ᱜᱚᱭᱮᱛᱷᱤ, ᱡᱚᱦᱟᱱ ᱣᱟᱞᱯᱷᱜᱟᱝ ᱵᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱜᱚᱭᱮᱛᱷᱤ, ᱡᱚᱦᱟᱱ ᱣᱟᱞᱯᱷᱜᱟᱝ ᱵᱚᱱ

ᱡᱚᱦᱟᱱ ᱣᱟᱞᱯᱷᱜᱟᱝ ᱵᱚᱱ ᱜᱚᱭᱮᱛᱷᱤ(Johann Wolfgang von Goethe) (᱒᱘ ᱚᱜᱚᱥᱴ ᱑᱗᱔᱙ - ᱒᱒ ᱢᱟᱨᱪ ᱑᱘᱓᱒) ᱫᱚ ᱢᱤᱫ ᱡᱚᱨᱢᱟᱱᱤ ᱨᱤᱱᱤᱡ ᱚᱱᱚᱞᱤᱭᱟ., ᱥᱟᱱᱟᱥᱤᱭᱟ., ᱵᱤᱪᱟ.ᱨᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱚᱱᱚᱬᱦᱮ, ᱜᱟᱭᱟᱱ, ᱫᱷᱚᱨᱚᱢ, ᱢᱟᱱᱣᱟᱨᱤ, ᱟᱨ ᱥᱟᱬᱮᱥ ᱞᱮᱠᱟᱱᱟᱜ ᱞᱮᱠᱟᱱ ᱞᱮᱠᱟᱱ ᱴᱷᱟᱶ ᱨᱮᱭ ᱠᱟ.ᱢᱤ ᱟᱠᱟᱜᱼᱟ ᱾ ᱩᱱᱤᱭᱟᱜ ᱚᱱᱚᱞ ᱜᱟᱭᱟᱱ ᱯᱷᱟᱣᱥᱴ (Faust) ᱫᱚ ᱡᱮᱜᱮᱛ ᱥᱟᱶᱦᱮᱫ ᱨᱮ ᱞᱟᱯᱷᱟᱝ ᱴᱷᱟᱶ ᱮ ᱦᱟᱛᱟᱣᱟ ᱾ ᱜᱚᱭᱮᱛᱷᱤ ᱭᱟᱜ ᱫᱩᱥᱨᱟ. ᱚᱱᱚᱞ ᱫᱚ "Sorrow of young Werthers " ᱥᱮᱝᱮᱫ ᱢᱮᱱᱟᱜᱼᱟ ᱾ ᱜᱚᱭᱮᱛᱷᱤ ᱫᱚ ᱡᱚᱨᱢᱟᱱᱤ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱟᱶᱦᱮᱫᱤᱭᱟ. ᱪᱩᱨᱤᱛᱟᱱ ᱢᱮᱱᱛᱮᱭ ᱢᱟᱱᱟᱣ ᱵᱟᱛᱟᱣᱜᱼᱟ ᱾ ᱡᱟᱦᱟᱸᱭ ᱜᱮᱨᱟ.ᱞ ᱟᱨ ᱜᱮᱟᱨ ᱟᱱᱟᱜ ᱥᱚᱫᱤ ᱨᱮ Weimar classicism ᱧᱩᱛᱩᱢ ᱛᱮ ᱢᱤᱫ ᱧᱩᱛᱩᱢᱟᱱ ᱦᱩᱞᱥᱟ.ᱭ ᱮ ᱮᱛᱚᱦᱚᱵ ᱠᱮᱜᱼᱟ ᱾

ᱩᱱᱤ ᱫᱚ ᱠᱟᱲᱤᱫᱟᱥ ᱟᱜ ᱜᱟᱭᱟᱱ ᱯᱚᱛᱚᱵ ᱥᱚᱠᱩᱱᱛᱚᱞᱚᱢ ᱡᱚᱨᱢᱟᱱᱤ ᱯᱟ.ᱨᱥᱤ ᱛᱮᱭ ᱛᱚᱨᱡᱚᱢᱟ ᱠᱮᱜᱼᱟ ᱾ ᱜᱚᱭᱮᱛᱷᱤ ᱫᱚ ᱥᱚᱠᱩᱱᱛᱚᱞᱚᱢ ᱤᱫᱤ ᱠᱟᱛᱮᱭ ᱢᱮᱱ ᱞᱮᱜᱼᱟ : "ᱡᱩᱫᱤ ᱟᱢ ᱡᱩᱣᱟ.ᱱ ᱚᱠᱛᱚ ᱨᱮᱭᱟᱜ ᱵᱟᱦᱟ ᱦᱟᱲᱟᱢ ᱚᱠᱛᱚ ᱨᱮᱭᱟᱜ ᱡᱚ ᱟᱨ ᱮᱴᱟᱜ ᱱᱚᱝᱠᱟᱱᱟᱜ ᱡᱟᱭ ᱢᱤᱫᱴᱟ.ᱝ ᱴᱷᱟᱶ ᱨᱮᱜᱮ ᱯᱟᱸᱛᱮ ᱞᱟ.ᱜᱤᱫ ᱮᱢ ᱠᱷᱚᱡᱟ ᱡᱟᱦᱟᱸᱛᱮ ᱟᱛᱢᱟ ᱨᱮ ᱚᱨᱥᱚᱝ ᱚᱜ ᱠᱟᱱ, ᱛᱮᱛᱟᱝ ᱢᱮᱴᱟᱣᱜ ᱠᱟᱱ, ᱟᱨ ᱥᱟ.ᱱᱛᱤᱭ ᱧᱟᱢᱮᱫ, ᱢᱮᱱᱮᱛ ᱡᱩᱫᱤ ᱟᱢ ᱥᱚᱨᱚᱜᱽ ᱟᱨ ᱫᱷᱟ.ᱨᱛᱤ ᱢᱤᱫᱴᱟ.ᱝ ᱴᱷᱟᱶ ᱨᱮ ᱧᱮᱞ ᱥᱟᱱᱟ ᱮᱫ ᱢᱮᱭᱟ, ᱩᱱ ᱡᱚᱦᱚᱜ ᱤᱧᱟᱜ ᱢᱚᱪᱟ ᱠᱷᱚᱱ ᱢᱤᱫᱴᱟ.ᱝ ᱧᱩᱛᱩᱢ ᱜᱮ ᱚᱰᱚᱠᱚᱜᱼᱟ, "ᱥᱚᱠᱩᱱᱛᱚᱞᱚᱢ" ᱢᱟᱦᱟᱱ ᱚᱱᱚᱬᱦᱤᱭᱟ. ᱠᱟᱲᱤᱫᱟᱥ ᱟᱜ ᱢᱤᱫ ᱡᱤᱭᱟ.ᱛ ᱚᱱᱚᱞ ᱾"

ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱭᱮᱛᱷᱤ ᱭᱟᱜ ᱘᱒ ᱥᱮᱨᱢᱟ ᱡᱤᱞᱤᱧ ᱡᱤᱭᱚᱱᱠᱟᱞ ᱭᱩᱨᱳᱯᱤᱭᱟ. ᱱᱟᱜᱟᱢ ᱨᱮᱭᱟᱜ ᱱᱚᱝᱠᱟᱱ ᱡᱩᱜᱽ ᱥᱟᱶ ᱥᱟ.ᱜᱟ.ᱭ ᱢᱮᱱᱟᱜᱼᱟ ᱡᱟᱦᱟᱸ ᱢᱟᱨᱟᱝ ᱢᱟᱨᱟᱝ ᱦᱩᱞᱥᱟ.ᱭ ᱟᱨ ᱵᱚᱛᱚᱨᱟᱱ ᱫᱩᱞᱠᱟ. ᱫᱩᱞᱠᱤ ᱚᱠᱛᱚ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱩᱱᱤᱭᱟᱜ ᱡᱩᱣᱟ.ᱱ ᱚᱠᱛᱚ ᱨᱮᱭᱟᱜ ᱮᱛᱚᱦᱚᱵ ᱨᱮ ᱡᱚᱨᱢᱟᱱ ᱥᱟᱶᱦᱮᱫ ᱨᱮ ᱦᱩᱞ ᱯᱷᱩᱴᱟ.ᱜ ᱮᱱᱟ ᱾ ᱡᱟᱦᱟᱸ ᱨᱮᱭᱟᱜ ᱚᱨᱡᱚ ᱞᱮᱠᱟᱛᱮ ᱢᱟᱨᱮ ᱨᱤᱛ ᱵᱤᱦᱤᱛ ᱟᱨᱵᱟᱝ ᱥᱟᱶᱦᱮᱫᱤᱭᱟ. ᱥᱤᱫᱷᱟᱱᱛᱚ ᱨᱮᱭᱟᱜ ᱟ.ᱰᱤ ᱠᱟᱡᱟᱠ ᱛᱮ ᱵᱤᱨᱩᱫᱷ ᱦᱩᱭ ᱮᱱᱟ ᱾ ᱥᱟᱶᱛᱮ ᱚᱱᱚᱬᱦᱤᱭᱟ. ᱥᱟᱶᱛᱮ ᱵᱟᱰᱚᱦᱤᱭᱟ. ᱠᱚᱣᱟᱜ ᱯᱷᱩᱨᱜᱟᱞ ᱟᱨ ᱡᱮᱜᱮᱛᱟ.ᱨᱤ ᱥᱟᱶᱦᱮᱫ ᱨᱮᱭᱟᱜ ᱢᱟᱨᱮ ᱜᱚᱣᱨᱚᱵᱽ ᱨᱮᱭᱟᱜ ᱟᱨ ᱦᱚᱸ ᱵᱟᱧᱪᱟᱣ ᱨᱮᱭᱟᱜ ᱡᱩᱨᱥᱩᱨ ᱠᱚ ᱥᱚᱢᱚᱨᱛᱷᱚᱱ ᱠᱮᱜᱼᱟ ᱾ ᱱᱚᱶᱟ "ᱛᱩᱯᱷᱟ.ᱱᱤᱭᱟ. ᱡᱩᱜᱽ" ᱨᱮ ᱦᱩᱞᱥᱟ.ᱭ ᱨᱮᱭᱟᱜ ᱩᱭᱦᱟ.ᱨ ᱢᱤᱫ ᱛᱚᱲ ᱛᱩᱯᱷᱟ. ᱱ ᱥᱚᱢᱟᱱ ᱩᱰᱩᱠ ᱮᱱᱟ ᱾


ᱡᱤᱭᱚᱱ ᱨᱮᱭᱟᱜ ᱛᱟᱨᱟᱥᱤᱧ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤᱭᱟᱜ ᱡᱤᱭᱚᱱ ᱨᱮᱭᱟᱜ ᱛᱟᱨᱟᱥᱤᱧ ᱚᱠᱛᱚ ᱨᱮ ᱯᱷᱨᱟᱱᱥ ᱨᱮᱭᱟᱜ ᱨᱟᱡᱽᱼᱟ.ᱨᱤ ᱦᱩᱞᱥᱟ.ᱭ ᱨᱮᱭᱟᱜ ᱦᱚᱭ ᱵᱟ.ᱨᱰᱩ ᱦᱮᱡ ᱮᱱᱟ ᱡᱟᱦᱟᱸᱛᱮ ᱢᱟᱨᱮ ᱵᱮᱵᱚᱥᱛᱟ ᱫᱚ ᱦᱤᱞᱟ.ᱣ ᱩᱛᱟ.ᱨ ᱮᱱᱟ ᱟᱨ ᱞᱟᱠᱷᱼᱞᱟᱠᱷ ᱦᱚᱲᱟᱜ ᱨᱤᱫᱟ.ᱭ ᱨᱮ ᱥᱚᱱᱟ ᱡᱩᱜᱽ ᱨᱮᱭᱟᱜ ᱪᱚᱨᱚᱠ ᱪᱤᱠᱟ.ᱬ ᱠᱩᱠᱢᱩ ᱨᱮᱭᱟᱜ ᱥᱤᱨᱡᱚᱱ ᱦᱩᱭ ᱮᱱᱟ ᱾ ᱡᱩᱫᱤ ᱦᱚᱸ ᱱᱚᱶᱟ ᱠᱩᱠᱢᱩ ᱫᱚ ᱫᱟᱜ ᱯᱷᱚᱴᱠᱟ ᱞᱮᱠᱟ ᱢᱤᱫ ᱰᱚᱸᱰᱮᱠ ᱞᱟ.ᱜᱤᱫ ᱜᱮ ᱛᱟᱦᱮᱸ ᱠᱟᱱᱟ, ᱪᱮᱫᱟᱜ ᱥᱮ ᱱᱚᱣᱟ ᱨᱮᱭᱟᱜ ᱠᱩᱠᱷᱤ ᱠᱷᱚᱱ ᱱᱮᱯᱳᱞᱤᱭᱚᱱ ᱟᱜ ᱚᱯᱮᱞ ᱦᱩᱭ ᱞᱮᱱᱟ ᱾ ᱡᱟᱦᱟᱸᱭᱟᱜ ᱨᱤᱦᱤᱴ ᱡᱤᱛᱠᱟ.ᱨ ᱥᱟᱜᱟᱲ ᱭᱩᱨᱳᱯ ᱨᱮ ᱟᱸᱥ ᱨᱮᱭᱟᱜ ᱴᱷᱟᱶ ᱨᱮ ᱯᱩᱨᱟ. ᱱᱤᱨᱟᱥ ᱨᱮᱭᱟᱜ ᱥᱟᱢᱨᱟᱡᱽᱡᱭᱚᱭ ᱛᱷᱟᱯᱚᱱ ᱠᱮᱜᱼᱟ ᱾ ᱢᱩᱪᱟ.ᱫ ᱨᱮ ᱟᱡᱟᱜ ᱡᱤᱭᱚᱱ ᱨᱮᱭᱟᱜ ᱟ.ᱭᱩᱵ ᱚᱠᱛᱚᱨᱮ ᱩᱱᱤ ᱫᱚ ᱤᱱᱰᱩᱥᱴᱨᱤᱭᱟᱞ ᱦᱩᱝᱥᱟ.ᱭ ᱨᱮᱭᱟᱜ ᱟᱴᱮᱫ ᱟᱠᱟᱱ ᱟ.ᱨᱩᱯᱷᱮᱨᱟᱣ ᱨᱮᱭᱟᱜ ᱯᱩᱨᱟ.ᱭ ᱟ.ᱭᱠᱟ.ᱣ ᱠᱮᱜᱼᱟ ᱟᱨ ᱚᱱᱟ ᱱᱟᱶᱟ ᱠᱟ.ᱣᱰᱤ ᱵᱮᱵᱚᱥᱛᱟ ᱨᱮᱭᱟᱜ ᱚᱯᱮᱞ ᱦᱚᱸᱭ ᱧᱮᱞ ᱠᱮᱜᱼᱟ ᱡᱟᱦᱟᱸ ᱫᱚ ᱥᱟᱶᱛᱟ ᱨᱮᱭᱟᱜ ᱢᱟᱨᱮ ᱫᱷᱟᱪᱟ ᱨᱟ.ᱯᱩᱫ ᱠᱟᱛᱮ ᱵᱟ.ᱭᱼᱵᱟ.ᱭ ᱛᱮ ᱱᱤᱥᱴᱟ.ᱜ ᱠᱟᱱ ᱛᱟᱦᱮᱸᱫ ᱾

ᱡᱤᱭᱚᱱ ᱪᱩᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱡᱮᱛᱮ ᱟ.ᱭᱠᱟ.ᱣ ᱨᱮᱭᱟᱜ ᱪᱷᱟᱯ ᱫᱚ ᱟᱡᱟᱜ ᱠᱟ.ᱢᱤ ᱨᱮᱜᱮ ᱱᱤᱥᱴᱟ. ᱫᱚ ᱧᱮᱞᱚᱜᱼᱟ, ᱪᱮᱫᱟᱜ ᱥᱮ ᱩᱱᱤᱭᱟᱜ ᱞᱮᱜᱡᱩᱨᱤ ᱨᱤᱫᱟ.ᱭ ᱫᱚ ᱵᱟᱦᱨᱮ ᱦᱟᱞᱟᱛ ᱛᱮ ᱟ.ᱰᱤ ᱞᱚᱜᱚᱱ ᱚᱨᱥᱚᱝ ᱜᱚᱫᱚᱜᱼᱟ ᱾ᱩᱱᱤ ᱫᱚ ᱟ.ᱰᱤ ᱠᱚᱯᱟᱲᱟᱱ ᱠᱚᱲᱟ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱡᱤᱭᱚᱱ ᱨᱮ ᱟᱱᱟᱴ ᱨᱮᱭᱟᱜ ᱩᱢᱩᱞ ᱜᱮ ᱛᱤᱥ ᱦᱚᱸ ᱵᱟᱝ ᱦᱮᱡ ᱟᱠᱟᱱᱟ ᱾ ᱡᱟᱦᱟᱸᱭ ᱫᱚ ᱩᱱᱤ ᱟ.ᱰᱤ ᱞᱮᱠᱟᱱ ᱠᱟ.ᱢᱤ ᱴᱷᱟᱶᱨᱮ ᱡᱤᱛᱠᱟ.ᱨ ᱟᱨ ᱧᱩᱛᱩᱢᱟᱱ ᱮ ᱵᱮᱱᱟᱣ ᱟᱠᱟᱫᱮᱭᱟ ᱾ ᱩᱱᱤ ᱫᱚ ᱠᱷᱟ.ᱞᱤ ᱚᱱᱚᱬᱦᱤᱭᱟ. ᱥᱮ ᱵᱟᱰᱚᱦᱤᱭᱟ. ᱥᱩᱢᱩᱝ ᱫᱚ ᱵᱟᱭ ᱛᱟᱦᱮᱸ ᱠᱟᱱᱟ, ᱢᱮᱱ ᱞᱮᱠᱷᱟᱱ ᱢᱤᱫ ᱡᱤᱛᱠᱟ.ᱨ ᱥᱟᱬᱮᱥᱤᱭᱟ., ᱠᱷᱚᱸᱫᱽᱨᱚᱸᱫᱤᱭᱟ., ᱟᱨ ᱥᱟᱱᱟᱥᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱚᱫᱷᱤᱠᱟᱨ ᱫᱚ ᱭᱩᱨᱳᱯ ᱨᱮᱱᱟᱜ ᱟ.ᱰᱤ ᱞᱮᱠᱟᱱ ᱯᱟ.ᱨᱥᱤ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱜᱮᱭᱟᱱ ᱛᱮᱛᱟᱝ ᱫᱚ ᱵᱟᱝ ᱟᱠᱚᱴ ᱛᱟᱦᱮᱸ ᱠᱟᱱᱟ ᱾ ᱵᱤᱢᱮᱨ ᱯᱚᱱᱚᱛ ᱨᱮ ᱩᱱᱤ ᱫᱚ ᱟᱡᱟᱜ ᱡᱤᱭᱚᱱ ᱨᱟᱡᱽ ᱥᱟᱥᱚᱱ ᱟᱨ ᱜᱟᱭᱟᱱ ᱢᱮᱞᱟᱝᱠᱤ ᱠᱟ.ᱢᱤ ᱨᱮᱭ ᱠᱷᱟᱸᱰᱟᱣ ᱟᱠᱟᱜᱼᱟ ᱾ ᱱᱚᱣᱟ ᱠᱟᱛᱷᱟ ᱠᱚ ᱫᱷᱮᱭᱟᱱ ᱨᱮ ᱫᱚᱦᱚ ᱞᱮᱠᱷᱟᱱ ᱱᱚᱣᱟ ᱵᱩᱡᱽ ᱞᱟ.ᱜᱤᱫ ᱵᱟ.ᱲᱛᱤ ᱦᱟᱨᱠᱮᱛ ᱫᱚ ᱵᱟᱝ ᱠᱟᱱᱟ ᱡᱮ ᱩᱱᱤ ᱫᱚ ᱡᱚᱨᱢᱟᱱ ᱥᱟᱶᱦᱮᱫ ᱨᱮᱭᱟᱜ ᱡᱚᱛᱚ ᱵᱷᱟᱜᱽ ᱜᱮ ᱠᱮᱴᱮᱡ ᱟᱨ ᱞᱟ.ᱠᱼᱢᱮᱱᱮᱛ ᱮ ᱵᱮᱱᱟᱣ ᱟᱠᱟᱜᱼᱟ ᱾


ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Young_Goethe_in_Love

https://en.m.wikipedia.org/wiki/Dora_Stock

https://en.m.wikipedia.org/wiki/Johann-Wolfgang-von-Goethe-Gymnasium

https://en.m.wikipedia.org/wiki/W._H._Murray

https://en.m.wikipedia.org/wiki/Nature_(Tobler_essay)

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Oxford_Dictionary

http://www.merriam-webster.com/dictionary/Goethe

https://en.m.wikipedia.org/wiki/Random_House_Webster%27s_Unabridged_Dictionary

http://whc.unesco.org/en/list/846

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Encyclop%C3%A6dia_Britannica

https://en.m.wikipedia.org/wiki/Project_Gutenberg

https://fadedpage.com/csearch.php?author=Goethe%2C%20Johann%20Wolfgang%20von

https://archive.org/search.php?query=%28%28subject%3A%22Goethe%22%20OR%20creator%3A%22Goethe%22%20OR%20description%3A%22Goethe%22%20OR%20title%3A%22Goethe%22%29%20OR%20%28%221749-1832%22%20AND%20Goethe%29%29%20AND%20%28-mediatype:software%29