ᱠᱟᱨᱞ ᱢᱟᱨᱠᱥ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱠᱟᱨᱞ ᱢᱟᱨᱠᱥ

ᱠᱟᱨᱞ ᱢᱟᱨᱠᱥ

"ᱠᱟᱨᱞ ᱦᱮᱱᱨᱤᱠ ᱢᱟᱨᱠᱥ" (᱑᱘᱑᱘ ᱼ ᱑᱘᱘᱓) ᱡᱚᱨᱢᱟᱱ ᱥᱟᱱᱟᱥᱤᱭᱟ., ᱠᱟ.ᱣᱰᱤ-ᱟ.ᱨᱤᱭᱟ. ᱟᱨ ᱥᱟᱶᱛᱟᱨᱤ ᱥᱟᱬᱮᱥᱟᱛ ᱥᱟᱬᱮᱥᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱱᱩᱭᱟᱜ ᱡᱟᱱᱟᱢ ᱫᱚ ᱕ ᱢᱮ ᱑᱘᱑᱘ ᱥᱟᱞᱮᱨᱮ ᱛᱨᱮᱵᱮᱥ (ᱯᱨᱚᱥᱟ) ᱨᱮᱭᱟᱜ ᱢᱤᱫ ᱡᱮᱣᱤᱥ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱᱟ ᱾ ᱑᱘᱒᱔ ᱥᱟᱞᱮᱨᱮ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱠᱮᱨᱮᱥᱛᱟᱱ ᱫᱷᱚᱨᱚᱢ ᱮ ᱟᱯᱱᱟᱨ ᱠᱮᱜᱼᱟ ᱾

᱑᱗ ᱵᱚᱨᱥᱚ ᱵᱚᱭᱚᱥ ᱚᱵᱚᱥᱛᱟ ᱨᱮ ᱢᱟᱨᱠᱥ ᱫᱚ ᱠᱟᱱᱩᱱ ᱯᱟᱲᱦᱟᱣᱜ ᱞᱟ.ᱜᱤᱫ ᱵᱳᱱᱱ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱵᱷᱩᱨᱛᱤᱭ ᱦᱟᱛᱟᱣ ᱠᱮᱜᱼᱟ ᱾ ᱤᱱᱟ. ᱛᱟᱭᱚᱢ ᱩᱱᱤ ᱵᱚᱨᱞᱤᱱ ᱟᱨ ᱡᱮᱱᱱᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱥᱟᱶᱦᱮᱫ, ᱱᱟᱜᱟᱢ, ᱟᱨ ᱥᱟᱱᱟᱥ ᱠᱚᱭ ᱯᱚᱲᱦᱚᱱ ᱠᱮᱜᱼᱟ ᱾ ᱱᱚᱣᱟ ᱚᱠᱛᱚ ᱨᱮᱜᱮ ᱩᱱᱤ ᱫᱚ ᱦᱤᱜᱮᱞ ᱨᱮᱭᱟᱜ ᱥᱟᱱᱟᱥ ᱛᱮ ᱟ.ᱰᱤ ᱡᱩᱨ ᱮ ᱢᱩᱦᱱᱤ ᱮᱱᱟ ᱾ ᱑᱘᱓᱙-᱔᱑ ᱨᱮ ᱩᱱᱤ ᱫᱚ ᱰᱤᱢᱚᱠᱨᱤᱴᱳᱥ ᱟᱨ ᱮᱯᱤᱠᱭᱩᱨᱚᱥ ᱨᱮᱭᱟᱜ ᱯᱩᱨᱠᱩᱛᱤᱭᱟ. ᱥᱟᱱᱟᱥ ᱪᱮᱛᱟᱱ ᱨᱮ ᱢᱤᱫ ᱠᱷᱟᱴᱚ ᱜᱟᱱᱟᱝ ᱚᱞ ᱠᱟᱛᱮ ᱰᱚᱠᱴᱚᱨᱮᱴ ᱩᱯᱟᱫᱷᱤ ᱦᱚᱸᱭ ᱟᱢᱮᱴ ᱠᱮᱜᱼᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱱᱟᱢ : - ᱠᱟᱨᱞ ᱦᱮᱱᱨᱤᱠ ᱢᱟᱨᱠᱥ ᱕ ᱢᱮ ᱑᱘᱑᱘, ᱛᱨᱤᱭᱮᱨ, ᱯᱨᱚᱥᱤᱭᱟ

ᱜᱩᱨ ᱺ- ᱑᱔ ᱢᱟᱨᱪ ᱑᱘᱘᱓ (ᱵᱚᱭᱚᱥ ᱖᱔) ᱞᱚᱱᱰᱚᱱ ᱵᱨᱤᱴᱮᱱ

ᱫᱷᱚᱨᱚᱢ ᱢᱟᱱᱟᱣ ᱺ- ᱠᱮᱨᱮᱥᱛᱟᱱ, ᱛᱟᱭᱚᱢ ᱛᱮ ᱫᱷᱚᱨᱚᱢ ᱮ ᱵᱟ.ᱜᱤᱭᱟᱫᱼᱟ (ᱵᱮᱼᱫᱷᱚᱨᱚᱢ)

ᱡᱤᱭᱚᱱ ᱜᱚᱛᱮ (ᱮᱨᱟ) ᱺ- ᱡᱮᱱᱤ ᱣᱮᱥᱴᱯᱷᱮᱞᱚᱱ

ᱠᱟ.ᱢᱤᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱪᱮᱫ ᱥᱟ.ᱛ ᱠᱮᱫ ᱛᱟᱭᱚᱢ ᱑᱘᱔᱒ ᱨᱮ ᱢᱟᱨᱠᱥ ᱤᱱᱟ. ᱥᱮᱨᱢᱟ ᱜᱮ ᱠᱳᱞᱳᱱ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ "ᱨᱟᱭᱱᱮᱥ ᱡᱤᱛᱩᱝ", ᱨᱮ ᱯᱩᱭᱞᱩ ᱚᱱᱚᱞᱤᱭᱟ. ᱟᱨ ᱤᱱᱟ. ᱛᱟᱭᱚᱢ ᱥᱟᱯᱲᱮᱛ ᱞᱮᱠᱟᱛᱮᱭ ᱥᱮᱞᱮᱫ ᱮᱱᱟ ᱾ ᱤᱠᱷᱟ.ᱱ ᱦᱩᱞᱥᱟ.ᱭ ᱦᱩᱫᱤᱥ ᱯᱟᱥᱱᱟᱣ ᱠᱷᱟ.ᱛᱤᱨ ᱑᱕ ᱪᱟᱸᱫᱚ ᱛᱟᱭᱚᱢ ᱑᱘᱔᱓ ᱨᱮ ᱚᱱᱟ ᱯᱟᱛᱷᱟᱢ ᱯᱟᱨᱥᱟᱞᱚᱜ ᱫᱚ ᱦᱟ.ᱯᱤ ᱦᱚᱪᱚ ᱠᱟᱫᱼᱟ ᱠᱚ ᱾ ᱢᱟᱨᱠᱥ ᱯᱮᱨᱤᱥ ᱮ ᱪᱟᱞᱟᱣ ᱮᱱᱟ, ᱚᱸᱰᱮ ᱩᱱᱤ "ᱫᱚᱥ ᱯᱷᱨᱟᱱᱡᱚᱪ" ᱡᱟᱨᱵᱩᱥᱚᱨ ᱪᱤᱴᱷᱤ ᱨᱮ ᱦᱤᱜᱮᱞ ᱨᱮᱭᱟᱜ ᱱᱚᱭᱛᱤᱠ ᱥᱟᱱᱟᱥ ᱪᱮᱛᱟᱱ ᱨᱮ ᱟ.ᱰᱤᱜᱟᱱ ᱥᱟᱛᱟᱢ ᱮ ᱚᱞ ᱠᱮᱜᱼᱟ ᱾ ᱑᱘᱔᱕ ᱨᱮ ᱩᱱᱤ ᱯᱷᱨᱟᱱᱥ ᱠᱷᱚᱱ ᱚᱰᱚᱠ ᱦᱚᱪᱚ ᱠᱟᱛᱮ ᱵᱨᱩᱥᱮᱞᱥ ᱮ ᱪᱟᱞᱟᱣ ᱮᱱᱟ ᱾ ᱟᱨ ᱚᱸᱰᱮ ᱜᱮ ᱩᱱᱤ ᱫᱚ ᱡᱚᱨᱢᱟᱱᱤ ᱨᱤᱱ ᱢᱩᱞᱤᱭᱟ. ᱜᱟᱶᱛᱟ ᱟᱨ "ᱠᱚᱢᱭᱩᱱᱤᱥᱴ ᱞᱤᱜᱽ" ᱵᱮᱱᱟᱣ ᱨᱮ ᱟ.ᱰᱮ ᱪᱩᱦᱩᱞ ᱮ ᱥᱮᱞᱮᱫ ᱮᱱᱟ ᱾ ᱑᱘᱔᱗ ᱨᱮ ᱮᱡᱮᱸᱞᱥ ᱥᱟᱞᱟᱜ 'ᱚᱸᱛᱚᱨᱟᱥᱴᱨᱤᱭᱚ ᱥᱚᱢᱟᱡᱽᱵᱟᱫᱽ' ᱯᱩᱭᱞᱩ ᱩᱪᱷᱟ.ᱱ ᱥᱟᱠᱟᱢ (ᱠᱚᱢᱭᱩᱱᱤᱥᱴ ᱢᱟᱱᱤᱯᱷᱮᱥᱴᱳ) ᱯᱟᱨᱥᱟᱞ ᱠᱮᱜᱼᱟ ᱾

᱑᱘᱔᱘ ᱨᱮ ᱢᱟᱨᱠᱥ ᱫᱚ ᱟᱨᱦᱚᱸ ᱠᱳᱞᱳᱱ ᱨᱮ 'ᱱᱮᱣᱮ ᱨᱟᱭᱱᱤᱥ ᱡᱤᱛᱩᱝ' ᱨᱮᱭᱟᱜ ᱯᱟᱨᱥᱟᱞ ᱮ ᱮᱛᱚᱦᱚᱵ ᱨᱩᱣᱟ.ᱲ ᱠᱮᱜᱼᱟ ᱾ ᱟᱨ ᱟᱡ ᱦᱚᱛᱮᱛᱮ ᱡᱚᱨᱢᱟᱱᱤ ᱫᱚ ᱥᱚᱢᱟᱡᱽᱵᱟᱫᱤ ᱠᱨᱟᱱᱛᱤ ᱨᱮᱭᱟᱜ ᱥᱟᱱᱫᱮᱥ ᱮᱢ ᱮ ᱮᱛᱚᱦᱚᱵ ᱠᱮᱜᱼᱟ ᱾ ᱑᱘᱔᱙ ᱨᱮ ᱱᱚᱣᱟ ᱠᱟ.ᱭ ᱠᱷᱟ.ᱛᱤᱨ ᱜᱮ ᱯᱨᱚᱥᱟ ᱠᱷᱚᱱ ᱠᱚ ᱚᱰᱚᱠ ᱜᱤᱰᱤ ᱠᱟᱫᱮᱭᱟ ᱾ ᱩᱱᱤ ᱯᱮᱨᱤᱥ ᱥᱮᱫ ᱛᱮ ᱞᱚᱱᱰᱚᱱ ᱮ ᱪᱟᱞᱟᱣ ᱮᱱᱟ ᱟᱨ ᱡᱤᱭᱚᱱ ᱛᱟᱦᱮᱸᱱ ᱵᱷᱳᱨ ᱚᱸᱰᱮ ᱜᱮᱭ ᱛᱟᱦᱮᱸ ᱮᱱᱟ ᱾ ᱞᱚᱱᱰᱚᱱ ᱨᱮ ᱡᱚᱛᱚ ᱠᱷᱚᱱ ᱢᱟᱬᱟᱝ ᱨᱮ ᱩᱱᱤ "ᱠᱚᱢᱭᱩᱱᱤᱥᱴ ᱞᱤᱜᱽ" ᱛᱷᱟᱯᱚᱱ ᱞᱟ.ᱜᱤᱫ ᱮ ᱠᱩᱨᱩᱢᱩᱴᱩ ᱠᱮᱜᱼᱟ ᱾ ᱤᱠᱷᱟ.ᱱ ᱱᱚᱣᱟ ᱵᱷᱟᱺᱜᱩᱲ ᱮᱱ ᱛᱟᱭᱟ ᱾ ᱢᱩᱪᱟ.ᱫ ᱨᱮ ᱢᱟᱨᱠᱥ ᱫᱚ ᱱᱚᱣᱟ ᱨᱟ.ᱯᱩᱫ ᱛᱮ ᱦᱩᱭ ᱟᱫᱮᱭᱟ ᱾ ᱩᱱᱤᱭᱟᱜ ᱱᱮᱣᱮ ᱨᱟᱭᱱᱤᱥ ᱡᱤᱛᱩᱝ ᱫᱚ ᱠᱷᱟ.ᱞᱤ ᱛᱩᱨᱩᱭ ᱮᱞᱮᱞ ᱨᱮ ᱚᱰᱚᱠ ᱠᱟᱛᱮ ᱴᱷᱟᱠᱮᱫ ᱨᱩᱣᱟ.ᱲ ᱮᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]