ᱜᱩᱞᱟᱹᱯ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱯᱷᱩᱴᱟᱹᱣ ᱜᱩᱞᱟᱹᱯ ᱵᱟᱦᱟ

ᱜᱩᱞᱟᱹᱯ ᱫᱚ ᱡᱚᱛᱚ ᱠᱷᱚᱱ ᱥᱚᱨᱮᱥ ᱧᱮᱞᱚᱜ ᱵᱟᱦᱟ ᱠᱟᱱᱟ ᱾ ᱱᱚᱣᱟ ᱫᱚ ᱜᱚᱴᱟ ᱥᱮᱨᱢᱟ ᱡᱤᱣᱤᱫ ᱛᱟᱦᱚᱸ ᱫᱟᱲᱮᱭᱟᱜ ᱞᱮᱠᱟᱱ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱫᱚ ᱨᱚᱡᱟ ᱡᱟᱹᱛ ᱟᱨ ᱨᱚᱡᱟᱥᱤ ᱜᱷᱟᱨᱚᱡᱽ ᱨᱮᱱᱟᱜ ᱵᱟᱦᱟ ᱠᱟᱱᱟ ᱾ ᱑᱐᱐ ᱜᱚᱴᱟᱝ ᱢᱤᱫ ᱡᱟᱹᱛ ᱨᱮᱱᱟᱜ ᱜᱩᱞᱟᱹᱯ ᱢᱩᱸᱫᱽ ᱨᱮ ᱥᱩᱢᱩᱝ ᱨᱚᱝ ᱨᱮᱜᱮ ᱵᱷᱮᱯᱮᱫ ᱢᱮᱱᱟᱜ-ᱟ ᱾ ᱨᱚᱡᱽ ᱨᱮᱱᱟᱜ ᱧᱩᱛᱩᱢ ᱫᱚ ᱯᱷᱨᱮᱸᱪ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱩᱬ ᱞᱟᱴᱤᱱ ᱯᱟᱹᱨᱥᱤ ᱨᱚᱡᱟ ᱟᱹᱲᱟ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱨᱚᱡᱟ ᱟᱹᱲᱟᱹ ᱫᱚ ᱜᱨᱤᱠ ᱯᱟᱹᱨᱥᱤ ᱨᱮᱱᱟᱜ ᱨᱮᱰᱩᱭᱚᱢ ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱜᱚᱸ ᱵᱟᱰᱟᱭᱚᱜ-ᱟ ᱾ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱪᱚᱨᱚᱠ ᱟᱨ ᱪᱮᱨᱦᱟ ᱜᱚᱴᱟ ᱫᱤᱥᱚᱢ ᱮ ᱪᱟᱢᱯᱟᱴᱟᱣ ᱟᱠᱟᱫ-ᱟ ᱾ ᱡᱟᱹᱥᱛᱤ ᱠᱷᱚᱱ ᱡᱟᱹᱥᱛᱤ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱥᱤᱨᱡᱚᱢ ᱫᱚ ᱮᱥᱤᱭᱟ ᱠᱷᱚᱱ ᱦᱩᱭ ᱟᱠᱟᱱᱟ ᱾ [᱑]

ᱫᱟᱨᱮ ᱟᱨ ᱥᱟᱪᱟᱨᱦᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱞᱟᱹᱯ ᱵᱟᱦᱟ ᱫᱟᱨᱮ ᱨᱮᱱᱟᱜ ᱩᱥᱩᱞ ᱫᱚ ᱱᱟᱯ ᱟᱹᱰᱤ ᱢᱩᱥᱠᱤᱞ ᱜᱮᱭᱟ ᱾ ᱦᱩᱰᱤᱧ ᱠᱷᱚᱱ ᱮᱦᱚᱵ ᱠᱟᱛᱮ ᱮᱭᱟᱭ ᱯᱷᱩᱴ ᱩᱥᱩᱞ ᱦᱟᱹᱵᱤᱡ ᱫᱟᱨᱮ ᱢᱮᱱᱟᱜ-ᱟ ᱾ ᱫᱟᱨᱮᱱᱟᱹᱬᱤ ᱥᱟᱬᱮᱥ ᱨᱮ ᱜᱩᱞᱟᱹᱯ ᱫᱟᱨᱮ ᱨᱮᱱᱟᱜ ᱨᱩᱯ ᱮᱢᱟᱱ ᱠᱟᱛᱷᱟ ᱟᱭᱢᱟ ᱢᱮᱱᱟᱜ-ᱟ ᱾ ᱜᱩᱞᱟᱹᱯ ᱫᱟᱨᱮ ᱨᱮᱱᱟᱜ ᱥᱟᱠᱟᱢ ᱫᱚ ᱕ ᱠᱷᱚᱱ ᱑᱕ ᱥᱮᱢᱤ ᱜᱟᱱ ᱡᱤᱞᱤᱧ ᱦᱩᱭᱩᱜ-ᱟ ᱾ ᱜᱩᱞᱟᱹᱯ ᱵᱟᱦᱟ ᱜᱟᱨᱮ ᱨᱮᱢᱟᱜ ᱥᱟᱠᱟᱢ ᱫᱚ ᱴᱷᱟᱰᱜᱟᱜ ᱜᱮᱭᱟ ᱾ ᱡᱚᱛᱚ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱤᱞ (petal) ᱫᱚ ᱢᱚᱬᱮ ᱜᱚᱴᱟᱝ ᱜᱮ ᱛᱟᱦᱮᱸᱱᱟ, ᱢᱮᱱᱠᱷᱟᱱ 'ᱨᱚᱡᱟ ᱥᱮᱨᱤᱥᱤᱭᱟ' ᱡᱟᱹᱛ ᱨᱮᱱᱟᱜ ᱵᱟᱦᱟ ᱨᱮ ᱫᱚ ᱔ ᱜᱚᱴᱟᱝ ᱜᱮ ᱤᱞ ᱛᱟᱦᱮᱸᱱᱟ ᱾ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱡᱚ ᱫᱚ ᱫᱟᱨᱮᱱᱟᱹᱬᱤ ᱥᱟᱬᱮᱥ ᱞᱮᱠᱟᱛᱮ "ᱨᱚᱡᱽ ᱦᱤᱯ" ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱚᱛᱚ ᱨᱚᱡᱽ ᱦᱤᱯ ᱨᱮᱱᱟᱜ ᱵᱷᱤᱛᱟᱹᱨ ᱯᱟᱦᱴᱟ ᱨᱮ ᱫᱟᱹᱨᱭᱟᱹ ᱡᱤᱞ ᱟᱴᱮᱫ ᱠᱚᱜ-ᱟ, ᱡᱟᱦᱟᱸ ᱫᱚ ᱦᱤᱯᱟᱛᱷᱤᱭᱚᱢ ᱠᱚ ᱢᱮᱛᱟᱜ ᱠᱟᱱᱟ ᱾ ᱜᱩᱞᱟᱹᱯ ᱫᱟᱨᱮ ᱫᱚ ᱡᱟᱹᱱᱩᱢ ᱡᱟᱹᱱᱩᱢ ᱜᱮᱭᱟ ᱟᱨ ᱚᱱᱟ ᱡᱟᱹᱱᱩᱢ ᱠᱚ ᱫᱚ ᱜᱚᱡᱟᱜ ᱟᱨ ᱡᱤᱞᱤᱧ ᱡᱤᱞᱤᱧ ᱜᱮᱭᱟ ᱾ ᱰᱟᱺᱜᱽᱨᱤ ᱢᱮᱨᱚᱢ ᱠᱷᱚᱱ ᱚᱱᱟᱛᱮ ᱱᱚᱣᱟ ᱫᱚ ᱵᱟᱧᱪᱟᱣ ᱨᱮ ᱛᱟᱦᱮᱸᱱᱟ ᱾

ᱜᱩᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱞᱟᱹᱯ ᱵᱟᱦᱟ ᱫᱚ ᱵᱟᱦᱟ ᱡᱮᱜᱮᱛ ᱨᱮ ᱥᱚᱨᱮᱥ ᱵᱟᱦᱟ ᱨᱮᱱᱟᱜ ᱢᱟᱹᱱ ᱠᱚ ᱮᱢ ᱟᱠᱟᱫ-ᱮᱭᱟ ᱾ ᱟᱭᱢᱟ ᱞᱮᱠᱟᱱ ᱜᱩᱞᱟᱹᱯ ᱵᱟᱦᱟ ᱢᱮᱱᱟᱜ-ᱟ ᱾ ᱫᱩᱯᱞᱟᱹᱲᱤᱭᱟᱹ ᱠᱚᱣᱟᱜ ᱫᱩᱞᱟᱹᱲ ᱥᱚᱫᱚᱨ ᱞᱟᱹᱜᱤᱫ ᱱᱚᱣᱟ ᱵᱟᱦᱟ ᱴᱷᱟᱶ ᱮ ᱧᱟᱢ ᱟᱠᱟᱫᱟ ᱾

ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱢ ᱧᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨ ᱜᱩᱞᱟᱹᱯ ᱵᱟᱦᱟ ᱨᱮ ᱟᱹᱰᱤᱜᱟᱱ ᱵᱷᱤᱴᱟᱢᱤᱱ 'ᱥᱤ' ᱢᱮᱱᱟᱜ-ᱟ, ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱫᱚ ᱡᱟᱢ, ᱡᱮᱞᱤ ᱟᱨ ᱪᱟ ᱠᱚᱨᱮ ᱠᱚ ᱢᱮᱥᱟᱭᱟ ᱾ ᱜᱩᱞᱟᱹᱯ ᱵᱟᱦᱟ ᱠᱷᱚᱱ ᱯᱷᱚᱨᱟᱥᱤ ᱦᱚᱲ ᱫᱚ 'ᱨᱚᱡᱽ ᱥᱤᱨᱟᱯ' ᱠᱚ ᱵᱮᱣᱟᱣ ᱛᱟᱦᱮᱸᱫ ᱾ ᱟᱢᱮᱨᱤᱠᱟ ᱨᱤᱱ ᱦᱚᱲ ᱫᱚ ᱚᱱᱟ ᱨᱚᱡᱽ ᱥᱤᱨᱚᱯ ᱠᱮᱠ ᱛᱮᱭᱟᱨ ᱡᱚᱠᱷᱟᱜ ᱠᱚ ᱢᱮᱥᱟᱭᱟ ᱾

ᱥᱟᱥᱟᱝ ᱜᱩᱞᱟᱹᱯ

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]