ᱚᱱᱚᱬᱦᱤᱭᱟ. ᱛᱩᱞᱥᱤ ᱫᱟᱥ ᱴᱷᱮᱱᱠᱷᱚᱱ
ᱚᱱᱚᱬᱦᱤᱭᱟ. ᱛᱩᱞᱥᱤ ᱫᱟᱥ ᱴᱷᱮᱱ ᱠᱷᱚᱱ -: ᱧᱩᱛᱩᱢᱟᱱ ᱦᱤᱱᱫᱤ ᱚᱱᱚᱬᱦᱤᱭᱟ. ᱛᱩᱞᱥᱤ ᱫᱟᱥ ᱫᱚ ᱑᱖ ᱥᱟᱭ ᱥᱟᱞᱮ ᱢᱟᱬᱟᱝ ᱨᱮ ᱚᱞ ᱟᱠᱟᱫ ᱱᱟᱜᱟᱢ ᱤᱫᱤ ᱠᱟᱛᱮ ᱯᱚᱛᱚᱵ "Ram charit Manas" ᱾ ᱚᱱᱟ ᱯᱚᱛᱚᱵ ᱫᱚ ᱠᱚᱸᱧᱮ ᱵᱷᱟᱨᱚᱛ (North India) ᱨᱮᱫᱚ ᱟ.ᱰᱤ ᱧᱩᱛᱩᱢᱟᱱ ᱯᱚᱛᱚᱵ ᱠᱟᱱᱟ ᱾ ᱚᱱᱟᱨᱮ kol ᱦᱚᱲ ᱤᱫᱤ ᱠᱟᱛᱮ ᱚᱞ ᱢᱮᱱᱟᱜ ᱟᱠᱟᱫ-ᱟ ᱾ ᱩᱱᱠᱩ kol ᱡᱟ.ᱛ ᱦᱚᱲ ᱠᱚᱫᱚ ᱥᱟᱱᱛᱟᱲ ᱢᱩᱱᱰᱟ, ᱦᱳ, ᱵᱷᱩᱢᱤᱡᱽ, ᱠᱷᱟᱰᱮᱭᱟ, ᱠᱷᱮᱨᱣᱟᱲᱤ, ᱠᱚᱨᱣᱟ, ᱟᱨ ᱳᱨᱟ.ᱝ ᱮᱢᱟᱱ ᱡᱟᱦᱟᱸᱭ ᱠᱚ Austro-Asiatic ᱯᱟ.ᱨᱥᱤ ᱛᱮᱠᱚ ᱨᱚᱯᱚᱲᱚᱜ ᱠᱟᱱᱟ ᱾ ᱱᱩᱠᱩ ᱞᱟᱱᱟᱢ ᱡᱟ.ᱛ ᱦᱚᱲ ᱠᱚ ᱧᱮᱞᱚᱜᱚᱜ-ᱟ ᱩᱛᱚᱨ ᱯᱨᱚᱫᱮᱥ, ᱵᱤᱦᱟᱨ, ᱢᱚᱫᱷᱭᱚ ᱯᱨᱚᱫᱮᱥ, ᱢᱚᱦᱟᱨᱟᱥᱴᱨᱚ ᱟᱨ ᱛᱨᱤᱯᱩᱨᱟ ᱨᱮᱱᱟᱜ ᱜᱚᱴᱟ ᱯᱟᱲᱟ ᱡᱟᱭᱜᱟ ᱨᱮᱜᱮ ᱾ ᱩᱛᱚ ᱯᱨᱚᱫᱮᱥ ᱨᱮᱫᱚ ᱡᱟ.ᱥᱛᱤ ᱠᱟᱭᱛᱮ ᱠᱚ ᱧᱮᱞᱚᱜ-ᱟ ᱟᱞᱟᱦᱟᱵᱟᱫᱽ, ᱢᱤᱨᱡᱟᱯᱩᱨ ᱟᱨ ᱵᱟᱨᱟᱬᱚᱥᱤ ᱡᱟᱭᱜᱟ ᱠᱚᱨᱮ ᱾ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱫᱚ ᱱᱩᱠᱩ kol ᱡᱟ.ᱛ ᱦᱚᱲ ᱛᱤᱱᱟ.ᱜ ᱜᱟᱱ ᱫᱚᱠᱚ ᱢᱮᱛᱟ ᱠᱚᱣᱟ gonthiya ᱟᱨ ᱵᱟᱝᱠᱷᱟᱱ gondhya ᱧᱩᱛᱩᱢ ᱛᱮ ᱾ ᱩᱱᱠᱩ ᱫᱚ ᱠᱚᱢ ᱜᱮ ᱨᱮᱦᱚᱸ ᱠᱚ ᱯᱚᱱᱚᱛ ᱨᱮᱱᱟᱜ ᱒᱓ ᱡᱤᱞᱞᱟ. ᱡᱟᱠᱟᱛ ᱨᱮᱠᱚ ᱧᱮᱞᱚᱜ-ᱟ ᱾ ᱱᱩᱠᱩᱣᱟᱜ ᱞᱮᱠᱷᱟ ᱨᱮᱫᱚ ᱑,᱕᱐,᱐᱐᱐ ᱜᱟᱱ ᱠᱚ ᱦᱩᱭᱩᱜ-ᱟ ᱾ kol ᱡᱟ.ᱛ ᱨᱤᱱ ᱟ.ᱰᱤᱜᱟᱱ ᱦᱚᱲ ᱜᱮ ᱟᱠᱚᱣᱟᱜ ᱡᱟᱱᱟᱢ ᱯᱟ.ᱨᱥᱤ ᱫᱚᱠᱚ ᱵᱟ.ᱜᱤᱭᱟᱫ ᱛᱟᱠᱚ ᱛᱮ ᱦᱤᱱᱫᱤ ᱛᱮᱠᱚ ᱨᱚᱯᱚᱲ ᱠᱟᱱᱟ ᱟᱨ ᱫᱮᱵᱽᱱᱟᱜᱽᱨᱤ ᱪᱤᱠᱤ ᱚᱞᱚᱜ ᱨᱮᱫᱚ ᱠᱚ ᱵᱮᱵᱷᱟᱨᱮᱫ ᱠᱟᱱᱟ ᱾ ᱵᱤᱦᱟᱨ ᱨᱮᱫᱚ angika ᱨᱚᱲ ᱠᱚ ᱵᱮᱵᱷᱟᱨᱮᱫ ᱵᱮᱲᱟᱨᱮ ᱢᱚᱦᱟᱨᱟᱥᱴᱨᱚ ᱨᱮᱫᱚ ᱢᱚᱨᱟᱴᱷᱤ ᱟᱨ ᱛᱨᱤᱯᱩᱨᱟ ᱨᱮᱫᱚ ᱵᱮᱝᱜᱚᱞᱤ ᱯᱟ.ᱨᱥᱤ ᱠᱚ ᱵᱮᱵᱷᱟᱨᱮᱫ-ᱟ ᱾ ᱱᱚᱸᱰᱮ ᱠᱷᱚᱱ ᱵᱟᱰᱟᱭᱚᱜ-ᱟ, ᱥᱟᱱᱛᱟᱲ ᱦᱚᱲ ᱠᱚᱨᱤᱱ ᱦᱟᱯᱲᱟᱢ ᱠᱚᱫᱚ north india ᱨᱮᱱᱟᱜ ᱜᱚᱴᱟ ᱡᱟᱭᱜᱟ ᱨᱮᱜᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱮᱛᱟᱨ ᱱᱮᱛᱟᱨ ᱛᱮᱠᱚ ᱟᱫ ᱟ.ᱫᱷᱤᱭᱮᱱᱟ ᱾ ᱠᱚᱧᱮ ᱵᱷᱟᱨᱚᱛ ᱨᱮ ᱧᱮᱞᱚᱜ ᱨᱮᱱᱟᱜ ᱠᱟᱨᱚᱱ ᱫᱚ ᱚᱱᱟ ᱥᱩᱨ ᱨᱮᱜᱮ ᱥᱤᱱᱫᱷᱩ ᱥᱚᱥᱱᱚᱜ ᱛᱟᱦᱮᱸ ᱠᱟᱱᱟ ᱾ ᱡᱚᱠᱷᱚᱱ ᱜᱮ ᱥᱤᱱᱫᱷᱩ ᱥᱚᱥᱱᱚᱜ ᱨᱟ.ᱯᱩᱫ ᱮᱱᱟ, ᱚᱸᱰᱮᱱ ᱠᱚ ᱩᱱᱠᱩ kol (ᱥᱟᱱᱛᱟᱲ) ᱦᱚᱲ ᱠᱚᱜᱮ ᱟᱠᱚᱣᱟᱜ ᱚᱲᱟᱜ ᱠᱚᱧᱮ ᱵᱷᱟᱨᱚᱛ ᱛᱮᱠᱚ ᱩᱪᱟ.ᱲ ᱤᱫᱤ ᱠᱮᱫ-ᱟ ᱟᱨ ᱚᱱᱟ ᱠᱚᱨᱮ ᱠᱚ ᱛᱟᱦᱮᱸᱭᱮᱱᱟ ᱾ [ ref:book-Nagam dahar re cha.i garh ,champa garh ar senahor by Gopal soern-(page36)]