ᱦᱤᱨᱟᱠᱩᱫᱽ
 | ᱱᱚᱶᱟ ᱚᱱᱚᱞ ᱫᱚ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱢᱚᱬᱮ ᱥᱮᱨᱢᱟ ᱯᱩᱨᱟᱹᱣ ᱥᱟᱯᱟᱲᱟᱣ ᱒᱐᱒᱓ ᱨᱮ ᱥᱟᱯᱲᱟᱣ ᱟᱠᱟᱱᱟ ᱾ |
| ᱦᱤᱨᱟᱠᱩᱫᱽ ᱥᱚᱦᱚᱨ | |
|---|---|
| ᱥᱚᱦᱚᱨ | |
  ᱦᱤᱨᱟᱠᱩᱫᱽ ᱥᱚᱦᱚᱨ  ᱦᱤᱨᱟᱠᱩᱫᱽ ᱥᱚᱦᱚᱨ | |
| Coordinates: 21°31′N 83°52′E / 21.52°N 83.87°ECoordinates: 21°31′N 83°52′E / 21.52°N 83.87°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱥᱚᱢᱵᱚᱞᱯᱩᱨ |
| ᱩᱥᱩᱞ | 160 ᱢᱤᱴᱚᱨ (520 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱓᱐,᱒᱐᱗ |
| ᱯᱟᱹᱨᱥᱤ | |
| • ᱚᱯᱷᱤᱥᱤᱭᱟᱞ | ᱳᱰᱤᱭᱟ(ᱥᱚᱢᱵᱚᱞᱯᱩᱨ) |
| IST (ᱭᱩᱴᱤᱥᱤ+᱐᱕:᱓᱐) | |
| ᱜᱟᱹᱰᱤ ᱨᱤᱡᱤᱥᱴᱨᱤ | OD |
| ᱣᱮᱵᱽᱥᱟᱭᱤᱴ | odisha |
ᱦᱤᱨᱟᱠᱩᱫᱽ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱥᱚᱢᱵᱚᱞᱯᱩᱨ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫᱴᱟᱝ ᱵᱟᱡᱟᱨ ᱠᱟᱱᱟ᱾ ᱱᱚᱣᱟ ᱫᱚ ᱢᱤᱫᱴᱮᱱ ᱱᱟᱜᱟᱨ ᱯᱟᱧᱪᱟᱭᱮᱛ ᱴᱚᱴᱷᱟ (NAC) ᱠᱟᱱᱟ ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱥᱚᱢᱵᱚᱞᱯᱩᱨ ᱥᱚᱦᱚᱨ ᱨᱮ ᱵᱩᱨᱞᱟ ᱥᱟᱶᱛᱮ ᱢᱤᱫᱴᱮᱱ ᱢᱤᱣᱱᱤᱥᱤᱯᱟᱞᱤᱴᱤ ᱠᱚᱨᱯᱚᱨᱮᱥᱚᱱ ᱵᱮᱱᱟᱣ ᱞᱟᱹᱜᱤᱫ ᱥᱮᱞᱮᱫ ᱞᱮᱱᱟ᱾ ᱱᱚᱣᱟ ᱥᱚᱦᱚᱨ ᱫᱚ ᱦᱤᱱᱫᱟᱞᱠᱳ ᱨᱮᱱᱟᱜ ᱢᱤᱫ ᱦᱟᱵᱽ ᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱞᱞᱩᱢᱤᱱᱤᱭᱟᱢ ᱟᱨ ᱠᱚᱯᱚᱨ ᱵᱮᱱᱟᱣ ᱠᱚᱢᱯᱟᱱᱤ ᱠᱟᱱᱟ᱾ ᱦᱤᱨᱟᱠᱩᱫᱽ ᱰᱮᱢ, ᱫᱚ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱧᱮᱞ ᱡᱚᱝ ᱴᱷᱟᱶ ᱠᱟᱱᱟ᱾ ᱱᱚᱣᱟ ᱫᱚ ᱡᱮᱜᱮᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱟᱨ ᱡᱤᱞᱤᱧ ᱰᱮᱢ ᱠᱚ ᱢᱩᱸᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ᱾ ᱱᱚᱣᱟ ᱫᱚ ᱢᱚᱦᱟᱱᱚᱫᱤ ᱜᱟᱰᱟ ᱨᱮ ᱵᱮᱱᱟᱣ ᱟᱠᱟᱱᱟ᱾ ᱱᱚᱣᱟ ᱫᱚ ᱠᱚᱧᱮ ᱨᱮ ᱜᱟᱱᱫᱷᱤ ᱢᱤᱱᱟᱨ ᱟᱨ ᱮᱛᱚᱢ ᱨᱮ ᱱᱮᱦᱨᱩ ᱢᱤᱱᱟᱨ ᱛᱟᱞᱟ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱪᱮᱢ ᱨᱮᱭᱟᱜ ᱫᱟᱜ ᱫᱚ ᱖᱔᱐ ᱠᱤᱞᱚᱢᱤᱴᱚᱨ ᱛᱮ ᱯᱟᱥᱱᱟᱣ ᱢᱮᱱᱟᱜᱼᱟ᱾ ᱱᱚᱣᱟ ᱰᱮᱢ ᱨᱮ ᱒᱙᱐ ᱢᱮᱜᱟᱣᱟᱴ ᱨᱮᱱᱟᱜ ᱵᱤᱡᱽᱞᱤ ᱵᱮᱱᱟᱣ ᱫᱟᱲᱮ ᱢᱮᱱᱟᱜᱼᱟ᱾
ᱰᱮᱢᱚᱜᱽᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱤᱨᱟᱠᱩᱫᱽ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱥᱚᱢᱵᱚᱞᱯᱩᱨ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫᱴᱮᱱ ᱵᱟᱰᱟᱭᱚᱜ ᱠᱟᱱ ᱴᱚᱴᱷᱟ ᱠᱟᱱᱟ᱾ ᱦᱤᱨᱟᱠᱩᱫᱽ ᱥᱚᱦᱚᱨ ᱫᱚ ᱑᱗ ᱜᱚᱴᱟᱝ ᱣᱟᱨᱰ ᱨᱮ ᱦᱟᱹᱴᱤᱧ ᱟᱠᱟᱱᱟ᱾ ᱡᱟᱦᱟᱸ ᱞᱟᱹᱜᱤᱫ ᱕ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱵᱟᱪᱷᱱᱟᱣ ᱦᱩᱭᱩᱜᱼᱟ᱾ ᱒᱐᱑᱑ ᱨᱮᱭᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱦᱤᱨᱟᱠᱩᱫᱽ ᱵᱟᱪᱷᱟᱣ ᱴᱚᱴᱷᱟ ᱠᱚᱢᱤᱴᱤ ᱨᱮ ᱓᱐,᱒᱐᱗ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ ᱡᱟᱦᱟᱸ ᱢᱩᱸᱫᱽ ᱠᱷᱚᱱ ᱑᱕,᱖᱙᱘ ᱜᱚᱴᱟᱝ ᱠᱚᱲᱟ ᱟᱨ ᱑᱔,᱕᱐᱙ ᱜᱚᱴᱟᱝ ᱠᱩᱲᱤ ᱢᱮᱱᱟᱜ ᱠᱚᱣᱟ᱾
᱐-᱖ ᱥᱮᱨᱢᱟ ᱩᱢᱮᱨ ᱨᱮᱱ ᱜᱤᱫᱽᱨᱟᱹ ᱠᱚᱣᱟᱜ ᱞᱮᱠᱷᱟ ᱫᱚ ᱓᱕᱑᱓ ᱠᱟᱱᱟ ᱡᱟᱦᱟᱸ ᱫᱚ ᱦᱤᱨᱟᱠᱩᱫᱽ (NAC) ᱨᱤᱱ ᱡᱚᱛᱚ ᱦᱚᱲᱟᱜ ᱞᱮᱠᱷᱟ ᱨᱮᱭᱟᱜ ᱑᱑.᱖᱓% ᱠᱟᱱᱟ᱾ ᱦᱤᱨᱟᱠᱩᱫᱽ ᱵᱟᱪᱷᱟᱣ ᱴᱚᱴᱷᱟ ᱠᱚᱢᱤᱴᱤ ᱨᱮ, ᱠᱩᱲᱤ ᱦᱚᱯᱚᱱ ᱡᱟᱱᱟᱝ ᱫᱚᱨ ᱙᱒᱔, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮ ᱙᱗᱙ ᱫᱚᱨ ᱠᱷᱚᱱ ᱠᱚᱢ ᱜᱮᱭᱟ᱾ ᱟᱨᱦᱚᱸ, ᱦᱤᱨᱟᱠᱩᱫᱽ ᱨᱮ ᱜᱤᱫᱽᱨᱟᱹ ᱠᱚᱣᱟᱜ ᱡᱟᱱᱟᱝ ᱫᱚᱨ ᱫᱚ ᱙᱐᱓ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱙᱔᱑ ᱠᱷᱚᱱ ᱠᱚᱢ ᱜᱮᱭᱟ᱾ ᱦᱤᱨᱟᱠᱩᱫᱽ ᱥᱚᱦᱚᱨ ᱨᱮᱱᱟᱜ ᱚᱞ ᱯᱟᱲᱦᱟᱣ ᱫᱚᱨ ᱫᱚ ᱯᱚᱱᱚᱛ ᱨᱮᱱᱟᱜ ᱗᱒.᱘᱗% ᱠᱷᱚᱱ ᱘᱔.᱐᱐% ᱡᱟᱹᱥᱛᱤ ᱜᱮᱭᱟ᱾ ᱦᱤᱨᱟᱠᱩᱫᱽ ᱨᱮ, ᱠᱚᱲᱟ ᱠᱚᱣᱟᱜ ᱥᱮᱪᱮᱫ ᱫᱚ ᱙᱐.᱓᱙% ᱟᱨ ᱠᱩᱲᱤ ᱠᱚᱣᱟᱜ ᱥᱮᱪᱮᱫ ᱫᱚ ᱗᱗.᱑᱑%᱾
ᱦᱤᱨᱟᱠᱩᱫᱽ ᱵᱟᱪᱷᱟᱣ ᱴᱚᱴᱷᱟ ᱠᱚᱢᱤᱴᱤ ᱨᱮ ᱖,᱙᱖᱓ ᱜᱚᱴᱟᱝ ᱜᱷᱟᱨᱚᱸᱡᱽ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱫᱟᱜ ᱟᱨ ᱥᱩᱵᱤᱫᱷᱟᱹ ᱞᱮᱠᱟᱱ ᱢᱩᱬᱩᱛ ᱥᱩᱵᱤᱫᱷᱟ ᱠᱚ ᱮᱢᱚᱜᱼᱟ᱾[᱑]
ᱠᱟᱹᱣᱰᱤᱭᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱤᱨᱟᱠᱩᱫᱽ ᱫᱚ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱵᱤᱡᱩ ᱯᱚᱴᱱᱟᱭᱮᱠ ᱢᱤᱫ ᱤᱱᱰᱚᱥᱴᱨᱤᱭᱟᱞ ᱥᱚᱦᱚᱨ ᱞᱮᱠᱟᱛᱮᱭ ᱵᱟᱱᱟᱣ ᱞᱮᱫ ᱛᱟᱦᱮᱸᱫ᱾ ᱦᱤᱨᱟᱠᱩᱫᱽ ᱰᱮᱢ ᱯᱩᱨᱟᱹᱣ ᱠᱟᱛᱮᱜ ᱟᱞᱞᱩᱢᱤᱱᱤᱭᱟᱢ ᱥᱢᱮᱞᱴᱟᱨ, ᱠᱮᱵᱚᱞ ᱵᱮᱱᱟᱣ, ᱥᱴᱤᱞ ᱨᱤ-ᱨᱳᱞᱤᱝ ᱢᱤᱞ ᱠᱚ ᱮᱢᱟᱱ ᱥᱤᱞᱯᱚ ᱠᱚ ᱦᱤᱨᱟᱠᱩᱫᱽ ᱨᱮ ᱟᱹᱰᱤ ᱰᱷᱮᱨ ᱢᱮᱱᱟᱜᱼᱟ᱾ ᱑᱙᱗᱐ ᱥᱮᱨᱢᱟ ᱨᱮ, ᱦᱤᱨᱟᱠᱩᱫᱽ ᱫᱚ ᱳᱰᱤᱥᱟ ᱨᱮᱭᱟᱜ ᱢᱤᱫ ᱢᱩᱬᱩᱛ ᱤᱱᱰᱚᱥᱴᱨᱤᱭᱟᱞ ᱮᱨᱤᱭᱟ ᱛᱟᱦᱮ ᱠᱟᱱᱟ, ᱡᱟᱦᱟᱸ ᱫᱚ ᱨᱟᱣᱩᱨᱠᱮᱞᱟ ᱛᱟᱭᱚᱢ ᱫᱚᱥᱟᱨᱟᱜ ᱠᱟᱱᱟ᱾ ᱱᱚᱣᱟ ᱚᱠᱛᱚ ᱨᱮ ᱦᱤᱨᱟᱠᱩᱫᱽ ᱨᱮ ᱢᱩᱬᱩᱛ ᱥᱤᱞᱯᱚ ᱫᱚ ᱦᱤᱱᱫᱟᱞᱠᱳ ᱨᱮᱱᱟᱜ ᱟᱞᱩᱢᱤᱱᱤᱭᱟᱢ ᱥᱢᱮᱞᱴᱟᱨ ᱟᱨ ᱚᱱᱟ ᱥᱟᱶ ᱡᱚᱯᱲᱟᱣ ᱟᱠᱟᱱ ᱭᱩᱱᱤᱴ ᱠᱟᱱᱟ᱾ ᱦᱤᱨᱟᱠᱩᱫᱽ ᱥᱩᱨ ᱨᱮᱱ ᱟᱹᱛᱩ ᱴᱚᱴᱷᱟ ᱨᱮᱱ ᱦᱚᱲ ᱠᱚ ᱫᱚ ᱪᱟᱥ ᱠᱟᱹᱢᱤ ᱨᱮᱜᱮ ᱰᱷᱮᱨ ᱡᱚᱯᱲᱟᱣ ᱢᱮᱱᱟᱜ ᱠᱚᱣᱟ᱾
ᱥᱮᱪᱮᱫ ᱛᱷᱟᱹᱯᱱᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱦᱤᱨᱟᱠᱩᱫᱽ ᱠᱚᱞᱮᱡᱽ
- ᱑᱙᱕᱖ ᱥᱮᱨᱢᱟ ᱨᱮ ᱛᱷᱟᱯᱚᱱ ᱟᱠᱟᱱ ᱳᱰᱤᱥᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱟᱨ ᱢᱟᱨᱟᱝ ᱛᱷᱟᱹᱯᱱᱤᱛ ᱠᱷᱚᱱ ᱢᱤᱫᱴᱟᱹᱝ ᱳᱰᱤᱥᱟ ᱨᱮᱭᱟᱜ ᱦᱤᱨᱟᱠᱩᱫᱽ ᱛᱷᱟᱯᱱᱤᱛ (ITI), ᱦᱤᱨᱟᱠᱩᱫᱽ ᱯᱚᱪᱷᱤᱢ ᱯᱟᱦᱴᱟ ᱨᱮ ᱴᱨᱮᱱᱤᱝ ᱮᱢᱚᱜ ᱠᱟᱱᱟ ᱟᱨ ᱤᱱᱰᱚᱥᱴᱨᱤ ᱠᱚᱣᱟᱜ ᱞᱟᱹᱠᱛᱤ ᱦᱟᱛᱟᱣ ᱠᱟᱛᱮᱜ ᱵᱷᱮᱜᱟᱨ ᱵᱷᱮᱜᱟᱨ ᱴᱨᱮᱰ ᱠᱚ ᱮᱛᱚᱦᱚᱵ ᱟᱠᱟᱱᱟ᱾
- ᱥᱚᱨᱠᱟᱨᱤ ᱠᱚᱲᱟ ᱟᱨ ᱠᱩᱲᱤ ᱦᱟᱭ ᱥᱠᱩᱞ ᱵᱟᱨᱭᱟ ᱦᱟᱭ ᱥᱠᱩᱞ, ᱢᱤᱫ ᱠᱚᱲᱟ ᱜᱤᱫᱨᱟᱹ ᱟᱨ ᱢᱤᱫ ᱠᱩᱲᱤ ᱜᱤᱫᱨᱟᱹ ᱞᱟᱹᱜᱤᱫ ᱳᱰᱤᱥᱟ ᱥᱚᱨᱠᱟᱨ ᱦᱚᱛᱮᱛᱮ ᱪᱟᱞᱟᱜ ᱠᱟᱱᱟ᱾
ᱵᱮᱝᱠᱤᱝ ᱥᱩᱵᱤᱫᱷᱟᱹ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱮᱭᱟ ᱡᱟᱹᱛᱤᱭᱟᱹᱨᱤ ᱵᱮᱝᱠ ᱼ ᱥᱴᱮᱴ ᱵᱮᱝᱠ ᱚᱯᱷ ᱤᱱᱰᱤᱭᱟ, ᱟᱱᱫᱷᱨᱟ ᱵᱮᱝᱠ ᱟᱨ ᱭᱩ.ᱥᱤ.ᱳ. ᱵᱮᱝᱠ ᱦᱤᱨᱟᱠᱩᱫᱽ ᱨᱮ ᱱᱤᱛᱚᱜ ᱠᱟᱹᱢᱤ ᱠᱟᱱᱟ᱾ ᱱᱚᱣᱟ ᱵᱮᱝᱠ ᱨᱮ ᱮ.ᱴᱤ.ᱮᱢ ᱵᱮᱵᱚᱥᱛᱟ ᱢᱮᱱᱟᱜᱼᱟ᱾ ᱱᱚᱣᱟ ᱵᱮᱝᱠ ᱨᱮ ᱮᱠᱥᱤᱥ ᱵᱮᱝᱠ, ᱟᱭ.ᱥᱤ.ᱟᱭ.ᱥᱤ.ᱟᱭ ᱵᱮᱝᱠ, ᱯᱚᱧᱡᱟᱵᱽ ᱱᱮᱥᱱᱟᱞ ᱵᱮᱝᱠ ᱮᱢᱟᱱ ᱵᱮᱝᱠ ᱦᱚᱸ ᱢᱮᱱᱟᱜᱼᱟ᱾