Jump to content

ᱠᱷᱟ.ᱥ ᱦᱚᱲ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱠᱷᱟ.ᱥ ᱦᱚᱲ, (English: /kɑːs/; Nepali: खस) ᱡᱟᱦᱟᱸ ᱫᱚ ᱠᱷᱟ.ᱥ ᱟᱨᱡᱚ ᱠᱚ ᱢᱮᱛᱟᱜ ᱠᱟᱱᱟ, ᱱᱩᱠᱩ ᱫᱚ ᱢᱤᱫ ᱤᱱᱫᱳᱼᱟᱨᱡᱚ ᱟᱹᱫᱤᱵᱟᱹᱥᱤ ᱜᱩᱴ ᱨᱮᱱ ᱠᱟᱱᱟ ᱠᱚ, ᱡᱟᱦᱟᱸ ᱫᱚ ᱱᱮᱯᱟᱞ ᱨᱮᱱᱟᱜ ᱥᱟᱢᱟᱝ ᱮᱥᱤᱭᱟ ᱫᱤᱥᱚᱢ ᱟᱨ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱩᱛᱛᱚᱨᱟᱠᱷᱚᱸᱰ, ᱯᱚᱪᱷᱤᱢ ᱵᱟᱝᱞᱟ ᱟᱨ ᱥᱤᱠᱠᱤᱢ ᱨᱮ ᱢᱮᱱᱟᱜᱼᱟ ᱾ ᱱᱟᱜᱟᱢ ᱞᱮᱠᱟᱛᱮ, ᱠᱷᱟ.ᱥ ᱫᱚ ᱤᱱᱫᱳᱼᱟᱨᱡᱚ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱥᱮᱫᱟᱭ ᱠᱟᱥ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱯᱟᱪᱮ ᱯᱟᱦᱟᱨᱤ ᱯᱟᱹᱨᱥᱤᱠᱚ ᱨᱮᱱᱟᱜ ᱯᱩᱭᱞᱩ ᱨᱮᱠᱳᱨᱰ ᱟᱠᱟᱱ ᱨᱚᱲ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱞᱟᱛᱟᱨ ᱦᱤᱢᱟᱞᱚᱭ ᱨᱮ ᱤᱱᱫᱳᱼᱟᱨᱡᱚ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚ ᱢᱩᱫᱽ ᱨᱮ ᱡᱟᱹᱥᱛᱤ ᱠᱟᱭᱛᱮ ᱠᱷᱟᱥ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱮᱯᱟᱞᱤ ᱯᱟᱹᱨᱥᱤ ᱥᱟᱶ ᱡᱚᱯᱲᱟᱣ ᱢᱟᱲᱟᱝ ᱯᱟᱹᱨᱥᱤ ᱨᱮᱱᱟᱜ ᱠᱟᱛᱷᱟ ᱫᱚ ᱱᱚᱣᱟ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱯᱟᱪᱮ ᱟᱨ ᱮᱛᱚᱢᱼᱯᱟᱪᱮ ᱦᱤᱢᱟᱪᱚᱞ ᱯᱨᱚᱫᱮᱥ ᱠᱷᱚᱱ ᱛᱟᱞᱢᱟ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮ ᱥᱮᱞᱮᱫ ᱮᱱᱮᱡ ᱨᱮᱱᱟᱜ ᱯᱟᱹᱛᱭᱟᱹᱣ ᱮ ᱮᱢ ᱟᱠᱟᱫᱼᱟ ᱾ ᱱᱩᱠᱩ ᱫᱚ ᱯᱟᱨᱵᱚᱛᱤᱭᱟᱥ/ᱯᱟᱨᱵᱚᱛᱤ ᱠᱚ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ ᱟᱨ ᱱᱤᱛᱚᱜ ᱫᱚ ᱯᱟᱦᱟᱨᱤᱥ/ᱯᱟᱦᱟᱫᱤᱥ ᱠᱚ ᱢᱮᱱᱛᱮ ᱠᱚ ᱵᱟᱰᱟᱭᱚᱜ ᱠᱟᱱᱟ ᱾ ᱛᱤᱵᱵᱚᱛ ᱨᱮ ᱱᱩᱠᱩ ᱫᱚ ᱭᱟᱨᱛᱥᱮ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱟᱨ ᱵᱷᱳᱴᱤᱭᱟ ᱦᱚᱲ ᱫᱚ ᱠᱷᱟᱥᱟᱱ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱮᱫ ᱛᱟᱦᱮᱸᱫ ᱾ ᱠᱷᱚᱥ ᱟᱹᱲᱟᱹ ᱫᱚ ᱱᱤᱛᱚᱜ ᱵᱟᱹᱱᱩᱜ-ᱟ, ᱪᱮᱫᱟᱜ ᱥᱮ ᱠᱷᱟ.ᱥ ᱦᱚᱲ ᱠᱚᱫᱚ ᱠᱷᱚᱥ ᱟᱹᱲᱟᱹ ᱥᱟᱶ ᱡᱩᱲᱟᱹᱣ ᱟᱠᱟᱱ ᱱᱟᱯᱟᱭ ᱥᱴᱮᱨᱤᱭᱳᱴᱟᱭᱯ ᱠᱚ ᱠᱷᱟᱹᱛᱤᱨ ᱠᱚᱢᱩᱱᱤᱴᱤ ᱮᱱᱮᱡ ᱠᱚ ᱦᱟᱛᱟᱣ ᱟᱠᱟᱫ-ᱟ ᱾ ᱱᱮᱯᱟᱞ ᱨᱮ ᱱᱮᱯᱟᱞᱤ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚᱫᱚ ᱠᱟᱥ ᱠᱚ ᱢᱮᱛᱟᱜ ᱠᱟᱱᱟ ᱾

Khas
खस
ᱜᱩᱴ ᱦᱚᱲ ᱮᱞ
ᱜᱚᱴᱟᱜᱩᱴᱤ 16 million[᱑]
ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ
Nepal, India, Bhutan
ᱯᱟᱹᱨᱥᱤ ᱠᱚ
Nepali[᱒]
ᱫᱷᱚᱨᱚᱢ
Hinduism
ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ
Kumaoni, Garhwali, Pahari
Khas Tribe of Nepal

ᱱᱮᱯᱟᱞ ᱨᱮᱱᱟᱜ ᱥᱚᱝᱵᱤᱫᱷᱟᱱ ᱞᱮᱠᱟᱛᱮ ᱵᱟᱦᱩᱸ, ᱠᱥᱮᱛᱨᱤ, ᱛᱷᱟᱠᱩᱨᱤ ᱟᱨ ᱥᱟᱱᱭᱟᱥᱤ (ᱫᱟᱥᱱᱟᱢᱤ) ᱱᱮᱯᱟᱞ ᱨᱤᱱᱤᱡ ᱥᱚᱦᱮᱫ ᱠᱚ ᱵᱟᱪᱷᱱᱟᱣ ᱨᱮᱱᱟᱜ ᱡᱚᱥ ᱞᱟᱹᱜᱤᱫ "ᱠᱷᱟ.ᱥ ᱟᱨᱡᱚ" ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾

ᱡᱟᱱᱟᱢ, ᱮᱛᱚᱦᱚᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱤᱱᱫᱳ-ᱟᱨᱡᱚ ᱟᱹᱨᱤᱪᱟᱹᱞᱤ ᱱᱩᱠᱩ ᱫᱚ ᱱᱟᱜᱟᱢᱤᱭᱟᱹ ᱦᱤᱱᱫᱩ ᱥᱟᱶᱦᱮᱫ ᱨᱮ ᱚᱞ ᱟᱠᱟᱱ ᱠᱷᱟᱥᱟ ᱥᱟᱶ ᱡᱚᱲᱟᱣ ᱢᱮᱱᱟᱜ ᱠᱚᱣᱟ ᱾ ᱤᱨᱞᱤᱥ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱥᱚᱨ ᱡᱤ. ᱮ. ᱜᱽᱨᱤᱭᱚᱨᱥᱚᱱ ᱫᱚᱭ ᱢᱮᱱ ᱞᱮᱫᱟ ᱡᱮ, "...ᱠᱟᱹᱥᱢᱤᱨ ᱠᱷᱚᱱ ᱫᱟᱨᱡᱤᱞᱤᱝ ᱦᱟᱹᱵᱤᱡ ᱞᱟᱛᱟᱨ ᱦᱮᱢᱟᱞ ᱵᱩᱨᱩ ᱨᱮ ᱟᱨᱤᱭᱟᱱ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚᱣᱟᱜ ᱢᱟᱨᱟᱝ ᱢᱩᱴᱷᱟᱹᱱ ᱫᱚ ᱢᱚᱦᱟᱵᱷᱟᱨᱚᱛ ᱨᱮᱱᱟᱜ ᱱᱟᱜᱟᱢᱤᱭᱟᱹ ᱠᱟᱥᱚᱥ ᱠᱷᱚᱱ ᱦᱮᱡ ᱟᱠᱟᱱ ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ ᱾" ᱱᱟᱜᱟᱢᱤᱭᱟᱹ ᱵᱟᱞ ᱠᱨᱤᱥᱱᱟ ᱥᱚᱨᱢᱟ ᱟᱨ ᱫᱳᱨ ᱵᱟᱦᱟᱫᱩᱨ ᱵᱤᱥᱛᱟ ᱫᱚ ᱠᱚᱥ ᱦᱚᱲ ᱫᱚ ᱤᱱᱫᱳ-ᱤᱣᱨᱳᱯᱤᱭᱟᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱠᱚ ᱞᱟᱹᱭᱟ ᱾ ᱱᱟᱜᱟᱢᱤᱭᱟ. ᱵᱟᱵᱩᱨᱟᱢ ᱟᱪᱟᱨᱭᱟ ᱫᱚ ᱠᱷᱟ.ᱥ ᱫᱚ ᱟᱭᱫᱟ ᱨᱮᱭᱟᱜ ᱢᱤᱫᱴᱮᱱ ᱥᱟᱵ-ᱠᱞᱟᱱ ᱠᱟᱱᱟᱭ ᱢᱮᱱᱛᱮᱭ ᱵᱩᱡᱷᱟᱹᱣ ᱟᱠᱟᱫᱟ, ᱡᱟᱦᱟᱸ ᱫᱚ "ᱟᱨᱭᱟ" ᱠᱞᱟᱱ ᱠᱟᱱᱟ, ᱡᱟᱦᱟᱸ ᱫᱚ ᱟᱭᱫᱟᱵᱨᱤᱛ (ᱱᱮᱛᱟᱨ ᱫᱤᱱ ᱨᱮᱭᱟᱜ ᱠᱟᱥᱢᱤᱨ ᱠᱷᱚᱱ ᱱᱮᱯᱟᱞ) ᱠᱷᱚᱱ ᱦᱮᱡ ᱟᱠᱟᱱᱟ।

ᱱᱤᱛᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱮᱯᱟᱞ

ᱱᱮᱛᱟᱨᱟᱜ ᱠᱟᱥ ᱦᱚᱲ ᱫᱚ ᱦᱤᱞ ᱵᱽᱨᱟᱦᱢᱟᱱ (ᱵᱟᱦᱩᱱ), ᱦᱤᱞ ᱠᱥᱛᱨᱤᱭᱚ (ᱛᱷᱟᱠᱩᱨᱤ/ᱪᱷᱮᱛᱨᱤ) ᱟᱨ ᱦᱤᱞ ᱫᱟᱞᱤᱴ ᱠᱚ ᱢᱮᱛᱟᱜ ᱠᱟᱱᱟ ᱾ ᱟᱨᱦᱚᱸ, ᱱᱟᱜᱟᱢᱤᱭᱟᱹ ᱯᱳᱠᱷᱚᱨᱮᱞ ᱫᱚ ᱠᱷᱚᱥ ᱥᱟᱶᱦᱮᱫ ᱨᱮ ᱠᱷᱟᱨᱴᱤ, ᱫᱟᱢᱟᱭ, ᱠᱟᱢᱤ, ᱥᱟᱨᱠᱤ, ᱦᱩᱰᱠᱟ, ᱛᱟᱢᱳᱴᱮ, ᱜᱟᱭᱤᱱ ᱟᱨ ᱵᱟᱰᱤ ᱠᱚᱭ ᱥᱮᱞᱮᱫ ᱟᱠᱟᱫᱟ ᱾ ᱱᱮᱛᱟᱨᱟᱜ ᱚᱠᱛᱚ ᱨᱮ, ᱠᱟᱥ ᱦᱚᱲ ᱠᱚᱫᱚ "ᱠᱟᱥ ᱟᱨᱭᱟ" ᱧᱩᱛᱩᱢ ᱛᱮ ᱠᱚ ᱵᱟᱰᱟᱭᱮᱫ ᱠᱚᱣᱟ ᱾

ᱥᱤᱧᱚᱛ-ᱯᱟᱠᱤᱥᱛᱟᱱ

ᱥᱤᱧᱚᱛ ᱨᱮᱱᱟᱜ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱠᱩᱢᱟᱣᱩᱱ ᱟᱨ ᱜᱟᱨᱦᱣᱟᱞ ᱴᱚᱴᱷᱟ ᱨᱮᱦᱚᱸ, ᱠᱷᱟ.ᱥ ᱟᱹᱲᱟᱹ ᱫᱚ ᱵᱟᱵᱚᱫᱽ ᱦᱩᱭ ᱟᱠᱟᱱᱟ ᱾ ᱠᱩᱢᱟᱣᱩᱱ ᱨᱮᱱ ᱠᱟᱥ ᱦᱚᱲ ᱫᱚ ᱠᱩᱢᱟᱣᱩᱱᱤ ᱡᱤᱜᱟᱦᱟᱨ ᱨᱟᱡᱽᱯᱩᱛ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱱᱟ, ᱪᱚᱱᱫᱽ ᱨᱟᱡᱟ ᱠᱚ ᱨᱟᱡᱽᱯᱩᱛ ᱞᱮᱠᱟᱛᱮ ᱠᱚ ᱩᱪᱷᱟᱹᱱ ᱠᱮᱫᱮᱭᱟ ᱾ ᱠᱟᱥ ᱟᱹᱲᱟᱹ ᱫᱚ ᱛᱤᱱᱟᱹᱜ ᱜᱮ ᱵᱟᱹᱱᱩᱜ-ᱟ, ᱟᱨ ᱦᱚᱲ ᱠᱚᱫᱚ ᱱᱚᱶᱟ ᱟᱹᱲᱟᱹ ᱥᱟᱶ ᱡᱩᱲᱟᱹᱣ ᱟᱠᱟᱱ ᱱᱟᱯᱟᱭ ᱥᱴᱮᱨᱮᱴᱟᱭᱯᱷ ᱠᱚ ᱠᱷᱟᱹᱛᱤᱨ ᱠᱟᱥ ᱧᱩᱛᱩᱢ ᱛᱮ ᱠᱚ ᱨᱚᱲ ᱮᱫᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Nepali (npi)". Ethnologue. Retrieved 6 October 2016.
  2. Richard Burghart 1984, pp. 118-119.