ᱠᱮᱱᱫᱩᱡᱷᱚᱨ ᱡᱤᱞᱞᱟᱹ

ᱠᱮᱱᱫᱩᱡᱷᱚᱨ
ᱠᱤᱸᱡᱷᱤᱨ
ᱠᱮᱱᱫᱩᱡᱷᱚᱨ; ᱠᱤᱸᱡᱷᱤᱨ
ᱦᱚᱱᱚᱛ
	ᱜᱚᱵᱤᱸᱫᱽᱯᱩᱨ ᱥᱩᱨ ᱢᱤᱫ ᱫᱤᱥᱚᱢ ᱨᱮᱱᱟᱜ ᱥᱚᱲᱚᱠ
	; ᱳᱰᱤᱥᱟ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮ
	Coordinates: 21°37′59″N 85°36′00″E / 21.633°N 85.6°ECoordinates: 21°37′59″N 85°36′00″E / 21.633°N 85.6°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱳᱰᱤᱥᱟ
ᱦᱮᱰᱠᱣᱟᱴᱚᱨ	ᱠᱮᱱᱫᱩᱡᱷᱚᱨ
ᱥᱚᱨᱠᱟᱨ
• ᱠᱚᱞᱮᱠᱴᱚᱨ ᱟᱨ ᱰᱤᱥᱴᱨᱤᱠᱴ ᱢᱟᱡᱤᱥᱴᱨᱮᱴ	ᱟᱥᱤᱥ ᱴᱷᱟᱠᱟᱨᱮ, IAS
• ᱯᱩᱞᱤᱥ ᱥᱩᱯᱚᱨᱤᱱᱴᱮᱱᱰᱮᱸᱴ	ᱡᱚᱭ ᱱᱟᱨᱟᱭᱚᱬ ᱯᱚᱝᱠᱚᱡᱽ, IPS
ᱮᱨᱤᱭᱟ
• ᱞᱮᱠᱷᱟᱜᱩᱴ	8240 ᱠᱤᱢᱤ২ (3180 ᱜᱟᱺᱴ ᱢᱟᱭᱤᱞ)
ᱩᱥᱩᱞ	480 ᱢᱤᱴᱚᱨ (1570 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011)
• ᱞᱮᱠᱷᱟᱜᱩᱴ	᱑,᱘᱐᱒,᱗᱗᱗
• ᱫᱷᱟᱹᱲ ᱮᱞ	8
• ᱰᱮᱱᱥᱤᱴᱤ	217/ᱠᱤᱢᱤ2 (560/ᱜᱟᱺᱴ ᱢᱟᱹᱭᱤᱞ)
ᱯᱟ.ᱨᱥᱤ
• ᱟ.ᱢᱟ.ᱞᱮᱛ	ᱳᱰᱤᱭᱟ
• ᱮᱴᱟᱜ ᱞᱳᱠᱟᱞ ᱯᱟ.ᱨᱥᱤ	ᱦᱚ ᱯᱟᱹᱨᱥᱤ, ᱥᱟᱱᱛᱟᱲᱤ, ᱡᱩᱣᱟᱝ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱕᱘ xxx
ᱜᱟᱹᱰᱤ ᱨᱤᱡᱤᱥᱴᱨᱤ	OD-09
ᱡᱟᱱᱟᱝ ᱡᱟᱹᱱᱤ	᱐.᱙᱘᱗ ♂/♀
ᱥᱮᱪᱮᱫ	᱖᱙%
ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱠᱤᱸᱡᱷᱤᱨ(ST)
ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	᱗ ᱐᱒᱐-ᱛᱮᱞᱠᱚᱭᱤ(ST); ᱐᱒᱑-ᱜᱷᱟᱥᱤᱯᱩᱨᱟ; ᱐᱒᱒-ᱟᱱᱚᱱᱫᱚᱯᱩᱨ(SC); ᱐᱒᱓-ᱯᱟᱴᱱᱟ(ST); ᱐᱒᱔-ᱠᱮᱶᱡᱷᱚᱨ(ST); ᱐᱒᱕-ᱪᱟᱢᱯᱩᱣᱟ; ᱐᱓᱐-ᱠᱚᱨᱚᱧᱡᱤᱭᱟ;
ᱦᱚᱭᱞᱚᱝ	Aw (Köppen)
Precipitation	1,535.5 millimetres (60.45 in)
ᱣᱮᱵᱽᱥᱟᱭᱤᱴ	www.kendujhar.nic.in

ᱠᱮᱱᱫᱩᱡᱷᱚᱨ ᱟᱨᱵᱟᱝ ᱠᱮᱶᱡᱷᱚᱨ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱦᱮᱰᱠᱣᱟᱴᱚᱨ ᱫᱚ ᱠᱮᱱᱫᱩᱡᱷᱚᱨ ᱟᱨᱵᱟᱝ ᱠᱮᱱᱫᱩᱡᱚᱷᱨᱜᱚᱰ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱚᱛᱱᱚᱜᱮᱛ ᱮᱨᱤᱭᱟ ᱫᱚ ᱘᱒᱔᱐ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱠᱚᱧᱮ ᱥᱮᱦᱮᱫ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ, ᱥᱟᱢᱟᱝ ᱨᱮ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ, ᱟᱨ ᱵᱷᱚᱫᱽᱨᱚᱠ ᱦᱚᱱᱚᱛ, ᱮᱛᱚᱢ ᱨᱮ ᱡᱟᱡᱽᱯᱩᱨ ᱦᱚᱱᱚᱛ ᱟᱨ ᱯᱟᱪᱮ ᱨᱮ ᱰᱷᱮᱱᱠᱟᱱᱟᱲ ᱦᱚᱱᱚᱛ ᱟᱨ ᱥᱩᱱᱫᱚᱨᱜᱚᱰ ᱦᱚᱱᱚᱛ ᱢᱮᱱᱟᱜᱼᱟ ᱾^[᱒]^[᱓]^[᱔]

ᱱᱟᱜᱟᱢ

ᱳᱰᱤᱥᱟ ᱨᱮ ᱥᱮᱞᱮᱫᱚᱜ ᱢᱟᱬᱟᱝ ᱨᱮ ᱠᱮᱱᱫᱩᱡᱷᱚᱨ ᱢᱤᱫ ᱯᱨᱤᱱᱥᱞᱤ ᱦᱚᱱᱚᱛ ᱛᱟᱦᱮᱸ ᱠᱟᱱᱟ ᱾ ᱯᱚᱱᱚᱛ ᱨᱮᱭᱟᱜ ᱮᱛᱚᱦᱚᱵ ᱱᱟᱜᱟᱢ ᱫᱚ ᱴᱷᱟ.ᱣᱠᱟ. ᱥᱟᱺᱦᱤᱡ ᱵᱟᱰᱟᱭ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱯᱟᱞᱮ ᱯᱟ.ᱦᱤᱞ ᱠᱷᱤᱡᱡᱤᱝ ᱯᱚᱱᱚᱛ ᱨᱮᱭᱟᱜ ᱢᱤᱫ ᱚᱝᱜᱚᱥ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱨᱟᱡᱽᱜᱟᱲ ᱫᱚ ᱠᱷᱤᱡᱡᱤᱝ ᱠᱳᱴᱟ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱤᱛᱚᱜ ᱚᱠᱛᱚ ᱨᱮ ᱠᱷᱤᱡᱡᱤᱝ ᱠᱳᱴᱟ ᱫᱤ ᱠᱷᱤᱪᱤᱝ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱑᱒ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱯᱩᱭᱞᱩᱫᱷᱟ ᱨᱮ ᱨᱟᱡᱟ ᱡᱭᱚᱛᱤ ᱵᱷᱚᱸᱡᱽ ᱟᱜ ᱛᱟ.ᱨᱤ ᱨᱮ ᱱᱚᱣᱟ ᱫᱚ ᱢᱤᱫ ᱯᱷᱩᱨᱜᱟ.ᱞ ᱯᱚᱱᱚᱛ ᱵᱮᱱᱟᱣ ᱞᱮᱱᱟ ᱾ ᱡᱭᱚᱛᱤ ᱵᱷᱚᱸᱡᱽ ᱨᱟᱡᱟᱭ ᱵᱮᱱᱟᱣᱜ ᱨᱮᱭᱟᱜ ᱟ.ᱰᱤ ᱞᱟᱦᱟᱨᱮ ᱠᱮᱱᱫᱩᱡᱷᱚᱨ ᱨᱮᱭᱟᱜ ᱥᱤᱢᱟ.ᱜᱟᱨ ᱫᱚ ᱱᱤᱛᱚᱜᱟᱜ ᱯᱚᱱᱚᱛ ᱨᱮᱭᱟᱜ ᱥᱩᱢᱩᱝ ᱩᱛᱚᱨ ᱵᱷᱟᱜᱽ ᱫᱷᱟ.ᱵᱤᱡ ᱜᱮ ᱛᱷᱩᱠᱟ.ᱢ ᱛᱟᱦᱮᱸ ᱠᱟᱱᱟ ᱾ ᱑᱕ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱢᱩᱪᱟ.ᱫ ᱦᱟ.ᱴᱤᱧ ᱨᱮ ᱨᱟᱡᱟ ᱜᱳᱵᱤᱸᱫᱽ ᱵᱷᱚᱸᱡᱽ ᱫᱚ ᱫᱩᱠᱷᱤᱱ ᱯᱟᱦᱴᱟᱭ ᱦᱟᱛᱟᱣ ᱠᱮᱫᱼᱟ ᱾ ᱱᱩᱭᱟᱜ ᱥᱟᱥᱚᱱ ᱚᱠᱛᱚ ᱨᱮ ᱠᱮᱱᱫᱩᱡᱷᱚᱨ ᱨᱮᱭᱟᱜ ᱥᱤᱢᱟ. ᱩᱛᱚᱨ ᱨᱮ ᱥᱤᱝᱵᱷᱩᱢ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱫᱤᱠᱷᱤᱱ ᱨᱮ ᱥᱩᱠᱤᱱᱫᱟ ᱟᱨ ᱯᱩᱨᱩᱵᱽ ᱨᱮ ᱢᱚᱭᱩᱨᱵᱷᱚᱸᱡᱽ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱫᱩᱠᱷᱤᱱ ᱨᱮ ᱵᱚᱬᱟᱭᱤ, ᱯᱟᱞᱚᱞᱦᱚᱰᱟ ᱟᱨ ᱚᱱᱩᱜᱩᱲ ᱫᱷᱟ.ᱵᱤᱡ ᱟᱴᱮᱫ ᱛᱟᱦᱮᱸ ᱠᱟᱱᱟ ᱾ ᱨᱟᱡᱟ ᱯᱨᱚᱛᱟᱯ ᱵᱚᱲᱚᱵᱷᱚᱫᱽᱨᱚ ᱵᱷᱚᱸᱡᱽ (᱑᱗᱖᱔ ᱥᱟᱞ ᱼ ᱑᱗᱙᱒ ᱥᱟᱞ) ᱨᱮᱭᱟᱜ ᱚᱠᱛᱚ ᱨᱮ ᱴᱤᱞᱞᱚ ᱟᱨ ᱡᱩᱡᱷᱯᱚᱰᱟ ᱧᱩᱛᱩᱢᱟᱱ ᱵᱟᱨᱭᱟ ᱠᱟ.ᱴᱤᱡ ᱴᱚᱴᱷᱟ ᱠᱚᱱᱴᱟᱡᱷᱚᱨᱤ ᱨᱤᱱᱤᱡ ᱡᱩᱢᱤᱫᱟᱨ ᱴᱷᱮᱱ ᱠᱷᱚᱱ ᱠᱤᱨᱤᱧ ᱠᱟᱛᱮ ᱠᱮᱱᱫᱩᱡᱷᱚᱨ ᱥᱟᱶ ᱥᱮᱞᱮᱫ ᱦᱩᱭ ᱞᱮᱱᱟ ᱾ ᱱᱚᱣᱟ ᱵᱟᱨᱭᱟ ᱡᱟᱭᱜᱟ ᱫᱚ ᱥᱟᱞ ᱑᱘᱐᱔ ᱨᱮ ᱤᱥᱴᱼᱤᱱᱰᱤᱭᱟ ᱠᱚᱢᱯᱟᱱᱤ ᱦᱚᱛᱮᱛᱮ ᱨᱟᱡᱟ ᱡᱚᱱᱟᱨᱫᱷᱚᱱ ᱵᱷᱚᱸᱡᱽ ᱠᱚ ᱮᱢᱟ ᱫᱮᱭᱟ ᱾ ᱤᱱᱟ. ᱛᱟᱭᱚᱢ ᱯᱷᱩᱨᱜᱟ.ᱞ ᱳᱰᱤᱥᱟ ᱯᱚᱱᱚᱛ ᱨᱮ ᱥᱮᱞᱮᱫᱚᱜ ᱫᱷᱟ.ᱵᱤᱡ ᱠᱮᱱᱫᱩᱡᱷᱚᱨ ᱨᱮᱭᱟᱜ ᱥᱤᱢᱟ. ᱨᱮ ᱪᱮᱫ ᱟ.ᱨᱩᱯᱷᱮᱨᱟᱣ ᱦᱚᱸ ᱵᱟᱝ ᱦᱩᱭ ᱞᱮᱱᱟ ᱾ ᱤᱠᱷᱟᱹᱱ ᱳᱰᱤᱥᱟ ᱨᱮ ᱥᱮᱞᱮᱫ ᱦᱩᱭ ᱮᱱ ᱛᱟᱭᱚᱢ ᱯᱨᱚᱥᱟᱥᱚᱱᱤᱭᱟ. ᱵᱮᱵᱚᱥᱛᱟ ᱨᱮᱭᱟᱜ ᱥᱩᱵᱤᱫᱷᱟ ᱠᱷᱟ.ᱛᱤᱨ ᱴᱤᱞᱞᱳ ᱟᱨ ᱡᱩᱡᱷᱯᱚᱰᱟ ᱫᱚ ᱵᱟᱞᱮᱥᱣᱚᱨ ᱟᱨ ᱠᱚᱴᱚᱠ ᱦᱚᱱᱚᱛ ᱦᱤᱨᱞᱟ. ᱨᱮ ᱫᱚᱦᱚ ᱮᱱᱟ ᱟᱨ ᱟᱢᱵᱳ ᱧᱩᱛᱩᱢ ᱛᱮ ᱵᱟᱞᱮᱥᱣᱚᱨ ᱦᱚᱱᱚᱛ ᱨᱮᱭᱟᱜ ᱢᱤᱫ ᱟ.ᱛᱩ ᱜᱩᱴ ᱫᱚ ᱠᱮᱱᱫᱩᱡᱷᱚᱨ ᱥᱟᱶ ᱥᱮᱞᱮᱫ ᱮᱱᱟ ᱾

ᱥᱟᱥᱚᱱᱤᱭᱟ. ᱠᱚᱣᱟᱜ ᱧᱩᱛᱩᱢ

ᱚᱠᱛᱚ ᱨᱮᱭᱟᱜ ᱞᱟᱲᱟᱣᱱᱟ ᱞᱮᱠᱟᱛᱮ ᱠᱮᱱᱫᱩᱡᱷᱚᱨ ᱠᱚ ᱥᱟᱥᱚᱱ ᱞᱮᱫ ᱨᱟᱡᱟ ᱠᱚᱣᱟᱜ ᱧᱩᱛᱩᱢ ᱱᱚᱝᱠᱟ ᱢᱮᱱᱟᱜᱼᱟ ᱾

ᱢᱟ.ᱱ ᱡᱚᱜᱚᱱᱱᱟᱛᱷ ᱵᱷᱚᱸᱡᱽ (᱑᱖᱘᱘ - ᱑᱗᱐᱐)

ᱢᱟ.ᱱ ᱨᱚᱜᱷᱩᱱᱟᱛᱷ ᱵᱷᱚᱸᱡᱽ (᱑᱗᱐᱐-᱑᱗᱑᱙)

ᱢᱟ.ᱱ ᱜᱳᱯᱤᱱᱟᱛᱷ ᱵᱷᱚᱸᱡᱽ (᱑᱗᱑᱙-᱑᱗᱓᱖)

ᱢᱟ.ᱱ ᱱᱚᱨᱚᱥᱤᱢᱦᱟ ᱱᱟᱨᱟᱭᱚᱬ ᱵᱷᱚᱸᱡᱽ (᱑᱗᱓᱖-᱑᱗᱕᱗)

ᱢᱟ.ᱱ ᱫᱷᱚᱱᱮᱥᱣᱚᱨ ᱱᱟᱨᱟᱭᱚᱬ ᱵᱷᱚᱸᱡᱽ (᱑᱗᱕᱗-᱑᱗᱕᱘)

ᱢᱟ.ᱱ ᱡᱚᱜᱽᱛᱮᱥᱣᱚᱨ ᱱᱟᱨᱟᱭᱚᱬ ᱵᱷᱚᱸᱡᱽ (᱑᱗᱕᱘-᱑᱗᱖᱒)

ᱢᱟ.ᱱ ᱯᱨᱚᱛᱟᱯ ᱵᱚᱲᱚᱵᱷᱚᱫᱽᱨᱚ ᱵᱷᱚᱸᱡᱽ (᱑᱗᱖᱒-᱑᱗᱙᱗ / ᱑᱗᱖᱔-᱑᱗᱙᱒)

ᱢᱟ.ᱱ ᱡᱚᱱᱟᱨᱫᱷᱚᱱ ᱵᱷᱚᱸᱡᱽ (᱑᱗᱙᱔-᱑᱘᱒᱕ / ᱑᱗᱙᱗- ᱑᱘᱓᱒)

ᱢᱟ.ᱱ ᱜᱚᱫᱟᱫᱷᱚᱨ ᱱᱟᱨᱟᱭᱚᱬ ᱵᱷᱚᱸᱡᱽ ᱫᱮᱣ (᱑᱘᱒᱕-᱑᱘᱖᱑/᱑᱘᱓᱒-᱑᱘᱖᱑)

ᱢᱟ.ᱱ ᱫᱷᱚᱱᱚᱨᱟᱡᱚᱭ ᱱᱟᱨᱟᱭᱚᱬ ᱵᱷᱚᱸᱡᱽ ᱫᱮᱣ (᱑᱘᱖᱑-᱑᱙᱐᱕)

ᱢᱟ.ᱱ ᱜᱚᱯᱤᱱᱟᱛᱷ ᱱᱟᱨᱟᱭᱚᱬ ᱵᱷᱚᱸᱡᱽ ᱫᱮᱣ (᱑᱙᱐᱕-᱑᱙᱒᱖)

ᱢᱟ.ᱱ ᱵᱚᱲᱵᱷᱚᱫᱽᱨᱚ ᱱᱟᱨᱟᱭᱚᱬ ᱵᱷᱚᱸᱡᱽ ᱫᱮᱣ (᱑᱙᱒᱖-᱑᱙᱔᱘) ᱾

ᱚᱛᱱᱚᱜ

ᱜᱚᱴᱟᱯᱟᱲᱟ ᱠᱷᱚᱱ ᱚᱛᱮᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱮᱨᱤᱭᱟ ᱫᱚ ᱘᱒᱔᱐ square kilometers ᱢᱮᱱᱟᱜᱼᱟ ᱾ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱫᱚ ᱳᱰᱤᱥᱟ ᱨᱮᱭᱟᱜ ᱩᱛᱚᱨ ᱯᱟᱦᱴᱟ ᱨᱮ ᱒᱑°᱑'-᱒᱒°᱑' latitude ᱟᱨ ᱘᱕°᱑᱑'-᱘᱖°᱑᱑' latitude ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱩᱛᱚᱨᱼᱫᱩᱠᱷᱤᱱ ᱥᱮᱦᱮᱫ ᱨᱮ ᱥᱩᱯᱩᱨ ᱑᱔᱕ ᱠᱤᱞᱚᱢᱤᱴᱚᱨ ᱟᱨ ᱚᱥᱟᱨ ᱫᱚ ᱯᱩᱨᱩᱵᱽᱼᱯᱩᱪᱷᱤᱢ ᱥᱮᱦᱮᱫ ᱨᱮ ᱥᱩᱯᱩᱨ ᱖᱕ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱚᱛ ᱨᱮᱭᱟᱜ ᱮᱵᱷᱚᱨᱮᱡᱽ ᱩᱥᱩᱞ ᱫᱚ ᱔᱘᱐ ᱢᱤᱴᱚᱨ ᱟᱨ ᱱᱟᱥᱮ ᱫᱷᱟᱨᱟ ᱫᱟᱨᱥᱟᱬ ᱩᱛᱚᱨ ᱠᱷᱚᱱ ᱫᱩᱠᱷᱤᱱ ᱥᱮᱦᱮᱫ ᱥᱮᱫ ᱢᱮᱱᱟᱜᱼᱟ ᱾

ᱱᱮᱥᱱᱟᱞ ᱦᱟᱭᱣᱮ ᱒᱑᱕ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱫᱚ ᱩᱛᱚᱨ ᱠᱷᱚᱱ ᱫᱩᱠᱷᱤᱱ ᱫᱷᱟ.ᱵᱤᱡ ᱵᱟᱨᱭᱟ ᱱᱟᱪᱩᱨᱟᱞ ᱴᱚᱴᱷᱟ ᱨᱮ ᱦᱟ.ᱴᱤᱧ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱯᱩᱨᱩᱵᱽ ᱯᱟᱦᱴᱟ ᱨᱮ ᱟᱱᱚᱱᱫᱚᱯᱩᱨ ᱟᱨ ᱥᱚᱫᱚᱨ ᱥᱚᱵᱽᱰᱤᱵᱤᱡᱚᱱ ᱨᱮᱭᱟᱜ ᱛᱤᱱᱟ.ᱜ ᱦᱟ.ᱴᱤᱧ ᱨᱮᱭᱟᱜ ᱢᱟᱴ ᱴᱚᱴᱷᱟ ᱠᱟᱱᱟ ᱾ ᱟᱨ ᱱᱚᱣᱟ ᱦᱟᱭᱣᱮ ᱨᱮᱭᱟᱜ ᱯᱩᱪᱷᱤᱢ ᱴᱚᱴᱷᱟ ᱫᱚ ᱩᱛᱛᱚᱝ ᱵᱩᱨᱩ ᱛᱮ ᱯᱮᱨᱮᱡ ᱟᱠᱟᱱᱟ ᱡᱟᱦᱚᱸᱨᱮ ᱜᱚᱸᱫᱷᱢᱟᱱᱟᱥᱛᱚᱱ (᱓᱔᱗᱗ ᱯᱷᱩᱴ), ᱢᱩᱫᱚᱱᱠᱟᱱ (᱓᱖᱓᱙ ᱯᱷᱩᱴ), ᱜᱳᱱᱟᱥᱤᱠᱟ (᱓᱒᱑᱙ ᱯᱷᱩᱴ), ᱟᱨ ᱴᱷᱟᱠᱩᱨᱟᱬᱤ (᱓᱐᱐᱓ ᱯᱷᱩᱴ) ᱮᱢᱟᱱ ᱦᱚᱱᱚᱛ ᱨᱮᱭᱟᱜ ᱛᱤᱱᱟ.ᱝ ᱜᱟᱱ ᱵᱩᱨᱩ ᱞᱟᱯᱷᱟᱝ ᱦᱚᱸ ᱚᱱᱟ ᱵᱷᱤᱛᱨᱤ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱭᱟᱜ ᱮᱨᱤᱭᱟ ᱨᱮᱭᱟᱜ ᱟᱫᱷᱟ ᱜᱟᱱ ᱴᱚᱴᱷᱟ (᱔᱐᱔᱓ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ) ᱫᱚ ᱵᱤᱨ ᱛᱮᱜᱮ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱵᱤᱨ ᱫᱚ ᱟ.ᱰᱤ ᱞᱮᱠᱟᱱ ᱫᱟᱨᱮ ᱱᱟ.ᱬᱤ ᱛᱮ ᱯᱮᱨᱮᱡ ᱯᱩᱨᱩᱱ ᱟᱠᱟᱱᱟ ᱾ ᱚᱱᱟ ᱫᱟᱨᱮ ᱠᱚ ᱵᱷᱤᱛᱨᱤ ᱨᱮ ᱥᱟᱨᱡᱚᱢ, ᱢᱟᱛᱠᱚᱢ, ᱟᱥᱚᱱ ᱫᱟᱨᱮ ᱮᱢᱟᱱ ᱯᱩᱭᱞᱩ ᱴᱷᱟᱶ ᱮ ᱦᱟᱛᱟᱣᱟ ᱾ ᱵᱚᱭᱛᱚᱨᱚᱬᱤ ᱱᱟ.ᱭ ᱫᱚ ᱜᱳᱱᱟᱥᱤᱠᱟ ᱵᱩᱨᱩ ᱠᱷᱚᱱ ᱚᱰᱚᱠ ᱠᱟᱛᱮ ᱯᱩᱭᱞᱩ ᱫᱚ ᱩᱛᱚᱨ ᱥᱮᱦᱮᱫ ᱞᱤᱸᱜᱤ ᱠᱟᱛᱮ ᱥᱤᱝᱦᱚᱵᱷᱩᱢᱚ ᱨᱮ ᱛᱤᱱᱟ.ᱝ ᱥᱟᱺᱜᱤᱧ ᱜᱟᱱ ᱞᱤᱸᱜᱤ ᱮᱱ ᱛᱟᱭᱚᱢ ᱛᱤᱱᱟ.ᱝ ᱥᱟᱺᱜᱤᱧ ᱫᱚ ᱯᱩᱨᱩᱵᱽ ᱯᱟᱦᱴᱟ ᱥᱮᱫ ᱟᱨ ᱢᱩᱪᱟ.ᱫ ᱨᱮ ᱫᱩᱠᱷᱤᱱᱼᱯᱩᱨᱩᱵᱽ ᱥᱮᱫ ᱞᱤᱸᱜᱤ ᱠᱟᱛᱮ ᱟᱱᱟᱱᱫᱚᱯᱩᱨ ᱟᱨ ᱵᱷᱚᱫᱽᱨᱚᱠ ᱨᱮ ᱵᱚᱞᱚ ᱟᱠᱟᱱᱟ ᱾ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱨᱮ ᱟ.ᱰᱤ ᱵᱟ.ᱲᱛᱤ ᱯᱚᱨᱤᱢᱟᱬ ᱨᱮ ᱢᱮᱬᱦᱮᱫ ᱫᱷᱤᱨᱤ, ᱢᱟᱝᱜᱟᱱᱤᱡᱽ, ᱠᱨᱳᱢᱟᱭᱤᱴ, ᱮᱢᱟᱱ ᱠᱷᱚᱬᱤᱡᱽ (ᱢᱤᱱᱮᱨᱟᱞ) ᱧᱟᱢᱚᱜᱼᱟ ᱾

ᱚᱛᱮᱛ

ᱜᱚᱲᱦᱚᱱ ᱨᱮᱫᱚ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱩᱛᱚᱨ ᱠᱷᱚᱱ ᱫᱩᱠᱷᱤᱱ ᱥᱮᱫ ᱡᱤᱞᱤᱧ ᱛᱮ ᱢᱮᱱᱟᱜᱼᱟ ᱾ ᱩᱛᱚᱨ ᱠᱷᱚᱱ ᱫᱩᱠᱷᱤᱱ ᱫᱷᱟ.ᱵᱤᱡ ᱱᱚᱣᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱡᱤᱞᱤᱧ ᱫᱚ ᱦᱩᱭᱩᱜ ᱠᱟᱱᱟ ᱑᱔᱕ ᱠᱤᱞᱚᱢᱤᱴᱚᱨ ᱟᱨ ᱯᱩᱨᱩᱵᱽ ᱠᱷᱚᱱ ᱯᱩᱪᱷᱤᱢ ᱥᱮᱫ ᱫᱚ ᱱᱚᱣᱟ ᱨᱮᱭᱟᱜ ᱦᱟᱨᱟᱦᱟᱨᱤ ᱚᱥᱟᱨ ᱫᱚ ᱦᱩᱭᱩᱜ ᱠᱟᱱᱟ ᱖᱕ ᱠᱤᱞᱚᱢᱤᱴᱚᱨ ᱾ ᱚᱛᱱᱮᱛ ᱞᱮᱠᱟᱛᱮ ᱱᱚᱣᱟ ᱦᱚᱱᱚᱛ ᱫᱚ ᱢᱩᱬ ᱞᱮᱠᱟᱛᱮ ᱵᱟᱨ ᱦᱟ.ᱴᱤᱧ ᱨᱮ ᱦᱟ.ᱴᱤᱧ ᱦᱩᱭ ᱫᱟᱲᱮᱭᱟᱜᱼᱟ, ᱪᱮᱛᱟᱱ ᱠᱮᱱᱫᱩᱡᱷᱚᱨ ᱟᱨ ᱞᱟᱛᱟᱨ ᱠᱮᱱᱫᱩᱡᱷᱚᱨ ᱾ ᱞᱟᱛᱟᱨ ᱠᱮᱱᱫᱩᱡᱷᱚᱨ ᱫᱚ ᱥᱚᱢᱟᱱ ᱚᱛ ᱟᱨ ᱱᱟ.ᱭ ᱱᱟᱞᱟ ᱠᱚ ᱤᱫᱤ ᱠᱟᱛᱮ ᱜᱚᱲᱦᱚᱱ ᱟᱠᱟᱱ ᱵᱮᱲᱟᱨᱮ ᱪᱮᱛᱟᱱ ᱠᱮᱱᱫᱩᱡᱷᱚᱨ ᱫᱚ ᱵᱩᱨᱩ ᱛᱮ ᱯᱮᱨᱮᱡ ᱟᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱚᱛ ᱚᱲᱚᱝ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱩᱛᱚᱨ ᱠᱷᱚᱱ ᱫᱩᱠᱷᱤᱱ ᱥᱮᱫ ᱫᱚ ᱫᱟᱨᱥᱟᱬ ᱜᱮᱭᱟ ᱾ ᱞᱟᱛᱟᱨ ᱚᱛ ᱠᱷᱚᱱ ᱠᱷᱩᱵ ᱪᱮᱛᱟᱱ ᱟᱨ ᱫᱟᱨᱥᱟᱬ ᱟ.ᱭᱠᱟ.ᱣ ᱞᱮᱱ ᱨᱮᱦᱚᱸ ᱱᱚᱰᱮ ᱢᱮᱱᱟᱜ ᱵᱩᱨᱩ ᱨᱮᱭᱟᱜ ᱪᱮᱛᱟᱱ ᱯᱟᱦᱴᱟ ᱨᱮᱫᱚ ᱡᱤᱵᱽ ᱡᱟᱱᱣᱟ ᱟ.ᱛᱤᱧ ᱚᱛ ᱟᱨ ᱠᱟ.ᱴᱤᱡ ᱢᱟᱪᱷᱟ ᱪᱟᱥ ᱚᱛ ᱞᱟ.ᱜᱤᱫ ᱵᱮᱵᱷᱟᱨ ᱜᱟᱱᱚᱜ ᱞᱮᱠᱟᱱ ᱟ.ᱰᱤ ᱱᱟᱯᱟᱭ ᱥᱚᱢᱟᱱ ᱚᱛ ᱦᱚᱸ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱭᱟᱜ ᱛᱟᱞᱟ ᱵᱷᱟᱜᱽ ᱨᱮᱭᱟᱜ ᱩᱥᱩᱞ ᱫᱚ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱫᱚ ᱦᱟᱨᱟᱦᱟᱨᱤ ᱕᱐᱐ ᱢᱤᱴᱚᱨ ᱾ ᱛᱟᱞᱟᱨᱮ ᱛᱟᱞᱟᱨᱮ ᱢᱮᱱᱟᱜ ᱠᱟ.ᱴᱤᱡ ᱠᱟ.ᱴᱤᱡ ᱵᱩᱨᱩ ᱠᱚᱫᱚ ᱱᱚᱣᱟ ᱴᱚᱴᱷᱟ ᱨᱮ ᱫᱟᱜ ᱫᱚᱞ ᱫᱚᱦᱚ ᱞᱮᱠᱟᱭ ᱠᱟ.ᱢᱤᱭᱟ ᱾

ᱦᱚᱭᱫᱟᱜ

ᱦᱚᱱᱚᱛ ᱨᱮᱭᱟᱜ ᱦᱚᱭᱫᱟᱜ ᱫᱚ ᱚᱱᱠᱟ ᱥᱤᱛᱩᱝᱱᱟᱝ ᱨᱮ ᱵᱟ.ᱲᱛᱤ ᱞᱚᱞᱚ ᱟᱨ ᱨᱮᱭᱟᱲᱱᱟᱝ ᱨᱮᱫᱚ ᱟ.ᱰᱤ ᱵᱟ.ᱲᱛᱤ ᱜᱮ ᱨᱮᱭᱟᱜ ᱛᱟᱦᱮᱸᱱᱟ ᱾ ᱥᱤᱛᱩᱝ ᱚᱠᱛᱚ ᱨᱮ ᱦᱚᱱᱚᱛ ᱨᱮᱭᱟᱜ ᱦᱚᱭᱫᱟᱜ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱚᱫᱟ ᱟᱨ ᱞᱚᱞᱚ ᱛᱟᱦᱮᱸᱱᱟ ᱾ ᱱᱚᱣᱟ ᱚᱠᱛᱚ ᱨᱮ ᱦᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱞᱚᱞᱚᱥᱚᱝ ᱫᱚ ᱔᱕ ᱰᱤᱜᱨᱤ ᱥᱮᱞᱥᱤᱭᱚᱥ ᱮ ᱯᱟᱨᱚᱢ ᱠᱟᱜᱼᱟ ᱾ ᱚᱱᱠᱟ ᱫᱚ ᱢᱟᱨᱪ ᱵᱚᱸᱜᱟ ᱠᱷᱚᱱ ᱜᱮ ᱥᱤᱛᱩᱝ ᱨᱤᱛᱩ ᱞᱮᱠᱟ ᱟ.ᱭᱠᱟ.ᱣᱜᱼᱟ ᱾ ᱤᱠᱷᱟ.ᱱ ᱢᱮ ᱵᱚᱸᱜᱟ ᱨᱮ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱵᱩᱡᱷᱟ.ᱣᱜᱼᱟ ᱾ ᱨᱟᱵᱟᱝᱱᱟᱝ ᱨᱮ ᱦᱚᱱᱚᱛ ᱨᱮᱭᱟᱜ ᱦᱚᱭᱫᱟᱜ ᱫᱚ ᱨᱮᱭᱟᱲ ᱟᱨ ᱨᱚᱦᱚᱲ ᱛᱟᱦᱮᱸᱱᱟ ᱾ ᱱᱤᱭᱟ. ᱚᱠᱛᱚ ᱨᱮ ᱡᱚᱛᱚ ᱠᱷᱚᱱ ᱠᱟ.ᱡ ᱞᱚᱞᱚᱥᱚᱝ ᱫᱚ ᱑᱑.᱗ ᱰᱤᱜᱨᱤ ᱥᱮᱞᱥᱤᱭᱚᱥ ᱛᱟᱦᱮᱸᱱᱟ ᱾ ᱚᱠᱟ ᱚᱠᱟ ᱡᱚᱦᱚᱜ ᱫᱚ ᱱᱚᱣᱟ ᱗ ᱰᱤᱜᱨᱤ ᱥᱮᱞᱥᱤᱭᱚᱥ ᱫᱷᱟ.ᱵᱤᱡ ᱧᱩᱨ ᱠᱚᱜᱼᱟ ᱾ ᱦᱚᱱᱚᱛ ᱨᱮ ᱥᱮᱨᱢᱟᱠᱤᱭᱟ. ᱦᱟᱨᱟᱦᱟᱨᱤ ᱑᱕᱓᱔.᱕ ᱢᱤ.ᱢᱤ. ᱡᱟ.ᱯᱩᱫ ᱦᱩᱭᱩᱜᱼᱟ ᱾

ᱦᱚᱲᱞᱮᱠᱷᱟ

᱒᱐᱑᱑ ᱦᱚᱲ ᱞᱮᱠᱷᱟ ^[᱕] ᱞᱮᱠᱟᱛᱮ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱨᱮᱫᱚ ᱜᱩᱴ ᱦᱚᱲ ᱮᱞᱮᱞ ᱑᱘,᱐᱒,᱗᱗᱗ ᱾ ᱱᱚᱣᱟ ᱵᱷᱤᱛᱨᱤ ᱠᱷᱚᱱ ᱟ.ᱛᱩ ᱴᱚᱞᱟᱨᱮ ᱑᱕,᱔᱙,᱖᱗᱑ ᱟᱨ ᱵᱟᱡᱟᱨ ᱴᱚᱴᱷᱟ ᱨᱮᱫᱚ ᱒,᱕᱓,᱑᱐᱖ ᱦᱚᱲ ᱠᱚ ᱵᱟᱥᱟ ᱵᱚᱥᱠᱚᱫᱚᱜ ᱠᱟᱱᱟ ᱾^[᱖]

ᱠᱚᱲᱟ ᱦᱚᱯᱚᱱ ᱺ ᱙,᱐᱗,᱑᱓᱕

ᱠᱩᱲᱤ ᱦᱚᱯᱚᱱ ᱺ ᱘,᱙᱕,᱖᱔᱒

° ᱛᱩᱨᱩᱭ ᱥᱮᱨᱢᱟ ᱠᱷᱚᱱ ᱠᱟ.ᱡ ᱺ ᱒,᱕᱓,᱔᱑᱘

ᱥᱮᱪᱮᱫ ᱨᱮᱴ ᱺ ᱖᱙.᱐᱐% ° ᱠᱚᱲᱟ ᱦᱚᱯᱚᱱ ᱺ ᱗᱙.᱒᱒%

° ᱠᱩᱲᱤ ᱦᱚᱯᱚᱱ ᱺ ᱕᱘.᱗᱐%

ᱡᱚᱛᱚ ᱦᱚᱲ ᱮᱞᱮᱞ ᱠᱷᱚᱱ ᱔᱔.᱕% ᱫᱚᱠᱚ ᱦᱩᱭᱩᱜ ᱠᱟᱱᱟ ᱟ.ᱫᱤᱢ ᱡᱟ.ᱛᱤ ᱟᱨ ᱑᱑.᱖᱒% ᱫᱚᱠᱚ ᱦᱩᱭᱩᱜ ᱠᱟᱱᱟ ᱦᱚᱨᱤᱡᱚᱱᱚ ᱾

ᱟ.ᱫᱤᱢ

᱑᱙᱘᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱨᱤᱱ ᱟ.ᱫᱤᱢ ᱠᱚᱣᱟᱜ ᱦᱚᱲ ᱮᱞᱮᱞ ᱫᱚ ᱔,᱙᱙,᱖᱕᱗ ᱛᱟᱦᱮᱸ ᱠᱟᱱᱟ ᱟᱨ ᱑᱙᱙᱑ ᱦᱚᱲ ᱞᱮᱠᱷᱟ ᱚᱠᱛᱚ ᱛᱮᱫᱚ ᱚᱱᱟ ᱑᱑.᱙᱐% ᱵᱟᱰᱷᱟᱣ ᱠᱟᱛᱮ ᱕,᱙᱕,᱑᱘᱔ ᱨᱮ ᱥᱮᱴᱮᱨ ᱞᱮᱱᱟ ᱾ ᱑᱙᱙᱑ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱦᱚᱱᱚᱛ ᱨᱮ ᱡᱚᱛᱚ ᱛᱮ ᱔᱖ ᱞᱮᱠᱟᱱ ᱟ.ᱫᱤᱢ ᱡᱟ.ᱛᱤ ᱠᱚ ᱵᱟᱥᱟᱜᱼᱟ ᱾ ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱢᱩᱬ ᱡᱟ.ᱛᱤ ᱫᱚᱠᱚ ᱦᱩᱭᱩᱜ ᱠᱟᱱᱟ ᱵᱟ.ᱛᱷᱩᱲᱤ, ᱵᱷᱩᱭᱟᱺ, ᱵᱷᱩᱢᱤᱡᱽ, ᱜᱚᱱᱰᱚ, ᱦᱳ, ᱡᱩᱣᱟᱝ, ᱠᱷᱚᱨᱣᱟᱨ, ᱠᱤᱥᱟᱱ, ᱠᱳᱞᱦᱚ, ᱠᱳᱨᱟ, ᱢᱩᱸᱰᱟ., ᱩᱨᱟ.ᱝ, ᱥᱟᱱᱛᱟᱲ, ᱥᱟᱶᱨᱟ, ᱥᱚᱵᱚᱨ, ᱥᱟᱶᱛᱤ ᱮᱢᱟᱱ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱑᱖ ᱜᱚᱴᱟᱝ ᱡᱟ.ᱛᱤ ᱡᱚᱛᱚ ᱟ.ᱫᱤᱢ ᱦᱚᱲ ᱮᱞᱮᱞ ᱠᱷᱚᱱ ᱙᱖.᱑᱒% ᱚᱫᱷᱤᱠᱟᱨ ᱟᱠᱚ ᱾ ᱱᱩᱠᱩ ᱠᱚ ᱵᱷᱤᱛᱨᱤ ᱨᱮ ᱢᱮᱱᱟᱜ ᱠᱚ ᱡᱩᱣᱟᱝ ᱡᱟ.ᱛᱤ ᱫᱚ ᱡᱚᱛᱚ ᱠᱷᱚᱱ ᱯᱩᱭᱞᱩ ᱟ.ᱫᱤᱢ ᱢᱮᱱᱛᱮ ᱠᱚ ᱫᱟ.ᱵᱤᱭᱟ ᱾ ᱟ.ᱫᱤᱢ ᱠᱚᱣᱟᱜ ᱵᱷᱤᱲ ᱠᱮᱱᱫᱩᱡᱷᱚᱨ ᱥᱚᱵᱽᱰᱤᱵᱷᱤᱡᱚᱱ ᱨᱮ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱦᱩᱭ ᱠᱚᱜ ᱵᱮᱲᱟᱨᱮ ᱟᱱᱚᱱᱫᱚᱯᱩᱨ ᱨᱮ ᱫᱚ ᱡᱚᱛᱚ ᱠᱷᱚᱱ ᱠᱚᱢ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱠᱚᱣᱟᱜ ᱢᱩᱬ ᱟ.ᱥᱩᱞᱚᱜ ᱦᱚᱨ ᱫᱚ ᱦᱩᱭᱩᱜ ᱠᱟᱱᱟ ᱪᱟᱥᱵᱟᱥ ᱾ ᱛᱮᱦᱮᱧ ᱜᱟᱯᱟ ᱱᱩᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱟ.ᱰᱤᱜᱟᱱ ᱠᱷᱟᱬᱟ ᱠᱷᱟᱫᱟᱱ ᱨᱮᱠᱚ ᱠᱟ.ᱢᱤ ᱠᱟᱱᱟ ᱾

ᱯᱟᱹᱨᱥᱤ

ᱠᱮᱱᱫᱩᱡᱷᱚᱨ ᱦᱚᱱᱚᱛ ᱨᱮᱭᱟᱜ ᱢᱩᱬ ᱯᱟ.ᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱳᱰᱤᱭᱟ. ᱾ ᱮᱴᱟᱜ ᱯᱟ.ᱨᱥᱤ ᱛᱟᱞᱟᱨᱮ ᱵᱷᱩᱸᱡᱤᱭᱟ ᱯᱟ.ᱨᱥᱤ ᱥᱩᱯᱩᱨ ᱗᱐᱐᱐ ᱵᱷᱩᱸᱡᱤᱭᱟ ᱯᱟ.ᱨᱥᱤ ᱟ.ᱫᱤᱢ ᱠᱚ ᱨᱚᱲ ᱨᱚᱯᱚᱲᱟ ᱾ ᱤᱠᱷᱟ.ᱱ ᱡᱷᱟᱨᱠᱷᱚᱸᱰ ᱥᱩᱨ ᱨᱮ ᱛᱟᱦᱮᱸᱱ ᱠᱷᱟ.ᱛᱤᱨ ᱪᱚᱢᱯᱩᱣᱟ ᱴᱚᱴᱷᱟ ᱨᱮᱫᱚ ᱦᱤᱱᱫᱤ ᱯᱟ.ᱨᱥᱤ ᱨᱮᱭᱟᱜ ᱟ.ᱰᱤ ᱜᱮ ᱚᱨᱥᱚᱝ ᱯᱟᱲᱟᱣ ᱧᱮᱞᱚᱜᱼᱟ ᱾

ᱯᱨᱚᱥᱟᱥᱚᱱᱤᱭᱟ. ᱵᱮᱵᱚᱥᱛᱟ

ᱥᱟᱹᱠᱷᱭᱟᱹᱛ

↑ http://www.orissapost.com/tribals-seek-official-tag-for-ho-language/
↑ "Orissa reference: glimpses of Orissa," Sambit Prakash Dash, TechnoCAD Systems, 2001
↑ "The Orissa Gazette," Orissa (India), 1964
↑ "Lonely Planet India," Abigail Blasi et al, Lonely Planet, 2017, ISBN 9781787011991
↑ Census 2011: Odisha: Provisional Population Totals
↑ Census 2011: Odisha: Rural Urban Distribution

ᱵᱟᱦᱨᱮ ᱡᱚᱱᱚᱲ

[1] ttp://www.orissapost.com/tribals-seek-official-tag-for-ho-language/

[2] "Orissa reference: glimpses of Orissa," Sambit Prakash Dash, TechnoCAD Systems, 2001

[3] "The Orissa Gazette," Orissa (India), 1964

[4] "Lonely Planet India," Abigail Blasi et al, Lonely Planet, 2017, ISBN 9781787011991

[5] Census 2011: Odisha: Provisional Population Totals

[6] Census 2011: Odisha: Rural Urban Distribution

[᱑]

[᱒]

[᱓]

[᱔]

[᱕]

[᱖]