ᱨᱟᱡᱽ ᱵᱷᱚᱵᱚᱱ, ᱤᱴᱟᱱᱚᱜᱚᱨ
| ᱨᱟᱡᱽ ᱵᱷᱚᱵᱚᱱ, ᱤᱴᱟᱱᱚᱜᱚᱨ | |
|---|---|
 ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱢᱟᱹᱱ ᱵᱷᱮᱝᱠᱟᱭᱟ ᱱᱟᱭᱰᱩ ᱟᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱤᱴᱟᱱᱚᱜᱚᱨ ᱨᱮ ᱨᱟᱡᱽᱵᱷᱚᱵᱚᱱ ᱨᱤᱱ ᱠᱟᱹᱢᱤᱭᱟᱹ ᱥᱟᱶ | |
 | |
| General information | |
| Coordinates | 27°5′52″N 93°38′19″E / 27.09778°N 93.63861°ECoordinates: 27°5′52″N 93°38′19″E / 27.09778°N 93.63861°E |
| Current tenants | Kaiwalya Trivikram Parnaik |
| Construction started | ᱑᱙᱗᱗ |
| Owner | ᱚᱨᱩᱱᱟᱪᱚᱞ ᱯᱨᱚᱫᱮᱥ ᱥᱚᱨᱠᱟᱨ |
| References | |
| Official Website | |
ᱨᱟᱡᱽ ᱵᱷᱚᱵᱚᱱ ᱫᱚ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱚᱲᱟᱜ ᱠᱟᱱᱟ ᱾ ᱱᱚᱣᱟ ᱫᱚ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱨᱟᱡᱽᱜᱟᱲ ᱤᱴᱟᱱᱚᱜᱚᱨ ᱨᱮ ᱢᱮᱱᱟᱜᱼᱟ ᱾ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱱᱤᱛᱚᱜᱤᱡ ᱨᱟᱡᱽᱯᱟᱞ ᱫᱚ ᱠᱟᱭᱣᱟᱞᱤᱭᱟ ᱛᱨᱤᱵᱤᱠᱨᱚᱢ ᱯᱟᱨᱱᱟᱭᱚᱠ ᱠᱟᱱᱟᱭ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱟᱡᱽ ᱵᱷᱚᱵᱚᱱ ᱨᱮᱱᱟᱜ ᱯᱷᱟᱣᱩᱱᱰᱮᱥᱚᱱ ᱫᱚ ᱑᱗ ᱮᱯᱨᱤᱞ ᱑᱙᱗᱗ ᱨᱮ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱩᱱ ᱚᱠᱛᱚ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱜᱚᱢᱠᱮ ᱥᱣᱟᱨᱜᱤ ᱠᱮ. ᱮ. ᱮ. ᱨᱟᱡᱟ ᱦᱚᱛᱮᱛᱮ ᱫᱚᱦᱚ ᱞᱮᱱᱟ ᱛᱟᱦᱮᱸᱫ ᱾
ᱵᱷᱚᱵᱚᱱ ᱵᱤᱵᱽᱨᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱫᱚ ᱢᱤᱫ ᱱᱟᱜᱟᱢᱤᱭᱟᱹ ᱢᱮᱢᱚᱨᱤᱭᱟᱞ ᱛᱟᱞᱟ ᱨᱮ ᱢᱤᱫ ᱵᱩᱨᱩ ᱨᱮ ᱢᱮᱱᱟᱜᱼᱟ ᱾ ᱡᱟᱦᱟᱸ ᱫᱚ "ᱤᱴᱟ-ᱠᱤᱞᱟ" (ᱥᱟᱢᱟᱝ ᱫᱩᱣᱟᱹᱨ) ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾ ᱠᱚᱢᱯᱞᱮᱠᱥ ᱨᱮᱱᱟᱜ ᱴᱚᱴᱷᱟ ᱫᱚ ᱒᱗ ᱮᱠᱚᱨ (᱑᱑᱐,᱐᱐᱐ ᱥᱠᱚᱭᱟᱨ ᱢᱤᱴᱚᱨ) ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱛᱟᱥᱟᱫ ᱴᱟᱺᱰᱤ ᱟᱨ ᱵᱟᱜᱟᱱ ᱥᱟᱶ ᱥᱟᱶᱛᱮ ᱠᱤᱪᱮᱱ ᱵᱟᱜᱟᱱ ᱟᱨ ᱵᱟᱦᱟ ᱫᱟᱨᱮ ᱦᱚᱸ ᱢᱮᱱᱟᱜᱼᱟ ᱾
ᱢᱩᱬ ᱵᱷᱚᱵᱚᱱ ᱨᱮ ᱡᱚᱢᱟᱜ ᱚᱲᱟᱜ ᱟᱨ ᱯᱟᱲᱦᱟᱣ ᱚᱲᱟᱜ ᱥᱟᱶᱛᱮ ᱜᱚᱵᱷᱚᱨᱱᱚᱨ ᱥᱩᱭᱤᱴ ᱢᱮᱱᱟᱜᱼᱟ ᱾ ᱯᱩᱭᱞᱩ ᱛᱷᱚᱠ ᱨᱮ ᱯᱮᱭᱟ ᱯᱮᱲᱟ ᱚᱲᱟᱜ ᱢᱮᱱᱟᱜᱼᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ, "ᱛᱤᱨᱚᱯ", "ᱞᱳᱦᱤᱛ" ᱟᱨ "ᱥᱤᱭᱚᱝ" ᱟᱨ ᱞᱟᱛᱟᱨ ᱨᱮ ᱵᱟᱨᱭᱟ ᱯᱮᱲᱟ ᱚᱲᱟᱜ ᱢᱮᱱᱟᱜᱼᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ, "ᱠᱟᱢᱮᱝ" ᱟᱨ "ᱥᱩᱵᱚᱱᱥᱤᱨᱤ" ᱾ ᱱᱚᱣᱟ ᱠᱚ ᱵᱮᱜᱚᱨ ᱦᱚᱸ ᱯᱮᱭᱟ ᱯᱮᱲᱟ ᱚᱲᱟᱜ "ᱛᱚᱣᱟᱝ", "ᱫᱤᱨᱚᱝ" ᱟᱨ "ᱪᱟᱝᱞᱟᱝ" ᱢᱮᱱᱟᱜᱼᱟ ᱾
ᱯᱚᱱᱚᱛ ᱜᱚᱢᱠᱮ ᱭᱟᱜ ᱟᱜ ᱚᱯᱷᱤᱥ, ᱮ.ᱰᱤ.ᱥᱤ. ᱟᱨ ᱯᱤ.ᱮᱥ. ᱠᱚᱣᱟᱜ ᱠᱩᱴᱨᱤ ᱫᱚ ᱞᱟᱛᱟᱨ ᱨᱮ ᱢᱮᱱᱟᱜᱼᱟ ᱾ ᱜᱟᱱᱫᱷᱤ ᱦᱚᱞ, ᱚᱛ ᱨᱮ ᱥᱤᱫᱽᱫᱷᱚᱨᱛᱷ ᱦᱚᱞ ᱟᱨ ᱯᱩᱭᱞᱩ ᱛᱟᱞᱟ ᱨᱮ ᱜᱟᱭᱚᱛᱨᱤ ᱦᱚᱞ ᱧᱩᱛᱩᱢ ᱛᱮ ᱢᱤᱫ ᱯᱚᱛᱚᱵ ᱚᱲᱟᱜ ᱟᱨ ᱫᱩᱯᱩᱲᱩᱵ ᱦᱚᱞ ᱢᱮᱱᱟᱜᱼᱟ ᱾
ᱵᱟᱨᱭᱟ ᱫᱟᱠᱟ ᱚᱲᱟᱜ ᱢᱮᱱᱟᱜᱼᱟ ᱾ ᱮᱪ. ᱤ. ᱟᱜ ᱯᱨᱟᱭᱵᱷᱮᱴ ᱫᱟᱠᱟ ᱚᱲᱟᱜ ᱫᱚ ᱯᱩᱭᱞᱩ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱞᱟᱛᱟᱨ ᱨᱮ ᱢᱮᱱᱟᱜ ᱫᱟᱠᱟ ᱚᱲᱟᱜ ᱫᱚ ᱯᱮᱲᱟ ᱠᱚ ᱟᱨ ᱚᱠᱟ ᱚᱠᱟ ᱡᱷᱚᱜ ᱦᱩᱭᱩᱜ ᱯᱟᱨᱴᱤ ᱠᱚ ᱞᱟᱹᱜᱤᱫ ᱠᱟᱱᱟ ᱾
ᱨᱟᱡᱽ ᱵᱷᱚᱵᱚᱱ ᱨᱮ ᱢᱤᱫ ᱵᱤᱞᱤᱭᱟᱨᱰ ᱠᱩᱴᱨᱤ, ᱢᱤᱫ ᱛᱟᱥᱟᱫ ᱴᱟᱺᱰᱤ ᱴᱮᱱᱤᱥ ᱠᱳᱨᱴ, ᱢᱤᱫ ᱵᱮᱰᱢᱤᱱᱴᱚᱱ ᱠᱳᱨᱴ ᱢᱮᱱᱟᱜᱼᱟ ᱾ ᱱᱚᱸᱰᱮ ᱫᱚ ᱢᱤᱫ ᱙-ᱦᱳᱞ ᱜᱳᱞᱯ ᱠᱳᱨᱥ ᱦᱚᱸ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱠᱤᱪᱷᱩ ᱱᱟᱣᱟ ᱫᱷᱟᱹᱨᱤᱡ ᱛᱮᱭᱟᱨ ᱫᱟᱲᱮᱭᱟᱜᱼᱟ ᱾ ᱨᱟᱡᱽ ᱵᱷᱚᱵᱚᱱ ᱥᱟᱶ ᱡᱚᱲᱟᱣ ᱟᱠᱟᱱ ᱢᱤᱫ ᱦᱮᱞᱤᱯᱮᱰ ᱦᱚᱸ ᱢᱮᱱᱟᱜᱼᱟ ᱾
ᱱᱚᱣᱟ ᱚᱲᱟᱜ ᱨᱮ ᱢᱩᱬ ᱵᱟᱨ ᱛᱟᱞᱟ ᱚᱲᱟᱜ, ᱥᱩᱛᱨᱮᱛ ᱚᱲᱟᱜ ᱟᱨ ᱫᱚᱨᱵᱟᱨ ᱦᱚᱞ ᱢᱮᱱᱟᱜᱼᱟ ᱾ ᱵᱷᱤ.ᱟᱭᱤ.ᱯᱤ. ᱜᱮᱥᱴ ᱦᱟᱣᱩᱥ ᱫᱚ ᱯᱚᱱᱚᱛ ᱫᱤᱥᱩᱣᱟᱹ ᱠᱟᱹᱢᱤ ᱵᱤᱵᱷᱟᱜᱽ ᱦᱚᱛᱮᱛᱮ ᱛᱮᱭᱟᱨ ᱟᱠᱟᱱᱟ ᱾