ᱨᱟᱡᱽ ᱵᱷᱚᱵᱚᱱ, ᱛᱤᱨᱩᱣᱚᱱᱚᱱᱛᱯᱩᱨᱚᱢ
| ᱨᱟᱡᱽ ᱵᱷᱚᱵᱚᱱ, ᱠᱮᱨᱟᱞ | |
|---|---|
 | |
| General information | |
| Architectural style | ᱟᱹᱨᱤᱪᱟᱹᱞᱤ ᱠᱮᱨᱟᱞ |
| Location | ᱛᱤᱨᱩᱣᱚᱱᱚᱱᱛᱯᱩᱨᱚᱢ, ᱥᱤᱧᱚᱛ |
| Coordinates | 8°30′56″N 76°57′48″E / 8.5156°N 76.9632°ECoordinates: 8°30′56″N 76°57′48″E / 8.5156°N 76.9632°E |
| Current tenants | ᱟᱨᱤᱯᱷ ᱢᱩᱦᱚᱢᱢᱚᱫᱽ ᱠᱷᱟᱱ |
| Client | ᱠᱮᱨᱟᱞ ᱥᱚᱨᱠᱟᱨ |
| Technical details | |
| Floor area | 22,000 sq ft (2,000 m2) |
| Design and construction | |
| Architect | ᱛᱨᱟᱵᱷᱚᱱᱠᱳᱨ ᱨᱚᱭᱮᱞ ᱢᱟᱨᱟᱢᱚᱛᱷ |
ᱨᱟᱡᱽ ᱵᱷᱚᱵᱚᱱ ᱫᱚ ᱠᱮᱨᱟᱞ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱚᱲᱟᱜ ᱠᱟᱱᱟ ᱾ ᱱᱚᱣᱟ ᱫᱚ ᱠᱮᱨᱟᱞ ᱨᱮᱱᱟᱜ ᱨᱟᱡᱽᱜᱟᱲ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮ ᱢᱮᱱᱟᱜᱼᱟ ᱾ ᱑᱘᱒᱙ ᱥᱮᱨᱢᱟ ᱨᱮ ᱛᱨᱟᱵᱷᱚᱱᱠᱳᱨ ᱥᱚᱨᱠᱟᱨᱟᱜ ᱜᱮᱥᱴ ᱦᱟᱣᱩᱥ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱦᱮᱨᱤᱴᱮᱡᱽ ᱥᱴᱨᱚᱠᱪᱚᱨ ᱫᱚ ᱠᱮᱨᱟᱞ ᱨᱤᱱᱤᱡ ᱱᱤᱛᱚᱜᱤᱡ ᱯᱚᱱᱚᱛ ᱜᱚᱢᱠᱮ ᱟᱨᱤᱯᱷ ᱢᱩᱦᱚᱢᱢᱚᱫᱽ ᱠᱷᱟᱱ ᱟᱜ ᱜᱟᱫᱮᱞ ᱠᱟᱱᱟ ᱾[᱑]
ᱠᱚᱢᱯᱞᱮᱠᱥ ᱟᱨ ᱫᱚᱞᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱮᱨᱟᱞ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱨᱮ ᱵᱮᱱᱟᱣ ᱟᱠᱟᱱ, ᱨᱟᱡᱽ ᱵᱷᱚᱵᱚᱱ ᱨᱮᱱᱟᱜ ᱢᱩᱬ ᱫᱚᱞᱟᱱ ᱨᱮ ᱠᱤᱪᱷᱩ ᱟᱭᱢᱟ ᱩᱥᱩᱞ ᱪᱷᱟᱛ, ᱵᱷᱤᱠᱴᱚᱨᱤᱭᱟᱱ ᱯᱷᱤᱱᱤᱥ ᱨᱮᱱᱟᱜ ᱤᱝᱜᱤᱛ ᱥᱟᱶᱛᱮ ᱟᱹᱰᱤ ᱢᱟᱨᱟᱝ ᱡᱷᱚᱨᱠᱟ ᱟᱨ ᱫᱩᱣᱟᱹᱨᱟᱜ ᱢᱟᱨᱟᱝ ᱠᱩᱴᱨᱤ ᱢᱮᱱᱟᱜᱼᱟ ᱾ ᱢᱤᱫᱴᱟᱹᱝ ᱥᱟᱨᱡᱮᱸᱴ ᱫᱚ ᱵᱩᱨᱩ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ, ᱱᱚᱣᱟ ᱫᱚ ᱟᱹᱰᱤ ᱢᱟᱨᱟᱝ ᱛᱟᱥᱟᱫ ᱴᱟᱺᱰᱤ, ᱵᱷᱮᱞᱵᱮᱴᱤ ᱛᱟᱥᱟᱫ ᱴᱟᱺᱰᱤ, ᱮᱱᱛᱷᱩᱨᱤᱭᱟᱢ, ᱟᱨᱠᱤᱰ ᱮᱢᱟᱱ ᱟᱭᱢᱟ ᱞᱮᱠᱟᱱ ᱡᱟᱹᱛ ᱨᱮᱱᱟᱜ ᱦᱟᱹᱨᱭᱟᱹᱲ ᱚᱲᱟᱜ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾ ᱯᱚᱱᱚᱛ ᱜᱚᱢᱠᱮ ᱭᱟᱜ ᱚᱯᱷᱤᱥ ᱥᱟᱢᱟᱝ ᱨᱮ ᱢᱩᱬ ᱛᱟᱥᱟᱫ ᱴᱟᱺᱰᱤ ᱛᱟᱞᱟ ᱨᱮ ᱢᱤᱫ ᱧᱮᱞᱡᱚᱝ ᱡᱷᱟᱨᱱᱟ ᱦᱚᱸ ᱢᱮᱱᱟᱜᱼᱟ ᱾
ᱱᱚᱰᱮ ᱯᱮᱭᱟ ᱢᱩᱬᱩᱛ ᱥᱴᱨᱚᱠᱪᱟᱨ ᱢᱮᱱᱟᱜᱼᱟ, ᱚᱱᱟ ᱠᱚ ᱢᱩᱫᱽ ᱨᱮ ᱢᱩᱬᱩᱛ ᱵᱤᱞᱰᱤᱝ ᱫᱚ ᱡᱚᱛᱚ ᱠᱷᱚᱱ ᱢᱟᱨᱮ ᱟᱨ ᱦᱮᱨᱤᱴᱮᱡᱽ ᱠᱚᱢᱯᱞᱮᱠᱥ ᱠᱟᱱᱟ ᱾ ᱢᱩᱬᱩᱛ ᱥᱴᱨᱚᱠᱪᱟᱨ ᱫᱚ ᱒᱒,᱐᱐᱐ ᱥᱠᱚᱭᱟᱨ ᱯᱷᱩᱴ ᱢᱮᱱᱟᱜᱼᱟ, ᱱᱚᱣᱟ ᱨᱮ ᱓ ᱢᱟᱨᱟᱝ ᱦᱚᱞ, ᱢᱤᱫ ᱯᱚᱱᱚᱛ ᱵᱮᱸᱠᱣᱮᱴ ᱦᱚᱞ, ᱠᱚᱸᱯᱨᱮᱱᱥ ᱦᱚᱞ, ᱨᱟᱡᱽᱯᱟᱞᱟᱜ ᱚᱯᱷᱤᱥ, ᱨᱟᱡᱽᱯᱟᱞᱟᱜ ᱥᱩᱛᱨᱮᱛ ᱚᱲᱟᱜ, ᱰᱤᱯᱟᱨᱴᱢᱮᱱᱴ ᱚᱯᱷᱤᱥ, ᱠᱚᱸᱯᱨᱮᱱᱥ ᱨᱩᱢ ᱟᱨ ᱢᱤᱫ ᱢᱟᱨᱟᱝ ᱞᱟᱭᱵᱨᱮᱨᱤ ᱢᱮᱱᱟᱜᱼᱟ ᱾ ᱤᱥᱴ ᱣᱤᱝ ᱨᱮ ᱨᱟᱡᱽᱯᱟᱞ ᱟᱜ ᱯᱨᱟᱭᱵᱷᱮᱴ ᱚᱲᱟᱜ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱯᱨᱟᱭᱵᱷᱮᱴ ᱡᱚᱢᱟᱜ ᱚᱲᱟᱜ ᱟᱨ ᱫᱟᱠᱟ ᱚᱲᱟᱜ ᱵᱮᱜᱚᱨ ᱯᱨᱟᱭᱵᱷᱮᱴ ᱠᱟᱹᱢᱤᱭᱟᱹ ᱠᱚ ᱞᱟᱹᱜᱤᱫ ᱑᱘ ᱜᱚᱴᱟᱝ ᱥᱩᱭᱴ ᱟᱨ ᱠᱩᱴᱨᱤ ᱢᱮᱱᱟᱜᱼᱟ ᱾ ᱣᱮᱥᱴ ᱣᱤᱝ ᱨᱮ ᱪᱤᱯ ᱚᱯᱷᱤᱥᱚᱨ ᱠᱚᱣᱟᱜ ᱚᱲᱟᱜ, ᱜᱟᱥᱴᱟ ᱚᱲᱟᱜ ᱟᱨ ᱢᱤᱫᱴᱟᱹᱝ ᱦᱩᱰᱤᱧ ᱢᱩᱡᱤᱭᱚᱢ ᱢᱮᱱᱟᱜᱼᱟ ᱾ ᱪᱤᱛᱨᱟ ᱛᱤᱨᱩᱱᱟᱞ ᱦᱚᱞ, ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱡᱚᱛᱚ ᱥᱚᱨᱠᱟᱨᱤ ᱯᱟᱨᱟᱵᱽ ᱠᱚ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾ ᱯᱟᱪᱮ ᱣᱤᱝ ᱨᱮ ᱢᱤᱫ ᱵᱚᱞ ᱨᱩᱢ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱨᱟᱡᱽ ᱵᱷᱚᱵᱚᱱ ᱨᱮ ᱱᱟᱣᱟ ᱥᱮᱨᱢᱟ ᱨᱮᱱᱟᱜ ᱯᱟᱨᱟᱵᱽ ᱟᱨ ᱳᱱᱚᱢ, ᱯᱳᱝᱜᱚᱞ ᱮᱢᱟᱱ ᱯᱟᱨᱟᱵᱽ ᱠᱚ ᱦᱩᱭᱩᱜᱼᱟ ᱾
ᱨᱟᱡᱽ ᱵᱷᱚᱵᱚᱱ ᱞᱟᱭᱵᱨᱮᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱮᱨᱟᱞᱟ ᱨᱟᱡᱽ ᱵᱷᱚᱵᱚᱱ ᱨᱮ ᱥᱤᱧᱚᱛ ᱨᱮᱱᱟᱜ ᱮᱴᱟᱜ ᱨᱟᱡᱽ ᱵᱷᱚᱵᱚᱱ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱢᱟᱨᱟᱝ ᱯᱨᱟᱭᱵᱷᱮᱴ ᱯᱚᱛᱚᱵ ᱠᱚᱞᱮᱠᱥᱚᱱ ᱢᱮᱱᱟᱜᱼᱟ ᱾ ᱨᱟᱡᱽ ᱵᱷᱚᱵᱚᱱ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱠᱩᱥᱤᱭᱟᱱ ᱥᱟᱛᱟᱢ ᱨᱮ ᱖᱐᱐᱐ ᱜᱟᱱ ᱯᱚᱛᱚᱵ ᱢᱮᱱᱟᱜᱼᱟ ᱾ ᱯᱟᱵᱽᱞᱤᱠ ᱨᱮᱞᱮᱥᱚᱱ ᱥᱮᱠᱥᱚᱱ ᱫᱚ ᱞᱟᱭᱤᱵᱨᱮᱨᱤ ᱨᱮᱱᱟᱜ ᱪᱟᱥᱵᱟᱥ ᱠᱟᱱᱟ ᱾ ᱯᱚᱛᱚᱵ ᱠᱚ ᱤᱱᱰᱮᱠᱥ ᱟᱠᱟᱱᱟ ᱟᱨ ᱟᱞᱢᱟᱨᱤ ᱨᱮ ᱱᱟᱯᱟᱭ ᱛᱮ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾
ᱵᱟᱦᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱓.᱒᱔ ᱦᱮᱠᱴᱟᱨ ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱ ᱨᱟᱡᱽ ᱵᱷᱚᱵᱚᱱ ᱵᱟᱜᱟᱱ ᱫᱚ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱤᱫ ᱢᱤᱫ ᱧᱮᱞᱡᱚᱝ ᱛᱟᱞᱢᱟ ᱠᱟᱱᱟ ᱾ ᱟᱨ ᱯᱮᱭᱟ ᱦᱟᱹᱨᱭᱟᱹᱲ ᱚᱲᱟᱜ ᱠᱚᱫᱚ ᱵᱟᱜᱟᱱ ᱨᱮᱱᱟᱜ ᱞᱩᱵᱷᱟᱣ ᱠᱚ ᱵᱟᱹᱲᱛᱤ ᱦᱚᱪᱚᱭᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Governor: Shri Arif Muhammad Khan". The Official Web Portal of Government of Kerala. Retrieved 2009-06-05.