ᱢᱟᱦᱞᱮ ᱦᱚᱲ
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
|---|---|
 India | |
| ᱯᱟᱹᱨᱥᱤ ᱠᱚ | |
| Mahle | |
| ᱫᱷᱚᱨᱚᱢ | |
| Hinduism[᱑] | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| Oraon • Kumarbhag Paharia • Mal Paharia |
ᱢᱟᱦᱞᱤ ᱫᱚ ᱢᱤᱫᱴᱮᱱ ᱞᱟᱹᱴᱩ ᱟᱹᱫᱤᱵᱟᱹᱥᱤ ᱜᱩᱴ ᱢᱮᱱᱟᱜ ᱠᱳᱣᱟ, ᱡᱟᱦᱟᱸᱭ ᱫᱚ ᱵᱟᱝᱞᱟᱫᱮᱥ ᱨᱮᱱᱟᱜ ᱨᱟᱡᱽᱜᱟᱲ ᱡᱟᱭᱯᱩᱨᱦᱟᱴ, ᱫᱤᱱᱟᱡᱽᱯᱩᱨ, ᱨᱚᱝᱯᱩᱨ ᱟᱨ ᱥᱤᱞᱦᱟᱴ ᱨᱮᱱᱟᱜ ᱮᱛᱚᱢ ᱦᱚᱱᱚᱛ ᱨᱮ ᱠᱚ ᱛᱟᱦᱮᱸᱱᱟ ᱾ ᱒᱐᱐᱙ ᱨᱮᱱᱟᱜ ᱛᱟᱞᱟ ᱥᱮᱨᱢᱟ ᱞᱮᱠᱟᱛᱮ ᱱᱚᱶᱟ ᱟᱹᱛᱩ ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱫᱚ ᱓᱐,᱐᱐᱐ (ᱜᱚᱴᱟ ᱠᱟᱛᱮ) ᱾ ᱱᱩᱠᱩ ᱫᱚ ᱱᱚᱶᱟ ᱠᱚ ᱢᱚᱬᱮ ᱦᱚᱱᱚᱛ ᱟᱨ ᱮᱴᱟᱜ ᱠᱚᱨᱮ ᱠᱚ ᱦᱟᱹᱴᱤᱧ ᱟᱠᱟᱱᱟ ᱾ ᱥᱤᱧᱚᱛ ᱨᱮ ᱢᱚᱦᱟᱞᱤ ᱠᱚᱣᱟᱜ ᱞᱮᱠᱷᱟ ᱫᱚ ᱕᱖᱕,᱐᱐᱐ ᱜᱟᱱ ᱾ ᱩᱱᱤᱨᱤᱱ ᱟᱭᱳ ᱵᱟᱵᱟ ᱦᱟᱯᱲᱟᱢ ᱠᱚ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱵᱩᱨᱩ ᱫᱮᱥᱚᱢ ᱠᱷᱚᱱ ᱢᱤᱫ ᱥᱟᱭ ᱥᱮᱨᱢᱟ ᱢᱟᱬᱟᱝ ᱛᱮ ᱱᱚᱶᱟ ᱴᱚᱴᱷᱟ ᱨᱮ ᱠᱚ ᱦᱮᱡ ᱞᱮᱱᱟ ᱾ᱩᱱᱠᱩ ᱫᱚ ᱟᱠᱚᱣᱟᱜ ᱱᱤᱡᱮᱨᱟᱜ ᱟᱯᱱᱟᱨ ᱯᱟᱹᱨᱥᱤ ᱠᱚ ᱨᱚᱲᱟ ᱡᱟᱦᱟᱸ ᱫᱚ ᱢᱟᱦᱞᱮ ᱯᱟᱹᱨᱥᱤ ᱥᱮ ᱥᱟᱱᱛᱟᱞᱤ (ᱥᱚᱝᱴᱟᱞᱤ) ᱠᱚ ᱢᱮᱛᱟᱜᱼᱟ, ᱢᱮᱱᱠᱷᱟᱱ ᱛᱮᱦᱮᱧᱟᱜ ᱱᱤᱛᱚᱝ ᱱᱟᱝ ᱨᱮ ᱥᱮᱪᱮᱫ ᱟᱠᱟᱱ ᱦᱚᱲ ᱫᱚ ᱵᱟᱝᱞᱟ ᱟᱨ ᱤᱝᱨᱮᱡᱤ ᱦᱚᱸ ᱠᱚ ᱨᱚᱲᱟ ᱾ ᱱᱩᱠᱩ ᱢᱩᱫᱽ ᱨᱮ ᱯᱮᱭᱟ ᱡᱟᱹᱛᱤ ᱢᱮᱱᱟᱜ ᱠᱚᱣᱟ ᱺ ᱱᱟᱜᱽᱯᱩᱨᱤᱭᱟ, ᱥᱤᱠᱨᱳᱭᱟ ᱟᱨ ᱨᱟᱡᱽᱢᱟᱦᱟᱞ ᱾ ᱢᱟᱦᱟᱞᱮ ᱠᱚ ᱛᱟᱞᱟ ᱨᱮ ᱙ ᱜᱚᱴᱟᱝ ᱜᱷᱟᱨᱚᱸᱡᱽ ᱯᱟᱹᱨᱤᱥ ᱧᱩᱛᱩᱢ ᱢᱮᱱᱟᱜᱼᱟ - ᱰᱩᱢᱨᱤ, ᱵᱟᱨᱮ, ᱠᱩᱨᱠᱩᱥᱤ, ᱠᱚᱣᱨᱤᱭᱟ, ᱠᱷᱚᱸᱜᱮᱨ, ᱢᱟᱱᱫᱽᱨᱤ, ᱦᱟᱸᱥᱫᱟ, ᱵᱟᱥᱠᱮ ᱟᱨ ᱵᱮᱥᱨᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱔ ᱜᱚᱴᱟᱝ ᱜᱷᱟᱨᱚᱸᱡᱽ ᱧᱩᱛᱩᱢ ᱛᱮᱦᱮᱧ ᱫᱷᱟᱹᱨᱛᱤ ᱠᱷᱚᱱ ᱵᱚᱫᱚᱞ ᱢᱩᱪᱟᱹᱫᱚᱜ ᱠᱟᱱᱟ ᱾
ᱟᱹᱨᱤᱪᱟᱹᱞᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱦᱞᱮ ᱦᱚᱲ ᱠᱚ ᱥᱩᱨ ᱥᱩᱯᱩᱨ ᱥᱟᱹᱜᱟᱹᱭ ᱟᱨᱵᱟᱝ ᱟᱠᱚᱣᱟᱜ ᱟᱹᱫᱤᱵᱟᱹᱥᱤ ᱜᱷᱟᱨᱚᱸᱡᱽ ᱯᱟᱹᱨᱤᱥ ᱨᱮ ᱵᱟᱯᱞᱟ ᱵᱟᱝ ᱦᱩᱭ ᱫᱟᱲᱮᱭᱟᱜᱼᱟ ᱾ ᱵᱟᱯᱞᱟ ᱫᱚ ᱵᱟᱨ ᱞᱮᱠᱟᱱᱟᱜ ᱠᱟᱱᱟ - ᱟᱝᱜᱤᱨ ᱵᱟᱯᱞᱟ ᱟᱨ ᱥᱩᱱᱩᱢ ᱨᱟᱭᱵᱟᱨ ᱵᱟᱯᱞᱟ ᱾ ᱥᱟᱶᱛᱟ ᱫᱚ ᱵᱟᱵᱟ ᱟᱜ ᱥᱟᱹᱜᱟᱹᱭ ᱰᱟᱦᱟᱨ ᱛᱮ ᱛᱟᱲᱟᱢ ᱰᱟᱦᱟᱨ ᱠᱟᱱᱟ, ᱟᱨ ᱵᱟᱯᱞᱟ ᱨᱮ ᱠᱚᱲᱟ ᱦᱚᱯᱚᱱ ᱠᱩᱲᱤ ᱦᱚᱯᱚᱱ ᱠᱚ ᱾ ᱠᱩᱲᱤ ᱜᱤᱫᱨᱟᱹ ᱟᱯᱟᱛ ᱴᱷᱮᱱ ᱠᱷᱚᱱ ᱠᱚᱲᱟ ᱟᱯᱟᱛ ᱫᱚ ᱜᱚᱱᱚᱝ ᱴᱟᱠᱟ ᱦᱚᱱᱭ ᱧᱟᱢᱟ ᱾
ᱢᱟᱦᱟᱞᱮ ᱜᱤᱫᱨᱟᱹ ᱠᱚ ᱵᱟᱝᱞᱟ ᱢᱤᱰᱤᱭᱟᱢ ᱯᱨᱟᱭᱢᱟᱨᱤ ᱟᱥᱟᱲᱟ ᱨᱮ ᱵᱩᱜᱤ ᱵᱟᱹᱱᱩᱜ ᱠᱚᱣᱟ ᱪᱮᱫᱟᱜ ᱥᱮ ᱩᱱᱠᱩᱣᱟᱜ ᱡᱟᱭᱜᱟ ᱨᱮ ᱵᱟᱝᱞᱟ ᱥᱮᱪᱮᱫ ᱨᱮᱭᱟᱜ ᱚᱨᱥᱚᱝ ᱫᱚ ᱵᱟᱹᱱᱩᱜ ᱜᱮ ᱛᱟᱠᱚᱣᱟ। ᱢᱚᱦᱮᱞᱤ ᱦᱚᱲ ᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱨᱮ ᱚᱞ ᱪᱤᱠᱤ ᱫᱚ ᱵᱟᱹᱱᱩᱜ-ᱟ ᱾ Mr. MAASAUS ᱨᱤᱱᱤᱡ ᱰᱤᱨᱮᱠᱴᱚᱨ ᱟᱨ ᱢᱤᱫ ᱢᱚᱦᱟᱞᱤ, ᱡᱟᱠᱟᱨᱤᱭᱟᱥ ᱫᱩᱢᱨᱤ ᱟᱡᱟᱜ ᱯᱟᱹᱨᱥᱤ ᱞᱟᱹᱜᱤᱫ ᱢᱤᱫ ᱨᱳᱢᱟᱱᱤᱡᱮᱰ ᱢᱟᱦᱞᱮ ᱚᱞ ᱪᱤᱠᱤ ᱛᱮᱭᱟᱨ ᱟᱠᱟᱫᱟ, ᱡᱟᱦᱟᱸ ᱫᱚ ᱫᱟᱢᱠᱩᱨᱟᱦᱟᱴ, ᱯᱟᱵᱟ, ᱨᱟᱡᱽᱥᱟᱦᱤ ᱨᱮᱱᱟᱜ ᱯᱮᱭᱟ ᱯᱨᱟᱭᱢᱮᱨᱤ ᱟᱥᱲᱟ ᱨᱮ ᱥᱮᱪᱮᱫ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱱᱚᱶᱟ ᱟᱥᱲᱟ ᱠᱚ ᱫᱚ ᱥᱩᱨᱥᱩᱱᱤᱯᱟᱨᱟ, ᱥᱤᱱᱡᱚᱜᱷᱩᱴᱩ ᱟᱨ ᱯᱤᱯᱨᱟ ᱢᱟᱞᱴᱤ ᱞᱤᱝᱜᱩᱤᱥᱴᱤᱠ ᱮᱡᱩᱠᱮᱥᱚᱱ (MLE) ᱟᱥᱲᱟ ᱠᱟᱱᱟ ᱾ ᱱᱚᱶᱟ ᱱᱟᱣᱟ ᱦᱚᱨᱚᱯ ᱛᱮ ᱢᱟᱦᱞᱮ ᱜᱤᱫᱽᱨᱟᱹ ᱠᱚ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱥᱟᱶᱛᱮ ᱵᱟᱝᱞᱟ ᱯᱟᱹᱨᱥᱤ ᱛᱮᱦᱚᱸ ᱯᱟᱲᱦᱟᱣ ᱫᱟᱲᱮᱭᱟᱜᱼᱟ ᱾ ᱚᱱᱟᱛᱮ ᱱᱚᱶᱟ ᱴᱚᱴᱷᱟ ᱨᱮ ᱚᱞᱚᱜ ᱯᱟᱲᱦᱟᱣ ᱨᱮᱱᱟᱜ ᱫᱟᱲᱮ ᱦᱚᱸ ᱵᱟᱹᱲᱛᱤ ᱟᱠᱟᱱᱟ ᱾ ᱜᱤᱫᱨᱟᱹ ᱠᱚ ᱟᱥᱲᱟ ᱨᱮ ᱱᱟᱯᱟᱭ [᱒]᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱷᱟᱸᱪ:Ethnic groups in Bangladesh
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Ethnic groups in Bangladesh ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |