ᱢᱚᱝᱜᱚᱞᱤᱭᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱚᱝᱜᱚᱞᱤᱭᱟ ᱨᱮᱭᱟᱜ ᱪᱤᱨ
ᱢᱚᱝᱜᱚᱞᱤᱭᱟ ᱨᱮᱭᱟᱜ ᱫᱚᱲᱚᱢ

ᱢᱚᱝᱜᱚᱞᱤᱭᱟ ᱫᱚ ᱛᱟᱞᱟ ᱯᱩᱨᱩᱵᱽ ᱮᱥᱤᱭᱟ ᱨᱮᱱᱟᱝ ᱫᱤᱫ ᱫᱤᱥᱚᱢ ᱠᱟᱱᱟ ᱾ ᱵᱷᱟᱨᱚᱛ ᱥᱟᱶ ᱢᱚᱝᱜᱚᱞᱤᱭᱟ ᱨᱮᱭᱟᱜ ᱨᱟᱡᱽᱱᱤᱛᱤᱠ ᱥᱟᱹᱜᱟᱹᱭ ᱫᱚ ᱑᱙᱕᱕ ᱥᱟᱞ ᱰᱤᱥᱮᱢᱵᱚᱠ ᱒᱔ ᱨᱮ ᱡᱚᱲᱟᱣ ᱞᱮᱱᱟ ᱾ ᱥᱚᱵᱷᱤᱭᱮᱛ ᱥᱚᱝᱜᱷᱚ ᱛᱟᱭᱚᱢ ᱢᱚᱝᱜᱚᱞᱤᱭᱟ ᱜᱮ ᱢᱤᱫᱴᱟᱝ ᱫᱤᱥᱚᱢ ᱡᱟᱦᱟᱸᱭ ᱥᱟᱶ ᱵᱷᱟᱨᱚᱛ ᱥᱟᱹᱜᱟᱹᱭ ᱮ ᱡᱚᱲᱟᱣ ᱞᱮᱜ-ᱟ᱾᱑᱙᱗᱑ ᱥᱟᱞ ᱨᱮ ᱵᱟᱝᱞᱟᱫᱮᱥ ᱢᱩᱠᱛᱤ ᱥᱚᱝᱜᱨᱟᱢ ᱨᱮ ᱢᱚᱝᱜᱚᱞᱤᱭᱟ ᱫᱚ ᱵᱷᱟᱨᱚᱛ ᱮ ᱥᱚᱦᱚᱫ ᱞᱮᱫᱮᱭᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱮᱝᱜᱤᱡᱽ ᱠᱷᱟᱸ ᱧᱩᱛᱩᱢᱟᱱ ᱢᱤᱫ ᱡᱚᱫᱫᱷᱟ ᱑᱒᱐᱖ ᱥᱟᱞ ᱨᱮ ᱢᱚᱝᱜᱚᱞ ᱥᱟᱢᱨᱟᱡᱚᱭ ᱵᱮᱨᱮᱫ ᱞᱮᱜ-ᱟ ᱾ ᱱᱚᱶᱟ ᱜᱮ ᱛᱟᱭᱚᱢ ᱫᱚ ᱢᱚᱝᱜᱚᱞᱤᱭᱟ ᱧᱩᱛᱩᱢ ᱛᱮ ᱟᱹᱨᱩᱭᱮᱱᱟ ᱾ ᱱᱚᱶᱟ ᱥᱟᱢᱨᱟᱡᱚ ᱫᱚ ᱪᱤᱱ ᱠᱷᱚᱱ ᱮᱦᱚᱵ ᱠᱟᱛᱮ ᱛᱟᱞᱟ ᱮᱥᱤᱭᱟ ᱨᱮᱭᱟᱜ ᱤᱨᱟᱱ, ᱤᱨᱟᱠ, ᱛᱩᱨᱠᱤ ᱟᱨ ᱤᱭᱩᱨᱚᱯ ᱨᱮᱭᱟᱜ ᱯᱚᱞᱟᱱᱰ ᱦᱟᱹᱵᱤᱡ ᱯᱟᱥᱱᱟᱣ ᱞᱮᱱᱟ ᱾ ᱢᱤᱫ ᱚᱠᱛᱚ ᱫᱚ ᱯᱩᱨᱟᱹ ᱮᱥᱤᱭᱟ ᱱᱚᱶᱟ ᱥᱟᱢᱨᱟᱡᱚᱭ ᱨᱮᱭᱟᱜ ᱠᱚᱵᱽᱡᱟ ᱨᱮ ᱛᱟᱦᱮᱸ ᱠᱟᱱᱟ ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱕,᱖᱔,᱑᱑᱖ ᱵᱟᱜᱩᱱ ᱠᱤᱞᱚᱢᱤᱴᱚᱨ ᱡᱟᱜᱟ ᱨᱮ ᱟᱴᱮᱫ ᱟᱠᱟᱱ,[᱑] ᱱᱚᱶᱟ ᱫᱤᱥᱚᱢ ᱫᱚ ᱡᱮᱜᱮᱛ ᱨᱮᱭᱟᱜ ᱑᱙ ᱟᱱᱟᱜ ᱢᱟᱨᱟᱝ ᱫᱤᱥᱚᱢ ᱠᱟᱱᱟ ᱾ ᱱᱚᱶᱟ ᱫᱚ ᱫᱚᱨᱮᱭᱟ ᱰᱷᱤᱯ ᱵᱟᱹᱱᱩᱜ-ᱟᱱ ᱫᱚᱥᱟᱨ ᱢᱟᱨᱟᱝ ᱫᱤᱥᱚᱢ ᱠᱟᱱᱟ ᱾ ᱱᱚᱶᱟ ᱫᱤᱥᱚᱢ ᱨᱮ ᱓᱐ ᱞᱟᱠ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱᱟ ᱾ ᱢᱚᱝᱜᱚᱞᱤᱭᱟ ᱨᱮᱭᱟᱜ ᱨᱟᱡᱽᱜᱟᱲ ᱩᱞᱟᱱᱵᱟᱴᱚᱨ ᱨᱮ ᱪᱮᱝᱜᱤᱡᱽ ᱠᱷᱟᱸ ᱥᱟᱫᱚᱢ ᱨᱮ ᱫᱮᱡ ᱟᱠᱟᱱ ᱢᱤᱫ ᱢᱩᱨᱛᱤ ᱢᱮᱱᱟᱜ-ᱟ ᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱝᱜᱚᱞᱤᱭᱟ ᱨᱮᱭᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱢᱚᱝᱜᱚᱞᱤᱭᱟᱱ ᱠᱟᱱᱟ, ᱱᱚᱶᱟ ᱯᱟᱹᱨᱥᱤ ᱚᱱᱰᱮᱱ ᱠᱚ ᱙᱕% ᱦᱚᱲ ᱠᱚ ᱨᱚᱲᱟ ᱾ ᱠᱟᱡᱟᱠᱷ ᱛᱩᱵᱷᱟᱱ ᱯᱟᱹᱨᱥᱤ ᱦᱚᱸ ᱱᱚᱰᱮᱱ ᱠᱚ ᱦᱚᱲ ᱠᱚ ᱨᱚᱲ ᱜᱮᱭᱟ ᱾ ᱱᱮᱛᱟᱨ ᱫᱚ ᱢᱚᱝᱜᱚᱞᱤᱭᱟᱱ ᱯᱟᱹᱨᱥᱤ ᱥᱤᱨᱤᱞᱤᱠ ᱪᱤᱠᱤ ᱛᱮᱠᱚ ᱚᱞᱮᱜ-ᱟ, ᱢᱟᱬᱟᱝ ᱫᱚ ᱢᱚᱝᱜᱚᱞᱤᱭᱟᱱ ᱪᱤᱠᱤ ᱛᱮᱠᱚ ᱚᱞ ᱛᱟᱦᱮᱸᱫ᱾ ᱵᱤᱫᱮᱥ ᱯᱟᱹᱨᱥᱤ ᱞᱮᱠᱟᱛᱮ ᱨᱩᱥᱤᱭᱟᱱ ᱟᱨ ᱤᱸᱜᱽᱞᱤᱥ ᱦᱚᱸ ᱱᱚᱰᱮᱱ ᱠᱚ ᱦᱚᱲ ᱠᱚ ᱨᱚᱲ ᱫᱮᱭᱟ ᱾

ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱐ ᱥᱟᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱚᱝᱥᱟᱨ ᱕᱓% ᱦᱚᱲ ᱫᱚᱵᱩᱫᱫᱷᱚ ᱫᱷᱚᱨᱚᱢ ᱨᱮᱱ ᱠᱟᱱᱟ ᱠᱚ ᱟᱨ ᱓᱙% ᱦᱚᱲ ᱫᱚ ᱚᱠᱟ ᱫᱷᱚᱨᱚᱢ ᱦᱚᱸ ᱵᱟᱠᱚ ᱢᱟᱱᱟᱣᱟ᱾ ᱯᱟᱹᱪᱷᱤᱢ ᱱᱟᱠᱷᱟ ᱨᱮᱱ ᱠᱟᱡᱟᱠᱷ ᱡᱟᱹᱛᱤ, ᱛᱤᱱᱟᱹᱜ ᱜᱟᱱ ᱢᱚᱝᱜᱚᱞᱤᱭᱟᱱ ᱟᱨ ᱟᱨ ᱛᱩᱨᱠᱤᱠ ᱡᱟᱹᱛᱤ ᱦᱚᱲ ᱫᱚ ᱤᱥᱞᱟᱢ ᱫᱷᱚᱨᱚᱢ ᱠᱚ ᱢᱟᱱᱟᱣᱟ ᱾

ᱦᱟᱹᱱᱟᱹᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱝᱜᱚᱞᱤᱭᱟ ᱫᱚ ᱒᱑ ᱜᱚᱴᱟᱝ ᱯᱨᱚᱫᱮᱥ (ᱚᱱᱰᱮᱱᱟᱜ ᱯᱟᱹᱨᱥᱤ ᱛᱮᱫᱚ ᱮᱢᱟᱜᱽ Aimages) ᱟᱨ ᱒᱒᱙ ᱜᱚᱴᱟᱝ ᱡᱤᱞᱟᱹ (ᱚᱱᱰᱮᱱᱟᱜ ᱯᱟᱹᱨᱥᱤ ᱥᱚᱢ sums) ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ [᱒]

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱰᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱢᱚᱝᱜᱚᱞᱤᱭᱟᱱ ᱠᱟᱱᱟ ᱾ ᱚᱱᱟ ᱵᱮᱫᱚᱨ ᱛᱩᱨᱠᱤ ᱟᱨ ᱨᱩᱥᱤᱭᱳ ᱯᱟᱹᱨᱥᱤ ᱦᱚᱸ ᱱᱚᱰᱮ ᱪᱟᱹᱞᱩᱜ ᱜᱮᱭᱟ ᱾ ᱢᱚᱦᱟᱵᱷᱟᱨᱚᱛ ᱫᱷᱟᱨᱟᱵᱟᱦᱤᱠ ᱫᱚ ᱢᱟᱝᱜᱚᱞᱤᱭᱟᱱ ᱯᱟᱹᱨᱥᱤ ᱛᱮ ᱟᱹᱨᱩ ᱠᱟᱛᱮ ᱩᱞᱟᱱᱵᱚᱴ ᱨᱮᱭᱟᱜ ᱴᱤᱹᱵᱷᱤᱹ ᱨᱮᱠᱚ ᱩᱪᱷᱟᱹᱱ ᱟᱠᱟᱜ-ᱟ ᱾ ᱦᱤᱱᱫᱤ ᱯᱷᱤᱞᱤᱢ ᱦᱚᱸ ᱱᱚᱰᱮ ᱦᱚᱲ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱯᱚᱧᱪᱚᱛᱚᱱᱛᱨᱚ, ᱨᱟᱢᱟᱭᱚᱬ, ᱥᱚᱠᱩᱱᱛᱚᱲᱟ, ᱠᱟᱢᱚᱥᱩᱛᱨᱚ, ᱜᱚᱫᱟᱱ ᱟᱨ ᱠᱚᱴᱤ ᱛᱚᱝ ᱠᱚᱦᱚᱸ ᱢᱚᱝᱜᱚᱞᱤᱭᱟᱱ ᱯᱟᱹᱨᱥᱤ ᱛᱮ ᱩᱪᱷᱟᱹᱱ ᱟᱠᱟᱱᱟ ᱾

ᱵᱤᱫᱮᱥ ᱥᱟᱹᱜᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱝᱜᱚᱞᱤᱭᱟ ᱨᱮᱭᱟᱜ ᱵᱤᱫᱮᱥ ᱥᱟᱹᱜᱟᱹᱭ ᱫᱚ ᱨᱟᱥᱤᱭᱟ ᱟᱨ ᱪᱤᱱ ᱥᱟᱶ ᱜᱮ ᱵᱟᱹᱛᱤ ᱢᱮᱱᱟᱜ-ᱟ ᱾ ᱱᱚᱶᱟ ᱠᱤᱱ ᱵᱟᱨᱭᱟ ᱫᱤᱥᱚᱢ ᱪᱮᱛᱟᱱ ᱨᱮᱜᱮ ᱢᱚᱝᱜᱚᱞᱤᱭᱟ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱫᱚ ᱵᱚᱨᱥᱟᱭᱟ ᱾ ᱢᱚᱝᱜᱚᱞᱤᱭᱟ ᱨᱮᱭᱟᱜ ᱙᱐% ᱡᱤᱱᱤᱥ ᱪᱤᱱ ᱮ ᱠᱤᱨᱤᱧᱟ ᱾ ᱢᱚᱝᱜᱚᱞᱤᱭᱟ ᱙᱐% ᱵᱤᱡᱽᱞᱤ ᱨᱩᱥᱤᱭᱟ ᱠᱷᱚᱱ ᱮ ᱟᱹᱜᱩᱭᱟ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Countries by area". CIA World Factbook. Retrieved 2013-06-28. 
  2. Givaandondogiin Purevsambuu (2006). Mongolia. Montsame News Agency. p. 46. ISBN 978-99929-0-627-9.