ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ
ᱟᱥᱟᱢ ᱨᱮᱱ ᱯᱟᱹᱦᱤᱞ ᱢᱩᱠᱷᱭᱟᱹ ᱢᱚᱱᱛᱨᱤ
ᱟᱹᱢᱟᱹᱞᱤ ᱨᱮ
᱑᱑ ᱯᱷᱮᱵᱨᱩᱣᱟᱨᱤ ᱑᱙᱔᱖ – ᱖ ᱟᱜᱚᱥᱴᱚ ᱑᱙᱕᱐
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ[ᱵᱤᱥᱱᱩ ᱨᱟᱢ ᱢᱮᱫᱷᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ᱑᱐ ᱡᱩᱱ ᱑᱘᱙᱐(1890-06-10) [᱑]
ᱨᱚᱦᱟ, ᱟᱥᱟᱢ, ᱵᱽᱨᱤᱴᱤᱥ ᱤᱱᱰᱤᱭᱟ
ᱜᱩᱨ᱕ ᱚᱜᱚᱥᱴ ᱑᱙᱕᱐ (᱖᱐ ᱵᱚᱭᱚᱥ)
ᱜᱩᱣᱟᱦᱟᱴᱤ, ᱟᱥᱟᱢ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞᱥᱤᱧᱚᱛ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ
ᱡᱤᱭᱚᱱ ᱥᱚᱦᱮᱫᱥᱩᱨᱟᱵᱟᱞᱟ ᱵᱚᱨᱫᱚᱞᱚᱭ
ᱥᱮᱪᱮᱫ ᱟᱠᱷᱲᱟᱠᱚᱴᱴᱚᱱ ᱡᱮᱜᱮᱫ ᱵᱤᱨᱫᱟᱹ ᱜᱟᱲ
ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ
ᱠᱟᱹᱢᱤᱨᱟᱡᱟᱨᱤ, ᱚᱱᱚᱞᱤᱭᱟᱹ
ᱫᱷᱚᱨᱚᱢᱦᱤᱱᱫᱩ
ᱥᱤᱨᱯᱷᱟᱹᱵᱷᱟᱨᱚᱛ ᱨᱚᱛᱱᱚ (᱑᱙᱙᱙)

ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ (ᱤᱝᱨᱟ.ᱡᱤ: Gopinath Bordoloi, অসমীয়া : গোপীনাথ বৰদলৈ ) (6 ᱡᱩᱱ 1890 -5 ᱟᱜᱟᱥᱴ 1950) ᱫᱚ ᱯᱷᱩᱨᱜᱟ.ᱞ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱨᱮᱱ ᱯᱟ.ᱦᱤᱞ ᱢᱩᱠᱷᱤᱭᱟ. ᱢᱟᱱᱛᱟᱨᱤ ᱟᱨ ᱵᱷᱟᱨᱚᱛ ᱯᱷᱩᱨᱜᱟ.ᱞ ᱞᱟᱲᱟᱣᱱᱟ ᱨᱮᱱ ᱡᱤᱭᱟ.ᱲ ᱠᱟ.ᱢᱭᱟ.ᱭ ᱛᱟᱦᱮ ᱠᱟᱱᱟ । ᱨᱟᱡᱽ-ᱟ.ᱨᱤ ᱯᱟᱦᱴᱟ ᱨᱮ ᱩᱱᱤ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤᱭᱟᱜ ᱚᱦᱤᱸᱥᱟ. ᱟᱨᱤ ᱢᱟᱱᱟᱣ ᱵᱟᱛᱟᱣᱮᱫ ᱛᱟᱦᱮᱱᱟ । ᱟᱥᱟᱢ ᱟᱨ ᱟᱥᱟᱢᱤᱭᱟᱹ ᱞᱟ.ᱜᱤᱫ ᱟᱡᱟᱜ ᱮᱱᱮᱢ ᱟ.ᱰᱤ ᱵᱟ.ᱲᱛᱤ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱩᱱ ᱚᱠᱛᱚ ᱨᱮᱱ ᱟᱥᱟᱢ ᱯᱚᱱᱚᱛ ᱜᱚᱝᱠᱮ ᱢᱟ.ᱱ ᱡᱚᱭᱨᱟᱢ ᱫᱟᱥ ᱫᱚ " ᱞᱚᱠ ᱯᱨᱤᱭᱚ" ᱩᱯᱟᱫᱷᱤ ᱮᱢ-ᱪᱟᱞ ᱠᱟᱛᱮ-ᱮ ᱢᱟᱱᱚᱛ ᱞᱮᱫᱮᱭᱟ ।

ᱡᱚᱱᱚᱢ ᱟᱨ ᱦᱩᱰᱤᱧ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

1890 ᱥᱟᱞ ᱨᱮᱭᱟᱜ 6 ᱡᱩᱱ ᱢᱟ.ᱦᱤᱛ ᱦᱤᱞᱚᱜ ᱱᱚᱜᱟᱶ ᱡᱤᱞᱟ. ᱨᱮᱭᱟᱜ ᱨᱚᱦᱟ ᱨᱮ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭᱮ ᱡᱟᱱᱟᱢ ᱞᱮᱱᱟ ᱾। ᱟᱡ ᱵᱟᱵᱟ ᱣᱟᱜ ᱧᱩᱛᱩᱢ ᱫᱚ ᱵᱩᱫᱷᱮᱥᱚᱨ ᱵᱚᱨᱫᱚᱞᱚᱭ ᱟᱨ ᱮᱝᱜᱟᱛ ᱟᱜ ᱧᱩᱛᱩᱢ ᱫᱚ ᱯᱨᱟᱱᱮᱥᱚᱨᱤ ᱵᱚᱨᱵᱚᱫᱚᱛᱭ ᱛᱟᱦᱮ ᱠᱟᱱ ᱛᱟᱠᱤᱱᱟ । ᱟᱡ ᱵᱩᱫᱷᱮᱥᱚᱨ ᱵᱚᱨᱫᱚᱞᱚᱭ ᱨᱚᱦᱟ ᱨᱮ ᱪᱟ.ᱠᱨᱤ ᱠᱟᱱ ᱛᱟᱦᱮᱱᱟ । ᱜᱚᱯᱤᱱᱟᱛᱷ ᱟᱜ ᱮᱭᱟᱭ ᱥᱮᱨᱢᱟ ᱩᱢᱮᱨ ᱦᱟ.ᱵᱤᱡ ᱫᱚ ᱚᱱᱰᱮ ᱜᱮᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱱᱟ ᱟᱨ ᱨᱚᱦᱟ ᱨᱮ ᱜᱮ ᱮᱛᱚᱦᱚᱵ ᱟᱥᱲᱟ ᱫᱚ ᱮᱦᱚᱵ ᱞᱮᱱ ᱛᱟᱭᱟ । ᱤᱱᱟ. ᱛᱟᱭᱚᱢ ᱟᱡ ᱵᱟᱵᱟ ᱢᱚᱝᱜᱚᱞᱫᱚᱭ ᱛᱮᱠᱚ ᱵᱚᱫᱽᱞᱤ ᱠᱮᱝᱮᱭᱟ । ᱢᱚᱝᱜᱚᱭᱫᱚᱭ ᱞᱟ.ᱣᱠᱟ. ᱛᱮ ᱥᱮᱱᱚᱜ ᱦᱚᱨ ᱨᱮ ᱟᱨ ᱦᱚᱨ ᱨᱮ ᱜᱮ ᱟ.ᱰᱤ ᱜᱷᱟ.ᱲᱤ ᱚᱠᱛᱮ ᱨᱮᱜᱮ ᱢᱚᱦᱟᱵᱷᱟᱨᱚᱛ-ᱮ ᱯᱟᱲᱦᱟᱣ ᱢᱩᱪᱟ.ᱫ ᱞᱮᱫᱟ । ᱢᱚᱝᱜᱚᱞᱫᱚᱭ ᱨᱮ ᱵᱟᱨ ᱥᱮᱨᱢᱟ ᱛᱟᱦᱮ ᱠᱟᱛᱮ ᱵᱚᱨᱯᱮᱴᱟ ᱛᱮᱠᱚ ᱟᱡ ᱵᱟᱵᱟ ᱠᱚ ᱵᱚᱫᱽᱞᱤ ᱞᱮᱫᱮᱭᱟ ᱟᱨ ᱢᱤᱫ ᱥᱮᱨᱢᱟ ᱵᱦᱤᱛᱨᱤ ᱛᱮ ᱟᱜ ᱜᱚᱜᱚᱭ ᱫᱟᱱᱟᱝ ᱮᱱᱟ । ᱥᱩᱢᱩᱝ ᱜᱮᱞ ᱵᱟᱨ ᱥᱮᱨᱢᱟ ᱩᱢᱮᱨ ᱨᱮᱜᱮ ᱮᱝᱜᱟᱛ ᱫᱚᱞᱟ.ᱲ ᱠᱷᱚᱱᱮ ᱪᱷᱩᱰᱟ.ᱨ ᱮᱱᱟ ᱾ ᱮᱝᱜᱟᱛᱮᱫ-ᱮ ᱫᱟᱱᱟᱝᱮᱱ ᱛᱟᱭᱚᱢ ᱜᱩᱣᱟᱦᱟᱴᱤ ᱛᱮᱠᱚ ᱠᱳᱞ ᱠᱮᱫᱤᱭᱟ ᱟᱨ ᱠᱚᱴᱚᱱ ᱠᱚᱞᱮᱡᱤᱭᱮᱴ ᱪᱮᱛᱟᱱ ᱤᱝᱨᱟ.ᱡᱤ ᱵᱤᱨᱫᱟ.ᱜᱟᱲ ᱨᱮᱠᱚ ᱵᱷᱩᱨᱛᱤ ᱠᱮᱫᱮᱭᱟ । ᱟᱥᱲᱟ ᱚᱠᱛᱮ ᱨᱮ ᱢᱤᱫ ᱞᱮᱛᱟᱲ ᱜᱮ ᱨᱩᱣᱟ.ᱜ ᱠᱟᱱ ᱛᱟᱦᱮ ᱛᱮ ᱟᱥᱲᱟ ᱛᱮ ᱞᱮᱛᱟᱲ ᱵᱟᱭ ᱦᱟ.ᱦᱤᱨ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱱᱟ। ᱩᱱ ᱚᱠᱛᱮ ᱢᱤᱫ ᱨᱚᱠᱚᱢ ᱜᱮᱭᱮ ᱨᱩᱣᱟ.ᱜ ᱞᱟᱱ ᱛᱟᱦᱮᱱᱟ । ᱱᱚᱝᱠᱥ ᱦᱚᱲᱢᱚ ᱢᱚᱡᱽ ᱵᱟᱝ ᱛᱟᱦᱮᱱ ᱠᱟᱱ ᱛᱟᱭ ᱛᱟᱦᱮ ᱨᱮ'ᱦᱚ ᱚᱞᱚᱜ - ᱯᱟᱲᱦᱟᱣ ᱨᱮ ᱞᱟᱯᱷᱟᱝ ᱴᱷᱟᱶ ᱜᱮ ᱦᱟᱢᱮᱴ ᱮᱫ ᱛᱟᱦᱮ ᱱᱟ ᱾ 

ᱥᱮᱪᱮᱫ ᱟᱨ ᱯᱟ.ᱴᱷᱩᱣᱟ. ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱ ᱚᱠᱛᱮ ᱯᱟ.ᱴᱷᱩᱣᱟ. ᱜᱤᱫᱨᱟ. ᱠᱚ ᱞᱟ.ᱜᱤᱫ ᱠᱚ ᱞᱟ.ᱜᱤᱫ ᱰᱟᱵᱚᱞ ᱯᱨᱚᱢᱚᱥᱚᱢ ᱨᱮᱭᱟᱜ ᱵᱮᱵᱚᱥᱛᱷᱟ ᱛᱟᱦᱮ ᱠᱟᱱᱟ | ᱚᱱᱟ ᱤᱭᱟ. ᱛᱮ ᱟᱭᱢᱟ ᱞᱟᱥᱮᱨ ᱦᱟᱛᱟᱝ ᱟᱱ ᱯᱟ.ᱴᱷᱩᱣᱟ. ᱠᱚ ᱮᱭᱟᱭ ᱪᱟᱱᱚᱪ ᱠᱷᱚᱱ ᱟᱨᱮ ᱪᱟᱱᱚᱪ ᱛᱮᱠᱚ ᱨᱟᱠᱟᱵ ᱠᱮᱫ ᱠᱚᱣᱟ। ᱟᱥᱲᱟ ᱡᱤᱭᱚᱱ ᱨᱮ ᱵᱚᱨᱫᱚᱞᱚᱭ ᱫᱚ ᱰᱟᱵᱚᱞ ᱯᱨᱚᱢᱚᱥᱚᱱ ᱧᱟᱢ ᱠᱮᱫ ᱤᱭᱟ. ᱦᱩᱰᱤᱣ ᱱᱟᱝ ᱨᱮᱜᱮ ᱦᱟᱭ ᱥᱠᱩᱞ ᱪᱮᱛᱟᱱ ᱫᱷᱟᱯ ᱨᱮ ᱵᱷᱩᱨᱛᱤᱜ ᱨᱮᱭᱟᱜ ᱥᱩᱡᱩᱜᱮ ᱧᱟᱢ ᱞᱮᱫᱟ। ᱱᱚᱝᱠᱟ ᱜᱮ ᱯᱨᱚᱢᱚᱥᱚᱱ ᱧᱟᱢ ᱤᱫᱤ ᱠᱮᱫ ᱛᱮ ᱵᱚᱨᱫᱚᱞᱚᱭ ᱫᱚ ᱜᱮᱞ ᱛᱩᱨᱩᱭ ᱥᱮᱨᱢᱟ ᱟᱣᱨᱤ ᱛᱤᱭᱚᱜᱽ ᱨᱮᱜᱮ ᱮᱱᱴᱨᱮᱱᱥ ᱵᱤᱱᱤᱰᱮ ᱯᱟᱥ ᱞᱮᱫᱟ।ᱢᱮᱱᱠᱷᱟᱱ ᱡᱮᱜᱮᱫ ᱵᱤᱨᱫᱟ.ᱜᱟᱲ ᱨᱮᱭᱟᱜ ᱟ.ᱱ ᱞᱮᱠᱟ ᱛᱮ , ᱜᱮᱞ ᱛᱩᱨᱩᱭ ᱥᱮᱨᱢᱟ ᱯᱩᱨᱟ.ᱣ ᱞᱮᱠᱷᱟᱱ ᱜᱮ ᱮᱱᱴᱨᱮᱱᱥ ᱵᱤᱱᱤᱰ ᱨᱢ ᱚᱞ ᱫᱟᱲᱮᱭᱟᱜ-ᱟ । 1907 ᱥᱟᱞ ᱨᱮ ᱠᱚᱴᱚᱱ ᱠᱚᱞᱮᱡᱤᱭᱮᱴ ᱠᱷᱚᱱ ᱢᱮᱴᱨᱤᱠᱩᱞᱮᱥᱚᱱ ᱵᱤᱱᱤᱰᱮ ᱚᱞ ᱠᱮᱫᱟ ᱟᱨ ᱱᱚᱣᱟ ᱵᱤᱱᱤᱰ ᱨᱮ ᱟ.ᱰᱤ ᱢᱟ.ᱱ ᱥᱟᱞᱟᱜ-ᱮ ᱯᱟᱥ ᱮᱱᱟ । ᱱᱤᱭᱟ. ᱛᱟᱭᱱᱚᱢ ᱠᱚᱴᱚᱱ ᱵᱤᱨᱫᱟ.ᱜᱟᱲ ᱨᱮᱭᱮ ᱵᱷᱩᱨᱛᱤ ᱭᱮᱱᱟ । ᱚᱱᱰᱮ ᱠᱷᱚᱱ 1909 ᱥᱟᱞ ᱨᱮ ᱟᱭ. ᱮ. ᱵᱤᱱᱤᱰ ᱨᱮᱦᱚ ᱢᱟ.ᱱ ᱥᱟᱞᱟᱜ ᱯᱟᱥ ᱚᱰᱚᱠ ᱮᱱᱟ ᱟᱨ ᱥᱠᱚᱞᱟᱨᱥᱤᱯ ᱦᱚᱭ ᱧᱟᱢ ᱠᱮᱫᱟ ᱟᱨ ᱠᱚᱞᱠᱟᱛᱟ ᱨᱮᱱᱟᱜ ᱥᱠᱚᱴᱤᱥ ᱪᱟᱨᱪ ᱠᱚᱞᱮᱡᱽ ᱨᱮᱭᱮ ᱵᱷᱩᱨᱛᱤ ᱭᱮᱱᱟ । ᱩᱱ ᱚᱠᱛᱮ ᱵᱤᱨᱫᱟ.ᱜᱟᱲ ᱨᱮ ᱞᱮᱰᱤ ᱡᱮᱱ ᱰᱟᱱᱰᱟᱥ ᱧᱩᱛᱩᱢᱟᱱ ᱢᱤᱫ ᱴᱮᱱ ᱦᱚᱥᱴᱮᱞ ᱛᱟᱦᱮ ᱠᱟᱱᱟ ᱟᱨ ᱦᱚᱥᱴᱮᱞ ᱨᱮ ᱴᱷᱟ.ᱭ ᱧᱟᱢ ᱟᱞᱜᱟ ᱫᱚ ᱵᱟᱝ ᱛᱟᱦᱮ' ᱠᱟᱱᱟ। ᱢᱮᱱᱠᱷᱟᱱ ᱤᱱᱟ. ᱫᱷᱟᱣ ᱫᱚ ᱟᱥᱟᱢ ᱠᱷᱚᱱ ᱥᱮᱱ ᱞᱮᱱ ᱟᱭᱢᱟ ᱜᱤᱫᱨᱟ. ᱜᱮ ᱦᱚᱥᱴᱮᱞ ᱨᱮ ᱛᱟᱦᱮᱱ ᱨᱮᱭᱟᱜ ᱟ'ᱛ ᱠᱚ ᱧᱟᱢ ᱞᱮᱫᱟ। ᱩᱱᱤ ᱫᱚ ᱵᱤ. ᱮ. ᱨᱮᱱᱟᱜ ᱠᱳᱨᱥ ᱨᱮ ᱟᱥᱟᱢᱤᱭᱟ , ᱱᱟᱜᱟᱢ, ᱫᱚᱨᱥᱚᱱ ᱥᱟᱥᱛᱚᱨ, ᱟᱨ ᱤᱝᱨᱟ.ᱡᱤ ᱤᱫᱤ ᱠᱟᱛᱮ ᱯᱟᱲᱦᱟᱣ ᱞᱮᱫᱟ । ᱚᱱᱰᱮ ᱠᱷᱚᱱ 1911 ᱥᱟᱞ ᱨᱮ ᱱᱟᱜᱟᱢ ᱥᱟᱛᱷᱟᱢ ᱨᱮ ᱚᱱᱟᱨᱥ ᱟᱛᱮ ᱵᱤ. ᱮ. ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ।ᱤᱱᱟ. ᱛᱟᱭᱚᱢ ᱠᱚᱞᱠᱟᱛᱟ ᱠᱷᱚᱱ ᱜᱮ ᱱᱟᱜᱟᱢ ᱥᱟᱛᱷᱟᱢ ᱨᱮ ᱮᱢ. ᱮ. ᱟᱨ Law ᱯᱟᱲᱦᱟᱣ ᱞᱟ.ᱜᱤᱫ ᱠᱚᱞᱠᱟᱛᱟ ᱨᱮᱭᱟᱜ 17/1 ᱚᱞᱰ ᱵᱚᱭᱴᱷᱚᱠ ᱠᱷᱟᱱᱟ ᱞᱮᱱ ᱨᱮᱭᱟᱜ ᱢᱮᱥ ᱨᱮ ᱜᱟᱛᱮ ᱪᱚᱱᱫᱨᱚᱱᱟᱛᱷ ᱥᱚᱨᱢᱟ ᱛᱟᱠᱤᱱ ᱢᱤᱫ ᱥᱟᱶᱛᱮ ᱛᱟᱦᱮᱞᱮᱱᱟ । ᱩᱱᱤ ᱫᱚ ᱨᱤᱯᱚᱱ ᱵᱤᱨᱫᱟ.ᱜᱟᱲ ᱠᱷᱚᱱ ᱟᱭᱤᱱ ᱟᱨ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟ. ᱜᱟᱲ ᱠᱷᱚᱱ ᱮᱢ. ᱮ. ᱯᱟᱲᱦᱟᱣ ᱞᱮᱫᱟ ।1914 ᱥᱟᱞ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟ.ᱜᱟᱲ ᱠᱷᱚᱱ ᱢᱮ. ᱮ. ᱰᱤᱜᱽᱨᱤ ᱦᱟᱢᱮᱴ ᱠᱮᱫᱟ ᱟᱨ ᱯᱮ ᱥᱮᱨᱢᱟ ᱚᱠᱛᱮ ᱟᱭᱤᱱᱮ ᱯᱟᱲᱦᱟᱣ ᱠᱮᱫᱟ ᱡᱩᱫᱤ ᱦᱚ ᱛᱟᱞᱟ ᱨᱮᱜᱮ ᱨᱤᱯᱚᱱ ᱟᱭᱤᱱ ᱵᱤᱨᱫᱟ.ᱜᱟᱲ ᱵᱟ.ᱜᱤ ᱠᱟᱛᱮ ᱡᱮᱜᱮᱫ ᱵᱤᱨᱫᱟ.ᱜᱟᱲ ᱨᱮᱭᱮ ᱵᱷᱩᱨᱛᱤᱭᱮᱱᱟ , ᱟᱭᱤᱱ ᱯᱟᱲᱦᱟᱣᱚᱜ ᱚᱠᱛᱮ ᱯᱨᱚᱯᱷᱮᱥᱚᱨ ᱞᱮᱠᱟ ᱛᱮ ᱧᱟᱢ ᱞᱮᱫᱟ ᱢᱤᱥᱴᱟᱨ ᱵᱟᱜᱽᱪᱤ ᱟᱨ ᱥᱮᱱᱥᱮᱞᱚᱨ ᱞᱮᱠᱟ ᱛᱮ ᱥᱟᱨ ᱟᱥᱩᱛᱳᱥ ᱢᱩᱠᱷᱟᱨᱡᱤ। ᱢᱩᱪᱟ.ᱫ ᱨᱮ ᱵᱤᱱᱤᱰ ᱵᱤᱱᱟ. ᱚᱞ ᱛᱮᱜᱮ ᱜᱩᱣᱟᱦᱟᱴᱤ ᱨᱩᱣᱟ.ᱲ ᱦᱮᱡ ᱞᱮᱱᱟ ।

ᱠᱟ.ᱢᱤ-ᱠᱟ.ᱥᱱᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱠᱚᱞᱠᱟᱛᱟ ᱠᱚᱞᱮᱡᱽ ᱨᱮ ᱛᱟᱦᱮ ᱠᱟᱱ ᱚᱠᱛᱮ ᱨᱮᱜᱮ ᱟᱡ ᱵᱟᱵᱟᱭ ᱫᱟᱱᱟᱝ ᱮᱱᱟ। ᱟᱯᱟᱛ ᱫᱟᱱᱟᱝ ᱮᱱ ᱛᱟᱭᱚᱢ ᱜᱷᱟ'ᱨᱚᱧᱡᱽ ᱨᱮᱭᱟᱜ ᱫᱟᱭᱤᱠ ᱟᱡ ᱪᱮᱛᱟᱱ ᱨᱮ ᱦᱮᱡ ᱮᱱᱟ। ᱵᱚᱨᱫᱚᱞᱚᱭ ᱟᱡ ᱵᱟᱵᱟ ᱫᱚ ᱰᱟᱠᱴᱚᱨᱮ ᱛᱟᱦᱮ' ᱠᱟᱱ ᱨᱮᱦᱚ ᱤᱱᱟ. ᱠᱤ'ᱥᱟᱬ ᱫᱚ ᱵᱟᱠᱚ ᱛᱟᱦᱮ ᱠᱟᱱᱟ , ᱜᱷᱟ'ᱨᱚᱧᱡᱽ ᱥᱚᱝᱥᱟᱨ ᱫᱚ ᱡᱟ'ᱦᱟ' ᱞᱮᱠᱟ ᱛᱮ ᱪᱟᱞᱟᱜ ᱠᱟᱱ ᱛᱟᱦᱮᱱᱟ। ᱵᱚᱨᱫᱚᱞᱚᱭ ᱠᱚᱞᱠᱟᱛᱟ ᱨᱮ ᱪᱟᱠᱨᱤ ᱥᱮᱱᱫᱽᱨᱟ ᱞᱮᱫᱟ ᱢᱮᱱᱠᱷᱟᱱ ᱵᱟᱭ ᱧᱟᱢ ᱞᱮᱫᱟ। ᱢᱩᱪᱟ.ᱫ ᱨᱮ ᱜᱷᱟ'ᱨᱚᱧᱡᱽ ᱨᱮᱭᱟᱜ ᱠᱟ.ᱣᱰᱤ ᱚᱵᱚᱥᱛᱷᱟ ᱧᱮᱞ ᱠᱟᱛᱮ ᱜᱩᱣᱟᱦᱟᱴᱤ ᱨᱮ ᱛᱚᱨᱩᱱᱨᱟᱢ ᱯᱷᱩᱠᱚᱱ ᱟᱜ ᱱᱮᱦᱚᱨ ᱥᱮᱡ ᱞᱮᱠᱟ ᱛᱮ ᱥᱩᱱᱟᱨᱟᱢ ᱦᱟᱭ ᱥᱠᱩᱞ ᱨᱮ ᱢᱟᱨᱟᱝ ᱢᱟᱪᱮᱛ ᱟᱜ ᱚᱥᱛᱷᱟᱭᱤ ᱦᱩᱫᱟ. ᱨᱮᱠᱚ ᱵᱟᱦᱟᱞ ᱠᱮᱫᱮᱭᱟ । ᱩᱱ ᱚᱠᱛᱮ ᱨᱮ ᱟᱨᱦᱚ ᱟᱭᱤᱱ ᱵᱤᱱᱤᱰᱮ ᱮᱢ ᱠᱮᱫᱟ ᱟᱨ ᱯᱟᱥ ᱠᱟᱛᱮ ᱢᱟᱨᱟᱝ ᱢᱟᱪᱮᱛ ᱟᱜ ᱪᱟ.ᱠᱨᱤ ᱵᱟ.ᱜᱤ ᱭᱟᱫᱟ ᱟᱨ ᱥᱟᱛᱭᱚᱱᱟᱛᱷ ᱵᱚᱨᱟ ᱣᱟᱜ ᱜᱚᱵᱚᱞ ᱨᱮ ᱞᱮᱠᱟ ᱛᱮ ᱩᱠᱟᱞᱚᱛᱤ ᱨᱮ ᱢᱚᱱᱮ ᱞᱟᱜᱟᱣ ᱠᱮᱫᱟ। 1917 ᱥᱟᱞ ᱨᱮ ᱜᱩᱣᱟᱦᱟᱴᱤ ᱨᱮ ᱩᱠᱤᱞᱚᱜ-ᱮ ᱮᱦᱚᱵ ᱠᱮᱫᱟ। 

ᱨᱟᱡᱽ-ᱟ.ᱨᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱ ᱚᱠᱛᱮ ᱟᱥᱟᱢ ᱨᱮᱭᱟᱜ ᱮᱥᱠᱟᱨ ᱨᱟᱡᱽ-ᱟ.ᱨᱤ ᱜᱟᱶᱛᱟ ᱛᱟᱦᱮ ᱠᱥᱱᱟ " ᱟᱥᱟᱢ ᱮᱥᱚᱥᱤᱭᱮᱥᱚᱱ " । 1922 ᱥᱮᱨᱢᱟ ᱨᱮ ᱵᱷᱟᱨᱚᱛᱤᱭᱚ ᱡᱟᱛᱨᱤᱭᱟ. ᱠᱚᱝᱜᱽᱨᱮᱥ ᱰᱟ.ᱨ ᱞᱮᱠᱟ ᱛᱮ ᱟᱥᱟᱢ ᱨᱮ ᱠᱥ.ᱢᱤ ᱠᱚ ᱮᱦᱚᱵ ᱠᱮᱫᱟ ১৯২২ । ᱤᱱᱟ. ᱥᱮᱨᱢᱟ ᱨᱮ ᱜᱮ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱠᱚᱝᱜᱽᱨᱮᱥ ᱨᱮ ᱵᱮᱜᱟᱨᱤᱭᱟ. ᱞᱮᱠᱟ ᱛᱮ ᱡᱚᱲᱟᱣ ᱮᱱᱟ ᱟᱨ ᱨᱟᱡᱽ-ᱟ.ᱨᱤ ᱡᱤᱭᱚᱱ ᱮ ᱮᱦᱚᱵ ᱠᱮᱫᱟ ।ᱵᱷᱟᱨᱚᱛ ᱨᱮᱭᱟᱜ ᱯᱷᱩᱨᱜᱟ.ᱞ ᱞᱟᱲᱟᱣᱱᱟ ᱨᱮ ᱦᱤ'ᱥᱮ ᱦᱟᱛᱟᱣ ᱞᱮᱫᱟ । 1922 ᱥᱮᱨᱢᱟ ᱨᱮᱭᱟᱜ ᱵᱮ - ᱜᱚᱯᱚᱲᱚᱜ ᱞᱟᱲᱟᱣᱱᱟ ( Non - Co Operation Movement) ᱨᱮ ᱠᱚ ᱠᱷᱟ.ᱲ ᱞᱮᱫᱮᱭᱟ । ᱥᱳᱣᱨᱟ - ᱥᱳᱣᱨᱤ ᱜᱷᱚᱴᱱᱟ ᱛᱟᱭᱚᱢ ᱵᱮ- ᱜᱚᱯᱚᱲᱚᱜ ᱞᱟᱲᱟᱣᱱᱟ ᱠᱚ ᱛᱷᱩᱠᱩᱢ ᱠᱮᱫᱟ ᱟᱨ ᱵᱚᱨᱫᱚᱞᱚᱭ ᱟᱨᱦᱚ ᱩᱠᱤᱞᱚᱜ-ᱮ ᱮᱦᱚᱵ ᱠᱮᱫᱟ । 1930 ᱠᱷᱚᱱ 1933 ᱥᱮᱨᱢᱟ ᱦᱟ.ᱵᱤᱡ ᱨᱟᱡᱽ-ᱟ.ᱨᱤ ᱠᱟ.ᱢᱤ - ᱠᱟ.ᱥᱱᱤ ᱠᱷᱚᱱ ᱥᱟᱝᱜᱤᱧ ᱨᱮ ᱛᱟᱦᱮ ᱭᱮᱱᱟ ᱟᱨ ᱥᱚᱢᱟᱡᱽ ᱥᱮᱣᱟ ᱨᱮ ᱢᱚᱱᱮ ᱞᱟᱜᱟᱣ ᱠᱮᱫᱟ । ᱤᱱᱟ. ᱛᱟᱭᱚᱢ ᱜᱩᱣᱟᱦᱟᱴᱤ ᱯᱩᱨᱚ ᱥᱚᱵᱷᱟ ᱨᱮᱱ ᱨᱟᱥᱤᱭᱟ. ᱵᱟᱪᱷᱱᱟᱣ ᱚᱪᱚ ᱞᱮᱱᱟ। ᱵᱚᱨᱫᱚᱞᱚᱭ ᱜᱚᱝᱠᱮ ᱟᱥᱟᱢ ᱨᱮ ᱵᱮᱜᱟᱨ ᱡᱮᱜᱮᱫ ᱵᱤᱨᱫᱟ.ᱜᱟᱲ ᱟᱨ ᱦᱟᱭ ᱠᱚᱨᱴ ᱵᱮᱱᱟᱣ ᱨᱮᱭᱟᱜ ᱟ.ᱰᱤ ᱡᱚᱨᱫᱟᱨᱮ ᱫᱟ.ᱵᱤ ᱞᱮᱫᱟ।

1935 ᱥᱮᱨᱢᱟ ᱨᱮ ᱵᱨᱤᱴᱤᱥ ᱵᱷᱟᱨᱚᱛ ᱵᱮᱱᱟᱣ ᱞᱟ.ᱜᱤᱫ ᱵᱷᱟᱨᱚᱛ ᱥᱚᱨᱠᱟᱨ ᱟᱭᱤᱱ ᱥᱟᱯᱲᱟᱣ ᱞᱮᱫᱟ । ᱚᱱᱟ ᱛᱮ ᱟᱥᱟᱢ ᱠᱚᱝᱜᱽᱨᱮᱥ 1936 ᱥᱮᱨᱢᱟ ᱨᱮ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱟᱯᱟᱨᱟᱣᱚᱜ ᱨᱮᱭᱟᱜ ᱠᱚ ᱜᱚᱴᱟ ᱠᱮᱫᱟ। ᱵᱟᱪᱷᱱᱟᱣ ᱨᱮ 38 ᱜᱚᱴᱟᱝ ᱢᱟ.ᱪᱤ ᱨᱮ ᱠᱚ ᱡᱤᱛᱠᱟ.ᱨ ᱠᱟᱛᱮ ᱥᱚᱝᱠᱷᱟ ᱜᱚᱨᱤᱥᱴᱷᱚᱛᱟ ᱠᱚ ᱦᱟᱢᱮᱴ ᱞᱮᱫ ᱨᱮᱦᱚ ᱢᱚᱱᱛᱟᱨᱤ ᱟᱨ ᱢᱚᱱᱛᱟᱨᱤ ᱥᱚᱵᱷᱟ ᱨᱮᱛᱟᱜ ᱫᱟᱲᱮ ᱠᱚ ᱪᱷᱤᱱᱜᱟ.ᱣ ᱠᱮᱫ ᱛᱮ ᱵᱤᱨᱩᱫᱷᱤ ᱫᱚᱞ ᱜᱮ ᱦᱟᱢᱮᱴ ᱦᱩᱭᱮᱱ ᱛᱟᱠᱚᱣᱟ । ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱱᱚᱣᱟ ᱵᱤᱨᱩᱫᱷᱤ ᱫᱚᱞ ᱨᱮᱱ ᱟ.ᱭᱩᱨᱤᱡ ᱠᱚ ᱵᱟᱪᱷᱟᱣ ᱠᱮᱫᱟᱮᱭᱟ । ᱠᱚᱝᱜᱽᱨᱮᱥ ᱵᱮᱜᱚᱨ ᱛᱮ ᱮᱴᱟᱜ ᱮᱴᱟᱜ ᱫᱚᱞᱟᱜ ᱥᱚᱢᱚᱨᱛᱷᱚᱱ ᱛᱮ ᱢᱚᱦᱚᱢᱢᱚᱫᱽ ᱥᱟᱫᱩᱞᱞᱟ ᱫᱚ ᱢᱟᱱᱛᱟᱨᱤ ᱥᱚᱵᱷᱟᱭ ᱵᱟᱱᱫᱷᱟᱣ ᱠᱮᱫᱟ । ᱢᱮᱱᱠᱷᱟᱱ ᱱᱮ-ᱦᱚᱲᱟᱜ ᱢᱩᱞ-ᱦᱚᱠ ᱮᱴᱠᱮᱴᱚᱬᱮ ᱠᱚ ᱵᱟᱭ ᱥᱚᱞᱮ ᱫᱟᱲᱮᱭᱟᱜ ᱛᱮ ᱵᱟ.ᱭ ᱵᱟ.ᱭ ᱛᱮ ᱠᱚᱝᱜᱽᱨᱮᱥ ᱟᱜ ᱫᱟᱲᱮ ᱵᱟ.ᱲᱛᱤ ᱤᱫᱤᱭᱮᱱᱟ । 1938 ᱥᱮᱨᱢᱟ ᱨᱮ ᱢᱚᱦᱚᱢᱢᱚᱫᱽ ᱥᱟᱫᱩᱞᱟ ᱢᱟ.ᱪᱤ ᱟᱲᱟᱜ ᱜᱤᱰᱤ ᱠᱟᱫᱟ। ᱛᱚᱵᱮ ᱠᱷᱟᱱ ᱯᱚᱱᱚᱛ ᱜᱚᱢᱠᱮ ᱫᱚ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱜᱮ ᱢᱟᱱᱛᱟᱨᱤ ᱥᱚᱵᱷᱟ ᱵᱟᱱᱫᱷᱟᱣ ᱞᱟ.ᱜᱤᱫ-ᱮ ᱱᱮᱦᱚᱨ ᱟᱫᱮᱭᱟ ᱟᱨ ᱤᱱᱟ. ᱥᱮᱨᱢᱟ ᱨᱮᱱᱟᱜ 21 ᱥᱮᱯᱴᱮᱢᱵᱚᱨ ᱢᱟ.ᱦᱤᱛ ᱨᱮ ᱢᱩᱠᱷᱤᱭᱟ. ᱢᱟᱱᱛᱟᱨᱤ ᱞᱮᱠᱟ ᱛᱮ ᱠᱤᱨᱭᱟ.ᱭ ᱦᱟᱛᱟᱣ ᱞᱮᱫᱟ ।

1949 ᱥᱮᱨᱢᱟ ᱨᱮ ᱫᱚᱥᱟᱨ ᱫᱷᱟ.ᱨᱛᱤ ᱞᱟ.ᱲᱦᱟ.ᱭ ᱮᱛᱚᱦᱚᱵ ᱮᱱ ᱛᱮ ᱥᱚᱨᱠᱟᱨ ᱟᱭᱢᱟ ᱫᱤᱱ ᱵᱟᱝ ᱴᱤᱠᱟ.ᱣ ᱞᱮᱱᱟ ১৯৩৯ । 1940 ᱥᱮᱨᱢᱟ ᱨᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱥᱚᱞᱦᱟ ᱛᱮ ᱵᱚᱨᱫᱚᱞᱚᱭ ᱦᱩᱫᱟ.ᱭ ᱟᱲᱟᱜ ᱜᱤᱰᱤ ᱠᱟᱫᱟ । 1940 ᱥᱮᱨᱢᱟ ᱨᱮ ᱟᱨᱦᱚ' ᱠᱚ ᱠᱷᱟ.ᱲ ᱞᱮᱫᱮᱭᱟ ᱢᱮᱱᱠᱷᱟᱱ ᱦᱚᱲᱢᱚ ᱢᱚᱡᱽ ᱵᱟᱝ ᱛᱮ ᱢᱤᱫ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱜᱮ ᱡᱤᱦᱚᱞ ᱠᱷᱚᱱ ᱠᱚ ᱟᱲᱟᱜ ᱠᱟᱫᱮᱭᱟ । 1942 ᱥᱮᱨᱢᱟ ᱨᱮ ᱵᱷᱟᱨᱚᱛ ᱪᱷᱚᱲᱚ ᱞᱟᱲᱟᱣᱱᱟ ᱮᱛᱚᱦᱟᱵ ᱮᱱᱟ । ᱩᱱ ᱚᱠᱛᱮ ᱨᱮ ᱠᱚᱝᱜᱽᱨᱮᱥ ᱫᱚᱞ ᱫᱚ ᱢᱤᱫ ᱴᱮᱱ ᱵᱮ-ᱟᱭᱤᱱᱤ ᱫᱚᱞ ᱞᱟ.ᱭ ᱥᱚᱫᱚᱨ ᱠᱮᱫᱟ ᱟᱨ ᱡᱚᱛᱚ ᱱᱮᱛᱟ ᱠᱚ ᱛᱚᱞ ᱠᱮᱫ ᱠᱚᱣᱟ।

ᱤᱱᱟ. ᱚᱠᱛᱮ ᱨᱮᱜᱮ ᱢᱚ. ᱥᱟᱫᱩᱞᱟ ᱫᱚ ᱵᱨᱤᱴᱤᱥ ᱠᱚᱭ ᱜᱚᱲᱚᱣᱟ ᱠᱚᱣᱟ ᱢᱮᱱ ᱛᱮ ᱫᱚᱥᱟᱨ ᱫᱷᱟᱣ ᱥᱚᱨᱠᱟᱨᱮ ᱛᱮᱭᱟᱨ ᱠᱮᱫᱟ ᱟᱨ ᱥᱟᱢᱯᱨᱚᱫᱟᱭᱤᱠ ᱠᱟ.ᱢᱤ ᱨᱮ ᱡᱚᱲᱟᱣ ᱮᱱᱟ । 1944 ᱥᱮᱨᱢᱟ ᱨᱮ ᱡᱤᱦᱚᱞ ᱠᱷᱚᱱ ᱚᱰᱚᱠ ᱠᱟᱛᱮ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱫᱚ ᱮᱴᱟᱜ ᱮᱴᱟᱜ ᱱᱮᱛᱟ ᱠᱚᱣᱟᱜ ᱜᱚᱯᱚᱲᱚ ᱛᱮ ᱱᱝᱠᱟᱱ ᱠᱟ.ᱢᱤᱭᱮ ᱵᱤᱨᱩᱫᱽ ᱠᱮᱫᱟ   । ᱩᱯᱟ.ᱭ ᱵᱟᱭ ᱧᱟᱢ ᱞᱮᱫ ᱛᱮ ᱥᱟᱫᱩᱞᱟ ᱫᱚ ᱜᱟᱯᱟᱞᱢᱟᱨᱟᱣ ᱞᱟ.ᱜᱤᱫ-ᱮ ᱦᱚᱦᱚ ᱠᱮᱫᱟ ᱟᱨ ᱩᱱᱠᱚ ᱛᱟᱞᱟ ᱨᱮ ᱢᱤᱫ ᱴᱮᱱ ᱪᱩᱠᱛᱤ ᱦᱩᱭᱮᱱᱟ । ᱱᱚᱮᱟ ᱪᱩᱠᱛᱤ ᱞᱮᱠᱟ ᱛᱮ ᱥᱚᱨᱠᱟᱨᱮ ᱜᱚᱴᱟ ᱠᱮᱫᱟ ᱠᱷᱟ.ᱲᱟᱠᱟᱱ ᱠᱚ ᱨᱟᱲᱟ ᱠᱚ, ᱢᱤᱫᱩᱱ ᱢᱤᱪᱷᱤᱞ ᱠᱚᱨᱮ ᱢᱟᱱᱟ ᱵᱟᱨᱚᱱ ᱵᱟᱠᱚ ᱦᱩᱠᱩᱢᱟ , ᱯᱚᱢᱩᱣᱟ ᱢᱩᱥᱚᱞᱢᱟᱱ ᱠᱚ ᱫᱚᱦᱲᱟ ᱛᱮ ᱵᱟᱥᱟ ᱨᱩᱣᱟ.ᱲ ᱟᱨ ᱮᱢᱟᱱ ᱛᱮᱭᱟᱜ ᱠᱚ ।

1945 ᱥᱮᱨᱢᱟ ᱨᱮᱭᱟᱜ ᱡᱩᱞᱟᱭ ᱪᱟᱱᱫᱚ ᱨᱮ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱴᱚᱴᱷᱟᱠᱤᱭᱟ. ᱟᱨ ᱛᱟᱞᱢᱟ ᱵᱟᱪᱷᱱᱟᱣ ᱛᱟᱭᱚᱢ ᱵᱷᱟᱨᱚᱛ ᱫᱤᱥᱚᱢ ᱞᱟ.ᱜᱤᱫ ᱢᱤᱫ ᱴᱮᱱ ᱥᱚᱝᱵᱤᱫᱷᱟᱱ ᱵᱮᱱᱟᱣ ᱨᱮᱭᱟᱜ ᱠᱟᱛᱷᱟ ᱠᱚ ᱞᱟ.ᱭ ᱥᱚᱫᱚᱨ ᱠᱮᱫᱟ। ᱟᱥᱟᱢ ᱠᱚᱝᱜᱽᱨᱮᱥ ᱦᱚ 1946 ᱥᱮᱨᱢᱟ ᱨᱮᱭᱟᱜ ᱵᱟᱪᱷᱱᱟᱣ ᱨᱮ ᱦᱤ'ᱥ ᱦᱟᱛᱟᱣ ᱠᱟᱛᱮ 108 ᱜᱚᱴᱟᱝ ᱢᱥ.ᱪᱤ ᱨᱮ 61 ᱜᱚᱴᱟᱝ ᱢᱟ.ᱪᱤ ᱨᱮ ᱡᱤᱛᱠᱟ.ᱨ ᱠᱟᱛᱮ ᱰᱷᱮᱨᱞᱮᱠᱷᱟ ᱠᱚ ᱦᱟᱢᱮᱴ ᱞᱮᱫᱟ। ᱩᱝᱠᱚ ᱥᱚᱨᱠᱟᱨ ᱠᱚ ᱵᱟᱱᱫᱷᱟᱣ ᱠᱮᱫᱟ ᱟᱨ ᱜᱚᱯᱤᱱᱟᱛᱷ ᱡᱚᱛᱚ ᱦᱚᱲᱟᱜ ᱠᱷᱩᱥᱤ ᱨᱟ.ᱡᱤ ᱛᱮ ᱢᱩᱠᱷᱤᱭᱟ. ᱢᱟᱱᱛᱟᱨᱤ ᱠᱚ ᱧᱩᱢ ᱵᱟᱦᱟᱞ ᱠᱮᱫᱮᱭᱟ। 

ᱠᱮᱵᱤᱱᱮᱴ ᱠᱚᱢᱤᱥᱚᱱ ᱟᱨ ᱵᱚᱨᱫᱚᱞᱚᱭ ᱟᱜ ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

1946 ᱥᱮᱨᱢᱟ ᱨᱮ ᱵᱷᱟᱨᱚᱛ ᱯᱷᱩᱨᱜᱟ.ᱞ ᱨᱮᱭᱟᱜ ᱫᱟ.ᱵᱤ ᱜᱟᱯᱟᱞᱢᱟᱨᱟᱣ ᱞᱟ.ᱜᱤᱫ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱢᱤᱫ ᱴᱮᱱ ᱠᱮᱵᱤᱱᱮᱴ ᱠᱚᱢᱤᱥᱚᱱ ᱠᱚ ᱛᱮᱭᱟᱨ ᱠᱮᱫᱟ। ᱱᱚᱣᱟ ᱨᱮᱱ ᱨᱟᱥᱤᱭᱟ. ᱠᱚᱫᱚ ᱥᱤᱢᱞᱟ ᱟᱨ ᱫᱤᱞᱞᱤ ᱨᱮ ᱠᱚᱝᱜᱽᱨᱮᱥ ᱟᱨ ᱢᱩᱥᱞᱤᱢ ᱞᱤᱜᱽ ᱞᱟ.ᱜᱤᱫ ᱡᱩᱫᱟ. ᱡᱩᱫᱟ. ᱜᱟᱯᱟᱞᱢᱟᱨᱟᱣ ᱠᱚ ᱫᱚᱦᱚ ᱠᱮᱫᱟ । ᱩᱝᱠᱚᱣᱟᱜ ᱟᱨᱤ ᱞᱮᱠᱟ ᱛᱮ ᱯᱚᱱᱚᱛ ᱠᱚ ᱯᱮ ᱵᱷᱟᱜᱽ ᱨᱮᱠᱚ ᱦᱟ.ᱴᱤᱧᱟ ᱟᱨ ᱚᱱᱟ ᱞᱮᱠᱟ ᱛᱮ ᱛᱮᱥᱟᱨ ᱟᱜ ᱦᱟ.ᱴᱤᱧ ᱨᱮ ᱛᱟᱦᱮᱱ ᱠᱟᱱ ᱟᱥᱟᱢ ᱟᱨ ᱵᱮᱝᱜᱚᱞ ᱨᱮᱭᱟᱜ ᱥᱚᱝᱵᱤᱫᱷᱟᱱ ᱚᱞ ᱞᱟ.ᱜᱤᱫ ᱯᱨᱚᱛᱤᱱᱤᱫᱷᱤ ᱵᱟᱪᱷᱱᱟᱣ ᱠᱚ ᱦᱩᱭᱩᱜ-ᱟ। ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱫᱚ ᱱᱚᱣᱟ ᱨᱮᱭᱟᱜ ᱵᱟᱲᱤᱡ ᱟᱜ ᱟᱢᱫᱟᱡᱽ ᱠᱮᱫᱟ ᱡᱮ ᱜᱟᱫᱮᱞ ᱨᱮ ᱟᱥᱟᱢ ᱨᱮᱱ ᱦᱚᱲ ᱵᱮᱝᱜᱚᱞ ᱥᱟᱶ ᱠᱚ ᱢᱤᱞᱟᱣ ᱞᱮᱱ ᱠᱷᱟᱱ ᱟᱥᱟᱢ ᱨᱮᱱ ᱦᱚᱲᱟ ᱞᱮᱠᱷᱟ ᱠᱚᱢᱟᱣᱚᱜ-ᱟ ᱟᱨ ᱱᱚᱠᱚᱣᱟ ᱢᱩᱞ ᱦᱚᱠ ᱟ.ᱭᱫᱟ.ᱨᱤ ᱵᱟᱠᱚ ᱧᱟᱢᱟ ।

ᱟᱥᱟᱢ ᱯᱚᱱᱚᱛ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱜᱨᱩᱯᱤᱝ ᱥᱤᱥᱴᱮᱢ ᱨᱮᱭᱟᱜ ᱵᱤᱨᱩᱫᱷ ᱞᱟ.ᱜᱤᱫ-ᱮ ᱜᱚᱴᱟ ᱩᱨᱤᱡ ᱠᱮᱫᱟ। ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱵᱷᱟᱨᱚᱛᱤᱭᱚ ᱠᱚᱝᱜᱽᱨᱮᱥ ᱨᱮᱱ ᱠᱟ.ᱜ-ᱢᱤ ᱠᱟᱱ ᱠᱚᱢᱤᱴᱤ , ᱠᱮᱵᱤᱱᱮᱴ ᱠᱚᱢᱤᱴᱤ ᱟᱨ ᱵᱷᱟᱭᱥᱨᱚᱭ ᱮᱶᱵᱟᱰᱟᱭ ᱚᱪᱚ ᱠᱮᱫ ᱠᱚᱣᱟ ᱡᱮ ᱟᱥᱟᱢ ᱨᱮᱱ ᱯᱨᱚᱛᱤᱱᱤᱫᱷᱤ ᱟᱠᱚᱣᱟᱜ ᱥᱚᱝᱵᱤᱫᱷᱟᱱ ᱟᱠᱚ ᱜᱮᱠᱚ ᱚᱞᱟ ᱟᱨ ᱜᱨᱩᱯ ᱨᱮ ᱵᱚᱞᱚᱱᱟ ᱠᱚ ᱵᱟᱠᱚ ᱵᱚᱞᱚᱱᱟ ᱱᱚᱣᱟ ᱫᱚ ᱟᱠᱚ ᱜᱮ ᱯᱷᱟᱭᱥᱟᱭᱟ ।ᱱᱤᱭᱟ. ᱛᱟᱭᱚᱢ ᱠᱮᱵᱤᱱᱮᱴ ᱠᱚᱢᱤᱴᱤ ᱞᱟ.ᱭ ᱥᱚᱫᱚᱨ ᱠᱮᱫᱟ ᱜᱨᱩᱯ ᱨᱮ ᱵᱚᱞᱚᱜ ᱵᱟᱭᱫᱷᱚᱛᱟ ᱢᱩᱞᱚᱠ ᱠᱟᱱᱟ ᱟᱨ ᱛᱟᱭᱚᱢ ᱛᱮᱠᱚ ᱢᱮᱱ ᱞᱮᱠᱷᱟᱱ ᱜᱨᱩᱯ ᱠᱷᱚᱱ ᱠᱚ ᱚᱰᱚᱠ ᱫᱟᱲᱨᱭᱟᱜ-ᱟ। ᱱᱤᱭᱟ. ᱛᱟᱭᱚᱢ ᱨᱮᱭᱟᱜ ᱯᱚᱨᱤᱥᱛᱤᱛᱷᱤ ᱵᱟᱝ ᱥᱟᱢᱵᱽᱲᱟᱣᱚᱜ ᱞᱮᱠᱟᱭ ᱵᱩᱡᱷᱟ.ᱣ ᱠᱮᱫ ᱛᱮ ᱵᱚᱨᱫᱚᱞᱚᱭ ᱵᱷᱟᱨᱚᱛᱤᱭᱚ ᱡᱟᱛᱨᱤᱭᱟ. ᱠᱚᱝᱜᱽᱨᱮᱥ ᱨᱮᱱ ᱱᱮᱛᱟ ᱠᱚ ᱥᱟᱶᱮ ᱧᱟᱯᱟᱢ ᱮᱱ ᱨᱮᱦᱚ ᱡᱟᱦᱟᱱ ᱚᱨᱡᱚ ᱫᱚ ᱵᱟᱭ ᱧᱟᱢ ᱞᱮᱫᱟ। ᱱᱤᱭᱟ. ᱛᱟᱭᱚᱴ ᱟᱥᱟᱢ ᱠᱚᱝᱜᱽᱨᱮᱥ ᱥᱟᱶ ᱧᱟᱯᱟᱢ ᱠᱟᱛᱮ ᱛᱟᱨᱫᱷᱟᱢ ᱨᱮᱭᱟᱜ-ᱮ ᱜᱚᱴᱟ ᱠᱮᱫᱟ। ᱛᱚᱵᱮ ᱭᱟᱱᱮᱡ ᱵᱷᱟᱨᱚᱛᱤᱭᱚ ᱡᱟ.ᱛᱨᱤᱭᱟ. ᱠᱚᱝᱜᱽᱨᱮᱥ ᱠᱚ ᱟᱣᱫᱷᱟᱱ ᱠᱟᱱᱟ ᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱮ ᱡᱚᱭᱚ ᱢᱚᱱᱮ ᱠᱩᱥᱤᱜ ᱞᱮᱠᱟᱱ ᱯᱷᱟᱭᱥᱞᱟ ᱦᱟᱛᱟᱣ ᱨᱮᱱᱟᱷᱴᱜ ᱠᱚ ᱢᱮᱱ ᱠᱮᱫᱟ । ᱤᱱᱟ. ᱛᱟᱭᱚᱢ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱨᱟ.ᱥᱤᱭᱟ. ᱠᱚ ᱢᱤᱫ ᱢᱚᱛᱮᱱᱟ ᱡᱮ ᱟᱥᱟᱢ ᱨᱮᱱ ᱜᱮᱞ ᱡᱚᱱᱟ ᱨᱟ.ᱥᱤᱭᱟ. ᱠᱚ ᱜᱨᱩᱯ ᱨᱮ ᱵᱟᱝ ᱥᱮᱞᱮᱫ ᱠᱟᱛᱮ ᱟᱠᱚᱣᱟᱜ ᱥᱚᱝᱵᱤᱫᱷᱟᱱ ᱟᱠᱚ ᱜᱮᱠᱚ ᱚᱞᱟ ᱟᱨ ᱛᱟᱭᱚᱢ ᱛᱮ ᱵᱷᱟᱨᱚᱛ ᱨᱮᱱᱟᱜ ᱥᱚᱝᱵᱤᱫᱷᱟᱱ ᱚᱞᱚᱜ ᱞᱟ.ᱜᱤᱫ ᱨᱟᱥᱴᱨᱤᱭᱚ ᱠᱚᱢᱤᱴᱤ ᱥᱟᱶ ᱠᱚ ᱢᱤᱫᱚᱜ-ᱟ ।

ᱡᱚᱣᱟᱦᱚᱨᱞᱟᱞ ᱱᱮᱦᱮᱨᱩ ᱟᱨ ᱢᱩᱥᱞᱤᱢ ᱞᱤᱜᱽ ᱫᱚ ᱡᱚᱛᱚ ᱠᱟᱛᱷᱟ ᱵᱟᱝ ᱢᱮᱫ ᱞᱩᱛᱩᱨ ᱠᱟᱛᱮ ᱟᱠᱤᱱ ᱟᱠᱤᱱ ᱛᱟᱞᱟ ᱨᱮ ᱠᱤᱱ ᱢᱤᱫᱜᱟ.ᱱᱰᱩ ᱢᱤᱫ ᱴᱟ.ᱪᱤᱭᱮᱱᱟ । ᱩᱯᱟ.ᱭ ᱵᱟᱭ ᱧᱟᱢ ᱞᱮᱫ ᱛᱮ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱴᱷᱮᱱᱮ ᱥᱩᱯᱩᱨ ᱮᱱᱟ ᱟᱨ ᱜᱟᱱᱫᱷᱤ ᱫᱚ ᱡ

ᱵᱚᱨᱫᱚᱞᱚᱭᱮ ᱢᱮᱛᱟᱣ ᱫᱮᱭᱟ ᱡᱮᱢᱚᱱ ᱜᱨᱩᱯᱤᱝ ᱨᱮᱭᱟᱜ ᱮ ᱵᱤᱨᱩᱫᱷ ᱤᱫᱤᱭ ᱢᱟ ।

1947 ᱥᱮᱨᱢᱟ ᱨᱮ ᱞᱚᱨᱰ ᱢᱟᱣᱩᱱᱴ ᱵᱮᱴᱮᱱ ᱫᱚ ᱱᱟᱣᱟ ᱵᱷᱟᱥᱨᱚᱭ ᱞᱮᱠᱟ ᱛᱮ ᱠᱟ.ᱢᱤ ᱫᱟ.ᱭᱤᱠ-ᱮ ᱟᱯᱱᱟᱨ ᱠᱮᱫᱟ ।ᱩᱱᱤ ᱫᱚ ᱢᱤᱥᱞᱤᱢ ᱞᱤᱜᱽ , ᱠᱚᱝᱜᱽᱨᱮᱥ ᱟᱨ ᱢᱚᱦᱟᱛᱢᱟ ᱜᱟᱱᱫᱷᱤ ᱥᱟᱶ ᱵᱮᱜᱟᱨ ᱵᱮᱜᱟᱨ ᱜᱟᱞᱚᱪ ᱨᱮ ᱫᱩᱯᱩᱲᱩᱵ ᱮᱱᱟ । ᱩᱱᱠᱚ ᱫᱚ ᱜᱨᱩᱯᱤᱝ ᱵᱚᱫᱚᱞ ᱛᱮ ᱦᱟᱯᱟᱴᱤᱧ ᱯᱷᱩᱨᱜᱟ.ᱞ ᱜᱮ ᱠᱚ ᱵᱟᱥᱩᱛ ᱟᱫᱟ। ᱵᱷᱟᱨᱚᱛ ᱟᱨ ᱯᱟᱠᱤᱥᱛᱟᱱ ᱵᱟᱨᱭᱟ ᱵᱮᱜᱟᱨ ᱫᱤᱥᱚᱢ ᱨᱮ ᱵᱚᱫᱚᱞ ᱮᱱᱟ।

ᱱᱚᱝᱠᱟ ᱛᱮ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱫᱚ ᱟᱥᱟᱢ ᱨᱮᱭᱟᱜ ᱟᱜᱟᱢ ᱫᱩᱜ- ᱫᱟᱨᱟᱢ ᱞᱟ.ᱜᱤᱫ ᱵᱟᱝ ᱦᱤᱲᱤᱧᱚᱜ ᱮᱱᱮᱢᱮ ᱮᱢ ᱚᱴᱚ ᱞᱮᱫᱟ ।

ᱢᱩᱠᱷᱤᱭᱟ. ᱢᱟᱱᱛᱟᱨᱤ ᱞᱮᱠᱟ ᱛᱮ ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱯᱷᱩᱨᱜᱟ.ᱞ ᱛᱟᱭᱱᱚᱢ , ᱩᱱᱤ ᱫᱚ ᱥᱟᱨᱫᱟᱨ ᱵᱷᱚᱞᱚᱵᱽ ᱵᱷᱟᱭ ᱥᱟᱶ ᱛᱮ ᱢᱤᱞᱟ.ᱣ ᱠᱟᱛᱮ ᱠᱟ.ᱢᱤ ᱠᱮᱫᱟ , ᱡᱟᱛᱮ ᱪᱤᱱ ᱟᱥᱟᱢ ᱨᱮᱭᱟᱜ ᱥᱟᱨᱵᱚᱵᱷᱳᱢᱚᱛᱛᱚ ᱟᱞᱚᱭ ᱱᱟᱥᱟᱣ ᱟᱨ ᱫᱚᱥᱟᱨ ᱱᱟᱠᱷᱟ ᱯᱩᱨᱩᱵᱽ ᱯᱟᱠᱤᱥᱛᱟᱱ ᱾ ᱩᱱᱤ ᱫᱚ ᱫᱤᱥᱚᱢ ᱦᱟᱯᱟᱴᱤᱧ ᱛᱟᱭᱚᱢ ᱟ.ᱰᱤ ᱦᱤᱱᱥᱟ. ᱟᱨ ᱫᱷᱚᱢᱚᱠ ᱵᱚᱛᱚᱨ ᱛᱮ ᱯᱩᱛᱤᱵᱽ ᱯᱟᱠᱤᱥᱛᱟᱱ ᱠᱷᱚᱱ ᱧᱤᱨ ᱦᱮᱡ ᱟᱠᱟᱱ ᱞᱟᱠᱷ ᱞᱥᱠᱷ ᱦᱤᱱᱫᱩ ᱨᱤᱯᱷᱩᱡᱤ ᱠᱚ ᱵᱮᱨᱮᱞᱚᱜ ᱞᱟ.ᱜᱤᱫ ᱜᱚᱲᱚᱭ ᱮᱢᱟᱫ ᱞᱚ ᱛᱟᱦᱮᱱᱟ। ᱩᱱᱤ ᱢᱩᱠᱷᱤᱭᱟ. ᱢᱟᱱᱛᱟᱨᱤ ᱛᱟᱦᱮ ᱠᱟᱱ ᱚᱠᱛᱮ ᱨᱮᱜᱮ ᱜᱚᱣᱟᱦᱟᱴᱤ ᱨᱮ ᱡᱮᱜᱮᱫ ᱵᱤᱨᱫᱟ. ᱜᱟᱲ , ᱟᱥᱟᱢ ᱦᱟᱭ ᱠᱚᱨᱴ , ᱟᱥᱟᱢ ᱢᱮᱰᱤᱠᱮᱞ ᱠᱚᱞᱮᱡᱽ , ᱟᱥᱟᱢ ᱡᱟᱱᱣᱟᱨ ᱨᱟᱨᱟᱱ ᱠᱚᱞᱮᱡᱽ ᱮᱢᱟᱱ ᱥᱮᱬᱟ ᱥᱮᱬᱟ ᱠᱚᱭ ᱵᱟᱱᱫᱽᱦᱟᱣ ᱞᱮᱫᱟ। ᱢᱩᱠᱷᱤᱭᱟ. ᱢᱟᱱᱛᱟᱨᱤ ᱛᱟᱦᱮ ᱠᱟᱱ ᱨᱮᱦᱚ ᱟ.ᱰᱤ ᱥᱟᱫᱷᱟᱨᱚᱱ ᱡᱤᱭᱚᱱᱮ ᱵᱤᱛᱟ.ᱣ ᱞᱮᱫᱟ|                                   

ᱚᱱᱚᱞ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱯᱤᱱᱟᱛᱷ ᱵᱚᱫᱚᱞᱚᱭ ᱢᱤᱫ ᱴᱮᱱ ᱵᱷᱟᱜᱮ ᱨᱟᱡᱽ ᱱᱮᱛᱟᱭ ᱛᱟᱦᱮ ᱠᱟᱱ ᱥᱟᱶ ᱥᱟᱶ ᱛᱮ ᱢᱤᱫᱴᱮᱱ ᱱᱟᱯᱟᱭ ᱚᱱᱚᱞᱤᱭᱟ. ᱦᱚᱭ ᱛᱟᱦᱮ ᱠᱟᱱᱟ ।ᱢᱤᱫ ᱴᱮᱱ ᱵᱷᱟᱜᱮ ᱚᱱᱚᱞᱤᱭᱟ. ᱞᱮᱠᱟ ᱛᱮ ᱦᱚ ᱦᱚᱲ ᱠᱚ ᱛᱟᱞᱟ ᱨᱮ ᱱᱟᱢᱰᱟᱠ ᱮ ᱛᱟᱦᱮ ᱠᱟᱱᱟ |ᱩᱱᱤ ᱫᱚ ᱜᱤᱫᱽᱨᱟ. ᱠᱚ ᱞᱟ.ᱜᱤᱫ ᱟᱭᱢᱟ ᱯᱚᱛᱚᱵ ᱠᱚᱭ ᱚᱞ ᱥᱚᱫᱚᱨ ᱟᱠᱟᱫᱟ |

  1. ᱥᱨᱤ ᱨᱟᱢ ᱪᱚᱱᱫᱽᱨᱚ
  2. ᱵᱩᱫᱫᱩ ᱫᱮᱵᱽ
  3. ᱡᱤᱥᱩ ᱠᱷᱨᱤᱥᱴᱚ
  4. ᱦᱚᱡᱽᱨᱚᱛ ᱢᱚᱦᱚᱢᱚᱫᱽ
  5. ᱜᱟᱱᱫᱷᱤ ᱡᱤ
  6. ᱛᱚᱨᱩᱱ ᱨᱟᱢ ᱯᱷᱩᱠᱚᱱ
  7. ᱚᱱᱟ ᱥᱚᱠᱛᱤ ᱡᱳᱜᱽ

ᱵᱷᱟᱨᱚᱛ ᱨᱚᱛᱱᱚ ᱟᱨ ᱮᱴᱟᱜ ᱢᱟᱱᱚᱛᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱫᱚ ᱜᱩᱨ ᱛᱟᱭᱱᱚᱢ 1999 ᱥᱮᱨᱢᱟ ᱨᱮ ᱫᱤᱥᱚᱢ ᱨᱮᱭᱟᱜ ᱞᱟᱯᱷᱟᱝ ᱢᱟᱱᱚᱛ ᱵᱷᱟᱨᱚᱛ ᱨᱚᱛᱱᱱᱚ ᱛᱮ ᱵᱷᱟᱨᱚᱛ ᱥᱚᱮᱠᱟᱨ ᱦᱚᱛᱮ ᱛᱮ ᱢᱟ.ᱱ ᱢᱟᱱᱚᱛ ᱚᱪᱚᱭᱮᱱᱟ। ᱩᱛᱛᱟ.ᱛ ᱯᱩᱨᱩᱵᱽ ᱵᱷᱤᱛᱨᱤ ᱨᱮ ᱯᱟ.ᱦᱤᱞ ᱟᱨ ᱮᱥᱠᱟᱨ ᱵᱷᱟᱨᱚᱛ ᱨᱚᱛᱱᱱᱚᱭ ᱦᱟᱢᱮᱴ ᱟᱠᱟᱫ ᱦᱚᱲ ᱠᱚ ᱢᱩᱫᱽ ᱨᱮ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱜᱮ ᱮᱥᱠᱟᱨ ᱠᱟᱱᱟᱭ।ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ ᱫᱚᱨᱵᱟᱨ ᱨᱮ ᱚᱨᱟᱢ ᱞᱮᱱ ᱢᱤᱫ ᱟᱠᱷᱲᱟ ᱛᱟᱞᱟ ᱛᱮ ᱯᱚᱱᱚᱛ ᱜᱚᱢᱠᱮ ᱟᱨ. ᱠᱮ. ᱱᱟᱨᱟᱭᱚᱱ ᱫᱚ ᱵᱚᱛᱫᱚᱞᱚᱭ ᱨᱮᱱ ᱮᱨᱟ ᱥᱩᱨᱵᱟᱞᱟ ᱵᱚᱨᱫᱚᱞᱚᱭ ᱟᱜ ᱛᱤ ᱨᱮ ᱱᱚᱣᱟ ᱢᱟᱱᱚᱛᱟᱱᱟᱜ ᱥᱤᱨᱯᱟ.ᱭ ᱪᱟᱞ ᱞᱮᱫᱟ। ᱵᱷᱟᱨᱚᱛ ᱥᱚᱨᱠᱟᱨ ᱫᱚ ᱵᱚᱨᱫᱚᱞᱚᱭ ᱧᱩᱛᱩᱢ ᱛᱮ ᱢᱤᱫ ᱴᱮᱱ ᱰᱟᱠ ᱴᱤᱞᱤᱴ ᱦᱚᱭ ᱡᱟᱨᱤ ᱞᱮᱫᱟ । ᱚᱱᱟ ᱪᱷᱟᱰᱟ ᱠᱟᱛᱮ ᱜᱩᱣᱟᱦᱟᱴᱤ ᱵᱚᱨᱡᱷᱟᱨ ᱨᱮᱭᱟᱜ ᱮᱭᱟᱨ ᱯᱚᱨᱴ ᱜᱚᱯᱤᱱᱟᱛᱷ ᱵᱚᱨᱫᱚᱭ ᱧᱩᱛᱩᱢ ᱛᱮᱠᱚ ᱧᱩᱛᱩᱢ ᱠᱮᱫᱟ ।


ᱜᱩᱨᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

1950 ᱥᱮᱨᱢᱟ ᱨᱮᱭᱟᱜ 5 ᱟᱜᱟᱥᱴ ᱦᱤᱞᱚᱜ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱫᱚ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱵᱟ.ᱜᱤᱭᱟᱫᱟ। ᱩᱱ ᱦᱤᱞᱚᱜ ᱫᱚ ᱧᱩᱦᱩᱢ ᱢᱟᱦᱟᱸ ᱛᱟᱦᱮ ᱠᱟᱱᱟ। ᱜᱩᱣᱟᱦᱟᱴᱤ ᱨᱮᱭᱟᱜ ᱠᱩᱢᱟᱨ ᱵᱷᱟᱥᱠᱚᱨ ᱱᱟᱴᱭᱚ ᱢᱩᱱᱫᱤᱨᱵᱨᱮ ᱯᱨᱚᱛᱤᱵᱟᱫᱽ ᱱᱟᱢᱟ ᱨᱮᱭᱟᱜ ᱢᱤᱫᱴᱮᱱ ᱱᱟᱴᱚᱠ ᱠᱚ ᱚᱨᱟᱢ ᱞᱮᱫᱟ।ᱚᱱᱟ ᱱᱟᱴᱚᱠ ᱟᱠᱷᱲᱟ ᱩᱰᱦᱟ.ᱣ ᱞᱟ.ᱜᱤᱫ ᱠᱚ ᱦᱚᱦᱚᱣ ᱫᱤ ᱛᱟᱦᱮᱱᱟ। ᱩᱱ ᱦᱤᱞᱚᱜ ᱵᱚᱨᱫᱚᱞᱚᱭ ᱫᱚ ᱩᱰᱦᱟ.ᱣ ᱟᱠᱷᱲᱟ ᱨᱮ ᱦᱤ'ᱥ ᱦᱟᱛᱟᱣ ᱞᱟ.ᱜᱤᱫ ᱥᱤᱞᱚᱝ ᱠᱷᱚᱱ ᱜᱚᱣᱟᱦᱟᱴᱤ ᱦᱮᱡ ᱞᱮᱱᱟ ᱟᱨ ᱧᱩᱦᱩᱢᱚᱜ ᱧᱩᱦᱩᱢᱚᱜ ᱜᱩᱣᱟᱦᱟᱴᱤ ᱛᱤᱭᱚᱜ ᱞᱮᱫᱟ।ᱥᱤᱝᱜᱥ.ᱲ ᱴᱷᱤᱠ ᱮᱭᱟᱭ ᱴᱟᱲᱟᱝ ᱱᱟᱴᱚᱠ-ᱮ ᱩᱰᱦᱟ.ᱣ ᱞᱮᱫᱟ ᱟᱨ ᱤᱨᱟ.ᱞ ᱴᱟᱲᱟᱝ ᱥᱟᱶ ᱥᱟᱶ ᱛᱮ ᱵᱤᱫᱟ.ᱭ ᱠᱷᱚᱡᱽ ᱞᱮᱫᱟ ᱢᱮᱱ ᱠᱷᱟᱱ ᱠᱟ.ᱴᱤᱡ ᱠᱟ.ᱴᱤᱡ ᱜᱤᱫᱽᱨᱟ. ᱠᱚ ᱤᱭᱟ.ᱛᱮ ᱟᱨᱮ ᱴᱟᱲᱟᱝ ᱦᱟ.ᱵᱤᱡ ᱛᱟᱦᱮᱱ ᱛᱟᱭᱟ । ᱤᱱᱟ. ᱛᱟᱭᱚᱢ ᱩᱞᱵᱟᱲᱤ ᱨᱮᱭᱟᱜ ᱱᱤᱡᱽ ᱚᱲᱟᱜ ᱛᱮ ᱢᱚᱦᱰᱟ ᱞᱮᱱᱟ , ᱧᱤᱱᱫᱟ. ᱜᱮᱞ ᱴᱟᱲᱟᱝ ᱚᱠᱛᱮ ᱠᱤᱫᱩᱵ ᱵᱟᱲᱟ ᱠᱟᱛᱮ ᱡᱟᱜᱟ ᱞᱮᱱᱟ । ᱢᱮᱱ ᱠᱷᱟᱱ ᱴᱷᱤᱠ ᱜᱮᱞ ᱢᱤᱫ ᱴᱟᱲᱟᱝ ᱜᱟᱱ ᱚᱠᱛᱮ ᱨᱮ ᱟᱪᱠᱟ ᱠᱚᱲᱟᱢ ᱦᱟ.ᱥᱩ ᱮᱦᱚᱵ ᱠᱮᱫᱮᱭᱟ ᱟᱨ ᱛᱟᱭᱚᱢ ᱛᱮ ᱵᱟ.ᱲᱛᱤ ᱤᱫᱤᱭᱮᱱ ᱛᱟᱭᱟ। ᱰᱟᱠᱴᱚᱨ ᱠᱚ ᱠᱚ ᱦᱚᱦᱚ ᱣᱟᱫ ᱠᱚᱣᱟ ᱢᱮᱱ ᱠᱷᱟᱱ ᱵᱚᱨᱫᱚᱞᱚᱭ ᱟᱜ ᱡᱤᱣᱤ ᱢᱤᱨᱩ ᱵᱟᱠᱚ ᱟᱠᱚᱴ ᱫᱟᱲᱮᱭᱟᱜ ᱛᱟᱭᱟ | ᱧᱤᱱᱫᱟ. 2.40 ᱴᱟᱲᱟᱝ ᱚᱠᱛᱮ 60 ᱥᱮᱨᱢᱟ ᱩᱢᱮᱨ ᱨᱮ ᱡᱟᱭ ᱡᱩᱜᱽ ᱞᱟ.ᱜᱤᱫ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱵᱟ.ᱜᱤᱭᱟᱫᱟ।

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Lokpriya's 129th birth anniversary celebrated at Raha". The Assam Tribune.[permanent dead link]