ᱠᱚᱨᱟᱪᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱚᱨᱟᱪᱤ

ᱠᱚᱨᱟᱪᱤ (ᱩᱨᱫᱩ: کراچی) ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱟᱨ ᱥᱤᱱᱫᱷ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱑᱙᱕᱘ ᱥᱟᱞᱮ ᱦᱟᱹᱵᱤᱡ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱦᱚᱸ ᱛᱟᱦᱮᱸᱠᱟᱱᱟ ᱾ ᱚᱱᱟ ᱛᱟᱭᱚᱢ ᱨᱟᱡᱽᱜᱟᱲ ᱫᱚ ᱨᱟᱶᱟᱞᱯᱤᱱᱰᱤ ᱛᱮ ᱠᱚ ᱩᱪᱟᱹᱲ ᱞᱮᱫ ᱛᱟᱦᱮᱸᱫ ᱾ ᱒᱐᱑᱗ ᱥᱟᱞᱮ ᱨᱮ ᱑᱗ᱹ᱖᱓ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱵᱟᱥᱟᱜ ᱠᱟᱱ ᱛᱟᱦᱮᱸᱫ ᱠᱚᱨᱟᱪᱤ ᱨᱮ ᱾ ᱱᱚᱶᱟ ᱫᱚ ᱢᱩᱥᱞᱤᱢ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱢᱟᱨᱮ ᱧᱩᱛᱩᱢ ᱫᱚ "ᱢᱟᱭ ᱠᱚᱨᱟᱪᱤ ᱡᱚ ᱜᱚᱛᱷ" ᱟᱨ "ᱠᱟᱨᱟᱛᱷᱤᱥᱤ" ᱛᱟᱦᱮᱸ ᱠᱟᱱᱟ ᱾ ᱠᱚᱨᱟᱪᱤ ᱨᱮ ᱛᱟᱦᱮᱸᱱ ᱠᱟᱱ ᱦᱚᱲ ᱫᱚ ᱠᱚᱨᱟᱪᱤᱛᱤ ᱠᱚ ᱢᱮᱛᱟ ᱠᱚ ᱠᱟᱱᱟ ᱾ ᱠᱩᱶᱟᱫ-ᱤ-ᱟᱡᱟᱢ (ᱢᱚᱦᱢᱚᱫᱽ ᱚᱞᱤ ᱡᱤᱱᱱᱟ), ᱡᱟᱦᱟᱸᱭ ᱫᱚ ᱯᱟᱠᱤᱥᱛᱟᱱ ᱨᱤᱱᱤᱡ ᱡᱟᱹᱛᱤᱭᱟᱹᱨᱤ ᱟᱯᱟᱛ ᱠᱚ ᱢᱮᱴᱟᱭ ᱠᱟᱱᱟ, ᱩᱱᱤ ᱫᱚ ᱠᱚᱨᱟᱰᱤ ᱮ ᱡᱟᱱᱟᱢ ᱠᱟᱴᱮ ᱚᱸᱰᱮ ᱜᱮ ᱜᱚᱡ ᱞᱮᱱ ᱛᱟᱦᱮᱸᱫ ᱾ ᱱᱚᱸᱰᱮ ᱵᱟᱨᱭᱟ ᱞᱟᱹᱠᱛᱤᱭᱟᱱ ᱫᱚᱨᱭᱟᱜᱷᱟᱴ ᱢᱮᱱᱟᱜ-ᱟ ᱾ ᱠᱚᱨᱟᱪᱤ ᱯᱟᱠᱤᱥᱛᱟᱱ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱡᱤᱰᱤᱯᱤ ᱟᱨ ᱡᱟᱹᱛᱤᱭᱟᱹᱨᱤ ᱠᱷᱟᱡᱽᱱᱟᱻᱭ ᱦᱟᱹᱴᱤᱧᱮᱫ-ᱟ ᱾
ᱠᱚᱨᱟᱪᱤ ᱨᱮ ᱫᱚ ᱢᱚᱬᱮ ᱜᱚᱴᱟᱝ ᱦᱚᱱᱚᱛ (district) ᱢᱮᱱᱟᱜ-ᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ- ᱦᱚᱱᱚᱛ ᱠᱚᱧᱮ (District South), ᱦᱚᱱᱚᱛ ᱥᱟᱢᱟᱝ (District East), ᱦᱚᱱᱚᱛ ᱯᱟᱪᱮ (District West),ᱦᱚᱱᱚᱛ ᱛᱟᱞᱢᱟ (District Central) ᱟᱨ ᱦᱚᱱᱚᱛ ᱢᱟᱞᱤᱨ (District Malir) ᱾ ᱱᱟᱜᱟᱨ ᱫᱚ ᱠᱟᱹᱶᱰᱤ ᱟᱨ ᱵᱮᱯᱟᱨ ᱨᱮᱱᱟᱜ ᱛᱟᱞᱢᱟ ᱠᱟᱱᱟ ᱾
ᱠᱚᱨᱟᱪᱤ ᱨᱮ ᱫᱚ ᱠᱚᱨᱟᱪᱤ ᱡᱮᱜᱮᱛᱼᱵᱤᱨᱫᱟᱹᱜᱟᱲ ᱥᱟᱶᱛᱮ ᱒᱖ ᱜᱚᱴᱟᱝ ᱡᱮᱜᱮᱛᱼᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱾ ᱱᱚᱸᱰᱮ ᱫᱳ ᱡᱟᱹᱛᱤᱭᱟᱹᱨᱤ ᱮᱱᱮᱡ ᱰᱟᱹᱦᱤ (stadium) ᱨᱮᱱᱟᱜ ᱜᱷᱟᱨᱟᱚᱡᱽ ᱠᱟᱱᱟ, ᱱᱚᱸᱰᱮ ᱟᱭᱢᱟ ᱠᱨᱤᱠᱮᱴ ᱮᱱᱮᱡ ᱟᱨ ᱮᱴᱟᱜ ᱮᱱᱮᱡ ᱠᱚ ᱦᱚᱸ ᱦᱩᱭᱩᱜ ᱜᱮᱭᱟ ᱾ ᱱᱚᱸᱰᱮ ᱫᱚ ᱛᱤᱢᱤᱱ ᱜᱟᱱ ᱡᱤᱞᱤᱧ ᱫᱚᱨᱭᱟ ᱰᱷᱤᱯ ᱢᱮᱱᱟᱜᱼᱟ, ᱚᱱᱟ ᱠᱚ ᱢᱩᱸᱫ ᱠᱷᱳᱱ ᱠᱮᱢᱟᱨᱤ ᱵᱤᱪ ᱟᱨ ᱥᱟᱱᱰᱥ ᱵᱤᱰ ᱫᱳ ᱧᱩᱛᱩᱢᱟᱱᱟ ᱾ ᱠᱚᱨᱟᱪᱤ ᱮᱛᱚᱦᱚᱵ ᱧᱤᱫᱟᱹ ᱦᱚᱠᱤ ᱮᱱᱮᱡ~ᱮ ᱥᱟᱯᱲᱟᱥᱶ ᱞᱮᱫ ᱛᱟᱦᱮᱸᱫ, ᱚᱱᱟ ᱫᱚ ᱥᱤᱧᱚᱛ ᱟᱨ ᱯᱟᱠᱤᱥᱛᱟᱱ ᱛᱟᱞᱟᱨᱮ ᱑᱙᱘᱖ ᱥᱟᱞᱮᱨᱮ ᱦᱚᱠᱤ ᱠᱞᱚᱵᱽ ᱯᱟᱠᱤᱥᱛᱟᱱ ᱮᱱᱮᱮᱡ ᱰᱟᱹᱦᱤ ᱨᱮ ᱾
ᱠᱚᱨᱟᱪᱤ ᱨᱮ ᱟᱭᱢᱟ ᱦᱩᱰᱤᱧ ᱟᱨ ᱢᱟᱨᱟᱝ ᱦᱟᱴ (ᱥᱚᱯᱤᱝ) ᱮᱞᱟᱠᱟ ᱢᱮᱱᱟᱜ-ᱟ ᱾ ᱚᱱᱟ ᱠᱚ ᱢᱩᱸᱫ ᱠᱷᱚᱱ ᱰᱟᱶᱩᱱ ᱴᱟᱶᱩᱱ ᱠᱚᱨᱟᱪᱤ ᱨᱮ ᱥᱚᱫᱚᱨ ᱮᱞᱟᱠᱟ ᱮᱢᱟᱱ ᱮᱢᱟᱱ ᱾ ᱱᱮᱛᱟᱨ ᱟᱭᱢᱟ ᱢᱚᱰᱮᱨᱱ ᱥᱚᱯᱤᱝ ᱢᱳᱞ ᱠᱚ ᱵᱮᱱᱟᱶ ᱟᱠᱟᱫ-ᱟ ᱾ ᱱᱟᱜᱟᱨ ᱨᱮ ᱢᱚᱰᱮᱨᱱ ᱡᱮᱼᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱜᱷᱟᱴ ᱦᱚᱸ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱡᱤᱱᱱᱟ ᱡᱮᱼᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱜᱷᱟᱴ ᱠᱚ ᱢᱮᱛᱟᱜ ᱠᱟᱱᱟ ᱟᱨ ᱵᱟᱨᱭᱟ ᱡᱟᱦᱟᱡᱽ ᱜᱷᱟᱴ ᱠᱚᱨᱟᱪᱤ ᱟᱨ ᱠᱶᱟᱥᱤᱢ ᱨᱮ ᱢᱮᱱᱟᱜᱼᱟ ᱾ ᱠᱚᱨᱟᱪᱤ ᱫᱚ ᱨᱮᱞ ᱦᱚᱨ ᱛᱮ ᱛᱚᱯᱚᱞ ᱟᱠᱟᱱᱟ ᱯᱟᱠᱤᱥᱛᱟᱱ ᱨᱮᱱᱟᱜ ᱮᱱᱟᱜ ᱱᱟᱜᱟᱨ ᱠᱚ ᱥᱟᱞᱟᱜ ᱾

ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱨᱟᱪᱤ ᱫᱚ ᱑᱗᱒᱙ ᱥᱟᱞᱮ ᱨᱮ ᱵᱮᱨᱮᱫ ᱞᱮᱱᱟ ᱠᱚᱞᱟᱪᱤ ᱰᱮᱨᱟᱭᱮᱱᱛᱮ ᱾ ᱱᱚᱶᱟ ᱰᱮᱨᱟ ᱫᱚ ᱢᱟᱭ ᱠᱚᱞᱟᱪᱤ ᱭᱟᱜ ᱢᱟᱹᱱ ᱞᱮᱠᱟᱛᱮ ᱧᱩᱢ ᱠᱚ ᱫᱚᱦᱚ ᱠᱮᱫ-ᱟ, ᱱᱚᱸᱰᱮ ᱛᱟᱦᱮᱸᱱ ᱠᱟᱱ ᱦᱚᱲ ᱫᱚ ᱤᱝᱞᱤᱥ ᱛᱮ ᱠᱚᱨᱟᱪᱤᱛᱤ ᱟᱨ ᱩᱨᱫᱩ ᱛᱮ ᱠᱚᱨᱟᱪᱤᱶᱟᱞᱟ ᱠᱚ ᱢᱮᱛᱟ ᱠᱚ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]