ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ

ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ
ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ
ᱫᱚᱥᱟᱨ ᱥᱤᱧᱚᱛ ᱫᱚᱥᱚᱢ ᱜᱚᱢᱠᱮ
	ᱟᱹᱢᱟᱹᱞᱤ ᱨᱮ; ᱑᱔ ᱢᱮᱸ ᱑᱙᱖᱒ – ᱑᱓ ᱢᱮᱸ ᱑᱙᱖᱗
ᱢᱟᱨᱟᱝ ᱢᱱᱛᱨᱤ	ᱡᱚᱵᱟᱦᱚᱨᱞᱟᱞ ᱱᱮᱦᱨᱩ; ᱡᱩᱞᱡᱟᱨᱤᱞᱟᱞ ᱱᱚᱱᱫᱟ (Acting); ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ; ᱜᱩᱞᱡᱟᱨᱤᱞᱟᱞ ᱱᱚᱱᱫᱟ (Acting); ᱤᱱᱫᱤᱨᱟ ᱜᱟᱱᱫᱷᱤ
Vice President	ᱡᱟᱠᱤᱨ ᱦᱩᱥᱮᱸᱱ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱡᱟᱠᱤᱨ ᱦᱩᱥᱮᱸᱱ
ᱯᱩᱭᱞᱩ ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ
	ᱟᱹᱢᱟᱹᱞᱤ ᱨᱮ; ᱑᱓ ᱢᱮᱸ ᱑᱙᱕᱒ – ᱑᱒ ᱢᱮᱸ ᱑᱙᱖᱒
ᱫᱤᱥᱚᱢ ᱜᱚᱢᱠᱮ	ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ
ᱢᱟᱨᱟᱝ ᱢᱱᱛᱨᱤ	ᱡᱚᱵᱟᱦᱚᱨᱞᱟᱞ ᱱᱮᱦᱨᱩ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱡᱟᱠᱤᱨ ᱦᱩᱥᱮᱸᱱ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱕ ᱥᱮᱯᱴᱮᱢᱵᱚᱨ ᱑᱘᱘᱘; ᱛᱷᱤᱨᱩᱛᱟᱱᱤ, Madras Presidency, ᱵᱽᱨᱤᱴᱤᱥ ᱤᱱᱰᱤᱭᱟ (present-day ᱛᱟᱢᱤᱞ ᱱᱟᱰᱩ, ᱥᱤᱧᱚᱛ)
ᱜᱩᱨ	᱑᱗ ᱮᱯᱨᱤᱞ ᱑᱙᱗᱕ (᱘᱖ ᱵᱚᱭᱚᱥ); ᱢᱟᱰᱨᱟᱥ, ᱛᱟᱢᱤᱞ ᱱᱟᱰᱩ, ᱥᱤᱧᱚᱛ (ᱱᱤᱛᱚᱜᱟᱜ ᱪᱮᱱᱱᱟᱭ)
ᱨᱟᱡᱽᱟᱹᱨᱤ ᱫᱚᱞ	Independent
ᱡᱤᱭᱚᱱ ᱥᱚᱦᱮᱫ	ᱥᱤᱵᱟᱠᱟᱢᱩ (ᱜᱩᱨ ᱑᱙᱕᱖)
ᱦᱚᱯᱚᱱ	᱕ (ᱦᱚᱯᱚᱱ ᱮᱨᱟ ᱠᱚ) ᱑ (ᱦᱚᱯᱚᱱ) ᱥᱚᱨᱵᱚᱯᱚᱞᱞᱤ ᱜᱳᱯᱟᱞ
ᱜᱳ/ᱵᱟᱵᱟ	ᱟᱯᱟᱛ : ᱵᱤᱨᱟᱥᱟᱢᱤ; ᱮᱸᱜᱟᱛ : ᱥᱤᱛᱷᱟᱢᱟᱫᱮᱵᱤ
ᱥᱮᱪᱮᱫ ᱟᱠᱷᱲᱟ	ᱢᱟᱫᱽᱨᱟᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱥᱚᱱᱮᱨ, ᱮᱢ.ᱮ.)
ᱠᱟᱹᱢᱤ	ᱥᱟᱱᱟᱥᱤᱭᱟᱹ); Academician;
ᱥᱤᱨᱯᱷᱟᱹ	ᱵᱷᱟᱨᱚᱛ ᱨᱚᱛᱱᱚ (᱑᱙᱕᱔); ᱴᱮᱢᱯᱞᱮᱴᱚᱱ ᱥᱤᱨᱯᱷᱟᱹ (᱑᱙᱗᱕)

ᱰᱚᱹ ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ (ᱛᱟᱢᱤᱞ: சர்வபள்ளி ராதாகிருஷ்ணன்; ᱕ ᱥᱮᱯᱴᱮᱢᱵᱚᱨ ᱑᱘᱘᱘ - ᱑᱗ ᱮᱯᱨᱤᱞ ᱑᱙᱗᱕) ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱡᱚᱜᱚ ᱫᱤᱥᱚᱢ ᱜᱚᱢᱠᱮ (᱑᱙᱕᱒ - ᱑᱙᱖᱒) ᱟᱨ ᱫᱚᱥᱟᱨ ᱫᱤᱥᱚᱢ ᱜᱚᱢᱠᱮᱭ ᱛᱟᱦᱮᱸ ᱟᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱞᱟᱠᱪᱟᱨ ᱨᱤᱱᱤᱡ ᱞᱟᱦᱟᱭᱤᱭᱟᱹ, ᱧᱩᱛᱩᱢᱟᱱ ᱥᱮᱪᱮᱫᱟᱱᱤᱡ, ᱢᱟᱦᱟᱱ ᱥᱟᱱᱟᱥᱤᱭᱟᱹ ᱟᱨ ᱢᱤᱫ ᱜᱚᱨᱚᱡᱟᱱ ᱦᱤᱱᱫᱩ ᱵᱤᱪᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱱᱚᱶᱟ ᱜᱩᱱ ᱠᱷᱟᱹᱛᱤᱨ ᱜᱮ ᱥᱮᱨᱢᱟ ᱑᱙᱕᱔ ᱨᱮ ᱥᱤᱧᱚᱛ ᱥᱚᱨᱠᱟᱨ ᱫᱚ ᱩᱱᱤ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱥᱚᱱᱢᱟᱱ ᱵᱷᱟᱨᱚᱛ ᱨᱚᱛᱱᱚ ᱛᱮᱭ ᱢᱟᱹᱱ ᱥᱟᱡᱟᱣ ᱞᱮᱫᱮ ᱛᱟᱦᱮᱸᱫ ᱾ ᱟᱡᱟᱜ ᱡᱟᱱᱟᱢ ᱢᱟᱦᱟᱸ (᱕ ᱥᱮᱯᱴᱮᱢᱵᱚᱨ) ᱫᱚ ᱥᱤᱧᱚᱛ ᱨᱮ ᱢᱟᱪᱮᱛ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜ ᱠᱟᱱᱟ ᱾

ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ

ᱰᱨᱹ ᱨᱟᱫᱷᱟᱠᱨᱩᱥᱱᱚᱱ ᱟᱜ ᱡᱟᱱᱟᱢ ᱫᱚ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱛᱤᱨᱩᱛᱚᱱᱤ ᱟᱹᱛᱩ ᱨᱮ ᱡᱟᱦᱟᱸ ᱫᱚ ᱱᱤᱛ ᱚᱠᱛᱚ ᱨᱮ ᱢᱟᱫᱽᱨᱟᱥ ᱠᱷᱚᱱ ᱥᱩᱨ ᱥᱩᱯᱩᱨ ᱖᱔ ᱠᱤ.ᱢᱤ. ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱕ ᱥᱮᱯᱴᱮᱢᱵᱚᱨ ᱑᱘᱘᱘ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸ ᱜᱷᱟᱨᱚᱸᱡᱽ ᱨᱮ ᱩᱱᱤᱭ ᱡᱟᱱᱟᱢ ᱮᱱᱟ, ᱚᱱᱟ ᱫᱚ ᱢᱤᱫ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱛᱷᱟᱱ ᱦᱚᱸ ᱢᱤᱫ ᱥᱚᱱᱚᱛ ᱛᱤᱨᱛᱷᱚᱛᱷᱟᱱ ᱞᱮᱠᱟᱛᱮ ᱞᱟᱯᱷᱟᱝ ᱩᱯᱨᱩᱢ ᱢᱮᱱᱟᱜᱼᱟ ᱾ ᱨᱟᱫᱷᱟᱠᱨᱩᱥᱱᱚᱱ ᱨᱤᱱ ᱦᱟᱯᱲᱟᱢ ᱠᱚᱫᱚ ᱢᱟᱬᱟᱝ ᱢᱤᱫ ᱚᱠᱛᱚ ᱫᱚ 'ᱥᱚᱨᱵᱚᱯᱚᱞᱞᱤ' ᱧᱩᱛᱩᱢᱟᱱ ᱟᱹᱛᱩ ᱨᱮᱠᱚ ᱛᱟᱦᱮᱸ ᱞᱮᱱ ᱛᱟᱦᱮᱸᱫ ᱟᱨ ᱑᱘ ᱟᱱᱟᱜ ᱥᱟᱭᱥᱟᱞ ᱨᱮᱱᱟᱜ ᱛᱟᱞᱟᱨᱮ ᱩᱱᱠᱩ ᱫᱚ ᱛᱤᱨᱩᱛᱚᱱᱤ ᱟᱹᱛᱩ ᱥᱮᱫ ᱠᱚ ᱢᱚᱦᱰᱟ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱤᱠᱷᱟᱹᱱ ᱟᱠᱚ ᱨᱤᱱ ᱦᱟᱯᱲᱟᱢ ᱠᱚᱠᱚ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ ᱡᱮ ᱟᱠᱚᱣᱟᱜ ᱧᱩᱛᱩᱢ ᱥᱟᱶᱨᱮ ᱟᱠᱚᱣᱟᱜ ᱡᱟᱱᱟᱢ ᱛᱷᱟᱱ ᱟᱹᱛᱩ ᱨᱮᱱᱟᱜ ᱩᱱᱩᱭᱦᱟᱹᱨ ᱦᱚᱸ ᱞᱮᱛᱟᱲ ᱜᱮ ᱛᱟᱦᱮᱸᱱ ᱞᱟᱹᱠᱛᱤᱜ ᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱟᱠᱚ ᱚᱲᱟᱜ ᱦᱚᱲ ᱫᱚ ᱟᱠᱚᱣᱟᱜ ᱧᱩᱛᱩᱢ ᱞᱟᱦᱟᱨᱮ 'ᱥᱚᱨᱵᱚᱯᱚᱞᱞᱤ' ᱞᱟᱜᱟᱣ ᱠᱚ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾

ᱰᱨᱹ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱢᱤᱫ ᱨᱮᱸᱜᱮᱡ ᱤᱠᱷᱟᱹᱱ ᱜᱟᱹᱠᱷᱩᱲᱟᱱ ᱵᱟᱵᱽᱬᱮ ᱚᱲᱟᱜ ᱨᱤᱱᱤᱡ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ 'ᱥᱚᱨᱵᱚᱯᱚᱞᱞᱤ ᱵᱤᱨᱟᱥᱢᱤᱭᱟᱦ' ^[᱒] ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ 'ᱥᱤᱛᱟᱢᱢᱟ' ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱨᱮᱵᱷᱮᱱᱤᱣ ᱰᱤᱯᱟᱴᱢᱮᱴ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱪᱮᱛᱟᱱ ᱨᱮᱫᱚ ᱟᱹᱰᱤ ᱢᱟᱨᱟᱝ ᱜᱷᱟᱨᱚᱸᱡᱽ ᱨᱮᱱᱟᱜ ᱧᱮᱞ ᱡᱚᱛᱚᱱ ᱨᱮᱱᱟᱜ ᱟᱺᱜᱤᱵᱷᱟᱨ ᱛᱟᱦᱮᱸ ᱠᱟᱱᱟ ᱾ ᱵᱤᱨᱟᱥᱣᱟᱢᱤ ᱨᱤᱱ ᱫᱚ ᱢᱚᱬᱮ ᱦᱚᱲ ᱦᱚᱯᱚᱱ ᱟᱨ ᱢᱤᱫᱴᱟᱹᱝ ᱦᱚᱯᱚᱱ ᱮᱨᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱨᱟᱫᱷᱟᱠᱨᱩᱥᱱᱚᱱ ᱟᱜ ᱴᱷᱟᱶ ᱫᱚ ᱱᱩᱠᱩ ᱦᱚᱯᱚᱱ ᱠᱚ ᱢᱟᱹᱫᱽ ᱨᱮ ᱫᱚᱥᱟᱨ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱟᱹᱰᱤ ᱦᱟᱨᱠᱮᱛ ᱥᱟᱥᱮᱛ ᱥᱟᱶᱛᱮ ᱜᱷᱟᱨᱚᱸᱡᱽ ᱮ ᱞᱟᱦᱟ ᱤᱫᱤᱭᱮᱫ ᱛᱟᱦᱮᱸᱫ ᱾ ᱱᱚᱶᱟ ᱠᱷᱟᱹᱛᱤᱨ ᱜᱮ ᱠᱚᱲᱟ ᱜᱤᱫᱽᱨᱟᱹ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱜᱤᱫᱽᱨᱟᱹ ᱨᱮ ᱵᱟᱹᱲᱛᱤ ᱥᱩᱠ ᱫᱚ ᱵᱟᱭ ᱧᱮᱞ ᱟᱠᱟᱫ ᱛᱟᱦᱮᱸᱫ ᱾

ᱟᱪᱮᱛᱤᱭᱟᱹ ᱡᱤᱭᱚᱱ

ᱨᱟᱫᱷᱟᱠᱨᱩᱥᱱᱚᱱ ᱟᱜ ᱜᱤᱫᱽᱨᱟᱹᱠᱛᱚ ᱫᱚ ᱛᱤᱨᱩᱛᱚᱱᱤ ᱟᱨ ᱛᱤᱨᱩᱯᱚᱛᱤ ᱞᱮᱠᱟᱱ ᱫᱷᱚᱨᱚᱢ ᱛᱷᱟᱱ ᱨᱮᱜᱮ ᱠᱷᱮᱢᱟᱣ ᱟᱠᱟᱱᱟ ᱾ ᱩᱱᱤ ᱫᱚ ᱯᱩᱭᱞᱩ ᱘ ᱵᱚᱪᱷᱚᱨ ᱫᱚ ᱛᱤᱨᱩᱛᱚᱱᱤ ᱨᱮᱜᱮᱭ ᱠᱷᱮᱢᱟᱣ ᱟᱠᱟᱫᱼᱟ ᱾ ᱡᱩᱫᱤ ᱦᱚᱸ ᱟᱡ ᱵᱟᱵᱟ ᱫᱚ ᱢᱟᱨᱮ ᱩᱭᱦᱟᱹᱨᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱴᱷᱮᱱ ᱫᱷᱚᱨᱚᱢᱟᱱ ᱩᱭᱦᱟᱹᱨ ᱦᱚᱸ ᱛᱟᱦᱮᱸ ᱠᱟᱱᱟ, ᱮᱱ ᱨᱮᱦᱚᱸ ᱩᱱᱤ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱠᱮᱨᱮᱥᱛᱟᱱ ᱢᱤᱥᱚᱱᱟᱨᱤ ᱥᱚᱸᱥᱛᱷᱟ ᱞᱩᱛᱷᱚᱨᱱ ᱢᱤᱥᱚᱱ ᱟᱥᱲᱟ, ᱛᱤᱨᱩᱯᱚᱛᱤ ᱨᱮ ᱑᱘᱙᱖ - ᱑᱙᱐᱐ ᱨᱮᱱᱟᱜ ᱛᱟᱞᱟᱨᱮ ᱵᱤᱨᱫᱟᱹ ᱟᱢᱮᱴ ᱞᱟᱹᱜᱤᱫ ᱮ ᱵᱷᱮᱡᱟ ᱠᱮᱫᱮᱭᱟ ᱾ ᱟᱨ ᱦᱚᱸ ᱞᱟᱦᱟ ᱔ ᱥᱮᱨᱢᱟ (᱑᱙᱐᱐ ᱠᱷᱚᱱ ᱑᱙᱐᱔) ᱨᱮ ᱩᱱᱤᱭᱟᱜ ᱥᱮᱪᱮᱫ ᱫᱚ ᱵᱮᱞᱞᱩᱨ ᱨᱮ ᱦᱩᱭ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱢᱟᱫᱽᱨᱟᱥ ᱠᱮᱨᱮᱥᱛᱟᱱ ᱵᱤᱨᱫᱟᱹᱜᱟᱲ, ᱢᱟᱫᱽᱨᱟᱥ ᱨᱮ ᱥᱮᱪᱮᱫ ᱮ ᱟᱢᱮᱴ ᱠᱮᱫᱼᱟ ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱟᱹᱰᱤ ᱦᱩᱸᱥᱭᱟᱹᱨ ᱮ ᱛᱟᱦᱮᱸ ᱠᱟᱱᱟ ᱾

ᱱᱚᱶᱟ ᱑᱒ ᱵᱚᱪᱷᱚᱨ ᱯᱚᱲᱦᱚᱱ ᱱᱟᱝ ᱨᱮ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱵᱟᱭᱵᱮᱞ ᱨᱮᱱᱟᱜ ᱢᱚᱦᱚᱛᱯᱩᱨᱩᱱ ᱦᱟᱹᱴᱤᱧ ᱦᱚᱸᱭ ᱩᱭᱦᱟᱹᱨ ᱫᱚᱦᱚ ᱠᱮᱫᱼᱟ ᱾ ᱱᱚᱶᱟ ᱞᱟᱹᱜᱤᱫ ᱩᱱᱤ ᱫᱚ ᱟᱞᱟᱫᱟ ᱦᱩᱱᱟᱹᱨ ᱨᱮᱱᱟᱜ ᱢᱟᱹᱱ ᱠᱚ ᱪᱟᱞ ᱟᱫᱮᱭᱟ ᱾ ᱱᱚᱶᱟ ᱩᱢᱮᱨ ᱨᱮ ᱩᱱᱤ ᱫᱚ ᱥᱣᱟᱢᱤ ᱵᱤᱵᱮᱠᱟᱱᱚᱱᱫᱚ ᱟᱨ ᱮᱴᱟᱜ ᱢᱟᱦᱟᱱ ᱵᱤᱪᱟᱹᱨᱤᱭᱟᱹ ᱠᱚᱣᱟᱜ ᱡᱤᱭᱚᱱᱤ ᱦᱚᱸᱭ ᱯᱚᱲᱦᱚᱱ ᱠᱮᱫᱼᱟ ᱾ ᱟᱡ ᱫᱚ ᱑᱙᱐᱒ ᱨᱮ ᱢᱮᱴᱨᱤᱠ ᱛᱷᱟᱨ ᱨᱮᱱᱟᱜ ᱵᱤᱱᱤᱰ ᱨᱮᱭ ᱡᱤᱛᱠᱟᱹᱨ ᱮᱱᱟ ᱟᱨ ᱩᱱᱤ ᱥᱠᱚᱞᱟᱨᱥᱤᱯ ᱦᱚᱸᱭ ᱧᱟᱢ ᱠᱮᱫᱼᱟ ᱾ ᱱᱚᱶᱟ ᱛᱟᱭᱚᱢ ᱟᱡ ᱫᱚ ᱑᱙᱐᱔ ᱨᱮ ᱯᱷᱮᱠᱩᱞᱴᱤ ᱳᱯᱷ ᱟᱨᱴ ᱵᱤᱱᱤᱰ ᱨᱮ ᱯᱩᱭᱞᱩ ᱴᱷᱟᱶ ᱨᱮᱭ ᱯᱟᱨᱚᱢ ᱮᱱᱟ ᱾ ᱩᱱᱤ ᱫᱚ ᱢᱚᱱᱥᱟᱬᱮᱥ, ᱱᱟᱜᱟᱢ ᱟᱨ ᱮᱞᱠᱷᱟ ᱥᱟᱛᱟᱢ ᱨᱮ ᱱᱟᱯᱟᱭ ᱦᱩᱱᱟᱹᱨ ᱨᱮᱱᱟᱜ ᱧᱩᱛᱩᱢ ᱦᱚᱸ ᱪᱮᱛᱟᱱ ᱮᱞᱮᱞ ᱮ ᱟᱢᱮᱴ ᱟᱠᱟᱫ ᱠᱷᱟᱹᱛᱤᱨ ᱮ ᱧᱟᱢ ᱟᱠᱟᱫᱼᱟ ᱾ ᱱᱚᱶᱟ ᱠᱚ ᱥᱟᱶᱛᱮ ᱠᱮᱨᱮᱥᱛᱟᱱ ᱵᱤᱨᱫᱟᱹᱜᱟᱲ, ᱢᱟᱫᱽᱨᱟᱥ ᱫᱚ ᱩᱱᱤ ᱥᱠᱚᱞᱟᱨᱥᱤᱯ ᱦᱚᱸᱭ ᱮᱢᱟ ᱦᱟᱫᱮᱭᱟ ᱾ ᱯᱷᱤᱞᱚᱥᱚᱯᱷᱤ ᱨᱮ ᱮᱢ.ᱮ. ᱠᱮᱫ ᱛᱟᱭᱚᱢ ᱑᱙᱑᱖ ᱨᱮ ᱟᱡ ᱫᱚ ᱢᱟᱫᱽᱨᱟᱥ ᱵᱟᱹᱠᱷᱩᱞ ᱵᱤᱨᱫᱟᱹᱜᱟᱲ ᱨᱮ ᱯᱷᱤᱞᱚᱥᱚᱯᱷᱤ ᱨᱤᱱᱤᱡ ᱜᱚᱜᱽᱲᱚᱱ ᱜᱟᱞᱚᱪᱤᱭᱟᱹ ᱞᱮᱠᱟᱛᱮ ᱦᱚᱸᱭ ᱟᱹᱪᱩᱭᱮᱱᱟ ᱾ ᱛᱟᱭᱚᱢ ᱛᱮ ᱚᱱᱟ ᱵᱤᱨᱫᱟᱹᱜᱟᱲ ᱨᱮᱜᱮ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱮᱱᱟ ᱾ ᱰᱨᱹ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱟᱡᱟᱜ ᱚᱱᱚᱞ ᱟᱨ ᱜᱟᱞᱚᱪ ᱦᱚᱛᱮᱛᱮ ᱡᱮᱜᱮᱛ ᱫᱚ ᱥᱤᱧᱚᱛᱤᱭᱟᱹ ᱯᱷᱤᱞᱚᱥᱚᱯᱷᱤ ᱥᱟᱶᱮ ᱩᱯᱨᱩᱢ ᱠᱮᱫ ᱠᱚᱣᱟ ᱾ ᱯᱩᱨᱟᱹ ᱡᱮᱜᱮᱛ ᱨᱮ ᱩᱱᱤᱭᱟᱜ ᱚᱞ ᱠᱚ ᱥᱟᱨᱦᱟᱣ ᱠᱮᱫᱼᱟ ᱾

ᱵᱟᱯᱞᱟ ᱡᱤᱭᱚᱱ

ᱚᱱᱟ ᱚᱠᱛᱚ ᱨᱮᱫᱚ ᱢᱟᱫᱽᱨᱟᱥ ᱨᱤᱱ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱨᱮᱫᱚ ᱠᱟᱹᱡ ᱩᱢᱮᱨ ᱨᱮᱜᱮ ᱵᱟᱯᱞᱟ ᱫᱚᱠᱚ ᱥᱟᱹᱛ ᱠᱟᱜ ᱠᱟᱱ ᱛᱟᱦᱮᱸᱫ ᱾ ᱟᱨ ᱨᱟᱫᱷᱟᱠᱨᱩᱥᱱᱚᱱ ᱦᱚᱸ ᱚᱱᱟ ᱠᱷᱚᱱ ᱫᱚ ᱵᱟᱭ ᱮᱨᱮᱲ ᱟᱠᱟᱱᱟ ᱾ ᱑᱙᱐᱓ ᱨᱮ ᱑᱖ ᱵᱚᱨᱥᱚ ᱵᱚᱭᱚᱥ ᱨᱮ ᱩᱱᱤᱭᱟᱜ ᱵᱟᱯᱞᱟ ᱫᱚ ᱥᱟᱺᱜᱤᱧ ᱥᱟᱹᱜᱟᱹᱭ ᱢᱤᱥᱨᱟ 'ᱥᱤᱵᱟᱠᱟᱢᱩ' ᱥᱟᱶ ᱦᱩᱭ ᱥᱟᱹᱛ ᱮᱱᱟ ᱾ ᱚᱱᱟ ᱚᱠᱛᱚ ᱨᱮ ᱟᱡᱤᱡ ᱮᱨᱟᱦᱟᱜ ᱵᱚᱭᱚᱥ ᱫᱚ ᱥᱩᱢᱩᱝ ᱑᱐ ᱥᱮᱨᱢᱟ ᱜᱮ ᱛᱟᱦᱮᱸ ᱛᱟᱱᱟ ᱾ ᱱᱚᱝᱠᱟ ᱛᱮ ᱯᱮ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱜᱮ ᱟᱡᱤᱡ ᱮᱨᱟ ᱫᱚ ᱟᱡ ᱥᱟᱶᱨᱮ ᱛᱟᱦᱮᱸᱱ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱡᱩᱫᱤ ᱦᱚᱸ ᱟᱡᱤᱡ ᱮᱨᱟ ᱥᱤᱵᱽᱠᱟᱢᱩ ᱫᱚ ᱨᱟᱭᱨᱤᱛ ᱞᱮᱠᱟᱛᱮ ᱥᱮᱪᱮᱫ ᱵᱟᱭ ᱟᱢᱮᱴ ᱟᱠᱟᱫ ᱛᱟᱦᱮᱸᱱ, ᱤᱠᱷᱟᱹᱱ ᱩᱱᱤᱭᱟᱜ ᱛᱮᱞᱩᱜᱩ ᱯᱟᱹᱨᱥᱤ ᱪᱮᱛᱟᱱ ᱨᱮ ᱱᱟᱯᱟᱭ ᱟᱹᱭᱫᱟᱹᱨ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱤᱝᱞᱤᱥ ᱯᱟᱹᱨᱥᱤ ᱦᱚᱸᱭ ᱚᱞ ᱯᱟᱲᱦᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱ ᱾ ᱑᱙᱐᱘ ᱨᱮ ᱨᱟᱫᱷᱟᱠᱨᱩᱥᱱᱚᱱ ᱛᱤᱠᱤᱱ ᱫᱚ ᱜᱤᱫᱽᱨᱟᱹ ᱨᱩᱯ ᱨᱮ ᱦᱚᱯᱚᱱ ᱮᱨᱟ ᱠᱤᱱ ᱧᱟᱢ ᱠᱮᱫᱮᱭᱟ ᱾ ᱑᱙᱐᱘ ᱨᱮᱜᱮ ᱟᱡ ᱫᱚ ᱵᱟᱰᱚᱦᱤ ᱥᱚᱱᱮᱨ ᱨᱮᱱᱟᱜ ᱩᱯᱟᱫᱷᱤ ᱯᱩᱭᱞᱩ ᱛᱷᱟᱱ ᱨᱮᱜᱮᱭ ᱟᱢᱮᱴ ᱠᱮᱫᱼᱟ ᱟᱨ ᱯᱷᱤᱞᱚᱥᱚᱯᱷᱤ ᱨᱮᱦᱚᱸ ᱱᱟᱯᱟᱭ ᱦᱩᱱᱟᱹᱨ ᱮ ᱟᱢᱮᱴ ᱠᱮᱫᱼᱟ ᱾ ᱵᱟᱯᱞᱟ ᱨᱮᱱᱟᱜ ᱖ ᱥᱮᱨᱢᱟ ᱠᱷᱟᱱ ᱜᱮ ᱑᱙᱐᱙ ᱨᱮ ᱩᱱᱤ ᱫᱚ ᱵᱟᱰᱚᱦᱤ ᱨᱮ ᱥᱚᱱᱮᱨᱥᱤᱫᱽ ᱵᱤᱱᱤᱰ ᱦᱚᱸᱭ ᱯᱟᱨᱚᱢ ᱠᱮᱫᱼᱟ ᱾ ᱱᱚᱶᱟ ᱨᱮᱱᱟᱜ ᱥᱟᱛᱟᱢ ᱦᱚᱸ ᱯᱷᱤᱞᱚᱥᱚᱯᱷᱤ ᱜᱮ ᱛᱟᱦᱮᱸ ᱠᱟᱱᱟ ᱾ ᱞᱟᱯᱷᱟᱝ ᱯᱚᱲᱦᱚᱱ ᱚᱠᱛᱚ ᱨᱮ ᱟᱡ ᱫᱚ ᱟᱡᱟᱜ ᱟᱯᱚᱱ ᱟᱨᱡᱟᱣ ᱞᱟᱹᱜᱤᱫ ᱜᱤᱫᱽᱨᱟᱹ ᱠᱚ ᱴᱤᱣᱥᱚᱱ ᱦᱚᱸᱭ ᱯᱟᱲᱦᱟᱣ ᱮᱫ ᱠᱚ ᱛᱟᱦᱮᱸᱫ ᱾ ᱑᱙᱐᱘ ᱨᱮ ᱩᱱᱤ ᱫᱚ ᱮᱢ. ᱮ. ᱨᱮᱱᱟᱜ ᱩᱯᱟᱫᱷᱤ ᱟᱢᱮᱴ ᱞᱟᱹᱜᱤᱫ ᱛᱮ ᱢᱤᱫ ᱠᱷᱚᱸᱫᱽᱨᱚᱸᱫᱽ ᱚᱱᱚᱞ ᱦᱚᱸᱭ ᱚᱞ ᱠᱮᱫᱼᱟ ᱾ ᱱᱚᱶᱟ ᱚᱠᱛᱚ ᱨᱮ ᱟᱡᱟᱜ ᱩᱢᱮᱨ ᱫᱚ ᱥᱩᱢᱩᱝ ᱵᱟᱜᱮ ᱥᱮᱨᱢᱟ ᱜᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟᱛᱮ ᱫᱷᱚᱨᱚᱢ ᱯᱩᱛᱷᱤ ᱪᱮᱛᱟᱱ ᱨᱮ ᱟᱡᱟᱜ ᱜᱮᱭᱟᱱ ᱛᱮᱛᱟᱝ ᱵᱟᱹᱲᱛᱤ ᱮᱱᱟ ᱾ ᱩᱥᱟᱹᱨᱟ ᱜᱮ ᱵᱮᱫᱽ ᱟᱨ ᱩᱯᱚᱱᱤᱥᱮᱫᱽ ᱦᱚᱸ ᱟᱹᱰᱤ ᱜᱟᱺᱦᱤᱨ ᱮ ᱯᱚᱲᱦᱚᱱ ᱠᱮᱫᱼᱟ ᱾ ᱱᱚᱶᱟ ᱠᱚ ᱥᱟᱶ ᱥᱟᱶᱛᱮ ᱟᱡ ᱫᱚ ᱦᱤᱱᱫᱤ ᱟᱨ ᱥᱟᱸᱥᱠᱨᱤᱴ ᱯᱟᱹᱨᱥᱤ ᱦᱚᱸ ᱟᱹᱰᱤ ᱜᱮ ᱜᱚᱨᱚᱡᱽ ᱥᱟᱛᱞᱟᱜ ᱮ ᱯᱟᱲᱦᱟᱣ ᱠᱮᱫᱼᱟ ᱾

ᱨᱟᱡᱽᱱᱟᱭᱤᱠ ᱡᱤᱭᱚᱱ

ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ ᱟᱜ ᱫᱚ ᱱᱚᱶᱟ ᱦᱩᱱᱟᱹᱨ ᱠᱷᱟᱹᱛᱤᱨ ᱜᱮ ᱯᱷᱩᱨᱜᱟᱹᱞ ᱛᱟᱭᱚᱢ ᱩᱱᱤ ᱫᱚ ᱦᱚᱠᱤᱛ ᱵᱮᱱᱟᱣᱤᱭᱟᱹ ᱠᱩᱢᱩᱴ ᱨᱤᱱᱤᱡ ᱥᱚᱦᱮᱛ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱟᱡ ᱫᱚ ᱑᱙᱔᱗ ᱠᱷᱚᱱ ᱑᱙᱔᱙ ᱫᱷᱟᱹᱵᱤᱡ ᱱᱚᱶᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱮᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱩᱱᱤ ᱫᱚ ᱟᱹᱰᱤᱜᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱪᱮᱭᱟᱨᱢᱮᱱ ᱞᱮᱠᱟᱛᱮ ᱦᱚᱸᱭ ᱟᱹᱪᱩ ᱟᱠᱟᱱᱟ ᱾ ᱥᱟᱱᱟᱢ ᱥᱤᱧᱚᱛᱤᱭᱟᱹ ᱠᱚᱸᱜᱽᱨᱮᱥᱦᱚᱲ ᱠᱚᱦᱚᱸ ᱱᱚᱶᱟ ᱠᱚ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ ᱡᱮ ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱨᱟᱡᱽᱟᱹᱨᱤᱭᱟᱹ ᱦᱚᱲ ᱵᱟᱝ ᱦᱩᱭ ᱠᱟᱛᱮ ᱦᱚᱸ ᱦᱚᱠᱤᱛ ᱠᱩᱢᱩᱴ ᱨᱤᱱᱤᱡ ᱥᱚᱦᱮᱛ ᱵᱮᱱᱟᱣᱮ ᱞᱟᱹᱠᱛᱤᱜ ᱠᱟᱱᱟ ᱾ ᱡᱚᱵᱟᱦᱚᱨᱞᱟᱞ ᱱᱮᱦᱨᱩᱭ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ ᱡᱮ ᱨᱟᱫᱷᱟᱠᱨᱩᱥᱱᱚᱱ ᱟᱜ ᱜᱟᱞᱚᱪ ᱟᱨ ᱜᱟᱱᱟᱞ ᱦᱩᱱᱟᱹᱨ ᱨᱮᱱᱟᱜ ᱵᱮᱵᱷᱟᱨ ᱫᱚ ᱑᱔ - ᱑᱕ ᱚᱜᱚᱥᱴ ᱑᱙᱔᱗ ᱧᱤᱫᱟᱹ ᱫᱚ ᱚᱱᱟ ᱚᱠᱛᱚ ᱨᱮ ᱛᱚᱨᱟᱣ ᱢᱟ ᱛᱤᱱ ᱡᱚᱦᱚᱜ ᱦᱚᱠᱤᱛ ᱠᱩᱢᱩᱴ ᱨᱮᱱᱟᱜ ᱱᱟᱜᱟᱢᱮᱛ ᱟᱠᱷᱲᱟ ᱥᱟᱯᱲᱟᱣ ᱦᱩᱭᱩᱜᱼᱟ ᱾ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱱᱚᱶᱟ ᱜᱮ ᱫᱤᱥᱟᱹᱫᱩᱜ ᱠᱚ ᱮᱢᱟᱫᱮᱭᱟ ᱡᱮ ᱩᱱᱤ ᱟᱡᱟᱜ ᱩᱯᱨᱩᱢ ᱫᱚ ᱧᱤᱫᱟᱹ ᱵᱮᱲᱟ ᱴᱷᱤᱠ ᱑᱒ ᱴᱟᱲᱟᱝ ᱮ ᱢᱩᱪᱟᱹᱫᱽ ᱢᱟ ᱾ ᱪᱮᱫᱟᱜ ᱥᱮ ᱚᱱᱟ ᱛᱟᱭᱚᱢ ᱮᱱᱟᱝ ᱱᱮᱦᱨᱩᱣᱟᱜ ᱧᱮᱞ ᱡᱚᱛᱚᱱ ᱨᱮ ᱠᱚᱸᱥᱴᱤᱪᱩᱥᱱᱟᱞ ᱯᱟᱨᱞᱤᱭᱟᱢᱮᱸᱴ ᱦᱚᱛᱮᱛᱮ ᱠᱤᱨᱭᱟᱹ ᱦᱟᱛᱟᱣ ᱨᱮᱱᱟᱜ ᱛᱟᱦᱮᱸ ᱠᱟᱱᱟ ᱾

ᱨᱟᱡᱽᱱᱟᱭᱤᱠ ᱠᱟᱹᱢᱤ

ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱱᱚᱝᱠᱟ ᱜᱮᱭ ᱠᱟᱹᱢᱤ ᱠᱮᱫᱼᱟ ᱟᱨ ᱧᱤᱫᱟᱹ ᱴᱷᱤᱠ ᱑᱒ ᱴᱟᱲᱟᱝ ᱟᱡᱟᱜ ᱜᱟᱞᱚᱪ ᱮ ᱢᱩᱪᱟᱹᱫ ᱠᱮᱫᱼᱟ ᱾ ᱯᱚᱸᱰᱤᱛ ᱱᱮᱦᱨᱩ ᱟᱨ ᱨᱟᱫᱷᱟᱠᱨᱩᱥᱱᱚᱱ ᱵᱟᱹᱜᱤ ᱠᱟᱛᱮ ᱚᱠᱚᱭ ᱦᱚᱸ ᱱᱚᱶᱟ ᱪᱮᱛᱟᱱ ᱨᱮ ᱵᱟᱰᱟᱭ ᱜᱮ ᱵᱟᱝ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱾ ᱯᱷᱩᱨᱜᱟᱹᱞ ᱛᱟᱭᱚᱢ ᱩᱱᱤ ᱠᱚ ᱱᱮᱦᱚᱸᱨ ᱡᱤᱜᱟᱺᱥ ᱠᱮᱫᱮᱭᱟ ᱡᱮ ᱟᱡ ᱦᱚᱸ ᱡᱟᱱᱟᱢ ᱚᱛᱦᱟᱥᱟ ᱥᱮᱵᱟᱭ ᱞᱟᱹᱜᱤᱫ ᱨᱟᱡᱽᱫᱩᱛ ᱞᱮᱠᱟᱛᱮ ᱥᱚᱵᱷᱤᱭᱚᱛ ᱥᱚᱸᱜᱷ ᱥᱟᱶ ᱨᱟᱡᱽᱱᱟᱭᱤᱠ ᱠᱟᱹᱢᱤᱭ ᱯᱩᱨᱩᱱ ᱢᱟ ᱾ ᱱᱚᱝᱠᱟ ᱛᱮ ᱵᱤᱡᱚᱭᱞᱚᱠᱷᱢᱤ ᱯᱚᱱᱰᱤᱛ ᱭᱤᱡ ᱱᱩᱭ ᱫᱚ ᱱᱟᱶᱟ ᱟᱺᱜᱤᱵᱷᱟᱹᱨᱤᱭᱟᱹ ᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱾ ᱯᱚᱱᱰᱤᱛ ᱱᱮᱦᱨᱩᱣᱟᱜ ᱱᱚᱶᱟ ᱵᱟᱪᱷᱚᱱ ᱨᱮ ᱟᱹᱰᱤ ᱦᱚᱲ ᱜᱮ ᱦᱟᱦᱟᱲᱟ ᱠᱚ ᱥᱚᱫᱚᱨ ᱠᱮᱫᱼᱟ ᱡᱮ ᱢᱤᱫ ᱥᱟᱱᱟᱥᱤᱭᱟᱹ ᱫᱚ ᱨᱟᱡᱽᱟᱹᱨᱤ ᱥᱮᱵᱟ ᱞᱟᱹᱜᱤᱫ ᱪᱮᱫᱟᱜ ᱮ ᱵᱟᱪᱷᱚᱱ ᱮᱱᱟ ? ᱩᱱᱠᱩ ᱫᱚ ᱱᱚᱶᱟ ᱦᱤᱫᱤᱡ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱡᱮ ᱰᱨᱹ ᱨᱟᱫᱷᱟᱠᱨᱩᱥᱱᱚᱱᱣᱟᱜ ᱦᱩᱱᱟᱹᱨ ᱫᱚ ᱟᱡ ᱮ ᱪᱟᱞ ᱟᱠᱟᱱ ᱟᱺᱜᱤᱵᱷᱟᱨ ᱨᱮᱱᱟᱜ ᱴᱷᱤᱠ ᱵᱟᱝ ᱠᱟᱱᱟ ᱾ ᱤᱠᱷᱟᱹᱱ ᱛᱟᱭᱚᱢ ᱛᱮ ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱱᱚᱶᱟᱭ ᱯᱚᱨᱢᱟᱬ ᱠᱮᱫᱼᱟ ᱡᱮ ᱢᱟᱥᱠᱳ ᱨᱮᱠᱚ ᱟᱹᱪᱩ ᱟᱠᱟᱱ ᱥᱤᱧᱚᱛᱤᱭᱟᱹ ᱨᱟᱡᱽᱱᱟᱭᱤᱠ ᱠᱷᱚᱱ ᱫᱚ ᱟᱡ ᱜᱮ ᱡᱚᱛᱚ ᱠᱷᱚᱱ ᱵᱮᱥ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱨᱟᱭᱨᱤᱛ ᱢᱟᱱᱟᱣ ᱵᱟᱦᱨᱮ ᱨᱟᱡᱽᱱᱟᱭᱤᱠ ᱮ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱢᱚᱱᱛᱨᱚ ᱠᱚ ᱵᱤᱞᱚᱢ ᱧᱤᱫᱟᱹᱨᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ, ᱩᱱᱤ ᱚᱱᱟᱨᱮ ᱫᱚ ᱧᱤᱫᱟᱹ ᱑᱐ ᱴᱟᱲᱟᱝ ᱫᱷᱟᱹᱵᱤᱡ ᱜᱮ ᱫᱟᱣ ᱮ ᱦᱟᱛᱟᱣᱮᱫ ᱛᱟᱦᱮᱸᱫ, ᱪᱮᱫᱟᱜ ᱥᱮ ᱚᱱᱟ ᱛᱟᱭᱚᱢ ᱫᱚ ᱟᱡᱟᱜ ᱜᱤᱛᱤᱡ ᱚᱠᱛᱚ ᱥᱮᱴᱮᱨᱚᱜ ᱠᱟᱱ ᱛᱟᱦᱮᱸᱫ ᱾ ᱛᱤᱱ ᱡᱚᱦᱚᱜ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱢᱤᱫ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ, ᱩᱱ ᱡᱚᱦᱚᱜ ᱦᱚᱸ ᱟᱡ ᱫᱚ ᱪᱮᱫ ᱨᱟᱭᱨᱤᱛ ᱨᱮᱱᱟᱜ ᱥᱤᱢᱟᱹ ᱛᱮᱦᱚᱸ ᱵᱟᱭ ᱛᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱪᱟᱱᱚᱪ ᱨᱮ ᱟᱡ ᱫᱚ ᱒᱐ ᱴᱤᱲᱤᱡ ᱵᱤᱞᱚᱢ ᱨᱮᱭ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱟᱨ ᱑᱐ ᱴᱤᱲᱤᱡ ᱞᱟᱦᱟ ᱨᱮᱜᱮᱭ ᱚᱰᱚᱠ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱢᱮᱱ ᱫᱚ ᱛᱟᱦᱮᱸ ᱠᱟᱱᱟ ᱡᱮ ᱪᱟᱱᱚᱪ ᱨᱮ ᱩᱱᱤ ᱡᱟᱦᱟᱸ ᱜᱟᱞᱚᱪ ᱮᱢ ᱦᱩᱭᱟᱭ ᱠᱟᱱ ᱛᱟᱦᱮᱸᱫ, ᱚᱱᱟ ᱫᱚ ᱒᱐ ᱴᱤᱲᱤᱡ ᱚᱠᱛᱚ ᱛᱟᱞᱟ ᱨᱮᱜᱮ ᱟᱹᱰᱤ ᱱᱟᱯᱟᱭ ᱛᱮ ᱥᱟᱹᱛᱚᱜ ᱠᱟᱱ ᱛᱟᱦᱮᱸᱫ ᱾ ᱮᱱ ᱦᱚᱸ ᱟᱡ ᱫᱚ ᱟᱪᱮᱛᱤᱭᱟᱹ ᱠᱚᱭᱤᱡ ᱢᱟᱹᱱᱟᱱ ᱟᱨ ᱫᱩᱞᱟᱹᱲᱟᱱ ᱢᱟᱪᱮᱛ ᱜᱮᱭ ᱛᱟᱦᱮᱸ ᱟᱹᱜᱩ ᱟᱠᱟᱱᱟ ᱾

ᱢᱟᱪᱮᱛ ᱢᱟᱦᱟᱸ

ᱟᱵᱚᱣᱟᱜ ᱫᱤᱥᱚᱢ ᱨᱤᱱᱤᱡ ᱫᱚᱥᱟᱨ ᱫᱤᱥᱚᱢ ᱜᱚᱢᱠᱮ ᱰᱨ. ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱᱟᱜ ᱡᱟᱱᱟᱢ ᱢᱟᱦᱟᱸ (᱕ ᱥᱮᱯᱴᱮᱢᱵᱚᱨ) ᱫᱚ ᱡᱚᱛᱚ ᱥᱮᱨᱢᱟ ᱜᱮ 'ᱢᱟᱪᱮᱛ ᱢᱟᱦᱟᱸ' ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜ ᱠᱟᱱᱟ ᱾ ᱱᱚᱶᱟ ᱢᱟᱦᱟᱸ ᱦᱤᱞᱚᱜ ᱫᱚ ᱯᱩᱨᱟᱹ ᱫᱤᱥᱚᱢ ᱨᱮ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱥᱚᱨᱮᱥ ᱢᱟᱪᱮᱛ ᱠᱚᱫᱚ ᱥᱤᱨᱯᱷᱟᱹ ᱪᱟᱞ ᱠᱟᱛᱮ ᱦᱚᱸᱠᱚ ᱢᱟᱹᱱ ᱦᱟᱞᱟᱝ ᱚᱜ ᱠᱟᱱᱟ ᱾

ᱵᱷᱟᱨᱚᱛ ᱨᱚᱛᱱᱚ

ᱡᱩᱫᱤ ᱦᱚᱸ ᱩᱱᱤ ᱑᱙᱓᱑ ᱨᱮ ᱵᱽᱨᱤᱴᱤᱥ ᱥᱟᱢᱨᱟᱡᱽ ᱦᱚᱛᱮᱛᱮ 'ᱥᱟᱨ' ^[᱓] ᱟᱜ ᱢᱟᱹᱱ ᱦᱤᱸᱥᱤᱨ ᱠᱚ ᱪᱟᱞ ᱟᱫᱮ ᱛᱟᱦᱮᱸᱫ ᱤᱠᱷᱟᱹᱱ ᱯᱷᱩᱨᱜᱟᱹᱞ ᱟᱢᱮᱴᱮᱱ ᱛᱟᱭᱚᱢ ᱚᱱᱟ ᱨᱮᱱᱟᱜ ᱡᱚᱥᱴᱤᱯᱷᱤᱠᱮᱥᱚᱱ ᱫᱚ ᱰᱨ. ᱨᱟᱫᱷᱟᱠᱨᱩᱥᱱᱚᱱ ᱞᱟᱹᱜᱤᱫ ᱫᱚ ᱢᱩᱪᱟᱹᱫ ᱦᱩᱭ ᱟᱠᱟᱱ ᱛᱟᱦᱮᱸᱫ ᱾ ᱛᱤᱱ ᱡᱚᱦᱚᱜ ᱩᱱᱤ ᱡᱚᱜᱚ ᱫᱤᱥᱚᱢ ᱜᱚᱢᱠᱮᱭ ᱵᱮᱱᱟᱣᱮᱱ ᱠᱷᱟᱱ ᱯᱷᱩᱨᱜᱟᱹᱞ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱫᱤᱥᱚᱢ ᱜᱚᱢᱠᱮ ᱰᱨ. ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ ᱫᱚ ᱑᱙᱕᱔ ᱨᱮ ᱩᱱᱤ ᱟᱡᱟᱜ ᱢᱟᱦᱟᱱ ᱥᱟᱱᱟᱥᱤᱭᱟᱹᱛ ᱟᱨ ᱥᱮᱪᱮᱫᱤᱭᱟᱹᱛ ᱦᱩᱱᱟᱹᱨ ᱟᱨ ᱮᱱᱮᱢ ᱞᱟᱹᱜᱤᱫ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱢᱟᱹᱱ ᱥᱟᱯᱟᱵ ᱵᱷᱟᱨᱚᱛ ᱨᱚᱛᱱᱚᱭ ᱪᱟᱞ ᱟᱫᱮᱭᱟ ᱾ ^{[web ᱑]}

ᱥᱟᱠᱷᱭᱟᱹᱛ

↑ "Radhakrishnan of India, Philosopher, Dead at 86". ᱱᱤᱶ ᱭᱚᱨᱠ ᱴᱟᱭᱤᱢᱥ. 17 April 1975. Retrieved 2 September 2018.
↑ "ᱰᱨᱹ ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ | ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ | ᱥᱤᱧᱚᱛ ᱥᱚᱨᱠᱟᱨ". vicepresidentofindia.nic.in. Retrieved 2019-11-26.
↑ Kuttan, Mahadevan (2009). The Great Philosophers of India. Authorhouse 1663 Liberty Drive Suite 200 Bloomington, IN 47403. p. 169. ISBN 9781434377807.

ᱵᱟᱦᱨᱮ ᱡᱚᱱᱚᱲ

"Official Website: The Legend of Dr. Sarvepalli Radhakrishnan" Archived ᱒᱐᱑᱕-᱑᱑-᱐᱕ at the Wayback Machine.
Sarvepalli Radhakrishnan at the Internet Encyclopedia of Philosophy
Works by or about ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ at Internet Archive
"Dr. Sarvepalli Radhakrishnan- The philosopher president", Press Information Bureau, Government of India
"Sarvepalli Radhakrishnan (1888—1975)" by Michael Hawley, Internet Encyclopedia of Philosophy
S. Radhakrishnan materials in the South Asian American Digital Archive (SAADA)

ᱛᱩᱢᱟᱹᱞ ᱦᱩᱲᱟᱹᱜ:<ref> tags exist for a group named "web", but no corresponding <references group="web"/> tag was found

[1] "Radhakrishnan of India, Philosopher, Dead at 86". ᱱᱤᱶ ᱭᱚᱨᱠ ᱴᱟᱭᱤᱢᱥ. 17 April 1975. Retrieved 2 September 2018.

[2] "ᱰᱨᱹ ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ | ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ | ᱥᱤᱧᱚᱛ ᱥᱚᱨᱠᱟᱨ". vicepresidentofindia.nic.in. Retrieved 2019-11-26.

[books.google.co.in-3] Kuttan, Mahadevan (2009). The Great Philosophers of India. Authorhouse 1663 Liberty Drive Suite 200 Bloomington, IN 47403. p. 169. ISBN 9781434377807.

[᱑]

[᱒]

[᱓]

[web ᱑]