ᱨᱟᱡᱽ ᱵᱷᱚᱵᱚᱱ, ᱯᱩᱨᱤ
| ᱨᱟᱡᱽ ᱵᱷᱚᱵᱚᱱ | |
|---|---|
  ᱳᱰᱤᱥᱟ ᱨᱮᱱᱟᱜ ᱯᱩᱨᱤ ᱨᱮ ᱨᱟᱡᱽ ᱵᱷᱚᱵᱚᱱ ᱨᱮᱱᱟᱜ ᱴᱷᱟᱶ | |
| General information | |
| Coordinates | 19°47′50″N 85°49′45″E / 19.7973°N 85.8293°ECoordinates: 19°47′50″N 85°49′45″E / 19.7973°N 85.8293°E |
| Completed | ᱑᱙᱑᱔ |
| References | |
| Website | |
ᱨᱟᱡᱽ ᱵᱷᱚᱵᱚᱱ ᱫᱚ ᱳᱰᱤᱥᱟ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱚᱲᱟᱜ ᱠᱟᱱᱟ ᱾ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱳᱰᱤᱥᱟ ᱨᱮ ᱯᱩᱨᱤ ᱨᱮ ᱢᱮᱱᱟᱜᱼᱟ ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱵᱤᱦᱟᱨ ᱟᱨ ᱳᱰᱤᱥᱟ ᱯᱚᱱᱚᱛ ᱨᱤᱱᱤᱡ ᱢᱟᱲᱟᱝ ᱞᱮᱯᱷᱴᱤᱱᱮᱱᱴ-ᱜᱚᱵᱷᱚᱨᱱᱚᱨ ᱞᱟᱹᱜᱤᱫ ᱛᱮ ᱱᱚᱣᱟ ᱫᱚ ᱥᱤᱛᱩᱝ ᱨᱤᱛᱩ ᱛᱟᱦᱮᱸᱱ ᱚᱲᱟᱜ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾[᱑]
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱯᱟᱠᱟ ᱚᱲᱚᱜ ᱫᱚ ᱯᱩᱨᱤ ᱨᱮ ᱵᱚᱝᱜᱚᱞ ᱫᱚᱨᱭᱟ ᱥᱩᱨ ᱨᱮ ᱳᱰᱤᱥᱟ ᱨᱮᱱᱟᱜ ᱢᱟᱲᱟᱝ ᱨᱟᱡᱽᱜᱟᱲ ᱠᱚᱴᱚᱠ ᱠᱷᱚᱱ ᱖᱐ ᱢᱤᱞ (᱙᱗ ᱠᱤᱞᱚᱢᱤᱴᱚᱨ)[᱑] ᱟᱨ ᱱᱤᱛᱚᱜᱟᱜ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱕᱓ ᱠᱤᱞᱚᱢᱤᱴᱚᱨ (᱓᱓ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱑᱓-᱑᱔ ᱨᱮ ᱵᱮᱱᱟᱣ ᱟᱠᱟᱱ, ᱢᱩᱬ ᱴᱟᱺᱰᱤ ᱫᱚ ᱓᱐.᱒᱒᱖ ᱮᱠᱚᱨ (᱑᱒.᱒᱓᱒ ᱦᱮᱠᱴᱮᱭᱟᱨ) ᱴᱚᱴᱷᱟ ᱨᱮ ᱯᱟᱥᱱᱟᱣ ᱞᱮᱱᱟ ᱾[᱑] ᱛᱟᱭᱚᱢ ᱛᱮ ᱱᱚᱣᱟ ᱚᱲᱟᱜ ᱫᱚ ᱵᱨᱤᱴᱤᱥ ᱜᱚᱵᱚᱨᱱᱚᱨ ᱦᱚᱛᱮᱛᱮ ᱯᱟᱴᱱᱟ ᱨᱮ ᱥᱤᱛᱩᱝ ᱠᱷᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱠᱚ ᱵᱮᱵᱷᱟᱨ ᱞᱮᱜᱼᱟ, ᱡᱟᱦᱟᱸ ᱫᱚ ᱩᱱ ᱚᱠᱛᱚ ᱵᱤᱦᱟᱨ ᱟᱨ ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾[᱒] ᱑᱙᱓᱖ ᱥᱮᱨᱢᱟ ᱨᱮ ᱳᱰᱤᱥᱟ ᱫᱚ ᱢᱤᱫᱴᱟᱹᱝ ᱵᱷᱮᱜᱟᱨ ᱯᱚᱱᱚᱛ ᱵᱮᱱᱟᱣ ᱮᱱ ᱛᱟᱭᱚᱢ ᱱᱚᱣᱟ ᱵᱷᱚᱵᱚᱱ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱯᱟᱞ ᱟᱜ ᱛᱟᱦᱮᱸᱱ ᱚᱲᱟᱜ ᱵᱮᱱᱟᱣ ᱮᱱᱟ ᱾ ᱢᱮᱱᱠᱷᱟᱱ ᱨᱟᱡᱽᱜᱟᱲ ᱠᱷᱚᱱ ᱥᱟᱺᱜᱤᱧ ᱠᱷᱟᱹᱛᱤᱨ ᱑᱙᱔᱒ ᱥᱮᱨᱢᱟ ᱨᱮ ᱱᱚᱸᱰᱮ ᱫᱚ ᱨᱟᱡᱽᱜᱟᱲ ᱠᱚ ᱵᱮᱱᱟᱣ ᱠᱮᱫᱼᱟ ᱾[᱑] ᱡᱚᱠᱷᱚᱱ ᱠᱚᱴᱚᱠ ᱨᱮ ᱱᱟᱣᱟ ᱚᱲᱟᱜ ᱵᱮᱱᱟᱣ ᱦᱩᱭᱩᱜ ᱠᱟᱱ ᱛᱟᱦᱮᱸᱫ, ᱯᱩᱨᱤ ᱨᱮ ᱨᱟᱡᱽ ᱵᱷᱚᱵᱚᱱ ᱫᱚ ᱑᱕᱘,᱐᱐᱐ ᱴᱟᱠᱟ ᱛᱮ ᱛᱮᱭᱟᱨ ᱦᱩᱭ ᱞᱮᱱ ᱛᱟᱦᱮᱸᱫ, "ᱥᱤᱧᱚᱛ ᱨᱮ ᱢᱚᱦᱟᱢᱚᱦᱤᱢ ᱟᱜ ᱢᱟᱬᱛᱮ ᱠᱚᱣᱟᱜ ᱨᱟᱡᱟ ᱤᱡᱽᱡᱚᱛ ᱞᱟᱹᱜᱤᱫ ᱱᱚᱣᱟ ᱫᱚ ᱞᱟᱹᱠᱛᱤᱭᱟᱱ ᱟᱨ ᱟᱞᱜᱟ ᱛᱮ ᱛᱮᱭᱟᱨ ᱞᱟᱹᱜᱤᱫ" ᱡᱟᱦᱟᱸ ᱨᱮ ᱨᱤᱣᱟᱨᱤᱝ, ᱯᱞᱟᱢᱵᱤᱝ ᱥᱤᱥᱴᱚᱢ ᱩᱫᱩᱜ ᱥᱚᱫᱚᱨ ᱟᱨ ᱢᱤᱫ ᱵᱟᱜᱟᱱ ᱵᱮᱱᱟᱣ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾[᱓] ᱱᱚᱣᱟ ᱚᱲᱟᱜ ᱫᱚ ᱑᱙᱗᱓ ᱥᱮᱨᱢᱟ ᱫᱷᱟᱹᱨᱤᱡ ᱨᱟᱡᱽᱯᱟᱞ ᱠᱚᱣᱟᱜ ᱥᱤᱛᱩᱝ ᱨᱤᱛᱩ ᱛᱟᱦᱮᱸᱱ ᱞᱮᱠᱟᱛᱮ ᱵᱮᱵᱷᱟᱨ ᱨᱮ ᱛᱟᱦᱮᱸ ᱠᱟᱱᱟ ᱾[᱒] ᱚᱱᱟ ᱛᱟᱭᱚᱢ ᱑᱙᱘᱓ ᱥᱮᱨᱢᱟ ᱨᱮ ᱯᱚᱱᱚᱛ ᱧᱮᱞᱡᱚᱝ ᱴᱷᱟᱶ ᱠᱚ ᱵᱟᱲᱦᱟᱣ ᱞᱟᱹᱜᱤᱫ ᱛᱮ ᱢᱤᱫ ᱦᱚᱴᱮᱞ ᱵᱮᱱᱟᱣ ᱞᱟᱹᱜᱤᱫ ᱴᱟᱺᱰᱤ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱦᱟᱹᱴᱤᱧ ᱫᱚ ᱟᱹᱠᱷᱨᱤᱧ ᱮᱱᱟ ᱾[᱑]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ ᱑.᱒ ᱑.᱓ ᱑.᱔ "Raj Bhavan, Puri". Raj Bhavan, Odisha. Retrieved 6 August 2015.
- ↑ ᱒.᱐ ᱒.᱑ Manti, J. C. (2014). The Saga of Jagannatha and Badadeula at Puri: Story of Lord Jagannatha and his Temple). Vij Books India Pvt Ltd. p. XXXIV. ISBN 978-93-82652-45-8.
- ↑ Kalia, Ravi (1994). Bhubaneswar: From a Temple Town to a Capital City. SIU Press. p. 75. ISBN 978-0-8093-1876-6.