ᱥᱟᱯᱷᱫᱟᱨᱟᱵᱟᱫᱽ
| ᱥᱟᱯᱷᱫᱟᱨᱟᱵᱟᱫᱽ صفدرآباد | |
|---|---|
| ᱥᱚᱦᱚᱨ | |
 ᱥᱟᱯᱷᱫᱟᱨᱟᱵᱟᱫᱽ ᱠᱮᱱᱟᱞ | |
| ᱫᱤᱥᱚᱢ | ᱯᱟᱠᱤᱥᱛᱟᱱ |
| ᱴᱚᱴᱷᱟ | ᱯᱟᱧᱡᱟᱵᱽ |
| ᱦᱚᱱᱚᱛ | ᱥᱮᱠᱷᱩᱯᱩᱨᱟ ᱦᱚᱱᱚᱛ |
| ᱯᱚᱥᱴᱟᱞ ᱠᱳᱰ/ᱡᱤᱯ ᱠᱳᱰ | ᱓᱙᱕᱔᱐ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | |
| • ᱱᱟᱜᱟᱨ | ᱔᱐,᱐᱐᱐ ᱥᱮᱫ |
| PST (ᱭᱩᱴᱤᱥᱤ+᱐᱕:᱐᱐) | |
| ᱯᱤᱱ ᱠᱳᱰ | ᱓᱙᱕᱔᱐ |
ᱥᱟᱯᱷᱫᱟᱨᱟᱵᱟᱫᱽ (ᱩᱨᱫᱩ: صفدرآباد), ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮᱱᱟᱜ ᱥᱮᱠᱷᱩᱯᱩᱨᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾[᱑] ᱥᱟᱯᱷᱫᱟᱨ ᱟᱵᱟᱫᱽ ᱥᱚᱦᱚᱨ ᱫᱚ ᱥᱟᱯᱷᱫᱟᱨᱟᱵᱟᱫᱽ ᱛᱚᱦᱥᱤᱞ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱯᱳᱥᱴᱟᱞ ᱠᱳᱰ ᱫᱚ ᱓᱙᱕᱔᱐ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱥᱚᱦᱚᱨᱤ ᱴᱚᱴᱷᱟ ᱫᱚ ᱖᱐᱐ ᱮᱠᱚᱨ ᱢᱮᱱᱟᱜᱼᱟ ᱾ ᱒᱐᱐᱕ ᱥᱮᱨᱢᱟ ᱫᱷᱟᱹᱨᱤᱡ ᱱᱚᱶᱟ ᱫᱚ ᱥᱮᱠᱷᱩᱯᱩᱨᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱚᱱᱟ ᱥᱮᱨᱢᱟ ᱨᱮ ᱥᱮᱠᱷᱩᱯᱩᱨᱟ ᱫᱚ ᱵᱷᱮᱜᱟᱨ ᱠᱟᱛᱮ ᱱᱚᱱᱠᱟᱱᱟ ᱥᱟᱦᱤᱵᱽ ᱦᱚᱱᱚᱛ ᱵᱮᱱᱟᱣ ᱮᱱᱟ ᱾ ᱱᱤᱛᱚᱜ (᱐᱑-᱑᱒-᱒᱐᱐᱘ ᱠᱷᱚᱱ) ᱢᱤᱫ ᱫᱷᱟᱣ ᱥᱟᱯᱷᱫᱟᱨᱟᱵᱟᱫᱽ ᱫᱚ ᱥᱮᱠᱷᱩᱯᱩᱨᱟ ᱥᱟᱶᱛᱮ ᱢᱤᱫ ᱛᱚᱦᱥᱤᱞ ᱞᱮᱠᱟᱛᱮ ᱥᱮᱞᱮᱫ ᱟᱠᱟᱱᱟ ᱾ ᱥᱟᱯᱷᱫᱟᱨᱟᱵᱟᱫᱽ ᱥᱚᱦᱚᱨ ᱫᱚ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮᱱᱟᱜ ᱨᱟᱡᱽᱜᱟᱲ ᱞᱟᱦᱚᱨ ᱠᱷᱚᱱ ᱙᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱴᱚᱴᱷᱟ ᱨᱮ ᱔᱐,᱐᱐᱐ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱫᱽ ᱨᱮ ᱡᱟᱹᱥᱛᱤ ᱜᱟᱱ ᱫᱚ ᱢᱩᱥᱞᱤᱢ ᱠᱟᱱᱟ ᱠᱚ ᱾ ᱥᱟᱯᱷᱫᱟᱨᱟᱵᱟᱫᱽ ᱠᱷᱚᱱ ᱟᱭᱢᱟ ᱤᱱᱡᱤᱱᱤᱭᱚᱨᱤᱝ ᱟᱨ ᱢᱮᱰᱤᱠᱟᱞ ᱯᱟᱹᱴᱷᱩᱣᱟᱹ ᱠᱚ ᱭᱩ.ᱟᱭᱤ.ᱴᱤ., ᱞᱟᱦᱚᱨ ᱥᱟᱶᱛᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱟᱭᱢᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱠᱚ ᱵᱷᱩᱨᱛᱤ ᱠᱚ ᱟᱠᱟᱫᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱯᱷᱫᱟᱨᱟᱵᱟᱫᱽ, ᱡᱟᱦᱟᱸ ᱫᱚ ᱢᱟᱱᱰᱤ ᱰᱷᱟᱵᱚᱱ ᱥᱤᱝ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ, ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮᱱᱟᱜ ᱥᱮᱠᱷᱩᱯᱩᱨᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱢᱟᱱᱰᱤ ᱰᱷᱟᱵᱚᱱ ᱥᱤᱝ ᱫᱚ ᱢᱤᱫ ᱧᱩᱛᱩᱢᱟᱱ ᱡᱚᱢᱟᱜ ᱢᱟᱱᱰᱤ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱫᱚ ᱑᱘᱗᱖ ᱥᱟᱞ ᱨᱮ ᱵᱨᱤᱴᱤᱥ ᱠᱚᱞᱳᱱᱤᱡᱽ ᱠᱚᱣᱟᱜ ᱥᱚᱞᱦᱮ ᱡᱚᱡᱚᱱᱟ ᱛᱟᱭᱚᱢ ᱱᱚᱣᱟ ᱴᱚᱴᱷᱟ ᱨᱮ ᱛᱟᱦᱮᱸᱱ ᱢᱤᱫ ᱥᱤᱠᱷ ᱰᱷᱟᱵᱽ ᱥᱤᱝ ᱟᱜ ᱧᱩᱛᱩᱢ ᱛᱮ ᱧᱩᱛᱩᱢ ᱟᱠᱟᱱᱟ ᱾ ᱡᱚᱛᱚ ᱠᱷᱚᱱ ᱢᱟᱬᱟᱝ ᱫᱚ, ᱢᱟᱱᱰᱤ ᱫᱷᱟᱵᱽᱵᱚᱱ ᱥᱤᱝ ᱫᱚ ᱢᱤᱫᱴᱟᱹᱝ ᱨᱮᱞᱣᱮ ᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱟᱨ ᱪᱚᱣᱫᱷᱨᱤ ᱪᱩᱱᱱᱤ ᱞᱟᱞ (ᱢᱤᱫ ᱦᱤᱱᱫᱩ ᱤᱱᱵᱷᱮᱥᱴᱚᱨ ᱟᱨ ᱩᱫᱽᱭᱚᱢᱤ) ᱛᱟᱭᱚᱢ ᱥᱚᱦᱚᱨ ᱫᱚ ᱢᱤᱫᱴᱟᱹᱝ ᱱᱟᱣᱟ ᱧᱩᱛᱩᱢ ᱮ ᱦᱟᱛᱟᱣ ᱞᱮᱫᱟ, ᱪᱩᱱᱱᱤ ᱞᱟᱞ ᱫᱚ ᱢᱤᱫ ᱧᱩᱛᱩᱢᱟᱱ ᱩᱫᱽᱭᱚᱢᱤ ᱛᱟᱦᱮᱸ ᱠᱟᱱᱟᱭ ᱟᱨ ᱚᱱᱟ ᱥᱚᱦᱚᱨ ᱨᱮᱱᱟᱜ ᱘᱐% ᱯᱩᱸᱡᱤ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱴᱷᱮᱱ "ᱪᱚᱣᱫᱷᱨᱤ ᱠᱳᱴᱚᱱ ᱢᱤᱞ" ᱧᱩᱛᱩᱢᱟᱱ ᱢᱤᱫ ᱛᱩᱞᱟᱹᱢ ᱯᱷᱮᱠᱴᱨᱤ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱯᱷᱮᱠᱴᱨᱤ ᱨᱮᱱᱟᱜ ᱢᱩᱪᱟᱹᱫ ᱪᱤᱢᱱᱤ ᱫᱚ ᱫᱟ ᱵᱟᱣᱴᱚᱨ ᱢᱟᱨᱠᱮᱴ ᱦᱚᱛᱮᱛᱮ ᱵᱚᱫᱚᱞ ᱟᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱥᱟᱯᱷᱫᱟᱨᱟᱵᱟᱫᱽ ᱛᱚᱦᱥᱤᱞ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱦᱚᱱᱚᱛ ᱠᱟᱱᱟ ᱾[᱒] ᱥᱟᱯᱷᱫᱟᱨᱟᱵᱟᱫᱽ ᱫᱚ ᱥᱨᱤ ᱥᱟᱯᱷᱫᱟᱨ-ᱩᱞ-ᱦᱟᱠ ᱰᱳᱜᱚᱨ ᱟᱜ ᱧᱩᱛᱩᱢ ᱛᱮ ᱧᱩᱛᱩᱢ ᱟᱠᱟᱱᱟ, ᱡᱟᱦᱟᱸᱭ ᱫᱚ "ᱪᱚᱵᱽᱵᱟ ᱰᱳᱜᱚᱨ" ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱨᱚᱵᱷᱮᱱᱥᱟᱞ ᱟᱥᱮᱢᱵᱽᱞᱤ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱘᱙ ᱥᱟᱞ ᱨᱮ ᱯᱟᱧᱡᱟᱵᱽ ᱟᱥᱮᱢᱵᱽᱞᱤ ᱞᱟᱦᱚᱨ ᱥᱟᱢᱟᱝ ᱨᱮ ᱜᱚᱡ ᱦᱚᱪᱚ ᱮᱱᱟ ᱾ ᱩᱱᱤ ᱫᱚ ᱢᱟᱨᱮ ᱮᱢ.ᱯᱤ.ᱮ. ᱥᱚᱨᱫᱟᱨ ᱟᱵᱽᱫᱩᱞ ᱨᱟᱥᱤᱫᱽ ᱰᱳᱜᱚᱨ (᱑᱙᱙᱐ ᱵᱟᱪᱷᱱᱟᱣ) ᱟᱨ ᱥᱚᱨᱫᱟᱨ ᱥᱟᱭᱤᱫᱽ-ᱩᱞ ᱦᱟᱠ ᱰᱳᱜᱚᱨᱤᱡ (᱑᱙᱙᱗ ᱵᱟᱪᱷᱱᱟᱣ) ᱵᱚᱭᱦᱟ ᱛᱟᱦᱮᱸ ᱠᱟᱱᱟᱭ ᱾ ᱚᱱᱟ ᱚᱠᱛᱚ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱢᱤᱭᱟᱱ ᱱᱟᱣᱟᱵᱽ ᱥᱚᱨᱤᱯᱷ ᱫᱚ ᱥᱟᱯᱷᱫᱟᱨ ᱜᱚᱡ ᱛᱟᱭᱚᱢ ᱟᱡᱟᱜ ᱪᱟᱞᱟᱣᱮᱱ ᱚᱠᱛᱚ ᱩᱱᱤᱭᱟᱜ ᱧᱩᱛᱩᱢ ᱛᱮ ᱱᱚᱣᱟ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱥᱟᱯᱷᱫᱟᱨᱟᱵᱟᱫᱽ ᱫᱚᱦᱚ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱑᱙᱙᱓ ᱥᱟᱞ ᱨᱮ ᱨᱟᱭ ᱤᱡᱟᱡᱽ ᱫᱚ ᱯᱨᱚᱵᱷᱤᱱᱥᱤᱭᱟᱞ ᱵᱤᱫᱷᱟᱱᱥᱚᱵᱷᱟ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱟᱨ ᱵᱩᱨᱩ ᱞᱟᱹᱜᱤᱫ ᱯᱨᱚᱵᱷᱤᱱᱥᱤᱭᱟᱞ ᱢᱚᱱᱛᱨᱤ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱥᱟᱯᱷᱫᱟᱨᱟᱵᱟᱫᱽ ᱨᱮᱱᱟᱜ ᱧᱩᱛᱩᱢ ᱢᱤᱫ ᱫᱷᱟᱣ "ᱚᱦᱢᱚᱫᱽ ᱯᱩᱨ" ᱫᱚᱦᱚ ᱞᱮᱱᱟ ᱾ ᱦᱟᱡᱤ ᱚᱦᱢᱚᱫᱽ ᱦᱟᱥᱟᱱ ᱫᱚ ᱨᱟᱭ ᱥᱟᱭᱤᱫᱽ ᱟᱨ ᱨᱟᱭ ᱤᱡᱟᱡᱽ ᱛᱤᱠᱤᱱᱤᱡ ᱟᱡ ᱵᱟᱵᱟ ᱠᱟᱱᱟᱭ ᱾
ᱠᱟᱹᱣᱰᱤ ᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱟᱥ ᱫᱚ ᱱᱚᱰᱮᱱᱟᱜ ᱠᱟᱹᱢᱤᱦᱚᱨᱟ ᱨᱮᱱᱟᱜ ᱢᱩᱬᱩᱛ ᱯᱷᱮᱰᱟᱛ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱗᱕ ᱥᱮᱨᱢᱟ ᱠᱷᱚᱱ ᱢᱤᱫ ᱧᱩᱛᱩᱢᱟᱱ ᱡᱚᱢᱟᱜ ᱵᱟᱡᱟᱨ ᱠᱟᱱᱟ, ᱪᱮᱫᱟᱜ ᱥᱮ ᱱᱚᱣᱟ ᱥᱚᱦᱚᱨ ᱫᱚ ᱟᱹᱰᱤ ᱩᱥᱩᱞ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱨᱟᱠᱷ ᱪᱟᱸᱜᱟ ᱠᱮᱱᱟᱞ ᱫᱚ ᱥᱟᱯᱷᱫᱟᱨᱟᱵᱟᱫᱽ ᱥᱚᱦᱚᱨ ᱨᱮᱱᱟᱜ ᱢᱤᱫ ᱯᱟᱦᱴᱟ ᱠᱷᱚᱱ ᱥᱟᱝᱜᱽᱞᱟ ᱦᱤᱞ ᱫᱷᱟᱹᱨᱤᱡ ᱪᱟᱞᱟᱜ ᱠᱟᱱᱟ ᱟᱨ ᱢᱤᱫ ᱫᱟᱜ ᱯᱷᱮᱰᱟᱛ ᱠᱟᱱᱟ ᱾ ᱮᱴᱟᱜ ᱯᱟᱦᱴᱟ ᱨᱮ, ᱱᱚᱸᱰᱮ ᱟᱹᱰᱤ ᱜᱟᱱ ᱯᱟᱹᱱᱟᱹᱦᱤ ᱠᱚ ᱛᱮᱭᱟᱨᱚᱜᱼᱟ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱥᱚᱦᱚᱨ ᱠᱚᱨᱮ ᱥᱮᱴᱮᱨᱚᱜᱼᱟ ᱾
ᱨᱮᱞᱣᱮ ᱥᱴᱮᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱱᱴᱨᱟᱞ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱟᱯᱷᱫᱟᱨᱟᱵᱟᱫᱽ ᱨᱮᱱᱟᱜ ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱑᱙ ᱥᱟᱭ ᱥᱮᱨᱢᱟ ᱥᱮᱡ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱠᱚᱨᱟᱪᱤ, ᱞᱟᱦᱚᱨ, ᱨᱟᱣᱟᱞᱯᱤᱱᱰᱤ, ᱠᱣᱮᱴᱟ, ᱯᱮᱥᱟᱣᱟᱨ ᱟᱨ ᱯᱟᱠᱤᱥᱛᱟᱱ ᱨᱮᱱᱟᱜ ᱮᱴᱟᱜ ᱥᱚᱦᱚᱨ ᱟᱨ ᱱᱚᱜᱚᱨ ᱠᱷᱚᱱ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱴᱚᱴᱷᱟ ᱨᱮᱞᱣᱮ ᱛᱮ ᱥᱮᱱᱚᱜ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾