱨᱢᱮᱱᱴ(Retirement)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱗ ᱥᱟᱞ ᱵᱮᱰᱢᱤᱱᱴᱚᱱ ᱠᱷᱮᱞ ᱠᱟᱛᱮ, ᱜᱚᱱᱴᱷᱮ ᱨᱮ ᱡᱚᱠᱷᱚᱱ ᱛᱤᱱᱟᱹᱝ ᱮᱴᱠᱮᱴᱚᱬᱮ ᱠᱚ ᱦᱩᱭᱮᱱ ᱛᱟᱭᱚᱢ ᱚᱯᱚᱨᱱᱟ ᱫᱚ ᱒᱐᱐᱖ ᱨᱮ ᱠᱷᱮᱞ ᱡᱤᱭᱚᱱ ᱠᱷᱚᱱ ᱡᱤᱨᱟᱹᱣ ᱮ ᱦᱟᱛᱟᱣ ᱠᱮᱫ-ᱟ ᱾ ᱱᱮᱥᱱᱟᱞ ᱪᱟᱢᱯᱤᱭᱟᱱᱥᱤᱯ ᱨᱮ ᱱᱩᱭᱟᱜ ᱨᱮᱠᱚᱰ ᱫᱚ ᱱᱮᱛᱟᱨ ᱫᱷᱟ.ᱵᱤᱡ ᱵᱟᱠᱚ ᱛᱟᱞᱚᱢ ᱯᱟᱨᱚᱢ ᱟᱠᱟᱫ ᱛᱟᱭᱟ ᱾

ᱡᱤᱨᱟᱹᱣ ᱦᱟᱛᱟᱣ ᱛᱟᱭᱚᱢ ᱚᱯᱚᱨᱱᱟ ᱫᱚ ᱒᱐᱑᱕ ᱫᱷᱟ.ᱵᱤᱡ ᱤᱱᱰᱤᱭᱟᱱ ᱚᱭᱮᱞ ᱠᱚᱨᱯᱳᱨᱮᱥᱚᱱ, ᱢᱩᱢᱵᱟᱭ ᱨᱮᱭ ᱠᱟ.ᱢᱤ ᱠᱟᱱ ᱛᱟᱦᱮᱸᱫ ᱾

ᱥᱮᱪᱮᱫᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱯᱚᱨᱱᱟ ᱯᱳᱯᱟᱛ ᱤᱱᱰᱤᱭᱟᱱ ᱵᱮᱰᱢᱤᱱᱴᱚᱱ ᱞᱤᱜᱽ ᱨᱮ ᱢᱩᱢᱵᱟᱭ ᱢᱟᱥᱴᱚᱨ ᱵᱮᱱᱟᱜ ᱞᱟ.ᱜᱤᱱ ᱠᱚ ᱴᱨᱮᱱᱤᱝ ᱞᱮᱫᱮᱭᱟ ᱾ [᱖]

ᱟᱣᱟᱰ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱯᱚᱨᱱᱟ ᱫᱚ ᱒᱐᱐᱕ ᱨᱮ, ᱵᱷᱟᱨᱚᱛ ᱥᱚᱨᱠᱟᱨ ᱟᱜ ᱠᱷᱮᱞ ᱠᱚ ᱞᱟ.ᱜᱤᱱ ᱢᱟᱨᱟᱝ ᱥᱤᱨᱯᱷᱟ. ᱚᱨᱡᱩᱱ ᱟᱣᱟᱰ ᱠᱚ ᱮᱢᱟᱫᱮ ᱛᱟᱦᱮᱸᱫ ᱾

ᱭ.ᱥ. ᱨᱤᱱᱤᱡ ᱥᱮᱠᱨᱮᱴᱟᱨᱤ ᱦᱤᱞᱞᱟᱨᱤ ᱠᱞᱤᱱᱴᱚᱱ ᱢᱤᱫ ᱡᱮᱠᱷᱟ ᱜᱞᱳᱵᱟᱞ ᱥᱯᱳᱴᱥ ᱢᱚᱱᱤᱴᱳᱨᱤᱝ ᱯᱨᱳᱜᱽᱨᱟᱢ(Global Sports Mentoring Programme) ᱞᱟ.ᱜᱤᱱ ᱣᱟᱨᱞᱰ ᱨᱮᱱ ᱱᱟᱯᱟᱭ ᱱᱟᱯᱟᱭ ᱛᱤᱨᱞᱟ. ᱠᱷᱮᱞᱚᱸᱰᱤᱭᱟ. ᱠᱚ ᱵᱟᱪᱷᱟᱣᱼ

ᱮᱫ ᱠᱚ ᱛᱟᱦᱮᱸᱫ ᱾ ᱛᱚᱵᱮ ᱚᱱᱟ ᱨᱮ ᱠᱚ ᱵᱟᱪᱷᱟᱣ ᱟᱠᱟᱱ ᱑᱗ ᱜᱚᱴᱟᱝ ᱠᱷᱮᱞᱚᱸᱰᱤᱭᱟ. ᱵᱷᱤᱛᱤᱨ ᱨᱮ ᱚᱯᱚᱨᱱᱟ ᱦᱚᱸᱭ ᱛᱟᱦᱮᱸ ᱞᱮᱱᱟ ᱾ ᱱᱚᱣᱟ ᱨᱮᱱᱟᱜ ᱡᱚᱥ ᱫᱚ ᱣᱟᱨᱞᱰ ᱨᱤᱱ ᱛᱤᱨᱞᱟ. ᱠᱷᱮᱞᱚᱸᱰᱤᱭᱟ. ᱠᱚ ᱥᱟᱦᱮᱫ ᱜᱚᱲᱚ ᱟᱠᱚᱣᱟ ᱵᱚᱱ ᱾

ᱥᱟᱞ ᱜᱷᱤᱱᱤ ᱡᱤᱛ ᱟᱨ ᱨᱮᱠᱚᱵ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱙

ᱯᱩᱭᱞᱩ ᱫᱷᱟᱣ ᱵᱟᱝᱜᱟᱞᱳᱨ ᱨᱮ ᱱᱮᱥᱱᱟᱞ ᱞᱮᱵᱚᱞ ᱠᱷᱮᱞ ᱨᱮ ᱚᱯᱚᱨᱱᱟ ᱫᱚ (᱑᱒ ᱠᱷᱚᱱ ᱞᱟᱛᱟᱨ) ᱨᱮ ᱱᱮᱥᱱᱟᱞ ᱴᱟᱭᱴᱚᱞ ᱡᱤᱛᱠᱟ.ᱨ ᱞᱮᱱᱟᱭ ᱾

᱑᱙᱙0

ᱱᱚᱣᱟ ᱥᱮᱨᱢᱟ ᱫᱚ ᱚᱯᱚᱨᱱᱟ (᱑᱕ ᱥᱟᱞ ᱠᱷᱚᱱ ᱞᱟᱛᱟᱨ) ᱠᱷᱮᱞ ᱚᱠᱛᱚ ᱱᱮᱥᱱᱟᱞ ᱞᱮᱵᱚᱞ ᱨᱚᱱᱚᱨᱥ ᱚᱯ ᱫᱟᱲᱮ ᱞᱮᱱᱟᱭ ᱾

᱑᱙᱙᱑

ᱱᱚᱣᱟ ᱥᱮᱨᱢᱟ ᱫᱚ ᱱᱮᱥᱱᱟᱞ ᱥᱚᱵᱽ-ᱡᱩᱱᱤᱭᱚᱨ ᱠᱩᱲᱤ (᱑᱕ ᱠᱷᱚᱱ ᱞᱟᱛᱟᱨ) ᱠᱚᱣᱟᱜ ᱴᱟᱭᱴᱮᱞ ᱡᱤᱛᱠᱟ.ᱨ ᱞᱮᱱᱟᱭ ᱾

᱑᱙᱙᱒

ᱱᱚᱣᱟ ᱥᱟᱞ ᱨᱮ ᱫᱚ ᱱᱮᱥᱱᱟᱞ ᱥᱚᱵᱽ-ᱡᱩᱱᱤᱭᱚᱨ ᱠᱩᱲᱤ ᱠᱚᱣᱟᱜ ᱠᱷᱮᱞ (᱑᱕ ᱠᱷᱚᱱ ᱞᱟᱛᱟᱨ) ᱠᱷᱚᱱ ᱚᱰᱚᱠ ᱮᱱᱟᱭ ᱟᱨ ᱡᱩᱱᱤᱭᱚᱨ ᱠᱩᱲᱤ ᱠᱚᱣᱟᱜ ᱠᱷᱮᱞ (᱑᱘ ᱠᱷᱚᱱ ᱞᱟᱛᱟᱨ) ᱨᱮ ᱯᱷᱟᱭᱱᱟᱞ ᱡᱤᱛᱠᱟ.ᱨ ᱮᱱᱟᱭ ᱾

ᱮᱱᱠᱷᱟᱱ ᱡᱟᱠᱟᱨᱛᱟ ᱨᱮ ᱦᱩᱭ ᱟᱠᱟᱱ ᱚᱱᱟ ᱥᱮᱨᱢᱟ ᱨᱮᱭᱟᱜ ᱣᱟᱨᱞᱰ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱷᱟᱜᱽ ᱦᱟᱛᱟᱣ ᱠᱮᱫ ᱟᱭ ᱾ ᱱᱚᱣᱟ ᱫᱚ ᱟᱡᱟᱜ ᱢᱮᱰᱮᱱ (maiden) ᱤᱱᱴᱚᱨᱱᱮᱥᱱᱟᱞ ᱠᱷᱮᱞ ᱛᱟᱦᱮᱸ ᱞᱮᱱ ᱛᱟᱭᱟ ᱾

᱑᱙᱙᱓

ᱱᱚᱣᱟ ᱥᱮᱨᱢᱟ ᱨᱮ ᱫᱚ ᱯᱩᱱᱮ ᱨᱮ ᱦᱩᱭ ᱟᱠᱟᱱ ᱡᱩᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ (᱑᱘ ᱠᱷᱚᱱ ᱞᱟᱛᱟᱨ) ᱨᱮ ᱫᱟᱲᱮ ᱞᱮᱱᱟᱭ ᱾

᱑᱙᱙᱔

ᱡᱩᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ (᱑᱘ ᱠᱷᱚᱱ ᱞᱟᱛᱟᱨ) ᱠᱷᱚᱱ ᱵᱟᱫᱽ ᱮᱱᱟᱭ ᱾

ᱠᱩᱣᱟᱞᱟ ᱞᱩᱢᱯᱩᱨ ᱨᱮ ᱦᱩᱭ ᱟᱠᱟᱱ ᱣᱟᱨᱞᱰ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱤᱱᱰᱤᱭᱟ ᱠᱷᱚᱱ ᱵᱷᱟᱜᱽ ᱦᱟᱛᱟᱣ ᱞᱮᱫ ᱟᱭ ᱾

ᱯᱟᱨᱟᱜᱩᱭᱮ ᱨᱮ ᱦᱩᱭ ᱞᱮᱱ ᱩᱵᱮᱨ ᱠᱚᱯ ᱨᱮ ᱤᱱᱰᱤᱭᱟᱱ ᱴᱤᱢ ᱨᱮ ᱠᱚ ᱥᱟᱢᱤᱞ ᱞᱮᱫᱮᱭᱟ ᱾ ᱱᱚᱣᱟ ᱥᱮᱨᱢᱟ ᱨᱮᱜᱮ ᱱᱩᱭᱟᱜ ᱫᱚ ᱟᱭᱤᱱᱤᱭᱚᱨ ᱴᱤᱢ ᱨᱮ ᱠᱷᱮᱞ ᱞᱟ.ᱜᱤᱱ ᱩᱢᱮᱨ ᱦᱩᱭ ᱥᱟ.ᱨᱤ ᱞᱮᱱ ᱛᱟᱭᱟ ᱾

᱑᱙᱙᱕

ᱡᱩᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ (᱑᱘ ᱠᱷᱚᱱ ᱞᱟᱛᱟᱨ) ᱨᱮ ᱠᱚ ᱵᱟᱫᱽ ᱠᱮᱫᱮᱭᱟ ᱾ ᱢᱮᱱᱠᱷᱟᱱ ᱥᱤᱱᱤᱭᱚᱨ ᱱᱮᱥᱱᱟᱞᱤᱥᱴ ᱨᱮ ᱯᱷᱟᱭᱱᱟᱞ ᱫᱟᱲᱮ ᱞᱮᱱᱟᱭ ᱾

᱑᱙᱙᱖

ᱦᱚᱝᱠᱚᱝ ᱨᱮ ᱦᱩᱭ ᱞᱮᱱ ᱯᱨᱤᱱᱥ ᱮᱥᱤᱭᱟᱱ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱠᱟᱸᱥᱟ ᱢᱮᱰᱟᱞ ᱡᱩᱛᱠᱟ.ᱨ ᱞᱮᱱᱟᱭ ᱾

ᱥᱤᱞᱠᱻᱵᱚᱨᱜᱽ,ᱰᱮᱱᱢᱟᱨᱠ ᱨᱮ ᱦᱩᱭ ᱟᱠᱟᱱ ᱣᱟᱨᱞᱰ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱨᱩᱯᱟ. ᱢᱮᱰᱟᱞ ᱫᱟᱲᱮ ᱞᱮᱱᱟᱭ ᱾ ᱱᱚᱣᱟ ᱤᱵᱷᱮᱸᱴ ᱨᱮ ᱱᱚᱣᱟ ᱜᱮ ᱤᱱᱰᱤᱭᱟ ᱨᱮᱭᱟᱜ ᱯᱩᱭᱞᱩ ᱢᱮᱰᱟᱞ ᱠᱟᱱᱟ ᱾

ᱯᱩᱱᱮ ᱨᱮ ᱦᱩᱭ ᱟᱠᱟᱱ ᱥᱤᱱᱤᱭᱚᱨ ᱱᱮᱥᱱᱟᱞ ᱨᱮ ᱯᱷᱟᱭᱱᱟᱞᱤᱥᱢ ᱵᱮᱱᱟᱣ ᱮᱱᱟᱭ ᱾ ᱟᱨ ᱡᱩᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ (᱑᱙ ᱠᱷᱚᱱ ᱞᱟᱛᱟᱨ) ᱠᱷᱚᱱ ᱠᱚ ᱵᱟᱫᱽ ᱠᱮᱫᱮᱭᱟ ᱾

᱑᱙᱙᱗

ᱵᱟᱨ ᱥᱮᱨᱢᱟ ᱞᱮᱠᱟ ᱨᱚᱱᱚᱨᱥ ᱚᱯ ᱨᱮ ᱛᱟᱦᱮᱸ ᱦᱩᱭ ᱠᱟᱛᱮ ᱚᱯᱚᱨᱱᱟ ᱫᱚ ᱥᱤᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ ᱨᱮ ᱢᱚᱱᱡᱩᱥᱟ ᱠᱚᱱᱣᱟᱨ ᱠᱷᱚᱱ ᱡᱤᱛᱠᱟᱹᱨ ᱞᱮᱱᱟᱭ ᱾


᱑᱙᱙᱘

ᱱᱚᱣᱟ ᱥᱮᱨᱢᱟ ᱨᱮ ᱫᱚ ᱚᱯᱚᱨᱱᱟ ᱫᱚ ᱥᱤᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ ᱠᱷᱚᱱ ᱠᱚ ᱵᱟᱫᱷ ᱠᱮᱫᱮᱭᱟ ᱾ ᱟᱨ ᱠᱚᱢᱚᱱ ᱣᱮᱞᱛᱷ ᱜᱮᱢᱥ ᱨᱮ ᱮᱠᱞᱟ ᱠᱷᱮᱞ ᱠᱟᱛᱮ ᱨᱩᱯᱟ. ᱢᱮᱰᱟᱞ ᱟᱨ ᱴᱤᱢ ᱨᱮ ᱠᱷᱮᱞ ᱠᱟᱛᱮ ᱠᱟᱸᱥᱟ ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾

ᱵᱮᱝᱠᱚᱠ ᱨᱮᱭᱟᱜ ᱮᱥᱤᱭᱟᱱ ᱜᱮᱢᱥ ᱟᱨ ᱩᱵᱮᱨ ᱠᱚᱯ ᱨᱮ ᱦᱚᱸ ᱤᱱᱰᱤᱭᱟ ᱯᱟᱦᱴᱟ ᱠᱷᱚᱱ ᱵᱷᱟᱜᱽ ᱦᱟᱛᱟᱣ ᱞᱮᱫ ᱟᱭ ᱾

ᱮᱥᱤᱭᱟᱱ ᱥᱟᱴᱮᱞᱟᱭᱤᱴ ᱴᱩᱨᱱᱟᱢᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾

᱑᱙᱙᱙

ᱛᱟᱭᱚᱢ ᱥᱮᱨᱢᱟ ᱠᱷᱚᱱ ᱱᱟᱯᱟᱭ ᱚᱠᱚᱡ ᱠᱷᱮᱞ ᱠᱟᱛᱮ ᱚᱯᱚᱨᱱᱟ ᱫᱚ ᱥᱣᱮᱫᱮᱥ ᱳᱯᱮᱱ ᱨᱮ ᱥᱮᱢᱤ ᱯᱷᱟᱭᱱᱟᱞ ᱟᱨ ᱯᱷᱨᱮᱸᱪ ᱳᱯᱮᱱ ᱨᱮ ᱨᱚᱱᱚᱨᱥ ᱚᱯ ᱠᱷᱮᱞ ᱞᱮᱫ ᱟᱭ ᱾

ᱥᱤᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ (ᱮᱠᱞᱟ) ᱠᱷᱚᱱ ᱵᱟᱫᱽ ᱮᱱ ᱛᱟᱭᱟᱢ ᱱᱩᱭ ᱫᱚ ᱥᱤᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ (ᱡᱚᱲ ᱛᱮ) ᱨᱮ ᱨᱚᱱᱚᱨᱥ ᱚᱯ ᱨᱮ ᱟᱠᱚᱴ ᱮᱱᱟᱭ ᱮᱥᱤᱭᱟᱱ ᱥᱟᱴᱮᱞᱟᱭᱤᱴ ᱴᱩᱨᱱᱟᱢᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟ.ᱨ ᱞᱮᱱ ᱛᱟᱦᱮᱸᱫ ᱾

᱒000

᱒᱐᱐ ᱨᱮ ᱥᱤᱰᱱᱤ ᱚᱞᱚᱢᱯᱤᱠ ᱨᱮ ᱤᱱᱰᱤᱭᱟ ᱯᱟᱦᱴᱟ ᱠᱷᱚᱱ ᱚᱯᱚᱨᱱᱟ ᱫᱚ ᱵᱮᱰᱢᱤᱱᱴᱚᱱ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾

ᱩᱵᱮᱨ ᱠᱚᱯ ᱨᱮ ᱦᱚᱸ ᱟᱡ ᱜᱮ ᱠᱷᱮᱞ ᱞᱮᱫ ᱟᱭ ᱾

ᱥᱤᱱᱤᱭᱚᱨ ᱱᱮᱥᱱᱟᱞ ᱴᱟᱭᱴᱚᱞ ᱠᱷᱚᱱ ᱦᱚᱸ ᱠᱚ ᱵᱟᱫᱽ ᱠᱮᱫᱮᱭᱟ ᱾

᱒00᱑

ᱱᱚᱣᱟ ᱥᱮᱨᱢᱟ ᱨᱮ ᱦᱚᱸ ᱮᱥᱤᱭᱟᱱ ᱥᱟᱴᱮᱞᱟᱭᱤᱴ ᱴᱩᱨᱱᱟᱢᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾

᱒00᱒

ᱢᱟᱱᱪᱮᱥᱴᱚᱨ ᱨᱮ ᱦᱩᱭ ᱟᱠᱟᱱ ᱠᱚᱢᱚᱱ ᱣᱮᱞᱛᱷ ᱜᱮᱢᱥ ᱨᱮ ᱱᱩᱭ ᱮᱠᱞᱟ ᱜᱮ ᱠᱟᱸᱥᱟ ᱢᱮᱰᱟᱞ ᱡᱤᱛᱠᱟ.ᱨ ᱟᱠᱟᱱᱟᱭ ᱾

ᱤᱱᱰᱤᱭᱟ ᱯᱟᱦᱴᱟ ᱠᱷᱚᱱ ᱩᱵᱮᱨ ᱠᱚᱯ ᱠᱷᱮᱠ ᱞᱮᱫ ᱟᱭ ᱾

᱒00᱓

ᱮᱥᱤᱭᱟᱱ ᱥᱟᱴᱮᱞᱟᱭᱤᱴ ᱴᱩᱨᱱᱟᱢᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾

᱒00᱔

ᱟᱛᱷᱮᱱᱥ,ᱜᱨᱤᱥ ᱨᱮ ᱦᱩᱭ ᱟᱠᱟᱱ ᱚᱞᱤᱢᱯᱤᱠ ᱜᱮᱢᱥ ᱨᱮ ᱵᱷᱟᱜᱽ ᱦᱟᱛᱟᱣ ᱞᱮᱫ ᱟᱭ ᱾ ᱱᱩᱭ ᱫᱚ ᱯᱮ-ᱯᱮ ᱫᱷᱟᱣ ᱨᱩᱯᱟ. ᱢᱮᱰᱟᱞ ᱡᱤᱛᱠᱟ.ᱨ ᱟᱠᱟᱱ ᱢᱤᱭᱟ ᱚᱩᱰᱤᱱᱟ ᱥᱟᱶ ᱠᱣᱟᱴᱚᱨ ᱯᱷᱟᱭᱱᱟᱞ ᱨᱮᱭ ᱦᱟᱨᱟᱣ ᱞᱮᱫᱮᱭᱟ ᱾

ᱱᱚᱣᱟ ᱥᱮᱨᱢᱟ ᱫᱚ ᱱᱩᱭ ᱩᱵᱮᱨ ᱠᱟᱯ ᱮ ᱠᱷᱮᱞ ᱞᱮᱫ-ᱟ ᱾

᱒00᱖

ᱱᱚᱣᱟ ᱥᱮᱨᱢᱟ ᱫᱚ ᱜᱚᱱᱴᱷᱮ ᱡᱚᱠᱷᱚᱢ ᱡᱟ.ᱥᱛᱤ ᱮᱱ ᱛᱟᱭᱟ ᱾ ᱚᱱᱠᱟ ᱛᱮᱜᱮ ᱥᱤᱱᱤᱭᱚᱨ ᱱᱮᱥᱱᱟᱞ ᱠᱷᱮᱞ ᱠᱟᱛᱮ ᱙ ᱫᱷᱟᱣ ᱞᱟᱹᱜᱤᱱ ᱟᱡᱟᱜ ᱴᱟᱭᱴᱚᱞ ᱮ ᱟᱢᱮᱴ ᱞᱮᱫ-ᱟ ᱾ ᱚᱱᱟ ᱠᱷᱟ.ᱛᱤᱨ ᱡᱚᱭᱯᱩᱨ ᱨᱮ ᱦᱩᱭ ᱟᱠᱟᱱ ᱩᱵᱮᱨ ᱠᱚᱯ ᱨᱮ ᱵᱷᱟᱜᱽ ᱦᱟᱛᱟᱣ ᱠᱮᱫ ᱟᱭ ᱾

ᱢᱮᱞᱵᱚᱨᱱ, ᱚᱥᱴᱨᱮᱞᱤᱭᱟ ᱨᱮ ᱯᱮ ᱫᱷᱟᱣ ᱞᱟ.ᱜᱤᱱ ᱠᱚᱢᱚᱱ ᱣᱮᱞᱛᱷ ᱜᱮᱢᱥ ᱠᱷᱮᱞ ᱠᱮᱫ ᱟᱭ ᱾ ᱱᱚᱣᱟ ᱜᱮ ᱛᱟᱭ ᱟᱡᱟᱜ ᱢᱩᱪᱟ.ᱫ ᱤᱱᱴᱚᱨᱱᱮᱥᱱᱟᱞ ᱠᱷᱮᱞ ᱾ ᱛᱤᱨᱞᱟ. ᱠᱚᱣᱟᱜ ᱮᱠᱞᱟ ᱠᱷᱮᱞ ᱨᱮ ᱠᱣᱟᱴᱚᱨ ᱯᱷᱟᱭᱱᱟᱞ ᱥᱮᱴᱮᱨ ᱮᱱᱟᱭ ᱟᱨ ᱠᱟᱸᱥᱟ ᱢᱮᱰᱟᱞ ᱡᱤᱛᱠᱟ.ᱨ ᱟᱠᱟᱱᱟᱭ ᱾

ᱚᱱᱟ ᱛᱟᱭᱚᱢ ᱱᱚᱣᱟ ᱴᱷᱚᱬᱮᱧ ᱦᱟ.ᱥᱩ ᱵᱟᱝ ᱪᱟᱵᱟ ᱞᱮᱱ ᱛᱟᱭᱟ ᱛᱚᱵᱮ ᱚᱱᱟ ᱛᱮᱜᱮ ᱠᱷᱮᱞ ᱠᱷᱚᱱᱟᱜ ᱫᱚ ᱡᱤᱨᱟᱹᱣ ᱦᱟᱛᱟᱣ ᱦᱩᱭ ᱟᱫᱮᱭᱟ ᱾

ᱥᱟ.ᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Previous stars – Aparna Popat". Tata Padukone Academy. Archived from the original on 21 ᱢᱮ 2007. Retrieved 14 ᱚᱜᱚᱥᱴ 2013.  Unknown parameter |url-status= ignored (help)
  2. "Mumbai Masters – Aparna Popat". Badminton India. Archived from the original on 14 ᱚᱜᱚᱥᱴ 2013. Retrieved 14 ᱚᱜᱚᱥᱴ 2013.  Unknown parameter |url-status= ignored (help)
  3. "Aparna Popat's Profile". Studyrays. Archived from the original on 31 ᱡᱩᱞᱟᱭ 2012. Retrieved 14 ᱚᱜᱚᱥᱴ 2013.  Unknown parameter |url-status= ignored (help)
  4. "Aparna Popat to train with Ganguly Prasad". The Times of India. 19 ᱚᱜᱚᱥᱴ 2001. Retrieved 14 ᱚᱜᱚᱥᱴ 2013. 
  5. "No stopping Aparna". The Hindu. Retrieved 10 ᱥᱮᱯᱴᱮᱢᱵᱚᱨ 2015. 
  6. "IBL will benefit Indian players: Aparna Popat". ibnlive. 28 ᱡᱩᱞᱟᱭ 2013. Retrieved 14 ᱚᱜᱚᱥᱴ 2013. 

ᱵᱟ.ᱲᱛᱤ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]