ᱴᱟᱴᱟ ᱯᱟᱣᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱴᱟᱴᱟ ᱯᱟᱣᱟᱨ ᱠᱚᱢᱯᱟᱹᱱᱤ ᱞᱤᱢᱤᱴᱮᱰ
ᱞᱮᱠᱟᱱ
ᱫᱤᱥᱩᱣᱟᱹ
ᱥᱮᱭᱟᱨ ᱵᱟᱡᱟᱨ ᱥᱤᱱᱦᱟᱹ
ᱥᱤᱞᱯᱚᱵᱤᱡᱽᱞᱤ ᱭᱩᱴᱤᱞᱤᱴᱤ
18 ᱥᱮᱯᱴᱮᱢᱵᱚᱨ 1919; 104 years ago (1919-᱐᱙-18)
ᱦᱮᱰᱠᱩᱣᱟᱴᱚᱨᱵᱚᱢᱵᱮ ᱦᱟᱣᱩᱥ, ᱒᱔ ᱦᱳᱢᱤ ᱢᱳᱫᱤ ᱥᱴᱨᱤᱴ, ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱢᱩᱬᱩᱛ ᱢᱟᱹᱱᱢᱤ
ᱯᱨᱚᱵᱤᱨ ᱥᱤᱱᱦᱟ [᱑]
(MD & CEO)
ᱡᱤᱱᱤᱥ/ᱥᱮᱵᱟᱵᱤᱡᱽᱞᱤ ᱯᱟᱣᱟᱨ ᱟᱨ ᱱᱟᱪᱨᱟᱞ ᱜᱮᱥ
ᱥᱮᱵᱟᱵᱤᱡᱽᱞᱤ ᱥᱤᱨᱡᱚᱱ ᱟᱨ ᱵᱤᱛᱨᱟᱬ, ᱱᱟᱪᱨᱟᱞ ᱜᱮᱥ ᱮᱸᱜᱟᱛ, ᱥᱤᱨᱡᱚᱱ, ᱥᱟᱜᱟᱲᱚᱢ ᱟᱨ ᱵᱤᱛᱨᱟᱬ
ᱟᱨᱡᱟᱣincrease Indian Rupee ₹᱕᱖,᱕᱔᱗.᱑᱐ ᱠᱳᱴᱤ (US$᱗.᱘᱗ ᱵᱤᱞᱤᱭᱚᱱ)[᱒] (᱒᱐᱒᱓)
ᱪᱷᱟᱸᱪ:Up Indian Rupee ₹᱗,᱗᱐᱖.᱓᱐ ᱠᱳᱴᱤ (US$᱑.᱐᱗ ᱵᱤᱞᱤᱭᱚᱱ) (᱒᱐᱒᱓)
increaseIndian Rupee ₹᱓,᱓᱓᱖.᱔᱐ ᱠᱳᱴᱤ (US$᱔᱖᱔.᱒᱕ ᱢᱤᱞᱤᱭᱚᱱ) (᱒᱐᱒᱓)
ᱜᱩᱴ ᱫᱷᱚᱱincreaseIndian Rupee ₹᱑᱒᱘,᱓᱔᱙ ᱠᱳᱴᱤ (US$᱑᱗.᱘᱖ ᱵᱤᱞᱤᱭᱚᱱ) (᱒᱐᱒᱓)
ᱜᱩᱴ ᱤᱠᱩᱭᱴᱤᱪᱷᱟᱸᱪ:Gain Indian Rupee ₹᱒᱘,᱗᱘᱗.᱔᱐ ᱠᱳᱴᱤ (US$᱔.᱐᱑ ᱵᱤᱞᱤᱭᱚᱱ) (᱒᱐᱒᱓)
ᱠᱟᱹᱢᱤᱭᱟᱹ ᱠᱚᱣᱟᱜ ᱮᱞ
᱘,᱖᱑᱓ (᱒᱐᱒᱑) [ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]
ᱮᱸᱜᱟᱛᱴᱟᱴᱟ ᱜᱩᱴ
ᱨᱮᱭᱟᱜ ᱛᱷᱟᱹᱯᱱᱤᱛ
ᱣᱮᱵᱽᱥᱟᱭᱤᱴwww.tatapower.com

ᱴᱟᱴᱟ ᱯᱟᱣᱟᱨ ᱠᱚᱢᱯᱟᱹᱱᱤ ᱞᱤᱢᱤᱴᱮᱰ ᱫᱚ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ ᱨᱮ ᱢᱮᱱᱟᱜ ᱢᱤᱫ ᱥᱤᱧᱚᱛᱤᱭᱟᱹ ᱵᱤᱡᱽᱞᱤ ᱭᱩᱴᱤᱞᱤᱴᱤ ᱠᱚᱢᱯᱟᱹᱱᱤ ᱠᱟᱱᱟ ᱟᱨ ᱴᱟᱴᱟ ᱜᱨᱩᱯ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾[᱓][᱔] ᱱᱚᱣᱟ ᱠᱚᱢᱯᱟᱱᱤ ᱨᱮᱱᱟᱜ ᱢᱩᱬ ᱠᱟᱹᱢᱤ ᱫᱚ ᱦᱩᱭᱩᱜ ᱠᱟᱱᱟ ᱵᱤᱡᱽᱞᱤ ᱛᱮᱭᱟᱨ, ᱴᱨᱟᱱᱥᱢᱮᱴ ᱟᱨ ᱰᱤᱥᱴᱨᱤᱵᱩᱴᱤᱝ ᱾[᱕] ᱑᱔,᱐᱗᱖ ᱢᱮᱜᱟᱣᱟᱴ ᱨᱮᱱᱟᱜ ᱵᱤᱡᱽᱞᱤ ᱡᱮᱱᱮᱨᱮᱥᱚᱱ ᱠᱮᱯᱮᱥᱤᱴᱤ ᱥᱟᱶ, ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱤᱡᱽᱞᱤ ᱠᱚᱢᱯᱟᱱᱤ ᱠᱟᱱᱟ ᱾[᱖][᱗][᱘][᱙][᱑᱐] ᱒᱐᱑᱗ ᱥᱮᱨᱢᱟ ᱨᱮ ᱟᱭᱤ.ᱟᱭᱤ.ᱮᱢ. ᱩᱫᱚᱭᱯᱩᱨ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱨᱤᱥᱯᱟᱱᱥᱤᱵᱞ ᱵᱮᱯᱟᱨ ᱨᱮᱸᱠᱤᱝ ᱨᱮ ᱴᱟᱴᱟ ᱯᱟᱣᱟᱨ ᱫᱚ ᱛᱮᱥᱟᱨ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ ᱾[᱑᱑] ᱯᱷᱮᱵᱨᱩᱣᱟᱨᱤ ᱒᱐᱑᱗ ᱨᱮ, ᱴᱟᱴᱟ ᱯᱟᱣᱟᱨ ᱑ ᱜᱤᱜᱟᱣᱟᱴ ᱠᱷᱚᱱ ᱰᱮᱦᱮᱨ ᱥᱳᱞᱟᱨ ᱢᱳᱰᱩᱞ ᱮᱢᱚᱜ ᱠᱟᱱ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱠᱚᱢᱯᱟᱱᱤ ᱵᱮᱱᱟᱣ ᱮᱱᱟ ᱾[᱑᱒]

ᱴᱟᱴᱟ ᱯᱟᱣᱟᱨ ᱨᱮᱱᱟᱜ ᱑᱐᱐ ᱥᱮᱨᱢᱟ ᱯᱩᱨᱟᱹᱣ ᱞᱟᱹᱜᱤᱫ ᱛᱮ ᱛᱮᱭᱟᱨ ᱟᱠᱟᱱ ᱒᱐᱑᱖ ᱨᱮᱱᱟᱜ ᱥᱴᱮᱢᱯ

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱠᱚᱢᱯᱟᱱᱤ ᱫᱚ ᱑᱙᱑᱐ ᱥᱟᱞ ᱨᱮ ᱴᱟᱴᱟ ᱦᱟᱭᱰᱨᱚ ᱤᱞᱮᱠᱴᱨᱤᱠ ᱯᱟᱣᱟᱨ ᱯᱟᱥᱱᱟᱣ ᱠᱚᱢᱯᱟᱱᱤ ᱞᱮᱠᱟᱛᱮ ᱮᱦᱚᱵ ᱞᱮᱱᱟ ᱾[᱑᱓][᱑᱔] ᱡᱟᱦᱟᱸ ᱫᱚ ᱑᱙᱑᱖ ᱥᱟᱞᱮ ᱨᱮ ᱟᱱᱫᱷᱨᱚ ᱵᱮᱞᱤ ᱯᱟᱣᱟᱨ ᱯᱟᱥᱱᱟᱣ ᱠᱚᱢᱯᱟᱱᱤ ᱥᱟᱶ ᱢᱮᱥᱟ ᱞᱮᱱᱟ ᱾[᱑᱕] ᱱᱚᱣᱟ ᱑᱙᱑᱕ ᱨᱮ ᱠᱷᱳᱯᱳᱞᱤ ᱨᱮ ᱗᱒ ᱢᱮᱜᱟᱣᱟᱴ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱫᱚᱥᱟᱨ ᱦᱟᱭᱰᱨᱳ-ᱤᱞᱮᱠᱴᱨᱤᱠ ᱯᱨᱚᱡᱮᱠᱴ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱛᱟᱭᱚᱢ ᱫᱚᱥᱟᱨ ᱟᱨ ᱛᱮᱥᱟᱨ ᱵᱤᱡᱽᱞᱤ ᱯᱨᱚᱵᱷᱟᱣᱚᱱᱴ ᱑᱙᱑᱙ ᱨᱮ ᱵᱷᱤᱵᱽᱯᱩᱨᱤ (᱗᱕ ᱢᱮᱜᱟᱣᱟᱴ) ᱟᱨ ᱑᱙᱒᱒ ᱨᱮ ᱵᱷᱤᱲᱟ (᱓᱐ ᱢᱮᱜᱟᱣᱟᱴ) ᱨᱮ ᱛᱷᱟᱯᱚᱱ ᱦᱩᱭ ᱞᱮᱱᱟ ᱾[᱙][᱑᱖][᱑᱗]

ᱠᱟᱹᱢᱤ ᱦᱚᱨᱟᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱟᱴᱟ ᱯᱟᱣᱟᱨ ᱨᱮᱱᱟᱜ ᱠᱟᱹᱢᱤ ᱫᱚ ᱥᱤᱧᱚᱛ, ᱥᱤᱝᱜᱟᱯᱩᱨ, ᱤᱱᱫᱳᱱᱮᱥᱤᱭᱟ, ᱠᱚᱧᱮ ᱟᱯᱷᱨᱤᱠᱟ ᱟᱨ ᱵᱷᱩᱴᱟᱱ ᱨᱮ ᱢᱮᱱᱟᱜᱼᱟ ᱾[᱑᱘] ᱴᱟᱴᱟ ᱯᱟᱣᱟᱨ ᱜᱨᱩᱯ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱫᱚ ᱥᱤᱧᱚᱛ ᱨᱮ ᱓᱕ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾[᱑᱘]
ᱱᱚᱣᱟ ᱠᱚᱢᱯᱟᱹᱱᱤ ᱨᱮᱱᱟᱜ ᱛᱷᱚᱨᱢᱚᱞ ᱯᱟᱣᱟᱨ ᱥᱴᱮᱥᱚᱱ ᱫᱚ ᱢᱩᱢᱵᱟᱭ ᱨᱮ ᱴᱨᱳᱢᱵᱮ, ᱜᱩᱡᱽᱨᱟᱴ ᱨᱮ ᱢᱩᱱᱫᱽᱨᱟ, ᱡᱷᱟᱨᱠᱷᱚᱸᱰ ᱨᱮ ᱡᱚᱡᱚᱵᱮᱲᱟ ᱟᱨ ᱢᱮᱭᱛᱷᱚᱱ, ᱳᱰᱤᱥᱟ ᱨᱮ ᱠᱚᱞᱤᱝᱜᱟᱱᱚᱜᱚᱨ, ᱯᱚᱪᱷᱤᱢ ᱵᱟᱝᱞᱟ ᱨᱮ ᱦᱚᱞᱫᱤᱭᱟ ᱟᱨ ᱠᱚᱨᱱᱟᱴᱚᱠ ᱨᱮ ᱵᱮᱞᱜᱟᱢ ᱨᱮ ᱢᱮᱱᱟᱜᱼᱟ ᱾[᱑᱙] ᱱᱚᱣᱟ ᱦᱟᱭᱰᱨᱚ ᱥᱴᱮᱥᱚᱱ ᱫᱚ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱯᱟᱪᱮ ᱜᱷᱟᱴ ᱨᱮ ᱢᱮᱱᱟᱜᱼᱟ ᱟᱨ ᱚᱦᱢᱚᱫᱽᱱᱚᱜᱚᱨ, ᱥᱩᱯᱟ, ᱠᱷᱟᱱᱠᱮ, ᱵᱨᱟᱦᱢᱚᱱᱣᱮᱞ, ᱜᱟᱫᱟᱜᱽ, ᱥᱚᱢᱟᱱᱟ ᱟᱨ ᱵᱤᱥᱟᱯᱩᱨ ᱨᱮ ᱢᱮᱱᱟᱜᱼᱟ ᱾[᱑᱙] ᱱᱚᱣᱟ ᱠᱚᱢᱯᱟᱱᱤ ᱴᱨᱳᱢᱵᱮ ᱨᱮ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱕᱐ ᱢᱮᱜᱟᱣᱟᱴ ᱭᱩᱱᱤᱴ, ᱵᱷᱤᱨᱟ ᱨᱮ ᱯᱩᱭᱞᱩ ᱑᱕᱐ ᱢᱮᱜᱟᱣᱟᱴ ᱯᱚᱢᱯ ᱥᱴᱳᱨᱮᱡᱽ ᱭᱩᱱᱤᱴ ᱟᱨ ᱴᱨᱳᱢᱵᱮ ᱨᱮ ᱯᱚᱞᱩᱥᱚᱱ ᱠᱚᱱᱴᱨᱚᱞ ᱞᱟᱹᱜᱤᱫ ᱢᱤᱫᱴᱟᱹᱝ ᱜᱨᱤᱯ ᱜᱮᱥ ᱰᱮᱥᱚᱞᱯᱩᱨᱟᱭᱤᱡᱮᱥᱚᱱ ᱯᱞᱟᱱᱴ ᱮ ᱛᱷᱟᱯᱚᱱ ᱞᱮᱫᱼᱟ ᱾[᱒᱐] ᱱᱚᱣᱟ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱟᱨ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮ ᱵᱮᱱᱟᱣ ᱫᱟᱲᱮ ᱢᱮᱱᱟᱜᱼᱟ, ᱟᱨ ᱫᱤᱞᱞᱤ ᱨᱮ ᱢᱤᱫ ᱰᱤᱥᱴᱨᱤᱵᱷᱤᱥᱚᱱ ᱠᱚᱢᱯᱟᱱᱤ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱠᱚᱧᱮ ᱫᱤᱞᱞᱤ ᱨᱮ ᱕᱑᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱠᱟᱱ ᱢᱤᱫ ᱢᱤᱞᱤᱭᱚᱱ ᱠᱷᱚᱱ ᱦᱚᱸ ᱵᱟᱹᱲᱛᱤ ᱵᱮᱵᱷᱟᱨᱤᱭᱟᱹ ᱠᱚ ᱞᱟᱹᱜᱤᱫ ᱠᱟᱹᱢᱤ ᱮᱢᱚᱜ ᱠᱟᱱᱟ ᱾ ᱱᱚᱣᱟ ᱴᱚᱴᱷᱟ ᱨᱮ ᱡᱟᱹᱥᱛᱤ ᱠᱷᱚᱱ ᱡᱟᱹᱥᱛᱤ ᱑,᱑᱕᱐ ᱢᱮᱜᱟ ᱣᱟᱴ ᱢᱮᱱᱟᱜᱼᱟ ᱾[᱒᱑] ᱴᱟᱴᱟ ᱯᱟᱣᱟᱨ ᱒᱔ ᱡᱩᱞᱟᱭ ᱒᱐᱑᱒ ᱨᱮ ᱫᱷᱟᱱᱵᱟᱫᱽ ᱨᱮ ᱢᱮᱭᱛᱷᱚᱱ ᱢᱮᱜᱟ ᱛᱷᱚᱨᱢᱟᱞ ᱯᱨᱚᱡᱮᱠᱴ ᱨᱮᱱᱟᱜ ᱕᱒᱕ ᱢᱮᱜᱟᱣᱟᱴ ᱨᱮᱱᱟᱜ ᱫᱚᱥᱟᱨ ᱭᱩᱱᱤᱴ ᱮᱦᱚᱵ ᱞᱮᱫᱟᱭ ᱾ ᱥᱚᱢᱟᱱ ᱠᱮᱯᱮᱥᱤᱴᱤ ᱨᱮᱱᱟᱜ ᱯᱩᱭᱞᱩ ᱭᱩᱱᱤᱴ ᱫᱚ ᱥᱮᱯᱴᱮᱢᱵᱚᱨ ᱒᱐᱑᱑ ᱥᱟᱞ ᱨᱮ ᱠᱟᱹᱢᱤ ᱫᱚ ᱮᱦᱚᱵ ᱞᱮᱱᱟ ᱛᱟᱦᱮᱸᱫ ᱾[᱒᱒]

ᱱᱚᱶᱟ ᱟᱡᱽᱢᱮᱨ ᱨᱮ ᱢᱤᱫ ᱰᱤᱥᱴᱨᱤᱵᱷᱤᱥᱚᱱ ᱠᱚᱢᱯᱟᱱᱤ ᱦᱚᱸ ᱢᱮᱱᱟᱜᱼᱟ ᱾ ᱟᱨ ᱡᱮᱴᱥᱴᱟᱨ, ᱨᱟᱡᱚᱥᱛᱷᱟᱱ ᱨᱮ ᱟᱡᱟᱜ ᱥᱚᱦᱮᱛ ᱠᱟᱹᱢᱤᱭᱟᱹ ᱴᱟᱴᱟ ᱯᱟᱣᱟᱨ ᱥᱳᱞᱟᱨ ᱟᱜ ᱫᱟᱨᱟᱭ ᱛᱮ ᱑᱖᱐ ᱢᱮᱜᱟᱣᱟᱴ ᱥᱳᱞᱟᱨ ᱮᱱᱚᱨᱡᱤ ᱦᱚᱸᱭ ᱵᱮᱱᱟᱣᱼᱟ ᱾

ᱢᱩᱬᱩᱛ ᱯᱟᱣᱟᱨ ᱯᱞᱟᱱᱴ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱢᱩᱱᱰᱨᱟ ᱟᱞᱴᱨᱟ ᱢᱮᱜᱟ ᱯᱟᱣᱟᱨ ᱯᱞᱟᱱᱴ ᱾ ᱜᱩᱡᱽᱨᱟᱴ ᱨᱮᱱᱟᱜ ᱠᱟᱪᱷ ᱦᱚᱱᱚᱛ ᱨᱮᱱᱟᱜ ᱢᱩᱱᱫᱽᱨᱟ ᱨᱮ ᱔,᱐᱐᱐ ᱢᱮᱜᱟᱣᱟᱴ (᱕×᱘᱐᱐ ᱢᱮᱜᱟᱣᱟᱴ) ᱨᱮᱱᱟᱜ ᱠᱟᱨᱵᱚᱞ-ᱵᱟᱥ ᱛᱮ ᱛᱮᱭᱟᱨᱚᱜ ᱠᱟᱱ ᱛᱟᱨᱢᱚᱞ ᱯᱨᱚᱰᱭᱩᱥᱚᱱ ᱯᱞᱟᱱᱴ ᱾ ᱱᱚᱣᱟ ᱯᱞᱟᱱᱴ ᱫᱚ ᱡᱚᱛᱚ ᱞᱮᱠᱟᱛᱮ ᱠᱟᱹᱢᱤ ᱨᱮ ᱢᱮᱱᱟᱜᱼᱟ ᱾
  • ᱴᱨᱳᱢᱵᱮ ᱛᱷᱚᱨᱢᱟᱞ ᱯᱟᱣᱟᱨ ᱥᱴᱮᱥᱚᱱ ᱫᱚ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱢᱩᱢᱵᱟᱭ ᱥᱩᱨ ᱨᱮ ᱴᱨᱳᱢᱵᱮ ᱨᱮ ᱑,᱕᱘᱐ ᱢᱮᱜᱟᱣᱟᱴ ᱨᱮᱱᱟᱜ ᱛᱷᱚᱨᱢᱟᱞ ᱯᱟᱣᱟᱨ ᱯᱞᱟᱱᱴ ᱾ ᱱᱚᱣᱟ ᱯᱞᱟᱱᱴ ᱫᱚ ᱡᱚᱛᱚ ᱞᱮᱠᱟᱛᱮ ᱠᱟᱹᱢᱤ ᱨᱮ ᱢᱮᱱᱟᱜᱼᱟ ᱾
  • ᱢᱮᱭᱛᱷᱚᱱ ᱯᱟᱣᱟᱨ ᱯᱞᱟᱱᱴ ᱾ ᱢᱮᱭᱛᱷᱚᱱ, ᱫᱷᱟᱱᱵᱟᱫᱽ, ᱫᱷᱟᱱᱵᱟᱫᱽ ᱦᱚᱱᱚᱛ, ᱡᱷᱟᱨᱠᱷᱚᱸᱰ ᱨᱮ ᱑᱐᱕᱐ ᱢᱮᱜᱟᱣᱟᱴ (᱒×᱕᱒᱕ ᱢᱮᱜᱟᱣᱟᱴ) ᱨᱮᱱᱟᱜ ᱠᱳᱞ ᱵᱮᱵᱚᱥᱛᱟ ᱛᱮ ᱛᱮᱭᱟᱨᱚᱜ ᱠᱟᱱ ᱛᱷᱟᱨᱢᱚᱞ ᱯᱟᱣᱟᱨ ᱯᱞᱟᱸᱴ ᱾ ᱱᱚᱣᱟ ᱯᱞᱟᱱᱴ ᱫᱚ ᱡᱚᱛᱚ ᱞᱮᱠᱟᱛᱮ ᱠᱟᱹᱢᱤ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱵᱤᱡᱽᱞᱤ ᱥᱴᱮᱥᱚᱱ ᱫᱚ ᱢᱮᱭᱛᱷᱚᱱ ᱯᱟᱣᱟᱨ ᱞᱤᱢᱤᱴᱮᱰ ᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱴᱟᱴᱟ ᱯᱟᱣᱟᱨ ᱟᱨ ᱫᱟᱢᱳᱫᱚᱨ ᱵᱷᱮᱞᱤ ᱠᱚᱨᱯᱚᱨᱮᱥᱚᱱ ᱛᱟᱞᱟ ᱨᱮ ᱗᱔:᱒᱖ ᱨᱮᱱᱟᱜ ᱡᱚᱲᱟᱣ ᱵᱷᱮᱸᱪᱚᱨ ᱠᱟᱱᱟ ᱾
  • ᱡᱚᱡᱚᱵᱮᱲᱟ ᱯᱟᱣᱟᱨ ᱯᱞᱟᱱᱴ ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ, ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱡᱚᱡᱚᱵᱮᱲᱟ ᱨᱮ ᱔᱒᱗.᱕ ᱢᱮᱜᱟᱣᱟᱴ (᱖᱗.᱕ ᱢᱮᱜᱟᱣᱟᱴ ᱟᱨ ᱓×᱑᱒᱐ ᱢᱮᱜᱟᱣᱟᱴ) ᱨᱮᱱᱟᱜ ᱠᱚᱭᱞᱟ ᱟᱵᱚᱥᱛᱟ ᱛᱮ ᱛᱮᱭᱟᱨ ᱟᱠᱟᱱ ᱛᱷᱟᱨᱢᱚᱞ ᱯᱟᱣᱟᱨ ᱯᱞᱟᱱᱴ ᱾ ᱱᱚᱣᱟ ᱯᱞᱟᱱᱴ ᱫᱚ ᱯᱩᱨᱟᱹ ᱠᱟᱹᱢᱤ ᱨᱮ ᱢᱮᱱᱟᱜᱼᱟ ᱾

ᱡᱮᱜᱮᱛ ᱡᱟᱠᱟᱛ ᱪᱟᱪᱞᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱠᱚᱢᱯᱟᱹᱱᱤ ᱫᱚ ᱛᱟᱞᱢᱟ ᱥᱟᱢᱟᱝ, ᱟᱯᱷᱨᱤᱠᱟ ᱟᱨ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮ ᱤᱱᱰᱚᱥᱴᱨᱤᱭᱟᱞ ᱯᱨᱚᱡᱮᱠᱴ ᱠᱚ ᱥᱮᱞᱮᱫ ᱢᱮᱱᱟᱜᱼᱟ:[᱒᱓][᱒᱔][᱒᱕]

  • ᱫᱩᱵᱟᱭ ᱨᱮ ᱡᱮᱵᱮᱞ ᱟᱞᱤ 'ᱡᱤ' ᱥᱴᱮᱥᱚᱱ (᱔×᱑᱐᱐ = ᱔᱐᱐ ᱢᱮᱜᱟᱣᱟᱴ + ᱰᱮᱥᱮᱞᱤᱴᱮᱥᱚᱱ ᱯᱞᱟᱱᱴ)
  • ᱥᱳᱣᱫᱤ ᱟᱨᱚᱵᱽ ᱨᱮ ᱟᱞ-ᱠᱷᱳᱵᱚᱨ ᱵᱟᱨᱭᱟ (᱕×᱑᱕᱐ = ᱗᱕᱐ ᱢᱮᱜᱟᱣᱟᱴ + ᱰᱮᱥᱮᱞᱤᱴᱮᱥᱚᱱ ᱯᱞᱟᱱᱴ) ᱾
  • ᱥᱳᱣᱫᱤ ᱟᱨᱚᱵᱽ ᱨᱮ ᱡᱮᱫᱽᱫᱟ ᱯᱮᱭᱟ (᱔×᱖᱔ = ᱒᱕᱖ ᱢᱮᱜᱟᱣᱟᱴ + ᱰᱮᱥᱮᱞᱤᱴᱮᱥᱚᱱ ᱯᱞᱟᱱᱴ),
  • ᱠᱩᱣᱮᱛ ᱨᱮ ᱥᱩᱣᱟᱭᱠᱷ (᱕×᱕᱐ = ᱒᱕᱐ ᱢᱮᱜᱟᱣᱟᱴ)
  • ᱡᱩᱢᱤᱫᱽ ᱟᱨᱚᱵᱽ ᱟᱢᱤᱨᱟᱛ ᱟᱨ ᱟᱞᱡᱤᱨᱤᱭᱟ ᱨᱮ ᱤ. ᱮᱪ. ᱵᱤ. ᱥᱚᱵᱽᱥᱴᱮᱥᱚᱱ
  • ᱤᱨᱟᱱ ᱟᱨ ᱥᱳᱣᱫᱤ ᱟᱨᱚᱵᱽ ᱨᱮ ᱯᱟᱣᱟᱨ ᱯᱞᱟᱱᱴ ᱪᱟᱪᱞᱟᱣ ᱟᱨ ᱧᱮᱞ ᱫᱚᱦᱚ ᱨᱮᱱᱟᱜ ᱪᱩᱠᱛᱤ ᱾
  • ᱴᱟᱴᱟ ᱯᱟᱣᱟᱨ ᱨᱮ ᱢᱤᱫ ᱨᱟᱥᱤᱭᱟᱱ ᱥᱚᱦᱚᱫ ᱜᱟᱶᱛᱟ ᱢᱮᱱᱟᱜᱼᱟ, ᱡᱟᱦᱟᱸᱭᱟᱜ ᱧᱩᱛᱩᱢ ᱯᱷᱚᱨ ᱤᱥᱴᱚᱨᱱ ᱱᱮᱪᱩᱨᱟᱞ ᱨᱤᱥᱳᱨᱥᱮᱥ ᱮᱞ. ᱮᱞ. ᱥᱤ. ᱠᱟᱱᱟ, ᱡᱟᱦᱟᱸ ᱫᱚ ᱠᱟᱢᱪᱟᱴᱠᱟ ᱠᱨᱟᱭ ᱨᱮ ᱢᱤᱫᱴᱟᱹᱝ ᱠᱚᱭᱞᱟ ᱠᱷᱟᱫᱟᱱ ᱞᱟᱹᱜᱤᱫ ᱢᱤᱫᱴᱟᱹᱝ ᱞᱟᱭᱥᱮᱱᱥ ᱢᱮᱱᱟᱜᱼᱟ ᱾[᱒᱖]

ᱤᱥᱴᱨᱮᱴᱤᱠ ᱤᱱᱡᱤᱱᱤᱭᱟᱨᱤᱝ ᱰᱤᱵᱤᱡᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱚᱨᱢ ᱨᱮᱱᱟᱜ ᱥᱴᱨᱮᱴᱮᱡᱤᱠ ᱤᱱᱡᱤᱱᱤᱭᱟᱨᱤᱝ ᱰᱤᱵᱤᱡᱚᱱ (ᱮᱥ.ᱤᱹᱰᱤ) ᱫᱚ ᱯᱩᱱ ᱜᱮᱞ ᱥᱮᱨᱢᱟ ᱠᱷᱚᱱ ᱦᱚᱸ ᱡᱟᱹᱥᱛᱤ ᱚᱠᱛᱚ ᱠᱷᱚᱱ ᱨᱩᱠᱷᱟᱹᱭᱟᱹ ᱦᱚᱨᱟ ᱟᱨ ᱤᱱᱡᱤᱱᱤᱭᱟᱨᱤᱝ ᱨᱮ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱨᱩᱠᱷᱟᱹᱭᱟᱹ ᱞᱟᱹᱠᱛᱤ ᱞᱟᱹᱜᱤᱫ ᱛᱮ ᱵᱮᱱᱟᱣ ᱟᱨ ᱥᱚᱞᱩᱥᱚᱱ ᱮᱢᱚᱜ ᱞᱟᱹᱜᱤᱫ ᱱᱚᱣᱟ ᱫᱚ ᱨᱩᱠᱷᱭᱟᱹ ᱢᱚᱱᱛᱨᱤ ᱟᱨ ᱞᱮᱵᱚᱨᱴᱚᱨᱤ ᱠᱚ ᱥᱟᱶ ᱠᱟᱹᱢᱤ ᱠᱟᱱᱟ ᱾[᱒᱗][᱒᱘]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ↑ "Tata Power Company Ltd. – Company Info – Management". Economic Times. Retrieved 1 September 2013.
  2. ↑ "Tata Power Integrated Q4FY2023" (PDF).
  3. ↑ Contact Us | Largest Power Producers India. Tatapower.com. Retrieved on 26 December 2018.
  4. ↑ "About Us – Profile". Tata Power. Retrieved 1 September 2013.
  5. ↑ "Fact sheet – General Background". Tata Power. Retrieved 1 September 2013.
  6. ↑ Sengupta, Debjoy (24 August 2016). "Tata Power enhances generation capacity by 9 per cent". The Economic Times. Retrieved 24 August 2016.
  7. ↑ "Tata Power-Profile". www.tatapower.com. Retrieved 27 May 2016.
  8. ↑ Thakkar, Mitul (4 April 2014). "Adani Power becomes India's largest private power producer". The Economic Times. Retrieved 8 September 2014.
  9. ↑ ᱙.᱐ ᱙.᱑ "Tata Power eyes stronger overseas presence". Business Standard. 23 June 2013. Retrieved 1 September 2013.
  10. ↑ "Market capitalisation of Tata companies as on August 29, 2013". Tata Group. 30 August 2013. Archived from the original on 21 August 2013. Retrieved 1 September 2013.
  11. ↑ Are businesses becoming more responsible?. Livemint. 18 September 2017.
  12. ↑ Bureau, BS B2B (7 February 2017). "Tata Power Solar becomes first Indian firm to ship out 1 GW solar modules". Business Standard India. Retrieved 9 March 2017.
  13. ↑ Kale, Sunila (2014). Electrifying India: Regional Political Economies of Development. Stanford University Press. p. 72. ISBN 978-0-8047-9102-1.
  14. ↑ Tyson, Kirk (1996). Competition in the 21st Century. CRC Press. p. 173. ISBN 978-1-57444-032-4.
  15. ↑ "Tata Power Company Ltd". NDTV.com. Archived from the original on 23 August 2017. Retrieved 1 September 2013.
  16. ↑ "History: Our Legacy". Tata Power. Retrieved 1 September 2013.
  17. ↑ "Tata Power, SN Power announce their partnership to set up hydro power projects in India & Nepal". Business Standard. 30 October 2009. Retrieved 1 September 2013.
  18. ↑ ᱑᱘.᱐ ᱑᱘.᱑ "Business Responsibility Report for FY 2012–13" (PDF). Tata Power. Retrieved 1 September 2013.
  19. ↑ ᱑᱙.᱐ ᱑᱙.᱑ "Power Projects". Tata Power. Retrieved 1 September 2013.
  20. ↑ "Trombay plant's 500MW unit modernisation by '15: Tata Power". moneycontrol.com. 16 December 2012. Retrieved 1 September 2013.
  21. ↑ "Profile – Tata Power Delhi Distribution". Tata Group. Archived from the original on 3 October 2013. Retrieved 1 September 2013.
  22. ↑ "Tata Power's second unit of Maithon project on stream". 25 July 2012.
  23. ↑ "Tata Power has mega core plans". Economic Times. 7 February 2008. Retrieved 1 September 2013.
  24. ↑ "Tired of delays, Tata Power turns to overseas for expansion". The Times of India. 29 July 2012. Archived from the original on 1 September 2013. Retrieved 1 September 2013.
  25. ↑ "Sustainability Report 2008-09 – Tata Power" (PDF). Tata Power. Retrieved 1 September 2013.
  26. ↑ "Tata Power arm wins coal mine in Russia". The Economic Times. 22 December 2017. Archived from the original on 4 August 2018. Tata Power today said its Russian subsidiary Far Eastern Natural Resources LLC has bagged the mining licence for a thermal coal mine in Kamchatka province in far east Russia.
  27. ↑ "Strategic Engineering Division (SED)". Tata Power. Retrieved 1 September 2013.
  28. ↑ "Centre for Excellence in Strategic Electronic". Tata Power SED. Archived from the original on 2 August 2014. Retrieved 1 September 2013.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

"https://sat.wikipedia.org/w/index.php?title=ᱴᱟᱴᱟ_ᱯᱟᱣᱟᱨ&oldid=144888" ᱠᱷᱚᱱ ᱧᱟᱢ ᱟᱹᱜᱩᱭ