ᱡᱚᱢᱱᱟᱞᱟᱞ ᱵᱟᱡᱟᱡᱽ
| ᱡᱚᱢᱱᱟᱞᱟᱞ ᱵᱟᱡᱟᱡᱽ | |
|---|---|
 ᱑᱙᱗᱐ ᱥᱟᱞ ᱨᱮᱱᱟᱜ ᱥᱤᱧᱚᱛ ᱥᱴᱮᱢᱯ ᱨᱮ ᱵᱟᱡᱟᱡᱽ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱚᱢᱱᱟᱞᱟᱞ ᱠᱟᱱᱤᱨᱟᱢ ᱵᱟᱡᱟᱡᱽ ᱔ ᱱᱚᱵᱷᱮᱢᱵᱚᱨ ᱑᱘᱘᱙ ᱥᱤᱠᱟᱨ ᱨᱟᱡᱽᱯᱩᱛᱟᱱᱟ ᱮᱡᱮᱱᱥᱤ ᱥᱩᱨ ᱨᱮ ᱠᱟᱥᱤ ᱠᱟ ᱵᱟᱥ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱑ ᱯᱷᱮᱵᱽᱨᱩᱣᱟᱨᱤ ᱑᱙᱔᱒ (᱕᱒ ᱵᱚᱭᱚᱥ) ᱣᱟᱨᱫᱷᱟ, ᱛᱟᱞᱟ ᱯᱨᱚᱵᱷᱤᱱᱥ ᱟᱨ ᱵᱮᱨᱟᱨ, ᱵᱨᱤᱴᱤᱥ ᱥᱤᱧᱚᱛ |
| ᱠᱟᱹᱢᱤ | |
| ᱡᱤᱭᱚᱱ ᱥᱚᱦᱮᱫ | ᱡᱟᱱᱟᱠᱤ ᱫᱮᱵᱤ ᱵᱟᱡᱟᱡᱽ (m. 1902) |
| ᱦᱚᱯᱚᱱ | ᱕ |
ᱡᱚᱢᱱᱟᱞᱟᱞ ᱠᱟᱱᱤᱨᱟᱢ ᱵᱟᱡᱟᱡᱽ (᱔ ᱱᱚᱵᱷᱮᱢᱵᱚᱨ ᱑᱘᱘᱙ – ᱑᱑ ᱯᱷᱮᱵᱽᱨᱩᱣᱟᱨᱤ ᱑᱙᱔᱒) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱮᱯᱟᱨᱤ ᱟᱨ ᱨᱟᱡᱽᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾[᱑] ᱩᱱᱤ ᱫᱚ ᱑᱙᱒᱐ ᱥᱮᱨᱢᱟ ᱨᱮ ᱵᱟᱡᱟᱡᱽ ᱜᱨᱩᱯ ᱚᱯᱷ ᱠᱚᱢᱯᱟᱹᱱᱤ ᱮ ᱵᱮᱱᱟᱣ ᱞᱮᱫᱟ ᱟᱨ ᱱᱤᱛᱚᱜ ᱱᱚᱣᱟ ᱜᱨᱩᱯ ᱨᱮ ᱒᱔ ᱜᱚᱴᱟᱝ ᱠᱚᱢᱯᱟᱹᱱᱤ ᱢᱮᱱᱟᱜᱼᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱖ ᱜᱚᱴᱟᱝ ᱫᱚ ᱥᱴᱚᱠ ᱵᱚᱠᱥᱟ ᱨᱮ ᱞᱤᱥᱴᱤ ᱟᱠᱟᱱᱟ ᱾[᱒] ᱩᱱᱤ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱢᱤᱫ ᱥᱩᱨᱼᱥᱩᱯᱩᱨ ᱟᱨ ᱥᱟᱹᱜᱟᱹᱭ ᱨᱤᱱᱤᱡ ᱥᱚᱦᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱵᱟᱰᱟᱭᱚᱜ ᱠᱟᱱᱟ ᱡᱮ ᱡᱚᱢᱱᱟᱞᱟᱞ ᱫᱚ ᱟᱡ ᱢᱚᱬᱮ ᱟᱹᱱᱤᱡ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟᱭ ᱾[᱓]
ᱚᱱᱚᱝ ᱟᱨ ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱢᱱᱟᱞᱟᱞ ᱵᱟᱡᱟᱡᱽ ᱫᱚ ᱑᱘᱘᱙ ᱥᱟᱞ ᱨᱮ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱨᱮᱱᱟᱜ ᱥᱤᱠᱟᱨ ᱥᱩᱨ ᱨᱮ ᱠᱟᱥᱤ ᱠᱟ ᱵᱟᱥ ᱧᱩᱛᱩᱢᱟᱱ ᱟᱹᱛᱩ ᱨᱮ ᱠᱟᱱᱤᱨᱟᱢ ᱟᱨ ᱵᱤᱨᱫᱤᱵᱟᱭ ᱟᱜ ᱢᱤᱫ ᱨᱮᱸᱜᱮᱡ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱑᱘᱙᱔ ᱥᱮᱨᱢᱟ ᱨᱮ, ᱣᱟᱨᱫᱷᱟ ᱨᱤᱱᱤᱡ ᱢᱤᱫᱴᱟᱹᱝ ᱢᱟᱨᱟᱝ ᱵᱮᱯᱟᱨᱤ ᱥᱮᱛᱷ ᱵᱚᱪᱨᱟᱡᱽ ᱵᱟᱡᱟᱡᱽ ᱟᱨ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱫᱚ ᱠᱟᱥᱤ ᱠᱟ ᱵᱟᱥ ᱵᱟᱡᱟᱨ ᱨᱮᱱᱟᱜ ᱢᱚᱱᱫᱤᱨ ᱨᱮ ᱠᱚ ᱪᱟᱞᱟᱜ ᱠᱟᱱ ᱛᱟᱦᱮᱱᱟ ᱾ ᱩᱱᱤ ᱫᱚ ᱡᱚᱢᱱᱟᱞᱟᱞ ᱟᱡᱟᱜ ᱚᱲᱟᱜ ᱵᱟᱦᱨᱮ ᱨᱮ ᱠᱷᱮᱞ ᱧᱮᱞ ᱞᱮᱫ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱩᱱᱤ ᱦᱚᱛᱮᱛᱮ ᱦᱮᱡ ᱞᱮᱱᱟᱭ ᱾ ᱰᱤᱜᱟᱱ ᱩᱫᱩᱜ-ᱥᱚᱫᱚᱨ ᱛᱟᱭᱚᱢ, ᱡᱚᱢᱱᱟᱞᱟᱞ ᱫᱚ ᱥᱮᱛᱷ ᱵᱟᱡᱟᱡᱤᱡ ᱜᱚᱲᱚᱢ ᱠᱚᱲᱟ ᱞᱮᱠᱟᱛᱮᱭ ᱦᱟᱛᱟᱣ ᱞᱮᱱᱟ ᱾ ᱵᱚᱫᱚᱞ ᱛᱮ, ᱵᱟᱡᱟᱡᱽ ᱫᱚ ᱱᱚᱣᱟ ᱟᱹᱛᱩ ᱨᱮ ᱜᱚᱲᱚ ᱞᱟᱹᱜᱤᱫ ᱛᱮ ᱢᱤᱫᱴᱟᱹᱝ ᱠᱩᱧᱮ ᱵᱮᱱᱟᱣ ᱠᱮᱫᱼᱟ ᱾[᱔]
ᱥᱮᱴᱷ ᱵᱚᱪᱷᱨᱟᱡᱽ ᱫᱚ ᱟᱡ ᱵᱟᱵᱟ ᱭᱤᱡ ᱥᱟᱺᱜᱤᱧ ᱯᱮᱲᱟ ᱛᱟᱦᱮᱸ ᱠᱟᱱᱟᱭ ᱟᱨ ᱵᱨᱤᱴᱤᱥ ᱨᱟᱡᱽ ᱨᱮ ᱢᱤᱫ ᱧᱩᱛᱩᱢᱟᱱ ᱟᱨ ᱥᱚᱨᱮᱥ ᱵᱮᱯᱟᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾
ᱡᱚᱢᱱᱟᱞᱟᱞ ᱫᱚ ᱑᱒ ᱥᱮᱨᱢᱟ ᱩᱢᱮᱨ ᱨᱮ ᱡᱟᱱᱠᱤ ᱫᱮᱵᱤ ᱥᱟᱶᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱙ ᱥᱮᱨᱢᱟ ᱩᱢᱮᱨ ᱨᱮᱭ ᱛᱟᱦᱮᱸ ᱠᱟᱱᱟ ᱾[᱕]
ᱢᱟᱨᱟᱝ ᱦᱚᱲ ᱞᱮᱠᱟᱛᱮ ᱥᱮᱴᱷ ᱵᱚᱪᱷᱨᱟᱡᱽ ᱟᱜ ᱜᱚᱲᱚ ᱛᱮ ᱡᱚᱢᱱᱟᱞᱟᱞ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱵᱮᱯᱟᱨ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱱᱚᱣᱟ ᱚᱠᱛᱚ ᱨᱮ ᱩᱱᱤ ᱫᱚ ᱢᱤᱫ ᱵᱮᱯᱟᱨᱤᱭᱟᱹ ᱢᱮᱱᱛᱮ ᱠᱚ ᱵᱟᱰᱟᱭ ᱞᱮᱫᱮᱭᱟ ᱾ ᱥᱮᱴᱷ ᱵᱚᱪᱷᱨᱟᱡᱽ ᱟᱜ ᱜᱩᱨ ᱫᱷᱟᱹᱨᱤᱡ ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱨᱮ ᱢᱟᱹᱱ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱑᱙᱒᱖ ᱥᱮᱨᱢᱟ ᱨᱮ ᱡᱚᱢᱱᱟᱞᱟᱞ ᱫᱚ ᱵᱟᱡᱟᱡᱽ ᱤᱱᱰᱚᱥᱴᱨᱤ ᱜᱨᱩᱯ ᱮ ᱛᱷᱟᱯᱚᱱ ᱞᱮᱫᱟ ᱾
ᱜᱟᱱᱫᱷᱤ ᱭᱟᱜ ᱯᱟᱸᱡᱟᱭᱤᱡ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚ ᱮᱛᱚᱢ ᱟᱯᱷᱨᱤᱠᱟ ᱠᱷᱚᱱ ᱨᱩᱣᱟᱹᱲ ᱛᱟᱭᱚᱢ, ᱡᱚᱢᱱᱟᱞᱟᱞ ᱫᱚ ᱜᱟᱱᱫᱷᱤ ᱟᱜ ᱡᱤᱭᱚᱱ ᱦᱚᱨᱟ, ᱩᱱᱤᱭᱟᱜ ᱪᱚᱞᱚᱱ, ᱡᱮᱞᱮᱠᱟ ᱟᱦᱤᱢᱥᱟ (ᱵᱮ-ᱦᱤᱸᱥᱟᱹ), ᱟᱨ ᱨᱮᱸᱜᱮᱡ ᱠᱚ ᱞᱟᱹᱜᱤᱫ ᱩᱱᱤᱭᱟᱜ ᱥᱚᱯᱨᱚᱛ ᱨᱮ ᱩᱱᱤᱭᱟᱜ ᱢᱚᱱᱮ ᱩᱫᱩᱜ ᱠᱮᱫᱟ ᱾ ᱩᱱᱤ ᱜᱟᱱᱫᱷᱤ ᱟᱜ ᱢᱚᱱᱮ ᱵᱩᱡᱷᱟᱹᱣ ᱫᱟᱲᱮᱭᱟᱜᱼᱟᱭ ᱡᱮ ᱚᱲᱟᱜ ᱨᱮ ᱵᱮᱱᱟᱣ ᱡᱤᱱᱤᱥ ᱠᱚ ᱫᱚ ᱥᱤᱧᱚᱛ ᱨᱮᱱᱟᱜ ᱟᱨᱡᱟᱣ ᱨᱮᱱᱟᱜ ᱛᱮᱞᱟ ᱠᱟᱱᱟ ᱾ ᱩᱱᱤ ᱵᱟᱰᱟᱭ ᱧᱟᱢ ᱠᱮᱫᱟᱭ ᱡᱮ ᱛᱤᱱᱟᱹᱜ ᱜᱟᱱ ᱵᱨᱤᱴᱤᱥ ᱠᱚᱢᱯᱟᱹᱱᱤ ᱠᱚ ᱥᱤᱧᱚᱛ ᱠᱷᱚᱱ ᱥᱟᱥᱛᱟ, ᱵᱮᱨᱮᱞ ᱛᱩᱞᱟᱹᱢ ᱠᱚ ᱟᱹᱜᱩ ᱮᱫᱟ ᱟᱨ ᱥᱟᱹᱛ ᱟᱠᱟᱱ ᱠᱤᱪᱨᱤᱡ ᱠᱚ ᱨᱩᱣᱟᱹᱲ ᱮᱫᱟ ᱾ ᱩᱱᱤ ᱫᱚ ᱥᱟᱵᱚᱨᱢᱚᱛᱤ ᱟᱥᱨᱚᱢ ᱨᱮ ᱜᱟᱱᱫᱷᱤ ᱟᱜ ᱥᱟᱫᱷᱟᱨᱚᱱ ᱡᱤᱭᱚᱱ ᱧᱮᱞ ᱠᱟᱛᱮ ᱯᱨᱚᱵᱷᱟᱣ ᱞᱮᱱᱟᱭ ᱾ ᱩᱱᱤ ᱫᱚ ᱟᱥᱨᱚᱢ ᱨᱮᱱᱟᱜ ᱱᱮᱦᱚᱨ ᱟᱨ ᱦᱚᱲᱢᱚ ᱠᱟᱹᱢᱤ ᱨᱮᱱᱟᱜ ᱨᱳᱴᱤᱱ ᱛᱮ ᱯᱨᱚᱵᱷᱟᱣ ᱞᱮᱱᱟᱭ ᱾ ᱩᱱᱤ ᱟᱡ ᱵᱟᱹᱦᱩ ᱡᱟᱱᱠᱤ ᱫᱮᱵᱤ ᱟᱨ ᱜᱤᱫᱽᱨᱟᱹ ᱠᱚ ᱟᱥᱨᱚᱢ ᱨᱮ ᱛᱟᱦᱮᱱ ᱞᱟᱹᱜᱤᱫ ᱟᱹᱜᱩ ᱠᱮᱫ ᱠᱚᱣᱟᱭ ᱾ ᱢᱮᱱᱠᱷᱟᱱ ᱱᱚᱣᱟ ᱜᱟᱛᱮ ᱥᱟᱹᱜᱟᱹᱭ ᱟᱨ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱩᱱᱤᱭᱟᱜ ᱜᱟᱹᱦᱤᱨ ᱥᱟᱹᱜᱟᱹᱭ ᱛᱮ ᱡᱚᱢᱱᱟᱞᱟᱞ ᱵᱟᱡᱟᱡᱽ ᱫᱚ ᱟᱡᱟᱜ ᱱᱟᱶᱟ ᱵᱮᱯᱟᱨ ᱠᱟᱹᱢᱤ ᱨᱮ ᱵᱟᱹᱲᱛᱤ ᱚᱠᱛᱚ ᱵᱟᱭ ᱵᱟᱹᱜᱤ ᱞᱮᱫᱟ ᱾[᱖]
ᱵᱮᱯᱟᱨ ᱨᱟᱹᱥᱠᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱡᱟᱡᱽ ᱚᱴᱚ ᱞᱤᱢᱤᱴᱮᱰ ᱵᱮᱜᱚᱨ, ᱜᱨᱩᱯ ᱨᱮᱱᱟᱜ ᱮᱴᱟᱜ ᱢᱩᱬ ᱠᱚᱢᱯᱟᱹᱱᱤ ᱠᱚ ᱨᱮ ᱢᱩᱠᱚᱸᱫᱽ ᱞᱤᱢᱤᱴᱮᱰ, ᱵᱟᱡᱟᱡᱽ ᱤᱞᱮᱠᱴᱨᱤᱠᱮᱞᱥ ᱞᱤᱢᱤᱴᱮᱰ ᱟᱨ ᱵᱟᱡᱟᱡᱽ ᱦᱤᱱᱫᱩᱥᱛᱟᱱ ᱞᱤᱢᱤᱴᱮᱰ ᱥᱮᱞᱮᱫ ᱢᱮᱱᱟᱜᱼᱟ ᱾ ᱩᱱᱤᱭᱤᱡ ᱜᱚᱲᱚᱢ ᱠᱚᱲᱟ ᱨᱟᱦᱩᱞ ᱵᱟᱡᱟᱡᱽ ᱫᱚ ᱜᱷᱟᱨᱚᱸᱡᱽ ᱨᱤᱱᱤᱡ ᱢᱩᱬᱩᱛ ᱠᱚᱢᱯᱟᱹᱱᱤ, ᱵᱟᱡᱟᱡᱽ ᱚᱴᱚ ᱪᱟᱞᱟᱣᱮᱫ ᱛᱟᱦᱮᱸᱫ ᱾
ᱞᱮᱜᱮᱥᱤ ᱟᱨ ᱢᱮᱢᱚᱨᱤᱭᱟᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮ ᱟᱭᱢᱟ ᱤᱱᱥᱴᱤᱴᱭᱩᱴ ᱠᱚ ᱟᱡᱟᱜ ᱧᱩᱛᱩᱢ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱡᱚᱢᱱᱟᱞᱟᱞ ᱵᱟᱡᱟᱡᱽ ᱤᱱᱥᱴᱤᱴᱭᱩᱴ ᱚᱯᱷ ᱢᱮᱱᱮᱡᱽᱢᱮᱸᱴ ᱥᱴᱟᱰᱤᱡᱽ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱾ ᱢᱩᱢᱵᱟᱭ ᱨᱮᱱᱟᱜ ᱥᱟᱵᱽ ᱟᱨᱵᱟᱱ ᱟᱱᱫᱷᱮᱨᱤ ᱨᱮ ᱢᱤᱫ ᱮᱞᱟᱠᱟ, ᱡᱮᱵᱤ ᱱᱚᱜᱚᱨ ᱫᱚ ᱩᱱᱤᱭᱟᱜ ᱧᱩᱛᱩᱢ ᱛᱮ ᱧᱩᱛᱩᱢ ᱟᱠᱟᱱᱟ ᱾ ᱡᱚᱢᱱᱟᱞᱟᱞ ᱵᱟᱡᱟᱡᱽ ᱥᱤᱨᱯᱷᱟᱹ ᱫᱚ ᱡᱚᱢᱱᱟᱞᱟᱞ ᱵᱟᱡᱟᱡᱽ ᱯᱷᱚᱣᱩᱱᱰᱮᱥᱚᱱ ᱤᱫᱤ ᱛᱮ ᱑᱙᱗᱘ ᱥᱟᱞ ᱨᱮ ᱮᱛᱚᱦᱚᱵ ᱞᱮᱱᱟ ᱟᱨ ᱡᱟᱣ ᱥᱮᱨᱢᱟ ᱜᱮ ᱩᱱᱤᱭᱟᱜ ᱡᱟᱱᱟᱢ ᱢᱟᱦᱟᱸ ᱨᱮ ᱠᱚ ᱮᱢᱟ ᱾[᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Tikoo, Rajiv (2 January 2000). "The Gandhian spirit". Financial Express. Indian Express Group. Archived from the original on 19 December 2013.
- ↑ Kalesh, Baiju (6 April 2012). "In Bajaj family, business sense over-rules ties". Financial Express. Indian Express Group.
- ↑ Bajaj, Rahul (16 September 2017). "Jamnalal Bajaj embodied Gandhi's ethics to such an extent that Mahatma 'adopted' him as 5th son". India Today.
- ↑ Weber, Thomas (2004). Gandhi as Disciple and Mentor. United Kingdom: Cambridge University Press. pp. 104–105. ISBN 9781139456579.
- ↑ Nanda, Bal Ram (1990). In Gandhi's Footsteps The Life and Times of Jamnalal Bajaj. Oxford University Press. p. 9.
- ↑ "History of Bajaj Auto".
- ↑ "Jamnalal Bajaj Award". Jamnalal Bajaj Foundation. Archived from the original on 29 March 2012.
ᱟᱨᱦᱚᱸ ᱯᱟᱲᱦᱟᱣ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- In Gandhi's Footsteps : The Life and Times of Jamnalal Bajaj by B. R. Nanda, Oxford University Press, USA. ISBN 978-0-19-566343-3
- Shriman Narayan (1974). Jamnalal Bajaj: Gandhiji's 'fifth son'. Publications Division, Ministry of Information and Broadcasting, Govt. of India.
- Janmabhumi Se Bandha Man: Jamnalal Bajaj Va Rajasthan.Jamnalal Bajaj Foundation books
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱚᱢᱱᱟᱞᱟᱞ ᱵᱟᱡᱟᱡᱽ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |