ᱟᱵᱽ ᱵᱟᱸᱫᱽ ᱦᱚᱱᱚᱛ
| ᱟᱵᱽ ᱵᱟᱸᱫᱽ آب بند | |
|---|---|
| ᱦᱚᱱᱚᱛ | |
 Ab Band District in light red | |
| ᱫᱤᱥᱚᱢ |  ᱟᱯᱷᱜᱟᱱᱤᱥᱛᱟᱱ |
| Province | Ghazni Province |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2002) |
| • ᱞᱮᱠᱷᱟᱜᱩᱴ | ᱔᱑,᱓᱔᱐ |
ᱟᱵᱽ ᱵᱟᱸᱫᱽ, ᱚᱡᱚᱱᱤ ᱴᱚᱴᱷᱟ, ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾[᱑] ᱱᱚᱶᱟ ᱨᱮᱱᱟᱜ ᱟᱵᱟᱫᱤ ᱡᱟᱦᱟᱸ ᱫᱚ ᱥᱩᱨ ᱥᱩᱯᱩᱨ ᱯᱩᱨᱟᱹ ᱞᱮᱠᱟᱛᱮ ᱯᱚᱥᱛᱩᱱ ᱠᱟᱱᱟ, ᱱᱚᱶᱟ ᱨᱮᱱᱟᱜ ᱚᱱᱢᱟᱱ ᱒᱐᱐᱒ ᱨᱮ ᱔᱑,᱓᱔᱐ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱜᱷᱤᱞᱡᱤ ᱯᱚᱥᱛᱩᱱ ᱨᱤᱱ ᱛᱟᱨᱟᱠᱚᱭᱤ ᱡᱚᱱᱡᱟᱹᱛᱤ ᱭᱟᱜ ᱨᱤᱫᱟᱹᱭ ᱢᱟᱴ ᱠᱟᱱᱟ ᱾ [᱒] ᱟᱵᱽ ᱵᱟᱸᱫᱽ ᱫᱚ ᱠᱟᱵᱩᱞ ᱠᱷᱚᱱ ᱠᱚᱸᱫᱷᱟᱨ ᱫᱷᱟᱹᱵᱤᱡ ᱢᱩᱠᱷᱤᱭᱟᱹ ᱥᱚᱲᱚᱠ ᱨᱮ ᱢᱮᱱᱟᱜ-ᱟ ᱾
ᱟᱵᱽ ᱵᱟᱸᱫᱽ ᱫᱚ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱩᱛᱚᱨ ᱟᱨ ᱫᱩᱠᱷᱤᱱ ᱟᱵᱽ ᱵᱟᱸᱫᱽ ᱾ ᱵᱟᱱᱟᱨ ᱛᱟᱞᱟ ᱨᱮ ᱢᱤᱫ ᱜᱤᱛᱤᱞᱢᱟᱴ ᱟᱨ ᱢᱤᱫ ᱱᱟᱹᱭ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱫᱩᱠᱷᱤᱱ ᱨᱮ ᱢᱤᱫ ᱡᱷᱟᱨᱱᱟ ᱨᱮ ᱞᱤᱸᱜᱤᱱᱟ ᱾ ᱱᱤᱛᱚᱜ ᱫᱚ ᱟᱵᱽ ᱵᱟᱸᱫᱽ ᱨᱮᱱᱟᱜ ᱵᱟᱹᱲᱛᱤ ᱟᱹᱛᱩ ᱫᱚ ᱛᱟᱞᱤᱵᱟᱱ ᱨᱮᱱᱟᱜ ᱫᱟᱵᱚᱱ ᱨᱮ ᱢᱮᱱᱟᱜ-ᱟ ; ᱥᱩᱢᱩᱝ ᱦᱚᱱᱚᱛ ᱢᱩᱠᱷᱤᱭᱟᱹᱥᱟᱲᱟ ᱜᱮ ᱥᱚᱨᱠᱟᱨ ᱟᱜ ᱫᱟᱵᱚᱱ ᱨᱮ ᱢᱮᱱᱟᱜ-ᱟ ᱾ ᱟᱵᱽ ᱵᱟᱸᱫᱽ ᱨᱮᱱᱟᱜ ᱫᱚ ᱪᱮᱫ ᱵᱮᱱᱟᱣ ᱯᱚᱨᱛᱚᱱ ᱦᱚᱸ ᱵᱟᱹᱱᱩᱜ ᱟᱱᱟ ᱾ ᱱᱚᱶᱟ ᱨᱮᱱᱟᱜ ᱴᱚᱴᱷᱟᱣᱟᱨᱤ ᱦᱚᱲ ᱫᱤᱱᱟᱹᱢ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱯᱟᱠᱤᱥᱛᱟᱱ ᱟᱨ ᱤᱨᱟᱱ ᱠᱚ ᱥᱮᱱᱚᱜ-ᱟ ᱾ ᱟᱵᱽ ᱵᱟᱸᱫᱽ ᱨᱮᱫᱚ ᱯᱩᱱᱭᱟᱹ ᱧᱩᱛᱩᱢᱟᱱ ᱮᱛᱷᱱᱤᱠ ᱜᱟᱫᱮᱞ ᱵᱚᱥᱠᱚᱫ ᱠᱟᱛᱮ ᱢᱮᱱᱟᱜ ᱠᱚᱣᱟ ᱺ ᱵᱩᱰᱮᱱ ᱠᱷᱤᱞ, ᱱᱟ ᱠᱷᱚ, ᱢᱩᱞ ᱠᱷᱤᱞ ᱟᱨ ᱥᱳᱨᱠᱷᱮᱞ ᱾ ᱟᱵᱽ ᱵᱟᱸᱫᱽ ᱫᱚ ᱟᱡᱟᱜ ᱥᱤᱵᱤᱞ ᱟᱺᱜᱩᱨ ᱞᱟᱹᱜᱤᱫ ᱟᱨ ᱫᱷᱩᱬᱟᱹ ᱞᱟᱹᱜᱤᱫ ᱟᱹᱰᱤ ᱜᱮ ᱧᱩᱛᱩᱢᱟᱱᱟ ᱡᱟᱦᱟᱸ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱵᱮᱯᱟᱨ ᱟᱨ ᱵᱚᱫᱚᱞ ᱞᱟᱹᱜᱤᱫ ᱜᱚᱡᱚᱱᱤ ᱵᱟᱡᱟᱨ ᱟᱨ ᱢᱩᱞᱩᱨ ᱦᱚᱱᱚᱛ ᱠᱚ ᱪᱟᱞᱟᱱ ᱟᱭᱟ ᱾ ᱴᱚᱴᱷᱟᱣᱟᱨᱤ ᱦᱚᱲ ᱞᱟᱹᱜᱤᱫ ᱫᱤᱱᱟᱹᱢ ᱞᱟᱹᱠᱛᱤ ᱵᱟᱠᱷᱨᱟ ᱠᱤᱨᱤᱧ ᱟᱨ ᱯᱩᱲᱥᱤ ᱟᱹᱛᱩ ᱥᱟᱶ ᱧᱟᱯᱟᱢ ᱞᱟᱹᱜᱤᱫ ᱢᱤᱫ ᱦᱩᱰᱤᱧ ᱵᱟᱡᱟᱨ (ᱠᱚᱥᱵᱟ) ᱦᱚᱸ ᱢᱮᱱᱟᱜ-ᱟ ᱾ ᱵᱟᱡᱟᱨ ᱵᱟᱡᱤ ᱟᱨ ᱪᱚᱵᱚᱱᱱᱤ ᱟᱹᱛᱩ ᱨᱮᱱᱟᱜ ᱛᱟᱞᱟ ᱨᱮ ᱢᱮᱱᱟᱜ-ᱟ ᱾
ᱟᱵᱽ ᱵᱟᱸᱫᱽ ᱨᱤᱱ ᱦᱚᱲ ᱫᱚ ᱥᱟᱹᱨᱤ ᱛᱮᱫᱚ ᱨᱮᱸᱜᱮᱡ ᱜᱮᱭᱟ ᱠᱚ; ᱩᱱᱠᱩ ᱫᱚ ᱥᱩᱢᱩᱝ ᱴᱷᱤᱴᱩᱨ ᱨᱟᱵᱟᱝ ᱨᱮᱱᱟᱜ ᱠᱷᱚᱨᱪᱚ ᱠᱚ ᱛᱩᱞᱟᱹᱣ ᱞᱟᱹᱜᱤᱫ ᱛᱮ ᱖ ᱵᱚᱸᱜᱟ ᱫᱷᱟᱹᱵᱤᱡ ᱪᱟᱥᱵᱟᱥ ᱨᱮᱠᱚ ᱦᱟᱨᱠᱮᱛᱚᱜ-ᱟ ᱟᱨ ᱠᱚ ᱠᱟᱹᱢᱤᱭᱟ ᱾
ᱫᱟᱜ ᱨᱮᱱᱟᱜ ᱞᱤᱸᱜᱤᱱ ᱫᱚ ᱠᱟᱨᱤᱡᱽᱥ ᱜᱮᱭᱟ ( ᱢᱤᱫ ᱰᱷᱚᱰᱟ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱔-᱕ ᱢᱤᱴᱚᱨ ᱡᱤᱞᱤᱧᱟ ᱟᱨ ᱮᱛᱚᱦᱚᱵ ᱴᱷᱮᱱ ᱫᱚ ᱱᱚᱶᱟ ᱓᱕ ᱢᱤᱴᱚᱨ ᱜᱟᱺᱦᱤᱨ ᱦᱩᱭ ᱫᱟᱲᱮᱭᱟᱜ-ᱟ ᱾ ᱤᱠᱷᱟᱹᱱ ᱫᱟᱜ ᱫᱚ ᱢᱩᱪᱟᱹᱫ ᱴᱷᱟᱺᱭ ᱫᱷᱟᱹᱵᱤᱡ ᱥᱮᱴᱮᱨᱚᱜ ᱜᱮᱭᱟ ᱾ ᱒᱐᱐᱐ ᱨᱮᱱᱟᱜ ᱜᱮᱞᱟᱝ ᱚᱠᱛᱚ ᱨᱮ ᱚᱱᱟ ᱠᱚᱨᱮ ᱠᱷᱚᱱ ᱵᱟᱹᱲᱛᱤ ᱫᱚ ᱨᱚᱦᱚᱲ ᱞᱮᱱ ᱛᱟᱦᱮᱸᱫ ᱟᱨ ᱦᱚᱲ ᱫᱟᱜ ᱯᱟᱹᱭᱤᱯ ᱰᱨᱤᱞ ᱞᱟᱹᱜᱤᱫ ᱠᱚ ᱫᱟᱹᱲ ᱠᱮᱫ-ᱟ ᱾ ᱱᱤᱭᱟᱹ ᱦᱟᱹᱞᱤ ᱟᱨ ᱢᱤᱫ ᱮᱴᱠᱮᱴᱚᱬᱮ ᱢᱮᱱᱟᱜ-ᱟ ᱪᱤ ᱟᱹᱛᱩ ᱦᱚᱲ ᱫᱟᱜ ᱯᱟᱹᱭᱤᱯ ᱛᱮᱦᱚᱸ ᱠᱩᱥᱤ ᱵᱟᱹᱱᱩᱜ ᱠᱚᱣᱟ ᱪᱮᱫᱟᱜ ᱥᱮ ᱱᱚᱶᱟ ᱦᱚᱛᱮᱛᱮ ᱱᱚᱶᱟ ᱴᱚᱴᱷᱟ ᱨᱮᱱᱟᱜ ᱮᱴᱟᱜ ᱠᱚᱨᱤᱡᱽ ᱠᱚ ᱦᱚᱸᱭ ᱨᱚᱦᱚᱲ ᱜᱚᱫ ᱠᱟᱜ-ᱟ ᱾ ᱵᱟᱹᱲᱛᱤ ᱞᱮᱠᱟᱛᱮ ᱪᱮᱫ ᱦᱚᱸ ᱢᱩᱠᱷᱤᱭᱟᱹ ᱥᱚᱲᱚᱠ ᱜᱮ ᱵᱟᱹᱱᱩᱜ-ᱟ ᱾ ᱫᱩᱠᱷᱤᱱ ᱱᱟᱠᱷᱟ ᱨᱮᱫᱚ ᱨᱟᱵᱟᱝ ᱫᱤᱱ ᱥᱩᱨ ᱥᱩᱯᱩᱨ ᱵᱟᱨ ᱟᱨᱵᱟᱝ ᱟᱫᱷᱟ ᱪᱟᱸᱫᱚ ᱫᱷᱟᱹᱵᱤᱡ ᱫᱚ ᱵᱚᱨᱚᱯᱷ ᱛᱮᱜᱮ ᱡᱚᱛᱚ ᱴᱚᱴᱷᱟ ᱮᱥᱮᱫ ᱪᱟᱵᱟᱜ-ᱟ ᱾ ᱦᱚᱲ ᱠᱚ ᱦᱤᱡᱩᱜ ᱥᱮᱱᱚᱜ ᱠᱚ ᱮᱴᱠᱮᱴᱚᱬᱮᱜ ᱠᱷᱟᱹᱛᱤᱨ ᱛᱟᱲᱟᱢ ᱛᱮᱜᱮ ᱠᱚ ᱫᱟᱬᱟᱱᱟ ᱾
ᱵᱩᱨᱩ ᱟᱨ ᱰᱩᱸᱜᱽᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱵᱽ ᱵᱮᱸᱰ ᱨᱮ ᱫᱚ ᱟᱹᱰᱤ ᱱᱟᱯᱟᱭ ᱵᱤᱨ ᱰᱩᱸᱜᱽᱨᱤ ᱟᱨ ᱵᱩᱨᱩ ᱮᱢᱟᱱ ᱠᱚ ᱢᱮᱱᱟᱜ-ᱟ ᱡᱟᱦᱟᱸ ᱞᱮᱠᱟ ᱠᱷᱣᱟᱡᱟ ᱞᱟᱞ ᱵᱩᱨᱩ, ᱡᱟᱨᱪᱟ, ᱞᱟᱠᱟ ᱛᱮᱜᱟ, ᱠᱸᱟᱨ ᱠᱳᱥᱴᱟ ᱵᱩᱨᱩ, ᱡᱮᱜᱚᱭ ᱵᱩᱨᱩ, ᱟᱨ ᱣᱟᱴ ᱜᱷᱚᱨ ᱟᱨ ᱟᱹᱰᱤ ᱠᱟᱹᱴᱤᱡ ᱠᱟᱹᱴᱤᱡ ᱠᱟᱛᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "District Profile" (PDF). UNHCR. Archived from the original (PDF) on 27 October 2005. Retrieved 15 October 2015.
- ↑ Ghazni Province Tribal Map (Page 4). Naval Postgraduate School.
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Map of Settlements[permanent dead link] AIMS, May 2002