Jump to content

ᱥᱟᱱᱛᱟᱞ ᱯᱟᱨᱜᱟᱱᱟ ᱠᱷᱚᱸᱰ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱥᱟᱱᱛᱟᱞ ᱯᱟᱨᱜᱟᱱᱟ ᱠᱷᱚᱱᱰ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
ᱡᱷᱟᱨᱠᱷᱚᱸᱰ ᱨᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱠᱷᱚᱸᱰ ᱨᱮᱱᱟᱜ ᱴᱷᱟᱶ
᱑᱙᱐᱗-ᱵᱮᱝᱜᱚᱞ-ᱥᱤᱠᱠᱤᱢ᱓

ᱥᱟᱱᱛᱟᱲ ᱯᱟᱨᱜᱟᱱᱟ ᱠᱷᱚᱸᱰ (ᱤᱝᱨᱟ.ᱡᱤ : Santal pargana Division) ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱢᱚᱬᱮ ᱜᱚᱴᱟᱝ ᱰᱤᱵᱤᱡᱚᱱ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱨᱮ ᱢᱮᱱᱟᱜ ᱛᱮ ᱥᱟᱢᱟᱝ ᱡᱷᱟᱨᱠᱷᱚᱸᱰ ᱦᱚᱸᱠᱚ ᱢᱮᱛᱟᱜ ᱜᱮᱭᱟ ᱾ ᱱᱤᱭᱟᱹ ᱮᱥᱠᱟᱨ ᱜᱮ ᱜᱚᱴᱟ ᱫᱷᱟᱹᱨᱛᱤ ᱨᱮᱱ ᱥᱟᱱᱛᱟᱲ ᱠᱚᱣᱟᱜ ᱡᱟᱱᱟᱢ ᱫᱤᱥᱚᱢ (Homeland ) ᱠᱟᱱᱟ᱾ ᱱᱚᱣᱟ ᱡᱟᱱᱟᱢ ᱫᱤᱥᱚᱢ ᱧᱟᱢ ᱞᱟᱹᱜᱤᱫ ᱛᱤᱱᱟᱹᱜ ᱥᱟᱥᱟᱭ ᱥᱟᱱᱛᱟᱲ ᱪᱚᱝ ᱟᱠᱚᱣᱟᱜ ᱡᱤᱣᱤᱠᱚ ᱟᱞᱟᱭ ᱞᱮᱫᱟ ᱟᱨ ᱩᱝᱠᱚᱣᱟᱜ ᱢᱟᱭᱟᱢ ᱛᱮ ᱠᱤᱨᱤᱧ ᱪᱷᱟᱰᱟᱣ ᱟᱠᱟᱱᱟ ᱾

ᱚᱛᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲ ᱯᱟᱨᱜᱟᱱᱟ ᱫᱚ ᱜᱚᱴᱟ ᱜᱮ ᱵᱤᱨ ᱵᱩᱨᱩ ᱛᱮ ᱥᱟᱡᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱛᱩᱨᱩᱭ ᱜᱚᱴᱮᱱ ᱦᱚᱱᱚᱛ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱡᱮᱞᱮᱠᱟ : ᱫᱩᱢᱠᱟᱹ, ᱜᱚᱰᱰᱟ, ᱯᱟᱠᱩᱲ, ᱥᱟᱦᱮᱵᱽᱜᱚᱸᱡᱽ, ᱫᱮᱣᱜᱷᱟᱨ ᱟᱨ ᱡᱟᱢᱛᱟᱲᱟ ᱾ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱭᱟᱜ ᱥᱟᱢᱟᱝ ᱨᱮᱫᱚ ᱯᱟᱥᱪᱷᱤᱢ ᱵᱟᱝᱜᱟᱞ ᱯᱚᱵᱴᱱᱚᱛ, ᱠᱚᱧᱮ ᱨᱮᱫᱚ ᱵᱤᱦᱟᱨ ᱯᱚᱱᱚᱛ, ᱯᱟᱪᱮ ᱱᱟᱠᱷᱟ ᱨᱮᱫᱚ ᱵᱤᱦᱟᱨ ᱟᱨ ᱜᱤᱨᱤᱰᱤᱦ ᱦᱚᱱᱚᱛ ᱟᱨ ᱮᱛᱚᱢ ᱱᱟᱠᱷᱟ ᱨᱮᱫᱚ ᱫᱷᱟᱱᱵᱟᱫᱽ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱡᱮᱞᱮᱧ ᱫᱚ ᱠᱚᱧᱮ ᱯᱟᱪᱮ ᱛᱮ ᱢᱮᱱᱟᱜᱼᱟ ᱾ ᱥᱟᱱᱛᱟᱞ ᱯᱟᱨᱜᱟᱱᱟ ᱚᱛ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱑᱔᱐᱙᱖ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱠᱟᱱᱟ ᱾        

ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱞ ᱯᱟᱨᱜᱟᱱᱟ ᱫᱚ ᱵᱟᱨᱭᱟ ᱟᱹᱲᱟᱹ ᱢᱤᱞᱟᱹᱣ ᱠᱟᱛᱮ ᱧᱩᱛᱩᱢ ᱟᱠᱟᱱᱟ ᱾ ᱥᱟᱱᱛᱟᱞ ᱟᱨ ᱯᱟᱨᱜᱟᱱᱟ, ᱱᱚᱣᱟ ᱴᱚᱴᱷᱟ ᱨᱤᱱ ᱰᱷᱮᱨ ᱞᱮᱠᱷᱟᱜ ᱡᱟᱹᱛ ᱫᱚ ᱠᱚ ᱥᱟᱱᱛᱟᱲ ᱠᱟᱱᱟ ᱛᱟᱦᱟ ᱥᱟᱱᱛᱟᱲ ᱦᱩᱞ ᱛᱟᱭᱚᱢ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱥᱟᱱᱛᱟᱲ ᱠᱚ ᱢᱟᱱᱚᱛ ᱮᱢᱟ ᱠᱚ ᱞᱟᱹᱜᱤᱫ ᱥᱟᱱᱛᱟᱲ ᱧᱩᱛᱩᱢᱮ ᱡᱚᱲᱟᱣ ᱠᱮᱫᱟ ᱾ ᱟᱨ ᱢᱤᱫᱴᱟᱹᱝ ᱫᱚ ᱦᱩᱭᱩᱜ ᱠᱟᱱᱟ ᱯᱟᱨᱜᱟᱱᱟ, ᱯᱟᱨᱜᱟᱱᱟ ᱫᱚ ᱥᱟᱱᱛᱟᱞ ᱥᱟᱶᱛᱟ ᱨᱮᱭᱟᱜ ᱢᱤᱫ ᱦᱩᱫᱟᱹ ᱠᱟᱱᱟ ᱾ ᱦᱩᱞ ᱛᱟᱭᱚᱢ ᱯᱟᱨᱜᱟᱱᱟ ᱠᱚ ᱢᱟᱱᱚᱛ ᱮᱢᱟ ᱠᱚ ᱞᱟᱹᱜᱤᱫ ᱱᱚᱣᱟ ᱫᱤᱥᱚᱢ ᱨᱮᱭᱟᱜ ᱧᱩᱛᱩᱢ ᱦᱚ ᱥᱟᱱᱛᱟᱞ ᱟᱹᱲᱟᱹ ᱥᱟᱶᱛᱮ ᱯᱟᱨᱜᱟᱱᱟᱭ ᱡᱚᱲᱟᱣ ᱠᱮᱫᱟ ᱾ ᱚᱱᱠᱟ ᱜᱮ ᱩᱨᱫᱩ ᱨᱟᱦᱟ ᱤᱨᱟᱱᱤ ᱯᱟᱹᱨᱥᱤ ᱛᱮ ᱯᱟᱨᱜᱟᱱᱟ ᱨᱮᱭᱟᱜ ᱢᱟᱱᱮ ᱫᱚ ᱦᱚᱱᱚᱛ ᱛᱟᱦᱟ ᱯᱚᱱᱚᱛ ᱦᱚᱸ ᱦᱩᱭᱩᱜ ᱠᱟᱱᱟ ᱾       

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲ ᱦᱩᱞ ᱛᱟᱭᱚᱢ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱦᱩᱞ ᱨᱮᱭᱟᱜ ᱚᱡᱮ ᱯᱟᱧᱡᱟ ᱧᱟᱢ ᱠᱮᱫᱟ ᱟᱨ ᱚᱱᱟ ᱞᱟᱹᱜᱤᱫ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ ᱠᱷᱚᱱ ᱵᱤᱨᱵᱷᱩᱢ ᱟᱨ ᱵᱷᱟᱜᱚᱞᱯᱩᱨ ᱦᱚᱱᱚᱛ ᱨᱮᱭᱟᱜ ᱟᱫᱚᱢ ᱦᱤᱸᱥ ᱜᱮᱫ ᱵᱮᱜᱟᱨ ᱠᱟᱛᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱦᱚᱱᱚᱛ ᱠᱚ ᱥᱤᱨᱡᱟᱹᱣ ᱠᱮᱫᱟ ᱾ ᱫᱩᱢᱠᱟᱹ ᱫᱚ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱚ ᱵᱮᱱᱟᱣ ᱠᱮᱫᱟ ᱾

ᱥᱟᱱᱛᱟᱲ ᱦᱩᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲ ᱯᱟᱨᱜᱟᱱᱟ ᱫᱚ ᱥᱟᱱᱛᱟᱲ ᱦᱩᱞ ᱧᱩᱛᱩᱢ ᱛᱮ ᱰᱟᱢᱰᱟᱦᱮ ᱜᱮᱭᱟ ᱾ ᱓᱐ ᱡᱩᱱ ᱑᱘᱕᱕ ᱥᱮᱨᱢᱟ ᱨᱮ ᱵᱷᱚᱜᱽᱱᱟᱰᱤᱦ ᱟᱹᱛᱩ ᱨᱤᱱᱤᱡ ᱪᱩᱱᱩ ᱢᱩᱨᱢᱩ ᱦᱚᱯᱚᱱ ᱟᱨ ᱦᱚᱯᱚᱱ ᱮᱨᱟ ᱥᱤᱫᱚ ᱢᱩᱨᱢᱩ, ᱠᱟᱹᱱᱦᱩ ᱢᱩᱨᱢᱩ, ᱪᱟᱸᱫᱽ ᱢᱩᱨᱢᱩ, ᱵᱷᱟᱭᱨᱚ ᱢᱩᱨᱢᱩ ᱟᱨ ᱯᱷᱩᱞᱚ ᱢᱩᱨᱢᱩ, ᱡᱷᱟᱱᱚ ᱢᱩᱨᱢᱩ ᱥᱟᱶ ᱛᱮ ᱜᱮᱞ ᱥᱟᱥᱟᱭ ᱫᱤᱥᱚᱢ ᱦᱚᱲ ᱠᱚ ᱵᱨᱤᱴᱤᱥ ᱥᱚᱨᱠᱟᱨ ᱟᱨ ᱥᱩᱫᱽ ᱮᱢᱚᱜ ᱢᱟᱦᱟᱡᱚᱱ ᱠᱚ ᱵᱤᱨᱩᱫᱽ ᱨᱮ ᱦᱩᱞ ᱞᱟᱹᱜᱤᱫ ᱠᱤᱨᱭᱟᱹ ᱦᱟᱛᱟᱣ ᱞᱮᱫᱟ᱾ ᱚᱱᱟ ᱦᱩᱞ ᱨᱮ ᱟᱢᱫᱟᱡᱽ ᱯᱮ ᱥᱟᱥᱟᱭ ᱠᱷᱚᱱ ᱦᱚᱸ ᱵᱟᱹᱲᱛᱤ ᱠᱚ ᱜᱚᱡ ᱚᱪᱚ ᱞᱮᱱᱟ ᱾ ᱟᱨ ᱟᱭᱢᱟ ᱥᱟᱱᱛᱟᱲ ᱟᱹᱛᱩ ᱠᱚᱠᱚ ᱟᱛᱟᱨ ᱜᱤᱰᱤ ᱞᱮᱫᱟ ᱾ ᱟᱭᱢᱟ ᱦᱚᱲ ᱵᱨᱤᱴᱤᱥ ᱠᱚᱣᱟᱜ ᱨᱚᱰᱚᱡ ᱠᱚᱪᱞᱚᱱ ᱵᱟᱠᱚ ᱥᱟᱦᱟᱣ ᱞᱮᱫ ᱛᱮ ᱠᱚᱧᱮ ᱵᱮᱝᱜᱚᱞ, ᱥᱟᱢᱟᱝ ᱵᱮᱝᱜᱚᱞ (ᱱᱟᱦᱟᱜ ᱵᱟᱝᱞᱟᱫᱤᱥᱚᱢ), ᱱᱮᱯᱟᱞ, ᱟᱥᱟᱢ ᱮᱢᱟᱱ ᱛᱮ ᱠᱚ ᱧᱤᱨ ᱯᱷᱟᱨᱟᱠ ᱠᱚᱧᱮ ᱮᱱᱟ ᱾ 

ᱯᱟᱹᱨᱥᱤ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮᱱᱟᱜ ᱞᱮᱠᱷᱟᱡᱚᱠᱷᱟ ᱞᱮᱠᱟᱛᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱᱟᱜ ᱯᱟᱹᱨᱥᱤ ᱠᱚ

  ᱢᱚᱭᱛᱷᱤᱞᱤ ᱟᱨ ᱠᱚᱨᱴᱷᱟ ᱢᱚᱭᱛᱷᱤᱞᱤ (29.22%)
  ᱥᱟᱱᱛᱟᱲ (25.13%)
  ᱦᱤᱱᱫᱤ (21.43%)
  ᱵᱟᱝᱞᱟ (16.11%)
  ᱩᱨᱫᱩ (5.06%)
  ᱮᱴᱟᱜᱟᱜ (3.05%)

ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱭᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱦᱤᱱᱫᱤ ᱠᱟᱱ ᱨᱮᱦᱚ ᱥᱟᱱᱛᱟᱲ ᱯᱟᱹᱨᱥᱤ ᱜᱮ ᱵᱟᱹᱲᱛᱤ ᱵᱮᱵᱚᱦᱟᱨᱚᱜ ᱠᱟᱱᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ ᱦᱚ ᱢᱟᱭᱛᱷᱟᱞᱤ, ᱵᱟᱝᱞᱟ, ᱵᱷᱳᱡᱽᱯᱩᱨᱤ, ᱠᱚᱨᱛᱷᱟ, ᱩᱨᱫᱩ, ᱠᱩᱲᱢᱟᱞᱤ ᱮᱱᱟᱢ ᱯᱟᱹᱨᱥᱤ ᱠᱚ ᱨᱚᱲᱚᱜᱚᱜ ᱠᱟᱱᱟ ᱾ ᱯᱟᱹᱦᱤᱞ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ ᱨᱮᱭᱟᱜ ᱢᱤᱫ ᱦᱚᱱᱚᱛ ᱛᱟᱦᱮᱸ ᱠᱟᱱ ᱛᱮ ᱵᱟᱝᱞᱟ ᱯᱟᱹᱨᱥᱤ ᱱᱚᱸᱰᱮ ᱠᱟᱡᱟᱠ ᱪᱟᱞᱟᱜ ᱠᱟᱱ ᱛᱟᱦᱮᱸᱱᱟ ᱾ ᱤᱱᱟᱹ ᱛᱟᱭᱚᱢ ᱵᱤᱦᱟᱨ ᱨᱮᱭᱟᱜ ᱦᱤᱥ ᱦᱩᱭᱮᱱ ᱛᱮ ᱵᱤᱦᱟᱨᱤ ᱠᱚᱣᱟᱜ ᱯᱟᱨᱥᱤ ᱵᱷᱳᱡᱽᱯᱩᱨᱤ ᱠᱟᱡᱟᱠ ᱛᱟᱞᱟᱜ ᱠᱟᱱ ᱛᱟᱦᱮᱸᱱᱟ ᱾

ᱵᱷᱮᱜᱟᱨ ᱦᱚᱱᱚᱛ ᱠᱚᱨᱮ ᱥᱟᱱᱛᱟᱲ ᱨᱮᱭᱟᱜ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]