ᱠᱮᱱᱫᱩᱡᱷᱚᱨ
| ᱠᱮᱱᱫᱩᱡᱷᱚᱨ | |
|---|---|
| ᱵᱟᱡᱟᱨ | |
  ᱠᱮᱱᱫᱩᱡᱷᱚᱨ  ᱠᱮᱱᱫᱩᱡᱷᱚᱨ | |
| Coordinates: 21°38′N 85°35′E / 21.63°N 85.58°ECoordinates: 21°38′N 85°35′E / 21.63°N 85.58°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱠᱮᱶᱡᱷᱚᱨ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 96.4 ᱠᱤᱢᱤ২ (37.2 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 596 ᱢᱤᱴᱚᱨ (1955 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱞᱮᱠᱷᱟᱜᱩᱴ | ᱙᱐,᱕᱙᱐ |
| • ᱰᱮᱱᱥᱤᱴᱤ | 2295/ᱠᱤᱢᱤ2 (5940/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱩᱰᱤᱭᱟᱹ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱕᱘᱐᱐᱑, ᱗᱕᱘᱐᱐᱒, ᱗᱕᱘᱐᱑᱓ |
| ᱜᱟᱹᱰᱤ ᱨᱤᱡᱤᱥᱴᱨᱤ | OR-09, OD-09 |
| ᱣᱮᱵᱽᱥᱟᱭᱤᱴ | kendujhar |
ᱠᱮᱱᱫᱩᱡᱷᱚᱨ ᱫᱚ ᱳᱰᱤᱥᱟ ᱨᱮᱱᱟᱜ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱨᱮᱭᱟᱜ ᱥᱚᱫᱚᱨ ᱢᱚᱦᱠᱩᱢᱟ ᱟᱨ ᱢᱤᱫ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱵᱟᱡᱟᱨ ᱫᱚ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱒᱔᱐ ᱠᱤᱹ ᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱠᱮᱱᱫᱩᱡᱷᱚᱨ ᱵᱟᱡᱟᱨ ᱫᱚ ᱯᱚᱱᱚᱛ ᱨᱮᱭᱟᱜ ᱯᱨᱚᱥᱟᱥᱚᱱᱤᱠ ᱢᱩᱠᱷᱤᱭᱟᱹ ᱴᱚᱴᱷᱟ ᱠᱟᱱᱟ ᱾ ᱠᱮᱱᱫᱩᱡᱷᱚᱨ ᱨᱮᱫᱚ ᱵᱚᱲᱚᱫᱮᱵᱽᱡᱤᱣᱩ ᱢᱩᱫᱽᱨᱤ, ᱨᱟᱡᱚᱩᱣᱟᱥ, ᱥᱟᱱᱚᱜᱷᱟᱜᱽᱨᱟ ᱡᱷᱟᱨᱱᱟ, ᱵᱚᱰᱚ ᱜᱷᱟᱜᱽᱨᱟ ᱡᱷᱟᱨᱱᱟ, ᱥᱤᱫᱷᱚ ᱢᱚᱴᱷᱚ ᱮᱢᱟᱱ ᱧᱮᱢᱧᱞ ᱴᱚᱴᱷᱟ ᱠᱚ ᱢᱮᱱᱟᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱠᱷᱚᱱ ᱜᱮ ᱠᱮᱱᱫᱩᱡᱷᱚᱨ ᱵᱟᱡᱟᱨ ᱜᱮ ᱯᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹ ᱯᱨᱚᱥᱟᱥᱚᱱᱤᱠ ᱛᱟᱞᱢᱟ ᱞᱮᱠᱟᱛᱮ ᱴᱟᱦᱮᱸ ᱟᱹᱜᱩ ᱟᱠᱟᱱᱟ ᱾ ᱜᱮᱵᱟᱨ ᱥᱟᱭ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱛᱟᱞᱟ ᱠᱷᱚᱱ ᱠᱷᱤᱪᱤᱝ ᱠᱷᱚᱱ ᱵᱷᱮᱜᱟᱨ ᱮᱱ ᱴᱟᱭᱚᱢ ᱠᱷᱚᱱ ᱵᱷᱚᱸᱡᱽ ᱵᱚᱝᱥᱚ ᱨᱤᱱ ᱨᱟᱡᱟ ᱠᱚᱫᱚ ᱱᱚᱰᱮ ᱠᱷᱚᱱ ᱜᱮ ᱯᱚᱱᱚᱛ ᱨᱮᱭᱟᱜ ᱥᱟᱥᱚᱱ ᱠᱟᱹᱢᱤ ᱠᱚ ᱪᱟᱞᱟᱣ ᱟᱹᱜᱩ ᱮᱫ ᱛᱟᱦᱮᱸᱫ ᱾ ᱠᱷᱤᱪᱤᱝ ᱠᱷᱚᱱ ᱵᱷᱮᱜᱟᱨ ᱮᱱ ᱛᱟᱭᱚᱢ ᱨᱟᱡᱟ ᱥᱨᱤ ᱡᱭᱚᱛᱤ ᱵᱷᱚᱸᱡᱽ ᱱᱚᱣᱟ ᱨᱮᱭᱟᱜ ᱥᱟᱥᱚᱱ ᱟᱺᱜᱤᱵᱷᱟᱨ ᱮ ᱟᱯᱱᱟᱨᱟ ᱾ ᱚᱠᱛᱚ ᱡᱟᱹᱱᱤ ᱡᱟᱦᱟᱸᱭ ᱡᱟᱦᱟᱸᱭ ᱨᱟᱡᱟ ᱠᱚ ᱠᱮᱱᱫᱩᱡᱷᱚᱨ ᱨᱤᱱ ᱥᱟᱥᱚᱱᱤᱭᱟᱹ ᱠᱚ ᱦᱩᱭ ᱞᱮᱱᱟ ᱞᱟᱛᱟᱨ ᱨᱮ ᱩᱱᱠᱩᱣᱟᱜ ᱛᱟᱹᱞᱠᱟᱹ ᱮᱢ ᱮᱱᱟ ᱾
- ᱢᱟᱱᱚᱛᱟᱱ ᱡᱚᱜᱚᱱᱱᱟᱛᱷ ᱵᱷᱚᱸᱡᱽ (᱑᱖᱘᱘-᱑᱗᱐᱐)
- ᱢᱟᱱᱚᱛᱟᱱ ᱨᱚᱜᱷᱩᱱᱟᱛᱷ ᱵᱷᱚᱸᱡᱽ (᱑᱗᱐᱐-᱑᱗᱑᱙)
- ᱢᱟᱱᱚᱛᱟᱱ ᱜᱳᱯᱤᱱᱟᱛᱷ ᱵᱷᱚᱸᱡᱽ (᱑᱗᱑᱙-᱑᱗᱓᱖)
- ᱢᱟᱱᱚᱛᱟᱱ ᱱᱚᱨᱚᱥᱤᱝᱦᱚ ᱱᱟᱨᱟᱭᱚᱬ ᱵᱷᱚᱸᱡᱽ (᱑᱗᱓᱖-᱑᱗᱕᱗)
- ᱢᱟᱱᱚᱛᱟᱱ ᱫᱷᱚᱱᱮᱥᱣᱚᱨ ᱱᱟᱨᱟᱭᱚᱬ ᱵᱷᱚᱸᱡᱽ (᱑᱗᱕᱗-᱑᱗᱕᱘)
- ᱢᱟᱱᱚᱛᱟᱱ ᱡᱚᱜᱚᱛᱮᱥᱣᱚᱨ ᱱᱟᱨᱟᱭᱚᱬ ᱵᱷᱚᱸᱡᱽ (᱑᱗᱕᱘-᱑᱗᱖᱒)
- ᱢᱟᱱᱚᱛᱟᱱ ᱯᱨᱚᱛᱟᱯ ᱵᱚᱲᱚᱵᱷᱚᱫᱽᱨᱚ ᱵᱷᱚᱸᱡᱽ (᱑᱗᱖᱔-᱑᱗᱙᱒) ᱟᱨᱵᱟᱝ (᱑᱗᱖᱒-᱑᱗᱙᱗)
- ᱢᱟᱱᱚᱛᱟᱱ ᱡᱚᱱᱟᱨᱫᱷᱚᱱ ᱵᱷᱚᱸᱡᱽ (᱑᱗᱙᱔-᱑᱘᱒᱕) ᱟᱨᱵᱟᱝ (᱑᱗᱙᱗-᱑᱘᱓᱒)
- ᱢᱟᱱᱚᱛᱟᱱ ᱜᱚᱫᱟᱫᱷᱚᱨ ᱱᱟᱨᱟᱭᱚᱬ ᱵᱷᱚᱸᱡᱽᱫᱮᱣ (᱑᱘᱒᱕-᱑᱘᱖᱑) ᱟᱨᱵᱟᱝ (᱑᱘᱓᱒-᱑᱘᱖᱑)
- ᱢᱟᱱᱚᱛᱟᱱ ᱫᱷᱚᱱᱩᱨᱡᱚᱭ ᱱᱟᱨᱟᱭᱚᱬ ᱵᱷᱚᱸᱡᱽᱫᱮᱣ (᱑᱘᱖᱑-᱑᱙᱐᱕)
- ᱢᱟᱱᱚᱛᱟᱱ ᱜᱳᱯᱤᱱᱟᱛᱷᱟ ᱱᱟᱨᱟᱭᱚᱬ ᱵᱷᱚᱸᱡᱽᱫᱮᱣ (᱑᱙᱐᱕-᱑᱙᱒᱖)
- ᱢᱟᱱᱚᱛᱟᱱ ᱵᱚᱲᱚᱵᱷᱚᱫᱽᱨᱚ ᱱᱟᱨᱟᱭᱚᱬ ᱵᱷᱚᱸᱡᱽᱫᱮᱣ (᱑᱙᱒᱖-᱑᱙᱔᱘)
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱮᱱᱫᱩᱡᱷᱚᱨ ᱨᱮᱭᱟᱜ ᱚᱛᱱᱮᱛ ᱛᱷᱤᱛᱤ ᱫᱚ ᱦᱩᱭᱩᱜ ᱠᱟᱱᱟ ᱒᱑ᱹ᱖᱕ ᱩᱛᱚᱨ ᱘᱕ᱹ᱖᱐ ᱯᱩᱨᱩᱵᱽ ᱾ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱱᱚᱣᱟ ᱨᱮᱭᱟᱜ ᱩᱥᱩᱞ ᱫᱚ ᱕᱙᱖ ᱢᱤᱴᱚᱨ ᱾ ᱠᱮᱱᱫᱩᱡᱷᱚᱨ, ᱵᱤᱨ-ᱵᱩᱨᱩ ᱛᱮ ᱜᱷᱮᱨᱟᱣ ᱮᱥᱮᱫ ᱠᱟᱛᱮ ᱥᱤᱨᱡᱚᱱ ᱛᱮ ᱥᱟᱡᱟᱣ ᱟᱠᱟᱱ ᱢᱤᱫ ᱵᱟᱡᱟᱨ ᱠᱟᱱᱟ ᱾ ᱠᱮᱱᱫᱩᱡᱷᱚᱨ ᱨᱮᱭᱟᱜ ᱦᱚᱭ ᱦᱤᱥᱤᱫ ᱫᱚ ᱥᱤᱛᱩᱝ ᱫᱤᱱ ᱞᱚᱞᱚ ᱟᱨ ᱚᱫᱟ ᱟᱨ ᱨᱟᱵᱟᱝ ᱫᱤᱱ ᱨᱮᱭᱟᱲ ᱟᱨ ᱨᱚᱦᱚᱲ ᱟᱹᱭᱠᱟᱹᱣᱜ-ᱟ ᱾ ᱱᱚᱣᱟ ᱵᱟᱡᱟᱨ ᱨᱮᱫᱚ ᱥᱤᱛᱩᱝ ᱨᱮᱭᱟᱜ ᱚᱨᱥᱚᱝ ᱦᱚᱸ ᱟᱹᱰᱤ ᱵᱟᱹᱲᱛᱤ ᱜᱮᱭ ᱧᱟᱢᱟ ᱟᱨ ᱜᱚᱴᱟᱯᱟᱲᱟ ᱜᱮ ᱵᱤᱨ ᱵᱩᱨᱩ ᱢᱮᱱᱟᱜ ᱠᱷᱟᱹᱛᱤᱨ ᱨᱟᱵᱟᱝ ᱨᱮᱭᱟᱜ ᱚᱨᱥᱚᱝ ᱦᱚᱸ ᱟᱹᱰᱤ ᱵᱟᱹᱲᱛᱤ ᱜᱮᱭᱟ ᱾
ᱦᱚᱲ ᱮᱞᱮᱞ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱥᱟᱞᱮ ᱨᱮᱭᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱞᱮᱠᱟᱛᱮ , ᱠᱮᱱᱫᱩᱡᱷᱚᱨ ᱵᱟᱡᱟᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱓᱕᱐᱔᱓ ᱢᱮᱱᱟᱜ ᱠᱚᱣᱟ ᱾ [᱑] ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱕᱑ᱹ᱒᱔% ᱫᱚ ᱠᱚᱲᱟ ᱦᱚᱯᱚᱱ ᱠᱚ ᱦᱩᱭᱩᱜ ᱵᱮᱲᱟᱨᱮ ᱔᱘ᱹ᱗᱖% ᱫᱚ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ ᱠᱮᱱᱫᱩᱡᱷᱚᱨ ᱨᱮᱭᱟᱜ ᱥᱮᱪᱮᱫ ᱫᱚᱨ ᱫᱚ ᱗᱒ᱹ᱐᱘% ᱢᱮᱱᱟᱜ-ᱟ ᱾ ᱱᱚᱣᱟ ᱡᱟᱹᱛᱤᱭᱟᱹᱨᱤ ᱫᱚᱨ ᱠᱷᱚᱱ ᱫᱚ -᱗ᱹ᱒᱔% ᱠᱚᱢ ᱜᱮᱭᱟ ᱾ ᱚᱸᱰᱮ ᱠᱷᱚᱱ ᱔᱐ᱹ᱘᱗% ᱫᱚ ᱠᱚᱲᱟ ᱦᱚᱯᱚᱱ ᱟᱨ ᱓᱑ᱹ᱒᱒% ᱫᱚ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ ᱑᱑ᱹ᱖᱑% ᱦᱚᱲ ᱫᱚ ᱚᱸᱰᱮ ᱖ ᱵᱚᱨᱥᱚ ᱵᱚᱭᱚᱥ ᱠᱷᱚ ᱠᱚᱢ ᱵᱚᱭᱚᱥ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱑]
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱮᱱᱫᱩᱡᱷᱚᱨ ᱨᱮᱭᱟᱜ ᱥᱚᱨᱠᱟᱨᱤᱭᱟᱹ ᱯᱟᱹᱨᱥᱤ ᱫᱚ ᱳᱰᱤᱭᱟᱹ ᱠᱟᱱᱟ ᱾
ᱥᱟᱶᱛᱟᱨᱤ ᱟᱨ ᱞᱟᱠᱪᱟᱨᱤᱭᱟᱹ ᱜᱟᱶᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱦᱚᱱᱚᱛ ᱢᱩᱠᱷᱤᱭᱟᱹ ᱯᱚᱛᱚᱵ ᱢᱩᱨᱟᱹᱭ
ᱠᱮᱱᱫᱩᱡᱷᱚᱨ ᱨᱮᱭᱟᱜ ᱵᱟᱡᱟᱨ ᱨᱮ ᱱᱚᱣᱟ ᱯᱚᱛᱚᱵ ᱢᱩᱨᱟᱹᱭ ᱫᱚ ᱑᱙᱗᱗ ᱥᱟᱞᱮ ᱠᱷᱚᱱ ᱮ ᱠᱟ,ᱢᱤ ᱟᱹᱜᱩ ᱮᱫ-ᱟ ᱾ ᱢᱮᱱᱟᱜ ᱯᱩᱛᱷᱤ ᱯᱩᱸᱡᱤ ᱞᱮᱠᱟᱛᱮ ᱱᱚᱣᱟ ᱯᱚᱛᱚᱵ ᱢᱩᱨᱟᱹᱭ ᱨᱮᱫᱚ ᱡᱚᱛᱚᱛᱮ ᱑᱐᱘᱗᱐ ᱜᱚᱴᱟᱝ ᱯᱩᱛᱷᱤ ᱢᱮᱱᱟᱜ-ᱟ ᱾ ᱱᱚᱣᱟ ᱯᱚᱛᱚᱵ ᱢᱩᱨᱟᱹᱭ ᱫᱚ ᱚᱛᱮ ᱢᱟᱦᱟᱸ ᱵᱷᱮᱜᱮᱫ ᱮᱴᱟᱜ ᱡᱚᱛᱚ ᱫᱤᱱ ᱜᱮ ᱫᱤᱱ ᱵᱮᱲᱟ ᱑᱑ ᱴᱟᱲᱟᱝ ᱠᱷᱚᱱ ᱖ ᱴᱟᱲᱟᱝ ᱫᱷᱟᱹᱵᱤᱡ ᱡᱷᱤᱡ ᱛᱟᱦᱮᱸᱱᱟ ᱾
- ᱦᱚᱱᱚᱛ ᱢᱤᱣᱡᱤᱭᱚᱢ
ᱱᱚᱣᱟ ᱫᱚ ᱠᱮᱱᱫᱩᱡᱷᱚᱨ ᱨᱮᱭᱟᱜ ᱢᱟᱨᱮ ᱵᱟᱡᱟᱨ ᱨᱮ ᱢᱮᱱᱟᱜ ᱥᱨᱤ ᱵᱚᱲᱚᱫᱮᱵᱽᱡᱤᱣ ᱟᱜ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱢᱤᱣᱡᱤᱭᱚᱢ ᱨᱮᱭᱟᱜ ᱢᱤᱫ ᱪᱟᱸᱜᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱠᱷᱤᱪᱤᱝ ᱨᱮᱦᱚᱸ ᱢᱮᱱᱟᱜ-ᱟ ᱾
ᱧᱮᱢᱮᱞ ᱴᱚᱴᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱵᱚᱲᱚᱫᱮᱵᱽᱡᱤᱣ ᱢᱩᱫᱽᱨᱤ
ᱳᱰᱤᱥᱟ ᱨᱤᱱᱤᱡ ᱤᱥᱴ ᱫᱮᱵᱽᱛᱟ ᱢᱚᱦᱟᱯᱨᱚᱵᱷᱩ ᱡᱚᱜᱚᱱᱱᱟᱛᱷ ᱟᱜ ᱢᱤᱫ ᱢᱩᱫᱽᱨᱤ ᱫᱚ ᱠᱮᱱᱫᱩᱡᱷᱚᱨ ᱨᱮᱭᱟᱜ ᱢᱟᱨᱮ ᱵᱟᱡᱟᱨ ᱴᱚᱴᱷᱟ ᱨᱮ ᱢᱮᱱᱟᱜ-ᱟ ᱾ ᱡᱚᱛᱚ ᱥᱮᱨᱢᱟ ᱜᱮ ᱱᱚᱰᱮ ᱫᱚ ᱟᱹᱰᱤ ᱨᱟᱹᱥᱠᱟᱹ ᱨᱚᱢᱚᱡᱽ ᱛᱮ ᱥᱨᱤ ᱡᱤᱣ ᱟᱜ ᱨᱟᱛ ᱡᱟᱛᱨᱟ ᱯᱟᱞᱚᱱ ᱦᱩᱭᱩᱜ-ᱟ ᱾ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱱᱟᱥᱮ ᱥᱟᱺᱜᱤᱧ ᱨᱮ ᱵᱤᱨ ᱵᱩᱨᱩ ᱛᱮ ᱜᱷᱮᱨᱟᱣ ᱟᱠᱟᱱ ᱥᱤᱫᱷᱚ ᱢᱚᱴᱷᱚᱨᱮ ᱥᱤᱫᱷᱷᱚ ᱠᱟᱲᱤᱭᱟᱜ ᱢᱩᱫᱽᱨᱤ ᱢᱮᱱᱟᱜ-ᱟ ᱾
- ᱥᱟᱱᱜᱷᱟᱜᱽᱨᱟ
ᱵᱟᱡᱟᱨ ᱠᱷᱚᱱ ᱥᱩᱢᱩᱝ ᱖ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜ ᱱᱚᱣᱟ ᱫᱟᱜ ᱡᱷᱟᱨᱱᱟ ᱫᱚ ᱟᱹᱰᱤ ᱢᱚᱱᱮ ᱵᱷᱩᱞᱟᱹᱣ ᱴᱚᱴᱷᱟ ᱠᱟᱱᱟ ᱾ ᱑᱐᱐ ᱯᱷᱩᱴ ᱩᱥᱩᱞ ᱨᱮ ᱢᱮᱱᱟᱜ ᱱᱚᱣᱟ ᱡᱷᱟᱨᱱᱟ ᱥᱩᱨ ᱨᱮᱫᱚ ᱥᱮᱨᱢᱟ ᱡᱟᱠ ᱦᱚᱲ ᱵᱷᱤᱲ ᱜᱮ ᱛᱟᱦᱮᱸᱱᱟ ᱾ ᱚᱸᱰᱮ ᱢᱮᱱᱟᱜ ᱢᱤᱫ ᱵᱟᱜᱟᱱ ᱨᱮ ᱞᱮᱠᱟᱱ ᱞᱮᱠᱟᱱ ᱵᱟᱦᱟ/ᱡᱚ ᱫᱟᱨᱮ ᱠᱚ ᱨᱚᱦᱚᱭ ᱦᱩᱭ ᱟᱠᱟᱱᱟ ᱾
- ᱵᱚᱰᱚᱜᱷᱟᱜᱽᱨᱟ
ᱵᱟᱡᱟᱨ ᱠᱷᱚᱱ ᱥᱩᱢᱩᱝ ᱙ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜ ᱱᱚᱣᱟ ᱫᱚ ᱟᱨ ᱢᱤᱫ ᱢᱚᱱ ᱵᱷᱩᱞᱟᱹᱣ ᱡᱷᱟᱨᱱᱟ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱩᱥᱩᱞ ᱫᱚ ᱒᱐᱐ ᱯᱷᱩᱴ ᱢᱮᱱᱟᱜ-ᱟ ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ "way back machine - ᱥᱮᱱᱥᱚᱥ ᱳᱯᱷ ᱤᱱᱰᱤᱭᱟ". Archived from the original on 16 June 2004. Retrieved 24 September 2015.
- ↑ [᱑]
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱥᱟᱸᱜᱷᱟᱨ ᱨᱮ ᱠᱮᱶᱡᱷᱚᱨ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |