ᱦᱟᱹᱛᱤ ᱩᱲᱤᱡ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱟᱹᱱᱰᱤᱭᱟ ᱦᱟᱹᱛᱤ ᱩᱲᱤᱡ
ᱮᱝᱜᱟ ᱦᱟᱹᱛᱤ ᱩᱲᱤᱡ

ᱦᱟᱹᱛᱤ ᱩᱲᱤᱡ ᱫᱚ ᱯᱮᱥᱮᱨᱤᱯᱷᱚᱨᱢ ᱛᱷᱚᱠ ᱨᱤᱱ ᱪᱮᱬᱮ ᱠᱟᱱᱟ ᱠᱚ ᱾ ᱱᱩᱠᱩᱣᱟᱜ ᱵᱳᱭᱜᱟᱱᱤᱠ ᱧᱤᱛᱩᱢ ᱫᱚ Copsychus saularis᱾ ᱤᱝᱨᱟᱹᱡᱤ ᱛᱮ ᱫᱚ Oriental magpie-robin ᱠᱚ ᱢᱮᱛᱟ ᱟᱠᱚᱣᱟ ᱾ ᱱᱩᱠᱩ ᱪᱮᱬᱮᱣᱟᱜ ᱵᱟᱝᱞᱟ ᱧᱩᱛᱩᱢ, ᱯᱷᱚᱨᱟᱥᱤ ᱧᱩᱛᱩᱢ ᱟᱨ ᱚᱞᱚᱱᱫᱟᱡᱽ ᱧᱩᱛᱩᱢ ᱢᱤᱫ ᱜᱮᱭᱟ ᱾ ᱵᱟᱝᱞᱟ ᱛᱮ ᱠᱚ ᱢᱮᱛᱟ ᱟᱠᱚᱣᱟ ᱰᱳᱭᱮᱞ, ᱯᱷᱚᱨᱟᱥᱤ ᱛᱮ ᱥᱮᱢᱟ ᱫᱳᱭᱮᱞ (Shama dayal) ᱟᱨ ᱚᱞᱚᱱᱫᱟᱡᱽ ᱛᱮ ᱫᱳᱭᱮᱞᱤᱡᱽᱥᱴᱮᱨ(Dayallijster) ᱾ ᱦᱟᱹᱛᱤ ᱩᱲᱤᱡ ᱫᱚ ᱵᱟᱝᱞᱟᱫᱤᱥᱚᱢ ᱨᱤᱱ ᱡᱟᱛᱤᱭᱚ ᱪᱮᱬᱮ ᱠᱟᱱᱟ ᱠᱚ ᱾ ᱵᱟᱝᱞᱟᱫᱤᱥᱚᱢ ᱨᱮᱱᱟᱜ ᱟᱹᱛᱩ ᱚᱲᱟᱜ ᱠᱚ ᱨᱮ ᱫᱚ ᱟᱹᱰᱤ ᱠᱚ ᱧᱮᱞ ᱧᱟᱢᱚᱜᱼᱟ ᱾

ᱤᱱᱟᱹ ᱵᱟᱝ ᱠᱟᱛᱮᱜ ᱦᱚᱸ ᱵᱟᱝᱞᱟᱫᱮᱥ ᱟᱨ ᱥᱤᱧᱚᱛ ᱨᱤᱱ ᱠᱟᱹᱴᱤᱡ ᱪᱮᱬᱮ ᱠᱚ ᱢᱩᱫᱽ ᱨᱮ ᱦᱟᱹᱛᱤ ᱩᱲᱤᱡ ᱠᱚ ᱞᱮᱠᱷᱟᱜᱼᱟ ᱾ ᱟᱹᱰᱤ ᱪᱷᱟᱴᱯᱟᱴ ᱱᱩᱠᱩ ᱪᱮᱬᱮ ᱫᱚ ᱡᱚᱢ ᱥᱮᱱᱫᱽᱨᱟ ᱞᱟᱹᱜᱤᱫ ᱥᱟᱨᱟ ᱜᱷᱟᱹᱲᱤᱡ ᱚᱛ ᱟᱨ ᱫᱟᱨᱮ ᱰᱟᱹᱨ ᱨᱮ ᱠᱚ ᱫᱚᱱ ᱵᱟᱲᱟᱭᱟ ᱾ ᱟᱹᱛᱩ ᱥᱮᱡ ᱨᱮ ᱟᱹᱰᱤ ᱥᱮᱛᱟᱜ ᱠᱷᱚᱱ ᱱᱩᱠᱩᱣᱟᱜ ᱨᱟᱜ ᱟᱧᱡᱚᱢ ᱧᱟᱢᱚᱜᱼᱟ ᱾ ᱧᱮᱞ ᱛᱮ ᱦᱚᱸ ᱟᱹᱰᱤ ᱱᱟᱯᱟᱭ ᱠᱚ ᱧᱮᱞᱚᱜᱼᱟ ᱾

ᱧᱟᱢᱚᱜᱼᱟᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱷᱚᱲᱟ ᱨᱮᱭᱟᱲ ᱞᱚᱞᱚ ᱠᱚᱸᱭᱮ ᱮᱥᱤᱭᱟ ᱨᱮ ᱡᱟᱹᱥᱛᱤ ᱠᱟᱭᱛᱮ ᱵᱟᱝᱞᱟᱫᱮᱥ, ᱥᱤᱧᱚᱛ, ᱯᱟᱠᱤᱥᱛᱟᱱ, ᱥᱨᱤᱞᱚᱝᱠᱟ, ᱤᱱᱫᱳᱱᱮᱥᱤᱭᱟ, ᱢᱟᱞᱮᱥᱤᱭᱟ, ᱪᱤᱱ ᱨᱮᱱᱟᱜ ᱫᱟᱠᱷᱤᱱ ᱥᱮᱡ ᱨᱮ ᱱᱩᱠᱩ ᱪᱮᱬᱮ ᱠᱚ ᱧᱮᱞ ᱧᱟᱢᱚᱜᱼᱟ ᱾ ᱵᱤᱨ ᱜᱟᱡᱟᱲ, ᱟᱵᱟᱫᱽ ᱡᱚᱢᱤ ᱟᱨ ᱦᱚᱲ ᱠᱚ ᱛᱟᱦᱮᱱ ᱮᱞᱟᱠᱟ ᱨᱮ ᱜᱮ ᱰᱷᱮᱨ ᱠᱚ ᱧᱮᱞ ᱧᱟᱢᱚᱜᱼᱟ ᱾

ᱧᱮᱞ ᱩᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱹᱛᱤ ᱩᱲᱤᱡ ᱪᱮᱬᱮ ᱫᱚ ᱑᱕-᱒᱐ ᱥᱮᱱᱴᱤᱢᱤᱴᱟᱨ ᱥᱮ ᱗ - ᱘ ᱤᱧᱪᱤ ᱠᱩ ᱡᱤᱞᱤᱧᱟ ᱾ ᱱᱩᱠᱩᱣᱟᱜ ᱡᱤᱞᱤᱧ ᱪᱩᱯᱤ ᱢᱮᱱᱟᱜᱼᱟ ᱠᱷᱟᱹᱞᱤ ᱪᱚᱴ ᱛᱮ ᱠᱩ ᱛᱩᱞ ᱠᱟᱜᱼᱟ ᱾ ᱟᱹᱱᱰᱤᱭᱟᱹ ᱦᱟᱹᱛᱤ ᱩᱲᱤᱡ ᱫᱚ ᱫᱮᱭᱟ ᱟᱨ ᱦᱚᱴᱚᱜ ᱥᱮᱡ ᱦᱮᱱᱫᱮ ᱜᱮᱛᱟ ᱠᱩᱣᱟ ᱾ ᱞᱟᱡ ᱫᱚ ᱯᱩᱸᱰ ᱜᱮ ᱛᱟᱠᱩᱣᱟ ᱾ ᱯᱷᱟᱺᱠᱲᱟᱹᱜ ᱨᱮ ᱛᱷᱚᱲᱟ ᱯᱩᱸᱰ ᱨᱚᱝ ᱢᱮᱱᱟᱜᱼᱟ ᱾ ᱮᱝᱜᱟ ᱦᱟᱹᱛᱤ ᱩᱲᱤᱡ ᱫᱚ ᱫᱮᱭᱟ ᱟᱨ ᱦᱚᱴᱚᱜ ᱞᱟᱛᱟᱨ ᱛᱚᱨᱚᱡ ᱞᱮᱠᱟ ᱨᱚᱝ ᱛᱟᱠᱚ ᱾ ᱞᱟᱡ ᱥᱮᱡ ᱫᱚ ᱟᱹᱱᱰᱤᱭᱟᱹ ᱞᱮᱠᱟ ᱤᱱᱟᱹᱜ ᱡᱤᱲᱤᱵᱼᱟ ᱾ ᱛᱷᱚᱲᱟ ᱯᱮᱱᱰᱚ ᱧᱚᱜ ᱜᱮᱭᱟ ᱾ ᱢᱮᱱᱠᱷᱟᱱ ᱧᱮᱞ ᱛᱮ ᱫᱚ ᱟᱹᱰᱤ ᱪᱚᱲᱚᱠ ᱾

ᱵᱚᱝᱥᱚ ᱯᱟᱥᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱟᱹᱠᱷᱤᱱ ᱮᱥᱤᱭᱟ ᱨᱮ ᱫᱚ ᱢᱟᱨᱪ ᱠᱷᱚᱱ ᱡᱩᱞᱟᱭ ᱟᱨ ᱫᱟᱹᱠᱷᱤᱱ-ᱯᱩᱨᱩᱵᱽ ᱮᱥᱤᱭᱟ ᱨᱮ ᱫᱚ ᱡᱟᱱᱩᱣᱟᱨᱤ ᱠᱷᱚᱱ ᱡᱩᱞᱟᱭ ᱪᱟᱱᱫᱚ ᱠᱚ ᱦᱚᱯᱚᱱᱚᱜᱼᱟ ᱾ ᱱᱤᱭᱟᱹ ᱚᱠᱛᱮ ᱟᱹᱱᱰᱤᱭᱟ ᱦᱟᱹᱛᱤ ᱩᱲᱤᱡᱼᱟᱜ ᱨᱚᱝ ᱡᱤᱲᱤᱵ ᱡᱤᱲᱤᱵᱚᱜᱼᱟ ᱾ ᱮᱝᱜᱟ ᱦᱟᱹᱛᱤ ᱩᱲᱤᱡ ᱵᱩᱞᱟᱹᱣ ᱞᱟᱜᱤᱫ ᱛᱮ ᱟᱭᱢᱟ ᱞᱮᱠᱟ ᱨᱟᱹᱲ ᱟᱛᱮ ᱠᱚ ᱨᱟᱜᱟ ᱾ ᱵᱤᱞᱤ ᱮᱦᱚᱵ ᱢᱤᱫ ᱦᱟᱯᱛᱟ ᱞᱟᱦᱟ ᱰᱚᱱᱰᱽᱦᱚᱨ ᱵᱟᱝᱠᱷᱟᱱ ᱠᱚᱪᱟ ᱨᱮ ᱠᱚ ᱛᱩᱠᱟᱹᱭᱟ ᱾ ᱔/᱕ ᱜᱚᱴᱮᱡ ᱜᱟᱱ ᱠᱚ ᱵᱤᱞᱤᱭᱟ ᱾ ᱵᱤᱞᱤ ᱨᱮᱱᱟᱜ ᱨᱚᱝ ᱫᱚ ᱯᱮᱱᱰᱚ ᱞᱤᱞ-ᱦᱟᱹᱲᱤᱭᱟᱹᱲ ᱚᱱᱟ ᱪᱮᱛᱟᱱ ᱨᱮ brown ᱪᱷᱟᱯᱟ ᱾ ᱮᱝᱜᱟ ᱦᱟᱹᱛᱤ ᱩᱲᱤᱡ ᱵᱤᱞᱤ ᱚᱵᱚᱨ ᱘ ᱠᱷᱚᱱ ᱑᱔ ᱢᱟᱦᱟ ᱨᱮ ᱜᱤ ᱦᱚᱯᱚᱱᱚᱜᱼᱟ ᱠᱚ ᱾ ᱜᱤᱫᱽᱨᱟ ᱡᱟᱱᱟᱢ ᱚᱠᱛᱮ ᱟᱹᱱᱰᱤᱭᱟ ᱦᱟᱹᱛᱤ ᱩᱲᱤᱡ ᱫᱚ ᱟᱹᱰᱤ ᱠᱚ ᱨᱟᱝᱜᱟᱜᱼᱟ ᱾ ᱛᱩᱠᱟᱹ ᱟᱲᱮ ᱮᱴᱟᱜ ᱪᱮᱬᱮ ᱵᱟᱠᱚ ᱦᱮᱡ ᱟᱪᱚ ᱟᱠᱚᱣᱟ ᱾

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]