ᱞᱟᱛᱟᱨ ᱥᱩᱵᱚᱱᱥᱤᱨᱤ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱞᱟᱛᱟᱨ ᱥᱩᱵᱚᱱᱥᱤᱨᱤ ᱦᱚᱱᱚᱛ
ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱞᱟᱛᱟᱨ ᱥᱩᱵᱚᱱᱥᱤᱨᱤ ᱨᱮᱭᱟᱜ ᱞᱳᱠᱮᱥᱚᱱ
ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱞᱟᱛᱟᱨ ᱥᱩᱵᱚᱱᱥᱤᱨᱤ ᱨᱮᱭᱟᱜ ᱞᱳᱠᱮᱥᱚᱱ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱚᱨᱩᱬᱟᱪᱚᱞ ᱯᱨᱚᱫᱮᱥ
ᱢᱩᱠᱷᱤᱭᱟᱹᱥᱟᱲᱟ ᱡᱤᱨᱳ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)
 • Total ᱘᱒,᱘᱓᱙[᱑]
ᱦᱚᱲ ᱮᱞᱮᱞ
 • ᱥᱮᱪᱮᱫ 76.3%[᱑]
 • ᱡᱟᱱᱟᱝ ᱡᱟᱹᱱᱤ 975[᱑]
IST (UTC+05:30)
ᱣᱮᱵᱽᱥᱟᱭᱤᱴ lowersubansiri.nic.in

ᱞᱟᱛᱟᱨ ᱥᱩᱵᱚᱱᱥᱤᱨᱤ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱡᱤᱨᱳ ᱠᱟᱱᱟ ᱾

ᱞᱟᱛᱟᱨ ᱥᱩᱵᱟᱱᱥᱤᱨᱤ ᱫᱚ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱟᱹᱰᱤ ᱜᱮ ᱪᱚᱨᱚᱠ ᱦᱚᱱᱚᱛ ᱠᱟᱱᱟ ᱾ ᱟᱡᱟᱜ ᱥᱤᱨᱫᱚᱱᱮᱛ ᱪᱚᱨᱚᱠ ᱞᱟᱹᱜᱤᱫ ᱦᱚᱲ ᱟᱹᱰᱤ ᱠᱚ ᱜᱚᱨᱚᱡᱟᱜ-ᱟ ᱾ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱵᱤᱨ, ᱱᱟᱹᱭ ᱟᱨ ᱜᱷᱟᱹᱴᱤ ᱠᱚᱦᱚᱸ ᱢᱮᱱᱟᱜ-ᱟ ᱾ ᱚᱱᱟ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱨᱩᱯ ᱨᱚᱝ ᱧᱮᱞ ᱡᱚᱝ ᱥᱟᱸᱜᱷᱟᱨᱤᱭᱟᱹ ᱦᱚᱲ ᱠᱚ ᱟᱹᱰᱤ ᱠᱚ ᱠᱩᱥᱤᱜ-ᱟ ᱾ ᱱᱚᱰᱮᱱᱟᱜ ᱵᱤᱨ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱟᱨ ᱱᱚᱣᱟ ᱵᱤᱨ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱵᱤᱨ ᱡᱟᱱᱣᱟ ᱠᱚ ᱟᱹᱰᱤ ᱵᱷᱟᱹᱜᱤ ᱥᱟᱺᱦᱤᱡ ᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱱᱚᱣᱟ ᱵᱤᱨ ᱨᱮᱫᱚ ᱧᱮᱧᱮᱞᱤᱭᱟᱹ ᱠᱚ ᱪᱮᱴᱨᱟ, ᱦᱟᱰᱜᱟᱨ, ᱯᱩᱥᱤ, ᱵᱟᱱᱟ, ᱵᱤᱨ ᱥᱩᱠᱨᱤ ᱟᱨ ᱡᱤᱞ ᱮᱢᱟᱱ ᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱵᱤᱨ ᱥᱟᱶ ᱥᱟᱶᱛᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱱᱚᱰᱮᱱᱟᱜ ᱟᱹᱰᱤ ᱜᱟᱱ ᱪᱚᱨᱚᱠ ᱱᱟᱹᱭ ᱜᱟᱰᱟ ᱦᱚᱸ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱱᱟᱹᱭ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱫᱟᱜ ᱨᱮ ᱠᱷᱤᱞᱚᱲ ᱨᱮᱭᱟᱜ ᱨᱟᱹᱥᱠᱟᱹ ᱦᱚᱸᱠᱚ ᱦᱟᱛᱟᱣ ᱫᱟᱲᱮᱭᱟᱜ-ᱟ ᱾ ᱱᱚᱰᱮ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱜᱟᱱ ᱵᱩᱨᱩ ᱞᱚᱫᱚᱢ ᱟᱨ ᱪᱟᱴᱟᱱᱤ ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱠᱚᱨᱮ ᱠᱷᱚᱱ ᱥᱚᱞᱤᱱ ᱫᱚ ᱡᱚᱛᱚ ᱠᱷᱚᱱ ᱥᱚᱨᱮᱥ ᱞᱚᱫᱚᱢ ᱠᱟᱱᱟ ᱾ ᱞᱟᱛᱟᱨ ᱥᱩᱵᱟᱱᱥᱤᱨᱤ ᱨᱮᱭᱟᱜ ᱢᱩᱠᱷᱤᱭᱟᱥᱟᱲᱟ ᱫᱚ ᱡᱤᱨᱳ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱢᱩᱠᱷᱤᱭᱟᱹᱥᱟᱲᱟ ᱦᱚᱸ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱱᱚᱰᱮ ᱫᱚ ᱢᱩᱬᱩᱛ ᱞᱮᱠᱟᱛᱮ ᱦᱳᱲᱳ ᱠᱚ ᱪᱟᱥᱟ ᱾ ᱦᱳᱲᱳ ᱪᱟᱥ ᱥᱟᱶᱛᱮ ᱱᱚᱰᱮ ᱫᱚ ᱟᱹᱰᱤ ᱵᱟᱹᱲᱛᱤ ᱦᱟᱹᱠᱩ ᱴᱟᱥ ᱦᱚᱸ ᱦᱩᱭᱚᱜ-ᱟ ᱾ ᱴᱚᱴᱷᱟᱣᱟᱨᱤ ᱵᱚᱥᱠᱚᱫᱤᱭᱟᱹ ᱠᱚᱫᱚ ᱚᱯᱟᱛᱟᱱᱤ ᱧᱩᱛᱩᱢ ᱛᱮ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱠᱚᱣᱟ ᱾ ᱱᱩᱠᱩ ᱫᱚ ᱥᱤᱨᱡᱚᱱ ᱨᱤᱱ ᱵᱚᱸᱜᱟ ᱵᱳᱨᱳ ᱠᱚ ᱫᱮᱵᱟᱥᱮᱵᱟ ᱠᱚᱣᱟ ᱾ ᱱᱩᱠᱩ ᱦᱚᱲ ᱠᱚᱣᱟᱜ ᱢᱩᱠᱷᱤᱭᱟᱹ ᱠᱟᱹᱢᱤ-ᱫᱷᱚᱸᱫᱟ ᱫᱚ ᱪᱟᱥᱵᱟᱥ ᱟᱨ ᱛᱤ ᱛᱮ ᱵᱮᱱᱟᱣᱟᱜ ᱡᱟᱭ ᱨᱮ ᱾ ᱱᱩᱠᱩᱣᱟᱜ ᱞᱟᱠᱪᱟᱨ ᱦᱚᱸ ᱟᱹᱰᱤ ᱜᱮ ᱨᱚᱝ ᱨᱚᱸᱜᱟᱣᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱩᱠᱩᱣᱟᱜ ᱞᱟᱠᱪᱟᱨ ᱫᱚ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱥᱮᱨᱢᱟ ᱨᱮ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱯᱟᱨᱟᱵᱽ ᱯᱩᱱᱟᱹᱭ ᱦᱚᱸᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱚᱱᱟ ᱯᱟᱨᱟᱵᱽ ᱯᱩᱱᱟᱹᱭ ᱠᱚᱨᱮ ᱠᱷᱚᱱ ᱢᱭᱟᱠᱳ, ᱢᱩᱨᱩᱸᱜᱽ, ᱟᱨ ᱰᱨᱤ ᱮᱢᱟᱣ ᱢᱩᱬᱩᱛ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱡᱩᱫᱤ ᱠᱚ ᱢᱚᱱᱮᱨᱮ ᱱᱚᱣᱟ ᱯᱟᱨᱟᱵᱽ ᱯᱩᱱᱟᱹᱭ ᱨᱮ ᱥᱮᱞᱮᱫ ᱦᱚᱸᱠᱚ ᱥᱮᱞᱮᱫ ᱫᱟᱲᱮᱭᱟᱜ-ᱟ ᱾

ᱢᱩᱠᱷᱤᱭᱟᱹ ᱢᱩᱦᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱤᱞᱮ ᱯᱟᱠᱷᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱤᱞᱮ ᱯᱟᱠᱷᱚ ᱫᱚ ᱱᱚᱰᱮᱱᱟᱜ ᱦᱚᱲ ᱜᱚᱨᱚᱡᱟᱱᱟᱜ ᱢᱤᱫ ᱧᱮᱢᱮᱞ ᱴᱚᱴᱷᱟ ᱠᱟᱱᱟ ᱾ ᱱᱚᱰᱮᱱᱟᱜ ᱥᱮᱛᱟᱜ ᱫᱚ ᱟᱹᱰᱤ ᱜᱮ ᱢᱚᱱ ᱢᱩᱦᱤᱛᱟᱱᱟᱜ-ᱟ ᱟᱨ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮ ᱟᱹᱰᱤᱜᱟᱱ ᱪᱚᱨᱚᱠ ᱪᱚᱨᱚᱠ ᱪᱮᱬᱮ ᱪᱤᱯᱨᱩᱜ ᱠᱚ ᱟᱨ ᱪᱟᱸᱫᱚ ᱨᱟᱠᱟᱵ ᱨᱮᱭᱟᱜ ᱥᱚᱨᱮᱥ ᱪᱤᱛᱟᱹᱨ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱩᱠᱩ ᱪᱮᱬᱮ ᱪᱩᱯᱨᱩᱜ ᱠᱚ ᱪᱷᱟᱰᱟ ᱠᱟᱛᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮ ᱦᱮᱢᱟᱞ ᱵᱩᱨᱩ ᱨᱮᱭᱟᱜ ᱵᱚᱨᱚᱯᱷ ᱛᱮ ᱫᱟᱯᱟᱞ ᱟᱠᱟᱱ ᱟᱹᱰᱤ ᱪᱚᱨᱚᱠ ᱪᱚᱴᱟᱛ ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱪᱚᱴᱟᱛ ᱠᱚᱫᱚ ᱱᱟᱭᱤᱢᱮ ᱯᱮᱢᱵᱩ ᱧᱩᱛᱩᱢ ᱛᱮ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ-ᱟ ᱾ ᱠᱤᱞᱮ ᱯᱟᱠᱷᱚ ᱫᱚ ᱡᱤᱨᱳ ᱠᱷᱚᱱ ᱗ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾

ᱯᱟᱭᱤᱱ ᱜᱽᱨᱩᱵᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱡᱤᱨᱳ ᱠᱷᱚᱱ ᱯᱮ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱰᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱟᱹᱰᱤ ᱪᱚᱨᱚᱠ ᱯᱟᱭᱤᱱ ᱫᱟᱨᱮ ᱨᱮᱭᱟᱜ ᱨᱩᱯ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱫᱚ ᱰᱤᱥᱮᱢᱵᱚᱨ ᱑᱙᱖᱑ ᱥᱟᱞᱮᱨᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾

ᱢᱤᱰᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱰᱮ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱢᱚᱥᱛᱚ ᱥᱚᱛᱱᱤ ᱯᱤᱥᱟ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱫᱚ ᱯᱟᱭᱤᱱ ᱫᱟᱨᱮ ᱠᱟᱱᱟ ᱟᱨ ᱱᱚᱣᱟ ᱫᱚ ᱟᱯᱟᱛᱟᱱᱤ ᱜᱷᱟᱹᱴᱤ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱨᱮᱭᱟᱜ ᱜᱩᱸᱰ ᱨᱮᱭᱟᱜ ᱰᱟᱭᱟᱢᱤᱴᱚᱨ ᱫᱚ ᱥᱩᱨ ᱥᱩᱯᱩᱨ ᱗ ᱢᱤᱴᱚᱨ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱡᱤᱨᱳ ᱠᱷᱚᱱ ᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾

ᱡᱤᱨᱳ ᱯᱩᱴᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱢᱤᱫ ᱵᱩᱨᱩ ᱠᱟᱱᱟ ᱟᱨ ᱱᱚᱣᱟ ᱫᱚ ᱡᱤᱨᱳ ᱯᱩᱴᱩ ᱪᱷᱟᱰᱟ ᱠᱟᱛᱮ ᱟᱨᱢᱤ ᱯᱩᱴᱩ ᱧᱩᱛᱩᱢ ᱛᱮᱦᱚᱸ ᱦᱚᱲ ᱠᱚ ᱵᱟᱰᱟᱭ ᱫᱟᱲᱮᱭᱟᱜ-ᱟ ᱾ ᱯᱷᱩᱨᱜᱟᱹᱞ ᱛᱟᱭᱚᱢ ᱱᱚᱰᱮ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱯᱩᱭᱞᱩ ᱯᱨᱚᱥᱟᱥᱚᱱᱤᱭᱟᱹ ᱛᱟᱞᱢᱟ ᱞᱮᱠᱟᱛᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱤᱱᱟᱹ ᱛᱟᱭᱚᱢ ᱖ ᱜᱮᱞᱟᱝ ᱨᱮ ᱱᱚᱰᱮ ᱫᱚ ᱥᱮᱱᱟ ᱠᱚ ᱞᱟᱹᱜᱤᱫ ᱠᱮᱸᱯ ᱦᱚᱸ ᱵᱮᱱᱟᱣ ᱦᱩᱭ ᱮᱱᱟ ᱾ ᱱᱚᱰᱮ ᱠᱷᱚᱱ ᱯᱩᱨᱟᱹ ᱦᱚᱱᱚᱛ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱨᱩᱯ ᱨᱚᱝ ᱧᱮᱞ ᱜᱟᱱ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱵᱩᱨᱩ ᱞᱟᱛᱟᱨ ᱨᱮ ᱩᱰᱟᱹᱱ ᱟᱰᱟ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾

ᱰᱳᱞᱳ ᱢᱟᱰᱳ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱯᱳᱞᱤ ᱠᱷᱚᱱ ᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱰᱳᱞᱳ-ᱢᱟᱰᱳ ᱫᱚ ᱰᱳᱞᱳ ᱟᱨ ᱢᱟᱰᱳᱣᱟᱜ ᱫᱩᱯᱩᱞᱟᱹᱲ ᱥᱟᱹᱜᱟᱹᱭ ᱞᱟᱹᱜᱤᱫ ᱧᱩᱛᱩᱢ ᱮ ᱟᱢᱮᱴ ᱟᱠᱟᱫ-ᱟ ᱾ ᱱᱚᱣᱟ ᱫᱮ ᱧᱮᱞ ᱡᱚᱝ ᱨᱮ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱱᱚᱰᱮ ᱠᱷᱚᱱ ᱡᱤᱨᱳ ᱟᱨ ᱦᱚᱯᱳᱞᱤ ᱵᱟᱡᱟᱨ ᱨᱮᱭᱟᱜ ᱪᱮᱦᱨᱟᱱ ᱪᱤᱛᱟᱹᱨ ᱧᱮᱞ ᱜᱟᱱᱚᱜ-ᱟ ᱾

ᱰᱤ.ᱟᱭᱤ.ᱥᱤ.[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱨᱮᱭᱟᱜ ᱯᱩᱨᱟᱹ ᱧᱩᱛᱩᱢ ᱫᱚ ᱰᱤᱥᱴᱨᱤᱠᱴ ᱤᱱᱰᱚᱥᱴᱨᱤᱡᱽ ᱥᱮᱱᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱡᱤᱨᱳ ᱠᱷᱚᱱ ᱫᱚ ᱑ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱰᱮ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱴᱚᱴᱷᱟᱣᱟᱨᱤ ᱵᱚᱥᱠᱚᱫᱤᱭᱟᱹ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱛᱤᱛᱮ ᱵᱮᱱᱟᱣ ᱡᱤᱱᱤᱥ ᱟᱨ ᱦᱚᱸ ᱮᱴᱟᱜ ᱟᱹᱡᱤ ᱞᱮᱠᱟᱱ ᱪᱮᱦᱨᱟᱱ ᱥᱟᱢᱟᱱ ᱠᱚ ᱧᱮᱞ ᱟᱨ ᱠᱚ ᱠᱤᱨᱤᱧ ᱫᱟᱲᱮᱭᱟᱜ-ᱟ ᱾

ᱛᱟᱨᱤᱱ ᱦᱟᱹᱠᱩ ᱯᱷᱟᱨᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱦᱟᱹᱠᱩ ᱯᱷᱟᱨᱢ ᱫᱚ ᱦᱚᱯᱳᱞᱤ ᱠᱷᱚᱱ ᱓.᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱟᱨ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱣᱟ ᱯᱷᱟᱨᱢ ᱫᱚ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱱᱚᱰᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱟᱹᱰᱤ ᱞᱮᱠᱟᱱ ᱡᱟᱹᱛ ᱨᱤᱱ ᱦᱟᱹᱠᱩ ᱠᱚ ᱧᱮᱞ ᱫᱟᱲᱮᱭᱟ ᱠᱚᱣᱟ ᱾

ᱴᱮᱞᱤ ᱵᱤᱨ ᱡᱟᱱᱣᱟ ᱡᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤᱨᱳ ᱠᱷᱚᱱ ᱓᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱴᱮᱞᱤ ᱵᱤᱨ ᱡᱟᱱᱣᱟ ᱡᱩ ᱫᱚ ᱟᱹᱰᱤ ᱜᱮ ᱪᱚᱨᱚᱠ-ᱟ ᱾ ᱱᱚᱣᱟ ᱡᱩ ᱨᱮᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱞᱮᱠᱟᱱ ᱫᱟᱨᱮ ᱱᱟᱹᱬᱤ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱠᱚ ᱥᱟᱶ ᱥᱟᱶᱛᱮ ᱱᱚᱰᱮ ᱫᱚ ᱢᱟᱫ ᱡᱷᱩᱲ ᱦᱚᱸ ᱧᱮᱞ ᱡᱚᱝ ᱨᱮ ᱧᱟᱢᱚᱜ-ᱟ ᱾

ᱦᱚᱲ ᱮᱞᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞᱥᱚᱝ ᱱᱟᱜᱟᱢ
YearPop.±% p.a.
᱑᱙᱖᱑᱒᱓,᱙᱕᱐—    
᱑᱙᱗᱑᱓᱐,᱘᱒᱓+2.56%
᱑᱙᱘᱑᱓᱕,᱔᱐᱕+1.40%
᱑᱙᱙᱑᱔᱓,᱑᱔᱘+2.00%
᱒᱐᱐᱑᱕᱕,᱗᱒᱖+2.59%
᱒᱐᱑᱑᱘᱓,᱐᱓᱐+4.07%
source:[᱒]

ᱥᱤᱧᱚᱛ ᱨᱮ ᱒᱐᱑᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱞᱟᱛᱟᱨ ᱥᱩᱵᱚᱱᱥᱤᱨᱤ ᱦᱚᱱᱚᱛ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱘᱒,᱘᱓᱙ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱓]ᱡᱟᱦᱟᱸ ᱫᱚ ᱥᱩᱨ ᱥᱩᱯᱩᱨ ᱟᱱᱰᱚᱨᱟ ᱫᱤᱥᱚᱢ ᱥᱟᱶ ᱥᱚᱢᱟᱱ ᱜᱮᱭᱟ ᱾ [᱔]ᱱᱚᱣᱟ ᱫᱚ ᱥᱤᱧᱚᱛ ᱨᱮ ᱖᱒᱓ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱟᱠᱟᱫ-ᱟ (ᱡᱚᱛᱚ ᱛᱮ ᱖᱔᱐ ᱠᱷᱚᱱ) ᱾ [᱓] ᱜᱮᱞ ᱥᱮᱨᱢᱟ ᱒᱐᱐᱑-᱒᱐᱑᱑ ᱵᱷᱤᱛᱨᱤ ᱨᱮ ᱱᱚᱰᱮᱱᱟᱜ ᱦᱚᱲ ᱮᱞᱮᱞ ᱵᱟᱰᱷᱟᱣ ᱫᱚᱨ ᱫᱚ ᱔᱘.᱖᱓% ᱾[᱓]ᱞᱟᱛᱟᱨ ᱥᱩᱵᱚᱱᱥᱤᱨᱤ ᱨᱮᱭᱟᱜ ᱡᱟᱱᱟᱝ ᱡᱟᱹᱱᱤ ᱫᱚ ᱑᱐᱐᱐ ᱠᱚᱲᱟ ᱦᱚᱯᱚᱱ ᱯᱤᱪᱷᱟᱹ ᱙᱗᱕ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ [᱓]ᱟᱨ ᱚᱸᱰᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱗᱖.᱓᱓% ᱾[᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ ᱑.᱒ "District Census 2011". Census2011.co.in. 
  2. Decadal Variation In Population Since 1901
  3. ᱓.᱐ ᱓.᱑ ᱓.᱒ ᱓.᱓ ᱓.᱔ "District Census 2011". Census2011.co.in. 2011. Retrieved 2011-09-30. 
  4. US Directorate of Intelligence. "Country Comparison:Population". Retrieved 2011-10-01. 198 Andorra 84,825 July 2011 est. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]