ᱪᱮᱬᱮ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
House sparrow04.jpg

ᱯᱷᱟ.ᱠᱬᱟ.ᱜ ᱢᱮᱱᱟᱜ ᱠᱚ ᱟᱨᱵᱟᱝ ᱩᱰᱟ.ᱣᱜ ᱠᱟᱱ ᱡᱟᱦᱟᱸ ᱜᱮ ᱡᱩᱱᱛᱩᱠ ᱩᱱᱠᱩ ᱫᱚ ᱪᱮᱬᱮ ᱠᱚ ᱢᱮᱛᱟ ᱠᱚᱣᱟ ᱾[᱑] ᱡᱤᱣᱤ ᱥᱟᱬᱮᱥ ᱨᱮᱫᱚ ᱮᱣᱤᱥ ᱛᱷᱚᱠ ᱨᱤᱱ ᱡᱩᱱᱛᱩᱠ ᱫᱚ ᱪᱮᱬᱮ ᱠᱚ ᱢᱮᱛᱟ ᱠᱚᱣᱟ ᱾ ᱵᱤᱞᱤ ᱠᱚ ᱵᱮᱡᱽ ᱱᱩᱠᱩ ᱡᱟᱱᱣᱟ ᱫᱚ ᱥᱩᱨ ᱥᱩᱯᱩᱨ ᱑᱐,᱐᱐᱐ ᱞᱮᱠᱟᱱ ᱡᱟ.ᱛᱤ ᱱᱤᱭᱟ. ᱚᱠᱛᱚ ᱨᱮ ᱱᱚᱣᱟ ᱫᱷᱟ.ᱨᱛᱤ ᱨᱮ ᱵᱟᱥᱟ ᱠᱟᱛᱮ ᱢᱮᱱᱟᱜ ᱠᱚᱣᱟ ᱾[᱒] ᱱᱩᱠᱩᱣᱟᱜ ᱦᱚᱲᱢᱚ ᱫᱚ ᱒" ᱠᱷᱚᱱ ᱘ ᱯᱷᱩᱴ ᱫᱷᱟ.ᱵᱤᱡ ᱠᱚ ᱦᱩᱭ ᱫᱟᱲᱮᱭᱟᱜ-ᱟ ᱾ ᱢᱮᱱᱮᱛ ᱱᱩᱠᱩ ᱫᱚ ᱟᱨᱠᱴᱤᱠ ᱠᱷᱚᱱ ᱟᱸᱴᱟᱨᱠᱴᱤᱠ ᱜᱚᱴᱟᱯᱟᱲᱟ ᱜᱮᱠᱚ ᱧᱟᱢᱚᱜ-ᱟ ᱾ ᱪᱮᱬᱮ ᱫᱚ ᱩᱥᱩᱞ ᱩᱥᱩᱞ ᱵᱩᱨᱩ ᱩᱰᱟ.ᱣ ᱠᱟᱛᱮ ᱠᱚ ᱯᱟᱨᱚᱢ ᱫᱟᱲᱮᱭᱟᱜ-ᱟ ᱾ ᱱᱩᱠᱩ ᱜᱟᱺᱦᱤᱨ ᱫᱟᱜ ᱨᱮ ᱒᱕᱐ ᱢᱤ. ᱫᱷᱟ.ᱵᱤᱡ ᱠᱚ ᱩᱱᱩᱢ ᱫᱟᱲᱮᱭᱟᱜ-ᱟ ᱾ ᱱᱩᱠᱩ ᱚᱱᱠᱟᱱ ᱢᱟᱦᱟᱥᱟᱜᱚᱨ ᱪᱮᱛᱟᱱ ᱨᱮ ᱩᱰᱟ.ᱣᱜ ᱠᱚ ᱧᱮᱞ ᱟᱠᱟᱱᱟ ᱡᱟᱦᱟᱸ ᱠᱷᱚᱱ ᱠᱟᱛᱟ ᱫᱚ ᱜᱮᱥᱟᱭ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱾ ᱱᱩᱠᱩᱣᱟᱜ ᱦᱚᱲᱢᱚ ᱫᱚ ᱯᱷᱟ.ᱠᱬᱟ.ᱜ ᱛᱮ ᱯᱚᱴᱚᱢ ᱮᱥᱮᱫ ᱠᱚᱜ-ᱟ ᱾ ᱡᱚᱛᱚ ᱡᱤᱵᱽ ᱠᱷᱚᱱ ᱪᱮᱬᱮ ᱫᱚ ᱡᱚᱛᱚ ᱠᱷᱚᱱ ᱪᱚᱨᱚᱠ ᱟᱨᱵᱟᱝ ᱧᱮᱞ ᱥᱟᱱᱟ ᱡᱩᱱᱛᱩᱠ ᱠᱟᱱᱟ ᱠᱚ ᱾ ᱯᱷᱟ.ᱠᱬᱟ.ᱜ ᱛᱟᱦᱮᱸᱱ ᱛᱩᱞᱩᱡ ᱦᱚᱸ ᱛᱤᱱᱟ.ᱝ ᱜᱟᱱ ᱪᱮᱬᱮ ᱫᱚ ᱵᱟᱠᱚ ᱩᱰᱟ.ᱣ ᱫᱟᱲᱮᱭᱟᱜ-ᱟ ᱤᱠᱷᱟ.ᱱ ᱵᱟ.ᱲᱛᱤ ᱪᱮᱬᱮ ᱥᱮᱨᱢᱟ ᱨᱮ ᱩᱰᱟ.ᱣᱜ ᱠᱚ ᱧᱮᱞᱚᱜ-ᱟ ᱾


ᱱᱩᱠᱩᱣᱟᱜ ᱫᱚ ᱯᱩᱨᱟ. ᱦᱚᱲᱢᱚ ᱤᱞ ᱛᱮ ᱯᱚᱴᱚᱢ ᱠᱚᱜ-ᱟ ᱾ ᱦᱚᱲᱢᱚ ᱫᱚ ᱵᱚᱦᱚᱜ, ᱦᱚᱴᱚᱜ, ᱜᱩᱸᱰ ᱟᱨ ᱪᱩᱯᱤ ᱞᱮᱠᱟᱛᱮ ᱦᱟ.ᱴᱤᱧ ᱛᱟᱦᱮᱸᱱᱟ ᱾ ᱢᱟᱥᱠᱩᱲᱟ. ᱫᱚ ᱴᱷᱚᱱᱴᱟ ᱨᱮ ᱵᱚᱫᱚᱞᱚᱜ-ᱟ, ᱡᱟᱦᱟᱸᱨᱮ ᱰᱟᱴᱟ ᱫᱚ ᱵᱟᱝ ᱧᱟᱢᱚᱜ-ᱟ ᱾

ᱞᱮᱠᱟᱱ ᱞᱮᱠᱟᱱ ᱪᱮᱬᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱫᱷᱟ.ᱨᱛᱤ ᱨᱮ ᱟ.ᱰᱤ ᱞᱮᱠᱟᱱ ᱪᱮᱬᱮ ᱢᱮᱱᱟᱜ ᱠᱚᱣᱟ ᱾ ᱦᱩᱰᱤᱧ ᱦᱩᱰᱤᱧ ᱠᱷᱚᱱ ᱮᱛᱚᱦᱵ ᱠᱟᱛᱮ ᱟ.ᱰᱤ ᱢᱟᱨᱟᱝ ᱫᱷᱟ.ᱵᱤᱡ ᱾ ᱚᱱᱠᱟ ᱜᱮ ᱦᱚᱲᱢᱚ ᱨᱮᱭᱟᱜ ᱤᱞ ᱨᱚᱝ ᱛᱟᱠᱚ ᱦᱚᱸ ᱵᱷᱮᱜᱟᱨ ᱵᱷᱮᱜᱟᱨᱟ ᱾ ᱩᱱᱠᱩᱣᱟᱜ ᱨᱟᱜ ᱟᱲᱟᱝ ᱦᱚᱸ ᱵᱷᱮᱜᱟᱨ ᱵᱷᱮᱜᱟᱨᱟ ᱾ ᱵᱟ.ᱲᱛᱤ ᱞᱮᱠᱟᱛᱮ ᱪᱮᱬᱮ ᱫᱚ ᱟᱠᱚᱣᱟᱜ ᱨᱩᱯ ᱚᱲᱚᱝ ᱠᱷᱚᱱ ᱫᱚ ᱟᱠᱚᱣᱟᱜ ᱨᱟᱜ ᱟᱲᱟᱝ ᱛᱮ ᱥᱟᱺᱜᱤᱧ ᱠᱷᱚᱱ ᱜᱮᱠᱮ ᱪᱤᱱᱦᱟ.ᱣ ᱜᱟᱱᱚᱜ-ᱟ ᱾ ᱛᱤᱱᱟ.ᱝ ᱜᱟᱱ ᱪᱮᱬᱮ ᱫᱤᱱᱟ.ᱢ ᱜᱮᱠᱚ ᱧᱮᱞᱚᱜ-ᱟ ᱟᱨ ᱛᱤᱱᱟ.ᱝ ᱜᱟᱱ ᱪᱮᱬᱮ ᱫᱚ ᱦᱚᱭ ᱦᱤᱥᱤᱫ ᱡᱟ.ᱱᱤ ᱠᱚ ᱥᱚᱫᱚᱨᱚᱜ-ᱟ ᱾ ᱪᱟᱥ ᱵᱟᱥ ᱧᱮᱞ ᱠᱟᱛᱮ ᱚᱱᱟ ᱞᱮᱠᱟ ᱛᱮᱠᱚ ᱥᱚᱫᱚᱨᱚᱜ-ᱟ ᱾ ᱛᱤᱱᱟ.ᱝ ᱜᱟᱱ ᱪᱮᱬᱮ ᱫᱚ ᱜᱷᱩᱴᱩ ᱥᱩᱢᱩᱝ ᱨᱮᱠᱚ ᱛᱟᱦᱮᱸᱱᱟ ᱟᱨ ᱛᱤᱱᱟ.ᱝ ᱜᱟᱱ ᱪᱮᱬᱮ ᱫᱚ ᱜᱷᱩᱴᱩ ᱥᱟᱶᱛᱮ ᱫᱟᱜ ᱨᱮᱦᱚᱸ ᱦᱚᱸ ᱡᱤᱭᱚᱢ ᱠᱚ ᱠᱷᱮᱢᱟᱣᱟ ᱾ ᱵᱟ.ᱲᱛᱤ ᱠᱷᱚᱱ ᱵᱟ.ᱲᱛᱤ ᱪᱮᱬᱮ ᱫᱟᱨᱮ ᱪᱮᱛᱟᱱ ᱰᱟ.ᱨ ᱨᱮ ᱛᱩᱠᱟ. ᱠᱟᱛᱮ ᱵᱤᱞᱤ ᱵᱮᱡ ᱠᱟᱛᱮ ᱜᱤᱫᱽᱨᱟ. ᱠᱚ ᱡᱟᱱᱟᱢ ᱠᱚᱣᱟ ᱾ ᱟᱨ ᱛᱤᱱᱟ.ᱝ ᱜᱟᱱ ᱪᱮᱬᱮ ᱫᱚ ᱚᱛ ᱞᱟᱴᱟ ᱜᱟᱡᱟᱲ ᱠᱚᱨᱮ ᱛᱩᱠᱟ. ᱠᱟᱛᱮ ᱵᱤᱞᱤ ᱠᱚ ᱵᱮᱡᱽ-ᱟ ᱾

ᱪᱮᱬᱮ


ᱪᱮᱬᱮᱭᱟᱜ ᱧᱩᱛᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟ.ᱰᱤ ᱞᱮᱠᱟᱱ ᱪᱮᱬᱮ ᱢᱮᱣᱟᱜ ᱠᱚᱣᱟ ᱟᱨ ᱪᱮᱬᱮ ᱡᱟ.ᱱᱤ ᱧᱩᱛᱩᱢ ᱦᱚᱸ ᱛᱟᱠᱚ ᱟ.ᱰᱤ ᱞᱮᱠᱟᱱᱟ ᱾ ᱱᱤᱱᱤ ᱱᱤᱱᱤ ᱪᱮᱬᱮ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱦᱚᱲ ᱥᱚᱢᱟᱱ ᱪᱮᱬᱮ ᱾ ᱩᱱᱠᱩ ᱪᱮᱬᱮ ᱠᱚ ᱛᱟᱞᱟᱨᱮ ᱛᱤᱱᱟ.ᱝ ᱜᱟᱱ ᱧᱩᱛᱩᱢ ᱦᱩᱭᱩᱜ ᱠᱟᱱᱟ : ᱦᱟᱸᱥ ᱦᱟᱺᱥᱞᱤ, ᱢᱟᱨᱟᱜ, ᱢᱤᱨᱩ, ᱥᱟᱨᱚ, ᱠᱚᱭᱮᱞ, ᱯᱚᱛᱟᱢ, ᱯᱟᱣᱨᱟ, ᱠᱤᱥᱱᱤ, ᱜᱩᱸᱰᱨᱤ, ᱩᱸᱴ ᱪᱮᱬᱮ , ᱜᱷᱮᱲᱣᱟ, ᱪᱟ.ᱧᱪᱤᱨ, ᱛᱩᱫ, ᱠᱟ.ᱦᱩ, ᱠᱩᱲᱤᱫ, ᱯᱟᱡᱷᱟᱲ, ᱜᱤᱫᱤ, ᱠᱚᱜ, ᱞᱩᱵᱩᱜ ᱠᱚᱜ, ᱰᱟ.ᱠ, ᱫᱟᱜ ᱫᱟᱨᱟᱢ, ᱠᱟᱺᱭᱩᱨ ᱟᱨ ᱦᱚᱸ ᱟ.ᱰᱤ ᱞᱮᱠᱟᱱ ᱪᱮᱬᱮ ᱧᱩᱛᱩᱢ ᱢᱮᱱᱟᱜ-ᱟ ᱾ ᱠᱚᱠᱚᱨ ᱦᱚᱸ ᱢᱤᱫ ᱞᱮᱠᱟᱱ ᱪᱮᱬᱮ ᱜᱮ , ᱱᱩᱭ ᱫᱚ ᱫᱤᱱ ᱵᱮᱲᱟ ᱫᱚ ᱵᱟᱭ ᱧᱮᱧᱮᱞ ᱠᱷᱟ.ᱛᱤᱨ, ᱧᱤᱫᱟ. ᱟᱡᱟᱜ ᱵᱟᱥᱟ ᱠᱷᱚᱱ ᱮ ᱩᱰᱩᱠᱚᱜ-ᱟ ᱾ ᱵᱟᱫᱽᱲᱟ, ᱵᱟ.ᱨᱫᱩᱲᱤᱡ ᱦᱚᱸ ᱢᱤᱫ ᱞᱮᱠᱟᱱ ᱪᱮᱬᱮ ᱜᱮ ᱾ ᱪᱮᱫᱟᱜ ᱥᱮ ᱩᱰᱟ.ᱣᱜ ᱟᱠᱚ ᱾ ᱱᱩᱠᱩ ᱦᱚᱸ ᱵᱟ.ᱲᱛᱤ ᱞᱮᱠᱟ ᱛᱮᱫᱚ ᱧᱤᱫᱟ. ᱵᱮᱲᱟ ᱜᱮᱠᱚ ᱩᱰᱩᱠᱚᱜ-ᱟ ᱾ ᱱᱩᱠᱩ ᱫᱚ ᱟᱫᱷᱟ ᱡᱟᱱᱣᱟ ᱛᱮᱦᱚᱸ ᱠᱚ ᱥᱮᱱᱚᱜ-ᱟ, ᱪᱮᱫᱟᱜ ᱥᱮ ᱱᱩᱠᱩ ᱪᱮᱬᱮ ᱞᱮᱠᱟ ᱠᱚ ᱩᱰᱟ.ᱣᱜ ᱨᱮᱦᱚᱸ , ᱱᱩᱠᱩᱣᱟᱜ ᱪᱮᱬᱮ ᱞᱮᱠᱟ ᱴᱷᱚᱱᱴᱟ ᱵᱟ.ᱱᱩᱜ-ᱟ, ᱱᱩᱠᱩᱣᱟᱜ ᱫᱚ ᱡᱟᱱᱣᱟ ᱞᱮᱠᱟ ᱢᱩᱥᱟ.ᱨ ᱟᱨ ᱰᱟᱴᱟ ᱛᱟᱦᱮᱸᱱᱟ ᱾ ᱜᱤᱫᱽᱨᱟ. ᱡᱟᱱᱟᱢ ᱞᱟ.ᱜᱤᱫ ᱵᱤᱞᱤ ᱵᱟᱠᱚ ᱵᱟᱡᱽ-ᱟ, ᱡᱟᱱᱣᱟ ᱞᱮᱠᱟ ᱜᱤᱫᱽᱨᱟ. ᱫᱚᱠᱚ ᱡᱟᱱᱟᱢ ᱠᱚᱣᱟ ᱾ ᱱᱩᱠᱩ ᱫᱚᱠᱚ ᱩᱰᱟ.ᱣᱜ ᱨᱮᱦᱚᱸ ᱦᱚᱲᱢᱚ ᱨᱮ ᱤᱞ ᱫᱚ ᱵᱟ.ᱱᱩᱜ ᱛᱟᱠᱚᱣᱟ ᱾ ᱛᱤᱱᱟ.ᱝ ᱜᱟᱱ ᱟ.ᱥᱩᱞ ᱪᱮᱬᱮ, ᱡᱮᱞᱮᱠᱟ : ᱥᱤᱢ, ᱜᱮᱰᱮ, ᱱᱩᱠᱩ ᱫᱚ ᱪᱮᱬᱮ ᱡᱟ.ᱛ ᱠᱟᱱ ᱨᱮᱦᱚᱸ ᱠᱚ ᱩᱰᱟ.ᱣ ᱫᱚ ᱵᱟᱠᱚ ᱩᱰᱟ.ᱣᱜ-ᱟ ᱮᱴᱟᱜ ᱪᱮᱬᱮ ᱠᱚ ᱞᱮᱠᱟ ᱾ [᱓]

ᱦᱚᱲᱢᱚ ᱜᱚᱲᱦᱚᱱ ᱟᱨ ᱥᱟᱬᱮᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱫᱷᱟ ᱠᱷᱚᱱ ᱵᱟ.ᱲᱛᱤ ᱪᱮᱬᱮ ᱠᱚ ᱩᱰᱟ.ᱣ ᱫᱟᱲᱮᱭᱟᱜ-ᱟ , ᱡᱟᱦᱟᱸᱭ ᱩᱱᱠᱩ ᱫᱚ ᱥᱩᱨᱥᱩᱯᱩᱨ ᱡᱚᱛᱚ ᱡᱟᱝ ᱢᱮᱱᱟᱜ ᱡᱟᱱᱣᱟ ᱛᱷᱚᱠ ᱠᱷᱚᱱ ᱫᱚᱭ ᱵᱷᱮᱜᱟᱨ ᱠᱚᱣᱟ ᱾ ᱪᱮᱬᱮ ᱫᱚ ᱦᱟᱱᱟ ᱱᱷᱣᱟ ᱠᱚ ᱡᱚᱢᱟ, ᱡᱮᱞᱮᱠᱟ ᱡᱚ, ᱵᱟᱦᱟ, ᱡᱟᱝ , ᱥᱮᱭᱟ ᱡᱤᱞ, ᱟᱨ ᱠᱟ.ᱴᱤᱡ ᱠᱟ.ᱴᱤᱡ ᱡᱟᱱᱣᱟ ᱦᱟᱞᱚ ᱠᱟᱛᱮ ᱠᱚ ᱡᱚᱢ ᱠᱚᱣᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. del Hoyo, Josep (1992). Handbook of Birds of the World, Volume 1: Ostrich to Ducks. Barcelona: Lynx Edicions. ISBN 84-87334-10-5.  Unknown parameter |coauthors= ignored (|author= suggested) (help)
  2. Newton, Ian (2003). पक्षियों के बायोजियोग्राफी प्रजातीकरण. Amsterdam: Academic Press. pp. p. 463. ISBN 0-12-517375-X. 
  3. "List of birds of India". Wikipedia. 2007-04-27. Retrieved 2019-08-27.