ᱡᱟᱦᱟᱸᱜᱤᱨ ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ
| Honarary Air Vice Marshal ᱡᱮ. ᱟᱨ. ᱰᱤ. ᱴᱟᱴᱟ LH | |
|---|---|
.jpg) ᱑᱙᱕᱕ ᱥᱟᱞ ᱨᱮ ᱴᱟᱴᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱙ ᱡᱩᱞᱟᱭ ᱑᱙᱐᱔ ᱯᱮᱨᱤᱥ, ᱯᱷᱨᱟᱱᱥ |
| ᱜᱩᱨ | ᱒᱙ ᱱᱚᱵᱷᱮᱢᱵᱚᱨ ᱑᱙᱙᱓ (᱘᱙ ᱵᱚᱭᱚᱥ) ᱡᱤᱱᱮᱵᱷᱟ, ᱥᱩᱭᱡᱟᱨᱞᱮᱱᱰ |
| ᱱᱟᱹᱜᱟᱹᱨᱤᱭᱟᱹ | ᱯᱷᱨᱟᱱᱥ (᱑᱙᱐᱔–᱑᱙᱒᱘) ᱥᱤᱧᱚᱛ (᱑᱙᱒᱙–᱑᱙᱙᱓) |
| ᱠᱟᱹᱢᱤ | ᱵᱮᱯᱟᱨᱤᱭᱟᱹ |
| ᱧᱩᱢᱱᱟᱢ | ᱴᱟᱴᱟ ᱠᱚᱱᱥᱚᱞᱴᱮᱱᱥᱤ ᱥᱟᱨᱵᱷᱤᱥᱮᱥ, ᱴᱟᱴᱟ ᱢᱳᱴᱳᱨᱥ, ᱴᱟᱭᱴᱮᱱ ᱠᱟᱹᱨᱜᱟᱲᱤᱭᱟᱹ, ᱵᱷᱳᱞᱴᱟᱥ ᱟᱨ ᱮᱭᱟᱨ ᱤᱱᱰᱤᱭᱟ ᱨᱤᱱᱤᱡ ᱯᱷᱟᱶᱰᱟᱨ |
| ᱡᱤᱭᱚᱱ ᱥᱚᱦᱮᱫ | ᱛᱷᱮᱢᱞᱟ ᱴᱟᱴᱟ |
| ᱟᱯᱟᱛ ᱮᱸᱜᱟᱛ | ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱥᱩᱡᱟᱱ "ᱥᱩᱱᱤ" ᱵᱨᱤᱭᱨᱮ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱴᱟᱴᱟ ᱜᱷᱟᱨᱚᱸᱡᱽ ᱧᱮᱞ ᱢᱮ |
| ᱥᱤᱨᱯᱷᱟᱹ | ᱯᱚᱫᱽᱢᱚ ᱵᱤᱵᱷᱩᱥᱚᱱ (᱑᱙᱕᱕) ᱞᱤᱡᱟᱱ ᱚᱯᱷ ᱚᱱᱟᱨ (᱑᱙᱘᱒) ᱰᱟᱭᱱᱤᱭᱟᱞ ᱜᱩᱜᱮᱱᱦᱟᱭᱤᱢ ᱢᱮᱰᱟᱞ (᱑᱙᱘᱘) ᱵᱷᱟᱨᱚᱛ ᱨᱚᱛᱱᱚ (᱑᱙᱙᱒) |
ᱡᱟᱦᱟᱸᱜᱤᱨ ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱮᱞ.ᱮᱪ. (᱒᱙ ᱡᱩᱞᱟᱭ ᱑᱙᱐᱔ – ᱒᱙ ᱱᱚᱵᱷᱮᱢᱵᱚᱨ ᱑᱙᱙᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱜᱟᱹᱰᱤ ᱯᱟᱭᱞᱚᱴ, ᱠᱟᱹᱨᱜᱟᱲᱤᱭᱟᱹ, ᱵᱮᱯᱟᱨᱤᱭᱟᱹ ᱟᱨ ᱴᱟᱴᱟ ᱜᱨᱩᱯ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾
ᱥᱤᱧᱚᱛ ᱨᱮᱱᱟᱜ ᱴᱟᱴᱟ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ, ᱩᱱᱤ ᱫᱚ ᱧᱩᱛᱩᱢᱟᱱ ᱵᱮᱯᱟᱨᱤᱭᱟᱹ ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱟᱨ ᱟᱡᱤᱡ ᱮᱨᱟ ᱥᱩᱡᱟᱱ ᱵᱨᱤᱭᱨᱮ ᱤᱡ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱟᱭᱳ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱡᱟᱦᱟᱸᱭ ᱫᱚ ᱠᱟᱨ ᱜᱟᱹᱰᱤ ᱪᱟᱞᱟᱣ ᱞᱮᱫᱟᱭ ᱛᱟᱦᱮᱸᱫ ᱟᱨ ᱑᱙᱒᱙ ᱥᱟᱞ ᱨᱮ ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱞᱟᱭᱥᱮᱸᱥ ᱧᱟᱢ ᱯᱟᱭᱞᱚᱴ ᱮ ᱵᱮᱱᱟᱣ ᱞᱮᱱᱟ ᱾ ᱩᱱᱤ ᱫᱚ ᱴᱟᱴᱟ ᱠᱚᱱᱥᱚᱞᱴᱮᱱᱥᱤ ᱥᱟᱨᱵᱷᱤᱥᱮᱥ, ᱴᱟᱴᱟ ᱢᱳᱴᱳᱨᱥ, ᱴᱟᱭᱴᱮᱱ ᱠᱟᱹᱨᱜᱟᱲᱤᱭᱟᱹ, ᱴᱟᱴᱟ ᱥᱟᱞᱴ, ᱵᱷᱳᱞᱴᱟᱥ ᱟᱨ ᱮᱭᱟᱨ ᱤᱱᱰᱤᱭᱟ ᱥᱟᱶᱛᱮ ᱴᱟᱴᱟ ᱜᱨᱩᱯ ᱨᱮᱱᱟᱜ ᱟᱶᱛᱟ ᱨᱮ ᱟᱹᱰᱤ ᱜᱟᱱ ᱠᱟᱹᱨᱜᱟᱲᱤᱭᱟᱹ ᱨᱤᱱᱤᱡ ᱯᱷᱟᱶᱰᱟᱨ ᱦᱩᱭᱩᱜ ᱞᱟᱹᱜᱤᱫ ᱮ ᱩᱯᱨᱩᱢ ᱞᱮᱱᱟ ᱾ ᱑᱙᱘᱓ ᱥᱟᱞ ᱨᱮ ᱩᱱᱤ ᱫᱚ ᱯᱷᱨᱮᱸᱪ ᱞᱤᱡᱤᱚᱱ ᱚᱯᱷ ᱚᱱᱟᱨ ᱛᱮ ᱢᱟᱱᱚᱛ ᱞᱮᱫᱮᱭᱟ ᱟᱨ ᱑᱙᱕᱕ ᱟᱨ ᱑᱙᱙᱒ ᱥᱟᱞ ᱨᱮ ᱩᱱᱤ ᱥᱤᱧᱚᱛ ᱨᱮᱱᱟᱜ ᱵᱟᱨᱭᱟ ᱥᱚᱨᱮᱥ ᱚᱥᱚᱢᱚᱨᱤᱠ ᱥᱤᱨᱯᱟᱹᱭ ᱧᱟᱢ ᱞᱮᱫᱟ, ᱯᱚᱫᱽᱫᱚ ᱵᱤᱵᱷᱩᱥᱚᱱ ᱟᱨ ᱵᱷᱟᱨᱚᱛ ᱨᱚᱛᱱᱚ ᱾ ᱥᱤᱧᱚᱛᱤᱭᱟᱹ ᱠᱟᱹᱨᱜᱟᱲ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱩᱱᱤ ᱱᱚᱣᱟ ᱢᱟᱹᱱ ᱠᱚ ᱮᱢᱟᱫ ᱫᱮᱭᱟ ᱾[᱑]
ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱮ. ᱟᱨ. ᱰᱤ. ᱴᱟᱴᱟ ᱟᱜ ᱡᱟᱱᱟᱢ ᱫᱚ ᱒᱙ ᱡᱩᱞᱟᱭ ᱑᱙᱐᱔ ᱥᱟᱞ ᱨᱮ ᱯᱮᱨᱤᱥ, ᱯᱷᱨᱟᱱᱥ ᱨᱮ ᱢᱤᱫ ᱥᱤᱧᱚᱛᱤᱭᱟᱹ ᱯᱟᱨᱥᱤ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱵᱮᱯᱟᱨᱤᱭᱟᱹ ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱟᱨ ᱩᱱᱤᱭᱟᱜ ᱯᱷᱨᱟᱸᱥᱤᱥᱤ ᱮᱨᱟ ᱥᱩᱡᱟᱱᱮ "ᱥᱩᱱᱤ" ᱵᱨᱤᱨᱮ ᱤᱡ ᱫᱚᱥᱟᱨ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟᱭ ᱾[᱒] ᱟᱡ ᱵᱟᱵᱟ ᱫᱚ ᱥᱤᱧᱚᱛ ᱨᱤᱱᱤᱡ ᱢᱩᱲᱩᱛ ᱠᱟᱹᱨᱜᱟᱲᱤᱭᱟᱹ ᱡᱟᱢᱥᱮᱫᱽᱡᱤ ᱴᱟᱴᱟ ᱭᱤᱡ ᱠᱟᱪᱤᱭ ᱵᱚᱭᱦᱟ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱨᱤᱱ ᱢᱤᱫ ᱢᱟᱨᱟᱝ ᱢᱤᱥᱨᱟ ᱥᱤᱞᱞᱟ, ᱢᱤᱫ ᱦᱩᱰᱤᱧ ᱢᱤᱥᱨᱟ ᱨᱳᱫᱟᱵᱮ ᱟᱨ ᱵᱟᱨᱭᱟ ᱦᱩᱰᱤᱧ ᱵᱚᱭᱦᱟ ᱫᱟᱨᱚᱵᱽ ᱟᱨ ᱡᱟᱢᱮᱥᱮᱫᱽ (ᱡᱟᱦᱟᱸᱭ ᱫᱚ ᱡᱤᱢᱤ ᱠᱚ ᱢᱮᱛᱟᱭᱟ) ᱴᱟᱴᱟ ᱛᱟᱦᱮᱸ ᱠᱟᱱᱟᱭ ᱾
ᱩᱱᱤ ᱫᱚ ᱵᱚᱢᱵᱮ ᱨᱮ ᱠᱮᱛᱷᱮᱰᱨᱮᱞ ᱟᱨ ᱡᱚᱱ ᱠᱳᱱᱚᱱ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱞᱮᱜᱼᱟᱭ ᱾ ᱴᱟᱴᱟ ᱫᱚ ᱞᱚᱱᱰᱚᱱ, ᱡᱟᱯᱟᱱ, ᱯᱷᱨᱟᱱᱥ ᱟᱨ ᱥᱤᱧᱚᱛ ᱨᱮ ᱥᱮᱪᱮᱫ ᱞᱮᱱᱟᱭ ᱾ ᱛᱤᱱ ᱡᱷᱚᱜ ᱟᱡ ᱵᱟᱵᱟ ᱴᱟᱴᱟ ᱠᱚᱢᱯᱟᱹᱱᱤ ᱨᱮᱭ ᱥᱮᱞᱮᱫ ᱮᱱᱟ ᱮᱱᱠᱷᱟᱱ ᱫᱚ ᱩᱱᱫᱚ ᱥᱟᱱᱟᱢ ᱜᱷᱟᱨᱚᱸᱡᱽ ᱫᱚ ᱞᱚᱱᱰᱚᱱ ᱮ ᱤᱫᱤ ᱠᱮᱫ ᱠᱚᱣᱟ ᱾ ᱚᱱᱟ ᱚᱠᱛᱚ ᱜᱮ ᱡᱮᱹ ᱟᱨᱹ ᱰᱤᱹ ᱟᱡ ᱟᱭᱳ ᱫᱚ ᱔᱓ ᱥᱮᱨᱢᱟ ᱩᱢᱮᱨ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟ, ᱡᱚᱠᱷᱚᱱ ᱟᱡ ᱵᱟᱵᱟ ᱥᱤᱧᱚᱛ ᱨᱮ ᱛᱟᱦᱮᱸ ᱠᱟᱱᱟᱭ ᱟᱨ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱫᱚ ᱯᱷᱨᱟᱱᱥ ᱨᱮ ᱛᱟᱦᱮᱸ ᱠᱟᱱᱟ ᱾
ᱟᱭᱳ ᱵᱚᱸᱜᱟ ᱛᱟᱞᱟ ᱮᱱ ᱛᱟᱭᱚᱢ ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱟᱡ ᱜᱷᱟᱨᱚᱸᱡᱽ ᱫᱚ ᱥᱤᱧᱚᱛ ᱤᱫᱤ ᱨᱮᱱᱟᱜ ᱮ ᱜᱚᱴᱟ ᱠᱮᱫᱟ ᱟᱨ ᱑᱙᱒᱓ ᱥᱟᱞ ᱨᱮᱱᱟᱜ ᱚᱠᱴᱚᱵᱚᱨ ᱨᱮ ᱡᱮᱹ ᱟᱨᱹ ᱰᱤᱹ ᱫᱚ ᱪᱮᱛᱟᱱ ᱯᱟᱲᱦᱟᱣ ᱞᱟᱹᱜᱤᱫ ᱤᱝᱞᱮᱱᱰ ᱮ ᱵᱷᱮᱡᱟ ᱞᱮᱫᱮᱭᱟ ᱾ ᱩᱱᱤ ᱫᱚ ᱢᱤᱫᱴᱟᱹᱝ ᱨᱚᱱᱚᱲ ᱵᱤᱨᱫᱟᱹᱜᱟᱲ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱠᱮᱢᱵᱨᱤᱡᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱤᱱᱡᱤᱱᱤᱭᱟᱨᱤᱝ ᱯᱟᱲᱦᱟᱣ ᱞᱟᱹᱜᱤᱫ ᱮ ᱢᱚᱱᱮ ᱞᱮᱱᱟ ᱾ ᱮᱱᱛᱮ ᱨᱮᱦᱚᱸ ᱯᱷᱨᱟᱱᱥ ᱨᱤᱱ ᱦᱚᱲ ᱞᱮᱠᱟᱛᱮ ᱡᱮᱹ ᱟᱨᱹ ᱰᱤᱹ ᱫᱚ ᱠᱚᱢ ᱠᱷᱚᱱ ᱠᱚᱢ ᱢᱤᱫ ᱥᱮᱨᱢᱟ ᱞᱟᱹᱜᱤᱫ ᱥᱮᱱᱟᱯᱷᱟᱹᱫᱽ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱨᱚᱱᱚᱲ ᱵᱤᱨᱫᱟᱹᱜᱟᱲ ᱟᱨ ᱥᱮᱱᱟᱯᱷᱟᱹᱫᱽ ᱨᱮ ᱟᱡᱟᱜ ᱚᱠᱛᱚ ᱢᱩᱫᱽᱨᱮ ᱩᱱᱤ ᱫᱚ ᱵᱚᱢᱵᱮ ᱨᱮ ᱚᱲᱟᱜ ᱨᱮ ᱛᱤᱱᱟᱹᱜ ᱫᱤᱱ ᱞᱟᱹᱜᱤᱫ ᱮ ᱚᱠᱛᱚ ᱵᱤᱛᱟᱹᱣ ᱞᱮᱫᱟ ᱾ ᱯᱷᱨᱟᱸᱥᱤᱥᱤ ᱥᱮᱱᱟᱯᱷᱟᱹᱫᱽ ᱨᱮ ᱥᱮᱞᱮᱫᱚᱜ ᱛᱟᱭᱚᱢ ᱩᱱᱤ ᱥᱯᱟᱦᱤᱥ ᱨᱮᱱᱟᱜ ᱢᱤᱫᱴᱟᱹᱝ ᱨᱮᱡᱤᱢᱮᱱᱴ ᱨᱮ ᱵᱟᱦᱟᱞ ᱞᱮᱱᱟᱭ ᱾[᱓] ᱴᱟᱴᱟ ᱫᱚ ᱵᱟᱰᱟᱭ ᱧᱟᱢ ᱠᱟᱛᱮ ᱫᱚ ᱩᱱᱤ ᱫᱚ ᱥᱩᱢᱩᱝ ᱯᱷᱨᱟᱱᱥᱤᱥᱤ ᱟᱨ ᱤᱝᱞᱤᱥ ᱛᱮ ᱯᱟᱲᱦᱟᱣ ᱟᱨ ᱚᱞ ᱵᱟᱝ ᱮ ᱠᱚᱨᱟᱣ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱚᱲᱟᱜ ᱨᱮ ᱢᱤᱫᱴᱟᱹᱝ ᱥᱤᱠᱟᱨᱤᱴᱟᱨᱤ ᱞᱮᱠᱟᱛᱮ ᱵᱟᱦᱟᱞ ᱠᱟᱛᱮ ᱢᱤᱫ ᱠᱚᱨᱱᱮᱞ ᱞᱮᱠᱟᱛᱮ ᱴᱟᱭᱤᱯ ᱠᱚᱨᱟᱣ ᱫᱟᱲᱮᱭᱟ ᱾[᱔] ᱯᱷᱨᱟᱸᱥᱤᱥᱤ ᱥᱮᱱᱟᱯᱷᱟᱹᱫᱽ ᱨᱮ ᱛᱟᱦᱮᱸ ᱠᱟᱛᱮ ᱛᱟᱭᱚᱢ ᱟᱡ ᱵᱟᱵᱟ ᱫᱚ ᱩᱱᱤ ᱥᱤᱧᱚᱛ ᱨᱮ ᱨᱩᱣᱟᱹᱲ ᱟᱜᱩ ᱨᱮᱱᱟᱜ ᱮ ᱜᱚᱴᱟ ᱞᱮᱫᱟ ᱟᱨ ᱩᱱᱤ ᱫᱚ ᱴᱟᱴᱟ ᱠᱚᱢᱯᱟᱹᱱᱤ ᱨᱮᱭ ᱥᱮᱞᱮᱫ ᱞᱮᱱᱟ ᱾
᱑᱙᱒᱙ ᱥᱟᱞ ᱨᱮ ᱴᱟᱴᱟ ᱫᱚ ᱟᱡᱟᱜ ᱯᱷᱨᱟᱱᱥᱤᱥᱤ ᱱᱟᱜᱟᱨᱤᱭᱟᱹ ᱫᱚ ᱟᱲᱟᱜ ᱜᱤᱰᱤ ᱠᱮᱜᱼᱟ ᱟᱨ ᱥᱤᱧᱚᱛ ᱨᱤᱱᱤᱡ ᱱᱟᱜᱟᱨᱤᱭᱟᱹ ᱵᱮᱱᱟᱣ ᱮᱱᱟᱭ ᱾
ᱩᱱᱤ ᱫᱚ ᱢᱤᱫ ᱯᱟᱨᱥᱤ ᱵᱟᱵᱟ ᱴᱷᱮᱱ ᱮ ᱡᱟᱱᱟᱢ ᱞᱮᱱᱟ ᱟᱨ ᱩᱱᱤᱭᱤᱡ ᱯᱷᱨᱟᱸᱥᱤᱥᱤ ᱟᱭᱳ ᱫᱚ ᱯᱟᱨᱥᱤ ᱫᱷᱚᱨᱚᱢ ᱟᱯᱱᱟᱨ ᱞᱮᱫ ᱛᱟᱦᱮᱸᱫ, ᱮᱱᱦᱚᱸ ᱡᱮᱹ ᱟᱨᱹ ᱰᱤᱹ ᱫᱚ ᱮᱜᱽᱱᱳᱥᱴᱤᱠ ᱮ ᱛᱟᱦᱮᱸ ᱠᱟᱱᱟᱭ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱟᱴᱟ ᱡᱚᱠᱷᱚᱱ ᱫᱟᱬᱟᱱ ᱨᱮ ᱛᱟᱦᱮᱸ ᱠᱟᱱᱟᱭ, ᱟᱫᱚ ᱩᱱᱤ ᱟᱡᱤᱡ ᱜᱟᱛᱮ ᱭᱤᱡ ᱟᱡ ᱵᱟᱵᱟ, ᱩᱰᱟᱹᱱ ᱜᱟᱹᱰᱤ ᱨᱤᱱᱤᱡ ᱢᱟᱲᱟᱝ ᱦᱚᱲ ᱞᱩᱭ ᱵᱞᱮᱨᱤᱭᱚᱴ, ᱡᱟᱦᱟᱸᱭ ᱫᱚ ᱤᱝᱞᱤᱥ ᱪᱮᱱᱮᱞ ᱮ ᱯᱟᱨᱚᱢ ᱤᱡ ᱯᱩᱭᱞᱩ ᱦᱚᱲ ᱮ ᱛᱟᱦᱮᱸ ᱠᱟᱱᱟᱭ, ᱟᱨ ᱩᱱᱤᱫᱚ ᱩᱰᱟᱹᱜ ᱮ ᱮᱛᱚᱦᱚᱵ ᱞᱮᱫᱟ ᱾ ᱑᱐ ᱯᱷᱮᱵᱨᱩᱣᱟᱨᱤ ᱑᱙᱒᱙ ᱥᱟᱞ ᱨᱮ ᱴᱟᱴᱟ ᱫᱚ ᱥᱤᱧᱚᱛ ᱨᱮ ᱯᱩᱭᱞᱩ ᱞᱟᱭᱥᱮᱸᱥ ᱮ ᱧᱟᱢ ᱞᱮᱫᱟ ᱾[᱕] ᱛᱟᱭᱚᱢ ᱛᱮ ᱩᱱᱤ ᱫᱚ "ᱥᱤᱧᱚᱛᱤᱭᱟᱹ ᱥᱤᱵᱷᱤᱞ ᱮᱵᱷᱟᱭᱮᱥᱚᱱ ᱨᱤᱱᱤᱡ ᱵᱟᱵᱟ" ᱧᱩᱛᱩᱢ ᱛᱮ ᱩᱯᱨᱩᱢ ᱞᱮᱱᱟᱭ ᱾ ᱑᱙᱓᱒ ᱥᱟᱞ ᱨᱮ ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱵᱮᱯᱟᱨᱤᱭᱟᱹ ᱮᱭᱟᱨᱞᱟᱭᱤᱱ, ᱴᱟᱴᱟ ᱮᱭᱟᱨᱞᱟᱭᱮᱱᱥ ᱮ ᱛᱷᱟᱯᱚᱱ ᱠᱮᱜᱼᱟᱭ, ᱡᱟᱦᱟᱸ ᱑᱙᱔᱖ ᱥᱟᱞ ᱨᱮ ᱮᱭᱟᱨ ᱤᱱᱰᱤᱭᱟ ᱮ ᱵᱮᱱᱟᱣ ᱠᱮᱜᱼᱟᱭ, ᱡᱟᱦᱟᱸ ᱫᱚ ᱱᱤᱛᱚᱜ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱩᱰᱟᱹᱱᱼᱞᱟᱭᱤᱱ ᱢᱮᱱᱟᱜᱼᱟ ᱾ ᱩᱱᱤ ᱟᱨ ᱱᱮᱵᱷᱤᱞ ᱵᱷᱤᱱᱴᱮᱥᱮᱱᱴ ᱫᱚ ᱴᱟᱴᱟ ᱮᱭᱟᱨᱞᱟᱭᱮᱱᱥ ᱵᱮᱱᱟᱣ ᱨᱮ ᱢᱤᱫ ᱛᱮ ᱠᱟᱹᱢᱤ ᱞᱮᱫᱟᱭ ᱾ ᱩᱱᱠᱩ ᱫᱚ ᱟᱹᱰᱤ ᱱᱟᱯᱟᱭ ᱜᱟᱛᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱑᱙᱒᱙ ᱥᱟᱞ ᱨᱮ ᱡᱮᱹ ᱟᱨᱹ ᱰᱤᱹ ᱫᱚ ᱯᱩᱭᱞᱩ ᱥᱤᱧᱚᱛ ᱨᱤᱱᱤᱡ ᱦᱚᱲ ᱠᱚ ᱢᱩᱫᱽᱨᱮ ᱢᱤᱫ ᱦᱚᱲ ᱮ ᱦᱩᱭ ᱞᱮᱱᱟ ᱡᱟᱦᱟᱸᱭ ᱫᱚ ᱢᱤᱫᱴᱟᱹᱝ ᱵᱮᱯᱟᱨᱤᱭᱟᱹ ᱞᱟᱭᱥᱮᱱᱥ ᱮ ᱧᱟᱢ ᱞᱮᱫᱟ ᱾
ᱥᱤᱨᱯᱷᱟᱹ ᱟᱨ ᱢᱟᱱᱚᱛ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱴᱟᱴᱟ ᱫᱚ ᱟᱭᱢᱟ ᱥᱤᱨᱯᱷᱟᱹ ᱠᱚ ᱦᱟᱢᱮᱴ ᱞᱮᱫᱟ ᱾ ᱑᱙᱔᱘ ᱥᱟᱞ ᱨᱮ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱯᱷᱟᱹᱫᱽ ᱩᱱᱤ ᱜᱨᱩᱯ ᱠᱮᱯᱴᱮᱱ ᱢᱟᱹᱱ ᱟᱱᱟᱜ ᱢᱟᱹᱱ ᱮ ᱮᱢ ᱞᱮᱫᱟ ᱾ ᱩᱱᱤᱭᱟᱜ ᱩᱭᱦᱟᱹᱨ ᱞᱮᱠᱟᱛᱮ ᱢᱚᱦᱟᱨᱟᱥᱴᱨᱚ ᱥᱚᱨᱠᱟᱨ ᱫᱚ ᱱᱟᱥᱤᱠ ᱯᱷᱟᱛᱟ ᱯᱤᱢᱯᱨᱤ ᱪᱤᱸᱪᱣᱟᱲ ᱨᱮ ᱟᱡᱟᱜ ᱯᱩᱭᱞᱩ ᱰᱚᱵᱚᱞ ᱰᱮᱠᱟᱨ ᱯᱚᱞ ᱨᱮᱱᱟᱜ ᱧᱩᱛᱩᱢ ᱫᱚ ᱵᱷᱟᱨᱚᱛ ᱨᱚᱛᱱᱚ ᱡᱮ ᱟᱨ ᱰᱤ ᱴᱟᱴᱟ ᱳᱵᱷᱟᱨ ᱵᱨᱤᱡᱽ ᱮ ᱫᱚᱦᱚ ᱞᱮᱫᱟᱭ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ A report in Vohuman.org Amalsad, Meher Dadabhoy. "Vohuman". Archived from the original on 4 May 2007. Retrieved 11 April 2007.
- ↑ "J. R. D. TATA". Tata Central Archives. Archived from the original on 29 October 2013. Retrieved 7 October 2015.
- ↑ Pai 2004, p. 9.
- ↑ R.M. Lala: Beyond the Last Blue Mountains, Life of J. R. D. Tata
- ↑ "Bombay Flying Club First Annual Report". Flight Global. 1 August 1929. Archived from the original on 6 March 2012. Retrieved 16 September 2011.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱟᱦᱟᱸᱜᱤᱨ ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
 |
ᱣᱤᱠᱤᱠᱩᱣᱚᱴ ᱨᱮ ᱡᱟᱦᱟᱸᱜᱤᱨ ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
- Tata Family Tree
- Brief Lifestory of JRD Tata Archived ᱓᱐ ᱚᱠᱴᱚᱵᱚᱨ ᱒᱐᱑᱙ at the Wayback Machine.
- Lala, R. M. (1992). Beyond the Last Blue Mountain: the Authorised Biography of J.R.D. Tata. Viking. ISBN 0-670-84430-6.
- Mambro, Arvind, ed. (2004). J.R.D. Tata Letters. Rupa. ISBN 81-291-0513-6.
- Biography at newindiadigest.com Archived ᱑᱓ ᱡᱟᱱᱩᱣᱟᱨᱤ ᱒᱐᱒᱐ at the Wayback Machine.
- Biography at tata.com Archived ᱑᱔ ᱚᱜᱚᱥᱴ ᱒᱐᱑᱓ at the Wayback Machine.
- Lala, R.M. (1993). Beyond the last blue mountain : a life of J.R.D. Tata (New & updated ed.). New Delhi, India: Viking. ISBN 978-0-14-016901-0.