ᱨᱟᱡᱽ ᱵᱷᱚᱵᱚᱱ, ᱵᱷᱚᱯᱟᱞ
| ᱨᱟᱡᱽ ᱵᱷᱚᱵᱚᱱ, ᱵᱷᱚᱯᱟᱞ | |
|---|---|
 | |
| General information | |
| Type | ᱢᱩᱬ ᱛᱟᱦᱮᱸᱱ ᱛᱷᱟᱱ |
| Coordinates | 23°14′26″N 77°24′12″E / 23.240647°N 77.403250°ECoordinates: 23°14′26″N 77°24′12″E / 23.240647°N 77.403250°E |
| Owner | ᱢᱚᱫᱷᱭᱚ ᱯᱨᱚᱫᱮᱥ ᱥᱚᱨᱠᱟᱨ |
| References | |
| Website | |
ᱨᱟᱡᱽ ᱵᱷᱚᱵᱚᱱ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱚᱲᱟᱜ ᱠᱟᱱᱟ ᱾ ᱱᱚᱣᱟ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱨᱟᱡᱽᱜᱟᱲ ᱵᱷᱚᱯᱟᱞ ᱨᱮ ᱢᱮᱱᱟᱜᱼᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱘᱘᱐ ᱥᱮᱨᱢᱟ ᱨᱮ ᱵᱷᱚᱯᱟᱞ ᱨᱤᱱᱤᱡ ᱵᱮᱜᱟᱢ ᱥᱩᱞᱛᱟᱱ ᱥᱟᱦᱡᱟᱦᱟᱸ ᱫᱚ ᱵᱨᱤᱴᱤᱥ ᱥᱚᱨᱠᱟᱨᱤ ᱠᱚ ᱛᱟᱦᱮᱸᱱ ᱞᱟᱹᱜᱤᱫ ᱛᱮ ᱱᱤᱛᱚᱜᱟᱜ ᱨᱟᱡᱽ ᱵᱷᱚᱵᱚᱱ ᱵᱮᱱᱟᱣ ᱞᱮᱫᱼᱟ ᱾ ᱮᱛᱚᱦᱚᱵ ᱨᱮ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱞᱟᱞ ᱠᱳᱴᱷᱤ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱑᱘᱘᱐ ᱥᱮᱨᱢᱟ ᱠᱷᱚᱱ ᱞᱟᱞ ᱠᱳᱴᱷᱤ ᱵᱷᱚᱯᱟᱞ ᱨᱮ ᱵᱨᱤᱴᱤᱥ ᱨᱟᱡᱽᱟᱹᱨᱤ ᱮᱡᱮᱱᱴ ᱠᱚᱣᱟᱜ ᱥᱚᱨᱠᱟᱨᱤ ᱛᱟᱦᱮᱸᱱ ᱚᱲᱟᱜ ᱵᱮᱱᱟᱣ ᱮᱱᱟ ᱾
ᱠᱚᱢᱤᱥᱚᱱᱚᱨ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑ ᱡᱩᱱ ᱑᱙᱔᱙ ᱥᱟᱞᱮ ᱨᱮ ᱒᱕᱐ ᱥᱮᱨᱢᱟ ᱫᱷᱟᱹᱨᱤᱡ ᱨᱟᱡᱟ ᱥᱟᱥᱚᱱ ᱢᱩᱪᱟᱹᱫ ᱠᱟᱛᱮ ᱵᱷᱚᱯᱟᱞ ᱫᱚ ᱥᱤᱧᱚᱛ ᱜᱟᱶᱛᱟ ᱨᱮ ᱥᱮᱞᱮᱫ ᱞᱮᱱᱟ ᱾
ᱥᱤᱧᱚᱛ ᱥᱚᱨᱠᱟᱨ ᱫᱚ ᱵᱷᱚᱯᱟᱞ ᱞᱟᱹᱜᱤᱫ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱮ ᱵᱟᱪᱷᱚᱱ ᱠᱮᱫᱮᱭᱟ, ᱡᱟᱦᱟᱸᱭ ᱫᱚ ᱢᱩᱬᱩᱛ ᱠᱚᱢᱤᱥᱚᱱᱟᱨ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱟᱨ ᱞᱟᱞ ᱠᱳᱴᱷᱤ ᱫᱚ ᱢᱩᱬᱩᱛ ᱠᱚᱢᱤᱥᱚᱱᱟᱨᱟᱜ ᱥᱚᱨᱠᱟᱨᱤ ᱚᱲᱟᱜ ᱞᱮᱠᱟᱛᱮ ᱠᱚ ᱵᱟᱪᱷᱚᱱ ᱠᱮᱫᱼᱟ ᱟᱨ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱠᱚᱢᱤᱥᱚᱱᱟᱨ ᱦᱟᱣᱩᱥ ᱠᱚ ᱫᱚᱦᱚ ᱠᱮᱫᱼᱟ ᱾
ᱞᱟᱞ ᱠᱳᱴᱷᱤ ᱫᱚ ᱑ ᱡᱩᱱ ᱑᱙᱔᱙ ᱠᱷᱚᱱ ᱑ ᱰᱤᱥᱮᱢᱵᱚᱨ ᱑᱙᱕᱖ ᱫᱷᱟᱹᱨᱤᱡ ᱠᱚᱢᱤᱥᱚᱱᱚᱨ ᱦᱟᱣᱩᱥ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾
ᱢᱚᱫᱷᱭᱚ ᱯᱨᱚᱫᱮᱥ ᱵᱮᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱕᱖ ᱥᱮᱨᱢᱟ ᱨᱮᱱᱟᱜ ᱯᱚᱱᱚᱛ ᱨᱤᱳᱨᱜᱚᱱᱤᱡᱮᱥᱚᱱ ᱟᱠᱴ ᱦᱚᱛᱮᱛᱮ ᱵᱷᱚᱯᱟᱞ ᱯᱚᱱᱚᱛ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮ ᱥᱮᱞᱮᱫ ᱞᱮᱱᱟ ᱟᱨ ᱵᱷᱚᱯᱟᱞ ᱫᱚ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱢᱮᱱᱛᱮ ᱠᱚ ᱞᱟᱹᱭ ᱞᱮᱫᱼᱟ ᱾
ᱥᱤᱧᱚᱛ ᱥᱚᱨᱠᱟᱨ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱ ᱯᱚᱱᱚᱛ ᱜᱚᱢᱠᱮ ᱠᱚᱭ ᱯᱚᱱᱚᱛ ᱨᱤᱱ ᱢᱩᱬᱩᱛ ᱞᱮᱠᱟᱛᱮ ᱵᱟᱪᱷᱚᱱ ᱠᱮᱫ ᱠᱚᱣᱟ ᱟᱨ ᱞᱟᱞ ᱠᱳᱴᱷᱤ ᱫᱚ ᱢᱤᱫ ᱫᱷᱟᱣ ᱟᱨᱦᱚᱸ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱ ᱯᱚᱱᱚᱛ ᱜᱚᱢᱠᱮ ᱭᱟᱜ ᱥᱚᱨᱠᱟᱨᱤ ᱚᱲᱟᱜ ᱞᱮᱠᱟᱛᱮ ᱵᱟᱪᱷᱚᱱ ᱮᱱᱟ ᱾
ᱠᱚᱢᱤᱥᱚᱱᱚᱨ ᱦᱟᱣᱩᱥ ᱨᱮᱱᱟᱜ ᱧᱩᱛᱩᱢ ᱫᱚ ᱨᱟᱡᱽ ᱵᱷᱚᱵᱚᱱ ᱠᱚ ᱫᱚᱦᱚ ᱠᱮᱫᱟ ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱜᱮ ᱱᱚᱣᱟ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱ ᱯᱚᱱᱚᱛ ᱜᱚᱢᱠᱮ ᱠᱚᱣᱟᱜ ᱥᱚᱨᱠᱟᱨᱤ ᱚᱲᱟᱜ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟ ᱾
ᱯᱟᱠᱟ ᱚᱲᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱘᱘᱐ ᱥᱮᱨᱢᱟ ᱨᱮ ᱵᱷᱚᱯᱟᱞ ᱯᱚᱱᱚᱛ ᱨᱤᱱᱤᱡ ᱱᱟᱣᱟᱵᱽ, ᱵᱮᱜᱟᱢ ᱥᱟᱦᱡᱟᱦᱟᱸ ᱤᱫᱤ ᱛᱮ ᱳᱥᱴᱮᱴ ᱠᱩᱠ (ᱯᱷᱨᱟᱱᱥ ᱨᱤᱱᱤᱡ ᱢᱤᱫ ᱤᱱᱡᱤᱱᱤᱭᱚᱨ) ᱟᱜ ᱪᱟᱪᱞᱟᱣ ᱨᱮ ᱤᱭᱩᱨᱚᱯᱤᱭᱟᱱ ᱟᱨᱠᱤᱴᱮᱠᱪᱚᱨ ᱤᱫᱤ ᱛᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱑᱕,᱔᱒᱓ ᱥᱠᱚᱭᱟᱨ ᱯᱷᱩᱴ (᱑,᱔᱓᱒.᱘ ᱢᱤᱴᱟᱨ) ᱴᱚᱴᱷᱟ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱵᱮᱱᱟᱣ ᱞᱟᱹᱜᱤᱫ ᱛᱮ ᱗᱒,᱘᱗᱘ ᱴᱟᱠᱟ ᱓ ᱟᱱᱱᱟ ᱟᱨ ᱢᱤᱫ ᱯᱩᱭᱥᱟᱹ ᱾
ᱱᱚᱣᱟ ᱫᱚ ᱵᱷᱚᱯᱟᱞ ᱥᱚᱦᱚᱨ ᱨᱮᱱᱟᱜ ᱯᱩᱭᱞᱩ ᱠᱳᱴᱷᱤ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱪᱮᱛᱟᱱ ᱫᱚ ᱟᱨᱟᱜ ᱪᱤᱱᱤ ᱫᱷᱤᱨᱤ 'ᱠᱮᱵᱮᱞᱥ' ᱠᱷᱚᱱ ᱵᱮᱱᱟᱣ ᱟᱠᱟᱱᱟ ᱟᱨ ᱠᱳᱴᱷᱤ ᱨᱮᱱᱟᱜ ᱢᱩᱬ ᱪᱤᱛᱟᱹᱨ ᱫᱚ ᱟᱨᱟᱜ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱩᱱᱤ ᱱᱚᱣᱟ ᱯᱟᱠᱟ ᱚᱲᱚᱜ ᱨᱮᱱᱟᱜ ᱧᱩᱛᱩᱢ ᱫᱚ ᱞᱟᱞ ᱠᱳᱴᱷᱤ ᱠᱚ ᱫᱚᱦᱚ ᱠᱮᱫᱼᱟ ᱾
ᱢᱟᱲᱟᱝ ᱟᱜ ᱵᱷᱚᱯᱟᱞ ᱯᱚᱱᱚᱛ (ᱢᱩᱥᱞᱤᱢ ᱨᱟᱡᱚᱥᱴᱷᱤ) ᱨᱮ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱯᱚᱱᱚᱛ ᱟᱨᱵᱟᱝ ᱱᱟᱭᱤᱴ ᱢᱤᱫᱴᱟᱹᱝ ᱯᱟᱠᱟ ᱚᱲᱚᱜ ᱠᱚ ᱛᱮᱭᱟᱨ ᱠᱮᱫᱟ, ᱩᱱ ᱡᱚᱠᱷᱚᱡ ᱡᱚᱛᱚ ᱠᱷᱚᱱ ᱮᱦᱚᱵ ᱢᱚᱥᱡᱤᱫᱽ ᱨᱮᱱᱟᱜ ᱯᱷᱟᱣᱩᱱᱰᱮᱥᱚᱱ ᱠᱚ ᱫᱚᱦᱚ ᱠᱮᱫᱼᱟ ᱾ ᱱᱚᱝᱠᱟ ᱛᱮ ᱯᱩᱭᱞᱩ ᱨᱮ ᱞᱟᱞ ᱠᱳᱴᱷᱤ ᱠᱮᱢᱯᱟᱥ ᱨᱮᱱᱟᱜ ᱜᱚᱴᱟ ᱯᱟᱦᱴᱟ ᱨᱮ ᱢᱤᱫᱴᱟᱹᱝ ᱦᱩᱰᱤᱧ ᱢᱚᱥᱡᱤᱫᱽ ᱵᱮᱱᱟᱣ ᱮᱱᱟ ᱾
ᱩᱱ ᱚᱠᱛᱚ ᱨᱮ ᱵᱷᱚᱯᱟᱞ ᱥᱚᱨᱠᱟᱨ ᱫᱚ ᱵᱨᱤᱴᱤᱥ ᱟᱨ ᱯᱤ.ᱰᱟᱵᱽᱞᱭᱩ.ᱰᱤ. ᱚᱯᱷᱤᱥᱚᱨ ᱠᱚ ᱴᱷᱮᱱ ᱠᱳᱴᱷᱤ ᱭᱩᱨᱳᱯᱤᱭᱟᱱ ᱞᱮᱠᱟᱛᱮ ᱥᱟᱡᱟᱣ ᱫᱚᱦᱚ ᱞᱟᱹᱜᱤᱫ ᱜᱚᱲᱚᱭ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾