ᱠᱚᱨᱤᱢᱜᱚᱸᱡᱽ ᱦᱚᱱᱚᱛ

ᱠᱚᱨᱤᱢᱜᱚᱸᱡᱽ ᱦᱚᱱᱚᱛ
ᱠᱚᱨᱤᱢᱜᱚᱸᱡᱽ ᱦᱚᱱᱚᱛ ᱨᱮᱱᱟᱜ ᱞᱚᱠᱮᱥᱚᱱ ᱟᱥᱟᱢ ᱯᱚᱱᱚᱛ ᱨᱮ
ᱯᱚᱱᱚᱛ	ᱟᱥᱟᱢ
ᱪᱟᱪᱞᱟᱣ ᱛᱷᱚᱱᱚᱛ	ᱵᱚᱨᱟᱠ ᱵᱮᱰᱟ
ᱡᱤᱞᱞᱟᱹ ᱠᱟᱹᱢᱤᱭᱟᱹᱢᱮᱞᱟ	ᱠᱚᱨᱤᱢᱜᱚᱸᱡᱽ
ᱮᱨᱤᱭᱟ	1,809 km2 (698 sq mi)
ᱦᱚᱲᱮᱞ	1,228,686 (2011)
ᱛᱚᱦᱥᱤᱞ	ᱠᱚᱨᱤᱢᱜᱚᱸᱡᱽ, ᱵᱚᱫᱚᱨᱯᱩᱨ, ᱱᱤᱞᱟᱢ ᱵᱟᱡᱟᱨ, ᱯᱟᱛᱷᱟᱨᱠᱩᱱᱰᱤ, ᱟᱨ ᱨᱟᱢᱠᱨᱤᱥᱱᱟ(
ᱫᱤᱥᱚᱢ ᱫᱚᱨᱵᱟᱨ ᱵᱟᱪᱱᱟᱣ ᱢᱟᱹᱪᱤ	ᱠᱚᱨᱤᱢ ᱜᱚᱧᱡᱚ

ᱠᱚᱨᱤᱢᱜᱚᱸᱡᱽ ᱦᱚᱱᱚᱛ ᱫᱚ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫ ᱴᱟᱝ ᱯᱨᱚᱥᱟᱥᱚᱱ ᱦᱚᱱᱚᱛ ᱠᱟᱱᱟ ᱾ ᱑᱘᱗᱘ ᱥᱮᱨᱢᱟ ᱨᱮ ᱠᱚᱨᱤᱢᱜᱚᱸᱡᱽ ᱱᱟᱝᱜᱽᱨᱟᱦᱟ ᱜᱮ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚᱦᱚ ᱞᱮᱫᱟ, ᱩᱱ ᱚᱡᱛᱮ ᱨᱮ ᱵᱨᱤᱴᱤᱥ ᱥᱤᱧᱚᱛ ᱥᱚᱨᱠᱟᱨ ᱱᱤᱭᱟᱹ ᱱᱟᱣᱟ ᱵᱟᱱᱫᱷᱟᱣ ᱦᱚᱱᱚᱛ ᱫᱚ ᱥᱤᱞᱮᱴ ᱠᱷᱚᱱ ᱠᱚ ᱜᱮᱫ ᱵᱮᱜᱟᱨ ᱟᱹᱜᱩ ᱞᱮᱫᱟ ᱾ ᱑᱙᱔᱗ ᱥᱮᱨᱢᱟ ᱨᱮ ᱯᱷᱩᱨᱜᱟᱹᱞ ᱚᱠᱛᱮ ᱫᱤᱥᱚᱢ ᱦᱟᱯᱟᱴᱤᱧ ᱚᱠᱛᱮ ᱥᱤᱞᱮᱴ ᱦᱚᱱᱚᱛ ᱫᱚ ᱥᱟᱢᱟᱝ ᱯᱟᱠᱤᱥᱛᱟᱱ (ᱱᱟᱦᱟᱜ ᱵᱟᱝᱞᱟᱫᱮᱥ) ᱨᱮ ᱜᱮ ᱨᱟᱦᱮ ᱠᱟᱱᱟ, ᱢᱮᱱ ᱠᱷᱟᱱ ᱩᱱ ᱚᱠᱛᱮ ᱨᱮᱭᱟᱜ ᱠᱚᱨᱤᱢᱜᱚᱸᱡᱽ ᱢᱚᱦᱩᱠᱢᱟ ᱨᱮᱭᱟᱜ ᱥᱟᱲᱮ ᱯᱮᱭᱟ ᱛᱷᱟᱱᱟ ᱣᱟᱱ ᱛᱮ ᱥᱤᱧᱚᱛ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱠᱟᱥᱟᱨ ᱨᱮᱭᱟᱜ ᱢᱤᱫ ᱴᱮᱱ ᱢᱚᱦᱩᱠᱢᱟ ᱢᱮᱱᱛᱮ ᱥᱮᱞᱮᱫ ᱞᱮᱱᱟ ᱾ ᱱᱚᱣᱟ ᱛᱷᱟᱱᱟ ᱠᱚ ᱫᱚ ᱛᱟᱦᱮᱸ ᱠᱟᱱᱟ: ᱨᱟᱛ ᱵᱟᱨᱤ ᱛᱷᱟᱱᱟ, ᱯᱟᱛᱷᱟᱨ ᱠᱟᱱᱫᱤ ᱛᱷᱟᱱᱟ, ᱵᱚᱫᱚᱨᱯᱩᱨ ᱛᱷᱟᱱᱟ ᱟᱨ ᱠᱚᱨᱤᱢᱜᱚᱸᱡᱽ ᱛᱷᱟᱱᱟ ᱨᱮᱭᱟᱜ ᱟᱫᱷᱟ ᱴᱚᱴᱷᱟ ᱣᱟᱱ ᱛᱮ ᱾ ᱑᱙᱘᱓ ᱥᱮᱨᱢᱟ ᱨᱮᱭᱟᱜ ᱑ ᱡᱩᱞᱟᱭ ᱢᱟᱹᱦᱤᱛ ᱠᱷᱚᱱ ᱟᱥᱟᱢ ᱥᱚᱨᱠᱟᱨ ᱠᱚᱨᱤᱢ ᱜᱚᱧᱡᱚ ᱢᱚᱦᱩᱠᱢᱟ ᱫᱚ ᱯᱩᱨᱟᱹ ᱦᱚᱱᱚᱛ ᱨᱮᱭᱟᱜ ᱫᱟᱨᱡᱟᱭ ᱮᱢᱟᱣ ᱫᱟᱜᱼᱟ ᱾

ᱚᱛᱱᱚᱛ

ᱠᱚᱨᱤᱢᱜᱚᱸᱡᱽ ᱦᱚᱱᱚᱛ ᱫᱚ ᱞᱮᱠᱷᱟ ᱜᱩᱢ ᱑,᱘᱐᱙ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ (᱖᱙᱘.᱕ ᱪᱟᱹᱣᱠᱟᱹ ᱢᱟᱭᱤᱞ) ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ, ᱚᱠᱟ ᱫᱚ ᱟᱞᱟᱥᱠᱟ (Alaska) ᱨᱮᱭᱟᱜ ᱟᱯᱷᱚᱜᱽᱱᱟᱠ ᱴᱟᱹᱯᱩ (Afognak Island) ᱥᱚᱢᱟᱱ ᱠᱟᱱ ᱾ ᱵᱚᱣᱟ ᱨᱮᱭᱟᱜ ᱠᱚᱭᱮ- ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱠᱟᱥᱟᱨ ᱦᱚᱱᱚᱛ, ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱦᱟᱭᱞᱟᱠᱟᱱᱫᱤ ᱦᱚᱱᱚᱛ, ᱮᱛᱚᱢ ᱱᱟᱠᱷᱟ ᱨᱮ ᱫᱚ ᱢᱤᱡᱚᱨᱟᱢ ᱯᱚᱱᱚᱛ, ᱮᱛᱚᱢ - ᱯᱟᱪᱮ ᱱᱟᱠᱷᱟ ᱨᱮ ᱫᱚ ᱛᱨᱤᱯᱩᱨᱟ ᱯᱚᱱᱚᱛ, ᱟᱨ ᱯᱟᱪᱮ ᱟᱨ ᱠᱚᱭᱮ- ᱯᱟᱪᱮ ᱱᱟᱠᱷᱟ ᱫᱚ ᱵᱟᱝᱞᱟᱫᱮᱥ ᱛᱮ ᱜᱷᱮᱨᱟᱣ ᱮᱥᱮᱫ ᱢᱮᱱᱟᱜᱼᱟ ᱾ ᱠᱚᱨᱤᱢᱜᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱟᱥᱚᱞ ᱱᱟᱝᱜᱽᱨᱟᱦᱟ ᱫᱚ ᱠᱚᱨᱤᱢ ᱜᱚᱧᱡᱚ ᱠᱟᱱ ᱜᱮᱭᱟ ᱾ ᱠᱚᱨᱤᱢ ᱜᱚᱧᱡᱚ ᱱᱟᱝᱜᱽᱨᱟᱦᱟ ᱦᱚᱱᱚᱛ ᱨᱮᱭᱟᱜ ᱠᱚᱭᱮ ᱯᱟᱨᱚᱢ ᱨᱮ ᱠᱚᱥᱤᱭᱟᱨᱟ ᱛᱩᱞᱩᱡ ᱡᱟᱯᱟᱜ ᱟᱠᱟᱱᱟ। ᱟᱥᱟᱢ ᱨᱮᱭᱟᱜ ᱨᱟᱡᱽ ᱜᱟᱲ ᱱᱟᱝᱜᱽᱨᱟᱦᱟ ᱜᱩᱣᱟᱦᱟᱴᱤ ᱠᱷᱚᱱ ᱚᱛ ᱰᱟᱦᱟᱨ ᱛᱮ ᱱᱚᱱᱰᱮ ᱓᱓᱐ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧᱟ ᱟᱨ ᱨᱮᱞ ᱰᱟᱦᱟᱨ ᱛᱮ ᱫᱚ ᱓᱕᱐ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧᱟ ᱾ ᱱᱚᱱᱰᱮ ᱠᱷᱚᱱ ᱮᱴᱟᱜ ᱟᱥᱚᱞ ᱴᱷᱟ.ᱭ ᱠᱚ ᱨᱮᱭᱟᱜ ᱥᱟᱝᱜᱤᱧ ᱫᱚ ᱱᱚᱝᱠ_ ᱞᱮᱠᱥ: ᱥᱤᱞᱪᱚᱨ-᱕᱕ ᱠᱤᱞᱚ ᱢᱤᱴᱟᱨ, ᱥᱤᱞᱚᱝ-᱒᱒᱐ ᱠᱤᱞᱚ ᱢᱤᱴᱟᱨ, ᱟᱜᱚᱨ ᱛᱚᱞᱟ-᱒᱕᱐ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧᱟ ᱾

ᱥᱟᱥᱚᱱ ᱦᱟᱯᱟᱴᱤᱧ

ᱠᱚᱨᱤᱢᱜᱚᱸᱡᱽ ᱦᱚᱱᱚᱛ ᱫᱚ ᱯᱮᱭᱟ ᱢᱚᱦᱩᱠᱢᱟ ᱨᱮ ᱦᱟᱴᱤᱧ ᱟᱠᱟᱱᱟ: ᱠᱚᱨᱤᱢᱜᱚᱸᱡᱽ, ᱯᱟᱛᱷᱚᱨ ᱠᱟᱱᱫᱤ ᱟᱨ ᱨᱟᱢᱠᱨᱤᱥᱱᱚ ᱱᱚᱜᱚᱨ ᱾ ᱱᱚᱣᱟ ᱦᱚᱱᱚᱛ ᱨᱮ ᱟᱥᱟᱢ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱨᱮᱭᱟᱜ ᱢᱚᱬᱮ ᱜᱚᱴᱟᱝ ᱴᱚᱴᱷᱟ ᱯᱟᱲᱟᱣ ᱟᱠᱟᱱᱟ: ᱨᱟᱛᱟ ᱵᱟᱨᱤ (᱑), ᱯᱟᱛᱷᱟᱨ ᱠᱟᱱᱫᱤ (᱒), ᱠᱚᱨᱤᱢ ᱜᱚᱧᱡᱚ ᱠᱚᱭᱮ (᱓), ᱠᱚᱨᱤᱢ ᱜᱚᱧᱡᱚ ᱮᱛᱚᱢ(᱔), ᱵᱚᱫᱚᱨ ᱯᱩᱨ (᱕) ᱾ ᱱᱚᱣᱟ ᱡᱚᱛᱚ ᱴᱚᱴᱷᱟ ᱜᱮ ᱠᱚᱨᱤᱢ ᱜᱚᱧᱡᱚ ᱞᱚᱠ ᱥᱚᱵᱷᱟ ᱴᱚᱴᱷᱟ ᱨᱮ ᱯᱟᱲᱟᱣ ᱟᱠᱟᱱᱟ ᱾

ᱦᱚᱲ ᱞᱮᱠᱷᱟ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱠᱚᱨᱤᱢᱜᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱜᱩᱴ ᱑᱒,᱒᱘,᱖᱘᱖ ᱡᱚᱱᱟ ᱢᱮᱱᱟᱜ ᱠᱚᱣᱟ ᱾ ᱩᱱᱠᱩ ᱢᱩᱫᱽ ᱨᱮ ᱖,᱒᱕,᱘᱖᱔ ᱡᱚᱱᱟ ᱫᱚ ᱦᱮᱨᱮᱞ ᱟᱨ ᱖,᱐᱒,᱘᱒᱒ ᱡᱚᱱᱟ ᱫᱚ ᱢᱟᱭᱡᱤᱣ ᱠᱟᱱᱟ ᱾ ᱱᱚᱱᱰᱨᱴᱮ ᱢᱤᱫ ᱜᱮ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱖᱑ ᱜᱚᱴᱟᱝ ᱢᱥᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱠᱚᱨᱤᱢ ᱜᱚᱧᱡᱚ ᱨᱮ ᱵᱟᱹᱲᱛᱤ ᱫᱚ ᱵᱟᱝᱞᱟ ᱵᱷᱟᱥᱤᱠ ᱦᱚᱲ ᱠᱟᱱᱟ ᱾