ᱯᱤ ᱵᱟᱱᱩᱢᱚᱛᱤ
| ᱯᱤ ᱵᱟᱱᱩᱢᱚᱛᱤ | |
|---|---|
 ᱒᱐᱑᱓ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱥᱴᱟᱢᱯ ᱨᱮ ᱵᱷᱟᱱᱩᱢᱟᱛᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱗ ᱥᱮᱯᱴᱮᱢᱵᱚᱨ ᱑᱙᱒᱕ ᱰᱳᱰᱟᱵᱚᱨᱚᱢ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱨᱟᱡᱟᱵᱟᱫᱽ ᱵᱨᱤᱴᱤᱥ ᱤᱱᱰᱤᱭᱟ (ᱱᱤᱛᱚᱜ ᱟᱱᱫᱷᱨᱚ ᱯᱨᱚᱫᱮᱥ, ᱥᱤᱧᱚᱛ) |
| ᱜᱩᱨ | ᱒᱔ ᱰᱤᱥᱮᱢᱵᱚᱨ ᱒᱐᱐᱕ (᱘᱐ ᱵᱚᱭᱚᱥ) ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ, ᱥᱤᱧᱚᱛ |
| ᱠᱟᱹᱢᱤ | ᱟᱠᱴᱨᱮᱥ, ᱥᱮᱨᱮᱧ ᱜᱟᱵᱟᱱᱤᱭᱟᱹ, ᱥᱮᱨᱮᱧ ᱚᱱᱞᱤᱭᱟᱹ, ᱥᱮᱨᱮᱧ ᱰᱤᱨᱮᱠᱴᱚᱨ, ᱯᱨᱚᱰᱭᱩᱥᱚᱨ, ᱥᱴᱩᱰᱤᱭᱳ ᱚᱱᱟᱨ |
| ᱡᱤᱭᱚᱱ ᱥᱚᱦᱮᱫ | ᱯᱤ. ᱮᱥ. ᱨᱟᱢᱠᱨᱤᱥᱱᱟ ᱨᱟᱣ |
| Honours | ᱯᱚᱫᱽᱢᱚ ᱵᱷᱩᱥᱟᱱ (᱒᱐᱐᱑) ᱯᱚᱫᱽᱢᱚ ᱥᱨᱤ (᱑᱙᱖᱖) |
ᱯᱤ ᱵᱳᱱᱩᱢᱚᱛᱤ ᱨᱟᱢᱠᱨᱟᱥᱚᱱ (7 ᱥᱮᱯᱴᱮᱢᱵᱚᱨ 1925ᱼ24 ᱰᱤᱥᱮᱢᱵᱚᱨ 2005) ᱢᱤᱫᱦᱚᱲ ᱵᱷᱟᱨᱚᱛᱤᱭᱚ ᱯᱟᱴᱷᱚᱠᱤᱭᱟᱹ, ᱥᱮᱨᱮᱧᱤᱭᱟᱹ, ᱪᱚᱞᱚᱛᱪᱤᱛᱟᱹᱨ ᱥᱟᱯᱲᱟᱣᱤᱡ, ᱥᱟᱯᱲᱟᱣᱤᱡ, ᱥᱮᱨᱮᱧ ᱵᱮᱱᱟᱣᱤᱡ ᱟᱨ ᱜᱟᱢᱟᱢᱤᱭᱟᱹ ᱛᱟᱦᱮᱸᱠᱟᱱᱟ ᱾ ᱩᱱᱤ ᱛᱮᱞᱮᱜᱩ ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱯᱳᱭᱞᱳ ᱛᱤᱨᱞᱟᱹ ᱥᱩᱯᱟᱨ ᱥᱴᱟᱨ ᱞᱮᱠᱟᱛᱮᱠᱚ ᱢᱚᱱᱮᱭᱟ ᱾[᱑] ᱩᱱᱤ ᱛᱮᱞᱮᱜᱩ ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱯᱳᱭᱞᱳ ᱛᱤᱨᱞᱟᱹ ᱥᱟᱯᱲᱟᱣᱤᱡ ᱞᱮᱠᱟᱛᱮ ᱠᱚ ᱩᱭᱦᱟᱹᱨᱟ, ᱡᱟᱸᱦᱟ ᱫᱚ ᱟᱭᱟᱜ ᱯᱳᱭᱞᱳ ᱥᱟᱯᱲᱟᱣᱤᱡ ᱪᱚᱱᱫᱤᱨᱟᱱᱤ(1953) ᱾[᱒] ᱵᱷᱳᱱᱩᱢᱚᱛᱤ ᱫᱚ 100 ᱜᱚᱴᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱪᱚᱞᱚᱛ ᱪᱤᱛᱟᱹᱨ ᱨᱮ ᱯᱟᱴᱷ ᱟᱠᱟᱫᱟᱭ, ᱡᱟᱦᱟᱸ ᱫᱚ ᱢᱩᱬᱩᱫ ᱛᱮ ᱛᱮᱞᱮᱜᱩ ᱛᱟᱢᱤᱞ ᱯᱟᱹᱨᱥᱤ ᱛᱮ ᱾ ᱵᱷᱟᱨᱚᱛ ᱪᱚᱞᱚᱛ ᱪᱤᱛᱟᱹᱨ ᱨᱮ ᱟᱭᱟᱜ ᱮᱱᱮᱢ ᱞᱟᱹᱜᱤᱫ 2001 ᱥᱟᱹᱦᱤᱛ ᱨᱮ ᱩᱱᱤ ᱯᱚᱫᱽᱫᱚ ᱵᱷᱩᱥᱚᱱ ᱢᱟᱹᱱ ᱮ ᱧᱟᱢ ᱞᱮᱫᱟ ᱾[᱓] ᱵᱷᱟᱨᱚᱛ ᱨᱮᱭᱟᱜ ᱟᱱ ᱡᱮᱜᱮᱫ ᱡᱟᱠᱟᱛ ᱪᱚᱞᱚᱛᱪᱤᱛᱟᱹᱨ ᱯᱚᱨᱚᱵᱽ ᱨᱮ "ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱛᱤᱨᱞᱟᱹ" ᱠᱚ ᱢᱩᱫᱽᱨᱮ ᱩᱱᱤ ᱢᱟᱹᱱᱮ ᱧᱟᱢ ᱞᱮᱫᱟ ᱾[᱔]
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
1925 ᱥᱟᱹᱦᱤᱛ ᱨᱮᱭᱟᱜ 7 ᱥᱮᱯᱴᱮᱢᱵᱚᱨ ᱚᱱᱫᱨᱚᱯᱨᱚᱫᱮᱥ ᱨᱮᱭᱟᱜ ᱳᱝᱜᱳᱞ ᱥᱳᱨ ᱨᱮ ᱯᱨᱚᱠᱟᱥᱚᱢ ᱦᱚᱱᱚᱛ ᱨᱮᱭᱟᱜ ᱰᱩᱫᱫᱟᱵᱚᱨᱚᱢ ᱟᱛᱳ ᱨᱮ ᱵᱷᱳᱱᱩᱢᱚᱛᱤ ᱡᱟᱱᱟᱢ ᱞᱮᱱᱟ ᱾ ᱵᱳᱢᱢᱟᱨᱟᱡᱩ ᱥᱚᱨᱥᱚᱛᱚᱢᱢᱟ, ᱵᱷᱮᱝᱠᱛᱟ ᱥᱩᱵᱽᱵᱟᱭᱭᱟ ᱨᱮᱱ ᱛᱮᱥᱟᱨ ᱜᱤᱫᱽᱨᱟᱹ ᱠᱟᱱᱟᱭ ᱾[᱕][᱖] ᱩᱱᱤ ᱫᱚ ᱟᱡ ᱵᱟᱵᱟ ᱟᱭᱢᱟ ᱥᱴᱮᱡ ᱥᱳ ᱨᱮ ᱯᱟᱴᱷ ᱧᱮᱞ ᱠᱟᱛᱮ ᱢᱟᱨᱟᱝ ᱞᱮᱱᱟ ᱾ ᱵᱷᱳᱱᱩᱢᱚᱛᱤ ᱨᱮᱱ ᱵᱟᱵᱟ ᱵᱷᱮᱱᱠᱛᱟ ᱥᱩᱵᱽᱵᱟᱭᱭᱟ ᱢᱤᱫ ᱥᱟᱥᱛᱚᱨ ᱥᱮᱨᱮᱧ ᱨᱮᱱ ᱜᱟᱛᱮ ᱮ ᱛᱟᱦᱮᱸᱠᱟᱱᱟ ᱟᱨ ᱩᱱᱤ ᱫᱚ ᱠᱟᱹᱴᱤᱡ ᱩᱢᱮᱨ ᱠᱷᱚᱱ ᱥᱮᱨᱮᱧ ᱨᱮ ᱥᱮᱪᱮᱫ ᱮ ᱧᱟᱢ ᱞᱮᱫᱟ ᱾ [᱗]
ᱠᱟᱹᱢᱤᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
1939 ᱥᱟᱹᱦᱤᱛ ᱨᱮ ᱵᱷᱳᱱᱩᱢᱚᱛᱤ ᱪᱚᱞᱚᱛ ᱪᱤᱛᱟᱹᱨ ᱵᱤᱨᱤᱫ ᱨᱮᱭ ᱥᱮᱴᱮᱨ ᱞᱮᱱᱟ ᱟᱨ ᱛᱮᱞᱮᱜᱩ, ᱛᱟᱢᱤᱞ ᱯᱟᱹᱨᱥᱤ ᱛᱮ 100 ᱜᱚᱴᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱪᱚᱞᱚᱛ ᱪᱤᱛᱟᱹᱨ ᱨᱮᱭ ᱯᱟᱴᱷ ᱞᱮᱫᱟ ᱾ ᱩᱱᱤ ᱫᱚ ᱢᱤᱫᱦᱚᱲ ᱚᱱᱚᱞᱤᱭᱟᱹ, ᱯᱟᱴᱷᱚᱠ, ᱥᱟᱯᱲᱟᱣᱤᱡ, ᱥᱟᱯᱲᱟᱣᱤᱡ ᱟᱨ ᱥᱴᱤᱰᱤᱣᱳ ᱨᱮᱱ ᱢᱟᱹᱞᱤᱠ ᱞᱮᱠᱟᱛᱮ ᱪᱚᱞᱚᱛ ᱪᱤᱛᱟᱹᱨ ᱵᱤᱨᱤᱫ ᱨᱮᱱ ᱦᱚᱲᱠᱚ ᱩᱱᱤ ᱫᱚ ᱚᱥᱛᱚᱵᱚᱫᱚᱱᱤ ᱧᱩᱛᱩᱢ ᱛᱮ ᱠᱚ ᱞᱟᱹᱭ ᱥᱚᱫᱚᱨ ᱞᱮᱫᱟ ᱾ ᱡᱮᱛᱷᱱᱛᱨᱚ ᱩᱭᱦᱟᱹᱨᱟᱱ ᱪᱮᱛᱟᱱ ᱨᱮ ᱩᱱᱤᱭᱟᱜ ᱟᱹᱰᱤ ᱱᱟᱯᱟᱭ ᱩᱯᱟᱹᱭ ᱛᱟᱦᱮᱸ ᱠᱟᱱᱟ ᱾[᱘] ᱩᱱᱤ ᱛᱮᱞᱮᱜᱩ ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱯᱳᱭᱞᱳ ᱛᱤᱨᱞᱟᱹ ᱥᱩᱯᱟᱨ ᱥᱴᱟᱨ ᱞᱮᱠᱟᱛᱮᱠᱚ ᱢᱚᱱᱮ ᱦᱩᱭᱩᱜ ᱠᱟᱱᱟ ᱾[᱑]
ᱪᱚᱞᱚᱛᱪᱤᱛᱟᱹᱨ ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ 1939 ᱥᱟᱹᱦᱤᱛ ᱨᱮ ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱨᱮ ᱠᱟᱞᱤᱱᱫᱤ (ᱢᱤᱫ 13 ᱥᱮᱨᱢᱟ ᱩᱢᱮᱨᱟᱱ ᱠᱩᱲᱤ ᱡᱟᱦᱟᱸᱭ ᱫᱚ ᱢᱤᱫ ᱩᱢᱮᱨᱟᱱ ᱦᱚᱲ ᱥᱟᱶᱛᱮ ᱵᱟᱯᱞᱟ ᱞᱟᱹᱜᱤᱫ ᱮ ᱡᱳᱨ ᱞᱮᱫᱮᱭᱟ ᱟᱨ ᱥᱤ ᱯᱩᱞᱞᱟᱭᱤᱭᱟ ᱫᱟᱨᱟᱭ ᱛᱮ ᱥᱟᱯᱲᱟᱣ ᱵᱚᱨ ᱵᱤᱠᱨᱟᱭᱚᱢ (ᱛᱮᱞᱮᱜᱩ) ᱪᱤᱛᱟᱹᱨ ᱨᱮ ᱟᱡ ᱟᱡᱮ ᱜᱚᱡ ᱞᱮᱫᱮᱭᱟ ᱾ ᱩᱱᱤ ᱫᱚ ᱢᱟᱞᱚᱛᱤ ᱢᱟᱫᱚᱵᱚᱢ, ᱫᱷᱚᱨᱚᱢ ᱯᱟᱛᱚᱱᱤ ᱟᱨ ᱵᱷᱟᱠᱛᱤᱢᱟᱞᱟ ᱾ ᱯᱟᱴᱷ ᱞᱮᱫᱟᱭ ᱾ ᱟᱭᱟᱜ ᱯᱳᱭᱞᱳ ᱦᱚᱲᱠᱩᱥᱤ ᱪᱚᱞᱚᱛ ᱪᱤᱛᱟᱹᱨ ᱫᱚ ᱛᱟᱦᱮᱸ ᱠᱟᱱᱟ ᱠᱨᱤᱥᱱ ᱯᱮᱨᱟᱢᱟ ᱾ ᱩᱱᱤᱭᱟᱜ ᱛᱟᱭᱚᱢ ᱫᱟᱨᱟᱢ ᱦᱚᱲᱠᱩᱥᱤ ᱪᱚᱞᱚᱛ ᱪᱤᱛᱟᱹᱨ ᱫᱚ ᱛᱟᱦᱮᱸ ᱠᱟᱱᱟ ᱥᱚᱨᱜᱥᱤᱢᱟ, ᱡᱟᱸᱦᱟ ᱫᱚ ᱩᱱᱤᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱢᱤᱫᱴᱟᱝ ᱢᱳᱞᱤᱠᱳᱱ ᱪᱚᱞᱚᱛ ᱪᱤᱛᱟᱹᱨ ᱾ ᱥᱚᱨᱜᱥᱤᱢᱟ ᱨᱮ ᱩᱱᱤ ᱫᱚ ᱢᱤᱫ ᱵᱟᱝᱼᱵᱟᱹᱲᱤᱡ ᱪᱤᱛᱟᱹᱨ ᱨᱮᱱ ᱠᱟᱹᱨᱤᱜᱚᱞ ᱟᱜ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱡᱟᱦᱟᱸᱭ ᱫᱚ ᱟᱡᱟᱜ ᱵᱮᱼᱵᱟᱹᱛᱤᱞ ᱥᱩᱵᱤᱫᱷᱟ ᱞᱟᱹᱜᱤᱫ ᱢᱤᱫ ᱵᱟᱯᱞᱟ ᱦᱚᱲ ᱛᱟᱭᱚᱢ ᱛᱮ ᱪᱟᱞᱟᱣ ᱞᱮᱱᱟ ᱾ 'ᱳᱦᱳ ᱯᱟᱱᱩᱨᱟᱢᱟ' ᱥᱮᱨᱮᱧ (ᱥᱚᱨᱜᱥᱤᱢᱟ ᱩᱱᱤ ᱥᱮᱨᱮᱧ ᱟᱠᱟᱫᱟ) ᱟᱹᱰᱤ ᱥᱤᱜᱤᱞ ᱞᱮᱱᱟ ᱟᱨ ᱩᱱᱤ ᱫᱚ ᱚᱯᱷᱟᱨ ᱠᱚ ᱮᱢ ᱞᱮᱫᱟ ᱾ ᱛᱟᱭᱚᱢ ᱛᱮ ᱩᱱᱤ ᱪᱚᱠᱨᱟᱯᱟᱱᱤ, ᱞᱟᱭᱞᱟ ᱢᱟᱡᱚᱱᱩ, ᱵᱤᱯᱨᱟᱱᱨᱟᱭᱟᱱᱟ, ᱢᱚᱞᱞᱤᱥᱳᱲᱤ, ᱵᱟᱛᱟᱥᱟᱨᱤ ᱟᱨ ᱚᱱᱛᱚᱥᱛᱩᱞᱩ ᱞᱮᱠᱟᱱ ᱟᱭᱢᱟ ᱩᱭᱦᱟᱹᱨᱟᱱ ᱪᱚᱞᱚᱛᱪᱤᱛᱟᱹᱨ ᱨᱮᱭ ᱯᱟᱴᱷ ᱞᱮᱫᱟ ᱾ 1949 ᱥᱟᱹᱦᱤᱛ ᱨᱮ ᱩᱱ ᱫᱤᱱ ᱨᱮᱱ ᱧᱩᱛᱩᱢᱟᱱ ᱯᱟᱴᱷᱚᱠᱤᱭᱟᱹ ᱯᱤ ᱤᱭᱩ ᱪᱤᱱᱱᱟᱯᱯᱟ ᱥᱟᱶᱛᱮ ᱟᱡᱟᱜ ᱯᱳᱭᱞᱳ ᱛᱟᱢᱤᱞ ᱪᱤᱛᱟᱹᱨ ᱛᱟᱦᱮᱸ ᱠᱟᱱᱟ ᱨᱚᱛᱱᱟᱠᱩᱢᱟᱨ ᱱᱚᱣᱟ ᱪᱤᱛᱟᱹᱨ ᱫᱚ ᱠᱨᱤᱥᱱᱚᱱᱼᱯᱟᱱᱡᱩ ᱫᱟᱨᱟᱭ ᱛᱮ ᱪᱟᱪᱟᱞᱟᱣ ᱞᱮᱱᱟ ᱾ 1953 ᱥᱟᱹᱦᱤᱛ ᱨᱮ, ᱩᱱᱤ ᱫᱚ ᱪᱚᱱᱫᱤᱨᱟᱱᱤ (ᱢᱤᱫ ᱥᱟᱶᱛᱮ ᱛᱟᱢᱤᱞ, ᱛᱮᱞᱮᱜᱩ ᱟᱨ ᱦᱤᱱᱫᱤ) ᱛᱟᱞᱟᱛᱮ ᱥᱟᱯᱲᱟᱣ ᱮ ᱮᱛᱚᱦᱚᱵ ᱞᱮᱫᱟ ᱾
ᱥᱟᱶᱦᱮᱫ ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱳᱱᱩᱢᱚᱛᱤ ᱫᱚ ᱢᱤᱫ ᱦᱚᱲ ᱱᱟᱯᱟᱭ ᱚᱱᱚᱞᱤᱭᱟᱹ ᱮ ᱛᱟᱸᱦᱮ ᱠᱟᱱᱟ, ᱡᱟᱦᱟᱭ ᱫᱚ ᱟᱭᱢᱟ ᱦᱩᱰᱤᱧ ᱠᱟᱹᱦᱱᱤ ᱮ ᱚᱞ ᱞᱮᱫᱟ ᱾ ᱩᱱᱤᱭᱟᱜ ᱡᱤᱭᱚᱱᱼᱵᱚᱭᱤ 'ᱱᱟᱞᱳᱱᱩ' ᱛᱮᱞᱮᱜᱩ ᱯᱟᱹᱨᱥᱤᱛᱮ ᱩᱪᱷᱟᱹᱱ ᱞᱮᱱᱟ ᱟᱨ ᱛᱟᱭᱚᱢᱛᱮ, ᱤᱝᱨᱮᱡᱤ ᱯᱟᱹᱨᱥᱤ ᱛᱮ 'ᱢᱩᱭᱥᱤᱝᱥ' ᱧᱩᱛᱩᱢ ᱛᱮ ᱩᱪᱷᱟᱹᱱ ᱞᱮᱱᱟ ᱾ ᱚᱱᱫᱷᱚᱨᱟ ᱯᱨᱚᱫᱮᱥ ᱮᱠᱟᱫᱮᱢᱤ ᱫᱚ ᱩᱱᱤᱭᱟᱜ ᱦᱚᱲᱠᱩᱥᱤ ᱠᱟᱹᱴᱤᱡ ᱠᱟᱹᱦᱱᱤ "ᱚᱱᱛᱚᱜᱟᱨᱤ ᱠᱟᱛᱷᱟᱞᱩ" ᱞᱟᱹᱜᱤᱫ ᱥᱚᱨᱮᱥ ᱦᱩᱰᱤᱧ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱢᱟᱹᱱ ᱮ ᱧᱟᱢ ᱞᱮᱫᱟ ᱾[᱙] ᱩᱱᱤ ᱫᱚ 5 ᱥᱮᱨᱢᱟ ᱞᱟᱹᱜᱤᱫ ᱞᱟᱹᱞᱤᱛ ᱠᱟᱞᱟ ᱮᱠᱟᱫᱟᱰᱤ ᱟᱨ 10 ᱥᱮᱨᱢᱟ ᱞᱟᱹᱜᱤᱫ ᱚᱱᱫᱨᱚᱯᱨᱚᱫᱮᱥ ᱨᱮᱭᱟᱜ ᱥᱟᱦᱤᱛᱤᱭᱚ ᱮᱠᱟᱫᱟᱰᱤ ᱨᱮᱱ ᱨᱟᱹᱥᱤᱭᱟᱹ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱛᱟᱢᱤᱞᱱᱟᱲᱩ ᱥᱚᱨᱠᱟᱨᱟᱜ ᱥᱮᱨᱮᱧ ᱢᱟᱦᱟᱵᱤᱨᱫᱟᱹᱜᱟᱲ ᱨᱮᱱ ᱥᱟᱯᱲᱟᱣᱤᱡ ᱟᱨ ᱯᱨᱤᱱᱥᱤᱯᱮᱞ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟᱭ ᱾
ᱱᱤᱡᱮᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱨᱤᱥᱱᱚᱯᱨᱮᱢᱟ ᱪᱤᱛᱟᱹᱨ ᱨᱮ ᱪᱤᱛᱟᱹᱨ ᱵᱮᱱᱟᱣ ᱚᱠᱛᱚ ᱩᱱᱤ ᱫᱚ ᱚᱱᱟ ᱪᱤᱛᱟᱹᱨ ᱨᱮᱱ ᱢᱤᱫ ᱦᱚᱲ ᱜᱚᱲᱚ ᱥᱟᱯᱲᱟᱣᱤᱡ ᱯᱤ ᱮᱥ ᱨᱟᱢᱠᱨᱟᱥᱚᱱ ᱨᱟᱣᱥᱟᱶ ᱮ ᱧᱮᱞ ᱞᱮᱱᱟ ᱾ ᱩᱱᱤ ᱫᱚ ᱛᱮᱞᱮᱜᱩ ᱟᱨ ᱛᱟᱢᱤᱞ ᱪᱚᱞᱚᱛᱪᱤᱛᱟᱹᱨ ᱨᱮᱱ ᱢᱤᱫ ᱦᱚᱲ ᱪᱚᱞᱚᱛ ᱪᱤᱛᱟᱹᱨ ᱵᱮᱱᱟᱣᱤᱡ, ᱥᱟᱯᱲᱟᱣᱤᱡ ᱟᱨ ᱥᱟᱯᱲᱟᱣᱤᱡ ᱮ ᱛᱟᱦᱮᱸᱠᱟᱱᱟ ᱾ ᱩᱱᱠᱩ ᱫᱚ 8 ᱟᱜᱚᱥᱴ 1943 ᱥᱟᱹᱦᱤᱛ ᱨᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱠᱩ ᱨᱮᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ, ᱡᱟᱦᱟᱸᱭ ᱫᱚ ᱵᱷᱟᱨᱟᱱᱤ ᱾ ᱛᱟᱭᱚᱢᱛᱮ ᱩᱱᱠᱩ ᱫᱚ ᱩᱱᱠᱩ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱧᱩᱛᱩᱢ ᱛᱮ ᱵᱷᱟᱨᱟᱱᱤ ᱯᱤᱠᱪᱟᱨᱥ ᱧᱩᱛᱩᱢ ᱛᱮ ᱢᱤᱫᱴᱟᱝ ᱦᱚᱲᱠᱩᱥᱤ ᱯᱨᱚᱰᱟᱠᱥᱚᱱ ᱠᱳᱢᱯᱟᱱᱤ ᱠᱚ ᱮᱛᱚᱦᱚᱵ ᱞᱮᱫᱟ ᱾ ᱩᱱᱤ ᱫᱚ 80 ᱥᱮᱨᱢᱟ ᱩᱢᱮᱨ ᱨᱮ ᱪᱮᱱᱱᱟᱭ ᱜᱚᱡ ᱞᱮᱱᱟ ᱾ [᱑᱐]
ᱥᱤᱨᱯᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱢᱟᱹᱱ
- 2001 ᱥᱟᱹᱦᱤᱛ ᱨᱮ ᱯᱚᱫᱽᱫᱚ ᱵᱷᱩᱥᱚᱱ [᱑᱑]
- 1966 ᱥᱟᱹᱦᱤᱛ ᱨᱮ ᱯᱚᱫᱽᱫᱚ ᱥᱨᱤ[᱑᱑]
- ᱯᱟᱴᱷ ᱨᱮ ᱫᱤᱥᱚᱢ ᱜᱚᱢᱠᱮ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱾
- 1962 ᱥᱟᱹᱦᱤᱛ ᱨᱮ ᱟᱱᱱᱟᱭ
- 1965 ᱥᱟᱹᱦᱤᱛ ᱨᱮ ᱟᱱᱴᱟᱥᱴᱩᱞᱩ
- 1966 ᱥᱟᱹᱦᱤᱛ ᱨᱮ ᱯᱟᱞᱱᱟᱛᱤ ᱡᱩᱫᱫᱷᱟᱢ
- ᱡᱟᱹᱛᱤᱭᱟᱹᱨᱤ ᱪᱚᱞᱚᱛ ᱪᱤᱛᱟᱹᱨ ᱥᱤᱨᱯᱟᱹ
- 1993 ᱥᱟᱹᱦᱤᱛ ᱨᱮ 'ᱱᱟᱞᱳ ᱱᱟᱱᱩ' ᱧᱩᱛᱩᱢᱟᱱ ᱢᱤᱫᱴᱟᱝ ᱟᱡᱼᱵᱚᱭᱟᱹ ᱪᱤᱛᱟᱹᱨ ᱞᱟᱹᱜᱤᱫ ᱥᱚᱨᱮᱥ ᱚᱱᱚᱞᱤᱭᱟᱹ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱪᱚᱞᱚᱛ ᱪᱤᱛᱟᱹᱨ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱾
- ᱯᱷᱤᱞᱢᱯᱷᱮᱭᱟᱨ ᱮᱣᱟᱨᱰᱥ ᱫᱚᱠᱷᱤᱱ
- ᱯᱷᱤᱞᱢᱯᱷᱮᱭᱟᱨ ᱞᱟᱭᱤᱯᱷᱴᱟᱭᱤᱢ ᱮᱪᱤᱵᱷᱢᱮᱱᱴ ᱥᱤᱨᱯᱟᱹᱭᱼ ᱫᱚᱠᱷᱤᱱ (1987) [᱑᱒]
- ᱱᱚᱱᱫᱤ ᱥᱤᱨᱯᱟᱹ
- 1985 ᱥᱟᱹᱦᱤᱛ ᱨᱮ ᱚᱱᱫᱨᱚᱯᱨᱚᱫᱮᱥ ᱥᱚᱨᱠᱟᱨ ᱴᱷᱮᱱ ᱠᱷᱚᱱ ᱨᱟᱜᱽᱩᱯᱚᱛᱤ ᱵᱷᱮᱝᱠᱮᱭᱟ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱾
- ᱥᱚᱨᱮᱥ ᱥᱟᱯᱲᱟᱣᱤᱡ ᱞᱟᱹᱜᱤᱫ ᱱᱚᱱᱫᱤ ᱥᱤᱨᱯᱟᱹᱭ ᱧᱟᱢ ᱞᱮᱫᱟ 1986 ᱥᱟᱹᱦᱤᱛ ᱨᱮ ᱾
- 2000 ᱥᱟᱹᱦᱤᱛ ᱨᱮ ᱚᱱᱫᱨᱚᱯᱨᱚᱫᱮᱥ ᱥᱚᱨᱠᱟᱨ ᱴᱷᱮᱱ ᱠᱷᱚᱱ ᱮᱱ ᱴᱤ ᱟᱨ ᱡᱟᱹᱛᱤᱭᱟᱹᱨᱤ ᱥᱤᱨᱯᱟᱹ ᱾
- ᱛᱟᱢᱤᱞ ᱱᱟᱰᱩ ᱯᱚᱱᱚᱛ ᱪᱚᱞᱚᱛ ᱪᱤᱛᱟᱹᱨ ᱥᱤᱨᱯᱟᱹᱭ ᱧᱟᱢ ᱟᱠᱟᱫᱟ ᱾
- ᱛᱟᱢᱤᱞᱱᱟᱲᱩ ᱯᱚᱱᱚᱛ ᱪᱚᱞᱚᱛ ᱪᱤᱛᱟᱹᱨ ᱢᱟᱹᱱ ᱥᱤᱨᱯᱟᱹᱼ 1992 ᱥᱟᱹᱦᱤᱛ ᱨᱮ "ᱟᱨᱤᱝᱜᱱᱟᱨ ᱟᱱᱱᱟ ᱥᱤᱨᱯᱟᱹ" ᱾
- ᱯᱚᱱᱚᱛ ᱥᱤᱨᱯᱟᱹ ᱾
- ᱠᱟᱞᱟᱭᱢᱟᱢᱟᱱᱤ (ᱠᱟᱹᱨᱤᱜᱚᱞ), ᱛᱟᱢᱤᱞᱱᱟᱲᱩ ᱥᱚᱨᱠᱟᱨ, 1983 ᱥᱟᱹᱦᱤᱛ ᱨᱮ ᱾
- ᱮᱴᱟᱜ ᱢᱟᱹᱱ
- ᱠᱟᱞᱚᱯᱨᱚᱯᱩᱨᱱᱟ, ᱚᱱᱫᱨᱚ ᱡᱮᱜᱮᱫ ᱵᱤᱨᱫᱟᱹᱜᱟᱲ, ᱵᱤᱥᱚᱠᱚᱯᱚᱛᱚᱱᱚᱢ, 1975 ᱥᱟᱹᱦᱤᱛ ᱨᱮ
- ᱢᱟᱹᱱ ᱟᱱᱟᱜ ᱰᱚᱠᱴᱳᱨᱮᱴ, ᱥᱨᱤ ᱵᱷᱮᱱᱠᱚᱛᱚᱥᱚᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ,ᱛᱩᱨᱩᱯᱚᱛᱤ, 1984 ᱥᱟᱹᱦᱤᱛ ᱨᱮ
- 1998 ᱥᱟᱹᱦᱤᱛ ᱞᱟᱹᱜᱤᱫ ᱥᱨᱤ ᱨᱟᱡᱟᱼᱞᱚᱠᱠᱷᱤ ᱯᱷᱟᱣᱩᱱᱰᱮᱥᱚᱱ, ᱪᱮᱱᱱᱟᱭ ᱠᱷᱚᱱ ᱨᱟᱡᱟᱼᱞᱚᱠᱠᱷᱩᱢᱤ ᱥᱤᱨᱯᱟᱹ
- ᱥᱤ ᱮᱱ ᱟᱱᱱᱟᱫᱩᱨᱟᱭ "ᱨᱟᱝᱜᱩᱱ ᱨᱟᱫᱷᱟ" ᱪᱤᱛᱟᱹᱨ ᱨᱮ ᱟᱡᱟᱜ ᱥᱚᱨᱮᱥ ᱯᱟᱴᱷ ᱞᱟᱹᱜᱤᱫ ᱩᱱᱤ "ᱱᱟᱰᱤᱯᱩᱯᱩᱠᱩ ᱤᱞᱚᱠᱠᱟᱱᱚᱢ" ᱧᱩᱛᱩᱢ ᱛᱮ ᱢᱟᱹᱱ ᱞᱮᱫᱮᱭᱟ
- 1956 ᱥᱟᱹᱦᱤᱛ ᱨᱮ ᱯᱚᱱᱚᱛ ᱵᱮᱱᱟᱣ ᱚᱠᱛᱚ ᱚᱱᱫᱨᱚᱯᱨᱚᱫᱮᱥ ᱥᱚᱨᱠᱟᱨ ᱫᱟᱨᱟᱭ ᱛᱮ ᱢᱟᱹᱱ ᱧᱟᱢ ᱦᱚᱲ ᱠᱚ ᱢᱩᱫᱽᱨᱮ ᱩᱱᱤ ᱫᱚ ᱢᱤᱫ ᱦᱚᱲ ᱮ ᱛᱟᱦᱮᱸᱠᱟᱱᱟ
ᱯᱷᱤᱞᱢᱳᱜᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ K., Janani. "Bhanumathi Ramakrishna undergoes title change after veteran actress's son files case". India Today (in ᱟᱝᱜᱽᱨᱮᱡᱤ). Retrieved 2021-05-11. ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; name ":0" defined multiple times with different content - ↑ "History of Birth And Growth of Telugu Cinema (Part 13)". CineGoer.com. Archived from the original on 7 February 2012. Retrieved 2022-10-15.
- ↑ "Bhanumathi Ramakrishna". AP Talkies. Archived from the original on 18 August 2014. Retrieved 3 September 2014.
- ↑ "Directorate of Film Festival" (PDF). Archived from the original (PDF) on 30 January 2013. Retrieved 1 July 2016.
- ↑ "Actor Bhanumathi remembered". The Hindu (in Indian English). 2016-09-09. ISSN 0971-751X. Retrieved 2021-05-11.
- ↑ "Telugu Cinema Etc — Idlebrain.com".
- ↑ "Padmasri Banumati". South India. Archived from the original on 18 May 2006. Retrieved 19 May 2006.
- ↑ "Actress Bhanumathi passes away". The Times of India (in ᱟᱝᱜᱽᱨᱮᱡᱤ). 26 December 2005. Retrieved 2021-05-11.
- ↑ "Attagari Kathalu". Sriram's Weblog. May 2009.
- ↑ "Front Page : Veteran actress Banumathi passes away". The Hindu. 2005-12-25. Archived from the original on 2005-12-27.
- ↑ ᱑᱑.᱐ ᱑᱑.᱑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.
- ↑ "Lifetime Achievement Award (South) winners down the years..." filmfare.com.