ᱠᱨᱤᱠᱮᱴ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Cricket
Eden Gardens under floodlights during a match.jpg
Eden Gardens, India under floodlights during 2016 ICC World Twenty20 Final
Highest governing body International Cricket Council
First played 16th century; South-East England
Characteristics
Contact no
Team members 11 players per side (substitutes permitted in some circumstances)
Mixed gender yes, separate competitions
Type Team sport, Bat-and-Ball
Equipment Cricket Ball, Cricket Bat, Wicket (Stumps, Bails), Various protective equipment
Venue Cricket Field
Glossary Glossary of cricket terms
Presence
Country or region Worldwide but most prominent in the Indian subcontinent(Pakistan, India, Bangladesh, Sri Lanka and Afghanistan), Australasia, British Isles, Southern Africa and the West Indies
Olympic (1900 Summer Olympics only)

ᱠᱨᱤᱠᱮᱴ ᱠᱷᱮᱞᱚᱸᱰ ᱟᱨᱵᱟᱝ ᱮᱱᱮᱡ ᱥᱟᱶ ᱫᱚ ᱢᱟᱹᱱᱢᱤᱭᱟᱜ ᱟᱹᱰᱮ ᱜᱟᱺᱦᱤᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱠᱷᱮᱞᱚᱸᱰ ᱥᱟᱶ ᱫᱚ ᱢᱟᱹᱱᱢᱤᱭᱟᱜ ᱥᱟᱹᱜᱟᱹᱭ ᱟᱹᱰᱤ ᱡᱩᱜᱽ ᱢᱟᱬᱟᱝ ᱠᱷᱚᱱ ᱜᱮ ᱢᱮᱱᱟᱜ ᱟᱹᱜᱩ ᱟᱠᱟᱜᱼᱟ ᱾ ᱚᱱᱟᱛᱮ ᱟᱹᱰᱤ ᱞᱮᱠᱟᱱ ᱦᱚᱲ ᱞᱮᱠᱟᱱ-ᱞᱮᱠᱟᱱ ᱠᱷᱮᱞᱚᱸᱰ ᱨᱮ ᱫᱟᱣ ᱠᱚ ᱦᱟᱛᱟᱣᱟ ᱾ ᱢᱮᱞᱟᱱ ᱥᱮᱨᱢᱟ ᱞᱟᱛᱟᱨ ᱢᱮᱞᱟᱱ ᱜᱚᱰᱟᱨᱮ ᱦᱚᱠᱤ, ᱪᱤᱸᱰᱩ (ᱯᱷᱩᱴᱵᱚᱞ), ᱵᱷᱚᱞᱤᱵᱚᱞ, ᱠᱨᱤᱠᱮᱴ, ᱟᱨ ᱵᱮᱰᱢᱤᱱᱴᱚᱱ ᱮᱢᱟᱱ ᱠᱚ ᱮᱱᱮᱡᱼᱟ ᱾ ᱱᱚᱶᱟ ᱠᱷᱮᱞᱚᱸᱰ ᱛᱟᱞᱟ ᱠᱷᱚᱱ ᱠᱨᱤᱠᱮᱴ ᱮᱱᱮᱡ ᱜᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱧᱩᱛᱩᱢ ᱮ ᱟᱢᱮᱴ ᱟᱠᱟᱜᱼᱟ ᱾ ᱟᱹᱛᱩ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱵᱟᱡᱟᱨ ᱫᱷᱟᱹᱵᱤᱡ ᱡᱚᱛᱚ ᱴᱚᱴᱷᱟ ᱨᱮᱜᱮ ᱠᱨᱤᱠᱮᱴ ᱟᱡᱟᱜ ᱴᱷᱟᱶ ᱮ ᱟᱴᱮᱫ ᱟᱹᱪᱩᱨ ᱟᱠᱟᱜᱼᱟ ᱾

ᱧᱩᱛᱩᱢ ᱟᱢᱮᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱨᱤᱠᱮᱴ ᱫᱚ ᱤᱸᱜᱽᱞᱚᱸᱰ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱠᱷᱮᱞᱚᱸᱰ ᱾ ᱱᱤᱛᱚᱜ ᱫᱚ ᱮᱴᱟᱫ ᱫᱤᱥᱚᱢ ᱨᱤᱱ ᱠᱷᱮᱞᱚᱸᱰ ᱫᱩᱞᱟᱹᱲᱤᱭᱟᱹ ᱠᱚᱦᱚᱸ ᱱᱚᱶᱟ ᱮᱱᱮᱡ ᱥᱮᱫ ᱟᱹᱰᱤ ᱡᱩᱨ ᱠᱚ ᱴᱟᱱᱟᱣ ᱟᱠᱟᱱᱟ ᱾ ᱵᱷᱟᱨᱚᱛ, ᱯᱟᱠᱤᱥᱛᱟᱱ, ᱵᱟᱸᱜᱽᱞᱟᱫᱮᱥ, ᱥᱨᱤᱞᱚᱝᱠᱟ, ᱚᱥᱴᱨᱮᱞᱤᱭᱟ, ᱱᱭᱩᱡᱤᱞᱟᱸᱰ, ᱣᱮᱥᱴ ᱤᱱᱰᱤᱡᱽ ᱟᱨ ᱡᱤᱢᱵᱟᱣᱣᱮ ᱟᱹᱰᱤ ᱫᱤᱥᱚᱢ ᱨᱮ ᱱᱚᱶᱟ ᱨᱮᱭᱟᱜ ᱫᱩᱞᱟᱹᱲ ᱵᱟᱹᱲᱛᱤ ᱜᱮᱭᱟ ᱾ ᱢᱚᱱᱛᱨᱤ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱢᱩᱞᱤᱭᱟᱹ ᱫᱷᱟᱹᱵᱤᱡ ᱡᱚᱛᱚ ᱞᱮᱠᱟᱱ ᱦᱚᱲ ᱜᱮ ᱱᱚᱶᱟ ᱮᱱᱮᱡ ᱟᱡ ᱥᱮᱫ ᱮ ᱢᱩᱦᱱᱤ ᱟᱠᱟᱫ ᱠᱚᱣᱟ ᱾ ᱯᱟᱹᱴᱷᱩᱣᱟᱹ ᱠᱩᱲᱤ ᱠᱚᱲᱟ ᱜᱤᱫᱽᱨᱟᱹ ᱟᱹᱰᱤ ᱨᱟᱹᱥᱠᱟᱹ ᱥᱟᱶᱛᱮ ᱱᱚᱶᱟ ᱠᱷᱮᱞᱚᱸᱰ ᱠᱚ ᱧᱮᱞᱟ ᱾ ᱫᱤᱥᱚᱢ ᱮᱴᱟᱜ ᱫᱤᱥᱚᱢ ᱨᱮ ᱥᱟᱯᱲᱟᱣᱜ ᱠᱟᱱ ᱱᱚᱶᱟ ᱠᱨᱤᱠᱮᱴ ᱠᱷᱮᱞᱚᱸᱰ ᱦᱮᱯᱨᱟᱣ ᱧᱮᱞ ᱞᱟᱹᱜᱤᱫ ᱛᱮ ᱴᱤᱠᱮᱴ ᱠᱤᱨᱤᱧ ᱛᱟᱞᱢᱟ ᱠᱚᱨᱮ ᱟᱹᱰᱤ ᱵᱟᱹᱲᱛᱤ ᱦᱚᱲ ᱵᱷᱤᱲ ᱦᱩᱭᱩᱜ ᱠᱟᱱᱟ ᱾ ᱡᱟᱦᱟᱸᱭ ᱠᱷᱮᱞᱚᱸᱰ ᱯᱩᱲᱤᱭᱟᱹ ᱥᱮᱱᱚᱜ ᱞᱟᱹᱜᱤᱫ ᱫᱟᱣ ᱵᱟᱠᱚ ᱧᱟᱢᱮᱜᱼᱟ, ᱩᱱᱠᱩ ᱫᱚ ᱠᱷᱮᱞᱚᱸᱰ ᱚᱠᱛᱚ ᱨᱮ ᱨᱚᱲᱭᱚᱢ ᱟᱨ ᱧᱮᱱᱮᱞᱚᱢ ᱥᱩᱨ ᱨᱮ ᱫᱩᱲᱩᱵ ᱠᱟᱛᱮ ᱠᱷᱮᱞᱚᱸᱰ ᱨᱮᱭᱟᱜ ᱨᱟᱹᱥᱠᱟᱹ ᱠᱚ ᱢᱟᱨᱠᱷᱚᱛ ᱮᱫ ᱛᱟᱠᱚᱣᱟ ᱾

ᱠᱷᱮᱞᱚᱸᱰ ᱢᱟᱴ, ᱥᱟᱢᱟᱱ ᱟᱨ ᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫ ᱟᱹᱰᱤ ᱢᱟᱨᱟᱝ ᱠᱷᱮᱞᱚᱸᱰ ᱜᱚᱰᱟᱨᱮ ᱱᱚᱶᱟ ᱠᱷᱮᱞ ᱫᱚ ᱥᱟᱯᱲᱟᱣ ᱦᱩᱭᱩᱜᱼᱟ ᱾ ᱵᱟᱨᱭᱟ ᱜᱟᱫᱮᱞ ᱨᱤᱱ ᱠᱷᱮᱞᱚᱸᱰᱤᱭᱟᱹ ᱱᱚᱶᱟ ᱜᱟᱫᱮᱞ ᱨᱮ ᱫᱟᱣ ᱠᱚ ᱦᱟᱛᱟᱣᱟ ᱾ ᱡᱚᱛᱚ ᱜᱟᱫᱮᱞ ᱨᱮᱜᱮ ᱜᱮᱢᱤᱫ ᱠᱟᱛᱮ ᱠᱷᱮᱞᱚᱸᱰᱤᱭᱟᱹ ᱠᱚ ᱠᱷᱮᱞᱚᱸᱰᱼᱟ ᱾ ᱡᱟᱦᱟᱸᱭ ᱠᱷᱮᱞᱚᱸᱰᱤᱭᱟᱹ ᱜᱮ ᱠᱷᱮᱞ ᱞᱟᱹᱜᱤᱫ ᱫᱟᱲᱮ ᱵᱟᱝ ᱠᱷᱟᱱ ᱩᱱᱤ ᱴᱷᱟᱶ ᱨᱮᱜᱚ ᱟᱨ ᱢᱤᱫ ᱦᱚᱲ ᱠᱷᱮᱞᱚᱸᱰᱤᱭᱟᱹᱭ ᱥᱮᱞᱮᱫᱚᱜᱼᱟ ᱾ ᱱᱚᱶᱟ ᱮᱱᱮᱡ ᱞᱟᱹᱜᱤᱫ ᱫᱚ ᱵᱮᱴᱹ ᱵᱚᱞ, ᱥᱴᱚᱢᱯ (stump), ᱵᱮᱞ (bails) ᱮᱢᱟᱱ ᱞᱟᱠᱛᱤᱜᱼᱟ ᱾ ᱵᱟᱨᱭᱟ ᱵᱚᱞᱤᱝ ᱠᱨᱤᱡᱽ ᱛᱟᱞᱟᱨᱮ ᱛᱟᱦᱮᱸᱱ ᱢᱚᱬᱮ ᱯᱷᱩᱴ ᱚᱥᱟᱨ ᱛᱷᱟᱱ ᱫᱚ ᱯᱤᱪ (pitch) ᱠᱚ ᱢᱮᱛᱟᱜᱼᱟ ᱾ ᱯᱤᱪ ᱨᱮᱭᱟᱜ ᱵᱟᱱᱟᱨ ᱯᱟᱦᱴᱟ ᱨᱮ ᱯᱮᱭᱟ ᱠᱟᱛᱮ ᱥᱴᱚᱢᱯ ᱠᱚ ᱵᱤᱫ ᱠᱟᱜᱼᱟ ᱾ ᱯᱮᱭᱟ ᱥᱴᱚᱢᱯ ᱨᱮᱭᱟᱜ ᱥᱮᱞᱮᱫ ᱫᱚ ᱣᱤᱠᱮᱴ (wicket) ᱠᱚ ᱢᱮᱛᱟᱜᱼᱟ ᱾ ᱯᱮᱭᱟ ᱥᱴᱚᱢᱯ ᱪᱮᱛᱟᱱ ᱨᱮ ᱵᱟᱨᱭᱟ ᱵᱮᱞ ᱵᱟᱣᱩᱱᱜᱚᱡᱽ ᱠᱚ ᱫᱚᱦᱚ ᱠᱟᱜᱼᱟ ᱾

ᱚᱱᱠᱟ ᱧᱮᱞ ᱞᱮᱠᱷᱟᱱ ᱠᱨᱤᱠᱮᱴ ᱵᱚᱞ ᱨᱮᱭᱟᱜ ᱦᱟᱢᱞ ᱫᱚ ᱕᱕.᱙ ᱜᱨᱟᱢ ᱠᱷᱚᱱ ᱠᱟᱹᱡ ᱦᱩᱭᱩᱜ ᱫᱚ ᱵᱟᱝ ᱞᱟᱹᱠᱛᱤᱜ ᱠᱟᱱᱟ ᱾ ᱨᱤᱛ ᱞᱮᱠᱟᱛᱮ ᱱᱚᱶᱟ ᱨᱮᱭᱟᱜ ᱩᱡᱩᱱ ᱫᱚ ᱑.᱖᱓ ᱜᱨᱟᱢ ᱠᱷᱚᱱ ᱵᱟᱹᱲᱛᱤ ᱦᱩᱭᱩᱜ ᱦᱚᱸ ᱵᱮᱥ ᱵᱟᱝᱟ ᱾ ᱵᱮᱵᱷᱟᱨᱚᱜ ᱠᱟᱱ ᱵᱚᱞ ᱨᱮᱭᱟᱜ ᱯᱚᱨᱤᱫᱷᱤ ᱫᱚ ᱒᱒.᱔ ᱥᱮᱱᱴᱤᱢᱤᱴᱚᱨ ᱠᱷᱚᱱ ᱒᱒.᱙ ᱥᱮᱱᱴᱤᱢᱤᱴᱚᱨ ᱵᱷᱤᱛᱨᱤ ᱨᱮ ᱛᱟᱦᱮᱸ ᱞᱟᱹᱠᱛᱤ ᱾ ᱠᱨᱤᱠᱮᱴ ᱵᱮᱴ ᱨᱮᱭᱟᱜ ᱡᱤᱞᱤᱧ ᱫᱚ ᱙᱖.᱕ ᱥᱮᱱᱴᱤᱢᱤᱴᱚᱨ ᱠᱷᱚᱱ ᱵᱟᱹᱲᱛᱤ ᱫᱚ ᱵᱟᱝ ᱦᱩᱭᱩᱜ ᱞᱟᱹᱠᱛᱤ ᱾ ᱱᱚᱶᱟ ᱨᱮᱭᱟᱜ ᱚᱥᱟᱨ ᱫᱚ ᱡᱟᱦᱟᱸ ᱴᱷᱟᱶ ᱨᱮᱜᱮ ᱑᱐.᱘ ᱥᱮᱱᱴᱤᱢᱤᱴᱚᱨ ᱠᱷᱚᱱ ᱵᱟᱹᱲᱛᱤ ᱫᱚ ᱵᱟᱹᱲᱤᱫ ᱜᱮᱭᱟ ᱾ ᱥᱴᱚᱢᱯ ᱨᱮᱭᱟᱜ ᱢᱟᱬᱟᱝ ᱯᱟᱦᱴᱟ ᱚᱛ ᱠᱷᱚᱱ ᱗᱑.᱑ ᱥᱮᱱᱴᱤᱢᱤᱴᱚᱨ ᱪᱮᱛᱟᱱ ᱨᱮ ᱛᱟᱦᱮᱸ ᱞᱟᱹᱠᱛᱤ ᱾ ᱵᱮᱵᱷᱟᱨᱚᱜ ᱠᱟᱱ ᱵᱟᱨᱭᱟ ᱵᱮᱞ ᱑᱑.᱑ ᱥᱮᱱᱴᱤᱢᱤᱴᱚᱨ ᱡᱤᱞᱤᱧ ᱦᱩᱭᱩᱜ ᱞᱟᱹᱠᱛᱤ ᱾ ᱡᱚᱛᱚ ᱣᱤᱠᱮᱴ ᱨᱮᱭᱟᱜ ᱥᱚᱢᱟᱱ ᱥᱟᱺᱜᱤᱧ ᱨᱮ ᱯᱮᱭᱟ ᱥᱴᱟᱢᱯ ᱵᱤᱫ ᱠᱚᱜᱼᱟ ᱾

ᱠᱷᱮᱞᱚᱸᱰ ᱮᱛᱚᱦᱚᱵ ᱢᱟᱬᱟᱝ ᱨᱮ ᱴᱚᱥ ᱦᱩᱭᱩᱜᱼᱟ ᱾ ᱡᱟᱦᱟᱸ ᱜᱟᱫᱮᱞ ᱨᱤᱱᱤᱡ ᱠᱟᱯᱴᱮᱱ ᱴᱚᱥ ᱮ ᱡᱤᱛᱠᱟᱹᱨᱚᱜᱼᱟ, ᱩᱱᱤ ᱜᱟᱫᱮᱞ ᱵᱮᱴᱤᱝ ᱞᱟᱹᱜᱤᱫ ᱮ ᱴᱷᱟᱹᱣᱠᱟᱹ ᱫᱟᱲᱮᱭᱟᱜᱼᱟ ᱟᱨ ᱵᱟᱝᱠᱷᱟᱱ ᱵᱳᱞᱤᱝ ᱟᱨ ᱯᱷᱤᱞᱰᱤᱝ ᱫᱟᱲᱮᱭᱟᱜ ᱟᱭ ᱾ ᱠᱟᱯᱴᱮᱱ ᱪᱮᱛᱟᱱ ᱨᱮ ᱱᱚᱶᱟ ᱫᱚ ᱞᱟᱫᱮ ᱛᱟᱦᱮᱸᱱᱟ ᱾ ᱢᱤᱫᱴᱟᱹᱝ ᱜᱟᱫᱮᱞ ᱨᱤᱱ ᱜᱮᱞ ᱦᱚᱲ ᱠᱷᱮᱞᱚᱸᱰᱤᱭᱟᱹ ᱠᱚ ᱟᱣᱴ ᱮᱱ ᱛᱟᱭᱚᱢ ᱟᱨᱵᱟᱝ ᱚᱱᱟ ᱜᱟᱫᱮᱞ ᱨᱤᱱᱤᱡ ᱠᱟᱯᱴᱮᱱ ᱤᱱᱱᱤᱝᱥ ᱛᱷᱩᱠᱟᱹᱢ ᱮᱱᱟ ᱢᱮᱱᱛᱮᱭ ᱞᱟᱹᱭ ᱥᱚᱫᱚᱨ ᱞᱮᱠᱷᱟᱱ ᱮᱴᱟᱜ ᱜᱟᱫᱮᱞ ᱮ ᱵᱮᱴᱤᱝ ᱟ ᱾ ᱢᱤᱫᱴᱟᱹᱝ ᱤᱱᱱᱤᱝᱥ ᱮᱱᱮᱡ ᱠᱮᱫ ᱛᱟᱭᱚᱢ ᱵᱮᱴᱤᱝ ᱮᱫ ᱛᱟᱦᱮᱸᱫ ᱜᱟᱫᱮᱞ ᱫᱚ ᱵᱳᱞᱤᱝ ᱟᱨ ᱯᱷᱤᱞᱰᱤᱝ ᱟᱠᱚ ᱾ ᱢᱤᱫᱴᱟᱹᱝ ᱢᱮᱪᱨᱮ ᱡᱚᱛᱚ ᱫᱚᱞ ᱜᱮ ᱦᱟᱨᱭᱟ ᱤᱱᱱᱤᱝᱥ ᱠᱚ ᱮᱱᱮᱡᱼᱟ ᱾ ᱡᱟᱦᱟᱸ ᱜᱟᱫᱮᱞ ᱨᱤᱱᱤᱡ ᱜᱮ ᱠᱟᱯᱴᱮᱱ ᱵᱟᱭ ᱛᱟᱦᱮᱸᱱ ᱵᱮᱲᱟᱨᱮ ᱡᱚᱜᱚ-ᱠᱟᱯᱴᱮᱱ ᱟᱜ ᱛᱟᱹᱨᱤ ᱨᱮ ᱠᱷᱮᱞᱚᱸᱰ ᱦᱩᱭᱩᱜᱼᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]