ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ
 ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱪᱤᱱ ᱪᱤᱛᱟᱹᱨ | |
Screenshot | |
Type of site | Internet encyclopedia |
|---|---|
| Available in | ᱥᱟᱱᱛᱟᱲᱤ |
| Headquarters | ᱢᱤᱭᱟᱢᱤ, Florida |
| Owner | ᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ |
| URL | sat |
| Commercial | No |
| Registration | Optional |
| Launched | ᱚᱜᱚᱥᱴ 2, 2018 |
ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱫᱚ ᱦᱩᱭᱩᱜ ᱠᱟᱱᱟ ᱫᱷᱟᱹᱨᱛᱤ ᱨᱮᱱᱟᱜ ᱢᱤᱫᱴᱮᱱ ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱩᱯ ᱾ ᱒᱐᱑᱘ ᱥᱮᱨᱢᱟ ᱨᱮᱱᱟᱜ ᱒ ᱚᱜᱚᱥᱴ[᱑] ᱠᱷᱚᱱ ᱱᱚᱣᱟ ᱣᱤᱠᱤᱯᱤᱰᱤᱭᱟ ᱫᱚ ᱪᱟᱹᱞᱩ ᱟᱠᱟᱱᱟ᱾ ᱱᱤᱭᱟᱹ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱫᱚ ᱥᱟᱱᱛᱟᱲ ᱦᱚᱲ ᱦᱚᱯᱚᱱᱟᱜ ᱟᱯᱱᱟᱨ ᱪᱤᱠᱤ ᱚᱞᱪᱤᱠᱤ ᱛᱮ ᱚᱞ ᱦᱩᱭ ᱟᱠᱟᱱᱟ᱾[᱒][᱓]
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱣᱤᱠᱤᱯᱤᱰᱤᱭᱟ ᱪᱟᱹᱞᱩ ᱞᱟᱹᱜᱤᱫ ᱛᱮ ᱒᱐᱑᱒ ᱥᱮᱨᱢᱟ ᱠᱷᱚᱱ ᱠᱩᱨᱩᱢᱩᱴᱩ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ᱾ ᱛᱚᱵᱮ ᱒᱐᱑᱗ ᱥᱮᱨᱢᱟ ᱥᱮᱡ ᱦᱮᱡ ᱠᱟᱛᱮ ᱱᱤᱭᱟᱹ ᱠᱟᱹᱢᱤ ᱦᱚᱨᱟ ᱫᱚ ᱢᱚᱸᱡᱽᱛᱮ ᱮᱛᱦᱚᱵ ᱞᱮᱱᱟ᱾ ᱵᱟᱝᱞᱟᱫᱮᱥ ᱟᱨ ᱵᱷᱟᱨᱚᱛ ᱨᱮᱱ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱠᱳ ᱢᱤᱫ ᱥᱟᱶᱛᱮ ᱠᱟᱹᱢᱤᱠᱳ ᱪᱷᱩᱴᱟᱹᱣ ᱮᱱᱟ᱾ ᱟᱨᱦᱚᱸ ᱱᱮᱯᱟᱞ ᱨᱮᱱ ᱥᱟᱱᱛᱟᱲ ᱠᱚᱦᱚᱸ ᱥᱮᱞᱮᱫ ᱮᱱᱟ᱾ ᱱᱚᱝᱠᱟᱛᱮ ᱠᱟᱹᱢᱤ ᱦᱚᱨᱟ ᱫᱚ ᱟᱹᱰᱤᱜᱮ ᱪᱟᱹᱞᱩ ᱮᱱᱟ᱾ ᱒᱐᱑᱒ ᱥᱮᱨᱢᱟ ᱵᱟᱝᱞᱟᱫᱮᱥ ᱨᱮᱱᱟᱜ ᱫᱤᱱᱟᱹᱡᱽᱯᱩᱨ ᱡᱤᱞᱟᱹᱨᱮ ᱯᱩᱭᱞᱩᱛᱮ ᱢᱤᱫᱴᱮᱱ ᱥᱚᱲᱠᱚ ᱦᱩᱭ ᱞᱮᱱᱟ ᱣᱤᱠᱤᱯᱤᱰᱤᱭᱟ ᱪᱟᱹᱞᱩ ᱵᱟᱠᱷᱨᱟ᱾ ᱚᱱᱟ ᱯᱚᱨᱮ ᱟᱭᱢᱟᱫᱤᱱ ᱠᱟᱹᱢᱤ ᱵᱚᱸᱫᱽ ᱛᱟᱦᱮᱸᱠᱟᱱᱟ᱾ ᱫᱚᱲᱦᱟᱛᱮ ᱒᱐᱑᱗ ᱥᱮᱨᱢᱟ ᱨᱮᱱᱟᱜ ᱓᱐ ᱰᱤᱥᱮᱢᱵᱚᱨ ᱨᱟᱡᱽᱜᱟᱲ ᱰᱷᱟᱠᱟ ᱨᱮ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱟᱨ ᱣᱤᱠᱤᱢᱤᱰᱤᱭᱟ ᱵᱟᱝᱞᱟᱫᱮᱥᱟᱜ ᱠᱩᱨᱩᱢᱩᱴᱩ ᱛᱮ ᱟᱨ ᱢᱤᱫᱴᱮᱱ ᱥᱚᱲᱠᱚ ᱦᱩᱭᱱᱟ᱾[᱔] ᱩᱱ ᱡᱚᱠᱷᱚᱡ ᱵᱷᱟᱨᱚᱛ ᱨᱮᱱ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱠᱚᱦᱚᱸ ᱤᱱᱴᱟᱨᱱᱮᱴ ᱛᱮᱠᱚ ᱥᱮᱞᱮᱫ ᱞᱮᱱᱟ᱾ ᱤᱱᱟᱹ ᱯᱟᱸᱡᱟ ᱠᱟᱛᱮ ᱵᱷᱟᱨᱚᱛ ᱨᱮᱱᱟᱜ ᱳᱰᱤᱥᱟ ᱨᱮᱦᱚᱸ ᱑᱑ ᱢᱟᱨᱪ ᱒᱐᱑᱘ ᱥᱮᱨᱢᱟᱨᱮ ᱟᱨ ᱢᱤᱫᱴᱮᱱ ᱥᱚᱲᱠᱚ ᱦᱩᱭᱞᱮᱱᱟ᱾[᱕]
ᱱᱚᱝᱠᱟ ᱱᱚᱝᱠᱟ ᱛᱮᱜᱮ ᱵᱟᱝᱞᱟᱫᱮᱥ, ᱵᱷᱟᱨᱚᱛ ᱟᱨ ᱱᱮᱯᱟᱞ ᱨᱮᱱ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱠᱳ ᱢᱮᱥᱟ ᱠᱟᱛᱮ ᱡᱚᱨᱥᱮ ᱠᱟᱹᱢᱤᱠᱳ ᱪᱟᱹᱞᱩ ᱤᱫᱤ ᱠᱮᱫᱼᱟ᱾ ᱒᱐᱑᱘ ᱥᱮᱨᱢᱟ ᱨᱮᱱᱟᱜ ᱒᱘ ᱡᱩᱱ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ ᱨᱮᱭᱟᱜ ᱯᱟᱹᱨᱥᱤ ᱵᱟᱪᱷᱟᱣ ᱠᱳᱢᱤᱴᱤ ᱠᱷᱚᱱ ᱟᱨᱫᱟᱥ ᱠᱳ ᱧᱟᱢ ᱠᱮᱫᱟ᱾ ᱤᱱᱟᱹ ᱛᱟᱭᱚᱢ ᱒ ᱟᱜᱚᱥᱴ ᱒᱐᱑᱘ ᱛᱟᱹᱨᱤᱠᱷᱨᱮ sat.wikipedia.org ᱥᱟᱭᱤᱴ ᱛᱮᱭᱟᱨ ᱫᱟᱨᱟᱢᱛᱮ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱪᱟᱹᱞᱩᱭᱮᱱᱟ᱾
ᱵᱮᱵᱷᱟᱨᱤᱭᱟᱹ ᱟᱨ ᱪᱟᱪᱞᱟᱣᱤᱭᱟᱹ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
| ᱵᱮᱵᱷᱟᱨᱤᱭᱟᱹ ᱮᱞᱮᱞ | ᱟᱨᱴᱤᱠᱮᱞ ᱮᱞᱮᱞ | ᱨᱮᱫ ᱮᱞᱮᱞ | ᱪᱟᱪᱞᱟᱣᱤᱭᱟᱹ ᱮᱞᱮᱞ |
|---|---|---|---|
| 7161 | 9471 | 0 | 3 |
ᱪᱤᱛᱟᱹᱨᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
-
ᱵᱟᱝᱞᱟᱫᱮᱥ ᱨᱮ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱵᱟᱠᱷᱨᱟ ᱥᱚᱲᱠᱚ (᱒᱐᱑᱗)
-
ᱵᱷᱟᱨᱚᱛ ᱨᱮ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱵᱟᱠᱷᱨᱟ ᱥᱚᱲᱠᱚ (᱒᱐᱑᱘)
-
ᱵᱟᱝᱞᱟᱫᱮᱥ ᱨᱮᱱ ᱣᱤᱠᱤᱯᱮᱰᱤᱭᱟ ᱚᱱᱚᱞᱤᱭᱟᱹ ᱠᱚ (᱒᱐᱒᱐)
.jpg)
ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
.jpg){kind=link}
