ᱥᱤᱧᱚᱛ ᱨᱮ ᱛᱤᱨᱞᱟᱹ

ᱥᱤᱧᱚᱛ ᱨᱮ ᱛᱤᱨᱞᱟᱹ
	ᱥᱤᱧᱚᱛ ᱨᱮᱭᱟᱜ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱭᱟᱜ ᱨᱟᱭᱥᱮᱱ ᱦᱚᱱᱚᱛ ᱨᱮ ᱢᱤᱫ ᱛᱤᱨᱞᱟᱹ ᱜᱩᱦᱩᱢ ᱮ ᱤᱨ ᱮᱫᱟ
ᱥᱟᱫᱷᱟᱨᱚᱱ ᱮᱞᱠᱷᱟ ᱥᱛᱷᱤᱛᱤ
ᱜᱚᱜᱚ ᱜᱩᱨ (᱑,᱐᱐,᱐᱐᱐ ᱨᱮ)	᱑᱗᱔
ᱥᱚᱝᱥᱚᱫ ᱨᱮ ᱛᱤᱨᱞᱟᱹ	᱑᱔.᱕%
ᱛᱟᱞᱢᱟ ᱥᱮᱪᱮᱫ ᱥᱟᱶ ᱛᱮ ᱒᱕ ᱪᱮᱛᱟᱱ ᱛᱤᱨᱞᱟᱹ	᱓᱙% [ᱠᱚᱲᱟ: ᱖᱓.᱕%]
ᱠᱟᱹᱢᱤ ᱴᱷᱟᱶ ᱨᱮ ᱛᱤᱨᱞᱟᱹ	᱒᱗.᱒% [ᱠᱚᱲᱟ: ᱗᱘.᱘%]
ᱡᱟᱱᱟᱝ ᱵᱷᱮᱯᱮᱜᱮᱫ ᱩᱱᱩᱫᱩᱜ-᱒᱐᱑᱗
ᱢᱟᱱ	᱐.᱕᱒᱔ (᱒᱐᱑᱗)
ᱴᱷᱟᱶ	᱑᱖᱐ ᱢᱩᱸᱫᱽ ᱨᱮ ᱑᱒᱗ ᱟᱱ
ᱡᱮᱜᱮᱛᱟᱹᱨᱤ ᱡᱮᱱᱰᱟᱨ ᱜᱮᱯ ᱩᱱᱩᱫᱩᱜ
ᱢᱟᱱ	᱐.᱖᱖᱕ (᱒᱐᱑᱘)
ᱴᱷᱟᱶ	᱑᱐᱘ ᱟᱱ

ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱟᱞᱚᱛ ᱫᱚ ᱯᱟᱹᱪᱷᱞᱟᱹ ᱛᱤᱱᱟᱹᱝ ᱡᱩᱜᱽ ᱠᱷᱚᱱ ᱟᱹᱰᱤ ᱢᱟᱨᱟᱝ ᱟᱹᱨᱩᱯᱷᱮᱨᱟᱣ ᱜᱮ ᱥᱟᱢᱟᱝ ᱛᱮ ᱦᱮᱡ ᱟᱠᱟᱱᱟ ᱾ ᱱᱤᱛᱚᱜ ᱡᱩᱜᱽ ᱨᱮ ᱠᱚᱲᱟ ᱦᱚᱯᱚᱱ ᱠᱚ ᱥᱟᱶ ᱵᱟᱨᱟᱵᱟᱹᱨᱤ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱛᱟᱞᱟ ᱡᱩᱜᱽ ᱱᱟᱝ ᱨᱮᱭᱟᱜ ᱞᱟᱛᱟᱨ ᱛᱷᱟᱹᱨᱤᱭᱟᱹ ᱡᱤᱭᱚᱱ ᱥᱟᱶᱛᱮ ᱟᱹᱰᱤᱜᱟᱱ ᱥᱚᱞᱦᱮ ᱦᱚᱛᱮᱛᱮ ᱥᱚᱢᱟᱱ ᱚᱫᱷᱤᱠᱟᱨ ᱨᱮᱭᱟᱜ ᱩᱫᱽᱜᱟᱹᱣ ᱮᱢ ᱫᱷᱟ.ᱵᱤᱡ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱱᱟᱜᱟᱢ ᱟᱹᱰᱤ ᱨᱤᱦᱤᱴ ᱨᱮ ᱢᱟᱬᱟᱝ ᱛᱮ ᱞᱟᱦᱟ ᱪᱟᱞᱟᱜ ᱠᱟᱱᱟ ᱾ ᱱᱤᱛᱚᱜᱟᱜ ᱥᱤᱧᱚᱛ ᱨᱮ ᱛᱤᱨᱞᱟᱹ ᱨᱟᱥᱴᱨᱚᱯᱚᱛᱤ, ᱢᱟᱨᱟᱝ ᱢᱚᱱᱛᱨᱤ, ᱞᱳᱠ ᱥᱚᱵᱷᱟ ᱥᱚᱦᱮᱛ ᱟᱨ ᱦᱚᱸ ᱢᱟᱨᱟᱝ ᱢᱟᱨᱟᱝ ᱞᱟᱯᱷᱟᱝ ᱴᱷᱟᱶ ᱨᱮ ᱢᱟᱹᱱ ᱴᱷᱟᱶ ᱟᱢᱮᱴ ᱠᱟᱛᱮ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾

^[᱔]^[᱕]^[᱖]^[᱗]^[᱘]^[᱙]

ᱱᱟᱜᱟᱢ

ᱵᱟᱹᱲᱛᱤ ᱞᱮᱠᱟᱛᱮ ᱛᱤᱨᱞᱟᱹ ᱠᱚᱣᱟᱜ ᱴᱷᱟᱶ ᱨᱮᱭᱟᱜ ᱪᱟᱨᱪᱟ ᱨᱮ ᱦᱟᱹᱡᱩᱜ ᱥᱟᱶᱦᱮᱫ ᱨᱮᱭᱟᱜ ᱡᱷᱚᱞᱚᱠ ᱫᱚ ᱟᱹᱰᱤ ᱠᱚᱢ ᱜᱮᱭᱟ ᱾ ᱮᱨᱟ ᱟᱜ ᱢᱩᱬᱩᱛ ᱫᱷᱚᱨᱚᱢ ᱫᱚ ᱟᱡᱤᱡ ᱡᱤᱛᱟᱹ ᱟᱜ ᱥᱮᱵᱟ ᱡᱚᱛᱚᱱ ᱥᱟᱶ ᱜᱮ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜᱼᱟ ᱾

ᱯᱟᱹᱦᱤᱞ ᱥᱤᱧᱚᱛ ᱺ-

ᱯᱚᱸᱰᱤᱛ ᱠᱚᱣᱟᱜ ᱢᱟᱱᱟᱣ ᱢᱮᱱᱟᱜᱼᱟ ᱡᱮ ᱯᱟᱹᱦᱤᱞ ᱥᱤᱧᱚᱛ ᱨᱮᱫᱚ ᱛᱤᱨᱞᱟᱹ ᱠᱚᱣᱟᱜ ᱡᱤᱭᱚᱱ ᱨᱮ ᱡᱚᱛᱚ ᱴᱷᱟᱶ ᱨᱮᱜᱮ ᱠᱚᱲᱟ ᱦᱚᱯᱚᱱ ᱠᱚ ᱥᱟᱶ ᱵᱟᱨᱟᱵᱟ.ᱨᱤ ᱦᱚᱠ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱛᱤᱱᱟᱹᱝ ᱜᱟᱱ ᱯᱚᱸᱰᱤᱛ ᱠᱚᱣᱟᱜ ᱩᱭᱦᱟᱹᱨ ᱱᱚᱡᱚᱨ ᱫᱚ ᱱᱚᱣᱟ ᱠᱷᱚᱱ ᱩᱞᱴᱟᱹ ᱜᱮᱭᱟ ᱾ ᱯᱚᱛᱚᱧᱡᱚᱞᱤ ᱟᱨ ᱠᱟᱛᱭᱟᱭᱚᱱ ᱞᱮᱠᱟᱱ ᱯᱟᱹᱦᱤᱞ ᱨᱚᱱᱚᱲᱤᱭᱟᱹ ᱠᱤᱱᱟᱜ ᱢᱮᱱ ᱞᱮᱠᱟ ᱛᱮᱫᱚ ᱮᱛᱚᱦᱚᱵ ᱵᱚᱭᱫᱤᱠ ᱱᱟᱝ ᱨᱮᱫᱚ ᱛᱤᱨᱞᱟᱹ ᱠᱚᱦᱚᱸ ᱥᱮᱪᱮᱫ ᱠᱚ ᱮᱢᱟ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱨᱤᱜᱽᱵᱮᱫᱤᱠ ᱞᱟᱠᱪᱟᱨ ᱱᱚᱣᱟᱭ ᱞᱟᱹᱭᱟ ᱫᱚ ᱛᱤᱨᱞᱟᱹ ᱠᱚᱣᱟᱜ ᱜᱚᱝ/ᱵᱟᱯᱞᱟ ᱫᱚ ᱡᱩᱣᱟᱹᱱ ᱡᱩᱦᱩ ᱠᱮᱴᱮᱡ ᱠᱟᱛᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱟᱨ ᱟᱠᱚ ᱨᱤᱱ ᱡᱟᱶᱟᱭ/ᱡᱤᱛᱟᱹ ᱵᱟᱪᱷᱚᱱ ᱞᱟᱹᱜᱤᱫ ᱦᱚᱸ ᱯᱷᱩᱨᱜᱟᱹᱞ ᱠᱚ ᱛᱟᱦᱮᱸ ᱠᱟᱱᱟ ᱾ ᱨᱤᱜᱽᱵᱮᱫᱽ ᱟᱨ ᱩᱯᱚᱱᱤᱥᱚᱫᱽ ᱞᱮᱠᱟᱱ ᱯᱩᱛᱷᱤ ᱨᱮ ᱟᱹᱰᱤᱜᱟᱱ ᱥᱟᱹᱫᱷᱩ ᱟᱨ ᱥᱚᱸᱛ ᱛᱤᱨᱞᱟᱹ ᱠᱚ ᱤᱫᱤ ᱠᱟᱛᱮᱭ ᱞᱟᱹᱭᱟ ᱡᱟᱦᱟᱸ ᱨᱮᱫᱚ ᱜᱟᱨᱜᱤ ᱟᱨ ᱢᱚᱭᱛᱨᱤᱭᱤ ᱟᱜ ᱧᱩᱛᱩᱢ ᱚᱞᱼᱛᱚᱞ ᱢᱮᱱᱟᱜᱼᱟ ᱾

ᱯᱟᱹᱦᱤᱞ ᱥᱤᱧᱚᱛ ᱨᱮ ᱛᱤᱱᱟᱹᱝ ᱜᱟᱱ ᱥᱟᱢᱨᱟᱡᱽ ᱨᱮᱫᱚ ᱱᱚᱜᱚᱨᱵᱚᱫᱷᱩ (ᱱᱟᱜᱟᱨ ᱨᱤᱱᱤᱡ ᱵᱟᱹᱦᱩ) ᱞᱟᱹᱭ ᱞᱟᱠᱪᱟᱨ ᱛᱟᱦᱮᱸ ᱠᱟᱱᱟ ᱾ ᱛᱤᱨᱞᱟᱹ ᱠᱚ ᱛᱟᱞᱟ ᱨᱮ ᱱᱟᱜᱟᱨᱵᱚᱫᱷᱩ ᱟᱜ ᱛᱷᱟᱯᱚᱱ ᱥᱚᱱᱢᱟᱱ ᱞᱟᱹᱜᱤᱫ ᱦᱮᱯᱨᱟᱣ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱟᱢᱨᱚᱯᱟᱞᱤ ᱱᱟᱜᱟᱨᱵᱚᱫᱷᱩ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱢᱟᱨᱟᱝ ᱫᱟᱹᱭᱠᱟᱹ ᱛᱟᱦᱮᱸ ᱟᱠᱟᱱᱟ ᱾

ᱯᱚᱲᱦᱚᱱ ᱞᱮᱠᱟᱛᱮ ᱮᱛᱚᱦᱚᱵ ᱵᱚᱭᱫᱤᱠ ᱱᱟᱝ ᱨᱮ ᱛᱤᱨᱞᱟᱹᱠᱚᱦᱚᱸ ᱵᱟᱨᱟᱵᱟᱹᱨᱤ ᱦᱚᱠ ᱟᱨ ᱚᱫᱷᱤᱠᱟᱨ ᱠᱚ ᱧᱟᱢᱮᱫ ᱛᱟᱦᱮᱸᱫ ᱾ ᱚᱱᱠᱟ ᱫᱚ ᱛᱟᱭᱚᱢ ᱛᱮ (about 500 BC) ᱩᱱᱩᱭᱦᱟᱹᱨ (ᱵᱟᱹᱲᱛᱤ ᱞᱮᱠᱟ ᱛᱮᱫ ᱢᱚᱱᱩᱥᱢᱨᱩᱛᱤ) ᱠᱷᱟᱹᱛᱤᱨ ᱜᱮ ᱛᱤᱨᱞᱟᱹ ᱠᱚᱣᱟᱜ ᱦᱟᱞᱚᱛ ᱫᱚ ᱦᱩᱡᱩᱲᱚᱜ ᱥᱮᱫ ᱢᱚᱦᱰᱟ ᱮᱱᱟ ᱾ ᱟᱨ ᱵᱟᱵᱚᱨ ᱟᱨ ᱢᱩᱜᱚᱞ ᱥᱟᱢᱨᱟᱡᱽ ᱨᱤᱱ ᱤᱥᱞᱟᱢᱤᱭᱟᱹ ᱡᱷᱟᱯᱴᱟᱣ ᱥᱟᱶᱛᱮ ᱟᱨ ᱤᱱᱟᱹ ᱛᱟᱭᱚᱢ ᱤᱥᱟᱭᱭᱚᱛ ᱜᱮ ᱛᱤᱨᱞᱟᱹ ᱠᱚᱣᱟᱜ ᱯᱷᱩᱨᱜᱟᱹᱞ ᱟᱨ ᱚᱫᱷᱤᱠᱟᱨ ᱫᱚᱭ ᱢᱟᱞᱚᱴ ᱛᱷᱩᱠᱟᱹᱢ ᱩᱛᱟᱹᱨ ᱠᱮᱫᱼᱟ ᱾

ᱱᱤᱛᱚᱜ ᱡᱮᱱ ᱫᱷᱚᱨᱚᱢ ᱞᱮᱠᱟᱱ ᱥᱚᱞᱦᱮᱭᱟᱹ ᱦᱩᱞᱥᱟᱹᱞ ᱛᱤᱨᱞᱟᱹ ᱠᱚᱫᱚ ᱫᱷᱚᱨᱚᱢ ᱛᱷᱟᱱ ᱠᱚᱨᱮ ᱥᱮᱞᱮᱫᱚᱜ ᱨᱮᱭᱟᱜ ᱫᱟᱣ ᱮ ᱪᱟᱞ ᱟᱠᱟᱣᱟᱫ ᱠᱚᱣᱟ ᱾ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚᱫᱚ ᱞᱤᱪᱟᱹᱲ ᱵᱮᱵᱷᱟᱨ ᱟᱨ ᱚᱲᱟᱜ ᱨᱮ ᱮᱥᱮᱫ ᱠᱟᱛᱮ ᱛᱟᱦᱮᱸᱱ ᱫᱷᱟᱹᱵᱤᱡ ᱜᱮ ᱥᱟᱢᱟᱝ ᱛᱮ ᱦᱩᱭ ᱟᱠᱚᱣᱟ ᱾ ᱢᱮᱱ ᱟᱠᱚ ᱚᱛᱮ ᱜᱤᱫᱽᱨᱟᱹ ᱵᱟᱯᱞᱟ ᱫᱚ ᱛᱩᱨᱩᱭ ᱟᱱᱟᱜ ᱥᱚᱛᱟᱵᱽᱫᱷᱤ ᱠᱷᱚᱱ ᱮᱛᱚᱦᱚᱵ ᱦᱮᱡ ᱟᱹᱜᱩ ᱟᱠᱟᱱᱟ ᱾

ᱛᱟᱞᱟ ᱡᱩᱜᱽ ᱱᱟᱝ ᱺ-

ᱥᱟᱶᱛᱟ ᱨᱮ ᱵᱷᱟᱨᱚᱛᱤᱭᱟᱹ ᱠᱚᱣᱟᱜ ᱦᱟᱞᱚᱛ ᱨᱮ ᱛᱟᱞᱟᱡᱩᱜᱽ ᱱᱟᱝ ᱨᱮ ᱟᱨ ᱦᱚᱸ ᱵᱟᱹᱲᱛᱤ ᱞᱟᱛᱟᱨ ᱥᱮᱫ ᱦᱚᱸᱥᱚᱨ ᱟᱬᱜᱚ ᱮᱱᱟ ᱾ ᱛᱤᱱ ᱡᱚᱦᱚᱜ ᱥᱤᱧᱚᱛ ᱨᱮ ᱛᱤᱱᱟᱹᱝ ᱜᱟᱱ ᱥᱟᱶᱛᱟ ᱨᱮᱫᱚ ᱥᱚᱛᱤ ᱯᱨᱚᱛᱷᱟ, ᱜᱤᱫᱽᱨᱟᱹ ᱵᱟᱯᱞᱟ ᱟᱨ ᱨᱟᱺᱰᱤ ᱠᱚᱣᱟᱜ ᱫᱚᱦᱲᱟ ᱵᱟᱯᱞᱟ ᱨᱮ ᱥᱟᱶᱛᱟᱨᱤ ᱡᱤᱭᱚᱱ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱜᱮ ᱵᱮᱱᱟᱣ ᱦᱩᱭ ᱟᱠᱟᱱ ᱛᱟᱦᱮᱸᱱ ᱾ ᱥᱤᱧᱚᱛᱤᱭᱟᱹ ᱩᱯᱢᱟᱦᱟᱫᱤᱯ ᱨᱮ ᱛᱩᱲᱩᱠ ᱠᱚᱣᱟᱜ ᱡᱤᱛᱠᱟᱹᱨ ᱜᱮ ᱯᱚᱨᱫᱟ ᱯᱨᱚᱛᱷᱟ ᱫᱚ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱨᱮᱭ ᱟᱹᱜᱩ ᱠᱮᱫᱼᱟ ᱾ ᱨᱟᱡᱚᱥᱛᱟᱱ ᱨᱤᱱ ᱨᱟᱡᱽᱯᱩᱛ ᱠᱚ ᱴᱷᱮᱱ ᱫᱚ ᱡᱚᱣᱦᱚᱨ ᱨᱮᱭᱟᱜ ᱯᱨᱚᱛᱷᱟ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱨᱮᱭᱟᱜ ᱛᱤᱱᱟᱹᱝ ᱜᱟᱱ ᱴᱚᱴᱷᱟ ᱨᱮᱫᱚ ᱫᱮᱵᱽᱫᱟᱹᱥᱤ ᱟᱨᱵᱟᱝ ᱢᱩᱫᱽᱨᱤ ᱠᱚᱨᱤᱱ ᱛᱤᱨᱞᱟᱹ ᱠᱚ ᱥᱟᱶ ᱫᱚ ᱦᱚᱲᱢᱚ ᱱᱟᱦᱟᱪᱟᱨ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱟᱹᱵᱤᱜᱟᱱ ᱵᱟᱯᱞᱟᱜ ᱨᱮᱭᱟᱜ ᱨᱤᱛ ᱦᱚᱸ ᱦᱤᱱᱫᱩ ᱠᱷᱮᱛᱨᱤᱭᱚ ᱴᱷᱮᱱ ᱫᱚ ᱟᱹᱰᱤ ᱵᱟᱹᱲᱛᱤ ᱢᱟᱱᱟᱣ ᱵᱟᱛᱟᱣ ᱛᱟᱦᱮᱸ ᱠᱟᱱᱟ ᱾

ᱱᱚᱝᱠᱟᱱ ᱦᱟᱞᱟᱛ ᱠᱚ ᱛᱟᱦᱮᱸᱱ ᱛᱩᱞᱩᱡ ᱦᱚᱸ ᱛᱤᱱᱟᱹᱝ ᱜᱟᱱ ᱛᱤᱨᱞᱟᱹ ᱦᱚᱯᱚᱱ ᱫᱚ ᱨᱟᱡᱽᱼᱟᱹᱨᱤ, ᱥᱟᱶᱦᱮᱫ, ᱥᱮᱪᱮᱫ ᱟᱨ ᱫᱷᱚᱨᱚᱢ ᱴᱚᱴᱷᱟ ᱨᱮᱦᱚᱸ ᱡᱤᱛᱠᱟᱹᱨ ᱠᱚ ᱟᱢᱮᱴ ᱟᱠᱟᱫᱼᱟ ᱾ ᱨᱳᱡᱤᱭᱟ ᱥᱩᱞᱛᱟᱱ ᱫᱤᱞᱞᱤ ᱨᱮ ᱥᱟᱥᱚᱱ ᱟᱠᱟᱫ ᱢᱤᱫᱴᱟᱹᱝ ᱩᱛᱟᱹᱨ ᱛᱤᱨᱞᱟᱹ ᱥᱟᱢᱨᱟᱡᱤᱭᱟᱹᱭ ᱵᱮᱱᱟᱣ ᱞᱮᱱᱟ ᱾ ᱜᱳᱰ ᱨᱤᱱᱤᱡ ᱢᱟᱦᱟᱨᱟᱹᱱᱤ ᱫᱩᱨᱜᱟᱵᱚᱛᱤ ᱫᱚ ᱑᱕᱖᱔ ᱥᱟᱞᱮᱨᱮ ᱢᱩᱜᱚᱞ ᱥᱚᱢᱨᱟᱴ ᱟᱠᱵᱚᱨ ᱤᱡ ᱥᱮᱱᱟᱯᱚᱛᱤ ᱟᱥᱚᱯᱷ ᱠᱷᱟᱱ ᱥᱟᱶ ᱞᱟ.ᱰᱷᱟᱹᱭ ᱠᱟᱛᱮ ᱟᱡᱟᱜ ᱡᱤᱣᱤᱭ ᱟᱫᱽ ᱢᱟᱬᱟᱝ ᱨᱮ ᱑᱕ ᱥᱮᱨᱢᱟ ᱫᱷᱟᱹᱵᱤᱡ ᱮ ᱥᱟᱥᱚᱱ ᱞᱮᱜᱼᱟ ᱾

ᱯᱷᱩᱨᱜᱟᱹᱞ ᱵᱷᱟᱨᱚᱛ

ᱱᱤᱛᱚᱜᱟᱜ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚᱦᱚᱸ ᱡᱚᱛᱚ ᱞᱮᱠᱟᱱ ᱴᱷᱟᱶ ᱨᱮᱜᱮ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾ ᱥᱮᱪᱮᱫ, ᱥᱟᱬᱮᱥ, ᱠᱷᱮᱞᱚᱸᱰ, ᱨᱟᱡᱽ-ᱟᱹᱨᱤ, ᱵᱮᱣᱨᱟ ᱥᱟᱯᱲᱮᱛ ᱟᱨ ᱮᱴᱟᱜ ᱢᱮᱰᱤᱭᱟ, ᱟᱨ ᱯᱷᱤᱞᱤᱢ ᱮᱢᱟᱱ ᱡᱚᱛᱚ ᱨᱮᱜᱮ ᱛᱤᱨᱞᱟᱹ ᱠᱚ ᱟᱠᱚᱣᱟᱜ ᱴᱷᱟᱶ ᱠᱚ ᱟᱢᱮᱴ ᱟᱠᱟᱫ-ᱟ ᱾ ᱤᱸᱫᱽᱨᱟ ᱜᱟᱺᱫᱷᱤ ᱵᱷᱟᱨᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱑᱕ ᱥᱮᱨᱢᱟᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱚᱠᱛᱚ ᱨᱮᱭᱟᱜ ᱡᱟᱹᱛᱤᱭᱟ.ᱨᱤ ᱢᱩᱬᱩᱛ ᱞᱮᱠᱟᱛᱮ ᱦᱤᱥᱟᱹᱵᱽ ᱢᱮᱱᱟᱜᱼᱟ ᱾

ᱵᱷᱨᱚᱛᱤᱭᱟᱹ ᱥᱚᱢᱵᱤᱜᱷᱟᱱ ᱨᱮᱭᱟᱜ ᱡᱚᱠᱷᱮᱡ ᱑᱔, ᱑᱕ (᱑) ᱑᱖, ᱓᱙(ᱰᱤ), ᱑᱕ (᱓) ᱕᱑ (A) ᱟᱨ ᱔᱒ ᱞᱮᱠᱟᱛᱮ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱠᱚᱫᱚ

ᱚᱠᱛᱚ ᱜᱟᱱᱟᱨ

ᱛᱤᱨᱞᱟᱹ ᱠᱚᱣᱟᱜ ᱦᱟᱞᱚᱛ ᱨᱮ ᱞᱮᱛᱟᱲ ᱟ.ᱨᱩᱯᱷᱮᱨᱟᱣ ᱫᱚ ᱫᱤᱥᱚᱢ ᱨᱤᱱ ᱛᱤᱨᱞᱟᱹ ᱦᱚᱛᱮᱛᱮ ᱠᱚ ᱟᱢᱮᱴ ᱟᱠᱟᱫ ᱞᱟᱯᱷᱟᱝ ᱴᱷᱟᱶ ᱠᱷᱚᱱ ᱜᱮ ᱵᱟᱰᱟᱭ ᱧᱟᱢᱚᱜᱼᱟ ᱾

᱑᱘᱗᱙ :- ᱡᱟᱱ ᱤᱞᱤᱭᱚᱰ ᱰᱨᱤᱸᱠᱣᱟᱴᱚᱨ ᱵᱤᱛᱷᱭᱩᱱ ᱫᱚ ᱑᱘᱔᱙ ᱨᱮ ᱵᱤᱛᱷᱭᱩᱱ ᱟᱥᱲᱟᱭ ᱛᱷᱟᱯᱚᱱ ᱠᱮᱫᱼᱟ, ᱡᱟᱦᱟᱸ ᱫᱚ ᱑᱘᱗᱙ ᱨᱮ ᱵᱤᱛᱷᱭᱩᱱ ᱵᱤᱨᱫᱟᱹᱜᱟᱲ ᱵᱮᱱᱟᱣ ᱮᱱ ᱠᱷᱟᱱ ᱚᱱᱟ ᱫᱚ ᱵᱷᱟᱨᱚᱛ ᱨᱮᱭᱟᱜ ᱯᱩᱭᱞᱩ ᱛᱤᱨᱥᱟᱹ ᱵᱤᱨᱫᱟᱹᱜᱟᱲ ᱞᱮᱠᱟᱛᱮ ᱧᱩᱛᱩᱢ ᱮ ᱟᱢᱮᱴ ᱠᱮᱫᱼᱟ ᱾
᱑᱘᱘᱓ : ᱪᱚᱸᱫᱽᱨᱚᱢᱩᱠᱷᱤ ᱵᱟᱹᱥᱩ ᱟᱨ ᱠᱟᱫᱚᱢᱵᱤᱱᱤ ᱜᱟᱝᱜᱩᱞᱤ ᱵᱨᱤᱴᱤᱥ ᱥᱟᱢᱨᱟᱡᱚ ᱟᱨ ᱵᱷᱟᱨᱚᱛ ᱨᱮ ᱥᱚᱱᱮᱨ ᱨᱮᱭᱟᱜ ᱰᱤᱜᱽᱨᱤ ᱟᱢᱮᱴ ᱡᱚᱝ ᱠᱤᱱ ᱯᱩᱭᱞᱩ ᱛᱤᱨᱞᱟᱹ ᱠᱤᱱ ᱵᱮᱱᱟᱣ ᱮᱱᱟ ᱾
᱑᱙᱐᱕: ᱠᱟᱨ ᱪᱟᱹᱞᱩ ᱮᱫ ᱯᱩᱭᱞᱩ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱡᱩᱥᱟᱹᱱ ᱟᱨᱰᱤ ᱴᱟᱴᱟᱭ ᱛᱟᱦᱮᱸ ᱠᱟᱱᱟ ᱾
᱑᱙᱑᱖: ᱯᱩᱭᱞᱩ ᱛᱤᱨᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱮᱥᱮᱱᱰᱤᱴᱤ ᱛᱤᱨᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱛᱷᱟᱯᱚᱱ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱫᱷᱳᱸᱰᱚ ᱠᱮᱥᱚᱵᱽ ᱠᱚᱨᱣᱮ ᱦᱚᱛᱮᱛᱮ ᱥᱩᱢᱩᱝ ᱢᱚᱬᱮ ᱦᱚᱲ ᱥᱮᱪᱮᱫᱤᱭᱟᱹ ᱥᱟᱶ ᱒ ᱡᱩᱱ ᱑᱙᱑᱖ ᱥᱟᱞᱮᱨᱮ ᱦᱩᱭ ᱞᱮᱱᱟ ᱾
᱑᱙᱑᱗: ᱮᱱᱤ ᱵᱮᱥᱟᱸᱴ ᱵᱷᱟᱨᱚᱛᱤᱭᱟᱹ ᱡᱟᱹᱛᱭᱟᱹᱨᱤ ᱠᱚᱸᱜᱨᱮᱥ ᱨᱤᱱᱤᱡ ᱯᱩᱭᱞᱩ ᱯᱟᱨᱥᱮᱛ ᱛᱤᱨᱞᱟᱹᱭ ᱵᱮᱱᱟᱣ ᱞᱮᱱᱟ ᱾
᱑᱙᱑᱙: ᱯᱚᱸᱰᱤᱛᱟ ᱨᱟᱢᱟᱵᱟᱭᱤ ᱟᱡᱟᱜ ᱩᱱᱩᱨᱩᱢ ᱥᱟᱶᱛᱟ ᱥᱩᱥᱟᱹᱨ ᱠᱷᱟ.ᱛᱤᱨ ᱵᱨᱤᱴᱤᱥ ᱨᱟᱡᱽ ᱦᱚᱛᱮᱛᱮ ᱠᱮᱥᱚᱨ-ᱮ-ᱦᱤᱸᱫᱽ ᱥᱚᱱᱢᱟᱱ ᱮ ᱟᱢᱮᱴ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱾
᱑᱙᱒᱕: ᱥᱚᱨᱚᱡᱤᱱᱤ ᱱᱟᱭᱰᱩ ᱵᱷᱟᱨᱚᱛᱤᱭᱟᱹ ᱵᱩᱱᱭᱟᱹᱫᱽ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱵᱷᱟᱨᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱨᱮᱥ ᱨᱤᱱᱤᱡ ᱯᱩᱭᱞᱩ ᱯᱟᱨᱥᱮᱛ ᱮ ᱵᱮᱱᱟᱣ ᱞᱮᱱᱟ ᱾
᱑᱙᱒᱗ : ᱵᱷᱟᱨᱚᱛ ᱡᱟᱠᱟᱛ ᱛᱤᱨᱞᱟᱹ ᱥᱮᱱᱮᱞᱮᱫ ᱛᱷᱟᱯᱚᱱ ᱮᱱᱟ ᱾
᱑᱙᱔᱔ : ᱟᱥᱤᱢᱟ ᱪᱟᱴᱟᱨᱡᱤ ᱱᱚᱝᱠᱟᱱ ᱯᱩᱭᱞᱩ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱢᱤᱫ ᱵᱷᱟᱨᱚᱛᱤᱭᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱛᱮᱛᱮ ᱥᱟᱬᱮᱥ ᱨᱮ ᱰᱚᱠᱴᱚᱨᱮᱴ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱞᱮᱱᱟ ᱾
᱑᱙᱔᱗ : ᱑᱕ ᱚᱜᱚᱥᱴ ᱑᱙᱔᱗ ᱨᱮᱭᱟᱜ ᱯᱷᱩᱨᱜᱟᱹᱞ ᱛᱟᱭᱚᱢ ᱥᱚᱨᱚᱡᱤᱱᱤ ᱱᱟᱭᱰᱩ ᱥᱮᱞᱮᱫ ᱯᱨᱚᱫᱮᱥᱠᱚ ᱨᱤᱱᱤᱡ ᱨᱟᱡᱡᱚᱯᱟᱲ ᱮ ᱵᱮᱱᱟᱱ ᱮᱱᱟ ᱾ ᱟᱨ ᱱᱚᱝᱠᱟ ᱛᱮ ᱩᱱᱤ ᱫᱚ ᱵᱷᱟᱨᱚᱛ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱨᱟᱡᱡᱚᱯᱟᱲ ᱮ ᱵᱮᱱᱟᱣ ᱮᱱᱟ ᱾

ᱞᱟᱠᱪᱟᱨ

ᱯᱩᱨᱟᱹ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚ ᱥᱟᱹᱲᱤ (ᱦᱚᱲᱢᱚ ᱨᱮᱭᱟᱜ ᱜᱚᱴᱟᱯᱟᱲᱟ ᱜᱷᱮᱨᱟᱣ ᱠᱟᱛᱮ ᱵᱟᱸᱫᱮ ᱮᱫ ᱢᱤᱫ ᱡᱤᱞᱤᱧ ᱠᱤᱪᱨᱤᱫ ᱨᱮᱭᱟᱜ ᱠᱷᱟᱺᱰᱤᱡ) ᱟᱨ ᱥᱟᱞᱣᱟᱨ ᱫᱚᱛᱚ ᱛᱚ ᱦᱚᱨᱚᱜᱟ ᱾ ᱞᱟᱠᱪᱟᱨ ᱞᱮᱠᱟᱛᱮ ᱵᱟᱯᱞᱟ ᱟᱠᱟᱱ ᱛᱤᱨᱞᱟᱹ ᱠᱚᱫᱚ ᱟᱨᱟᱜ ᱴᱤᱠᱞᱤ ᱟᱨ ᱥᱤᱸᱫᱩᱨ ᱠᱚ ᱞᱟᱜᱟᱣᱟ ᱤᱠᱷᱟᱹᱱ ᱱᱟᱦᱟᱜ ᱫᱚ ᱱᱚᱣᱟ ᱛᱤᱨᱞᱟᱹ ᱠᱚᱣᱟᱜ ᱢᱤᱫ ᱯᱷᱮᱥᱳᱱ ᱜᱚ ᱯᱟᱞᱴᱟᱣ ᱟᱠᱟᱱᱟ ᱾

ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ

ᱵᱟᱰᱚᱦᱤ ᱟᱨ ᱨᱟᱹᱥᱠᱟᱹ ᱨᱚᱢᱚᱡᱽ ᱺ-

ᱮᱢ. ᱮᱥ. ᱥᱩᱵᱵᱩᱞᱚᱠᱥᱢᱤ, ᱜᱚᱸᱜᱩᱵᱟᱭᱤ ᱦᱚᱸᱜᱚᱞ, ᱞᱚᱛᱟ ᱢᱚᱧᱡᱮᱥᱠᱚᱨ ᱟᱨ ᱟᱥᱟ ᱵᱷᱳᱥᱞᱮ, ᱞᱮᱠᱟᱱ ᱥᱮᱨᱮᱧᱤᱭᱟᱹ ᱟᱨ ᱣᱚᱠᱞᱤᱥᱴ ᱟᱨ ᱟᱭᱥᱚᱨᱭᱟ ᱨᱟᱭ ᱞᱮᱠᱟᱱ ᱜᱟᱹᱭᱱᱟᱦᱟᱨ ᱠᱚᱫᱚ ᱵᱷᱟᱨᱚᱛ ᱨᱮ ᱟᱹᱰᱤ ᱵᱟᱹᱲᱛᱤ ᱢᱟᱹᱱ ᱥᱚᱱᱢᱟᱱ ᱠᱚ ᱮᱢᱟ ᱟᱠᱚᱣᱟ ᱾ ᱟᱸᱡᱚᱞᱤ ᱤᱞᱟ ᱢᱮᱱᱚᱱ ᱧᱩᱛᱩᱢᱟᱱ ᱪᱤᱛᱟᱹᱨᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱠᱟᱱᱟᱭ ᱾

ᱠᱷᱮᱞᱚᱸᱰ ᱺ-

ᱱᱤᱭᱟᱹ ᱦᱟᱹᱞᱤ ᱵᱷᱟᱨᱚᱛ ᱨᱮ ᱠᱷᱮᱞᱚᱸᱰ ᱠᱚᱫᱚ ᱩᱱᱟᱹᱜ ᱱᱟᱯᱟᱭ ᱵᱟᱝ ᱦᱩᱭᱩᱜ ᱠᱟᱱᱟ ᱾ ᱛᱤᱱᱟᱹᱝ ᱜᱟᱱ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱠᱚ ᱱᱚᱣᱟ ᱯᱟᱦᱴᱟ ᱨᱮ ᱵᱷᱟᱹᱜᱤ ᱧᱩᱛᱩᱢ ᱠᱚ ᱟᱨᱡᱟᱣ ᱟᱠᱟᱫᱼᱟ ᱾ ᱵᱷᱟᱨᱚᱛ ᱨᱤᱱ ᱛᱤᱱᱟᱹᱝ ᱜᱟᱱ ᱛᱤᱨᱞᱟᱹ ᱠᱷᱮᱞᱚᱸᱰᱤᱭᱟᱸ ᱠᱚ ᱛᱟᱞᱟ ᱨᱮ ᱯᱤ.ᱴᱤ. ᱩᱥᱟ, ᱡᱮ.ᱡᱮ. ᱥᱳᱵᱷᱟ (ᱟᱛᱷᱞᱮᱴᱤᱠᱥ), ᱠᱩᱸᱡᱚᱨᱟᱱᱤ ᱫᱮᱵᱤ (ᱦᱟᱢᱟᱞ ᱛᱩᱞ), ᱰᱟᱭᱱᱟ ᱮᱰᱚᱞᱡᱤ (ᱠᱨᱤᱠᱮᱴ), ᱠᱚᱱᱮᱨᱩ ᱦᱟᱹᱢᱯᱤ (ᱚᱛᱨᱚᱸᱡᱽ), ᱥᱟᱭᱱᱟ ᱱᱮᱦᱣᱟᱞ (ᱵᱮᱰᱢᱤᱱᱴᱚᱱ), ᱟᱨ ᱥᱟᱱᱤᱭᱟ ᱢᱤᱨᱡᱟ ᱥᱮᱞᱮᱫ ᱨᱮ ᱢᱮᱱᱟᱜ ᱠᱚᱣᱟ ᱾ ᱠᱚᱨᱱᱚᱢ ᱢᱟᱞᱮᱥᱣᱚᱨᱤ (ᱦᱟᱢᱟᱞ ᱛᱩᱞ) ᱟᱞᱚᱢᱯᱤᱠ ᱦᱤᱸᱥᱤᱨ (ᱥᱮᱨᱢᱟ ᱒᱐᱐᱐ ᱨᱮ ᱠᱟᱸᱥᱟ ᱦᱤᱸᱥᱤᱨ) ᱡᱤᱛᱠᱟᱹᱨ ᱟᱠᱟᱱᱤᱡ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹ ᱠᱟᱱᱟᱭ ᱾

ᱨᱟᱡᱽ-ᱟᱹᱨᱤ ᱺ-

ᱵᱷᱟᱨᱚᱛ ᱨᱮ ᱯᱚᱧᱪᱟᱭᱚᱛ ᱥᱚᱢᱤᱛᱤ ᱥᱚᱸᱥᱛᱷᱟ ᱦᱚᱛᱮᱛᱮ ᱜᱮᱞ ᱜᱮᱥᱟᱥᱟᱭ ᱠᱷᱚᱱ ᱦᱚᱸ ᱵᱟᱹᱲᱛᱤ ᱛᱤᱨᱞᱟᱹ ᱨᱟᱡᱽᱼᱟᱹᱨᱤ ᱨᱮ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱾ ᱱᱤᱛᱚᱜ ᱟᱹᱰᱤ ᱴᱷᱟᱶᱨᱮ ᱨᱟᱡᱽᱼᱟᱹᱨᱤ ᱠᱟᱹᱢᱤ ᱠᱟᱹᱥᱱᱤ ᱨᱮ ᱛᱤᱨᱞᱟᱹ ᱠᱚᱣᱟᱜ ᱮᱞᱮᱞ ᱟᱹᱰᱤ ᱵᱟᱹᱲᱛᱤ ᱟᱠᱟᱱ ᱨᱮᱦᱚᱸ ᱯᱨᱚᱥᱟᱥᱚᱱ ᱟᱨ ᱴᱷᱟᱹᱣᱠᱟᱹᱱ ᱯᱚᱫᱽ ᱢᱟᱹᱪᱤ ᱠᱚᱨᱮ ᱫᱚ ᱞᱟᱹᱠᱛᱤ ᱞᱮᱠᱟᱱ ᱴᱷᱟᱶ ᱠᱟᱠᱚ ᱟᱢᱮᱴ ᱫᱟᱲᱮ ᱟᱠᱟᱣᱟᱫᱼᱟ ᱾

ᱟᱨᱦᱚᱸ ᱧᱮᱞ ᱢᱮ

ᱵᱟᱦᱨᱮ ᱡᱚᱱᱚᱲ

ᱥᱟᱹᱠᱷᱭᱟᱹᱛ

↑ "Rankings". United Nations Development Programme (UNDP)India.
↑ "Gender Inequality Index". United Nations Development Programme. Retrieved 2 October 2018.
↑ "The Global Gender Gap Report 2018" (PDF). World Economic Forum. pp. 10–11.
↑ http://www.in.undp.org/content/india/en/home/sustainable-development/successstories/india-ranks-130-on-2018-human-development-index/
↑ http://hdr.undp.org/en/composite/GII
↑ http://www3.weforum.org/docs/WEF_GGGR_2017.pdf
↑ https://books.google.com/books?id=gVo1I4SIqOwC&pg=PA145
↑ https://web.archive.org/web/20090619085059/http://nrcw.nic.in/index2.asp?sublinkid=450
↑ https://web.archive.org/web/20080724121920/http://www.infochangeindia.org/WomenIbp.jsp

[1] "Rankings". United Nations Development Programme (UNDP)India.

[gii-2] "Gender Inequality Index". United Nations Development Programme. Retrieved 2 October 2018.

[ggr-3] "The Global Gender Gap Report 2018" (PDF). World Economic Forum. pp. 10–11.

[4] ttp://www.in.undp.org/content/india/en/home/sustainable-development/successstories/india-ranks-130-on-2018-human-development-index/

[5] ttp://hdr.undp.org/en/composite/GII

[6] ttp://www3.weforum.org/docs/WEF_GGGR_2017.pdf

[7] ttps://books.google.com/books?id=gVo1I4SIqOwC&pg=PA145

[8] ttps://web.archive.org/web/20090619085059/http://nrcw.nic.in/index2.asp?sublinkid=450

[9] ttps://web.archive.org/web/20080724121920/http://www.infochangeindia.org/WomenIbp.jsp

[᱒]

[᱑]

[᱓]

[᱔]

[᱕]

[᱖]

[᱗]

[᱘]

[᱙]