ᱪᱟᱭᱱᱤᱡᱽ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱪᱟᱭᱱᱤᱡᱽ ᱚᱞ

ᱪᱟᱭᱱᱤᱡᱽ ᱯᱟᱹᱨᱥᱤ ᱫᱚ ᱪᱟᱭᱱᱟ ᱫᱤᱥᱚᱢ ᱨᱮᱱᱟᱜ ᱢᱩᱬᱩᱛ ᱯᱟᱹᱨᱥᱤ ᱠᱟᱱᱟ ᱾ ᱱᱚᱣᱟ ᱫᱚ ᱫᱷᱟᱹᱨᱛᱤ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱚ ᱨᱚᱲᱮᱫ ᱯᱟᱹᱨᱥᱤ ᱠᱟᱱᱟ ᱾ ᱱᱚᱣᱟ ᱫᱚ ᱪᱟᱭᱱᱟ (ᱪᱤᱱ) ᱟᱨ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱛᱤᱢᱤᱱ ᱜᱟᱱ ᱫᱤᱥᱚᱢ ᱨᱮ ᱠᱚ ᱨᱚᱲ ᱠᱟᱱᱟ ᱾ ᱪᱟᱭᱱᱤᱡᱽ ᱯᱟᱹᱨᱥᱤ ᱫᱚ ᱥᱤᱱᱚ-ᱛᱤᱵᱽᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱡᱽ ᱨᱮᱱᱟᱜ ᱢᱤᱫ ᱯᱟᱹᱨᱥᱤ ᱠᱟᱱᱟ ᱾

ᱨᱚᱲ ᱦᱟᱹᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱱᱵᱟᱨᱤᱱ ᱪᱟᱭᱱᱤᱡ ᱟᱨᱥᱤ ᱛᱮ ᱨᱚᱲ ᱦᱚᱲ

ᱪᱟᱭᱱᱤᱡᱽ ᱯᱟᱹᱨᱥᱤ ᱫᱚ ᱢᱤᱫ ᱢᱟᱨᱟᱝ ᱫᱟᱨᱮ ᱠᱟᱱᱟ ᱾ ᱯᱷᱮᱰᱟᱛ ᱫᱚ ᱟᱹᱰᱤ ᱢᱟᱬᱟᱝ ᱨᱮᱭᱟᱜ ᱠᱟᱱᱟ, ᱱᱩᱛᱚᱜ ᱫᱚ ᱟᱹᱰᱤ ᱢᱟᱨᱟᱝ ᱰᱟᱹᱨ ᱟᱠᱟᱱᱟ ᱾ ᱪᱟᱭᱱᱤᱡᱽ ᱯᱟᱹᱨᱥᱩ ᱫᱚ ᱚᱥᱚᱞ ᱨᱮ ᱯᱟᱹᱨᱥᱤ ᱫᱚ ᱵᱟᱝ ᱠᱟᱱᱟ ᱾ ᱱᱚᱣᱟ ᱫᱚ ᱮᱭᱟᱭ ᱜᱚᱴᱟᱝ ᱢᱩᱬ ᱯᱟᱹᱨᱥᱤ ᱨᱮᱱᱟᱜ ᱜᱩᱴᱢᱤᱫ ᱠᱟᱱᱟ ᱾

  • ᱜᱩᱣᱟᱱ ("ᱮᱛᱚᱢ" ᱟᱨᱵᱟᱝ ᱢᱟᱱᱰᱟᱨᱤᱱ ᱪᱟᱭᱱᱤᱡᱽ) 北方話/北方话 or 官話/官话, (᱘᱔᱐ ᱢᱤᱞᱤᱭᱚᱱ ᱜᱟᱱ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ),
  • ᱣᱩ (ᱭᱩ ᱪᱟᱭᱱᱤᱡᱽ) 吳/吴, ᱡᱟᱦᱟᱸ ᱫᱚ ᱥᱟᱸᱜᱷᱟᱭᱱᱱᱡ ᱦᱚᱸᱭ ᱢᱮᱥᱟ ᱛᱟᱨᱟᱭᱮᱫᱼᱟ, (᱙᱐ ᱢᱤᱞᱤᱭᱚᱱ ᱜᱟᱱ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ),
  • ᱭᱩᱭ (ᱠᱟᱱᱴᱚᱱᱤᱡᱽ ᱯᱟᱹᱨᱥᱤ) 粵/粤, (᱘᱐ ᱢᱤᱞᱤᱭᱚᱱ ᱜᱟᱱ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ),
  • ᱢᱤᱱ (ᱦᱚᱠᱤᱱ, ᱡᱟᱦᱟᱸ ᱫᱚ ᱛᱟᱭᱣᱟᱱᱤᱡᱽ ᱦᱚᱸᱭ ᱢᱮᱥᱟ ᱛᱟᱨᱟᱭᱟ) 閩/闽, (᱕᱐ ᱢᱤᱞᱤᱭᱚᱱ ᱜᱟᱱ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ),
  • ᱡᱤᱭᱟᱝ 湘, (᱓᱕ ᱢᱤᱞᱤᱭᱚᱱ ᱜᱟᱱ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ),
  • ᱦᱟᱠᱟ 客家 ᱟᱨᱵᱟᱝ 客, ᱟᱨᱵᱟᱝ "ᱯᱮᱲᱟ ᱜᱷᱟᱨᱚᱡᱽ" ᱨᱚᱲ (᱓᱕ ᱢᱤᱞᱤᱭᱚᱱ ᱜᱟᱱ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ),
  • ᱜᱟᱱ 贛/赣, (᱒᱐ ᱢᱤᱞᱤᱭᱚᱱ ᱜᱟᱱ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ) ᱾

ᱪᱤᱠᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱭᱱᱤᱡᱽ ᱯᱟᱹᱨᱥᱤ ᱨᱮ ᱵᱷᱮᱯᱮᱫ ᱢᱮᱱᱟᱜ ᱚᱞ ᱞᱟᱹᱜᱤᱫ ᱫᱚ ᱢᱤᱫ ᱪᱤᱠᱤ ᱜᱮ ᱠᱚ ᱵᱮᱵᱷᱟᱨᱟ ᱾ ᱑᱙᱕᱖ ᱥᱟᱞᱮ ᱟᱠᱚᱭᱤᱡ ᱥᱚᱨᱠᱟᱨ ᱢᱤᱫ ᱩᱥᱟᱹᱨᱟ ᱪᱤᱠᱤᱭ ᱛᱚᱞ ᱠᱮᱜᱼᱟ ᱪᱤ ᱚᱱᱟ ᱪᱤᱠᱤ ᱛᱮᱜᱮ ᱠᱚ ᱚᱞᱚᱜ ᱢᱟ ᱢᱮᱱᱛᱮ ᱾ ᱢᱮᱱᱞᱮᱸᱰ ᱟᱨ ᱥᱤᱝᱜᱟᱯᱩᱨ ᱨᱮ ᱫᱚ ᱦᱚᱲ ᱠᱚ ᱩᱥᱟᱹᱨᱟ ᱪᱤᱠᱤ ᱜᱮ ᱠᱚ ᱵᱮᱵᱷᱟᱨᱮᱜᱼᱟ ᱾ ᱢᱮᱱᱠᱷᱟᱱ ᱦᱚᱝᱠᱚᱝ, ᱛᱟᱭᱣᱟᱱ ᱟᱨ ᱮᱴᱟᱜ ᱴᱚᱴᱷᱟ ᱠᱚᱨᱮ ᱫᱚ ᱪᱟᱭᱱᱤᱡᱽ ᱛᱮᱠᱚ ᱨᱚᱲ ᱠᱟᱱ ᱨᱮᱦᱚᱸ ᱢᱟᱨᱮ ᱪᱟᱭᱱᱤᱡ ᱪᱤᱠᱤ ᱛᱮᱜᱮ ᱠᱚ ᱚᱞᱚᱜ ᱠᱟᱱᱟ ᱾ ᱱᱩᱠᱩ ᱪᱤᱠᱤ ᱜᱮ ᱠᱚᱨᱤᱭᱮᱱ ᱯᱟᱹᱨᱥᱤ ᱨᱮᱦᱚᱸ ᱠᱚ ᱵᱮᱵᱷᱟᱨᱮᱫ ᱠᱚᱣᱟ ᱾ ᱠᱚᱨᱤᱭᱟᱱ ᱯᱟᱹᱨᱥᱤ ᱨᱮ ᱫᱚ ᱦᱟᱸᱡᱟ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱢᱤᱫ ᱪᱟᱭᱱᱤᱡ ᱦᱚᱲ ᱵᱷᱟᱜᱤ ᱚᱞ ᱯᱟᱲᱦᱟᱣᱤᱡ ᱫᱚ ᱖᱐᱐᱐ ᱠᱷᱚᱱ ᱗᱐᱐᱐ ᱜᱟᱱ ᱪᱤᱠᱤᱭ ᱵᱟᱰᱟᱭ ᱠᱟᱜᱼᱟ ᱪᱟᱭᱱᱤᱡᱽ ᱨᱮᱱᱟᱜ ᱾ ᱛᱚᱵᱮ ᱮᱱᱟᱝ ᱢᱤᱱᱞᱟᱸᱰ ᱵᱮᱣᱨᱟ ᱥᱟᱠᱟᱢᱮ ᱯᱟᱲᱦᱟᱣ ᱫᱟᱲᱮᱭᱟᱜᱼᱟ ᱾ ᱡᱟᱦᱟᱸᱭ ᱦᱚᱲ ᱔᱐᱐ ᱜᱟᱱ ᱪᱤᱠᱤᱭ ᱵᱟᱰᱟᱭ ᱠᱚᱣᱟ ᱩᱱᱤ ᱫᱚ ᱵᱮᱣᱨᱟ ᱥᱟᱠᱟᱢ ᱯᱟᱲᱦᱟᱣ ᱫᱟᱲᱮᱭᱟᱜᱼᱟᱭ ᱢᱮᱱᱠᱷᱟᱱ ᱛᱤᱢᱤᱱ ᱜᱟᱱ ᱟᱪᱠᱟ ᱚᱰᱚᱠ ᱦᱩᱭ ᱟᱭᱟ ᱨᱚᱲ ᱠᱚ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]