ᱫᱳᱨᱚᱵᱽᱡᱤ ᱴᱟᱴᱟ

ᱫᱳᱨᱚᱵᱽᱡᱤ ᱴᱟᱴᱟ
ᱫᱳᱨᱚᱵᱽᱡᱤ ᱴᱟᱴᱟ
	ᱫᱳᱨᱚᱵᱽ ᱴᱟᱴᱟ
ᱥᱤᱧᱚᱛᱤᱭᱟᱹ ᱚᱞᱤᱢᱯᱤᱠ ᱟᱥᱚᱥᱤᱭᱮᱥᱚᱱ ᱨᱤᱱᱤᱡ ᱯᱩᱭᱞᱩ ᱯᱟᱨᱥᱮᱛ
	ᱟᱹᱢᱟᱹᱞᱤ ᱨᱮ; ᱑᱙᱒᱗ – ᱑᱙᱒᱘
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱴᱷᱟᱶ ᱵᱮᱱᱟᱣ ᱟᱠᱟᱱᱟ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱯᱟᱴᱤᱭᱟᱞᱟ ᱨᱤᱱᱤᱡ ᱢᱚᱦᱟᱨᱟᱡᱟ ᱵᱷᱩᱯᱤᱱᱫᱚᱨ ᱥᱤᱝ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱒᱗ ᱚᱜᱚᱥᱴ ᱑᱘᱕᱙; ᱵᱚᱢᱵᱮ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱓ ᱡᱩᱱ ᱑᱙᱓᱒ (᱗᱒ ᱵᱚᱭᱚᱥ); ᱵᱮᱰ ᱠᱤᱥᱤᱝᱜᱚᱱ, ᱡᱟᱨᱢᱟᱱᱤ
ᱡᱤᱭᱚᱱ ᱥᱚᱦᱮᱫ	ᱢᱮᱦᱮᱨᱵᱟᱭ ᱵᱷᱟᱵᱷᱟ
ᱜᱳ/ᱵᱟᱵᱟ	ᱦᱤᱨᱟᱵᱟᱭ ᱟᱨ ᱡᱟᱢᱥᱮᱫᱽᱡᱤ ᱴᱟᱴᱟ
ᱥᱮᱪᱮᱫ ᱟᱠᱷᱲᱟ	ᱠᱮᱢᱵᱨᱤᱰᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ; ᱵᱚᱢᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱠᱟᱹᱢᱤ	ᱠᱟᱹᱨᱜᱟᱲᱤᱭᱟᱹ, ᱥᱟᱶᱛᱟ ᱠᱟᱹᱢᱤᱭᱟᱹ
ᱵᱟᱲᱟᱭᱚᱜ ᱟᱭ	ᱴᱟᱴᱟ ᱥᱴᱤᱞ, ᱴᱟᱴᱟ ᱯᱟᱣᱟᱨ ᱟᱨ ᱴᱟᱴᱟ ᱠᱮᱢᱤᱠᱟᱞᱥ ᱨᱤᱱᱤᱡ ᱯᱷᱚᱱᱰᱟᱨ

ᱥᱟᱨ ᱫᱳᱨᱚᱵᱽᱡᱤ ᱴᱟᱴᱟ (᱒᱗ ᱚᱜᱚᱥᱴ ᱑᱘᱕᱙ - ᱓ ᱡᱩᱱ ᱑᱙᱓᱒) ᱫᱚ ᱵᱨᱤᱴᱤᱥ ᱨᱟᱡᱽ ᱨᱤᱱᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱠᱟᱹᱨᱜᱟᱲᱤᱭᱟᱹ ᱟᱨ ᱴᱟᱴᱟ ᱜᱨᱩᱯ ᱨᱮᱱᱟᱜ ᱱᱟᱜᱟᱢ ᱟᱨ ᱩᱛᱷᱱᱟᱹᱣ ᱨᱤᱱᱤᱡ ᱢᱤᱫ ᱢᱩᱬᱩᱛ ᱦᱚᱲ ᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱖᱐ ᱥᱟᱞ ᱨᱮ ᱵᱨᱤᱴᱤᱥ ᱥᱤᱧᱚᱛ ᱨᱮᱱᱟᱜ ᱠᱟᱹᱨᱜᱟᱲ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱩᱱᱤ ᱫᱚ ᱱᱟᱭᱤᱴ ᱢᱟᱹᱱ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

ᱫᱳᱨᱚᱵᱽ ᱦᱤᱨᱟᱵᱟᱭ ᱟᱨ ᱯᱟᱨᱥᱤ ᱡᱳᱨᱳᱥᱴᱨᱤᱭᱟᱱ ᱡᱟᱢᱥᱮᱫᱽᱡᱤ ᱱᱩᱥᱚᱨᱣᱟᱱᱡᱤ ᱴᱟᱴᱟ ᱭᱤᱡ ᱢᱟᱨᱟᱝ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱠᱟᱠᱤ ᱡᱚᱨᱵᱟᱭ ᱴᱟᱴᱟ ᱫᱚ ᱵᱚᱢᱵᱮ ᱨᱤᱱᱤᱡ ᱵᱮᱯᱟᱨᱤᱭᱟᱹ ᱫᱳᱨᱚᱵᱽᱡᱤ ᱥᱟᱠᱞᱚᱛᱵᱷᱟᱞᱟ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾ ᱩᱱᱤ ᱫᱚ ᱥᱟᱯᱩᱨᱡᱤ ᱥᱟᱠᱞᱚᱛᱵᱷᱟᱞᱟ ᱤᱡ ᱜᱚᱲᱚᱢ ᱦᱟᱲᱟᱢ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱛᱟᱭᱚᱢ ᱛᱮ ᱵᱨᱤᱴᱤᱥ ᱥᱚᱝᱥᱚᱫᱽ ᱨᱤᱱᱤᱡ ᱠᱚᱢᱩᱱᱤᱥᱴ ᱥᱚᱦᱮᱫ ᱮ ᱵᱮᱱᱟᱣ ᱮᱱᱟ ᱾^[᱑]

᱑᱘᱗᱕ ᱥᱟᱞ ᱨᱮ ᱤᱝᱞᱮᱱᱰ ᱪᱟᱞᱟᱜ ᱢᱟᱬᱟᱝ ᱛᱮ ᱴᱟᱴᱟ ᱫᱚ ᱟᱡᱟᱜ ᱯᱩᱭᱞᱩ ᱥᱮᱪᱮᱫ ᱫᱚ ᱵᱚᱢᱵᱮ (ᱱᱤᱛᱚᱜ ᱢᱩᱢᱵᱟᱭ) ᱨᱮ ᱢᱮᱱᱟᱜ ᱯᱨᱳᱯᱨᱮᱴᱨᱤ ᱦᱟᱭ ᱤᱥᱠᱩᱞ ᱨᱮᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱑᱘᱗᱗ ᱨᱮ ᱠᱚᱢᱵᱽᱨᱤᱡᱽ ᱨᱮᱭᱟᱜ ᱜᱚᱱᱵᱤᱞ ᱟᱨ ᱠᱮᱭᱮᱥ ᱠᱚᱞᱮᱡᱽ ᱨᱮ ᱥᱮᱞᱮᱫ ᱞᱮᱱᱟᱭ,^[᱒] ᱡᱟᱦᱟᱸ ᱨᱮ ᱩᱱᱤ ᱫᱚ ᱑᱘᱗᱙ ᱥᱟᱞ ᱨᱮ ᱵᱚᱢᱵᱮ ᱨᱩᱣᱟᱹᱲᱚᱜ ᱢᱟᱬᱟᱝ ᱵᱟᱨ ᱥᱮᱨᱢᱟ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱥᱮᱱᱴ. ᱡᱟᱵᱷᱤᱭᱚᱨ ᱠᱚᱞᱮᱡᱽ, ᱵᱚᱢᱵᱮ ᱨᱮ ᱟᱡᱟᱜ ᱯᱟᱲᱦᱟᱣ ᱫᱚᱦᱚ ᱞᱮᱫᱟᱭ, ᱡᱟᱦᱟᱸ ᱨᱮ ᱩᱱᱤ ᱫᱚ ᱑᱘᱘᱒ ᱨᱮ ᱰᱤᱜᱽᱨᱤ ᱮ ᱧᱟᱢ ᱞᱮᱫᱼᱟ ᱾

ᱫᱳᱨᱚᱵᱽ ᱫᱚ ᱟᱡᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱠᱟᱛᱮ ᱵᱚᱢᱵᱮ ᱜᱟᱡᱮᱴ ᱨᱮ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱵᱟᱨ ᱥᱮᱨᱢᱟ ᱠᱟᱹᱢᱤ ᱞᱮᱫᱼᱟ ᱾ ᱑᱘᱘᱔ ᱥᱟᱞ ᱨᱮ, ᱩᱱᱤ ᱟᱡ ᱵᱟᱵᱟ ᱟᱜ ᱯᱷᱚᱨᱢ ᱨᱮ ᱠᱳᱴᱚᱱ ᱵᱮᱯᱟᱨ ᱵᱷᱟᱜᱽ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱯᱩᱭᱞᱩ ᱯᱚᱱᱰᱤᱪᱮᱨᱤ ᱛᱮᱭ ᱥᱮᱱ ᱞᱮᱱᱟ, ᱡᱟᱦᱟᱸ ᱫᱚ ᱩᱱ ᱚᱠᱛᱚ ᱨᱮ ᱢᱤᱫ ᱯᱷᱨᱮᱸᱪ ᱠᱚᱞᱚᱱᱤ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱵᱟᱰᱟᱭ ᱞᱟᱹᱜᱤᱫ ᱜᱮ ᱚᱱᱟ ᱨᱮ ᱢᱤᱫᱴᱟᱹᱝ ᱠᱳᱴᱚᱱ ᱢᱤᱞ ᱫᱚ ᱠᱟᱹᱣᱰᱤ ᱦᱟᱛᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱥᱮ ᱵᱟᱝ ᱾ ᱚᱱᱟ ᱛᱟᱭᱚᱢ ᱟᱡ ᱵᱟᱵᱟ ᱑᱘᱗᱗ ᱥᱟᱞ ᱨᱮ ᱮᱛᱚᱦᱚᱵ ᱟᱠᱟᱱ ᱮᱢᱯᱨᱮᱥ ᱢᱤᱞᱥ ᱨᱮ ᱠᱟᱯᱴᱚᱱ ᱨᱮᱱᱟᱜ ᱵᱮᱯᱟᱨ ᱪᱮᱫᱚᱜ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱱᱟᱜᱽᱯᱩᱨ ᱮ ᱵᱷᱮᱡᱟ ᱞᱮᱫᱮᱭᱟ ᱾

ᱵᱟᱯᱞᱟ

ᱫᱳᱨᱚᱵᱽᱡᱤ ᱟᱜ ᱵᱟᱵᱟ ᱡᱟᱢᱥᱮᱫᱽᱡᱤ ᱫᱚ ᱵᱮᱯᱟᱨ ᱞᱟᱹᱜᱤᱫ ᱛᱮ ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱢᱟᱭᱥᱩᱨ ᱯᱚᱱᱚᱛ ᱮ ᱥᱮᱱ ᱞᱮᱱᱟ ᱛᱟᱦᱮᱸᱫ ᱟᱨ ᱰᱨ. ᱦᱳᱨᱢᱩᱥ ᱡᱤ ᱫᱚ ᱵᱷᱟᱵᱷᱟ ᱥᱟᱶᱮ ᱧᱟᱯᱟᱢ ᱞᱮᱫ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱢᱤᱫ ᱯᱟᱨᱥᱤ ᱟᱨ ᱚᱱᱟ ᱯᱚᱱᱚᱛ ᱨᱤᱱᱤᱡ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱥᱮᱪᱮᱫ ᱢᱟᱨᱟᱝ ᱤᱱᱥᱯᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟᱭ ᱾

ᱵᱷᱟᱵᱷᱟ ᱟᱜ ᱚᱲᱟᱜ ᱥᱮᱱᱚᱜ ᱚᱠᱛᱚ ᱨᱮ ᱩᱱᱤ ᱫᱚ ᱵᱷᱟᱵᱷᱟ ᱭᱤᱡ ᱢᱤᱫᱴᱟᱹᱝ ᱠᱩᱲᱤ ᱜᱤᱫᱽᱨᱟᱹ ᱢᱮᱦᱮᱨᱵᱟᱭ ᱥᱟᱶ ᱧᱟᱯᱟᱢ ᱞᱮᱫᱮᱭᱟ ᱟᱨ ᱩᱱᱤ ᱫᱚ ᱩᱱᱤᱭᱟᱜ ᱥᱟᱨᱦᱟᱣ ᱮ ᱧᱟᱢ ᱞᱮᱫᱟᱭ ᱾ ᱵᱚᱢᱵᱮ ᱛᱮᱭ ᱨᱩᱣᱟᱹᱲ ᱮᱱ ᱛᱟᱭᱚᱢ, ᱡᱟᱢᱥᱮᱫᱽᱡᱤ ᱫᱚ ᱵᱷᱟᱵᱷᱟ ᱜᱷᱟᱨᱚᱸᱡᱽ ᱧᱮᱧᱮᱞ ᱞᱟᱹᱜᱤᱫ ᱛᱮ ᱫᱳᱨᱚᱵᱽ ᱫᱚ ᱢᱮᱭᱥᱩᱨ ᱯᱚᱱᱚᱛ ᱨᱮᱭ ᱵᱷᱮᱡᱟ ᱠᱮᱫᱮᱭᱟ ᱾ ᱫᱳᱨᱚᱵᱽ ᱫᱚ ᱱᱚᱝᱠᱟ ᱜᱮᱭ ᱠᱟᱹᱢᱤ ᱠᱮᱫᱼᱟ ᱟᱨ ᱑᱘᱙᱗ ᱥᱟᱞ ᱨᱮ ᱢᱮᱦᱮᱨᱵᱟᱭ ᱥᱟᱶᱮ ᱵᱟᱯᱞᱟ ᱮᱱᱟᱭ ᱾ ᱡᱩᱨᱤᱼᱯᱟᱹᱨᱤ ᱨᱤᱱ ᱜᱤᱫᱽᱨᱟᱹ ᱵᱟᱝ ᱠᱚ ᱛᱟᱦᱮᱸ ᱠᱟᱱᱟ ᱾

ᱢᱮᱦᱮᱨᱵᱟᱭᱤᱡ ᱵᱚᱭᱦᱟ ᱡᱟᱦᱟᱸᱜᱤᱨ ᱵᱷᱟᱵᱷᱟ ᱫᱚ ᱢᱤᱫ ᱧᱩᱛᱩᱢᱟᱱ ᱟᱹᱱ ᱩᱭᱦᱟᱹᱨᱤᱭᱟᱹ ᱮ ᱵᱮᱱᱟᱣ ᱞᱮᱱᱟ ᱾ ᱩᱱᱤ ᱫᱚ ᱥᱟᱬᱮᱥᱤᱭᱟᱹ ᱦᱳᱢᱤ ᱡᱮ. ᱵᱷᱟᱵᱷᱟ ᱭᱤᱡ ᱵᱟᱵᱟ ᱛᱟᱦᱮᱸ ᱠᱟᱱᱟᱭ ᱾ ᱚᱱᱠᱟᱛᱮ ᱫᱳᱨᱚᱵᱽᱡᱤ ᱵᱟᱯᱞᱟ ᱛᱟᱞᱟᱛᱮ ᱦᱳᱢᱤ ᱵᱷᱟᱵᱷᱟ ᱭᱤᱡ ᱠᱟᱠᱟᱭ ᱛᱟᱦᱮᱸ ᱠᱟᱱᱟᱭ ᱾ ᱴᱟᱴᱟ ᱜᱨᱩᱯ ᱫᱚ ᱵᱷᱟᱵᱷᱟ ᱟᱜ ᱛᱚᱞᱟᱥ ᱟᱨ ᱴᱟᱴᱟ ᱤᱱᱥᱴᱤᱭᱩᱴ ᱚᱯᱷ ᱯᱷᱮᱱᱰᱟᱢᱮᱱᱴᱮᱞ ᱨᱤᱥᱟᱨᱪ ᱥᱟᱶᱛᱮ ᱩᱱᱤᱭᱟᱜ ᱛᱚᱞᱟᱥ ᱥᱮᱢᱞᱮᱫ ᱠᱚ ᱠᱟᱹᱣᱰᱤ ᱮᱢ ᱞᱮᱫᱟ ᱾

ᱠᱟᱹᱨᱜᱟᱲᱤᱭᱟᱹ ᱠᱟᱹᱢᱤ ᱡᱤᱭᱚᱱ

ᱫᱳᱨᱚᱵᱽᱡᱤ ᱫᱚ ᱟᱡ ᱵᱟᱵᱟ ᱟᱜ ᱱᱟᱦᱟᱜ ᱢᱮᱬᱦᱮᱫ ᱟᱨ ᱥᱴᱤᱞ ᱠᱟᱹᱨᱜᱟᱲ ᱨᱮᱱᱟᱜ ᱢᱚᱱᱮ ᱯᱩᱨᱟᱹᱣ ᱨᱮ ᱟᱹᱰᱤ ᱥᱩᱨ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱤᱱᱰᱟᱥᱴᱨᱤ ᱨᱮ ᱵᱤᱡᱽᱞᱤ ᱮᱢ ᱞᱟᱹᱜᱤᱫ ᱛᱮ ᱦᱟᱭᱰᱨᱚᱼᱮᱞᱮᱠᱴᱨᱤᱥᱤ ᱵᱤᱡᱽᱞᱤ ᱨᱮᱱᱟᱜ ᱞᱟᱹᱠᱛᱤ ᱨᱮ ᱢᱟᱱᱚᱛ ᱮᱢ ᱠᱮᱫᱟ ᱾ ᱫᱳᱨᱚᱵᱽ ᱫᱚ ᱑᱙᱐᱗ ᱥᱟᱞ ᱨᱮ ᱴᱟᱴᱟ ᱥᱴᱤᱞ ᱜᱨᱩᱯ ᱨᱮᱱᱟᱜ ᱛᱷᱟᱯᱚᱱ ᱨᱮᱱᱟᱜ ᱠᱨᱮᱰᱤᱴ ᱮ ᱧᱟᱢ ᱞᱮᱫᱼᱟ, ᱡᱟᱦᱟᱸ ᱫᱚ ᱟᱡ ᱵᱟᱵᱟ ᱦᱚᱛᱮᱛᱮ ᱛᱷᱟᱯᱚᱱ ᱞᱮᱱᱟ ᱛᱟᱦᱮᱸᱫ ᱟᱨ ᱑᱙᱑᱑ ᱥᱟᱞ ᱨᱮ ᱴᱟᱴᱟ ᱯᱟᱣᱟᱨ ᱮ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱱᱮᱛᱟᱨᱟᱜ ᱴᱟᱴᱟ ᱜᱨᱩᱯ ᱨᱮᱱᱟᱜ ᱢᱩᱬᱩᱛ ᱠᱟᱱᱟ ᱾

ᱜᱩᱨ

ᱢᱮᱦᱮᱨᱵᱟᱭ ᱴᱟᱴᱟ ᱫᱚ ᱑᱙᱓᱑ ᱥᱟᱞ ᱨᱮ ᱕᱒ ᱥᱮᱨᱢᱟ ᱩᱢᱮᱨ ᱨᱮ ᱞᱤᱭᱩᱠᱮᱢᱤᱭᱟ ᱛᱮ ᱜᱚᱡ ᱞᱮᱱᱟ ᱾ ᱩᱱᱤ ᱜᱩᱨ ᱛᱟᱭᱚᱢ ᱛᱤᱱᱟᱹᱜ ᱫᱤᱱ ᱯᱚᱨᱮ, ᱫᱳᱨᱚᱵᱽᱡᱤ ᱫᱚ ᱢᱟᱭᱟᱝ ᱨᱮᱱᱟᱜ ᱨᱳᱜᱽ ᱠᱚ ᱨᱮᱱᱟᱜ ᱯᱟᱲᱦᱟᱣ ᱪᱟᱞᱟᱣ ᱞᱟᱹᱜᱤᱫ ᱛᱮ ᱞᱮᱰᱤ ᱴᱟᱴᱟ ᱢᱮᱢᱳᱨᱤᱭᱚᱞ ᱴᱨᱟᱥᱴ ᱮ ᱛᱷᱟᱯᱚᱱ ᱞᱮᱫᱟᱭ ᱾ ᱱᱤᱛᱚᱜ ᱫᱚ ᱱᱚᱣᱟ ᱴᱨᱟᱥᱴ ᱥᱟᱨ ᱫᱳᱨᱚᱵᱽᱡᱤ ᱴᱟᱴᱟ ᱴᱨᱟᱥᱴ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾

᱑᱑ ᱢᱟᱨᱪ ᱑᱙᱓᱒ ᱥᱮᱨᱢᱟ ᱨᱮ, ᱢᱮᱦᱮᱨᱵᱟᱭᱤ ᱟᱜ ᱜᱩᱨ ᱢᱤᱫ ᱥᱮᱨᱢᱟ ᱛᱟᱭᱚᱢ ᱟᱨ ᱟᱡᱟᱜ ᱜᱩᱨ ᱠᱷᱚᱱ ᱠᱤᱪᱷᱩ ᱚᱠᱛᱚ ᱢᱟᱬᱟᱝ, ᱩᱱᱤ ᱫᱚ ᱢᱤᱫ ᱴᱨᱟᱥᱴ ᱯᱷᱚᱸᱰ ᱮ ᱛᱷᱟᱯᱚᱱ ᱠᱮᱫᱼᱟ, ᱡᱟᱦᱟᱸ ᱫᱚ "ᱡᱟᱭᱜᱟ, ᱡᱟᱹᱛᱤᱭᱟᱹᱨᱤ ᱥᱮ ᱫᱷᱚᱨᱚᱢ ᱨᱮᱱᱟᱜ ᱡᱟᱦᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱵᱟᱝ ᱠᱟᱛᱮ", ᱥᱮᱪᱮᱫ ᱟᱨ ᱛᱚᱞᱟᱥ, ᱟᱱᱟᱴ ᱜᱚᱲᱚ ᱟᱨ ᱩᱛᱷᱱᱟᱹᱣ ᱞᱟᱹᱜᱤᱫ ᱵᱮᱵᱷᱟᱨ ᱦᱩᱭᱩᱜ ᱛᱟᱦᱮᱸᱫ ᱾ ᱫᱳᱨᱚᱵᱽᱡᱤ ᱫᱚ ᱥᱤᱧᱚᱛ ᱨᱮᱱᱟᱜ ᱢᱩᱬᱩᱛ ᱥᱟᱬᱮᱥ ᱟᱨ ᱤᱱᱡᱤᱱᱤᱭᱟᱨᱤᱝ ᱨᱤᱥᱟᱨᱪ ᱤᱱᱥᱴᱤᱴᱭᱩᱴ, ᱥᱤᱧᱚᱛᱤᱭᱟᱹ ᱥᱟᱬᱮᱥ ᱤᱱᱥᱴᱤᱴᱭᱩᱴ, ᱵᱟᱸᱜᱽᱞᱳᱨ ᱛᱷᱟᱯᱚᱱ ᱞᱟᱹᱜᱤᱫ ᱠᱟᱹᱣᱰᱤ ᱮᱢ ᱞᱮᱫᱟᱭ ᱾

ᱫᱳᱨᱚᱵᱽᱡᱤ ᱫᱚ ᱓ ᱡᱩᱱ ᱑᱙᱓᱒ ᱥᱟᱞ ᱨᱮ ᱗᱓ ᱥᱮᱨᱢᱟ ᱩᱢᱮᱨ ᱨᱮ ᱡᱟᱨᱢᱟᱱᱤ ᱨᱮᱱᱟᱜ ᱵᱟᱰ ᱠᱤᱥᱤᱝᱜᱚᱱ ᱨᱮᱭ ᱜᱚᱡ ᱞᱮᱱᱟ ᱾ ᱩᱱᱤ ᱫᱚ ᱟᱡᱤᱜ ᱮᱨᱟ ᱢᱮᱦᱮᱨᱵᱟᱭ ᱥᱟᱶ ᱵᱨᱩᱠᱣᱩᱰ ᱢᱟᱲᱜᱷᱟᱴᱤ, ᱣᱳᱠᱤᱝ, ᱤᱝᱞᱮᱱᱰ ᱨᱮ ᱠᱚ ᱵᱟᱭ ᱠᱮᱫᱮᱭᱟ ᱾ ᱩᱱᱤ ᱨᱤᱱ ᱜᱤᱫᱽᱨᱟᱹ ᱵᱟᱝ ᱠᱚ ᱛᱟᱦᱮᱸ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ Oxford Dictionary of National Biography, Volume 48. Oxford University Press. 1904. pp. 675–676. ISBN 0-19-861398-9.Article on Saklatvala by Mike Squires, who refers to Jamsetji as J. N. Tata.
↑ ᱪᱷᱟᱸᱪ:Acad

ᱵᱟᱦᱨᱮ ᱡᱚᱱᱚᱲ

[odnb-1] Oxford Dictionary of National Biography, Volume 48. Oxford University Press. 1904. pp. 675–676. ISBN 0-19-861398-9.Article on Saklatvala by Mike Squires, who refers to Jamsetji as J. N. Tata.

[2] ᱪᱷᱟᱸᱪ:Acad

[᱑]

[᱒]