ᱥᱩᱥᱟᱸᱛ ᱥᱤᱝ ᱨᱟᱡᱽᱯᱩᱛ
| ᱥᱩᱥᱟᱸᱛ ᱥᱤᱝ ᱨᱟᱡᱽᱯᱩᱛ | |
|---|---|
.jpg) Sushant Singh Rajput at the promotion of M.S. Dhoni - The Untold Story | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱑ ᱡᱟᱱᱩᱣᱟᱨᱤ ᱑᱙᱘᱖[᱑] ᱯᱟᱴᱱᱟ, ᱵᱤᱦᱟᱨ, ᱥᱤᱧᱚᱛ[᱒] |
| ᱜᱩᱨ | ᱑᱔ ᱡᱩᱱ ᱒᱐᱒᱐ (᱓᱔ ᱵᱚᱭᱚᱥ)
[᱓] ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱜᱩᱨ ᱨᱮᱱᱟᱜ ᱚᱡᱮ | Suicide by hanging[᱔] |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ ᱟᱠᱷᱲᱟ | Delhi Technological University |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | ᱒᱐᱐᱘–᱒᱐᱒᱐ |
ᱥᱩᱥᱟᱸᱛ ᱥᱤᱝ ᱨᱟᱡᱽᱯᱩᱛ (᱒᱑ ᱡᱟᱱᱩᱣᱟᱨᱤ ᱑᱙᱘᱖ – ᱑᱔ ᱡᱩᱱ ᱒᱐᱒᱐) ᱫᱚ ᱢᱤᱫ ᱥᱤᱧᱚᱛᱤᱭᱟ ᱴᱤᱵᱷᱤ ᱟᱨ ᱯᱷᱤᱞᱢ ᱨᱤᱱᱤᱡ ᱯᱟᱯᱟᱴᱤᱭᱟᱹᱭ ᱛᱟᱦᱮᱸᱜ ᱠᱟᱱᱟ᱾[᱕][᱖][᱗][᱘][᱙] ᱥᱟᱱᱟᱢ ᱠᱷᱚᱱ ᱮᱛᱚᱦᱚᱵ ᱨᱮ ᱩᱱᱤ ᱫᱚ "ᱠᱤᱥ ᱫᱮᱥ ᱢᱮ ᱦᱮᱭ ᱢᱮᱨᱟ ᱫᱤᱞ" ᱧᱩᱛᱩᱢᱟᱱ ᱫᱷᱟᱨᱣᱟᱦᱤᱠ ᱨᱮ ᱠᱟᱹᱢᱤ ᱞᱮᱫ ᱟᱭ ᱢᱮᱱᱠᱟᱷᱟᱱ ᱩᱱᱤᱭᱟᱜ ᱩᱯᱨᱩᱢ ᱫᱚ ᱮᱠᱛᱟ ᱠᱚᱯᱩᱨ ᱟᱜ ᱫᱷᱟᱨᱣᱟᱦᱤᱠ ᱴᱤᱵᱷᱤ ᱯᱚᱣᱤᱛᱨᱚ ᱨᱤᱥᱛᱟ ᱠᱷᱚᱱ ᱮ ᱧᱟᱢ ᱞᱮᱫ-ᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱯᱷᱤᱞᱢ ᱠᱚ ᱨᱮᱱᱟᱜ ᱠᱟᱹᱢᱤ ᱦᱚᱨᱟ ᱠᱚᱭ ᱧᱟᱢ ᱞᱮᱫ-ᱟ ᱾ ᱯᱷᱤᱞᱢ "ᱠᱟᱭ ᱯᱳ ᱪᱷᱮ!" ᱨᱮ ᱩᱱᱤ ᱫᱚ ᱥᱤᱨᱟᱹ ᱯᱟᱯᱟᱴᱤᱭᱟᱹᱭ ᱛᱟᱦᱮᱸᱜ ᱠᱟᱱᱟ ᱟᱨ ᱩᱱᱤᱭᱟᱜ ᱯᱟᱴ ᱠᱟᱹᱢᱤ ᱨᱮ ᱦᱚᱸ ᱟᱭᱢᱟ ᱥᱟᱨᱦᱟᱣ ᱮ ᱧᱟᱢ ᱞᱮᱫ ᱟᱭ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱥᱩᱫᱽᱫᱷ ᱫᱮᱥᱤ ᱨᱳᱢᱟᱸᱥ ᱨᱮ ᱣᱟᱬᱤ ᱠᱚᱯᱩᱨ ᱟᱨ ᱯᱚᱨᱤᱬᱤᱛᱤ ᱪᱳᱯᱲᱟ ᱥᱟᱶ ᱮ ᱧᱮᱞ ᱞᱮᱱᱟᱭ᱾ ᱯᱷᱤᱞᱢ ᱫᱚ ᱱᱟᱯᱟᱭ ᱛᱮ ᱜᱮ ᱪᱟᱞᱟᱣ ᱞᱮᱱ ᱛᱟᱦᱮᱱ ᱟᱨ ᱥᱩᱥᱟᱸᱛ ᱟᱜ ᱯᱷᱤᱞᱢ ᱨᱮᱱᱟᱜ ᱫᱟᱣ ᱧᱟᱢ ᱤᱫᱤ ᱞᱮᱫ ᱟᱭ᱾ ᱥᱩᱥᱟᱸᱛ ᱟᱜ ᱯᱷᱤᱞᱢ ᱦᱤᱡᱩᱜ ᱟᱱᱟᱜ ᱯᱷᱤᱞᱢ "ᱠᱮᱫᱟᱨᱱᱟᱛᱷ" ᱠᱟᱱᱟ᱾ ᱥᱩᱥᱟᱸᱛ ᱟᱜ ᱠᱟᱱᱟᱢ ᱵᱤᱦᱟᱨ ᱨᱮᱱᱟᱜ ᱯᱩᱨᱬᱤᱭᱟ ᱦᱚᱱᱚᱛ ᱨᱮᱱᱟᱜ ᱢᱚᱦᱤᱫᱟ ᱨᱮ ᱦᱩᱭ ᱞᱮᱱ ᱛᱟᱦᱮᱱ᱾ ᱑᱔ ᱡᱩᱱ ᱒᱐᱒᱐ ᱦᱤᱞᱚᱜ ᱥᱩᱥᱟᱸᱛ ᱥᱤᱝ ᱨᱟᱡᱽᱯᱩᱛ ᱫᱚ ᱢᱩᱢᱵᱚᱭ ᱨᱮ ᱢᱮᱱᱟᱜ ᱟᱡᱟᱜ ᱚᱲᱟᱜ ᱨᱮ ᱯᱷᱟᱹᱥᱤ ᱞᱟᱜᱟᱣ ᱠᱟᱛᱮ ᱟᱡ ᱛᱮᱭ ᱜᱚᱡ ᱮᱱᱟᱭ᱾
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱟᱡᱽᱯᱩᱛ ᱟᱜ ᱡᱟᱱᱟᱢ ᱯᱚᱴᱱᱟ[᱒] ᱨᱮ ᱠᱨᱤᱥᱬᱟ ᱠᱩᱢᱟᱨ ᱥᱤᱝ ᱟᱨ ᱩᱥᱟ ᱥᱤᱝ[᱑᱐] ᱠᱷᱚᱱ ᱮ ᱦᱩᱭ ᱞᱮᱱ ᱛᱟᱦᱮᱱ᱾ ᱩᱱᱤᱭᱟᱜ ᱟᱥᱚᱞ ᱚᱲᱟᱜ ᱵᱤᱦᱟᱨ ᱨᱮᱱᱟᱜ ᱯᱩᱨᱬᱤᱭᱟ ᱦᱚᱱᱚᱛ ᱨᱮ ᱢᱮᱱᱟᱭᱟ ᱛᱟᱭᱟ᱾ ᱩᱱᱤ ᱨᱤᱱᱤᱡ ᱢᱤᱫ ᱢᱤᱥ ᱮᱨᱟ ᱢᱤᱛᱩ ᱥᱤᱝ ᱢᱮᱱᱟᱭᱟ, ᱩᱱᱤ ᱫᱚ ᱯᱚᱱᱚᱛ ᱞᱮᱵᱚᱞ ᱨᱤᱱᱤᱡ ᱢᱤᱫ ᱠᱨᱤᱠᱮᱴᱚᱨ ᱠᱟᱱᱟᱭ᱾ ᱒᱐᱐᱒ ᱨᱮ ᱩᱱᱤ ᱟᱡ ᱟᱭᱳ ᱟᱜ ᱜᱩᱨ ᱦᱩᱭ ᱮᱱ ᱛᱟᱭᱚᱢ ᱨᱟᱡᱽᱯᱩᱛ ᱜᱷᱟᱨᱚᱸᱡᱽ ᱫᱚ ᱯᱚᱴᱱᱟ ᱨᱮ ᱵᱟᱝ ᱛᱟᱦᱮᱱ ᱠᱚ ᱢᱮᱱ ᱠᱮᱫ-ᱟ ᱟᱨ ᱚᱱᱟ ᱥᱮᱨᱢᱟ ᱨᱮᱜᱮ ᱯᱚᱴᱱᱟ ᱠᱷᱚᱱ ᱫᱤᱞᱞᱤ ᱞᱟᱹᱜᱤᱫ ᱛᱮ ᱥᱟᱱᱟᱢ ᱚᱲᱟᱜ ᱜᱷᱟᱨᱚᱸᱡᱽ ᱨᱮᱱ ᱠᱚ ᱥᱮᱱ ᱮᱱᱟ᱾ ᱨᱟᱡᱽᱯᱩᱛ ᱫᱚ ᱯᱚᱴᱱᱟ ᱥᱮᱸᱴ ᱠᱚᱨᱮᱱ ᱦᱟᱭᱤ ᱥᱠᱩᱞ ᱟᱨ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱠᱩᱞᱟᱪᱤ ᱦᱚᱸᱥᱨᱟᱡᱽ ᱢᱳᱰᱮᱞ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟᱭ᱾ ᱨᱟᱡᱽᱯᱩᱛ ᱟᱜ ᱞᱟᱹᱭ ᱟᱠᱟᱱ ᱛᱟᱦᱮᱱ ᱞᱮᱠᱟᱛᱮ, ᱩᱱᱤ ᱫᱚ ᱒᱐᱐᱓ ᱨᱮ DCE ᱥᱮᱨᱢᱟ ᱯᱩᱨᱟᱹᱣ ᱵᱤᱱᱤᱰ ᱨᱮ ᱮᱭᱟᱭ ᱴᱷᱟᱶ ᱧᱟᱢ ᱞᱮᱫ ᱟᱭ, ᱟᱨ ᱫᱤᱞᱞᱤ ᱠᱳᱞᱮᱡᱽ ᱳᱯᱷ ᱤᱧᱡᱤᱱᱤᱭᱚᱨᱤᱝ ᱨᱮ ᱵᱮᱭᱪᱞᱚᱨ ᱳᱯᱷ ᱤᱧᱡᱤᱱᱤᱭᱚᱨᱤᱝ (ᱢᱮᱭᱠᱮᱱᱤᱠᱚᱞ ᱤᱧᱡᱤᱱᱤᱭᱚᱨᱤᱝ) ᱪᱟᱱᱟᱪ ᱨᱮᱱᱟᱜ ᱯᱩᱨᱟᱹᱣ ᱦᱩᱭ ᱞᱮᱱ ᱛᱟᱦᱮᱱ ᱾
ᱩᱱᱤ ᱫᱚ ᱯᱷᱤᱡᱤᱠᱥ (Physics) ᱨᱮ ᱢᱤᱫ ᱡᱟᱹᱛᱤᱭᱟᱹᱨᱤ ᱳᱞᱚᱸᱯᱤᱭᱚᱰ ᱨᱤᱱᱤᱡ ᱡᱤᱛᱠᱟᱹᱨᱤᱭᱟ ᱦᱚᱸᱭ ᱛᱟᱦᱮᱸᱜ ᱠᱟᱱᱟ᱾ ᱥᱟᱱᱟᱢ ᱢᱮᱥᱟ ᱠᱟᱛᱮ, ᱩᱱᱤ ᱫᱚ ᱑᱑ ᱜᱚᱴᱟᱝ ᱤᱧᱡᱤᱱᱤᱭᱚᱨᱤᱝ ᱤᱱᱴᱨᱮᱱᱥ ᱵᱤᱱᱤᱰ ᱨᱮ ᱥᱮᱞᱮᱫ ᱞᱮᱱᱟᱭ, ᱡᱟᱦᱟᱸ ᱫᱚ ᱤᱱᱰᱤᱭᱚᱱ ᱥᱠᱩᱞ ᱳᱯᱷ ᱢᱟᱭᱚᱱᱥ ᱦᱚᱸ ᱥᱮᱞᱮᱫ ᱢᱮᱱᱟᱜ-ᱟ᱾ ᱛᱷᱤᱭᱮᱴᱚᱨ ᱟᱨ ᱮᱱᱮᱡ ᱨᱮ ᱥᱮᱞᱮᱫ ᱮᱱ ᱛᱟᱭᱚᱢ, ᱩᱱᱤ ᱴᱷᱮᱱ ᱱᱟᱥᱮ ᱦᱚᱸ ᱯᱟᱞᱮᱱ ᱚᱠᱛᱚ ᱫᱚ ᱵᱟᱝ ᱛᱟᱦᱮᱱ ᱠᱟᱱ ᱛᱟᱦᱮᱱᱟ, ᱡᱟᱦᱟᱸ ᱫᱚ ᱠᱩᱲᱟᱹᱭ ᱟᱠᱟᱱ ᱟᱹᱰᱤ ᱜᱟᱱ ᱵᱮᱭᱠᱞᱳᱜᱽ ᱛᱟᱦᱮᱸᱜ ᱠᱟᱱᱟ ᱡᱟᱦᱟᱸ ᱫᱚ ᱩᱱᱤ DCE ᱤᱠᱟᱹ ᱠᱟᱜ ᱠᱟᱱ ᱛᱟᱦᱮᱱᱟᱭ᱾ ᱟᱡᱟᱜ ᱯᱟᱴ ᱠᱟᱹᱢᱤ ᱞᱟᱦᱟᱭ ᱞᱟᱹᱜᱤᱫ ᱩᱱᱤ ᱫᱚ ᱯᱩᱱ ᱥᱮᱨᱢᱟ ᱨᱮᱱᱟᱜ ᱥᱩᱢᱩᱝ ᱯᱮ ᱥᱮᱨᱢᱟ ᱨᱮ ᱯᱩᱨᱟᱹᱣ ᱞᱮᱫ ᱟᱭ᱾
ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱑᱔ ᱡᱩᱱ ᱒᱐᱒᱐ ᱦᱤᱞᱚᱜ ᱥᱤᱧ ᱵᱮᱲᱟ ᱚᱠᱛᱮ ᱢᱩᱢᱵᱚᱭ ᱨᱮᱱᱟᱜ ᱵᱟᱸᱫᱽᱨᱟ ᱨᱮ ᱟᱡᱟᱜ ᱚᱲᱟᱜ ᱨᱮ ᱜᱚᱡ ᱜᱮ ᱠᱚ ᱧᱮᱞ ᱧᱟᱢ ᱠᱮᱫᱮᱭᱟ᱾[᱑᱑] ᱮᱛᱚᱦᱚᱵ ᱠᱷᱚᱵᱚᱨ ᱞᱮᱠᱟᱛᱮ ᱫᱚ ᱩᱱᱤᱭᱟᱜ ᱜᱩᱨ ᱟᱡ ᱛᱮ ᱜᱩᱨ ᱟᱠᱟᱱ ᱨᱮᱱᱟᱜ ᱠᱟᱨᱚᱱ ᱜᱮ ᱞᱟᱹᱭᱚᱜᱚᱜ ᱠᱟᱱᱟ᱾ ᱞᱟᱹᱭᱚᱜᱚᱜ ᱠᱟᱱᱟ ᱡᱮ ᱥᱩᱥᱟᱸᱛ ᱥᱤᱝ ᱨᱟᱡᱽᱯᱩᱛ ᱫᱚ ᱯᱟᱨᱚᱢ ᱮᱱ ᱖ ᱪᱟᱸᱫᱚ ᱠᱷᱚᱱ ᱜᱮ ᱰᱤᱯᱨᱤᱥᱚᱱ ᱨᱮᱱᱟᱜ ᱠᱟᱨᱚᱱ ᱦᱩᱭ ᱟᱫᱮ ᱛᱟᱦᱮᱱ ᱡᱟᱦᱟᱸ ᱫᱚ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱯᱷᱟᱹᱥᱤ ᱞᱟᱜᱟᱣ ᱠᱟᱛᱮ ᱟᱡ ᱛᱮᱭ ᱜᱚᱡ ᱮᱱᱟᱭ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Shruti Shiksha (21 January 2018). "'Happy Birthday, Sushant Singh Rajput. Keep That Childlike Smile Always Alive,' Tweets Kriti Sanon". NDTV. Retrieved 6 December 2018.
- ↑ ᱒.᱐ ᱒.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedtime_Madh - ↑ "Sushant Singh Rajput commits suicide at Mumbai home". India Today. 14 June 2020. Retrieved 14 June 2020.
- ↑ "Sushant Singh Rajput commits suicide at Mumbai home". India Today. 14 June 2020. Retrieved 14 June 2020.
- ↑ "All you need to know about Shuddh Desi Romance star Sushant Singh Rajput- Entertainment News, Firstpost". Firstpost. 4 September 2013. Retrieved 23 December 2019.
- ↑ "Kedarnath actor Sushant Singh Rajput turns entrepreneur with Innsaei". The Indian Express (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 18 May 2018. Retrieved 13 August 2018.
- ↑ "Sushant Singh Rajput donates Rs 1 crore as aid for Kerala on behalf of a fan. Read details". Hindustan Times (in ᱟᱝᱜᱽᱨᱮᱡᱤ). 22 August 2018. Retrieved 14 September 2018.
- ↑ "After Donating 1 Crore to Kerala, Sushant Singh Rajput Gives Rs 1.25 Crore for Nagaland Relief Fund". News18. Retrieved 14 September 2018.
- ↑ "Sushant Singh Rajput visits blind school in Ranchi, embraces kid after his singing act—Watch". Zee News (in ᱟᱝᱜᱽᱨᱮᱡᱤ). 22 August 2018. Retrieved 14 September 2018.
- ↑ Singh, Prashant (21 January 2016). "I am proud of all my mistakes: Sushant Singh Rajput". Hindustan Times. Retrieved 14 June 2020.
- ↑ "ᱵᱳᱠᱤᱣᱩᱰ ᱯᱟᱯᱟᱴᱤᱭᱟᱹ ᱥᱩᱥᱟᱸᱛ ᱥᱤᱝ ᱨᱟᱡᱽᱯᱩᱛ ᱫᱚ ᱥᱩᱥᱟᱭᱰ ᱮᱱᱟᱭ, ᱢᱩᱢᱵᱚᱭ ᱨᱮ ᱟᱡᱟᱜ ᱚᱲᱟᱜ ᱨᱮ ᱞᱟᱜᱟᱣ ᱠᱮᱫ ᱟᱭ ᱯᱟᱹᱥᱤ". aajtak.intoday.in (in ᱦᱤᱱᱫᱤ). Retrieved 2020-06-14.