ᱥᱟᱦᱮᱵᱽᱜᱚᱸᱡᱽ ᱞᱩᱯ
ᱥᱟᱦᱮᱵᱽᱜᱚᱸᱡᱽ ᱞᱩᱯ ᱫᱚ ᱠᱷᱟᱱᱟ ᱡᱚᱸᱠᱥᱚᱱ ᱟᱨ ᱠᱤᱭᱩᱞ ᱡᱚᱸᱠᱥᱚᱱ ᱡᱚᱲᱟᱣᱮᱫ ᱠᱟᱱ ᱢᱤᱫᱴᱟᱝ ᱨᱮᱞ ᱰᱟᱦᱟᱨ ᱠᱟᱱᱟ᱾ ᱮᱛᱚᱦᱚᱵ ᱞᱮᱠᱟᱛᱮ ᱦᱟᱣᱲᱟ - ᱫᱤᱞᱞᱤ ᱢᱩᱲᱩᱫ ᱰᱟᱦᱟᱨ ᱨᱮᱭᱟᱜ ᱢᱤᱫᱴᱟᱝ ᱦᱤᱸᱥ, ᱱᱚᱣᱟ ᱫᱚ ᱑᱘᱖᱖ ᱥᱮᱨᱢᱟ ᱨᱮ ᱴᱨᱟᱯᱷᱤᱠ ᱞᱟᱹᱜᱤᱫ ᱪᱟᱹᱠᱩ ᱦᱩᱭ ᱞᱮᱱᱟ᱾ ᱰᱟᱦᱟᱨ ᱨᱮᱭᱟᱜ ᱢᱤᱫ ᱦᱤᱸᱥ ᱞᱟᱹᱜᱤᱫ ᱢᱤᱫᱴᱟᱝ ᱦᱩᱰᱤᱧ ᱨᱮᱞ ᱰᱟᱦᱟᱨ ᱵᱮᱱᱟᱣ ᱥᱟᱶ ᱥᱟᱶᱛᱮ, ᱔᱐᱓.᱘ ᱠᱤᱞᱳᱢᱤᱴᱟᱨ (᱒᱕᱐.᱙ ᱢᱟᱭᱤᱞ) ᱦᱟᱹᱴᱤᱧ ᱫᱚ ᱢᱤᱫᱴᱟᱝ ᱵᱷᱮᱜᱟᱨ ᱪᱤᱱᱦᱟᱹ ᱮᱢ ᱦᱩᱭ ᱞᱮᱱᱟ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱝᱞᱮᱱᱰ ᱨᱮ ᱯᱳᱭᱞᱳ ᱪᱟᱞᱟᱣᱟᱱ ᱓᱐ ᱥᱮᱨᱢᱟ ᱢᱩᱫᱽ ᱨᱮ ᱵᱷᱟᱨᱚᱛ ᱨᱮ ᱨᱮᱞ ᱰᱟᱦᱟᱨ ᱪᱟᱞᱟᱣᱟᱱ ᱮᱛᱚᱦᱚᱵ ᱦᱩᱭ ᱞᱮᱱᱟ᱾
᱑᱘᱔᱕ ᱥᱮᱨᱢᱟ ᱨᱮᱭᱟᱜ ᱑ ᱡᱩᱱ ᱨᱮ ᱛᱷᱟᱯᱚᱱ ᱟᱠᱟᱱ ᱤᱥᱴ ᱤᱱᱰᱤᱭᱟ ᱨᱮᱞᱣᱮ ᱠᱳᱢᱯᱟᱱᱤ ᱑᱘᱔᱖ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱠᱷᱚᱱ ᱢᱤᱨᱡᱟᱯᱩᱨ ᱛᱟᱞᱟᱛᱮ ᱫᱤᱞᱞᱤ ᱫᱷᱟᱹᱵᱤᱡ ᱢᱤᱫᱴᱟᱝ ᱨᱮᱞ ᱰᱟᱦᱟᱨ ᱞᱟᱹᱜᱤᱫ ᱟᱡᱟᱜ ᱥᱟᱨᱵᱷᱮ ᱢᱩᱪᱟᱹᱫ ᱞᱮᱫᱟ᱾ ᱑᱘᱔᱙ ᱥᱮᱨᱢᱟ ᱨᱮ ᱮᱢ ᱟᱠᱟᱱ ᱥᱚᱨᱠᱟᱨᱟᱜ ᱜᱮᱨᱟᱱᱴᱤ ᱵᱟᱝ ᱮᱢ ᱠᱷᱟᱹᱛᱤᱨ ᱛᱮ ᱠᱳᱢᱯᱟᱱᱤ ᱫᱚ ᱮᱛᱚᱦᱚᱵ ᱨᱮ ᱵᱮᱼᱵᱟᱹᱛᱤᱞ ᱞᱮᱱᱟ᱾ ᱚᱱᱟ ᱛᱟᱭᱚᱢ, ᱠᱚᱞᱠᱟᱛᱟ ᱟᱨ ᱨᱟᱡᱽᱢᱟᱦᱚᱞ ᱢᱩᱫᱨᱮ ᱢᱤᱫᱴᱟᱝ "ᱵᱤᱰᱟᱹᱣ ᱟᱱᱟᱜ" ᱰᱟᱦᱟᱨ ᱵᱮᱱᱟᱣ ᱟᱨ ᱪᱟᱪᱟᱞᱟᱣ ᱞᱟᱹᱜᱤᱫ ᱤᱥᱴ ᱤᱱᱰᱤᱭᱟ ᱨᱮᱹᱞ ᱠᱳᱢᱯᱟᱱᱤ ᱟᱨ ᱤᱥᱴ ᱤᱱᱰᱤᱭᱟ ᱠᱳᱢᱯᱟᱱᱤ ᱢᱩᱫᱨᱮ ᱢᱤᱫᱴᱟᱝ ᱪᱩᱠᱛᱤ ᱦᱩᱭ ᱞᱮᱱᱟ, ᱡᱟᱦᱟᱸ ᱛᱟᱭᱚᱢᱛᱮ ᱢᱤᱨᱡᱟᱯᱩᱨ ᱛᱟᱞᱟᱛᱮ ᱫᱤᱞᱞᱤ ᱦᱟᱹᱵᱤᱡ ᱯᱟᱥᱱᱟᱣ ᱦᱩᱭᱩᱜᱼᱟ ᱾ ᱑᱘᱕᱑ ᱥᱮᱨᱢᱟ ᱨᱮ ᱵᱮᱱᱟᱣ ᱠᱟᱹᱢᱤ ᱮᱛᱚᱦᱚᱵ ᱞᱮᱱᱟ᱾
᱑᱘᱕᱔ ᱥᱮᱨᱢᱟ ᱨᱮᱭᱟᱜ ᱑᱕ ᱟᱜᱚᱥᱴ, ᱥᱟᱢᱟᱝ ᱦᱤᱸᱥᱨᱮ ᱯᱳᱭᱞᱳ ᱦᱚᱲ ᱴᱨᱤᱱ 39 kilometres (24 mi)(᱒᱔ ᱢᱟᱭᱤᱞ) ᱥᱟᱹᱜᱤᱧ ᱨᱮ ᱦᱩᱜᱽᱞᱤ ᱦᱟᱹᱵᱤᱡ ᱪᱟᱞᱟᱣ ᱞᱮᱱᱟ᱾ ᱑᱘᱕᱕ ᱥᱮᱨᱢᱟ ᱨᱮᱭᱟᱜ ᱑ ᱯᱷᱮᱵᱽᱵᱨᱩᱭᱟᱹᱨᱤ ᱨᱮ ᱯᱳᱭᱞᱳ ᱴᱨᱮᱱ ᱫᱚ ᱦᱟᱣᱲᱟ ᱠᱷᱚᱱ ᱑᱙᱕ ᱠᱤᱞᱳᱢᱤᱴᱟᱨ (᱑᱒᱑ ᱢᱟᱭᱤᱞ) ᱥᱟᱺᱜᱤᱧ ᱨᱮ ᱦᱩᱜᱽᱞᱤ ᱠᱷᱚᱱ ᱨᱟᱱᱤᱜᱚᱸᱡᱽ ᱫᱷᱟᱹᱵᱤᱡ ᱪᱟᱞᱟᱣ ᱞᱮᱱᱟ᱾ ᱠᱩᱭᱞᱟᱹ ᱥᱟᱜᱟᱲᱚᱢ ᱨᱮᱭᱟᱜ ᱵᱟᱛᱟᱣᱟᱜ ᱚᱡᱮᱛᱮ ᱨᱟᱱᱤᱜᱚᱸᱡᱽ ᱦᱤᱸᱥ ᱫᱚ ᱞᱟᱦᱟᱱᱛᱤ ᱮᱢ ᱦᱩᱭ ᱞᱮᱱᱟ᱾
ᱠᱷᱟᱱᱟ ᱡᱚᱸᱠᱥᱚᱱ - ᱨᱟᱡᱽᱢᱟᱦᱚᱞ ᱦᱤᱸᱥ ᱑᱘᱕᱙ ᱥᱮᱨᱢᱟ ᱨᱮᱭᱟᱜ ᱚᱠᱴᱳᱵᱚᱨ ᱨᱮ ᱚᱡᱚᱭ ᱱᱟᱹᱭ ᱯᱟᱥ ᱠᱟᱛᱮ ᱢᱩᱪᱟᱹᱫ ᱞᱮᱱᱟ᱾ ᱯᱳᱭᱞᱳ ᱴᱨᱮᱱ ᱫᱚ ᱔ ᱡᱩᱞᱟᱭ ᱑᱘᱖᱐ ᱥᱮᱨᱢᱟ ᱨᱮ ᱠᱷᱟᱱᱟ ᱛᱟᱞᱟᱛᱮ ᱦᱟᱣᱲᱟ ᱠᱷᱚᱱ ᱨᱟᱡᱽᱢᱟᱦᱚᱞ ᱫᱷᱟᱹᱵᱤᱡ ᱪᱟᱞᱟᱣ ᱞᱮᱱᱟ᱾ ᱑᱘᱖᱒ ᱥᱮᱨᱢᱟ ᱨᱮᱭᱟᱜ ᱯᱷᱮᱵᱽᱵᱨᱩᱭᱟᱹᱨᱤ ᱨᱮ ᱢᱩᱝᱜᱮᱨ ᱪᱟᱸᱜᱟ ᱥᱟᱶᱛᱮ ᱠᱷᱟᱱᱟ ᱡᱟᱝᱥᱚᱱ ᱠᱷᱚᱱ ᱡᱟᱢᱟᱞᱯᱩᱨ ᱛᱟᱞᱟᱛᱮ ᱠᱤᱭᱩᱞ ᱫᱷᱟᱹᱵᱤᱡ ᱞᱩᱯ ᱵᱮᱱᱟᱣ ᱞᱮᱱᱟ᱾[᱑]
ᱨᱟᱡᱽᱢᱟᱦᱚᱞ ᱠᱷᱚᱱ ᱵᱮᱱᱟᱣ ᱨᱮᱭᱟᱜ ᱠᱟᱹᱢᱤ ᱟᱹᱰᱤ ᱞᱚᱜᱚᱱ ᱪᱟᱞᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱜᱟᱝᱜᱟ ᱱᱟᱹᱭ ᱫᱷᱟᱨᱮ ᱨᱮ ᱯᱚᱪᱷᱤᱢ ᱥᱮᱫ ᱪᱟᱞᱟᱣ ᱠᱟᱛᱮ ᱑᱘᱖᱑ ᱥᱮᱨᱢᱟ ᱵᱷᱟᱜᱟᱞᱯᱩᱨ, ᱑᱘᱖᱒ ᱥᱮᱨᱢᱟ ᱨᱮᱭᱟᱜ ᱯᱷᱮᱵᱽᱵᱨᱚᱨᱤ ᱨᱮ ᱢᱩᱝᱜᱮᱨ ᱟᱨ ᱵᱟᱨᱟᱱᱚᱥᱤ ᱨᱮᱭᱟᱜ ᱮᱴᱟᱜ ᱥᱮᱫ (᱑᱘᱖᱒ ᱥᱮᱨᱢᱟ ᱨᱮᱱᱟᱜ ᱰᱤᱥᱮᱢᱵᱚᱨ ᱨᱮ ᱜᱟᱝᱜᱟ ᱯᱟᱨᱚᱢ ᱠᱟᱛᱮ ᱟᱨ ᱚᱱᱟ ᱛᱟᱭᱚᱢ ᱡᱩᱢᱩᱱᱟ ᱱᱟᱹᱭ ᱫᱷᱟᱨᱮ ᱨᱮ ᱱᱟᱭᱱᱤ ᱫᱷᱟᱹᱵᱤᱡ ᱥᱮᱴᱮᱨ ᱞᱮᱱᱟ᱾ ᱠᱟᱹᱢᱤ ᱢᱩᱫᱽᱨᱮ ᱢᱮᱱᱟᱜᱼᱟ ᱡᱟᱢᱟᱞᱯᱩᱨ ᱨᱮ ᱤ.ᱟᱭ.ᱟᱨ ᱨᱮᱭᱟᱜ ᱯᱳᱭᱞᱳ ᱯᱷᱚᱠᱚᱨ ᱟᱨ ᱟᱨᱟᱦᱟ ᱨᱮ ᱥᱚᱱ ᱱᱟᱹᱭ ᱪᱮᱛᱟᱱ ᱯᱳᱭᱞᱳ ᱢᱟᱨᱟᱝ ᱰᱩᱞ᱾
᱑᱘᱖᱓-᱖᱔ ᱚᱠᱛᱚ ᱨᱮ ᱮᱞᱟᱦᱟᱵᱟᱫ-ᱠᱟᱱᱯᱩᱨ-ᱴᱩᱱᱫᱞᱟ ᱟᱨ ᱟᱞᱤᱜᱚᱲ-ᱜᱟᱡᱤᱭᱟᱵᱟᱫ ᱦᱤᱸᱥ ᱨᱮ ᱠᱟᱹᱢᱤ ᱟᱹᱰᱤ ᱞᱚᱜᱚᱱ ᱪᱟᱞᱟᱣ ᱞᱮᱱᱟ᱾ ᱫᱤᱞᱞᱤ ᱥᱳᱨ ᱨᱮ ᱡᱩᱢᱩᱱᱟ ᱵᱨᱤᱡᱽ (ᱥᱟᱠᱳ) ᱫᱚ ᱑᱘᱖᱔ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱᱟ ᱟᱨ ᱤ.ᱟᱭ.ᱟᱨ ᱫᱤᱞᱞᱤ ᱴᱨᱮᱢᱤᱱᱟᱥ ᱛᱷᱟᱯᱚᱱ ᱞᱮᱫᱟ᱾ ᱮᱞᱟᱦᱟᱵᱟᱫ ᱨᱮ ᱡᱩᱢᱩᱱᱟ ᱵᱨᱤᱡᱽ ᱫᱚ ᱑᱘᱖᱕ ᱥᱮᱨᱢᱟ ᱨᱮᱭᱟᱜ ᱑᱕ ᱟᱜᱚᱥᱴ ᱨᱮ ᱮᱦᱚᱵ ᱞᱮᱱᱟ ᱟᱨ ᱑᱘᱖᱖ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱟᱨ ᱫᱤᱞᱞᱤ ᱫᱚ ᱥᱚᱡᱷᱮ ᱥᱮᱞᱮᱫ ᱞᱮᱱᱟ᱾ ᱑ ᱰᱤ.ᱮᱱ/᱒ ᱟᱯ ᱢᱮᱞ ᱫᱚ ᱪᱟᱞᱟᱣ ᱮᱦᱚᱵ ᱞᱮᱱᱟ᱾
᱑᱘᱗᱑ ᱥᱮᱨᱢᱟ ᱨᱮ ᱫᱩᱨᱜᱯᱩᱨ, ᱟᱥᱟᱱᱥᱳᱞ ᱟᱨ ᱠᱤᱭᱩᱞ ᱡᱟᱸᱠᱥᱚᱱ ᱥᱟᱶᱛᱮ ᱥᱮᱞᱮᱫ ᱠᱟᱛᱮ ᱠᱷᱟᱱᱟ ᱡᱚᱸᱠᱥᱚᱱ ᱠᱷᱚᱱ ᱓᱐᱐.᱘ ᱠᱤᱞᱳᱢᱤᱴᱟᱨ (᱑᱘᱖.᱙ ᱢᱟᱭᱤᱞ) ᱡᱮᱞᱮᱧ ᱰᱟᱦᱟᱨ ᱢᱩᱪᱟᱹᱫ ᱥᱟᱶ ᱥᱟᱶᱛᱮ ᱢᱤᱫᱴᱟᱝ "ᱦᱩᱰᱤᱧ ᱢᱩᱲᱩᱫ ᱰᱟᱦᱟᱨ" ᱛᱷᱟᱯᱚᱱ ᱞᱮᱱᱟ ᱴ᱾ ᱮᱛᱚᱦᱚᱵ ᱨᱮ, ᱱᱚᱣᱟ ᱫᱚ ᱠᱚᱨᱰ ᱞᱟᱭᱤᱱ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱱᱟ᱾ ᱮᱱᱠᱷᱟᱱ, ᱱᱚᱣᱟ ᱫᱚ ᱟᱨᱦᱚᱸ ᱰᱷᱮᱨ ᱴᱨᱟᱯᱷᱤᱠ ᱮ ᱧᱟᱢ ᱠᱮᱫᱟ ᱠᱷᱟᱱ ᱱᱚᱣᱟ ᱫᱚ ᱢᱩᱲᱩᱫ ᱰᱟᱦᱟᱨ ᱞᱮᱠᱟᱛᱮ ᱫᱚᱦᱚ ᱦᱩᱭ ᱞᱮᱱᱟ ᱟᱨ ᱢᱩᱲᱩᱫ ᱰᱟᱦᱟᱨ ᱫᱚ ᱥᱟᱦᱮᱵᱽᱜᱚᱸᱡᱽ ᱞᱩᱯ ᱨᱮ ᱵᱮᱱᱟᱣ ᱞᱮᱱᱟ᱾
ᱡᱟᱣᱜᱮ ᱑᱕᱐ ᱥᱮᱨᱢᱟ ᱠᱟᱹᱢᱤ ᱛᱟᱭᱚᱢ, ᱡᱟᱢᱟᱞᱯᱩᱨ ᱴᱷᱮᱱ ᱦᱟᱹᱴᱤᱧ ᱵᱮᱱᱟᱣ ᱨᱮᱭᱟᱜ ᱠᱟᱹᱢᱤ ᱪᱟᱞᱟᱣᱟᱱ ᱠᱷᱟᱹᱛᱤᱨ ᱨᱚᱛᱚᱱᱯᱩᱨ-ᱡᱟᱢᱟᱞᱯᱩᱨ ᱦᱤᱸᱥ ᱵᱮᱜᱚᱨ, ᱥᱟᱦᱮᱵᱽᱜᱚᱸᱡᱽ ᱞᱩᱯ ᱑᱔-᱐᱕-᱒᱐᱑᱙ ᱨᱮ ᱰᱚᱵᱚᱞ ᱞᱟᱭᱤᱱ ᱨᱮ ᱵᱚᱱᱚᱫᱚᱞ ᱦᱩᱭ ᱟᱠᱟᱱᱟ᱾ ᱠᱤᱭᱩᱞᱼᱵᱷᱟᱜᱟᱞᱯᱩᱨ ᱦᱟᱹᱴᱤᱧ ᱨᱮ ᱵᱤᱡᱽᱞᱤᱣᱟᱱ ᱞᱳᱠᱳ ᱥᱟᱶ ᱴᱮᱨᱮᱱ ᱪᱟᱞᱟᱣ ᱮᱛᱚᱦᱚᱵ ᱟᱠᱟᱱᱟ ᱐᱓-᱐᱖-᱒᱐᱑᱙ ᱨᱮ ᱾
᱒᱐᱐᱘ ᱥᱮᱨᱢᱟ ᱨᱮ ᱨᱮᱞ ᱵᱟᱡᱮᱴ ᱨᱮ, ᱵᱷᱟᱜᱟᱞᱯᱩᱨ ᱫᱚ ᱨᱮᱞᱣᱮ ᱦᱟᱹᱴᱤᱧ ᱨᱮ ᱵᱚᱱᱚᱫᱚᱞ ᱠᱚᱨᱟᱣ ᱨᱮᱭᱟᱜ ᱞᱟᱹᱭ ᱥᱚᱫᱚᱨ ᱦᱩᱭ ᱞᱮᱱᱟ ᱢᱮᱱᱠᱷᱟᱱ ᱒᱐᱐᱙ ᱥᱮᱨᱢᱟ ᱨᱮ ᱤ.ᱟᱨ (ᱥᱟᱢᱟᱝ ᱨᱮᱞ) ᱫᱟᱨᱟᱭ ᱛᱮ ᱦᱟᱛᱟᱣ ᱨᱩᱣᱟᱹᱲ ᱦᱩᱭ ᱞᱮᱱᱟ᱾ ᱥᱩᱞᱛᱟᱱᱜᱟᱸᱡᱽ ᱠᱷᱚᱱ ᱫᱮᱣᱜᱷᱚᱲ ᱫᱷᱟᱹᱵᱤᱡ ᱱᱟᱣᱟ ᱨᱮᱞ ᱰᱟᱦᱟᱨ ᱠᱚ ᱩᱪᱷᱟᱹᱱ ᱥᱚᱫᱚᱨ ᱟᱠᱟᱫᱟ ᱟᱨ ᱵᱮᱱᱟᱣ ᱠᱟᱹᱢᱤ ᱱᱤᱛᱦᱚᱸ ᱮᱦᱚᱵ ᱵᱟᱝ ᱦᱩᱭ ᱟᱠᱟᱱᱟ᱾ ᱫᱩᱢᱠᱟᱹ ᱥᱮᱫ ᱛᱮ 184.9 kilometres (114.9 mi) ᱵᱷᱟᱜᱚᱞᱯᱩᱨ ᱠᱷᱚᱱ ᱨᱟᱢᱯᱩᱨᱦᱟᱴ ᱦᱟᱹᱵᱤᱡ ᱞᱟᱭᱤᱱ ᱪᱟᱹᱞᱩ ᱜᱮᱭᱟ᱾ ᱵᱟᱝᱞᱟ ᱥᱮᱫ ᱛᱮ ᱵᱟᱜᱟᱞᱯᱩᱨ ᱠᱷᱚᱱ ᱫᱮᱣᱜᱷᱚᱲ ᱦᱤᱸᱥ ᱦᱚᱸ ᱪᱟᱹᱞᱩ ᱜᱮᱭᱟ᱾ ᱦᱟᱥᱰᱤᱦᱟ ᱛᱟᱞᱟᱛᱮ ᱵᱟᱜᱚᱞᱯᱩᱨ ᱠᱷᱚᱱ ᱜᱳᱰᱰᱟ ᱦᱟᱹᱵᱤᱡ ᱦᱚᱸ ᱪᱟᱹᱞᱩ ᱢᱮᱱᱟᱜᱼᱟ᱾
ᱪᱟᱸᱜᱟ ᱞᱟᱭᱤᱱ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱛᱱᱟᱹᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱦᱮᱵᱽᱜᱚᱸᱡᱽ ᱞᱩᱯ ᱨᱮᱭᱟᱜ ᱥᱩᱢᱩᱝ ᱨᱚᱛᱚᱱᱯᱩᱨ ᱠᱷᱚᱱ ᱡᱟᱢᱟᱞᱯᱩᱨ ᱦᱟᱹᱵᱤᱡ ᱱᱤᱛᱦᱚᱸ ᱢᱤᱫᱴᱟᱝ ᱜᱮ ᱰᱟᱦᱟᱨ ᱨᱮ ᱠᱟᱹᱢᱤ ᱦᱩᱭᱩᱜ ᱠᱟᱱᱟ ᱴ᱾ ᱡᱟᱱᱟᱞᱯᱩᱨ ᱴᱷᱮᱱ ᱫᱚᱥᱟᱨ ᱯᱷᱚᱠᱟᱨ (ᱴᱟᱱᱮᱞ) ᱵᱮᱱᱟᱣ ᱨᱮᱭᱟᱜ ᱠᱟᱹᱢᱤ ᱪᱟᱞᱟᱣᱚᱜ ᱠᱟᱱᱟ᱾ ᱡᱟᱢᱟᱞᱯᱩᱨ ᱴᱷᱮᱱ ᱫᱚᱥᱟᱨ ᱯᱷᱚᱠᱚᱨ ᱨᱮᱭᱟᱜ ᱠᱟᱹᱢᱤ ᱒᱐᱒᱑ ᱥᱮᱨᱢᱟ ᱢᱩᱫᱨᱮ ᱢᱩᱪᱟᱹᱫᱚᱜ ᱨᱮᱭᱟᱜ ᱠᱟᱛᱷᱟ ᱢᱮᱱᱟᱜᱼᱟ᱾ ᱵᱟᱜᱚᱞᱯᱩᱨ ᱟᱨ ᱥᱟᱦᱮᱵᱽᱜᱚᱸᱡᱽ ᱢᱩᱫᱽᱨᱮ ᱒᱑ ᱜᱚᱴᱟᱝ ᱡᱳᱴ ᱨᱮᱹᱞ ᱪᱟᱞᱟᱣᱚᱜᱼᱟ᱾
ᱯᱟᱠᱩᱲ ᱠᱷᱚᱱ ᱜᱳᱰᱰᱟ ᱟᱨ ᱵᱟᱥᱩᱠᱤᱱᱟᱛᱷ ᱫᱷᱟᱢ ᱠᱷᱚᱱ ᱪᱟᱛᱨᱟ ᱠᱷᱚᱱ ᱱᱟᱶᱟ ᱨᱮᱞ ᱰᱟᱦᱟᱨ ᱨᱮᱭᱟᱜ ᱠᱟᱛᱷᱟ ᱮᱢ ᱦᱩᱭ ᱟᱠᱟᱱᱟ᱾111 kilometres (69 mi)*(69 ᱢᱟᱭᱤᱞ) ᱰᱟᱦᱟᱨ ᱰᱟᱵᱚᱞ ᱠᱚᱨᱟᱣ ᱠᱟᱹᱢᱤ ᱒᱐᱑᱐ ᱨᱮ ᱮᱦᱚᱵ ᱞᱮᱱᱟ (᱑᱙᱙᱖ ᱥᱮᱨᱢᱟ ᱨᱮ ᱞᱟᱹᱭ ᱥᱚᱫᱚᱨ ᱞᱮᱱᱟ) ᱾[᱒]
ᱱᱚᱣᱟ ᱰᱟᱦᱟᱨ ᱨᱮ 130 kilometres (81 mi)(81 ᱢᱟᱭᱤᱞ) ᱡᱮᱞᱮᱧ ᱨᱟᱢᱯᱩᱨᱦᱟᱴ-ᱫᱩᱢᱠᱟᱹ-ᱢᱚᱱᱫᱟᱨ ᱦᱤᱞ ᱵᱨᱚᱰᱜᱮᱡᱽ ᱰᱟᱦᱟᱨ ᱨᱮᱭᱟᱜ ᱠᱟᱹᱢᱤ ᱢᱩᱪᱟᱹᱫ ᱟᱠᱟᱱᱟ ᱟᱨ ᱠᱟᱵᱷᱤ ᱜᱩᱨᱩ ᱮᱠᱥᱯᱨᱮᱥ ᱵᱷᱟᱜᱚᱞᱯᱩᱨ ᱡᱚᱸᱠᱥᱚᱱ ᱠᱷᱚᱱ ᱦᱟᱣᱲᱟ ᱫᱷᱟᱹᱵᱤᱡ ᱪᱟᱞᱟᱣᱚᱜ ᱠᱟᱱᱟ ᱾[᱓]
ᱡᱟᱢᱟᱞᱯᱩᱨ ᱠᱟᱹᱢᱤ ᱚᱲᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱢᱟᱞᱯᱩᱨ ᱠᱟᱹᱢᱤ ᱚᱲᱟᱜ, ᱵᱷᱟᱨᱚᱛ ᱨᱮᱭᱟᱜ ᱯᱳᱭᱞᱳ ᱜᱚᱴᱟᱼᱵᱩᱴᱟᱹ ᱨᱮᱞ ᱠᱟᱹᱢᱤ ᱚᱲᱟᱜ ᱨᱮᱭᱟᱜ ᱫᱟᱣ, ᱑᱘᱖᱒ ᱥᱮᱨᱢᱟ ᱨᱮᱭᱟᱜ ᱘ ᱯᱷᱮᱵᱽᱵᱨᱚᱨᱤ ᱨᱮ ᱚᱱᱟ ᱚᱠᱛᱚ ᱮᱛᱚᱦᱚᱵ ᱞᱮᱱᱟ, ᱡᱚᱠᱷᱚᱱ ᱡᱟᱢᱟᱞᱯᱩᱨ ᱛᱟᱞᱟᱛᱮ ᱪᱟᱞᱟᱣ ᱟᱠᱟᱱ ᱦᱟᱣᱲᱟᱼ ᱫᱤᱞᱞᱤ ᱢᱩᱲᱩᱫ ᱰᱟᱦᱟᱨ ᱵᱮᱱᱟᱣ ᱨᱮᱭᱟᱜ ᱠᱟᱹᱢᱤ ᱚᱠᱛᱚ ᱨᱮ ᱛᱟᱸᱦᱮ ᱠᱟᱱᱟ᱾ ᱢᱚᱱᱮ ᱦᱩᱭ ᱞᱮᱱᱟ ᱡᱮ, ᱱᱚᱶᱟ ᱴᱚᱴᱷᱟ ᱨᱮ ᱢᱮᱠᱱᱤᱠᱮᱞ ᱤᱝᱜᱤᱱᱡᱤᱱᱤᱨᱤᱝ ᱠᱟᱹᱢᱤ ᱪᱟᱞᱟᱣᱟᱱ ᱵᱚᱱᱫᱩᱠ ᱵᱮᱱᱟᱣ ᱟᱨ ᱮᱴᱟᱜ ᱠᱟᱹᱨᱤᱜᱚᱞ ᱠᱚᱣᱟᱜ ᱜᱟᱫᱮᱞ ᱨᱮᱞᱣᱮ ᱠᱟᱹᱢᱤ ᱚᱲᱟᱜ ᱨᱮ ᱞᱟᱹᱠᱛᱤ ᱟᱱ ᱠᱟᱹᱨᱤ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ᱾ ᱱᱚᱶᱟ ᱫᱚ ᱳᱭᱟᱜᱚᱱ, ᱠᱳᱪ, ᱠᱨᱮᱱ ᱟᱨ ᱴᱟᱣᱟᱨ ᱠᱟᱨ ᱟᱨ ᱞᱳᱢᱳᱵᱷᱤᱭᱩᱴ ᱠᱚ ᱢᱟᱨᱟᱣ ᱨᱮᱭᱟᱜ ᱠᱟᱹᱢᱤ ᱠᱚ ᱦᱟᱛᱟᱣ ᱞᱮᱫᱟ, ᱚᱱᱟ ᱥᱟᱶ ᱥᱟᱶᱛᱮ ᱟᱫᱚᱢ ᱴᱟᱣᱟᱨ ᱠᱟᱨ, ᱵᱨᱮᱠᱼᱰᱟᱣᱩᱱ ᱠᱨᱮᱱ ᱟᱨ ᱟᱭᱢᱟ ᱞᱮᱠᱟᱱ ᱦᱮᱵᱷᱤᱼᱰᱤᱭᱩᱴᱤ ᱞᱤᱯᱷᱴᱤᱝ ᱡᱮᱠ ᱵᱮᱱᱟᱣ ᱨᱮᱭᱟᱜ ᱠᱟᱹᱢᱤ ᱠᱚ ᱮᱦᱚᱵ ᱞᱮᱫᱟ ᱾ ᱑᱘᱙᱙ ᱥᱮᱨᱢᱟ ᱨᱮ ᱥᱤ.ᱮ ᱗᱖᱔ ᱞᱮᱰᱤ ᱠᱟᱨᱡᱚᱱ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱩᱱᱠᱩ ᱫᱚ ᱩᱱᱠᱩᱣᱟᱜ ᱟᱡᱟᱜ ᱞᱳᱠᱳᱢᱳᱴᱤᱵᱷ ᱠᱚ ᱵᱮᱱᱟᱣ ᱞᱮᱫᱟ᱾ ᱱᱚᱣᱟ ᱫᱚ ᱴᱤᱠᱤᱴ ᱯᱨᱤᱱᱴᱟᱨ ᱟᱨ ᱮᱴᱟᱜ ᱴᱤᱠᱤᱴ ᱢᱮᱥᱤᱱ (ᱥᱞᱤᱴᱤᱝ, ᱠᱟᱣᱩᱱᱴᱤᱝ ᱟᱨ ᱪᱚᱯᱤᱝ) ᱵᱮᱱᱟᱣ ᱟᱠᱟᱫᱟᱭ ᱾ ᱟᱹᱰᱤ ᱢᱟᱨᱟᱝ ᱠᱟᱹᱢᱤ ᱚᱲᱟᱜ ᱨᱮᱭᱟᱜ ᱥᱩᱡᱩᱠ ᱥᱟᱶᱛᱮ, ᱱᱚᱣᱟ ᱫᱚ ᱢᱤᱫᱴᱟᱝ ᱟᱹᱰᱤ ᱜᱟᱱᱜᱮ ᱟᱡᱛᱮ ᱥᱟᱵ ᱛᱟᱦᱮᱸ ᱠᱟᱱᱟ ᱾[᱔]
ᱵᱤᱡᱽᱞᱤ ᱵᱮᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedr2 - ↑ Sarkar, Gautam (21 September 2010). "Green light to double rail on oldest route – 135-year-old Kiul–Sahebganj loop section will finally get twin railway". The Telegraph. Archived from the original on 4 September 2015. Retrieved 15 November 2011.
- ↑ "ER revenue up 25% at Rs 1144 crore". Business Standard. 22 August 2007. Retrieved 15 November 2011.
- ↑ "Production Units & Workshops". Jamalpur Workshop. IRFCA. Retrieved 15 November 2011.